رواية حبيب الجامعه الفصل الخامس 5 - بقلم Zahraa ʚĩɞ

ريا:هلو عيني راح نخلص من حديقه
اديان:انلصمي
سمى:الله يرزقج يا رب ويعزمج ايمن عله قوزي ووراهه يخطبج
اديان:انجبي
سمى:موزين ادعيلج
اديان:ما ريد دعوتج وانت هم يا رب تزحلكين ويصير جود كبالج وتنلطمين بي
سمى:خرب مالكيتي غيره اكرهه
ريا:هههههههههههههه
.
.
.
.مر الشهران التاليان دون ان اتكلم مع حازم وهو لم ياتي الي بعد ذلك اليوم الذي تجاهلته يبدو انه مل مني لكنني حقا لا اعرف شعوره تجاهي لا اريد ان اوهم نفسي بامور غير حقيقيه واتخيل اشياء غير موجوده
كانت امتحانات الفصل الدراسي الاول قريبه لم يتبقى سوى اسبوعان وانا خائفه من مادة الميكانيك جميع امتحاناتي اليوميه صفر
كانت اديان وسمى جالستان في المكتبه تدرسان وانا لا افهم شيء مما تقولانه
اديان:شوفي منا تطلعين الريئكشنات بعدين تجمعيهن وتطلع محصلتهن
سمى:فهمت
اديان:ريا فهمتي؟
ريا:..........
اديان:لج رياااااا
ريا:هاا شبيج تصيحين
اديان:صارلي ساعه اصيحلج وين بالج؟
ريا:بنات اني ضجت راح اطلع من المكتبه انتوا ضلوا اقروا(خرب ليش افكر بحازم اطلع من راسي ما ريد افكر بيك)كنت اسير وانا احاول نسيانه وكلما حاولت نسيانه اكثر زاد تفكيري به اكثر فجأة سمعت صوته
حازم:سلام ريا شلونج
ريا:حازماقصد اهلا
ثم اكملت سيري وتعابير الحزن باديه على وجهي
حازم:ريا صاير شي؟شبيج ضايجه
رفعت رأسي ونظرت الى عينيه ثم عدت وخفضت رأسي
ريا:لا ما كو شي
حازم:شلونج بالميكانيك ؟
ريا:راح يجلطني
حازم:مو كتلج اذا ما فاهمه شي تعاليلي احنه مو اصدقاء؟
ريا:اه اممم ما دري
حازم:اصدقاء ونص شنو مادري يله تعاي للمكتبه اشرحلج عدنه ساعتين تفرغ ومنا وجاي كلما اكو فراغ عدنه اشرحلج اني اريد حبيب......اقصد صديقتي تصير شاطرة
ريا:اه ما ريد مالي خلك
حازم مو بكيفج يله امشي كدامي للمكتبه
دخلنا الى المكتبه وجلسنا الى احدى الطاولات انتبهت اديان وسمى لنا
اديان:اكول وين جان بالهه
سمى:اي عيني متفهم بس من حبيب الالب
اديان:لا ومن نحاجيهه لو نجيب طاري حازم تكول بنات سكتوا لحد يجيب طاري
سمى:عوفج منهه ادون خليهه براحتهه وتعاي كملي شرح
كان حازم يشرح لي وكنت احاول ان اركز معه لكنني افشل في كل مرة في التركيز عله الشرح واركز على وجهه
حازم:يله حلي كدامي
ريا:ما اعرف احل
حازم:يله حاولي واني اساعدج
اخذت القلم وحاولت ان احل السؤال الذي اعطاه لي لكنني لم اعرف
حازم:متأكده جنتي منتبهه وياي
ريا: اي مركزه وياك بس هذا السؤال صعب
حازم:هذا اكبر دليل انت ما منتبهه لان هستوني شرحته الج
ريا:اسفه ممكن تعيد الشرح
حازم:اوكي راح اعيده بس ركزي وياي
ريا:اوكي(خرب هسه شيكول عليه ثوله يربي غير اكدر اركز)
ركزت نظري على الورقه دون ان انظر الى وجه حازم بدأت افهم ما يشرحهه انه بارع في الشرح ما ان ركزت معه فهمت وبدأت احل الاسئلة
حازم:اي هيج عفيه بيج حبيب.......اقصد ريا
نظرت ريا الى الساعه كانت جالسه معه منذ ساعتين ونصف
ريا:تعبت اني خلينه نكمل غير يوم
حازم:ماشي اني اجيج واجرج للمكتبه لان اذا اعوفج براحتج تكضيهه مطفيه وترسبين
ريا:ترة اني مو مطفيه
حازم:يله خنكوم لان اذا بقيت احجي وياج تصير بالسجاجين.
