رواية ??هجير الشتاء?? الفصل السابع والثلاثون 37 - بقلم Shaqraa

هجير الشتاء
الجزء الثاني والثلاثون

ولج مشمش شنووو هذا نزل؟؟بس ليصير لماريا شي...
ماااعرف استعجلللل بعد مااتحمل عفيييية...
جري نفس لتخنكين نفسج شتاء فدوة صيري قوية وصلنا مبقى شي...
بقى لازم ايدي ويعصر بيها الى ان وصلنا...
من الباب صاح عليهم يجيبون كرسي..
وشالني كعدني واخذوني بس ملابسي منكعة دم ومي وخايفة من المنظر..
تمنيت امي وياي بهاللحظات...
من عبرت وشفت وحدة ساندتها امها زادت شهكتي..
اكو لحظات الانسان محد يسد حاجته بس امه...
بس للاسف اني امي مو وياي...
دخلت لصالة الولادة والرعب بداخلي مينوصف..
لحظات موت تمر ع المرة..
بس ماطولت الحمدلله بسرعة ولدت..
اجت ماريا اول فرحتي ..
بعدها نقلوني لغرفة الثانية واجولي سماء وسيوان ..
بس جانت عيوني منفخة من البجي صح ماتعبت هواي..
بس جنت ابجي مقهورة لان امي مو وياي..
سيوان بقى صافن بوجهي...
اني سامع التولد تصير شاحبة وطافية اشو ولدتي زدتي جمال ولج..وغمزلي...
سماء ضحكت كلتله هو الحلو يبقى حلو بس المشكلة عيونها صايرة مال ياباني من البجي ههه...
جنت ارضع بماريا وسيوان يحوم يريد يشيله واني كوة مثبتتها..
متعرف ترضع بعدها واني موجوعة..
الى ان كملت شوي وبعدتها..
اجه صفن بوجهها وعصر عيونه ماراد يبين دمعاته كدامنا...
شمها حيل وهو مبتسم..
بقى حاضنها وميقبل ينطيها..
بعدها كملنا الاجراءات وطلعنا..

رجعنا للبيت بالليل ..
لكينا اهله ينتظرون..واخذو الطفلة منه واني سماء صعدتني لغرفتي..
وخابرت رافع يجيب امجد حتى تبات يمي...
رتبت نومتي بالسرير وسيوان صعدلي الاكل..
اكلنا اني وسماء وصعدولي ماريا رضعتها ونمت لان حيل تعبانة..
وبقت كل متكعد سماء تسويلها ممه لحد مااكعد اني...
اول شهرهواي تعبتني متنام..
وسيوان يفتر بيها ويحاجيها..
بابا ليش انت اول جيتج هادة علينا..ذكرتيني بامج اول مشفتها..
قزمة و...شكبره..
ولسانها هذا مترات وبس تلعلع..اليحاجيها يبتلي...
شلون مااشوف رح تطلعين مثلها ولج..
وهي مصفنة بوجهه ههه..
الى ان تنام ويجي يهمس ويتغزل ..
باول بوسة تكعد ..
خبلته كلش..فد مرة كتله تستاهل..
بايام الحمل اخذت حقك وزيادة..
باوعلي وعض شفته..
كتلج اجيبج لو لا ..وجيبتج وفيت بوعدي..
هههه لعد ابقى عايش ع الاطلال يااا ابو وعد...
خرب لج عجبني اسم وعد ..
الطفل الثاني نسمي وعد ها؟
يبوو عليك ياطفل ثاني بالاول خل نكدر ننام من ماري يلا تفكر بثاني...
معليج لتفكرين جيبيها..
وييين ؟؟
اوديها يم امي مثل مايامن يذب رسول عدهم يتونسون...
ههههه شكد عيب ترى ..
دروحي عيب شنو مو اني تأدبت وماريد افشر ليش تجبريني؟؟
هههه لا لا اوش سكتت...

