تحميل رواية حب خارج منطقة الجزاء بقلم منال كريم pdf

قبل رمضان بيوم في منطقة شعبية

كل اهل المنطقه متجمعين يعلقوا زينه رمضان والاطفال يلعب حواليهم اما الستات واقفين يتفرجوا في البلكونات،و في وسط كل الناس دي كانت واقفه جنة و عينها على شخص واحد بس ، و كلمت نفسها: و بعدين معاكي يا جنة،هتفصلي معلقة نفسك بشخص زي ده، هو فين و انتي فين ، فوقي قبل فوات الاوان،انتي متخيلة أن شاهين يوسف لاعب الكورة المشهور ، يبص عليكي انتي،هو صحيح من المنطقة بس مش عايش هنا من زمان، بيجي كل فترة يعطف على أهل المنطقة ، بس يوم ما يتجوز ،يشوف واحدة نفس مستواه مش انتي خالص..

و دخلت جنة بحزن.

/////////

اما في الشارع وسط الناس اللي بتعلق زينه رمضان كان واقف قدام بيته شاهين ،لاعب الكورة بيدبح عجول ويوزع على الناس

قال شاهين لاخوه : ما تخليني ادخل انا بقى علشان تعبت

رد اخوه : ايه يا عم شاهين هو عشان انت محترف في الدوري الانجليزي وعايش بره بقيت تتكبر على اهل منطقتك

شاهين بزهق: استغفر الله العظيم يارب, ليه يا ابني الكلام ده، أنا وافق معك اهو و طول مانا في مصر، ازور اهل المنطقه واعمل اللي اقدر عليه ،ليه بقي كلامك ده

اخو شاهين ( عمر): يا عم انا بهزر معاك،بلاش تقفش كده عايز تدخل ادخل ، و أنا اكمل

نفخ شاهين بضيق وقال: بعد ايه بقى حد يرتاح بعد كلامك ده.

عمر: خلاص يا شاهين بلاش تخليني ازعل من نفسي انا كنت بهزر

شاهين ا:نا عارف ومش زعلان منك بس أنت عندك حق خليني اكمل علشان الثواب

//////////

في بيت عيلة شاهين

وافقة نعمات في المطبخ و تبص على نسوان ولادها، و تقول بتريقة:جرا ايه يا اختي منك ليها ،الاكل مش هيخلص النهارده هتفضلوا انتوا الثلاثه تلفوا حوالين بعض ما فيش حاجه خلصت ، انا مليش حظ في نسوان ولادي، تلات ستات ملهموش لازمة.

الثلاثه كتموا غيظهم من غير رد

وبصت نعمات على امينه ام شاهين وهي بتقول : ورني شطارتك يا مرات الكبير

ردت أمينة: أنا شاغلة اهو اعمل ايه اكتر من كده

نغمات: ما هو بيان اوي ،واقفة زي خيال ماتة.

أخذت نفس و كلمت نفسها::استغفر الله العظيم ،يارب صبرني على الست دي ، اعمل فيها ايه، ما بتصدق تلاقي فرصة تعمل مشكلة معي

صباح بهمس: مش لوحدك يا امينة هي كده مع الكل، تصدق تمسك على حد غلطة

أمينة بهمس لصباح : بس أنا زهقت بجد

زعقت نعمات : بطلي كلامك منك ليها، الغداء خلص ولا لسه

ردت نادية اللي كانت مشغولة في الشغل مش في الكلام: أيوة يا حماتي كل حاجة خلصت

نغمات بأمر: طيب يلا جهزوا السفرة.

//////////////////

بعد شويه اتجمعت كل عيله شاهين على السفره

كبيرة العيله الجدة نعمات،وجنبها ابنها الكبير يوسف ومراته أمينه واولادهم عمر وشاهين، وجنب نعمات من الناحيه الثانيه ابنها الوسطاني عبد العزيز و مراته صباح و بناتهم الاتنين

ياسمين و دي مرات عمر، و بسملة اللي حلم حياتها تجوز شاهين ، و صابر الابن الصغير و مراته نادية و دول معندهمش اولاد

نعمات بصت على شاهين حفيدها المميز علشان على اسم المرحوم جوزها و قالت: ايه يا شاهين أنت ببتفرج على الاكل

شاهين: أنا مسموح لي بالسلطة بس كل الاكل ده مقدرش اكله

نعمات: سلطة ايه يا حبيبي ،قدمك من خيرات ربنا و تاكل سلطة

ضحك يوسف و قال: ما هو لازم يمشي على نظام غذائي سليم علشان يحافظ على اللياقة البدني.

نعمات: أنا معرفش الكلام ده، كل اللي اعرفه ان حفيدي لازم يتغذي كويس.

بسملة و هي تبص على شاهين باعجاب و كلمت نفسها: هو كده كويس اوي، هو في ايه يا شاهين،مش ناوي تاخد بالك مني ،انا بحلم باليوم اللي أكون فيه مراتك.

شاهين بجدية: انا لازم امشي على نظام معين في كل حاجة، ده مستقبلي و لازم احافظ على عليه....

و قام شاهين مع على السفرة و طلع اوضته

/////////////////////

في بيت جنة

كانت بترتب المطبخ و عقلها مشغول ب شاهين و قالت : يارب خلصني من حب شاهين، طول عمري اسمع عن الحب من اول نظرة، مكنتش اعرف انه حقيقه ، و حصل اني حبيت واحد هو عالم و أنا في عالم تاني...

دخلت امها و قالت :خلصتي يا جنة

ردت عليها: ايوة يا ماما

أم جنة: طيب اعملي شاي لابوكي و هاتيه برة

جنة بهدوء: حاضر يا ماما

///////////////////

أول يوم رمضان

في بيت شاهين

البيت زي خلية النحل

نعمات: شدي حيلك منك ليها علشان نخلص قبل المغرب.

