رواية حبيب الجامعه الفصل السابع 7 - بقلم Zahraa ʚĩɞ

ووراهه انطيك جوابي
جود:ماشي بلكي منا لحد سنتين الكه وحده صاكه واعوفج
سمى:اذبحك غير
جود:يعني تحبيني
سمى:مادري
حازم:ترة صارلنه ساعه واكفين ونتفرج على مسرحيتكم شوكت تكملون رجلينه راحن من الوكفه
جود:فوت خويه شغلتي تعبانه راح تتاجل
حازم:الله يسهلك
مرت الايام سريعا وها نحن في المرحلة الاخيرة كانت اديان وسمى حزينتان لان ايمن وجود تخرجا لقد تعلقتا بهما كثير
سمى:نيالج التحبي يمج
اديان:اي والله واحنه كلوبتنه مشعوطه
سمى:لا وجماله حتى عالفيس ميحاجونه كلما ندخل يكلولنه مشغولين
ريا:هسه هو وينه الاحبه شالع قلبي لا يعترف ولا شي يمكن يطلع ميحبني
اديان:واني مثل حالج بس هاي الحضوض اعترفلهه
ريا:اي حضووض بس عوبه هواي طردت بي ليروح يطير من ايدهه لج يموت عليهه
سمى:يمه اسم الله اصلا جود كلي من شفتج بعد ما اكدر اباوع الغيرج

ريا:لج انت بساع تصدكين هذا حجي خريطي اذا اجت وحده وفرت راسه يا سمى يا بطيخ
اديان:سمى واعترفلهه وانت ويمج حازم وتشوفي الا اني حضي معروج هيج ليش لا اعتراف ولا اشوفه
رن هاتف اديان معلنا وصول رساله جديده
فتحت الرساله كانت من رقم غريب
(تعاي وحدج للكافتريا وحسج عينج يجي احد وياج ولتبينين الاحد انت خايفه ايمن راح يموت اذا ما اجيتي احنه مراقبيج المرسل مجهول)
اديان:بنات اني عندي شغله اروح اكضيهه واجي
توجهت اديان للكافتريا وهي ترتجف وتفكر ماذا ستفعل كان باب الكافتريا مغلق دفعته ودخلت كانت الاضواء مطفئة فجأة اضاء المكان كان هناك طاوله في وسط الكافتريا وعليها شمعه مضيئة وعلى جانبيها كرسيان كانت الكافتريا مزينه لم يكن هناك احد سواهما وكان ايمن واقف يرتدي ملابس رائعه
كانت اديان مصدومه اقترب ايمن منها كان اطول منها
ايمن:ممكن تشرفيني وتكعدين وياي على هذا الميز
كانت عينا اديان مملوءة بالدموع اومأت برأسها
جلست على الكرسي وايمن امامها
اديان:شنو ناوي اليوم كل هاي الزينه والورد والشموع لا وحاجز الكافتريا
ايمن: هيج عجبني احجزها كلت اتغدة وياج يا صديقتي لان صارلنه هواي ما متشاوفين

اديان:بس لا عازمني على فلافل والله ازعل وياك لاخر يوم بحياتي
ايمن:لا مو فلافل والله
تناولنه الغداء كان لذيذا
ايمن:اديان
رفعت راسها:نعم
ايمن:اسف لان هملتج ذيج الفترة
اديان:وليش تتاسف انت عندك شغل واكيد ما عندك وكت
ايمن:اديان اني ذيج الفترة جنت متقصد ما احاجيج حتى من عندي وقت لان اني انسان اخاف الله وردت كلشي يصير كدام الناس بس حبيت اسويلج شي قبل لا اخطبج من اهلج
اديان:تخطبني
ايمن :اي اخطبج لان انت الانسانه الوحيده الحبيتهه هذيج الفترة جنت مضطر اشتغل طول هالوكت حتى اوفرلج كلشي تتمني لان انت انسانه رائعه وتستاهلين كل خير
خجلت اديان
ايمن:اني ارد اعرف رأيج اني والله احبج ومستعد اسوي اي شي حتى توافقين
اديان: واني موافقه لان ما راح الكه انسان مثلك
ايمن:تقصدين مثلي يحب الفلافل