صدك اخذ الحليب والاغراض وودا ماريا يم امه ..
ورا شويه رجع كال..
لج همزين رسول مو يمها لوحدها..
الحجي طالع لعرس وهي وحدها كالت همزين جبتها تونسني..
امممم لعد خل انام شوي مدام راااحت...
طفر كدامي وكعد ع السرير..
نعم؟؟؟تنامين ولج سددي دينج ياظالمة..
هذا شنو ذنبه هسه ميت عطش ..
منووو؟؟مديت شفافي كدامه..
باسني خطف وحجه بهمس..الصقر يروحي الصقر...
اه فديت الحنون بس يفكر بي ..
لزم وجهي بيديه..
وحجه بصوت همس يذوووب..
ممشتاقتلي؟...
خليت راسي برگبته وهمست بأذنه...
مييييتة عليك ...
حضني كل قوته وكعدني بحضنه..
وبدا ياكل بشفتي وهو متلذذ..
تسلل لرگبتي وورا اذني..
الى ان...ذوبني واستسلمتله...
بعدها نمت ع ايده ووجهي بصدره صار..
بقيت اتلمسه بيدي واسولف ويا بهدوء وصوت خافت يدل على ارتخاءنا...
خليت شفتي ع صدره وبسته بوسات متفرقة..
وهو نايم اني نمت عليه وهالمرة الحرب الي واريد افوووز...
احس تجردت من كل قيودي وقوانيني وحواجزي..
صرت بحضرته زوجة عاشقة وتريد توصل لاقصى درجات الاستمتاع ....
الى ان...قلبني على ظهري واعلن نهاية الحرب..
وهمس بأذني..
حتى من تبدين انت اني انهي...
لأن اني السلطاااان....
جاوبته واني شبه مخمورة...
واني اعشق السلطان...
بعدها بلحظات غفينا ثنينا..

والفززنا مرعوبين صوت خالتي تعيط...
ماعرفنا شنسوي اني وسيوان نفس الفكرة..
عبالنا ماريا بيها شي..
سيوان لبس السروال وطلع ركض...
ماكدرت انتظر اكثر..
ماعرف شلون لبست ونزلت وراه...
شفت عذراء حاضنه خالتي ويبجون!!!
وسيوان يخابر..
من شفت سيوان يخابر تطمنت يعني مو ماريا بيها شي...
وصلت يمهم واني اباوع بالوجوه..
شبيكم شنوو...
عذراء كالت..
خابرو يامن وكالو ابوك بالمستشفى لاكي مضروب طلق..
ويامن من خابرو طلع وهسه سيوان جاي يخابره بس مشغول...
احس جسمي قشعر..
شلون انخطف وهو رجال شكده وشكبره ..
الله يستر ولو العراق مابي جبير وصغير ....
الكل واكف بباب الموت ع اقل لحظة يندفع ويخطفه الموت...
بقيت يمهم واصبر بخالتي وسيوان يلوب ويخابر..
سمعت ماريا بجت اخذتها وصعدت..
سويتلها ممه وشربتها ودخلت سبحت بسرعة...
طلعت لكيتها نايمة..
عفت فوك واخذت الجهاز مالت الانذار حتى اسمعها من تبجي..
نزلت سيوان وامه ماكو..
بس عذراء كالت راحو للمستشفى..
لان حالته خطرة وطالب يشوفهم ضروري...
كلش انقهرت عليه خوش رجال وعذراء تبجي عليه..
لان هواي احسن من خالتي وياها..ويدافعلها...،
بقينا ندعي ومكابلين بعض..
ورا شوية خابر سيوان بس صاير نار ومتعصب..
كال حالته خطرة..
ومهددي قبل فترة مرتين بس ماحاجي..
وهالمرة خاطفي وكايليله المرة الجاية ولدك يتذبحون..
يريدو يطلع من العراق !!
عزاااا منو هم وليش؟؟؟قابل العراق الهم؟؟
ولج لا تصبين فوك ناري نفط ترى واصلة حدها...
دربالج ع نفسج وماريا..
اني دزيت مخلد ورشاد اولاد عمي الكم للبيت..
اخذو اغراضكم المهمة وذهبكم وروحو وياهم..
فاهمتني بنتي بسرعة يلاا..
لتسالني ليش طيعيني بسرعة...