أمينة: معلش يعني يا مرات عمي ،لما احنا هنعمل مائدة رحمن كبيرة ، كنا نجيب ناس مخصوصة ،احنا مش هنقدر على الشغل لوحدنا..

صباح لنفسها: نستقبل بقي مقال اليوم من نعمات.

و فعلا قالت نعمات باستهزاء: نعم يا اختي اجيب ناس تشتغل و انتوا موجودين ،انا لوحدي اعمل كل ده

ياسمين: طيب ما تعملي يا تيتة

نعمات : لا يا قلب تيته مينفعش اعمل، انا اقعد هانم و انتوا تخدموا عليا.

همست أمينة بغيظ : ست جابرة

بصت نعمات على نادية اللي تشتغل زي عادتها و هي ساكتة،قربت عليها و طبطت على كتفها و قالت : ربنا يبارك فيكي يا احسن واحدة في نسوان ولادي

ابتسمت نادية و قالت: تسلمي يا امه من كل شر.

بسملة: انا تعبت و عايزة اخرج ارتاح

نعمات: اخرجي يا حبيبتي

ياسمين: بحس انك بتحبي شاهين و بسملة بس، أما أنا و عمر ولاد البطة السودة

نعمات خدتها في حضنها و قالت بحب : كلكم حبايب قلبي ،بس شاهين و بسملة الصغيرين، انتي و عمر الغالين.

ياسمين: تسلمي يا تيتة.

/////////////

في الشارع كانت رجالة عيلة شاهين يضبطوا بنفسهم المائدة.

شاف شاهين طفل يلعب بالسلك ،قرب منه و قال: ما تجيب كده يا بطل أما أجرب

الطفل: قال اتفضل

و مسك شاهين السلك وبقي يلعب بسعادة كأنه طفل صغير

بعد شوية

رن تلفون شاهين، قال بهدوء: بابا عن اذنك ادخل اتكلم في التلفيون و ارجع على طول

يوسف::بلاش تأخير يا شاهين

جز على أسنانه و قال: حاضر يا بابا، ثواني و جاي

و دخل شاهين أو بمعني صح هرب منهم، طلعوا اوضته قفل الباب بالمفتاح،رمي نفسه على السرير و رد على التلفيون: عاملة ايه يا سوزي.

سوزي: كويسة، ايه يا شاهين هترجع أمت.

شاهين: ارجع أنا لسه وصل مصر على العموم ،ارجع بعد العيد.

سوزي: اخس عليك كل ده

ضحك شاهين و قال: معلش بقي ،اهلي وبلدي لازم اتونس بيهم شوية..

ضحكت بمياعة و قالت: طيب و أنا يا كابتن.

شاهين: الله يخربيتك احنا في رمضان ،اقفلي لو طولت معاكي صيامي يضيع.

و قفل شاهين ،و خرج البلكونة ،بص على البيوت وسط البيوت كانت واقفة جنة اللي تنشر الغسيل ، اول لمحت شاهين دخلت بسرعة علشان متقعش في فخ الشيطان و تبص عليه.

/////////////////

مع اذان المغرب

كانت المائدة مرصوصة باشهي الاكلات ، و شكل الشارع مبهج و الناس قاعدين مفيش فرق بينهم، المشهد يعبر عن جمال و عظمة مصر.

في بيت شاهين

كانت بتفطر الستات أما الرجالة فطروا في الشارع

///////////

في بيت جنة

ابو جنة: يا محمد كنت فطرت معاهم تحت.

محمد: يا بابا انا بحب أفطر براحتي علشان كده رفضت

أم جنة : المفروض كان حد فطر معهم أنت أو ابوك.

جنة: ليه يعني يا ماما، مش لازم احنا مش محتاجين حاجة من حد

ابو جنة: يا حبيبتي ملهاش علاقه بالحاجة ،لها علاقة بالتقدير ، الناس عاملين عزومة كبيرة لاهل المنطقة و عزم الكل...

جنة بعصبية : بس هما عاملين مائدة مش عزومة.

أم جنة: ليه العصبية يا جوجو،بقولكم اللي حصل حصل ،يلا نفطر و كل سنة و انتوا طيبين.

//////////////

بعد صلاة التراويح

كانت قاعدة تقرا القران الكريم بخشوع.

رنت صاحبتها عليها ،فتحت الخط: ازيك يا حور

حور : الله يسلمك يا جنة، بقولك تعالي نتمشي شوية الجو حلوة اوي

جنة: اسالك ماما و ارد عليكي.

حور: حاولي تقنعي أمك

جنة: ماشي

////////////(

بعد شوية

تتمشي جنة مع حور في الشارع و ياكلوا ايس كريم

جنة: أنا مكسوفة اوي

حور: ليه

جنة::علشان بناكل في الشارع

حور: هو الاكل بقي عيب في الشارع ،فكي شوية و بلاش نكد.

جنة: بذمتك أنا نكدية

حور: ايوة

أما شاهين،كان يسوق عربيته و جنبه عمر أخوه و وراء ياسمين و بسملة، كان شاهين يرجع لوراء و حور و جنة و راء العربية

صرخوا الاتنين مع بعض: حاسب هتدوس علينا.

كانت جنة تمشي مع حور في الشارع

أما شاهين،كان يسوق عربيته و جنبه عمر أخوه و وراء ياسمين و بسملة، كان شاهين يرجع لوراء و حور و جنة و راء العربية

صرخوا الاتنين مع بعض: حاسب هتدوس علينا.

