الفصل السابع

رواية حكاية شوق الجزء السابع 7 بقلم رشا منصور حكاية شوقرواية حكاية شوق الحلقة السابعة وليد السخاوي… جهزت نفسي وروحت اشتريت بوكية ورد ووصلت ل فيلا الدهشوري بيه… ولقيت الهانم عروستي في حمام السباحه ومعاها واحد ونزلين تهريج بالايد بصيت لها .. قالتلي هاي… انتظرني في الصالون لحد ما أخلص…. دخلت وقابلني أبوها في وشي قولت له هو مين اللي بيهرج مع خطيبتي في حمام السباحه… الدهشوري بيه…

أهلا أهلا يا وليد ابوك كلمني عنك وأنا وافقت ع الخطوبه لحد ما تفهموا بعض.. أنا يهمني بنتي تكون مبسوطه وأنا مدلعها ومعودها تعمل أى حاجة عوزاها… ومحبش في يوم بنتي تشتكي انك زعلتها لأن ساعتها تقدر تعتبر أن الخطوبه اتفشكلت.. حتى شغلي مع أبوك تعتبره انتهي.. اة وبخصوص مروان ده أبن خالتها ومتربيين مع بعض ومتعودين ع كدا ياريت تتعود أنت كمان… ع أذنك.

ودخلت ل ايلينا بنتي وقولت لها حبيبتي يلا كفايه كدا وخدي الشاور بتاعك واقعدي مع خطيبك اتفقي معاه ع تفاصيل الخطوبه وبلغيني وأنت يا مروان سيبهم لوحدهم علشان ياخدوا ع بعض.. يلا يا حبيبة بابا أنا عندي شغل باي… إيلينا الدهشوري… أنا إيلينا دلوعه بابا والعيلة كلها.. ماما ماتتt من وأنا صغيره علشان كدا الكل بيحاول يعوضني عنها وطلباتي كلها أوامر.. أهم حاجة عند بابا أنه يشوفني مبسوطه وعنده إستعداد أنه يدمرr أى حد يزعلني…

مرة وأنا في ثانوي المشرفة زعقت ليا علشان الزي مخالف.، والمديرة اتصلت ع بابا وأول ما وصل.. قال للمديرة معلش إيلينا طول عمرها ملتزمه وهى أكيد مش قصدها تخا’لف. الزي أكيد الدادة هى اللى مجهزتش لها زي المدرسة وده شيك مني ل إدارة المدرسة اعتبريه هديه من إيلينا وبصلي شاف الدموع في عيني وقال للمديرة مين اللي زعل بنتي..

قولت له المشرفة زعقت ليا قدام كل أصحابي وبابا قال للمديرة لازم تترفد،. فوراً وإلا هقفلك المدرسة حالا. وقطع الشيك.. وفعلاً المديرة رفدت، المشرفة. وبابا كلم الحرس. ينتظروها وهى خارجه وضرrبوها.. وفضلت ستة شهور تتعالج من الكسور، اللي حصلت لها… وبابا قالي أنا محبش أشوفك في يوم مضايقه أو زعلانه وعاوزك تعملي أى حاجة تسعدك ولا يهمك من أى حد…

ومن وقتها وأنا عايشه حياتي براحتي وبسهر وبخرج وليا أصحاب كتير اجانب ومصريينe وعملت علاقات كتير بس عمري ما استمريت مع شخص شهرين ع بعض كنت بزهق منهم بسرعة بالذات لما يبتدي يقول رأيه في ملابسي أو أصحابي أو أنه يمنعني مثلاً من الخروجات والسهر كل يوم.. وفي يوم بابا قالي يا إيلينا أنتي كبرتي ولازم تتجوزي وأنا اخترت لكي أبن رجل أعمال هيكون في بينا شغل عاوزك تتعرفي عليه لأني حددت ميعاد الخطوبه الاسبوع الجاي..

