رواية حبيبتي بدينة 😻🙊 الفصل الرابع 4 - بقلم Ban.Q.M

ريم،،،مرت الايام ووسيم دائما يدخلي وندردش
وسيم،،،جنت كلش ارتاح من ادردش معاها بالرغم عندي كومة بنات بس مااعرف ليش هية بالذات هيج ارتاحتلها
ريم ،،،كلش ارتاحيت لوسيم وجنت كلش احب احاجيه وانسى الدنيا كلها وسمني ووضعي من احاجيه حتى الحفلة صارت وحضرتها عادي ومجنت مقهورة على نفسي ووزني مثل قبل
ومرة رحنة نتسوك اني وامي وكتلها يوم خلي نطب لمجمع الوسيم نشوف شكو ماكو  ميار الشمري
دخلنا وعيوني دورلة لكتة كاعد ورة مكتبة ومندمج على الحاسبة ويكتب اباوعلة وابتسم فديت الكعدة والسمائي الي راح ياخذ منك قطعة شبعت بي شوف وهو مامنتبه ولا يباوع لزبائن ومخلي كوب كوفي يمة ويشرب كون اني الكوب وتلمسني بأيدك 😍.    ميار الشمري
وبيومها كالعادة دخلي وكمنة ندردش كلي شونج بالامتحانات شدي حيلج
ريم ،،،الحمدلله الله كريم
وسيم،،،اي بعد سولفي شكو ماكو
ريم،،ماكو شي جديد انت شكو ماكو
وسيم ،،،لا جديد نفس الروتين كل يوم بس تعب وملل
ريم ،،،وسيم اي تعب كل يومك تكضي ورة المكتب وبأيدك الكوفي
وسيم،،،😯 منو كلج هالحجي اني نادرا اشرب كوفي بس اذا جانت اعصابي تعبانة او مشدودة اشربة بس انتي جنتي اليوم بالمجمع وشفتيني مو
ريم ،،،اي هههههه
وسيم ،،،خرب شمرت الجهاز من الضوجة هاي شوكت اجتي وماشفتها متت قهر ظليت اعصر بمخيلتي منو اليوم اجاني
المشكلة كومة بنات يجوني ولان ماابيع ومااتعامل معهم قليل فبصعوبة اتذكر
ريم ،،،عزة شو بعد ميكتب يمكن عرفني انتظري البلوك ياريم 😂😂
وسيم،،،ورة شوي كتبت ريم اطلب منج طلب
ريم،،،يمة 😅 هسة يكولي اشطحي من خلقتي
همست اتفضل
وسيم،،، دزيلي بصمة صوت اتأكد انج بنت
ريم،،،ليش !!  ميار الشمري
وسيم ،،،من حقي اتأكد مع منو اتكلم يجوز تطلعين ولد شمندليني الدنيا صايرة تخوف واشكال دنشوف هسة تطلعين واحد من اصدقائي واحركم حرك
ريم ،،،كلت بكلبي يمعود والله بنية ومو بس بنية مجموعة بنات لتخاف هههه ظليت مترددة هاي شلون ورطة
لكت نفسي ادزلة بصمة صوت بدون مااحس بروحي وجان صوتي ناعم وحلو يذوب الصخر يعني الصوت عكس الشكل تماما
وسيم،،،دزتلي هلو وسيم هاي دزيتلك بصمة صوت حتى تتأكد اني بنت بس رجاءا هذا اول واخر طلب تطلبة مني ولتحرجني بعد وفعلا تشرفت بمعرفتك
وسيم ،،،،يمة الصوت يمة اشتعلوا عمامي خرب هاي غير صاكة خليت سماعة حتى يكون الصوت اوضح وكل شوي اعيدة واسمعها صدقة لهل صوت كلة انوثة ولو من قبل اكول الصاكة يصير صوتها مو حلو بس الظاهر راح اغير نظريتي
ريم ،،،لطش وسيم غير لطشة علية ونظل نسولف للفجر على الفيس
وسيم ،،،تركت كل البنات الي اعرفهن وصارت ريم شغلي الشاغل جان عندي صديق بالاداب انطيتة اسمها ومواصفاتها كتلة اسألي اكو بنت بهل مواصفات كلي اوك ارجعلك خبر
ريم ،،،مرت الايام واجتي امتحاناتي وصارت علاقتنا كلش قوية اني ووسيم وطلب مني انه نتواصل وانطي رقمي حتى يطمن علية من اطلع من الامتحان وفعلا بدأ يتصل بالبداية من اطلع من الامتحان واطمنة زينة بالامتحان ونسدة
حبيتة كلش عشقتة لحد الجنون وصار مجرد ميذكرون اسمة او اسم المجمع مالتة قلبي يدك اعتزلت صديقاتي واقاربنا ووبنات خالتي دائما يكولولي شنو قصتج مختفية اكوللهم مالي خلك وملتهية بالدراسة