ذهب حازم
اديان:لج عوبه ريا اشو خبصتينه ما حبه ولحد يجيب طاري شو كاعده ويا ويشرحلج
ريا:هو جرني للمكتبه شسويله
سمى:بنات اني تعبانه هسه ب2يمكن السايق اجه
اديان:لعد يله خلنروح باي ريري الخائنه
ريا:مع السلامه خبلات
ذهبت انا ايضا الى المنزل
حازم:ايمن لك من شوكت تشتري مداليات لا وحرف الAها ولك اعترف منو A
ايمن:لتلغي زايد يعني ميرادلهه روحه للقاضي اسمي ايمن وهذا اول حرف من اسمي
جود:اها اول حرف من اسمهه اقصد اسمك
ايمن:مخابيل مالي خلكم خلونه نروح للبيت
جود :اشو اليوم سمى وصديقاتهه ما شفناهم؟
حازم:قربت الامتحانات ودايقرن بالمكتبه قابل مثل شكولكم تنجحون بالدفرات
جود:صار شاطر ويتفيك بروسنه امشي وصلنه صدك مو مال واحد يسولف وياك
في اليوم التالي كنت اسير مع اديان وسمى نراجع المحاضرة لان لدينا امتحان يومي شعرت سمى بالدوار لذا دخلت مع اديان الى القاعه لتجلس اما انا فبقيت اسير واقرأ المحاضرة
سامر:سلام ريا
ريا:اهلا سامر
سامر:ردت اسألج عندج المحاضرة الاخيرة مال الرياضيات؟
ريا:اي عندي و جايبتهه هم

سامر:بلكي تنطينياهه لان قبل شوية رحت لمكتب الاستنساخ وكلولي خلصت فاريد نسختج استنسخ عليهه
ريا:اوكي
اخرجتها واعطيتها له
سامر:مشكور بالمحاضرة ارجعهه الج
ريا:اوك
ذهب سامر وعدت انا الى محاضرتي اقرأها سمعت صوته من خلفي
حازم:هذا شراد منج
ادرت وجهي اليه
ريا:وانت شيخصك
حازم:جاوبي شراد
ريا:راد شغله مني بعدين انت شيخصك شعليك
ثم سرت وتركته والغضب يتطاير منه
كانت سمى واديان تذهبان الى المكتبه كلما كان لدينا فراغ اما انا فقد كان حازم يشرح لي كان غاضبا مني بسبب الموقف الاخير انا لا احب ان يتدخل احد بشؤوني وانا ارى بانه ليس من حق حازم سؤالي عن اي شيء
كان يغضب حين اخطأ في حل السؤال
حازم:انت شبيج متفتهمين وين دماغج شنو هالغباء انتبهي وياي هذا ابسط سؤال وهيج متعرفيله لعد لو سؤال صعب شلون انت راح ترسبين
@zahraa362

قال كلامه بغضب ممزوج بنبرة مخيفه كانت ريا على وشك البكاء لكنها حاولت مسك دموعها بصعوبه
ريا:حازم اني ارد اروح تعبت
وقامت من مكانها قبل ان تسمع رده
حازم:اي شردي هو هذا الفالحه بي
سارت ريا خارجة من المكتبه
اديان:سمى لج شوفي ريا وضعهه مو طبيعي
سمى:اي لج جنهه بعد شويه وتبجي تعاي نروحلهه
قامت اديان وسمى بجمع اغراضهما ولحقتا بي كنت قد انفجرت بالبكاء جلست على احد المصطبات لوحدي وانا ابكي شعرت بيد احدهم على كتفي
اديان:ريا حبي شبيج؟
سمى:ليش تبجين ريري
جلسن على المصطبه واحدة الى يميني والاخرى الى يساري
ريا:حازم مدري شبي وياي عصبي ويصيح عليه وحجه وياي حجي اذاني وعفته ورحت لان بعد ما استحمل خفت اطكهه بجيه كدامه
اديان:جيبي خلاكطعه ما عاش اليبجيج
سمى:بس ليش هيج يسوي وليش عصبي
ريا:لان ذيج المرة اجه سامر طلب محاضرة مني وحازم شافه واجه سالني ليش سامر حاجاني واني كتله انت ميخصك وعفته هو صار عصبي ومن ذيج المره بقه تعامله خشن وياي
ضمتني سمى ووضعت راسي على كتفها
سمى:اششش حبي لتبجين ميستاهل دمعه من عيونج دموعج غاليه
اديان:حميت الا احاجي
ريا:لا اديان عوفي لتحاجي
مر حازم بجانب مصطبتنا ورااني ابكي اراد المجيء والتحدث معي لكنني ادرت وجهي واخذت اكلم سمى
حتى اصبح بعيدا
اديان:عابت والله عابت الهالشكول
ريا:لتحجين علي
سمى:خرب تكلج لتحجين علي لج بس لا......
