رواية حب وحنين🔞🔞 الفصل الحادي عشر 11 - بقلم Nada hs

#حب_وحنين

الجزء الحادي عشر

nada hs
حنين
راح اكرم لدوامه وبقيت اني انظف واجهز الغدا.. ونهاد يم امها بالغرفة والاطفال يلعبون ساعه بالحديقه وساعه يمي بالمطبخ..
اتغدن سويه واني وحدي گعدت بالصاله اكلت وبالكذب مگالت تعالي يمنه.. كلش لبستني وماحاچتني ابد.. حتى امها مخلتني الزمها .. كل مااقربلها وگالت لا اني .. عفتها براحتها وما طوخت وياهه.. للظهر اجه اكرم بس اني چنت نايمه من اجه.. للعصر يله شفته.. ماادري شنو الي اخذني لغرفته.. يمكن حظي راد يسويهه.. لگيته نايم بدون غطه وجسمه ونومته تخبل.. مخلي ايده ع عيونه والخ ع بطنه..
گعدت ع السرير يمه هو حس عليه وگعد..
اكرم:وردايتي..
حنين:اگعد كافي نوم!
اكرم:لج تعبان كلش ..ماشالله اليوم المستشفى انترست مصابين ودخلنه عمليات هوايه ..
احجي ويا والفلف بالتشيرت مالته:تغديت؟
اكرم:لا.. مااشتهي ولعبانه نفسي كلش..مااريد احچيلچ شنو شفت اليوم.. ولتذكريني بالاكل..
-اوكي.. بس اني مشتاقتلك وانت حابس نفسك من جيت ولهسه!
اكرم:هسه شويه واطلع .. راسي مصدع شوي..
-سلامتك روحي..
بسته من گصته وطلعت.. كملت كم شغلة بالمطبخ ومر الوقت بسرعه وصار الليل وع العشا كل ما تخطف مني نهاد تخزرني.. مو مثل خزراتهه العاديه.. لالا هل مرة بحقد او استضغار..
مشيت كل شي عادي وگلت يجوز مغثوثه من شي..
كملو العشا وبديت اغسل مواعين..اجه اكرم للمطبخ ..
اكرم:وردايتي.. اني طالع.. نهاد محتاجة كم شغله..
تفاجئت شنو الي محتاجته! وهي باچر ع اساس تروح! مسألت بس وره ماطلع اكرم عرفت شنو السبب الحقيقي..
كملت المواعين ودخلت يمهن بالغرفه.. گبل نهاد صاحت ع اطفالهه وطلعتهم من الغرفه.. بقيت اني متعجبه عليها ليش هلگد عصبيه وليش طلعتهم؟!
نهاد:انتي من شوكت هنا؟
-اربع لو خمس اشهر؟
نهاد:وكل هل فترة انتي ويه اكرم ؟ وتنامين يمه؟
انصقعت بالحچته وتخيلت امهه هي النطقت بس شلون؟ بعدين تذكرت لمن رحت لاكرم العصر..nada hs
نهاد:طلعتي وحده بت شوارع هاي اذا مو بت حرام! واني اگول شنو هل حنيه والطيبه ع امي والبيت يلج من النظافه والطبخ جاهز!
صبت دموعي ع كلامهه ونزلت راسي..
نهاد:اوي خجلتي مو؟ شوفي بعد السما عن الارض اخلي اكرم ياخذج.. بت شوارع تزوج اكرم! اكرم الدكتور الي كلهه تتمناه! لج مهندسات وبنات اصل وفصل يتوسلن اخذهن اله! تجين انتي الزعطوطه مسويه نفسج ام البيت!
-بس..
قاطعتني وگالت:لا بس ولا شي.. تتخطفين يمه وترحيله للغرفه شيسموهه! اول ماگلتي ابات هنا نغزني گلبي منج.. تدرين ليش؟ لان ماكو بنيه متربيه تبقى بيت واحد عزابي!
-خل..
هم رجعت قاطعتني:لا تحچين ولا حرف.. اذا باقي عندج شويه كرامه وشرف لتبقين هنا! اذا انتي صدگ شريفه ويمسج الحچي راح ترحين بدون مشاكل.. واذا لاوالله من ذولي الشلايتيات مراح تتأثرين بالي اگوله..
حچيها رجعني قرن زمان.. وين چنت احلامي كلها رراح تتحقق واتزوج اكرم وارتاح من كل مشاكلي.. رجعت لنقطه الصفر كأن كل هذا تبخر .. عفتها ورحت گعدت بالصاله وافكر بكل حرف گالته.. وبلحظه حسيت كل كلامها صح... اني الي تركت اهلي كل هل مده وعشت ويه ناس غربه وحبيت ابنهم لا وانطيته جسمي وحللت كل شي علي وعليه! ظلت دموعي تصب وحايره شسوي.. سمعت صوت الباب انفتح گبل دخلت للغرفة يمهن خفت لا يشوفني اكرم ويسألني .. فرشت فراشي ودرت ظهري لنهاد .. هو دخل انطاهه علاگة معرفت شنو بيهه وعباله اني نايمه ..احس كل هموم الدنيا بيه.. صار الفجر واني بعدني منايمه..
