رواية ??هجير الشتاء?? الفصل الثاني والثلاثون 32 - بقلم Shaqraa

هجير الشتاء
الجزء السابع والعشرون

جان يسحب شفايفي بين شفايفه بقوة ورومانسية..
وايديه تتسلل لجسمي ويكبر الشكوك اكثر..
رجع رفع وجهي بايديه لزم خدودي...
باوع بعيوني بشغف...
اعشقج شتاء .
همساته نقطة ضعفي..
ونظراته المخلوطة يين الحب العميق والرغبة للمحبوب..
خلتني افقد قوتي بيده..
ذبت واسترخيت وجسمي فقد وعيه وانجن وياه...
حضني وهو يسندني واخذني للسرير..
صار راسي بركبته...
همستله وبصوت مليان دلع وولع...
احبك سيواني ..
خلاني ع السرير وباوعلي بابتسامة متفاجأ..
....بعشيرة سيوان عييييدي شنو كلتي...
غمضت عيوني كال فتحيها لخاطري واحجي...
فتحت عيوني خفيف..
احبببك..
هجم ع شفايفي والتهمهن مثل الطفل الجوعان...
بادلته الحب وزيدت جنونه...
زادت جرأته وياي وعجبني اتجرأ...
خليت ايدي تتسلل لجسمه وهالشي جننه...
ماعرف شكد مر من الوقت بس تمنيت ميتركني...
يمكن ثلث ساعات او اكثر...
بس اخر شي احس انتهيت ونعست...
جرني لصدره ويلعب باصابعه بالاثار الي السواها بصدري...
هيج تحبيني ولج..
عصرت ايدي الجنت لافتها ع صدره..
ضحك وبصوته بحه مال همس...
ها امبين نعستي...
اي نعست ودخت ههه...
لا لا بنتي بعدنا ماشبعنا...
لا عفية حبيبي نعست...
اويييلي لج تكليلي حبيبي وتكولين نعست مخبل اذا اعوفج..
بلش يعض بركبتي خفيف واني دايخة واضحك خفيف...
اووي سيوان عوفني ههه..
اموووت ع الاووي....
واخذني وياه لعالمنا الي عشقته بسببه..
عشقت سيوان بمساوئه ومحاسنه..
بعدها نمت بسهولة لان نعست حيل...
***************************

اااخ يمه لحكيلي ولج راااح اموووت...
جري نفس اخذي شهيق وزفير لتخنكين نفسج..
خلصت مابقى شي يروحي خلصت...
يووووومه.....
بعد عناء وتعب وبجي ودعاء...
شرف امجد للدنيا...
نزلت دموعي فرح واني اباوعله...
ورا ماكملو سماء وحطو بحضنها..
اشوفها تبوس بي وتبجي وتدعيلي...
ياربي ياشتاء يرزقج ويترس حضنج باحلى طفل كون ميخلص هالشر الا وانت حامل...
يروحي انت المهم هسه فرحت بيج وبامجد وفرحتي من فرحتج...
بهاليوم ولدت سماء امجد...
طلعنا للبيت ورحت وياها لبيتها..
بقيت يمها وساعدتها بالطفل..
بس الحمدلله جانت نشطة وسبعة ..
طبيعتها مثل امي مو رهيفه ولا تظهر وجعها..
عيالها اجو يمها..
وبالليل يلا راحو...
واني بالليل اجه سيوان راد ياخذني..
مقبلت كتله ابقى يمها خطيه عالاقل بس اليوم...
رافع قنعه يبقى يبات وهو ماكال لا...
بقى بيومها هو رافع سهرانين واني وسماء نتناوب مجودي سهرنا..
بقيت يومين يم سماء ويوم الثالث رجعت...

