رواية حكايتي مع النصيب الفصل الثامن عشر 18 - بقلم نور الشمس

بهاي الفتره نورس طلعت معدل ٩٧ انقبلت طبيه ابغداد ولان امي ماقبلت تروح اقسام تخاف عليها  ضياء اخذ مرته ونورس واستقر هناك ابغداد لأن هوه توظف بعقد لمدة خمس سنوات
اول اسبوع حته امي راحت وياهم والبيت فرغ علينه واني وحسين وصفاء بقينه
لمياء ونورس جانن هنه شاغلات البيت يضحكن يشاقن يلبن احتياجات الولد صارو يعتمدون على نفسهم بصعوبه ولأن انه متعود ماكو فرق بالنسبه الي بس مشتاقلهم حيل خاصتا ضياء ونورس صح هوه من زمان يداوم بس جنت اتأمل يجي كل فتره
امي بقت يمهم اسبوع واجت

وصفاء اتخرج وهم ضاج لأن ماكو شغل
اجتني فكره افتح اسواق وهوه يگعد بيها هم افيده واستفيد ليش مااشغل فلوسي الاجمعهن احسن

وصار عندي واهس اشتغل اكثر وگمت اطلع حته خارج المحافظه
واشتغل دوائر حكوميه
مرت الأشهر وانه على نفس الروتين شغل يومي ومشغول بين اهلي وبين بيت عمي وياسمين
عرضت فكرة الاسواق وعلاء شجع صفاء وگلي خوش فكره حازم ابن عمي ابن سوك هوه عنده محل بالسوگ ويعرف شنو يجهز اتفقت وياه هوه يتكفل كلشي وانه عليه الدفع بس لأن ماعندي خبره بهيج شغلات

ياسمين صرت اتسابق وي وكتي مسابق حته احاجيها لو اراسلها مرات من اشوف نفسي لحيت وياها واخاف تنتبه عليه مهتم زايد ونظرتي اتحولت اتجاها من اخت وصديقه صرت احب نبرة صوتها احب كلشي بيها بس حته بيني وبين نفسي من افكر يانبني ضميري وادخل بصراع بين قلبي وقلبي وبين قلبي وعقلي المشكله اعرف هيه مستحيل تشوف غير حيدر وكل اتصال الها وياي ماتحجي بغيره يمكن لو شخص مااحبه هذي المحبه مااهتم اكول اهم شي انه احبها بس مشكلتي حيدر انه احبه اكثر من كل احبابي واصدقائي وبعد استشهاده حبيته اكثر بحكم اشتياقي اله ولان كمت اقارن بينه وبين اصدقائي وحته اخواني اشوفه هوه جان يحبني اكثر ويهتملي اكثر بعد كل هذا مااكدر اصارح نفسي وابوح بحبي الها كل هذي الفتره اجذب احساسي واگول لأن ماعدها احد مهتملها احس نفسي مسؤول عنها
المشكله هيه ساعدتني احبها بدون ماتشعر اعرف نيتها شنو واعرفها متشوفني غير اخ الها بس هيه سبب بمشاعري چانت تهتم الكلشي بيه تعرفني تعبان لو ضايج من نبرة صوتي
فاهمتني بوكت المالاكي احد يفهمني تفهم احساسي وتعرف ابالي وحده بس ماتعرف هيه نفسها الي ابالي لأن وياها ابعد الفكره عنها نهائيا مااريد اطيح من عينها..
كل هذي الفتره وانه اداري مشاعري يمها من يوم العرفت كمت اميل الها الحد الأن يمكن امي حاسه اخواني لأن اهتمامي مو طبيعي  بالنسبه الحالتها هواي عدها اولاد عم شمعنه انت هيج اشوف الحچي بعيونهم بس محد مبينلي يمكن عاجبتهم الفكره ويمكن يردون يتأكدون

