رواية حكايات ليال ويزيد بقلم اسراء المؤذن | كاملة
قيّم الرواية:
لا توجد تقييمات بعد
من أحداث الرواية
الفصل الاول انزلي هاتي طماطم عشان خلصت - طماطم؟ - ايوا واعملي نتي الأكل النهاردا - الأكل؟ - مالك يا ليال؟ - لا أبدا يا ماما، انتي عاوزاني انزل اجبلك طماطم الساعه 12 الظهر ف نص البلد والناس راحه تصلي وتشوفني؟ - ايوا فين المشكله! - هنزل انقي طماطم انا يا ماما؟ - بقولك اي يا ليال انا تعبانه زي مانتي شايفه، ولا عايزاني اموت يعني قبل ماشوفك مره بتنزلي تتسوقي وتطوعيني زي ندا بنت عمتك نعمه ربنا يحفظها، ولا منار بنت عمك.... " رفعت ايدي وشاورتلها " - خلاااااص " وكملت لنفسي بهمس مسموح " - يكش يحر*'قهم بييجو يحكولك امجاد عيالهم النبيله وتطلع ع نفوخي - بتقولي اي يا بت - بقول هقوم اتنيل البس - البسي العبايه وانجري علطول - يلا اهي كملت " لبست العبايه السمرا بتاعت امي ايوا منا معنديش غيرها بتاعت أمي دي الطويله الم هلهله عليا بس مقلكوش تحسوني فاتن في ملوك الجدعنه...
