رواية حكايه وراه حكايهمن بقلم إسراء عبد الرحمن | كاملة

الفصل الاول دعوة فرحي يوم الجمعة الجاية، أتمني أنك تيجي هفرح بوجودك يا غُفران.. جُملته بترن فى ودني وهو بيعزمنى على فرحه على واحده غيري.. ابتسمت بمراره وأنا بقوم من السرير، قعدت على طرف السرير شغلت اغنية لأم كلثوم بحبها وفتحت الدولاب اطلع الفستان اللي هحضر بيه فرحه وأنا بدندن معاها. "حيرت قلبي معاك وأنا بداري وأخبي، قُل لي أعمل إيه وياك ولا أعمل إيه ويا قلبي، بدي أشكي لك من نار حبي، بدي احكي لك ع اللي في قلبي وأقولك ع اللي سهرني وأقولك ع اللي بكاني وأصور لك ضنى روحي.. وعزة نفسي منعاني" خرجت من دولاب فستان كُنت أشتريته هو كان معايا.. ها إيه رأيك فى الفستان ؟ لف باسم رأسه وبصلي بصه مليانة إعجاب وقال: شكلك جميل جدًا، رقيقه زي الفراشه بسحرها الجميل.. رميت الفستان على السرير وبدأت أحط ميكب رغم أنه كان منبه عليا كتير أني جميله من غيره، سرحت في مشهد من مشاهدي معاه... خرج...