اديان:يمكن راح اكضي السنين الجايه من حياتي اكل فلافل
ايمن:لا مدام متحبي راح ابطله
اديان:لا اكله شعليك بيه
ايمن:ماشي
اديان:بله بربك هي هاي طريقه تجيبني للكافتريا بيهه راح نكتل ايمن ومدري شنو
ايمن:يعني خفتي عليه
اديان:طبعا خفت واجيت بسرعه
ايمن:يعني خوف خوف لو عادي
اديان:يمكن بعدك ضايج على سالفه الحادث الصارلك تدري خفت عليك ذيج المره ومتت عبالي صارلك شي والدليل جود هم زميلي خفت علي بس مو مثلك خفت عليك لدرجه حسيت كلبي وكع انت الك مكانه خاصة عندي
ايمن:اسف لان خوفتجوانت هم عزيزة عليه بس مالكيت طريقه ثانيه حتى تجين وحدج
اديان:عادي مسامحتك لان المفاجئة تجنن
ايمن:الحمد لله عجبتج وانت تستاهلين اكثر
اديان:
ايمن:زين انت مو قبلتي تزوجيني اكيد تحبيني كوليلي احبك
اديان:ما ما اكدر
ايمن:حبابة الخاطري
اديان:مااا
ايمن:لج اشتريت مداليه باول حرف باسمج واصدقائي ضلو يقلدون عليه واتحملت كلشي في سبيلج
اديان:اكيد كلتلهم هذا حرف اسمك
ايمن:كلتلهم بس ما صدكوا لان جانوا كاشفيني
اديان:هم ما اكولك بس بربك شجنت تسوي بالمداليه
ايمن:من اتذكرج ابوس بيههوانيمهه يمي
اديان:خبل يمكن المداليه راح تصير الضرة مالتي
ايمن:لا من تزوجج اذبهه بالزباله بعد تصير عندي النسخه الاصلية شسوي بالمقلدةبعد احول عليج
خجلت اديان:لك لتحجي هيج
ايمن:فديت التستحي احبج ام العطوب دكوليلي احبك
اديان:احبك❤
ثم خرجت من الكافتريا امسك يدها
ايمن:لج انتظري وين شارده
اديان:شتريد
ايمن:عيديهه والج مني هديه
اديان:كافي متستحي انت هي كساع مو كتلك احبك
كان ينظر لها نظرة انتصار ثم افلت يدها

سمى:اديان عوبه لج شبيج
ريا:لج البنيه خرست
اديان:كااااافي
ريا:سولفي شصار شبيج
اخبرتهما بكل ما حدث منذ ان وصلتها الرساله وحتى النهاية
ريا:بخت
اديان:قل اعوذ برب الفلق
سمى:شكد حلو تستاهلين حبي
ريا:لن يتزوجكي
اديان:اكلهه خطبني تكلي لن يتزوجكي اشاربه من الصبح
سمى: عوفج منها خبلة تغار المهم شوكت يجي الاهلج
اديان:ما اعرف هو ايمن كله مفاجأات يجوز اصبح الصبح الكه امه جاية
سمى:لعد تحضري من هسه وطلعي صاكه حتى امه تحبج
ريا:اني رايحه للكافتريا بما انو خطيبج جان محتلهه وهسه فتحوهه اروح اعلف لان دمي فار
لم اكن منزعجه لان ايمن خطب اديان لكنني منزعجه من حازم الى متى هذه التلميحات لقد مللت حقا ان كان يحبني فليعترف ان لم يكن فليتركني