لكيت عذراء بالمطبخ تحضر للغدا..
سلمت عليها ودخلت جوا..
خالتي كاعده بالصالة..
يمها ماعون كرزات وجاي وتباوع T.V...
سلمت عليها وهي بعد الي صار بقت متضوجني وتريد تكسبني هواي..
عبالها ممكن اترك سيوان...
صعدت لغرفتي اسبح..لان رافع وصلني ماكلت لسيوان رح اجي..
ردت افاجئه لان صارلي ثلث ايام بعيده عنه...
بدلت وصليت الظهر ونزلت..
عذراء مكملة الغدا ولكيتها تنظف الخضرا...
ها عذور انطيني منج الخضرا عذريني لوحدج بقيتي..
وانت حامل وتعبانة...
لا وشوشة عفو عليج شعدنا احنا بسيطة...
وميسا تجي تنظف بس الطبخ اني اطبخ..

تعالي احجيلي شبيج لونج مخطوف ليش ضايجة..
بعدين خيه بعدين نخلص غدا ونحجي..
اكلج عمي موجود؟
لا مو هنا الصبح راح لصديقه صايغ ومهددي خطيه ..
وهسه رح يسافرون لان مرتين مهددي وعنده ثنين بنات..
يخاف يخطفوهن لو يسوون بيهم شي..
عزا الله يستر..
بقينا شوي نسولف واجت خالتي كالت خل نتغدى عمكم ميجي ع الغدا...
تغدينا وصعدنا فوك اني وعذراء...
هاتي ماعندك يلا احجيلي ليش الكآبة..؟
ترى النونو يطلع عبوس هيج ..
ههه من ورا عمتي حيطلع مو بس عبوس يطلع يلطم..
شنو شسوت بعد؟
ولج ورا مطلع يامن بالتسعة مو تريك وراح..
صعدت امشط لان مالحكت من نزلت بس سبحت..
بعدني اريد امشط وصعدتلي...
اكلج انت نازله بدون سباحة؟؟؟؟
توكلينا من ايدج وانت مو طاهرة..واكلتني اكل بلسانها..
اريد اجاوب ماكو..
كتلها كل مرة واسكت واكول عيب انت مرة جبيرة..
بس هالمرة لا...
اني متربية واعرف الطهارة واعرف النظافة شنو...
ومانزل اذا مو طاهرة..
بس ملحكت امشط لان يامن مستعجل..
وممجبورة ابررلج ابددد...
هي عافت كلامنا ونقاشنا صفنت..
صدك اني صرت مرة جبيرة..
تلمس بخدودها وتحجي وي نفسها وطلعت...
خررررب ههههههههه....
الله يهديها هي نقطة ضعفها الجمال خطية هههه....
ديلا غلسي واهم شي يامن يحبج ويريد خاطرج...
فديته ربي يحفظه الي...

عفتها ورحت لغرفتي...
نظفتها وبدلت الفرشة فرشت اوف وايت وشغلت المبخرة ورتبتها...
حضرتلي سيت احمر..
سيوان يحب هاللون كلش...
حتى من يجي المغرب البسه وانتظره...
بعدها غسلت واجيت تمددت...
بقيت العب بالفون الى ان غفيت...
فزيت نهاية العصر كلش...
كمت سويتلي كهوة صحصت ..
جان الجو حار تقريبا نهاية الثامن...
الغرفة باردة والاجواء حلوة..
رحت سبحت ومن طلعت جاي ياذن...
صليت بسرعة وخلصت..
بعدها شعلت شموع وفتحت شعري...
وجنت صابغته ثلجي سيوان حيل متخبل ع شكلي بي..
يكول طالعة اوروبية...
لبست السيت الحمر وخليت من عطره المفضل فيرزاج..
تمددت ع السرير ورا شوي سمعت صوت سيارته...
طليت شفت فات للكراج..
رجعت ..
بعدني مكعدت سمعت ركضته ع الدرج..

فتح الباب وعيوووونه لمعت من شافني...
ركضت لحضنه وحضنته حييبل وخليت ايدي ورا راسه..
شالني من خصري ويبوس بيه ويحاجيني..
شنو هالمفاجئة الحلوة يحلووو...
اليوم اخذ حقي مربع ها..
اطلبج ثلث ايام ترى ..يحجي ويبوس بوجهي وبجتفي...
ذب نفسه ع السرير ورفعني صرت فوكه..
اووف شكد مشتاقلج يروحي..
واخذ شفايفي بشفايفه واخذني وياه ودوخني واني مستسلمه بيده وذايبه بي...
بعد ما انتهينا اني تمددت بصفه وهو كام اخذ جكارة ووكف قريب الشباك...
بقى يدخن واني استغربت تصرفه...
عمره ممسوي هالشي وياي..
حتى مرة حجينا بهالموضوع يكول ميصير الرجال هيج يترك مرته بسرعة...
هو مو واجب خلصه وكام..
المفروض يحسسها بحنانه واهتمامه ويبقيها بحضنه...
قلبي عصرني من هالموقف...
اني اعرف بالفترة الاخيرة صار حساس حيل..
بس هاليوم كلش متغير...
كمل جكارته ورجع يمي للسرير عيونه حمر ..