صارت السنه الثانيه لاستشهاد المرحوم وسوينه ثواب وهم تجمعنه اهلي وعمامي حته انزور
خابرتها بالليل ردت احاجيها
سمعت صوتها تبچي ماسألتها شنو السبب اغلب ايامها هيه من تذكره تبجي ولأن باجر ذكرى استشهاده جنت مخلي ابالي هذا السبب ردت اغيير الموضوع ومااسألها ليش لأن اعرف الجواب
كتلها حضرتي نفسج باجر صيري يم عمتي وامي مو ترحين يم مرت ابوج حته تصيرين قريبه علينه خاف تحتاجين شي لأن احنه سيارتين مقسومين وبيت عمي ابو حازم ويانه نص وي عمي ابو ياسمين نص
كالت اني مااروح
استغربت منها ليش ماترحين شعجب
گالت ابوي ماقبل شگد حاجيته وترجيته ماقبل حته عمي حاجاه گله لا تبقه يم خواتها
صار اكثر من سنه ونص شامرني هسه اتذكر ورادني يم اخواني

..يعني هسه انتي ماترحين

..لا مااروح ماقبل وهسه كارهه روحي  اني احسب يوم يوم حته اروح ازوره

..جريت حسره وانه ضايج عليها ومابيدي شي اسوي گتلها زين منو يبقه وياج

..انه وخواتي وع اساس اذا قبل اكرم يبقه يمنه لان الولد يردون يرحون وياهم بس كال بلكي اقنع واحد منهم يبقه

..واذا ماقبلوو

..يگول عادي وحدكم

..هوه ليش ماياخذكم كلكم ليش مبقيكم هيج

..يعاندني بس لأن يعرف اني مهتمه للروحه

..لاتهتمين فتره وانه اوديج لاتضوجين الله كريم

سديته منها وطالعه روحي لشوكت تبقه هيج
بقيت سهران شويه ونتجمع ونطلع مايحتاج انام
من صار الوقت وطلعنه تجمعنه براس الشارع اباوع الكل جايين امي واخواتي صعدوو وبيت عمي ابو حازم وبيت عمي ابو اكرم صعدوو بالسياره الثانيه همه ومجموعه من بيت عمي ابو حازم وياهم حازم صار بسيارتنه وي الولد واهله راحو وي عمي ابو اكرم اباوع عمي واكرم واخو الازغر منه كلهم جايين يعني بس نورس والبنات باقيات
حركت السيارات اترددت اصعد لو لا
انه مشتاقله واريد ازوره وخاصتا هيج يوم
بس بالي مو مرتاح شلون تبقه وحدها
حركت السيارات واشرولي اصعد اشرت الهم الله وياكم انه ابقه
نزل صفاء الي

..بهاء شبيك اصعد

..روحو انتوو عندي شغل انه

..ولك ياشغل مو كلت اجلت شغلي هاليومين

..صفاء روحوو توكلوو سالفه ابالي روح

..بهاء تره انت صرت مكشوف للكل اتحرك وفضها مو حلوه هيج تبقون اعرف بيك لان ماتروح هيه انت هم ماتروح

..روح سيارتكم مشت

..ابقه وياك انه لايرحون يبلوك تره الكل شاكين بيك والله اي شي يصير كلها توگف ضدك

..لاتمسلت انت شتقصد

..مااقصد الي ابالك بس كلشي يصيؤ ع الاقل انه وياك

دكولنه هورن صفاء راح كلهم ضياء مرتفع ضغطه وانه باقي وياه وامي نزلت وتعال شيقنعها تروح كوه يلله راحت بعد ماحاجيتها انه

رجعنه البيت عمي ابو حيدر وكفنه ابابه

گتله صفاء الله عليك يعني ابنيه وبنات زغار بهالليل باقيات وحدهن شنو معناها عمك هذا شني تفكيره

..ماادري بهاء عمي اكو من يفكر بداله اصلا هوه مايفكر ضحكت تره صدك مرته خوش مشتغلته ..وانت هم خفف شويه اهتمام صرت مفضوح للكل معقوله هيه مامنتبها