اديان:بس لا......
ريا:اي حضي المصخم خلاني احبه بسطني منا الباجر اصلا استاهل
سمى:شو كافي تلطمين وتبجين الله يحلهه امشن نتونس بشغله ويله ابتسمي
اديان:اي محد يستاهل تغندبين ابتسمي
ريا:ماشي
جلسنا في الكافتريا تناولنا الطعام وحين انتهينا توجهنا الى القاعه
اديان:لج ريا خرب
ريا:شكو
سمى:لج وين الكرسي الكعدتي علي ؟
ريا:هذاك
سمى:خرب لج بي كتشب وتلوخت ملابسج من ورة
ريا:عزه صخام
اديان:لترتبكين امشي عادي واني راح امشي وراج واغطي عليج لحد ما نوصل للحمامات
كنا نسير كما قالت اديان ولكن حازم كان يسير نحونا
ريا:خرب هذا شجابه هسه
اديان:امشي لتهتمين اله غلسي علي
حازم:ريا ردت .......
لكنني سرت وتركته
حازم:(خرب عود انقهرت عليهه وكلت خطيه عصبت عليهه خلاراضيهه واعتذر غلست عليه ومشت مبين حيل مقهورة مني اوووف شبيه جني خبل حطيتهه وطلعت ضوجتي بيهه بس هي هم تنرفزني بتصرفاتهه اوووف لازم اشوفلي فرصه واعتذرلهه)
دخلنا الى الحمامات
اديان:طبي للحمامات نزعي التنورة وانتظري نغسلهه وننطيجياهه
فعلت ما طلبتهه مني ثم ارتديت التنورة كانت مبلله من الخلف
@zahraa362
ريا:وهسه شلون اطلع
اديان:مثل ما جبناج للحمامات نوديج للقاعة
سرت معهما حتى وصلنا للقاعه جلست على احد الكراسي وجلست اديان وسمى بجانبي
دخل حازم للقاعه
ريا:غير افتهم ليش حضي يخلي حازم كلساع يصير بوجهي
حازم:ريا ارد احجي وياج
اديان:وهي متريد تحاجيك
حازم:انت معليج اني دااحاجيهه هي ترد
ريا:حازم روح ما اريد احجي وياك رجاءا لتلح
حازم:تره متسوة هلكد تضوجين
ريا:لا تسوه انت اذيتني جرحتني بحجيك روح ما ريد احاجيك(خرب ليش ابجي)
حازم:اوكي احاجيج غير وكت
سمى:ريا كافي لتبجين
قامت ريا من مكانها ونسيت ان تنورتها مبلله
ريا:لج ما اكدر اتحكم بدموعي بساع تطلع ضايجه من روحي ليش اني ضعيفه
اديان:لج نشفت التنورة
سمى:هله حمت لحد ما نشفت
ريا:خرب خلتني اضحك واني ابجي
اديان:اي هيج ضحكي فديت هالضحكه
بدأت المحاضرة جلس الجميع كان الاستاذ يشرح وانا مندمجه مع الشرح واشارك الاستاذ عندما يسال
وصلتني ورقه صغيرة فتحتها (ريا ادري ضايجه مني ومتحاجيني بس شالج فالت وشعرج طالع من الحجاب التوقيع حازم)
ريا:خرب