كنت اسير باتجاه الكافتريا والغضب يتطاير مني اصطدمت بشخص
مازن:ثول ما تشوفين
ريا:ثول اليثولك
مازن:تعاي عزميني على لفه كص
ريا:ما عندي بس الف ونص ميكفن فلوسي روح اشتري الروحكبعدين شعندك هنا
مازن:كلت افرفر بكليتج واكل لفه من حسابج
ريا:امشي مو مخلفتك وناسيتك
جلست مع مازن نتحدث ونضحك كنت اضربه على يده حين يزعجني
دخل حازم للكافتريا ورااني جالسه مع مازن لم انتبه لحازم وبعد ان انتهيت من الطعام سرت مع مازن ثم ودعته وذهب
احسست بيد امسكت معصمي وجرتني
ريا:حازم هد ايدي شبيك
حازم:لج اني اعلمج شلون هيج تسوين بيه
ريا:شسويت بيك
حازم:كاعده ويه واحد وتضحكين وتضربين ايده واني جنت تلعبين عليه طلع عندج واحد غيري
ريا:حازم هد ايدي والله كامت توجعني
كانت دموعي تنزل
ريا:خليني افهمك الله يخليك
حازم:اششش لتحجين ولا كلمه

شعرت بالغضب الشديد باي حق يجرني هكذا وانا لم افعل شيء خطأ الى متى يسيء فهمي ولا يتركني ادافع عن نفسي
ريا:انت بيا حق تلزم ايدي يله عوفهه منا طلاب شيكولون عليه وبعدين انت ميخصك باي شي اسوي
ثم حاولت افلات يدي لكنه امسكها بقوة ودفعني الى الجدار
ريا:وخر عني
حازم:لا ما اوخر والي علاقه بكلشي لازم اعرف المن تحاجين وليش لازم اعرف كلشي
ريا:ماالك حق بهذا كله انت ولا شي بالنسبه الي واني هم ولا شي بالنسبه الك
ثم صرخت بوجهه:وخر عني انت مالك علاقه بيه
حازم :الي علاقه ونص لان اني الحمار اليحبج
سكت للحضات
حازم:لتستغربين اني حبيتج بس طلعتي متستاهلين
كنت احاول التحدث لكنني كنت ابكي والكلام لا يخرج
حازم:انعجبت بيج وحبيتج وسويت كلشي حتى تحسين بيه سامر تقربلج واني تخبلت كلت هذا راح ياخذهه مني وتعاركت وياج لان حاجاج عالمحاضرة وتخبلت بيوم الاجه سامر وسالني عنج تخيلي اني الانسان اليحبج يجيني واحد ثاني يكلي احب ريا تخبلت مادري شسوي كلت خلي يعترفلج بس ما كدرت

