رواية حكاية عائش الفصل الثالث 3 - بقلم روما محمد

عائش بصراخ: عااا أنت بتعمل إيه يا قليل الأدب! عمر ببرود: ليه هو أنا كنت عملت إيه؟ عائش بخجل وتوتر: أنت عارف كويس كنت هتعمل إيه. عمر بابتسامة سحب عائش لحضنه وباسها من رأسها. عائش بتوتر: ابعد يا أبيه، ما يصحش كده. عمر بتسلية: لا مش هبعد، وبعدين أنا جوزك يعني أعمل كده وأكتر من كده كمان. عائش بتوتر: ها. عمر بهدوء: هششش نامي يا عائش. عائش بكسوف: طب ابعد عشان أعرف أنام. عمر بهدوء

شدد على حضن عائش وقال: لا هتنامي كده، واسكتي بقى عشان أنا تعبان. سكنت عائش عن الحركة في حضن عمر واستسلمت للنوم. عمر ابتسم ونام هو الآخر. في اليوم التالي، صحت عائش لقت عمر نايم وحاضنها جامد. عائش حاولت تبعده عشان تقوم بس بلا فائدة. عمر بنوم: اهدي بقى، مش عارف أنام من حركتك. عائش بخجل: ممكن تبعد لأني عايزة أقوم أصلي الصبح. عمر بابتسامة: طيب. عمر ساب عائش وهي قامت ودخلت تتوضأ عشان تصلي.

بعد وقت انتهت عائش من تأدية فرضها. عمر بهدوء: عائش عايز أتكلم معاكي في موضوع مهم. عائش بهدوء: اتفضل يا أبيه. عمر بغيظ: بلاش أبيه دي يا عائش، أنا دلوقتي جوزك. عائش بابتسامة: عشان أبلة نريمان ما تزعلش. عمر بهدوء: ما أنا طلقتها امبارح. عائش بدموع: أكيد بسببي صح؟ أنا آسفة يا أبيه. عمر بخوف عليها جرى أخدها في حضنه.

عمر: اهدي يا حبيبتي، لا مش أنتي السبب، تصرفاتها الغلط هي السبب. وبعدين أنا مش زعلان صدقيني وده اللي كان لازم يحصل من زمان بس شكلي اتأخرت أوي. عائش ببكاء: بجد مش أنا السبب في إنك تطلق أبلة نريمان؟ عمر بابتسامة: لا مش أنتي السبب، انسي كل ده ويلا عشان نطلع نفطر. عائش بدموع: بس. عمر بمقاطعة: يلا بقى بلاش كلام كتير. وفعلًا خرجوا. على طاولة الطعام اجتمع الجميع. رحاب بحب: عاملة إيه دلوقتي يا حبيبتي؟

عائش بابتسامة: الحمد لله بقيت كويسة يا ماما. رحاب بحب: بعد كده تخلي بالك من نفسك يا عائش، الدكتورة قالت إن جسمك ضعيف جدًا يا حبيبتي وده ما ينفعش. عائش بحب: حاضر. عمر بابتسامة: عن إذنكم يا جماعة. وأكمل بحب: خلي بالك من عائش ومن أكلها يا ماما. رحاب بحب: حاضر يا حبيبي هي في عيوني، خلي بالك أنت من نفسك. عمر بابتسامة: حاضر يا ست الكل. وراح باس دماغ مامته وباس عائش. عمر بحب: عايزة حاجة أجبهالك وأنا جاي يا حبيبتي؟

عائش بكسوف: لا. عمر بابتسامة: طيب عن إذنكم. وفعلًا غادر إلى عمله. بعد مرور 5 ساعات، رجع عمر من عمله وتفاجأ بالغرفة مزينة وعائش لابسة فستان أحمر لحد الركبة. عمر بتوهان: أنتي جميلة أوي يا عائش. عائش بكسوف: تسلم. عمر قرب منها وقال بابتسامة: ترقصي؟ عائش ابتسمت وقالت: ماشي. عمر شغل موسيقى هادية وبقى يرقص هو وعائش. بعد فترة انتهوا من الرقص. عائش بابتسامة: خلينا ناكل. عمر بابتسامة: طيب. مر الوقت سريعًا عليهم

لحد ما اتكلم عمر وقال: أنا عايزك يا عائش تقبلي تكوني مراتي. عائش هزت بدماغها. عمر شال عائش وحطها على السرير وتسكت شهرزاد عن الكلام غير المباح. في مكان آخر يسوده الشر والحقد، في فيلا طلعت الرفاعي. طلعت بعصبية: إزاي يعمل كده؟ هو مفكر إنك مش عندك أهل ولا إيه؟ هي بدموع مزيفة: أيوه يا بابي، كل ده عشان الحيوانة بنت عمه. طلعت: امسحي دموعك يا حبيبتي وصدقيني يا نريمان هنتقم منه أسوأ انتقام عشان اللي عمله فيكي.

نريمان بتمثيل الحزن: بجد يا بابي؟ طلعت بابتسامة شر: بجد يا روحي بابي، اطلعي أنتي ارتاحي دلوقتي يا حبيبتي. في صباح يوم جديد. عائش بابتسامة: راحة فين يا ماما؟ رحاب بابتسامة: هنزل أشتري طلبات للبيت يا حبيبتي عشان نجهز الغدا لحد ما عمر يجي. عائش بابتسامة: خليكي وأنا هنزل أجيبهم وأجي على طول. رحاب بحب: بس أنتي تعبانة يا حبيبتي ارتاحي أنتي. عائش: لا أنا زي القردة قدامك أهو، اقعدي أنتي وهنزل على طول هجيبهم وهاجي.

رحاب بابتسامة: طيب يا حبيبتي. عائش بابتسامة: يلا سلام. رحاب: مع السلامة وخلي بالك من نفسك. عائش بابتسامة: حاضر. عائش نزلت عشان تجيب الطلبات. على جانب آخر من الطريق. شخص 1: مش عايزين أي غلط عشان طلعت بيه، أنت فاهم؟ شخص 2: فاهم. شخص 1: نفذ. شخص 2 ابتسم بخبث وقال: حاضر. عائش كانت ماشية ومش واخدة بالها لقت حد بيشدها ودخلها العربية.