كتبت ورقه واعطيتها لاديان فتحتها اديان (ادون لج حازم دزلي ورقه يكلي شعري طالع من الشال )بعد قليل وصلتني ورقه(اي لج طالع شعرج بس لتبينين انتظري تخلص المحاضرة ونروح للحمامات وبعد لتدزين ورقه خاف الاستاذ ينتبه)
لم استطع ان انتبه الى المحاضرة كنت اعد الثواني كي تنتهي
حين انتهت المحاضرة اسرعت اديان وقفت خلفي وسمى بجانبي وذهبنا للحمامات
@zahraa362
ريا:يربي ارد انتحر شنو هالمواقف
قمت بتعديل حجابي
اديان:بما انو شاف شعرج لازم يتزوجج ما عدنه بنات يطلع شعرهن ونسكت
سمى:هل تقبلين حازم زوجا لك
ريا:ولجن انلصمن متشوفن الموقف الاغبر الاني بي
اديان:يمعوده انسي متسوة تضوجين
سمى:اني واديان راح نروح للمكتبه تردين تجين ويانه؟
ريا:اي اجي وياكم قابل وين اروح
ذهبنا الى المكتبه جلست اديان وسمى وبدأن يدرسن بينما انا بقيت افكر بحازم لا بد انه الان يراني فتاة مغرورة لانه حاول الاعتذار مني مرتين وانا تجاهلته .
فجأة جلس ايمن وجود الى طاولتنا .
كان جود ينظر الى سمى ويتحدث
جود:عادي نكعد يمكم مثل ما تشوفون المكتبه متروسه لان فترة امتحانات وما مكان فارغ
سمى:بعد كعدتوا على شنو تاخذ اذن
ايمن:يعني منزعجكم
اديان:عادي متزعجونه بس لتطلعون صوت واحنه ترة مزعجات من ندرس نتعارك ويه المحاضرة لحد ما نفهم فاتحملونه
ايمن:عادي احنه اصلا من ندرس الهوسه كلهه يمنه ونفتهم
ريا:(لا صدك ترة هسه كملت هذوله اجوا كعدو يمنه وراح يتلطلطون للخبلات صديقاتي يمكن اكوم من يمهن احسن لي)
ريا:بنات اني راح اروح اكعد بالقاعه احس جو المكتبه يخنك
سمى:اوكي براحتج
دخلت الى القاعه كانت فارغه جلست على احد الكراسي وبدأت اتصفح محاضراتي .
احسست بشخص جلس في الكرسي المجاور لي لم ارفع رأسي وواصلت النظر في المحاضرة لانني علمت من يكون وضع وردة حمراء على المحاضرة الخاصه بي
ابعدتها وواصلت القراءه
حازم:الحلو زعلان
بقيت صامته على الرغم من ان ابتسامه لاحت على شفتاي
حازم:زعلان الاسمر ما يكلي مرحبا
رفعت رأسي وبدأت بالضحك
حازم:فدوة الهاضحكه
ريا:لتحاجيني هيج اعرفك تعرفني
حازم:يعني ميصير الصديق يحجي حجي حلو
ريا:لا ميصير
حازم:اوك فديت هالضحكه الحلوة بس سنونج عوج يرادلهن تقويم
ريا:هه متت من الضحك
@zahraa362
حازم:اي ادري بروحي شخص مرح فديتني
ريا:اويلي عالمرح لو المرح يسمعك ينتحربعدين شنو هاي الوردة عود تصالحني بيهه مثلا
حازم:اي عجبتج مو فديت ذوقي فديتني كلي اخبل صاك......
