رواية حب شبه مستحيل للكاتبه مي علاء الفصل الحادي والثلاثون 31 - بقلم Emy Abo-Elghait

الحلقة "31" .... حب شبه مستحيل ....
قلم: مي علاء

هاجر: لوسمحت ، انت ، ممكن تساعدني ، انت ياللي لابس قميص ازرق
توقف و التفت ببطئ ، و حدق بها
بلمت هي و ثم بلعت ريقها بصعولة و قالت بخفوت
هاجر: لؤي!
اقترب منها ببطئ وهو محدق بها ، وقف امامها و تبادلوا النظرات لدقائق حتى قال هو بهدوء
لؤي: بتعملي اية هنا؟
هاجر: ا..
اتت سلين
سلين : اسفين نسيناكي ، يلا تعالي
و حملت حقيبتها و اتت ان تحمل حقيبة سرين و لكن اوقفتها هاجر قائلة
هاجر: خلاص انا هشيلها
سلين: زي ما تحبي ، تعالي يلا عشان اوريكي الأوضة بتاعتنا انا و انتي و سرين و صحبتنا و بنتين كمان
اومأت هاجر برأسها و حملت الحقيبتين و سارت خلف سلين و لم تنظر لة او تلتفت لة ، بينما هو كان متابعها بناظرية بتساؤل وهي تبتعد
بعد دقائق اتت لة لميس
لميس: يلا يا لؤي ، واقف لية؟
نظر لها لؤي وقال
لؤي: هاجر بتعمل اية هنا؟
لميس بإستغراب: هاجر؟ .. هاجر مين
لؤي بحدة: لميس ، بتكلم ع هاجر
لميس بصدمة: هاجر! هي هنا؟
لؤي بسخرية: يعني انتي متعرفيش
لميس بجدية: واللهي معرفش
ثم اكمل بتساؤل
لميس: بس اية اللي جابها؟
لؤي بشرود: مش عارف
لميس: ممكن تكون جت مرافقة مع حد ، المهم دلوقتي يلا تعالى معايا

امام البحر
هناك من جالس امام البحر ع الرمال ليستمتع بالمنظر ، و هناك من نزل في البحر و كانت منهم سرين و سلين ، و كانت سرين تبتعد و تتجهة للغريق
سلين بتحذير: متبعديش كتير يا سرين لتغرقي
لم تهتم سرين و اكملت

كانت هاجر في الغرفة تضع ملابسها و ترتبها في الدولاب ، ليس ملابسها فقط بل معها ملابس سرين و سلين
و مرت ثواني و انتهت من وضع الملابس و إتجهت للباب و فتحتة لتخرج وجدت امامها لميس ، كانت ع وشك دخول الغرفة
نظرت لميس ل هاجر بضيق مكبوت وقالت
لميس: سؤال وعايزة جوابة ، لحقتي لؤي ل هنا لية؟
هاجر: ملحقتش حد ، دي صدفة
لميس بسخرية: صدفة! .. انا اصدق يعني
هاجر بحزن: انا عملت اية عشان تكرهيني و تعامليني كدة
لميس بإنفعال: عشان انتي اذيتي اخويا
كان لؤي فتح باب الغرفة الذي سوف يقيم فيها و خرج من الغرفة و وقف عندما وجد هاجر واقفة تنظر لة بحزن
تنهدت هاجر و قالت
هاجر: انا اسفة
نظرت لميس لها بإستحقار و دخلت الغرفة
خرجت هاجر من الغرفة و اغلقت الباب و حانت منها إلتفاتة لة ، لم تجدة ، فنزلت سلالم الشالية و ابطأت خطاها عندما وجدتة واقف ع باب الشالية يلويها ظهره ثم اسرعت خطاها لتتخطاة ولكن اوقفها عندما امسك بيدها ، فإلتفتت لة فقال وهو يتعمق النظر في عينيها
لؤي: بتعملي اية هنا
قالت وهي تنظر في عينية
هاجر: ملحقتكش واللهي
لؤي: يعني صدفة!
اومأت برأسها وقالت لتأكد لة
هاجر: انا اتصدمت اصلا لما شفتك ، ولو كنت اعرف انك هتكون في الرحلة مكنتش جيت
ترك يدها ، فنظرت ليدها ثم لة ، تركها و تقدم خطوات بعيدا عنها و فجأة جرى بسرعة ، بينما هي شهقت و وضعت يدها ع فمها ، عندما سمعوا ذلك الشاب يصرخ و يقول بأن هناك فتاة تغرق
نزل في الماء لينقذها
بينما اقتربت هاجر من سلين الجالسة ع الارض تبكي بخوف
هاجر بقلق: فين سرين؟
سبين ببكاء: سرين بتغرق يا هاجر ، انا خايفة عليها اوي
احتضنت هاجر سلين و اخذت تمسح ع شعرها و تقول بخفوت
هاجر: متخافيش ، اكيد لؤي هينقذها ، إن شاء الله