تقربت منه وحطيت راسي ع صدره..
شبيك حبيب روحي...
اول تالي تكوم بسرعة وتدخن؟؟
لتضوجين بنتي اني اسف قللت من شأنج بهالشي..
بس انت تعرفين غلاتج عندي ..
اعرف بس ماعرفتك وانت هيج كئيب وفاتر..
بقى يفرك بوجهه ويتنهد...
شتاء شلون بيج تبقين هيج مربوطة بية؟؟؟
عدلت كعدتي ولفيت نفسي بالفرشة..
سيوااااان لتفتح هالموضوع بعدد...
بقت عيوووني تصب واني صافنة عليه...
اذا تحبني صدك لتجيب هالسيرة...
اذا جبتها مرة ثانية مراح تلكاني بعد ولا واحد منكم يلكانيي..
اختفي ومتعرفولي اثررر...
جرني وحط راسه ع صدري...
كافي لتبجين اهدأي...
ا.....اليبجيج..
خلاص بس هالشهرين اصفي اموري ونسافر اني وياج لبنان...
مارجع الا مريح قلبج وقلبي...
بقيت مخلية راسي ع صدره ومقهورة عليه..
معقولة سيوان هيج مكسور ؟؟
ومجبور يتحمل وميببن لان هو رجال...
احنا البنات بسهولة نعبر عن حزنا بس الرجال صعب...

مرت كم يوم واني اتردد ع سماء...
يوميه اروح اساعدها شوي وارجع...
بيوم رحت وشفت بيت خالي وخالتي عدها كلهم..
تونست وغيرت جو شوي وياهم..
خالي كال..
يوم لوشوشة ونفرح بيها بس ها نريد بنية ..
حتى نحجزها عروسة لابن حسام..
مرت حسام جانت جاية وياهم ..
اباوعلها حامل وبطنها بارزة...
ابتسمت بمكابرة..
ياي فدوات يجي بالسلامة انشالله...
شنو حتسمو؟؟
كالت مرته ..حسام يريده اسمر...
وااو حلو ترى دكرتني باسمر التركي ههه ...
اجت عيني بعين سماء وحسام تلاكت عيونا ثلاثتنا..
عرفت حسام بعده بي شوق ويمكن ارضاء لنفسه حيسمي ابنه هيج...

تالي كالت خالتي..
لج يمه حبلي ومن تداومين خلي يمنا..
هسه اكو واحد ياجل الخلفه بعد سنتين بلة شنو..
اريد اخلص جامعة...
عاد حبلي وذبي يمنا احنا نعينج...
اني الواني تغيرت وردت بس اغير الموضوع...
لا خالة بعدني بعدني صغيرة شوراي..
سماء نقذت الموقف كالت..
هي هاي طفلة تحتاج واحد يركض وراها يذكرها تاكل من ورا الدوام..
مو تتحمل مسؤولية طفل ختتخرج عود احسن...
انقهرت بداخلي وكلت الله يجبر بخاطري وخاطره...
بقيت يمهم وبقو ع العشا وتساعدنا وسوينا العشا..
ورا العشا اجا سيوان ياخذني...
دخل وسلم عليهم وشاف امجد..
كلش حبه وكل ميجي يبوسه ويشيله..
كله خالي يوم الالكم شدو حيلكم ومو كيفها شويشة متريد هسه..
هو عقد حواجبه شنو؟
مو مرتك نكلها خلفي تكول اتخرج يلا...
باوعلي وكال اهاا....

للحكاية ايام
بقلم شقراء(قمر كانون)