ريا:كافي عيني براد بيت بعدين اكو واحد يصالح وحده بوردة جذبيه عالاقل جيبلي وردة بيهه ريحه
حازم:عود عالمرة التجي اجيبلج وردة من صدك بس الدنيا شته والورد ذبلان اشتريتلج وردة من مكتب الاستنساخ بعدين اذا مترديهه جيبيهه انطيهه الوحده ثانيه تكيف بيهه
ريا:لا خليهه عجبتني
حازم:شخبار الميكانيك هم درستي
ريا:لا ورة رزالتك كرهت الميكانيك حسيت نفسي صدك غبيه وراح ارسب
حازم:مو صالحناج ليش تجلبين بالسالفه
ريا:ما مجلبة انت سالتني وجاوبتك
حازم:زين يله جيبي محاضراتج خلاشرحلج
ريا:ما ريد
حازم:رجعنه
ريا:لا اخاف هم تعصب وتصيح عليه ترة مشاعري مرهفه اطكهه بجيه وما اسكت بعد
حازم:اويلي لا لتخافين ما اصيح عليج يله خالاشرحلج
بقي يشرح لي حتى تعبت
ريا:بعد ما استوعب شي تعبت
حازم:اني هم خلينه نكمل عالمرة تجي
ريا:اوكي
حازم:خلاروح اشوف ايمن وجود مدري وين راحوا
ريا:جانوا كاعدين يمنه بالمكتبه يقرون
حازم:هذوله يقرونضحكتيني
ريا:ليش تضحك لعد شعدهم بالمكتبه
حازم:علمود صديقاتج
ريا:شعدهم وياهن(ارد اجر حجي منه اسوي روحي مطفيه)
انتبه حازم بانه سيكشف اصدقاءه
حازم: ما عدهم شي بس لان صديقاتج بالمكتبه فكالوا نقرة على واهسهن
ريا:فهمت
وصلنا الى المكتبه ذهبنا الى الطاوله التي يجلسون عليها لم نجدهم
ريا:جانوا كاعدين هنا وين راحوا
حازم:خاف جاعوا وراحوا ياكلون امشي للكافتريا نشوفهم
ريا:ماشي
ذهبنا الى الكافتريا كان الاربعه جالسين يتناولون الطعام ويضحكون كانوا مستمتعين معا
ريا:ايا خاينات لا ويضحكن
كنت ساذهب اليهم لكن حازم اوقفني
حازم:عوفيهم شتردين منهم
ريا:ارد احجي وياهن
حازم:هسه يكملون ويجن يحاجنج
ريا:هفف ماشي
حازم:امشي انت هم اشتري اكل اكيد جوعانه
ريا:ما ريد
حازم:لج امشي وياي اني عازمج
ريا:بس منكعد هنا نرجع للقاعه
حازم:تتدللين
دخلنا الى الكافتريا واشترينا الطعام
جلسنا في القاعه
حازم:بعد اسبوع الامتحان اريدج تشدين حيلج وتنجحين
ريا:وليش كاتل روحك تريدني انجح؟
حازم:حتى من تنجحين امشي واكل للناس هاي البنيه لو ما اني جان ما نجحت
ريا:عرفت انت متشرحلي لوجه الله اكيد عندك سبب طلع حته تتكشخ براسي
دخل الاربعه القاعه ذهب حازم مع اصدقاءه بعد ان ودعني وجلست سمى واديان بجانبي
ريا:خاينات شعدجن كاعدات يمهم؟
@zahraa362

سمى:جنه كاعدين نقره ووصلنه سؤال صعب نريد نحله مينحل فجود انتبه النه وسالنه ليش صافنين
اديان:فاحنه كلناله عالسؤال وايمن كال اذا حليت السؤال شتنطوني
سمى:فكلناله حله ونعزمك عله لفة كص وبيبسي انت وجود لان عبالنه مطفين
اديان:وجان ايمن يحل السؤال وطلع قوي بالميكانيك فاحنه نحرجنه وعزمناهم على لفات واكلنه احنه هم
سمى:وهاي كل القصه
ريا:مو اكول مو من اخلاقجن بس جنتن تضحكن ومتونسات
سمى:تدرين طلعوا حبابين مو مثل ما جنه نعتقد
اديان:زين انت شجنتي تسوين وي حازم مو علاساس زعلانه منه
اخبرتهما بكل ما حدث
اديان:اوووي نيالج شكد رومانسي
ريا:والله هذا الحازم حيرني
سمى:الله يفرجهه
