رواية حب بلا ملامح الفصل السادس 6 - بقلم الحساب مغلق

كم يوم اتسوك الهم والنا نفس قبل نسمه كامت تبات يمهم لمن تكمل شغل بيتنا وترجع من دوامها الفهمتها منها انه متحاجي خطيبها جمانه نفسيتها تعبانه واني هم بت خالتي تحرك التلفون ومارد
نسمه- خالتي خطيه عالمرسي المتحرك صارت متكدر تمشي من الصدمه كال الدكتور فتره وترجع بس تتعلم واشوفها الصبح يوميه تحاول رغم المها بس تضغط  على روحها وتحاول تمشي لو تزحف متحب تعتمد على احد متمدده بفراش جمانه العب بشعرها تباوعلي بحيره دك تلفوني رقم غريب بدايته 07804 منو هاي مالي خلك ارد على احد مرديت دكه ثانيه رديت --- الوو
- الو الو نسمه
- الووو كعدت عدل الو رشيد
- اي اي نسمه اني رشيد
- وينك وينك ردت اموت وينك انت
- موجود ومبيه شي  لتخافون
- انت بيدهم
- لالا انهزمت منهم الحمد لله  اني ببيت رجال مصلاوي ومحد يعرف مضيعين عسكري بهالمنطقه لتخافون بس تتحرر ارجع ليضل بالكم طمني اهلي لتبجين ياعيني بس رقمج حافضه ببالي من دااخذه من تلفون امي وخابرتج تنهدت همزين سمعت صوتج
- لو تدري شصار بينا والله ردنا نموت
- اسم الله عليكم ااه نسمه الحمد لله طلعت من حلك الموت طمني امي وبوسيلي جمانه وكولي لامي تزوجها مالها دخل بيه يجوز اطول هنا اني يله ارجع سلميلي على سعد وكوليله ميحتاج اوصي بامي الله يخليج نسمه يجوز منا لشهر يله اكدر احاجيكم بعد
- اي اي اي الحمد لله ربي الحمد لله ربي رشيد رشيد تسمعني
- اسمعج عيني انتي
- رشيد احبك وموافقه عليك
- سكتت صافن فرحه بكلبي متنوصف اسمع بجيها
- احجي
- اموت عليج نسوم بس ارجع اخطبج واصيرين الي ليضل بالكم اذا تاخرت مخابرت شبكات هنا ماكو بالصلوات حصلت سلامي لامي مع السلامه حبيبي
- الله وياك باوعت لجمانه اللي ضلت تبجي وتشهك من سمعت حضنتها ولج عايش ومهزومً منهم ركضت لخاله بشرتها وكعت تبجي وتتحمد الله خابرت سعد ثواني وشفته بيت رشيد ولك عايش حضن خاله ويبجي الحمد لله ربي مرديت دعائنا والله الوحيد لامه --- سعودي رشيد وصاك بامه ويكول متحتاج توصيه وباوعت على جمانه --- خاله يكول زوجي جمانه باقرب فرصه معليكم مني اني يجوز اتاخر يله ارجع لحد ميحرروها
- جمانه- باوعت لسعد فتح عينه مسح دموعه وكف باوعلي ونصه ودار وجهه وطلع --- ماما اني بعدني مناخذه عالولد
- ام سعد- يمه دتشوفين حالتنا منا لسهر ديردون ياخذوج خلي تصير الامور مثل ما ماشيه لتضلين تسوين عرقيلات انتي كبرتي مو مراهقه
- اي ماما طبيت للغرفه صافنه
- سعد- طلعت جريت نفس خابرت بت خالتي وكالت راح نجي لبيتكم كتلها هله بيج ساعه واجوي هم وخالتي كاعد يمهم وكلبي عد جمانه كلشي مااحجي يسولفون واني مو يمهم اني كاعده وخالتي بصفها وبصف خالتي اني وبصفي خطيبتي الله يچرم الحجي مدااسمع منه شي بالي بغير مكان على غفله كالتلي خطيبتي كوم نطلع وامي جلبت اي يمه روحو روحو يمعوده وين نروح  كالت نفتر ونرجع كمت من لا جاره ضلت مجلبه صعدت للسياره وصعدت يمها
- جمانه-طلعت وي نسوم للاسواق محتاجين جبن وحليب وجاي شفته صاعد وياها وديطلعىن مثل الفزيت من حلم هسه يله صدكت خطب