وقف شاهين بسرعة، و اتعصبت جنة و مشيت و بصت من الشباك و زعقت: ايه الغباء ده ، مش تخلي بالك، لما انت غبي بتسوق ليه،علشان عندكم عربيات تتدوس على الناس.

نزل عمر و قال بهدوء: احنا اسفين ،حصل خير

زعقت اكتر: هو فين الخير ده احنا كنا هنموت و انت تقول خير.

شاهين: خلاص يا انسة أنا آسف

بصت عليه بغضب و قالت: اسف بعد ايه ،لو كنت دوست علينا هتقول ايه، آسف برضو.

حور : خلاص يا جنة، يلا كفاية كده

و شدتها و مشيوا

قالت بسملة بغضب: هي غبية دي و لا ايه

ياسمين: عيب كده يا بسملة ، و بعدين هي عندها حق..

ركب عمر و هو بيقول: يلا يا شاهين

ركب شاهين بعصبية و قال: أنا قولت مش عايز أخرج ، اهو اليوم بيان من أوله.

بسملة: بلاش تضايق نفسك يا شاهين ،خلينا نكمل.

عمر: بلاش نبوظ اليوم يا شاهين، يلا اطلع على الحسين.

نفخ بضيق و كمل طريقه و هو مضايق

/////////////

جنة و هي ماشية مع حور اللي قالت: أنا مش فاهمة ليه كل العصبية دي

زعقت جنة: ازاي مش فاهمة ،انا و انتي كنا هنموت و تقولي مش فاهمة.

حور بهدوء: مالك يا جنة اهدي و الناس اعتذرت

مردتش جنة و رجعت و هي مضايقة..

////////////

في اوضة جنة

كانت قاعدة على السرير مضايقة و تكلم نفسها: يعني مش حاسس اني بحبك و قولت ماشي، بس كمان مش شايف قدمك لدرجة أنك مش شايفني.

نزلت دموعها بحزن على حب مستحيل.

//////////////

في الحسين

و الأجواء الرمضانية الجميلة

عمر: في حد يلبس نظارة شمسية بليل و كاب

شاهين بغرور: و أنت فاكر بقي لو شلت دول كنت هعرف أقعد معاكم كده، أنت مش عارف أخوك مين.

عمر: يا عم ايه التواضع ده.

بسملة بإعجاب: من حقه يا عمر.

همست ياسمين لها: يابت خليكي تقيلة شوية، هو مش شايفك من الأساس.

بسملة : واجب عليكي تشدي حليك علشان الموضوع يتم

ياسمين: هو الجواز بالغصب ،من الاخر يا بسملة شاهين يبص على السماء.

بسملة بحزن: بس أنا بحبه يا ياسمين

ياسمين: انتي بتحبي حياته و الشهرة و الرفاهية اللي هو عايش فيها، مش بتحبي شاهين نفسه.

بسملة: و دي حاجة وحشة أني أحب الرفاهية.

ياسمين: لا مش وحش، بس بلاش تعقلي نفسك بحبال الهوا

عمر: ايه يا بنات مش كفاية كلام لوحدكم ،خلصوا الاكل علشان نقوم نتمشي.

بدأوا ياكلوا و شاهين بيفكر في البنت اللي اتجرت عليها و الكل يتمني يتصور معه.

////////////(//

بعد مرور أيام وصلنا لنص رمضان

كان عيلة شاهين دباحين عجول و يوزعوا على أهل المنطقة.

شاهين بعصبية: ازاي يا بابا انا اوزع اللحمة على الناس بنفسي، في ناس تعمل كده.

يوسف: يا ابني اعمل كده، علشان تاخد ثواب.

شاهين بغرور : أنا مش فاهمك ، هو انتوا مش عارفين انا مين ، فرضينا عليا وجودي هنا و بقول ماشي، و توصل اروح الف على البيوت بنفسي،انا شاهين يوسف.

يوسف: و أنا يوسف ،ابوك يا كابتن شاهين ، بطل غرور شوية، و اسمع الكلام.

نفخ بضيق و مشي بعد ما أبوه قاله البيوت اللي هيوزع عليه

و من ضمن البيوت دي بيت جنة، خبط الباب،فتحت جنة ،اتفاجات بوجود شاهين، قالت بصدمة : أنت.

مد أيده بكيس لحمة و قال: اتفضلي كل سنة و أنتِ طيبة.

بصت على أيده و سألت : ايه ده

شاهين بهدوء: لحمة

زعلت من جوها و قالت بعصبية : احنا مش شحاتين و مش محتاجين صدقة منك.

شاهين باستغراب: دي مش صدقة و أنا مقولتش انكم شحاتين ،انتي دماغك فيه ايه

زعقت بصوت عالي: احترام نفسك يا جدع أنت و غور من هنا.

فتح عينه بصدمة و قال: نهار اسود على دماغك ، انتي بتكلمي أنا بالاسلوب ده ، انتي مش عارفة أنا مين.

جنة بسخرية : بكلم مين يعني، واحد ملوش لازمة، و معرفش أنت مين و لا يشرفني أني اعرفك.

خلصت كلامها وقبل ما يرد كانت قفلت الباب في وشه

جز على أسنانه و خبط على الباب و هو بيقول: ده علشان انتي واحدة مجنونة و من غير عقل بتعملي كده في شاهين يوسف.