نفسي اشوف أولادك واطمن عليكي قبل ما يجري ليا حاجه ولازم اتاكد أن الشخص اللي هتتجوزيه هيدلعك زيي يا حبيبة بابا.. وبعد ما خلصت كلام مع بابا روحت حمام السباحه مع مروان أبن خالتي.. ده صديقي الانتيم ودخل العريس وعرفته اصلي بشوفه كتير في الديسكو.. واضح أنه متفتح مش قفل زى رجالة كتير.. وقولت له ينتظرني في الصالون وبابا طلب مني أقعد معاه واحدد تفاصيل الخطوبه.. وليد السخاوي…

بعد ما الدهشوري خرج من الڤيلا اتصلت ع بابا وقولت له من أولها الراجل عاوزني أركب قرون.زيه…. واستغربت من كلام بابا لما قالي أن الدهشوري لسه قافل معاه وقال له لو ابنك ضايق بنتي أو حتى بان ع ملامحه أنه مضايق. أنا هنهي الشغل معاك وانسي أنك تشتري سيخ، حديد واحد من أى مكان… وقالي لو ينفع تعمل ل بنته اراجوز اعمل لها المهم تكون مبسوطه.

متحملتش كلام بابا وقفلت السكه ولقيت الهانم جايه ليا وبتقولي هاى وليد إيه رأيك لما أخد شاور ونروح مع بعض الديسكو.. قولت لها هايل بس نعدي ع البيت عندي اغير ملابسي مش معقول أروح أرقص بالبدلة.. وقالت ليا اوك وأنا اللي هختار لك تلبس إيه علشان تكون الألوان زى بعض… يا صلاة النبي هتطلعي معايا اوضة النوم من أولها… يلا ما هي متعودة ع كدا… يعني جت عليا… شرويت….

حسيت بحد بيصحيني من النوم وأول ما قومت ملقتش حد فهمت أنه الجنn قولت بصوت هادئ هى عيشوش جاهزة للعشاء ولا لسه أنا جعانه أوى… سمعت بصوت هادئ كلمه نعم ساحرةالجنوب تنتظرك… جهزت وأول ما وصلت غرفة عيشوش لقيتها فتحت الباب وقالت ليا يلا بينا ونزلنا المطعم وأثناء العشاء ظهر ليا الجنnبرك. وأشار ب يده ع موبايلي ومال برأسه إشارة لي علشان أفتح الموبايل واختفيt .

بصيت حواليا لقيت عيشوش بتقولي محدش بيشوفهم غيري وبرك ظهرلك بناءً ع طلبك أنتي.. وكل الناس اللي حواليكي ولا حد بيشوفهم ولا حتى بيحس بوجودهم… وأول ما طلعت غرفة عيشوش فتحت الفون لقيته مليان فيديوهات البنت اللي هيتجوزها وليد 🫣😲 إيه ده!! معقوله في بنت بالاخلاق دى وأهلها سيبينها كدا وظهر ليا برك تاني والمرة دى لقيته بيقولي جيبتلك صور ل وليد وهو مع بعض الرجاله اللي عروسته عملت علاقه معاهم.. يمكن تفيدك في حاجه….

قولت له دى أكيد هتفيد أوي.. تعالي أقعد بقي كدا علشان اقولك تعمل إيه بالظبط…. وليد السخاوي… وصلت الڤيلا ومعايا إيلينا وطلعت غرفتي ولقيتها فتحت غرفة الملابس وابتدت تطلع ليا تيشيرت وبنطلون جينز وكوتشي وكانت بتدور ليا ع سلسلة!! قولت لها طب اخرجي علشان اغير ملابسي ضحكت بسخرية وقالت ليا هو أنت طلعت بتتكسف هههههههه ياختي كميلة.. يلا بسرعه منتظراك بره الدهشوري…

كنت في اجتماع ب مديرين المصانع الخاصة بي وبشوف حركة الإنتاج والتسويق وفجأة جالي اشعار ع الرقم الشخصي اللي محدش يعرفه من رجال الأعمال أو حتى الموظفين عندي وأول ما فتحت شوفت صور ل وليد مع كام شاب وبعدها فيديوهات إيلينا بنتي مع الشباب دى فى غرف النوم وفي اوضاع مخلة،… وظهرت ليا رساله مكتوبه… احذر. السخاوي هو وابنه كانوا بيحرضوا،e شباب يعملوا علاقات مع ابنتك علشان يبتزوك بها في حالة أنك ترفض تشتغل معاهم..