سديته منه واني ارجف..
كلت لعذراء ونتراكض منا ومنا..
دك فوني جاوبت..
طلع رشاد ابن عم سيوان كال اني بالباب..
تحضرو بسرعة وطلعو ننتظركم...
اخذنا الاغراض وكل وحدة وطفلها وطلعنا...
سلمنا بس مرعوبين..
هم شافو خوفنا رادو يهدونا بس مستحيل...
وصلنا لبيت عمهم وهم هم كاعدين وقلقين..
ورا ساعات صارت بالخمسة الفجر تقريبا..
كالو مات عمو..
انعصر قلبي عليه الله يرحمه ميستاهل هالشي انسان طيب..
وبالي كله راح لسيوان..
شلون حيتحمل هالصدمة..
هو وابو عبالك اخوان بعلاقتهم كلش قريبين..
ياريتني يمه واخفف عنه...
خابرته ميجاوب واكيد ميكدر الله يساعده..
طلبنا من الولد نرجع للبيت ع مود الفاتحة ..
وهم كالو حنبقى وياكم..
وصلونا واجت مرت عمهم ويانه...
ورا شويه اجت عهد وابوي ورايح للمستشفى..
للظهر يلا جابو الجنازة..
بس اباوع لسيوان وجهه صاير ازرك امبين ضارب نفسه...
كعدو يودعو..
اني ركضت لسيوان بس اريد اوصله..
حضنته وحط راسه ع صدري وبقى ينحب...
شكله مهدود ولا جنه ذاك الزلمه الخشن ..
بس حقه فراق الاحبة صعب..
خصوصا الوالدين...
بعدها اخذو الجنازة وراحو يدفنو...
وانشغلنا بالفاتحة بس خالتي كطعت نفسها من البجي..
طول ايام العزا وسيوان بس بالليل اشوفه..
وينام بحضني ويشبع بجي..
ماكدر حتى اواسي لان هالمصيبة مابيها مواساة...

خلصت الفاتحة وجمعتنا خالتي كلنا..
كالت رح نصفي امورنا هنا والمحلات ينباعن ويبقى بس مالت ابوكم اجرو..
لان ماريد اسمه ينسي بالسوك..
ونطلع لكندا..
اخوها هناك وهو حيساعدنا بالمعاملة..
بس بالاول نروح للاردن على مايسحبونا...
سيوان كلها شكم مرة حجينا بهالموضوع وكتلج منعوف حلالنا ونروح ونشرد مثل الجبانية...
كلتله..
اذا تريد اغضب عليك ارجع افتح هالموضوع..
شكم مرة نكلك حياتنا بخطررر...
يعني ابوك ع فراش الموت ويصيح..
اخذو الحلال وطلعو...
اذا بقيتو مصيركم مثل مصيري..
واذا بقيتو وصار بيكم شي..
واني بقبري اغضب عليكم..،
فيا امي مو وكت الشجاعة والمعارك..
وانت عندك عائلة..
توقع اي يوم اذا ماخطفوك يخطفون لو بنتك لو مرتك..
ساعتها تفيدك العرايك والعناد؟؟؟
ابوكم وصى بهالشي...
واني اعرف شي وانت تعرفون شي...
من باجر كلشي يصفى حتى نكمل فيز ونطلع للاردن...
اني السمعته كله ممستوعبته..
شنو وين كاعدين مافيات عبالك فلم وجاي اتفرجه..
احس نص الامور ممستوعبتها...
زين شلون اطلع واعوف اهلي..
اعوف سماء نصي الثاني...
خوالي وعزوتي..
وحتى اخواني و ابوي اشتاقلهم...
الا الطلعة من البلد صعبة الغربة متنحمل....
بس شلووون شلون نبقى وحياتنا بخطر...