بقيت بالكلية متقصد باليوم الراد يحاجيج راقبت من بعيد من حاجاج ولزمت اعصابي بالكوه فرحت لمن رفضتي كلت اعترفلج بس ما كدرت خفت ترفضيني مثله وتحملت ابقه طول هالفترة مجرد صديق الج تالي الكاج كاعده يم واحد تضحكين ولازمه ايده
كنت استمع لكلامه وانا اريد ان احضنه ان اخبره انني احبه ايضا ولكن جملته الاخيرة شكه بي عدم ترك المجال لي كي اوضح موقفي جعلني اغير رأيي مسحت دموعي وتضاهرت القوة
ريا:خليك بتفكيرك مدام متخليني اوضح ويله هد ايدي ترة صدك كامت توجعني على كل همزين ما اعترفتلي قبل لان صدك جان رفضتك
حازم:شتفهميني مو شفتكم بعيني
ريا بنفاذ صبر:الولد الجنت كاعده ويا اسمه مازن وهو اخويه اجه للكلية مالتي لان حب يكعد وياي يسولف اني ويا اصدقاء اكثر مما اخوة لذلك جنت اضربه واتشاقه ويا ارتاحيت هسه ومدام تفكيرك هيج بيه فالحمد لله ماكو اي علاقه تربطني بيك يله هد ايدي لا اصيح للامن يسوحلوك لان لعبت نفسي منك
ترك يدي بغير تصديق سرت مسرعه وابتعدت عنه سمعته يناديني لكنني لم اكترث له
كانت اديان وسمى جالستان في المكتبه ما ان رايتهما حتى دخلت في نوبة من البكاء وبدات بالتحدث مع اديان وانا ابكي
اديان:ريري حبي شبيج
ريا: حازم الحقير النذل الغبي عديم الاحساس (سطرت الشتايم كلهه)
اديان:على كيفج حبي شسوالج
اخبرتها بما حدث
سمى:لتضوجين يعني هو هم حقه غير يحبج وشافج وي واحد شمدري اخوج
ريا:يسالني واجاوبه مو يسوحلني كدام الوادم حتى ايدي كامت توجعني
اديان:يله انسي شتسوين
ريا:لج شلون انسه لج حبيته وانتظرت اليوم اليعترفلي بحبه مثل ما اعترفولجن قابل اني وحد تالي فاجئني برزاله وسحل وحجي مو حلو عليه
سمى:اكيد ميقصد عذري
اديان:ايمن بلكي تجيب بطل مي من الكافتريا خطيه حلكهه يبس من البجي
لم اكن منتبهه ان ايمن جالس معهما وقد سمع كل ما قلته
ريا:ااايمن من شوكت انت هنا
ايمن:موجود قبل لا تجين
ريا:خرب غلس عالسمعته
ايمن:ما اغلس لازم احاجي الحازم صاحبي واعرف شغلي ويا
ريا:لا لتحاجي ما ريد تكبر راسه
@zahraa362
ايمن:تعبتني سالفتكم حازم صارله 3سنين يحجي بيج وانت كما يبدو ثاوله صديقاتج بمشاكلج ويا لازم نحط حل للمشكله ترى اني هم اخاف على ادون حجيج يخليهه تنقهر عليج واني ما ريد حبيبتي تنقهر
ريا:ايباااااااخ تره لعبت روحي وبالمناسبه حتى اذا حاجيته اني بعد ما ريده بطلت ارد اعنس ما ريد اتزوج واحد عصبي حياتيش هاي
ايمن:انت معليج
اعطاني قنينه الماء ثم همس لاديان
ايمن:متخلصين مني راجعلج ادون
خجلت اديان :اوك
ريا:ايباااااااااخ عود هم تعرف تخجل
ايمن:لج لتضوجين خطيبتي
ريا:خطيبتك تصير من تخطبهه من بيت اهلهه
ايمن:والله تستاهلين السواه حازم يمه اللسان شطوله ميكدرلج غير حازم بس هو يكسر خشمج
ريا:اي موداخلين مصارعه ويكسر خشمي
ايمن:اروح احسلي لا انجلط
اديان:اسم الله عليك بريا ولا بيك
ضحك الجميع
ريا:عابت
ذهب ايمن الى حازم
ذهبت انا وسمى واديان للحمامات رتبت نفسي لان وجهي كان كارثه بسبب البكاء بعد ذلك تناولنا الايسكريم وتحدثنا تسلينا كثيرا وارتحت نفسيا
بعد ساعه عدت للقاعه وجدت حازم وايمن جالسان كانت عينا حازم محاطتان بهالتان سوداوان وشفته تنزف واحد خديه متورم لا اعلم لماذا لكن ما ان رأيته بدأت بالضحك وبصوت عالي
اديان:شبي هذا منو باسطه
ريا:تلكي بسط روحه من القهر لان خسرني
اديان:لج كافي تضحكين الولد متأذي
ايمن:حازم راح لاخوج يحاجي عنج حطه وبسطه كله شلون تشك باختي ولو تموت ما اوافق تتزوجهه واله اخلي اهلي يرفضوك اذا خطبتهه وحطه دكه شبعه كتل
ريا:تردون تقشمروني مبين مكياج بله كلي شسمهه البنيه الاخذتوا المكياج منهه حتى تسوي هالات سود عبالك مضروب
ايمن:انت شب
يج اكلج الولد مضروب وحلكه مورم وانت تكوليلي مكياج تعاي حطي ايدج على عينه وشوفي شلون متورمه
لمست عينه سمعته يتأوه لم يكن كحلا انه حقا متورم
ايمن:ها صدكتي لج يمكن انت ويا بعد متزوجون لان اخوج راح يخربهه
كان ايمن غاضب اخذ اديان وسمى وخرج من القاعه