و نزل بغيظ

أما هي شافت الموضوع من وجهه نظر تانية، قالت: الحمد لله أن محدش من اهلي هنا و إلا كانت تبقي مشكلة، اخس عليك يا شاهين بقي أقبل منك صدقة، يمكن أنت مستغرب أنا ليه عصبية معك كل ما اشوفك، انا بحاول ادري حبي ليك، خائفة عيني تفضح الحب المخفي ليك، علشان كده بتكلم بعصبية و ادري نفسي، بس زعلت منك اوي

///////////

في بيت شاهين

كانت العيلة متجمعة على الفطار

زعق شاهين و هو بيقول: عجبك كده يا بابا ،بسب تحكماتك اني لازم اوزع اللحمة سمحت لوحدة مجنونة تتكلم معي بأسلوب زبالة و تقفل الباب في وشي.

نعمات : هي مين دي اللي عملت كده، لا عاشت و لا كانت ،قولي مين و أنا افرج عليها المنطقة كلها.

بسملة بغضب: عندك حق يا تيتة هي مش عارفه هو مين و لا ايه.

صابر: اهدي شوية يا بسملة و ملكيش دعوة

بسملة: أنا عملت حاجه يا بابا

صابر: الدنيا ولعة و مفيش داعي ل الكلام ده.

كتمت غيظها و قالت: حاضر يا بابا.

يوسف: لو سمحتي يا ماما اهدي شوية ، أنا قابلت اخوها و كلمته و قالي أنها كانت لوحدها و يمكن اتكسفت علشان كده.

خبط شاهين على الترابيزة و قال بغضب: تكسف تقفل الباب في وشي أنا

أمينة : براحة يا حبيبي اعصابك

نعمات بزعيق: مين دي يا يوسف اللي وصلت الغالي للعصبية دي

عمر: يا تيتة شاهين على طول متعصب

بص شاهين عليه من غير رد

عبدالعزيز: يا جماعة الموضوع مش مستهل

شاهين بصوت عالي: يعني ايه مش مستهل يا عمي ، أنا اتزهقت من البنت دي.

يوسف بصوت عالي:ما خلاص يا شاهين خلينا نأكل اللقمة و اقفل على الموضوع .

سكت شاهين بس للمرة الثانية و من غير ما جنة تقصد شغلت تفكير شاهين بيها

/////////////

في بيت جنة

كانوا قاعدين على الفطار

محمد اخو جنة: انتي ازاي يا تعملي كده.

ردت جنة بحزن:أنا عملت ايه

محمد: عمي يوسف ابو شاهين قابلني و قالي أن شاهين كان بيوزع لحمة و و لما جاه هنا قفلتي الباب في وشه.

ابو جنة : ليه كده يا بنتي

جنة بهدوء: يا بابا انا كنت لوحدي و كمان حسيت بالإهانة من تصرف المغرور ده

أم جنة: انتي دماغك متركبة شمال.

قامت جنة من على الاكل و قالت: أنا عجبني نفسي كده..

ابو جنة: تعالي يا بنتي كملي الاكل.

جنة: الحمد لله شبعت.

دخلت اوضتها بحزن و تفكر في شاهين

و في نفس الوقت شاهين كان بيفكر فيها

و عدت الايام لحد ما تم شهر رمضان

//////////////

يوم العيد

أهل المنطقة كلها متجمعة في الشارع لصلاة العيد

كان شاهين واقف قدم باب بيته بشكل وسيم زي عادته بالجلباية البيضة، و عدت جنة مع حور و شوية من البنات و كلهم عينهم عليه بس هو عينه عليها هي، و متغاظ منها أنها متجاهلة وجوده...

واقفة جنة مع البنات

حور:انتوا عارفين يا بنات أنا بحس بالفخر أن شاهين من المنطقة عندنا.

مريم: على فكرة أنا كل ما اتكلم مع حد أقول إن لاعب الكوره شاهين يوسف، من منطقتي و أننا جيران.

كان شاهين واقف قريب منهما و سامع كلامهم و زي العادة يحس بالغرور اكتر و اكتر...

قالت جنة بعصبية: ناقص تعملوا تماثل له في المنطقة، كبري عقلك يا بت منك ليه، مجرد شخص عادي الموضوع مش مستاهل كل ده..

نفخ بضيق و كان ماشي ناحيتها بس وقفت قدمه بسملة و هي بتقول: كل سنة و أنت طيب يا شاهين

شاهين: و أنتي طيبة

بسملة: شاهين كنت عايزة أتكلم معك في موضوع

شاهين: ايه هو

بسملة: ممكن نتمشي مع بعض شوية

مشي معها و سأل: عايزة ايه يا بسملة

اتكلمت بسملة بدون مقدمات: أنا بحبك يا شاهين

وقف مكانه و قال بصدمة: بتقولي ايه ؟

ردت بهدوء: بحبك يا شاهين و استنت تكون البداية منك ،بس لا حياة لمن تنادي ، فكرت لازم ابدا أنا و أطلب منك أنا الجواز

وقف شاهين مكانه بصدمة

كانوا واقفين في الشارع و قالت بسملة : بحبك يا شاهين و استنت تكون البداية منك ،بس لا حياة لمن تنادي ، فكرت لازم ابدا أنا و أطلب منك أنا الجواز

وقف شاهين مكانه بصدمة

رد بهدوء : انتي بالنسبة لي مجرد اخت لا اكتر و لا أقل أنا هعمل نفسي مسمعتش حاجة ، و الكلام ده هيفضل بينا.

و مشي شاهين و سابها...

و هي نزلت دموعها و جريت على المنقذة لها و هي نعمات، حكت لها انها بتحبه و نغمات وعدتها تتجوزها شاهين...

/////////

بعد يومين

متجمعة كل عيلة شاهين

قالت نعمات: أنا عايزة أبلغكم بحاجة

يوسف: اتفضلي يا ماما

نعمات بأمر: هو قرار مش قابل للنقاش، أنا قررت اجوز شاهين ل بسملة

الكل كان متقبل الموضوع عادي الا شاهين قام من مكانه بغضب و قال: أنا مش موافق.