وحاليا بنتك عند وليد وفي غرفة نومة.. وناوي يغدرr بها.. اتصلت ع إيلينا ولقيتها فعلاً في فيلا وليد السخاوي وفي غرفة نومة قولت لها في أقل من دقيقة تكوني في سيارتك وتروحي البيت حالا وأنا جايلك… اة يا سخاوي الكلب🐶 بقي واخد بنتي لعبه ماشي أنا هعرفك أنت بتلعب مع مين… وليد السخاوي… خرجت من غرفة الملابس ملقتش إيلينا ولما سألت عنها الشغالين قالولي دى خرجت وهى بتجري…

اتصلت ع بابا حكيت له وعرفته إني مش معايا رقمها علشان افهم إيه اللي حصل… وقالي أنه هيتصل ع ابوها ويفهم منه.. السخاوي… أول ما اتصلت ع الدهشوري وبقولوا هى إيلينا خرجت تجري ليه خير في حاجه… لقيته بيقولي أنا هعرفك أنت وابنك في إيه… هات إبنك وتعالي الفيلا عندي حالا وإياك تتأخروا مش في مصلحتكوا… بلغت وليد وقولت له أنت عملت ايه مع بنته شكلك هضيعنا.. قالي والله ما عملت حاجه دى هى اللى دخلت غرفتي نومي أنا مالي .

قولت له ضيعتنا. أكيد أبوها عرف واستحالة يصدق أن بنته اللي دخلت غرفتك بمزاجها يلا حصلني حالا ع الفيلا وانتظرني عند البوابه علشان ندخل سوي.. شرويت… كنت قاعده منتظرة أشوف إيه رد فعل الدهشوري يا تري هيخسرrهم. السوق ويبقي كدا حق بابا رجع ولا هيقتtل. وليد وأرجع أعيش في فيلا بابا من جديد من غير أى تهد’يد…. ولقيت عيشوش بتقولي الناس الكبار دول حسابتهم غير حسابتنا. وزمانه بيفكر ازاى يخرج من الموضوع بمصلحه..

وشاورت ب أيدها وقالت شغلوا لنا الشاشه نتفرج ولقيت قدامي ڤيلا فخمة. جداا تشبه للقصر… وظهر رجل يبان عليه الهيبه وقال بصوت عالي عاوز القهوة بتاعتي في المكتب وطلع سلالم ودخل غرفة بنت… دى البنت اللي في الفيديوهات.. العروسة 😲 وبصيت ل عيشوش وقولت لها هو ده اللي بيحصل حالا دلوقتي.. يعني بث مباشر.. وفضلت مركزة ع اللي بيحصل ولقيت الراجل بيسأل بنته وقال لها.. الدهشوري… كنتي بتعملي ايه في ڤيلا وليد السخاوي وايه اللي طلعك غرفته.

إيلينا… ابدأ قولت له يلا بينا ع الديسكو ومكنش ينفع يروح بالبدلة. علشان كدا روحت معاه الڤيلا علشان يلبس كاچوال.. واختار ألوان تليق مع ألوان ملابسي.. فهمني بقي أنت اتصلت وخلتني اخرج من الفيلا جري ليه.. في حاجه حصلت. الدهشوري… اتفضلي اتفرجي ع الفيديوهات دى وقوليلي إذا كانت حقيقية ولا مفبركة وبصراحه يا إيلينا… إيلينا…

شوفت الفيديوهات وقولت ل بابا بصراحه دى حقيقية بس محدش كان معانا والموضوع حصل فجأة من غير ترتيب.. أنا مستغربه أن كان في كاميرات أصلا… سوري يا بابا بس هو مين اللي باعتلك الفيديوهات دى.. الدهشوري… واضح أن الموضوع كان متخطط. له. مش صدفه زى ما انتي متخيلة.. عاوزك تفضلي في غرفتك أنا باعت للسخاوي هو وابنه… وليد السخاوي…

أول ما وصلت لقيت بابا في سيارته ودخلنا الفيلا سوي وكان الدهشوري منتظرنا في غرفة المكتب وأول ما شاف بابا قال له لعبتك انكشفت يا سخاوي.. وأنا هودي إبنك وراء الشمس.. ولقيت بابا بيقول له إحنا متعلمين اللعب ع أصوله منك. وظهرت البودي جاردات حوالينا!!! …..