في الشالية
مستلقية سرين ع السرير و بجانبها الطبيب ، فحصها و كانت ع ما يرام ولم يصيبها اذى ، غادر الطبيب
جلست سلين بجانب سرين ع السرير و هي ممسكة بيد سرين و تحدثها وهي تبكي
نهضت هاجر و خرجت من الغرفة كان لؤي خارج من الغرفة التي يقيم فيها و قد غير ملابسة ، تقدمت منة و وقفت امامة و قالت بإمتنان
هاجر: شكرا ليك يا لؤي ، لو...
قاطعها بجمود: مش مستني شكر منك
و تخطاها ، شعرت بالإحراج و الحزن و الإحباط ، تنهدت و عادت الغرفة
هاجر: حمدالله ع سلامتك يا سرين
سلين: الحمدالله لولا لؤي زمانها كانت غرقت
سرين بتمثيل: ممكن تسيبوني ، عايزة انام
هاجر: طيب مش هتاكلي؟
سرين: مش دلوقتي ، انزلوا انتوا
هاجر: ماشي ، تعالي يا سلين معايا
اومأت سلين برأسها ، و نهضت و خرجت مع هاجر ، بينما تنهدت سرين بسعادة و حدثت نفسها وهي تتذكر ما حدث
سرين: و اخيرا ، ااه كان شعور حلو اووي و هو شايلني بين ايدية ، بس انا طلعت جباارة و طلعت ممثلة شاطرة ، ههههه ولا هاجر اللي كانت خايفة عليا ، بس صعبت عليا سلين والله ، بس يلى كلوا عشانك يا لؤي و عشان حبي ليك
كان وقت الغداء
كان الغداء ع البحر بمعنى وجود طاولة كبيرة بالقرب من البحر و الكراسي حولها و وضعت ، اجتمعوا جميعهم حولها
وصلت هاجر و سلين و لسوء الحظ بالنسبة لها ان لم يكن هناك مكان لها إلا بجانب لؤي ، لأن لميس اجلست سلين بجانبها ، فإطرت ان تجلس بالكرسي الموجود بجانبة ، نظر لها بطرف عينية و لم يكترث
وضع الطعام و كلوا ولكن هاجر لم تأكل ، كانت جالسة تختلث النظر ل لؤي و تلك الفتاة التي كانت تتحدث معة طيلة فترة الطعام ، بماذا يتحدثون؟ .. لماذا يتحدث معها من الأساس .. بالإختصار ، كانت تشعر بالغيرة
نهضت تاركة الطعام و ابتعدت ، لا تستطيع ان ترى هذا ، ان ترى من تحبة يتحدث مع آخرى و ... امامها!! .. إذا ظلت دقائق آخرى بعد كان من الممكن ان تحدث اي تصرف غبي منها
ابتعدت عنهم بمسافة ليست كبيرة ، جلست امام البحر ، دمعت عينيها دون سبب مباشر فالذي بداخلها يبكيها

في منزل هاجر
جالسة اماني و سميرة يتحدثون
سميرة: واللهي لو معايا كنت اديتيك بس انتي عارفة فلوس دروس البنات و المدرسة و المصاريف كتيرة عليا واللهي
اماني بحزن: مصدقاكش مش لازم تحلفي ، ربنا في عونك انتي التانية ، الكل عندوا ضغوطات
سميرة: ما تقولي ل هاجر يا اماني
اماني: مش عايزة احملها اي هم ، هي مش ناقصة
سميرة: اممم بس انا لو مكانك هقولها عشان لو معاها فولس يمين شمال تديكي و تتساعدوا ، و اكيد هي مش هتبخل
اماني: هاجر عمرها ما كانت بخيلة عليا ابدا ، بس انا اللي مش عايزة اشيلها هموم البيت ، كفايا عليها همومها و مشاكلها
سميرة: ربنا يفرجها علينا
اماني: ياارب