جان وسيم يحجيلي كلشي واني هم احجيلة كلشي ارتحنا لبعضنا كلش
وسيم،،،حبيتها كلش وجنت اكول بنفسي كل عقلي احب بنت ماشايفها ولا اعرفها
طلبت منها اكثر من مرة صورة ماوافقت
وسيم،،،زين مو دتجين للمجمع شنو الي يكلفج اذا نطيتيني خبر ترة مااكلج وضحكت
ريم ،،،تاكلني لو طب ساكت اذا شفتني
كتلة الله كريم ان شاء الله اذا صارتلي جية لمجمعكم الا انطيك خبر
وسيم ،،،وعد ؟؟
ريم ،،،وعد
كمت اخفف اكل بس وزني ثابت مدينزل لاول مرة بحياتي احاول اخفف
ومرة اجوي بيت خالتي علية وكاعدين نسولف كالولي سرى وسالي وينج يولي مختفية شنو قصتج
ريم ،،،لان امتحانات انشغلت شوي
سالي وع الفيس اشوفج متصلة وادزلج ومتردين
سرى ،،،هاي عشكانة صدكي
ريم اي وليش مااعشق انتن احسن مني قابل وكمت شلت الفواكه
سرى ،،،وج صدك هاي عشكانة
سالي ،،،يمعودة صدكتي ريم منو يكلبها جنة دبة غاز تفيك البنات مو علية
ريم ،،،رجعت عليهن وجانوا يتبسبسون من جيت سكتن
خالتي جانت تسولف على ايهاب ابنها يعني اخو سالي وكالت رايح سفرة مع اصدقائة لزوراء اتذكرت انه هم وسيم كلي راح يطلع سفرة للزوراء يتغدون ويرجعون
سالي،،،ولجن سويتلهم دولمة واني ادعي لوسيم ياكلهن بالف عافية يمة فديت الحلو
ريم ،،،،همست بقهر ،،،ليش وسيم وياهم بالسفرة
سرى ،،،اي ولج صديق ايهاب الروح بالروح والبارحة نسوي بالدولمة وننصب على وسيم
سالي ،،،تروحن للمجمع هسة نمتع عيونة بطلتة البهية
ريم ،،،كلت لا مااروح شعدنا كعدن وسكتن
سالي ،،،بكيفج اذا ماالج واهس نروح اني وسرى بوحدنا
ريم،،،حسيت الغيرة كامت تاكل بية كتلهن انتظرن حتى ابدل واروح وياكم
ورحنة وجانوا الطريق كلة يسولفن بي دمرتني الغيرة طبينة للمجمع وجان لابس وسيم قميص اصفر فاتح وبنطلون جينز جوزي وشكد طالع انيق يخبل بالرغم اضوج من الالوان الفاتحة جان ازدحام عدهم وهو مع العمال هم واكف يبيع لطشن. سالي وسرى عليه وبدو يشاقوه ويعاملوه على الاسعار وهو يبتسم ويكللهن خوات ايهاب بعد مكدر اناقشكم اني صرت على صفحة ومرفعت عيني عليه جنت اكول لو بس تعرف بية اني ريم ياوسيم صارت عيني بعينة بس جان ولا مهتم اشتروا البنات وطلعنا ضجت كلش من تصرفاتهم وكلامهم عنة رجعت للبيت وبجيت مااعرف ليش حسيت نفسي اتعلقت بي وحبيتة صدك بيومها خوش دست بالاكل وطلعت القضى والمضى بالاكل
وسيم،،،بيومها دخلتلها وجانت موجودة بس ماترد اتصلت بيها هم ماردت
ريم،،،دزيتلة مختنكة وضايجة وسيم مااريد احجي مع احد باجر نحجي
وسيم،،،،دزيتلها لا فدوة ارفعي اريد اعرف شنو الي مضوجج اذا الي معزة بكلبج وخاطر ارفعي
ريم رفعتة وهمست نعم وسيم
وسيم ،،،،نعم الله عليج شبيج ريومة اول مرة اسمع هيج صوتج ضايجة شنو السبب منو الي مضوجج احجيلي
ريم ،،،ماكو شي وسيم مالي خلك احجي
وسيم ،،،اوك راح اتركج ترتاحين وماراح انام انتظرج تتصلين بية وتحجيلي شنو الي مضوجج
ريم ،،،،اوك باي وسديتة وكمت ابجي الى ان ورمت عيوني
وسيم ،،،شكد ضجت بيومها على ضوجتها  متعود على ضحكتها وروحها المرحة لو بس اعرف شنو الي صاير وياها
ميار الشمري

هل يا ترى راح تكله اني اجيتك اليوم وتعترفله بكولشي لو تظل ضامه السالفه ؟؟