رواية حبر باهت بقلم رشا روميه | كاملة

تقدمت "زينب" نحو الداخل ليقابلها "شهاب" برفقة تلك المرأة، تطلعت بهما "زينب" بإزدراء ومازال وجهها محتقن بحمرة شديدة أدركها "شهاب" على الفور، إنها حُمرة بكاء. رغم تفاجئه بوجود "زينب" إلا أنه أقبل تجاهها بقلب قلق وتلهف يملؤه العشق والحنو: -"زينب"!!! مالك حبيبتي، بتعيطي ليه كده؟ تعاسة زادها إندهاشًا وإستنكار، كيف يفعل ذلك، أيظهر محبته بعد فعلته؟ أيتلهف عليها أمام عشيقته؟!!!، عادت "زينب" برأسها بإمتعاض ونفور: -إنت إيه يا أخي؟!! بارد، مفيش دم خالص، يعني بتعمل عملتك ولا كأنك عملت حاجه؟!!! قطب جبهته بدون فهم قائلًا: -مش فاهم، قصدك إيه؟ أنا عملت إيه؟ عقدت ذراعيها أمام صدرها وهي تقوس شفتيها بإستغراب: -عملت إيه؟!!! هو إنت مش حاسس بنفسك!! يا بجاحتك يا أخي، ده إنت حتى هنا في بيتها، بقى ده جزاتي، بعد كل العِشرة إللي بيننا وإللي إتحملته معاك وعشانك تعمل معايا كده، بتخوني يا "شهاب"؟؟!!! تجهم وجه "شهاب" بقوة ليدرك أمرًا لكن بشكل متاخر للغاية: -إنتِ بتقولي إيه؟! إنتِ عرفتِ...