- سعد- وفعت راسي باوعتلها كلبي انخطف تذكرت من جانت تتوسل ارجع ماروح وي ندى بقيت اباوعلها وكفت ممشت ونسمه تجر بيها نصت راسها طلعت مشيت من يمهم بثكل بكد المها اتالم خطيبتي حست --- هاي تحبك تره البنيه
- لا يابه اخت صديقي وبعدها صغيره
- اي وانت هم تحبها تنهدت ليش تخلي روحك بهيج موقف شفتك من حضنتها شون خايف عليها شفتك
- شوكت هاي هاا من رشيد سمعنا عنه الخبر تنهدت سكتت بعد محجيت شي
- رجعني رشيد احنا منتوالم تره نزعت الخلقه ونطيتهيا ونزلت كلشي محجه ومعترض ولا حجه كلمه وحده عرفت هو تورط او اثر ضغط امه خطيه نزلت لامي وكتلها ماريده وننهي الموضوع بسلاسه قبلت امي ورادو يعرفون السبب  ماعدي عذر غير ممتوالمين لحو عليه كالولي انتضري سبوعين ولو مقبلت مبينين ناس ميته على ناس وعدم مبادره سعد بالرفض الفصخ تبين صحه الموضوع  وعدم مكالمته الي ابد من انخطبنا ليهسه فليش دااخلي روحي بهيج موقف انسحبت بكل سهوله
- سعد- البنيه ريحت وارتاحت انسد موضوعي والحمد لله بقيت كل فتره اتسوك الهم اليوم جان مقرر يجي خطيبها خابرتني نسمه --- سعد سرمد خطيب جمانه اجه جيب عصير فد شي
- قزرقط بعينه ميريد
- هاي شبيك
- وينه هو هسه
- كاعد يم خاله
- اريد احاجي
- اي تعال عادي
- رحت لبيت رشيد دكيت الباب وفتت جنت سامع من ناس لان ضليت اسال ردت اي ثغره اله -- كعدت كدامه سلمت الولد يعرفني المسوول عنها حاليا واخوها موكلني --- الله بالخير سرمد
- هله ابو سعود هله بيك
- اكولك عدك خوات انت
- صفنت عليه ليش تسال اي عدي 4
- ممم ومتزوجات كلهم
- ااي بس وحده
- اممم تقربت منه زينه اختك تصير همست
- احم بلعت ريك اي اختي
- هاا باوعتله بمكر --- سمعت عن اخته انه مهزومه من بيتهم وميعرفون وينها لمده اسبوع كلبو المنطقه عليها والناس تحجي اشكال كالو مهزومه وي صاحبها والموضوع انسد شكد سالنا شكد هاي محد حجه قبل يومين ولد ويانه بالمدرسه مدرس سالته بيتهم نفس فرع بيت سرمد وكلي كيت وكيت السالفه اجيت والله جابك -- الولد وجهه كام يكلب الوان بقيت اراقبه اخر شي ترخص ديطلع كتله الله وياك راح الولد كعدت وي خاله ام رشيد -- خاله من الاخير اخته عليها سمعه واني رشيد موكلني
- ام رشيد- يمه ياستار سمعتيش
- سعد- ًٍخاله مهزومه وي صاحبها وطاشه بالمنطقه احنه من ننطي لرجال ننطي لاهله هم مترهم
- شسوي هسه حلني راح اخابر على اخويه
- خابري اجه خالهم وره ساعه وحجينا وصاح جمانه وكلها هالي مثل مدخلنا بالحلال نطلع بالحلال منرهم سمعتهم موزينه وسالنه وكالو صح مترهم احنا ناس النا سمعتنا
- جمانه- كيفك خالو اللي تشوفه باوعت لسعد رافع حاجبه يباوعلي فتت للغرفه هم وخلصت منه  يمكن احنا واحدنا يضحك عالثاني يمكن نصيبي هو وقسمتي صخ وراها فصخت نضراتنا وعيوننا تتقرب بكد ماروحنا تبتعد نرجع نلتقي بعيوننا سعد شون اكدر انساك همساتك وكلامك يكحل كلبي ويضحك دمعتي كلما ردت اجر نفس جديد اتذكر كلامك حبيتج من دون ماشوفج حبيت صوتج وعفويتج حبيت دكه كلبج بس لو يحبني ميضلمني وجان وكف بوجه تخويه برجوله وكله اني الخليتها تخابر اني اللي وكعتها هالوكعه اوووف مرت الايام وبقينا بس عيون تتحاجه صرت مطلقه ورشيد كام كل سبوعين يتصل حجه وي امي وحجه ويايه ويه سعد شويه وي نسوم راتبه يوصللنا وتقاعد بابا مكفيين حالنا الحمد لله