گمت ع اطراف اصابعي فتحت الكنتور ..اجت عيني ع الفلوس الي چان يخليها اليه اكرم.. صبت دموعي وعقلي يگلي روحي وگلبي يرفض.. سكتت كل شي بداخلي يمنعني اروح واخذت الفلوس لبست ردائي وطلعت..
چانت حوالي6 صبح.. طلعت امشي ماادري وين اروح وشنو اسوي .. خطرت ابالي دكتوره وصال.. بس ماردت شي يرجع يربطني باكرم.. بذاك اليوم كرهت نفسي من كلام نهاد الي صحاني من غفلتي...nada hs
مافكرت بأكرم وشنو ممكن يصير بي.. حتى تضحياته من يوم جيتي الهم لمعالجتي لاهتمامه لدلاله اليه.. كلهن نسيتهن بلحظه وكل همي اطلع من بيتهم واشرد لمكان بعيد..

اكرم
گعدت الصبح وعيوني ادور حنين بكل مكان.. فتحت باب غرفة امي ع كيف ملگيتها.. دورت البيت كله مالگيتها.. لگيت فونها باقي بالصاله.. تخبلت وين ممكن تروح..
نهاد:صباح الخير.
-صباح النور.. اشو محد مسوي ريوك؟ وين حنين؟
نهاد:مادري!
-شنو؟ يعني مشفتيها؟
نهاد:وشدعوة هلگد مهتم؟ شمدريني وين راحت.. راحت منين مااجت من الحثاله الي جايبها انت منها!
-شدتحچين نهاد! شتعرفين عن البنيه انتي؟!
نهاد:اعرف كل شي .. وحده دايحه وجايه يمك .. مفكرت تبليك بطفل وتگلك تزوجني هااا!؟
-لج نهاد! شنو حچيتي وياهه؟
نهاد:محچيت شي من عندي.. شفتكم الصبح البارحه متحاضنين وغلست گلت يجوز انته الصوج..بس مال تروحلك للغرفه لا هنا اني اكسر رجلها وانعل ابوهه لابو منين مطلعت..
صرخت بكل صوتي:نهااااااد! اطلعي روحي لبيتچ بسرعه!
نهاد:يااا.. تطردني؟ علمود هاي الدايحه!؟
احچي وياهه ومااريد اشوف وجهه:اطلعي بسرعه منا!
بقت تبچي وتگعد بجهالهه وطلعو من البيت ..
بقيت حسبه تجيبني وحسبه توديني.. وين ممكن تروح.. اتصلت بوصال گالت مو يمهه.. كلش خفت عليها ومااجه ابالي غير اهلها
فكرتها راحت الهم ويجوز هسه موتوها.. رحت گلبت كنتورها الفلوس ماكو ومماخذه شي من ملابسها..
بذاك اليوم معرفت اتصرف وحتى امي غفلت عنها واضطريت اتصل بام ضياء تجي يمها..
اجتي ام ضياء واني طلعت افتر بالسياره حاير وين ممكن الگاهه وياترى بعدهه عايشه لو موتوها هسه؟! الف فكرة سوده اجت ابالي.. كل ما چنت احضنها اخاف يجي اليوم الي افقدها بي واجه هذا اليوم الخايف منه...
رحت للمستشفى ساعه زمان ورجعت مگدرت ابقه .. وصال عرفت بالسالفه ووصت ناس يسألون بمنطقه اهلها اذا احد شايفها او صار شي غريب ابيتهم..
صارت12 الظهر وماكو اي خبر.. كل دقيقه تمر احس اني راح افقدها للأبد.. مگدرت ابلغ الشرطه لان سبق وگالت ابن عمهم ضابط وماكو صغيره ولا چبيره ماينقلها الهم..
كلش حقدت ع نهاد.. تصرفت من كيفها وبغير متعرف شي.. واساسا حتى لو عرفت قصتهه هم مراح ترحمها ..
مر اليوم بطوله ومااعرف خبر عنها.. مادري شلون رجعت للبيت وبيا حال اجيت.. اباوع كل ركن بالبيت يذكرني بيها.. بكل مكان الها لمسه.. رحت لغرفتي وعطرها بعده بفراشي.. شمرت نفسي ع الفراش ورجليه بالگاع وباقي بملابسي وحذائي.. منتظر اتصال من احد يگلي لگيناهه.. حتى انتظرتها هي ترجع بس مرجعت..
بذاك اليوم حتى امي مشفتهه.. الساعات تمر ومابيدي شي.. النهار كله خلصته افتر بالشوارع وملگيتها.. بقيت بداخلي الومها ليش عافتني وليش طلعت جان ع الاقل تگلي عن نهاد حتى اعرف اخذ موقفي منها.. او ع الاقل چان واجهتني وودعتني ..