في الشالية
نهضت سرين وارتدت ملابسها و نزلت
اقتربت منهم و جلست وهي تنظر للؤي الذي يتحدث مع تلك الفتاة ، شعرت بالغيرة و الضيق
اقتربت منها سلين و لميس و اخذوا يتحدثون معها وبعد دقائق نهضت سلين وابتعدت عنهم قليلا لتتحدث ع الهاتف
سلين: فينك يا زين؟ .. مش إحنا اتفقنا انك هتيجي الرحلة
زين: مش هاجي النهارضة هاجي بكرة مع السواق بتاعي
سلين بضيق: لية مجتش معانا في الباص ، كان زمانك معانا
زين: مش مشكلة ، يلى اقفلي دلوقتي
سلين: سلام
و بعد ان اغلقت الخط عادت ل سرين و لميس
كان الفتاة تتحدث مع لؤي و تقص لة و تخبرة بأنها تعرف التصميم و اخذوا يتحدثون بهذا المجال
لؤي: عندك خبرة عالية و هقدم عليكي عرض
الفتاة: عرض اية
لؤي: تشتغلي عندي في الشركة
الفتاة بسعادة: انت بتتكلم بجد ، و اخيررا
لؤي: خلاص هديكي العنوان ولما نرجع تيجيلي الشركة و معاكي السي في بتاعك و هعينك
الفتاة: شكرا شكرا اووي ليك
ثم قالت بتساؤل: بس انت اسمك اية
إبتسم وقال: لؤي
فقالت هي بدورها: و انا اسمي نيرة
ثم نهضت و قات
نيرة: استأذنك بقى
لؤي: اتفضلي
نظر بطرف عينية بجانية امازالت جالسة؟ .. لم يجدها ، لمح سرين فقال
لؤي: ها بقيتي كويسة
سرين: انا؟
اومأ برأسه ، شعرت بالسعادة لأنة بدأ معها حديث
سرين: ايوة الحمدالله ، و شكرا لحضرتك
إبتسم وقال
لؤي: تبقي تنتبهي مرة تانية
سرين: إن شاء الله
ثم نهض و اتى ان يغادر الطاولة ولكن اوقفة كلام الناظرة وهي تقول
الناظرة: خلصنا اكل دلوقتي ، يلى بعد ما تغسلوا ايديكم اللي حابب يلعب بالألوان و المية و كدة يروح هناك
و اشارت لأحد الأماكن
عندما قالت اللعب بالألوان و المياة تذكر ذلك اليوم الذي قضاة مع هاجر ، كان يوم رائع و مميز بالنسبة لة ، إرتسمت إبتسامة ساحرة ع شفتاة وهو يتذكر و من ثم وضع يدية في جيبة و سار امام البحر و توقف عندما رآها جالسة ع الرمل شاردة و هي تنظر للبحر ، توقف لثواني متردد ايذهب و يجلس ويتحدث معها ام لا ، اخذ قرارة و إتجهة و جلس بجانبها ، التفتت و نظرت لة بإستغراب بينما هو كان ينظر للبحر ، التفتت و عادت تنظر للبحر ، كان الصمت سيد الموقف حتى قطعتة هي ... وهي تقول بشرود وهي تنظر للبحر
هاجر: انا اسفة
التفت و نظر لها حيث اكملت هي
هاجر: اسفة لأني اذيتك حتى لو بدون قصد ، اسفة لأني سببتلك إحراج لما كنت بمشي معاك ، اسفة لأني ضعيت خليتك تضيع وقتك معايا ، مع واحدة ( غيم ع صوتها الحزن ) عانس ، انا بتأسف ليك عشان انا خلاص
التفتت و نظرت لة وقالت بصعوبة
هاجر: اتخليت عن حبي ليك ، زي ما انت اتخليت عن حبك ليا من زمان