..هيه تشوفني اخ الها وصديق مو اكثر

..ماكو صداقه بين بنيه وولد نهائيا هذا وهم تنجبر تلكي نفسك رايح الغير مسار ممكن زمالة عمل كد السلام اي بس من تدخل بتفاصيلها وهيه هم لا تتحول

..تنهدت بس صعبه كلش

..وين الصعوبه بالعكس عمك يطير ال الله ينطيها الك من باجر

..وليش برأيك عمك يهمني رأيه ..هيه الهسه مو ناسيه المرحوم وكل افكارها وحجيها بي اصلا مو واعيه للي يصير بيه يعني صعبه اشوف نفسي خايين بين قوسين اشوف نفسي مو كد الثقه الي انطتها الي مو كد الصداقه ولا وفي هيج احساسي يوميه انام واني اوعد نفسي اترك مشاعري وابتعد عنها اكعد وارجع اكثر من قبل اتواصل وياها ولا جني مفكر اترك كلشي من يوم الي تاكدت انه احبها او عندي مشاعر اتجاها عايش بصراع وتأنيب الضمير اموتني

..بهاء مايحتاج الكل هذا اول وتالي البنيه ماتبقه بدون زواج وانت اولى بيها من الغريب يعني عاجبك تتزوج هذا المريض خال اخوانها اذا صدك ابالك انوي واتوكل شنو ماسامع انت ماشايف اول واحد يابه نسوان متزوجات ومخلفات يتزوجن اخوان رجلهن ويكملن حايتهن عادي

..مجبورات ذوليج واخوان رجولتهن هم مجبورين بينهم جهال يحافظون عليهم انه مامجبور عليها ابد بس مااظري شلون لكيت روحي افمر بيها شومت ويمته مااعرف

..انت جاي تصعبها على روحك صح مو سهله بس احسن بهواي الك والها
مادام من وراكم انحرمت الزياره اروح انام احسن انطيني مفتاح عمي افوت انام احسن

..ماعندي بديل بس للباب البره اذا تريد روح البيتنه

..لا عليك الله اليوم يعني ماكو نوم اذا اروح للبيت شكو بقيت يمك انه تعال خل نگعد هنا شسوي بعد

..صفاء روح امشي ولك شبيك انت يعني خايف خاف اروحلها هذا قصدك اذا صدك نتخارب انه وياك والله
انت تعرفني كلش زين

..اعرفك بس الناس ماتعرفك كلشي يصير احتاجت شي من تفوت وحدك غير من نفوت سوه ماخايف عليك انه اخاف عليها هيه تروح بيها وتتأذه  انت محد منهم يحاجيك

فكرت بكلامه صح الي يگوله والناس هم ماترحم وماكو شي ينظم
دخلنه حوه بحظيقة بيت عمي بقينه الصبح رحت جبت ريوك بس صفاء قفل من النعاس كتله روح ماقبل الا اروح وياه
ارحت جرله مده من الحايط تمدد عليها ونام
ظليت اضحك عليه كتله انت مصدگ تبقه علمودي خايف مني لو عليه شبيك تفكيرك تفكير شايب

ضحك وهوه نعسان كال جينات امي صايرات عندي لو تدري شتحجي عليك يوميه من تجي هنا

..ابتسمت شتحجي ولك

..والله ماكو شي ماتحچي اولها تگول هسه يدهر بت عمه لو ياخذها ويفكها ويفكني منه مو احسن شالع كلبي هالولد وترجع وتكول همزين بلكي تصير اله وينسه المعصعصه  فد نوب لاتحله بعينه مرت سامر يوميه يكتلها زلمتها وادعي كون ماتحله بعينه ويردلها حته تطلك وتاخذه جان يحجيها ويقلد صوت امي ولهجتها بالكلام

..ضحكت حيل امي بعدهي ابالها ارجع الهدى والله ماتهمني ابد تبقى ذكرى بحياتي بحلوها وبمرها عشت بيها ايام حلوه وايام مره وصارتلي درس بس ماافكر بيها ابد وره ماعفتها مو بعد متزوجه
كتله خل افتحلك الباب اعرف طريقه فوت جوه نام
اكو شباك بصف باب المطبخ مديت ايدي منه وبصعوبه لحت السركي فتحته
كتله تعال فوت