نعمات: أنا مش بسالك عن رأيك ، أنا قولت كلمتي و مفيش نقاش.

رد بغضب:بسملة مين اللي تكوني مراتي ،أنا آسف يا تيتة مش موافق و لا يمكن اتجوز بالطريقة دي.

صباح بردح: اتكلم عدل على بنتي ، و انا اللي مش موافقة اجوزك بنتي.

أمينة بردح هي كمان: جرا ايه يا صباح براحة على ابني و اتكلمي بأدب معه انتي مش عارفة مين ده، اي بنت تتمني ابني يشاور له.

صباح : و احنا مش موافقين على ابنك ،خليه جنبك .

لسه أمينة هترد، زعقت نغمات:اخرسي منك ليها مش عايزة اسمع صوت حد فيكم، أنا قولت اللي عندي يا شاهين

شاهين بغضب: و أنا مش موافق اتجوز بسملة، أنا بحب واحدة تانية

صابر باستهزاء : و هي مين دي اللي تكون احسن من بنتي..

شاهين: مش جاهز اقول دلوقتي

صابر: يبقي كده مفيش حد

شاهين: لا فيه

نعمات: لو فعلا في حد قول هي مين و بكرة نروح نخطبه ليك، لو مفيش يبقي بكرة خطوبتك على بنت عمك.

فكر ثواني علشان يخترع يقول اي اسم و مظهرش قدمه غير اللي شاغلة عقلها في اخر فترة ،وقال: جنة

بسملة بعصبية: جنة البت اللي هزقتك كام مرة.

مشي لحد ما واقف قدمها و صرخ فيها: و انتي مالك ،غيرانة منها علشان اخترتها هي و انتي لا.

نزلت دموع بسملة و جريت على اوضتها و امها و اختها وراءها...

عبدالعزيز: أنا بقول نفقل الموضوع يا امه و شاهين مش صغيره، يعمل اللي عايزاه.

و بص على مراته اللي كلامه شبه معدوم و قال: يلا يا نادية

طلعت نادية وراءه..

قال صابر: شايف نفسك علينا يا أبن يوسف

و طلع اوضته.

قرب يوسف و اتكلم بهدوء: شاهين أنت واثق من قرارك ده

رد من غير تفكير : أيوة

نعمات: ابعت لعيلة البت يا يوسف و بلغهم أننا رايحين بكرة

توتر شاهين و قال: مش لازم نتسرع يا بابا

نعمات: ليه يا شاهين مش أنت بتحبها.

شاهين : أيوة

نعمات : يبقي خير البر عاجلاً.

وقع شاهين في حيرة و مش عارف يطلع نفسه ازاي.

////////////////

في بيت جنة

أبو جنة: يا مرحبا يا ابو شاهين، نورت

يوسف: بنورك يا ابو محمد ، كنت عايزك في موضوع.

أبو جنة: خير أن شاء الله.

يوسف: أنا جاي اطلب ايد بنتك جنة ل أبني شاهين..

كانت جنة في المطبخ بتعمل شاي مجرد ما سمعت الجملة ،اتسمرت مكانها بصدمة، و قلبها دق من الفرحة.

قربت أم جنة عليها و قالت: يادي السعد ،شاهين عريس لقطة و الف بنت تتمناه

مردتش جنة بس قلبها بيرقص.

و مشي ابو يوسف و خد معاد يجي بكره مع عيلته و يطلبوا جنة رسمي.

////////////

كانت ليلة سعيدة على جنة اللي حلمها تتحقق

و ليلة حزينة على بسملة و باقي العيلة اللي كان نفسها شاهين يتجوز بسملة

و ليلة كلها حيرة على شاهين

واقف في البلكونة و يسأل نفسه : أنا ليه عملت كده، و ليه قولت اسمها كنت قولت اي اسم، طيب انا مش حاسس اني زعلان و لا فرحان مش عارف احدد مشاعري ، كل اللي متأكد منه أن جنة شغلت بالي الفترة اللي فاتت، يلا اللي حصل حصل، اخطبها شهر و اخلع منها.

/////////////

تاني يوم بليل

رح شاهين مع أبوه و أمه و نغمات و عمه عبدالعزيز ، صابر رافض يجي معهم لخطوبة جنة.

و بعد الكلام في التفاصيل العادية ،حدود معاد الخطوبة ، أهل جنة وافقوا من غير تفكير فهو عريس مناسب.

كان قاعد شاهين مستني جنة تخرج بعد ما الكل خرج من الاوضة

دخلت جنة و تبص على الارض و قالت بخجل: السلام عليكم ورحمه الله وبركاته

قام واقف لحد ما هي قعدت و رد عليها: و عليكم السلام ورحمه الله وبركاته.

سكتوا شوية و بعدين قال: عاملة ايه

ردت بهدوء: الحمد لله

و سكت الكلام على كده هو معندهوش كلام و هي عنده كلام كتير بس مينفعش تقوله.

//////((((((////(///////

بعد أسبوع

في فندق كبير

حفلة خطوبة شاهين و جنة

و يحضر الخطوبة ناس مهمة.

أم جنة: ما شاءالله شايف المكان حلو ازاي.

ابو جنة: لو شاهين معملش في احسن فندق مين يعمل.

أم جنة: شايف الممثلين و لاعيبة الكورة اللي في الفرح.

محمد: يا ماما شاهين شخص مشهور و

لازم يعزم ناس مهمة ،ربنا يسعد جنة هي تساهل كل خير.

أم جنة : يارب.