طلعت وعافتلي وجع چبير..
خلص يوم كامل وهي ماكو.. الصبح گعدت رحت يم امي و متأمل بلكي الگيها راجعه.. ملگيتها..
رحت لدوامي وكلش مالي مزاج ومالي خلگ احد.. بقيت گاعد ع صفحه وحتى مااستقبلت اي مريض ولافحصت..
حتى بالمستشفى انتظرت بلكي تجي مااكو مااجت...
طلعت من الدوام هم رجعت فريت بغداد شارع شارع لحد ماظلمت الدنيا رجعت للبيت.. كأنها ملاك چان بحياتي واختفى..
رجعت اتصلت بنهاد حتى اعرف شنو حاجيه وياهه بالضبط لان اني مسمعت منها اله طرف السالفه. بس طبعا نهاد من تزعل وماادراك ما نهاد.. مجاوبتني ...
اليوم الثالث وحنين ماكو.. صرت اختنگ بالبيت وهي مموجوده.. كل تفكيري لگوها اهلها وماتت خلص.. بس وصال رجعتلي خبر انه ماكو شي غريب ابيت ابو ناصر ولا احد شاف شي ولا صوت هوسه ولا اي شي من هل قبيل.. هم ماارتاح گلبي لان هم ناس مجرمين ميهمهم.. يقتلون الشخص ويمشون بجنازته.. ويجوز حنين راحت بعد..
اضطريت احچي لواحد من الاطباء الي ويايه كل السالفه لانو اقاربه بالشرطه ووصيته ميحچي گدام احد بس يحاول يعرف شي عنها.عسى ولعل عدهم فد اخباريه عنها..
يوم كامل انتظرت لخ وهي ماكو.. الطبيب الي كلفته رجعلي جواب ويگول معرف شي عنها...
قطعت الامل كلش.. ماكو باب مدگيته ومعرفت شي.. الفكرة الي مافارقت عقلي انها ماتت وخلص اخذت كل شي حلو وراحت.. عافتلي ذكريات حلوة ومرة بنفس الوقت.. حلوة لان كل لحظه وياهه چانت سعادة بحد ذاته ومرة لان هي هسه ماعادت موجودة
بيني وبين نفسي نفسي اعلنت الحداد.. عليها .. ع حبنا الي ما شاف وجه النور ولا تهنينا بي مثل العالم..
اربع ايام وهي ماكو.. حسيت گلبي يتگطع عليها ومشتاق الها موت .. امجد خابرني وهم بقه يحچي ويغلط عليها بدون ميفهم شي.. طبعا نهاد مقصرت حاچيتله كل شي شافته.. ماچان الي خلگ ارد علي ولااوضحله ولااشرحله شي.. خليتهم بأفكارهم اساسا اني تعبت نفسيا وجسديا من بعدها.. بس طلبت منه يجي ياخذ امي يمه لان اني مدااكدر اعتني بيها وام ضياء كل مااخابرها تجي ساعه وتتحجج وتروح..
اجه امجد واخذ امي وطبعا امي مانست حنين.. كل يوم اشوفهه بي تسألني وينها.. مچنت اجاوب ادنگ واسكت..
راحت امي وفرغ البيت عليه كلش.. طگت روحي وبدون وعي مني فلشت الطبلات الموجودة گدامي هي والي عليها من تحف وگلاصات.. ملگيت شي ثاني افرغ غضبي بي..
گعدت بالارض وكل تعب الدنيا بيه.. لزمت تلفوني ومن ضمن محاولاتي اليائسه اتصلت بأم ضياء..
-ام ضياء.. محتاج مساعدتج!
ام ضياء:خير دكتور؟ الحجيه بيها شي؟
-لا مو الحجيه.. اكدر اشوفج هسه؟
ام ضياء:ع بختك دكتور.. الساعه ب11 ونص !
-اسف.. باچر الصبح انتظرج تعالي..
مادري شلون نمت بالليل.. گعدت الصبح لگيت نفسي بالصاله ع التخم نايم والغراض مفلشه داير مدايري..
ظليت اراقب الساعه واحسب لجيه ام ضياء..
صارت 8 دگت الباب وطلعت الها.. اختصر الكم الاحداث طلبت منها تدخل لبيت اهل حنين بأي صفه.. محتاجة او مضيعه الطريق او اي شي المهم تدخل بيتهم وتنقلي شكو شي شافته وكل كلمه حچوها.. ترددت ورفضت بس عرضت عليها مبلغ مو شويه بنظرها هي كيفت وگالت بوجهي رايحه.. اخذتها ورحنة لمنطقتهم وسألنه ابو محل هناك ودلانه ع بيتهم.. شگد كرهت بيتهم منطقتهم وكل شي يتعلق بيهم عدا حنين طبعا..
نزلت ام ضياء مسافه عن بيتهم.. بقيت اراقب بيتهم واباوع ع الباب .. دگت الباب ام ضياء ودخلت بس مشفت منو الي فتح الها..