مر الوقت وجاءت الامتحانات الجميع خائفون جو من التوتر والشد العصبي الممرات تعج بالطلاب السائرون ذهابا وايابا ويراجعون المحاضرات
جود:جبتلكم عصير راني برتقال شربوا قبل الامتحان شويه تهدأ اعصابكم
قدم جود العصير لسمى اولا ثم اعطى لبقيتنا
ايمن:مثل ما كتلج اذا اجاج هيج سؤال تستخدمين هذا القانون
اديان:ماشي
ايمن:لتخافين ولتتوترين ماكو شي صعب اي شي يجيج عرفي يا موضوع وسطري قوانينه
جود:اقري سورة البقرة تسهيل امر
حازم:وقت شقاك
جود:متشوف اكو ناس راح تموع روحهه من الخوف غير ردت اغير جو
كان يقصد سمى بكلامه فلقد كانت كالمومياء لم تنم سوى ساعتين هالات سوداء تحت عينيها حاولت اخفاءها بمساحيق التجميل لكنها كانت واضحه كانت علامات القلق والتوتر باديه على وجهها ولكن حين سمعت كلام جود ابتسمت
كانت علاقه اديان وسمى بايمن وجود علاقه صداقه لقد ساعداهما كثيرا بشرح المواد يبدو انهما ذكيان لكنهما لا يتعبان نفسيهما في هذا اليوم لم يكن لديهما امتحان لكن جاءا بحجه رؤيه حازم لكن في الحقيقه جاءا من اجل سمى واديان
دخلنا الى القاعه الامتحانيه
جلس الجميع في اماكنهم كنت من الاشخاص الذين يستخدمون اليد اليسرى في الكتابه ولكن المقعد المخصص لي كان مصنوع لمن يستخدم اليد اليمنى
كنت اكتب بصعوبه بالاضافه ان المراقب ازعجني كان يطلب مني ان اقوم من مكاني ويدير مقعدي
ريا:استاذ ترة اني يسراويه مو معوقه
الاستاذ :سكتي ولا كلمه
جلست وانا احقد على هذا الاستاذ وشرارة الغضب تنبعث من عيناي
انتهى وقت الامتحان خرجنا جميعا
حازم:ها بشري سهله مو كل الاسئلةحاليهه اني وياج سوه
ريا:مجاوبت زين يمكن ارسب
حازم:لا ما اصدك تشاقين يمعوده شسالفتج
ريا:مادري
حازم:الله كريم
سمى واديان كانتا حزينتان ايضا
ايمن:لتضوجن تعوضنهه كل الطلاب باول فصل يزفتون
جود:اي انسن هذا الامتحان وركزن عالجاي
حازم:امشونه نروح للكافتريا ناكل وننسه الامتحان
ايمن:واني عازمكم على ايسكريم لان الجو دفه
سمى:بنات اني راح اكعد بالقاعه انتو روحوا تونسوا
ريا:تردين ابقى وياج؟
سمى:لا انت روحوا اني من اتحسن الحك بيكم
ابتسمت سمى رغما عنها كي تطمئننا ذهبنا الى الكافتريا
جلسنا جميعا كان جود قلق على سمى
جود:اعذروني ما كدر اكعد وياكم تذكرت عندي شغله انتوا اكلو
حازم:اوك براحتك
ايمن:عود بعدين اعوضك واشتريلك ايسكريم
ذهب جودالى القاعه لم تكن سمى موجودة لمحها تخرج من الحمامات كانت شاحبه ووجهها اصفر كانت ستقع على الارض اسرع جود اليها وساعدها على السير حتى وصلت للقاعه جلست على احد المقاعد
جود:شبيج شصار ليش هيج وجهج اصفر
سمى:تقيأت مع انو من البارحه كلشي ما ماكله
جود:ليش هيج تسوين بروحج
سمى:ما اشتهي
جود:زين تعاي كعدي ويانه ليش وحدج
سمى:ما ريد اخرب كعدتكم
جود:زين راح اجيبلج ماي ونستله واجي
سمى:ماشي
احضر جود الماء والشوكولا دخل الى القاعه كانت سمى تضع رأسها على المسند امامها
جود:سمى سمى كعدي جبتلج ماي
رفعت سمى راسها بصعوبه ساعدها على شرب الماء واكلت الشكولا
جود:احسن
اومأت براسها:احسن
جود:انت مو انت وانت جوعان خذلك سنيكرز