في مكان العروسين

شاهين حاسس انه مخنوق و مضايق و مش دي الزوجة المناسبة له و كلم نفسه: خلاص يا شاهين من غباءك دبست نفسك، هما شهرين اتحملهم بالطول و العرض.

بس نعمات كان لها رأي تاني لما قالت في الميكروفون

الكل اتصدم و اتخض و الإكتر هو شاهين

تفتكروا نعمات قالت ايه

في خطوبة شاهين و جنة

جنة طايرة من الفرحة

شاهين حاسس انه مخنوق و مضايق و مش دي الزوجة المناسبة له و كلم نفسه: خلاص يا شاهين من غباءك دبست نفسك، هما شهرين اتحملهم بالطول و العرض.

بس نعمات كان لها رأي تاني لما قالت في الميكروفون: نشكر كل اللي حضر النهاردة و انا عندي مفاجأة لشاهين لما شوفت حبه الكبيرة لجنة قولت اجمع الشمل على طول ،و علشان كده النهاردة خطوبة و كتب كتاب و الفرح.

الكل اتصدم و اتخض و الإكتر هو شاهين اللي رح ناحية نعمات و هي على وشه ابتسامة علشان الناس و سأل بصوت هادئ: بتقولي ايه يا تيتة

نعمات ببرود: مبروك يا قلب تيته

شاهين ببرود: و أنا مش موافق

نعمات : براحتك بس شوف كل الناس دي تقول عليك ايه و تكون حديث العالم يا كابتن

و مشيت نغمات و سبته و عارفة أن خوفه على شكله هيخليه يوافق.

و فعلا حاجة غريبة جدا تم كتب الكتاب و الفرح و العروسة و اهلها مش مستعدين،بس نعمات قالت مش عايزها غير جنة بس حتي من غير شنطة هدومها

////////((((((((/(((

بعد الفرح

في اوضة شاهين

قاعدة جنة على السرير بتفرك و هو في الحمام ، و بعد شوية خرج من الحمام و بص عليها و قال: الحمام فاضي ادخلي غيري

جنة : حاضر

///////////////

تاني يوم

طلعت أمينة الاكل

أمينة : صباح الخير يا شاهين

شاهين: صباح النور يا ماما

دخلت بالاكل ،قالت جنة بهدوء: صباح الخير.

مردتش عليها ،حطت الاكل و قالت: عايز حاجه يا حبيبي قبل ما انزل

شاهين :شكر يا ماما

نزلت أمينة و قعد شاهين و بص على جنة و قال : تعالي كلي.

قربت بكسوف و قعدت تأكل

شاهين: على فكرة أنا هرجع انجلترا قريب

جنة : و أنا هاجي معك.

شاهين: لا طبعا ،اخدك تعملي ايه مش هتعرفي تتصرفي.

قالت بحزن: و تسبني بعد شهر واحد

شاهين: معلش يا جنة فترة و هتعدي، اتحملي معي

جنة: حاضر

//////////////

عدي شهر مكنش الطبيعي زي اي عرسان ، و سافر شاهين ،علشان من اليوم .ده جنة تشرب المر في كاسات ..

/////(////

في المطبخ

كل الستات موجودة ، بس كلهم واقفين هوانم الا جنة اللي بتعمل كل الشغل لوحدها.

كلمت نفسها: أنا معنديش مشكلة اشتغل بس وافقتهم كده توترني و أنا عارفة أنهم مركزين معي و مستنين اي غبطة مني، أنا برتعش و أنا بعمل الاكل كاني اول مرة اطبخ، مش فاهمة هما ليه عاملين كده.

نعمات: هنقضي اليوم كله مستنين الهانم تخلص الاكل

بلعت ريقها بتوتر و قالت: قربت اخلص يا تيتة

زعقت نعمات:انتي نسيتي نفسك، أنا اسمي الست نعمات

جنة بكسوف: حاضر يا ست نعمات.

بسملة: مش علشان انتي مرات شاهين تفتكري نفسك بقيتي حاجة .

ياسمين: عيب كده يا بسملة

صباح : بتزعقي لأختك علشان دي

ياسمين: اولا ما زعقتش لحد ثانيا دي مرات شاهين يعني من العيلة

و خرجت ياسمين و كانت قبلها نادية اللي رفضت تشارك في ظلم و عذاب جنة

/////////////

على جانب آخر ، شاهين سهران مع أصحابه

جت سوزي و قالت: ازيك يا شاهين

شاهين: اهلا

سوزي: سمعت انك اتجوزت الكلام ده صحيح

شاهين: أيوة عندك مانع احنا مفيش بينا حاجة

سوزي: أنا عارفة ، الف مبروك

شاهين : الله يبارك فيكي.

//////////

اخيرا طلعت اوضتها بعد يوم طويل، أول حاجة تعملها تمسك التلفيون يمكن شاهين اتصل عليها ،قالت بحزن: مسافر بقالك اسبوع و لا مرة اتصلت بيا ،ليه يا شاهين كده .

و فتحت التلفيون علشان تكمل معها و تلاقي صورة شاهين مع بنت ، عيطت بغيرة و حزن، و بعتت الصورة ل شاهين من غير ما تقول اي كلمة.

الغريب شاف الرسالة و مردش عليها.

و هي انفجرت من الغضب، و بعتت فويس: ايه معندكش رد على الصورة دي.

رد هو كمان بفويس:صورة عادية مع معجبة

بعتت فويس: و هي المعجبة لازم تكون قريبة من كده

رد بفويس بارد: أيوه

بعتت فويس كمان: أنت اتجوزتني ليه يا شاهين

بعتت فويس: ايه السؤال ده يا جنة.