حجيت لسماء كلشي وتحاضنا وبقينا نبجي..
تالي كالت وين ميرحون روحي..
هاي حياتج وعائلتج اهم من كلشي...
والنت موجود ونتشاوف...
واجيج للاردن اشوفج ولا يهمج...
واذا طلعتو هناك ياريت تسحبيني ولا عيشة العراق المالها حل ولا الها تالي...
خففت عني شوي بكلامها بس تبقى غصة بقلبي...
سيوان بالفترة محطم نفسياً..
مقهور شلون يترك شغله الي اسسه وتعب بي...
بس من قارن بين حياتنا وبين العراق وشغله..
اكيد اهم شي حياتنا وسلامتنا..
بدت الاجراءات للسفر ..وبلشو بتصفية الاملاك واشوفه نفسيته كلش تعبانة..
ابقى خايفة عليه ومحتارة..
طبعا لاحظت بهالفترة الشهرية ماكو..
ومن سالت سماء كالت اني بامجد نفس الشي..
سنة يلا اجت يعني شي عادي...
ماهتميت للموضوع وكلت يمكن عادي...
بس لاحظت جسمي تغير وسمنت شوي..
وصرت اتعب بسرعة ينهد حيلي...
راجعت دكتورةواكتشفت نفسي حامل..
هالخبر هواااي عدل نفسية سيوان وخالتي ورجع بث روح الحياة بالبيت...
صارت نفسيتهم احسن من عرفو حامل خصوصا خالتي حيل فرحانة...
وماريا ورسول هم مخففين عنها...
دراستي اجلتها..وتركت كلشي وراي المهم نطلع بسلامة...
رغم شكد حاولو يعرفون منو ورا هالشي..
بس هيهات يعرفون..
لان هذا حال البلد للاسف..
انسان ينخطف ويتهدد وينقتل ومحد يعرف منو وليش..
بس بهالفترة كانت تصف صاغة هواي...
الي هاجر والي انقتل واشكال صارت...

اجه موعد سفرنا وهذا اصعب يوم...
ودعت خوالي واهلي واحبابي..
دمعاتهم تحفر بقلبي..
تمنيت مااتركهم وابقى عايشة بكنفهم...
سماء الي جانت متدمرة بس متبينلي...
تخاف عليه ومتريد تقهرني واني حامل...
ايام موحشة وكئيبة مرت علينا...
سافرنا للاردن..
بلد جديد وعادات ىتقاليد وكلشي مختلف..
اول ايام خلصتها بجي..
مثل الطفل اليضيع من امه بالشارع..
يبقى بكل لحظه يتمنى يلكى امه...
هيج بكل لحظة اتمنى يكلولنا يلا خل نرجع...
بس اليريد شي يعوف اشياء...
والمكان المابي امان مينراد...
شوية شوية بدينا نستوعب وضعنا...
وتحسنت النفسيات اكثر..
الى ان اجه يوم ولادتي وشرف وعد ...
وبهاليوم اول يوم يضحكون واشوف ابتسامتهم...
قدوم وعد جان فرحة واما جديد انولد بقلب كل واحد بينا...
وانشالله مينقطع الامل ولا يدخل قلبنا اليأس...،
هاي كانت حكايتي...

ابتدت بفقدان امي وانتهت بفقدان العراق...
رغم عدم الامان ورغم الموت الي بكل ركن بي بس ماكو احلى منه...
امنيتي ارجع اشم ترابه ..
امنيتي تلفحني شمس البصرة وتسمرني..
امنيتي اضوك مايها..
امنيتي ارجع لبيتنا ..
وامنيتي تتحقق امنيتي...
لا تيأسو لا تحزنو لا تقنطو...فأنتم في حضرة العراق المقدس...
هنيئاً لكم وسلاماً عليه سلاما...

تمت...الساعة 47-11
2018-8-16

التقيكم بخير...اختكم شقراء