جنة : سؤال طبيعي في الوضع اللي انا فيه.

شاهين: انتي كويس حد مزعلك من عندك

جنة: لا مفيش حاجه ،بس مش قادرة أعيش من غيرك

شاهين: هانت أن شاء الله، أنتي كمان وحشني

ابتسمت و نسيت كل حاجة و قالت: بجد

شاهين: بجد

و بعد شوية قفلت جنة علشان تنام

///////////////////////

عدي سنة كاملة و شاهين منزلش اجازة،و كلامهم في التلفيون قليل ،و جنة شربه المر في البيت ده، و اللي وفقين معها هما عبدالعزيز و نادية و ياسمين

و يوسف و عمر و صابر اختاروا السكوت و ملهمش دعوة

و نعمات و أمينة و صباح و بسملة يشربوا المر لجنة

//////////

في يوم من الايام

صحيت جنة على صوت خبط جامد ،قامت بفزع، و سألت: في ايه

زقتها بسملة على الأرض و سألت: فين الفلوس و الدهب

سالت بعدم فهم: فلوس و دهب ايه.

دخلت نعمات و قالت: هاتي البت دي تحت

مسكتها بسملة من شعرها و نزلت تحت

عبدالعزيز بصوت عالي : ابعدي أيدك عنها يا بسملة

نعمات: هي تستاهل القتل البت حرامية و سرقت الفلوس

و لاول مرة نادية تتعصب و تزعق: حرام عليكم اللي يحصل في جنة، هي عملت ايه لكل ده،بتشتغل خادمة ليكم و مش بتقول لا ، و توصل معاكم لحد الاتهام بالسرقة.

نعمات بصوت عالي::انتي أتجننتي يا نادية تعلي صوتك قدمي،انا اللي عمري ما جرحت قلبك بكلمة و قولتلك أنك مش بتخلفي ، و أرض بور.

عيطت نادية و قالت: كتر خيرك سكتي العمر كله و اتكلمتي دلوقتي

عبدالعزيز بعتاب: ليه كده يا امه، دي حاجة بتاعت ربنا

يوسف: أنا بقول نقفل على الموضوع

زعقت نعمات: مش قبل ما الحرامية تعترف فين الفلوس و الدهب.

كانت جنة قاعدة على الأرض و منهارة من العياط، صرخت بدموع: حسبي الله ونعم الوكيل فيكم ،و جوزي معاكم ،اللي اتجوزني و رمني هنا، أنا مش حرامية و مسرقتش حاجة،انا عيني مليانة مش زيكم

و قامت من مكانها و قالت: أنا مش هقعد في البيت ده و لا دقيقة ،ينتقم منكم ربنا أشد انتقام

بسملة زغرطت و قالت: احسن برضو

نعمات : في ستين داهية

صباح: فاكرة نفسك مهمة و هنموت من بعدك

أمينة: كانت جوزة سودة.

//////////////

و اخيرا بعد عذب كبير عاشتها يا البيت قررت تسيب البيت و تروح بيت أهله.

في اوضة عبدالعزيز

نادية بحزن: يرضي مين اللي يحصل في الغلبانة دي

عبدالعزيز: لا و امي و أمينة فرحانين كأنهم عاملوا انجاز، فرحة صباح و بسملة مفهومة بس هما يفرحوا في خراب بيت شاهين

نادية: اتصل ب شاهين و قولوا اللي حصل هو كمان شارك في ظلم الغلبانة دي

و رن عبدالعزيز عليه، رد شاهين : ازيك يا عمي

عبدالعزيز: أنا عايز اسالك سؤال

شاهين : اتفضل يا عمي

عبدالعزيز: في حد غصبك أنك تجوز جنة.

شاهين: لا طبعا

عبدالعزيز: يبقي عملت فيها كده ليه

شاهين: عملت ايه يا عمي

عبدالعزيز: بعد شهر من الجوز سافرت و سبته من غير ما تسال عليها، و أنت بنفسك عارف هي قاعدة وسط مين، و سط الست الجبارة نعمات و امك و زيد عليهم صباح و بسملة ، تفتكر تعيش ازاي.

مردش شاهين

كمل عبدالعزيز: أنا اتصلت بيك علشان اقولك أن مراتك بعد ما جابت آخرها سابت البيت.

اتكلم شاهين بعصبية: ازاي تعمل كده من غير آذاني

زعق عبدالعزيز: أنت غبي ياض هو ده اللي سمعته من كلامي وباقي الكلام ايه، كتك خيبة ضيعت من ايدك واحدة زي الالماس.

و قفل الخط في وشه.

رن شاهين على جنة ،شافت التلفيون و قالت: ياه لسه فاكر ان ليك زوجة ترن عليه،بس أنا مش هرد

و كنسلت في وشه، جز على أسنانه بغضب و قال: ماشي يا جنة.

و حجز اول طائرة نازلة مصر

///////////////

في بيت جنة

بتعيط و أمه قاعدة جنبها و بتقول بحزن: كفاية يا جنة قلبك هيقف من العياط

جنة : أنا تعبت اوي في البيت ده يا ماما

دخل أبوه و قال: غلطانة يا جنة أنك تتحملي كل ده

جنة: كنت فاكرة كده بحافظ على بيتي

أم جنة: ينتقم من شاهين و منهم واحد واحد

جنة: مش كلهم يا ماما، عمي عبدالعزيز و مرات عمي نادية و كمان ياسمين كويسين معي ،و الباقي فريق صامت و فريق العذب

طبطت عليها و قالت: ربنا يدي كل واحد فيهم على قد نيته

/////////

في اليوم التاني

وصل شاهين مصر و اول حاجه عملها رح بيت ابو جنة.

رحت جنة تفتح الباب و أتصدمت انه شاهين، بص عليها و قال : مفيش حمد لله على السلامه

مردتش عليه ، كمل هو بغضب: انتي ازاي تعملي كده

برضو فضلت ساكتة

قال هو بغضب: المفروض يا هانم قبل ما تخرجي من البيت أكون عارف

اخيرا اتكلمت و سألت: ليه

رد بعصبية: علشان أنا جوزك

قالت بهدوء: قول الجملة صح، هو فين جوزي ده، اللي اتجوزني و بعد. شهر رمني و مشي من غير ما يسأل عليا،قولت و ماله شغله و مستقبله و تتحملي معه، جوزي اللي النت مليان صور ليه مع البنات و لما ابعت صور اسالها عنها،مفيش رد كاني شفافة و مليش لازمة، جوزي اللي كل فينا و فينا على ما يعبرني ب مكالمة تلفيون ، و ياريت على قد كده لا اهلك بيعاملوني كاني خادمة عندهم ايه السبب انا مش عارفة و جاي دلوقتي تسأل ،فات المعاد على رأي الست ام كلثوم

خد نفس و قال: خلصتي كلامك يلا نرجع البيت و نكمل كلامنا هناك.

جت أم جنة من جوة و قالت: حمد لله على السلامه يا شاهين

دخل سلم عليها و قال الله يسلمك

أم جنة: ادخلوا اتكلموا جوة احسن

جنة: مفيش كلام يا ماما بينا

شاهين: صح الكلام خلص يلا على البيت

جنة بعصبية: لا مش هرجع معك البيت و لو سمحت طلقني

الصدمة شلت حركته و ام جنة ضربت على صدرها و قال: بلاش الكلمة دي يا جنة

جنة: ماما الطلاق هو الحل

زعق شاهين: و مفيش طلاق و يلا على البيت

ادخلت أم جنة علشان تنهي الموضوع:طيب اهدي يا ابني دلوقتي و سابها شوية و بعدين اتكلموا بلاش كلام وقت العصبية.

جنة بهدوء: مفيش فايدة، خلينا نخلص كل حاجة في هدوء ،طلقني يا شاهين

قال بتحدي: مش هطلق يا جنة.

و خرج شاهين من البيت و هي قعدت تعيط بانهيار.

//////////

خبط شاهين الباب فتحت بسملة اللي قالت بسعادة: ايه ده شاهين ايه المفاجأة الجميلة دي.

دخل من غير ما يرد عليها

كانت كل العيلة موجودة وقبل ما يروحوا عليه، بص ناحية فوق و قال: جنة ،يا جنة.

بص على ابوه و سأل : فين مراتي يا بابا ،فين الأمانة اللي سيببها عندكم

نعمات ببرود: و أنت كنت قولت لحد خلي بالكم منها.

مشي ناحيتها و قال: مش محتاجة كلام يا تيته دي مراتي يعني مني و منكم ،من غير ما اقول تخلوا بالكم منها ،هي فين

ردت بسملة بغيرة و غيظ: رجعت بيت اهلها ،هي كانت تحلم تعيش العيشية دي

لاول مرة كان يقول الكلام ده و يفكرهم بزمان : واضح انكم نسيتوا أن كل العز و الفلوس و البيوت هي ملكي أنا يعني ملك جنة مراتي و شريكة حياتي، لو نسيان أننا كنا زي باقي المنطقة على قد حالنا لحد ما ربنا كرمني في الكورة ، يعني يا بسملة البيت ده بيت جنة مراتي و علشان هي بنت اصول مشيت و سابت ليكم البيت ، و أنا كمان اسيب ليكم البيت و اخد مراتي معي.

الغيرة و الحقد وصلوا مع بسملة لنقطة صعبة جدا، صرخت و هي بتقول: بقي تجوز دي و كمان هي اللي تسافر انجلترا و أنا اللي كنت بحلم بكده ،انا مش موافقة أن ده يحصل.

ابتسم ببرود و قال: محدش سالك على رأيك..

و بص على ابوه و قال: أنا هقعد هنا لحد ما جنة ترض تسامحني بعد اللي حصل فيها و اخدها و نسافر على طول..

و طلع شاهين اوضته

و كانت نادية اتصلت على جنة و فتحت الخط علشان تسمع كلام شاهين

/////////

مر اسبوعين و شاهين كل يوم يروح لجنة و يطلب السماح و هي ترفض، لحد اخر يوم سألت :

مش فاهمة ليه عايز ترجعلي دلوقتي ، مش معقول مجرد ما سببت البيت قلبك دق ليا

ابتسم و قال: قلب دق و اتعلق بيكي من يوم العربية ،بس ديما كنت برفض اعترف بكده، و احارب نفسي علشان خايف من الحب، بس لما بعدتي عني،فكرة البعد صعبة عليا، أنا آسف يا جنة على كل حاجة ،اتمني بداية جديدة ،انا بحبك و سامحني.

ابتسمت جنة و قالت : مش قادرة أصدق أن اخيرا حلمي تحقق.

بص باستغراب و سأل: حلم ايه

قالت بحب: أنا كنت حلمي يا شاهين ، كل العصبية دي كنت بخبي بيها حب كبير ليك في قلبي علشان كده وافقت على الجواز بدون تفكير علشان بحبك، و للأسف أتصدمت بالواقع المر

نزل قدمها على الأرض و قال بندم: حقك عليا يا جنة.

جنة بابتسامة: أنا بحبك يا شاهين و مش زعلانة منك، علشان بحبك، و الحمد لله أن حبي كان في الجون ،اصل ديما كنت بقول اني حبي ليك

تمت