..كال عمك مقتنع بقفله شبسرعه فتحته

..لا هوه يقفل باب المدخل وهذا يقفله من جوه بس انه اعرف افتحه من جنت ابات يمهم ومرات اكول خاف ازعجهم لو نايمين افتحه هيج

..زين والله تعرف كل الدروب انت

..اي مو انه صفاء .سولفلي بعدك ناوي تخطبها

..انت تريد اطيير النوم من عيني ياويل حالي شلون اخطبها وانه مأيس

..حاول ليش شنو الي يمنعك

..من غير مذهب هيه

..وشنو يعني عادي اخطب وبلكي الله يهديهم

..يمعوود سوالف مايرادلي وظيفه من اخطب كل هاي مصاريف مو سهله

..تنهدت وسكتت فات هوه وبقيت انه بره بالباب ماكتلها انه بقيت خاف تشك بيه هيه كلها عارفتني بس هيه ابد مااحاول يمها ابين شي يعني انه مامخلي عدها شك ناحيتي

صارت ساعه اثنعش الضهر تقريبا وي الصلا الشوارع فارغه وحاره ردت ادخل بس گلت شويه وافوت كلشي يصير هنه حته البنات ماطلعن يمكن هيه مانعتهن

لمحت واحد من بعيد شايفه من قرب اي هذا خال اكرم المريض شجايبه
اجه مامنتبهلي ولاجنه يشوفني
دك باب بيت عمي ابو اكرم مره مرتين
كتله شرايد

..جاي على بيت اختي ليش

..طالعين محد موجود

..البنات هنا هيه كالت بالك عليهن يعني موجودات

..محد هنا وانت ماتدخل ارجع البيتك ان ادير بالي عليهن واكف بالباب ليظل بالك

..انت شعليك

..ابن عمهن انه ..من كتله هيج ارتبك وراح

شويه وخابرتني ياسمين

..بهاء انت هنا مارايح

..لا مارحت

..ليش

..تعبان وبقيت

..وليش مو ابيت اهلك ترتاح ليش هنا يمنه

..ظل بالي يمكم وهمزين اجيت هذا اخو مرت ابوج جاي يدير باله عليجن جنت مقهور وحجيتها باستهزاء

..وهوه منوو يفتحله الباب يامخبل ..بس منوو منهم

..نفسه المريض ديري بالج خاف خطه من مرت ابوج شمعنه جاي هسه ياسمين خاف يقتحون الموضوع وياج لاتوافقين

..عليمن تقصد

..اعتقد راح ينعاد موضوع الخطوبه

..ياا غير اكتل روحي اذا صدك والله اموت اذا سواها

..الموت الهم ان شاءالله محد ياخذج مني گلتها بهدوء

..هاا
قفلت الخط احس استعجلت وفلتت مني الحجايه
رجعوو من الزياره ومرت شكم يوم انه مااكدر اتصل عليها اخاف من ردة فعلها وهيه هم مااتصلت والأكدلي سمعت كلش زين هوه انقطاعها فجأه

ظليت محتار مشتاق الصوتها واريدها تعرف كلشي بس صعب تفهمني
وره تلث ايام راسلتني

..بهاء اني سمعت شكلت بس اعتبرني ماسامعه وخلينه اصدقاء واخوه احسن تبقه عزيز عليه وغالي الي ابالك اذا فكرت بي تخسرني واخسؤك وانه مااريد اخسرك اريدك اخ الي وصديق بس تعرف من افكر باي واحد غير حيدر مناها راح اكرها ولاتجبرني عفيه بس ابوي يسمع راح يجبرني عليك وراح اكرهك غصبا عني
جنت متوقع جوابها رديتلها

..الي صار والجاي احس بي مو بيدي غصبا عليه ومدام انتي عرفتي خلي ابالج مستحيل اتخلى عنج ومستحيل تصيرين الغيري

..معناها ماكو تواصل بينه من اليوم تعذرني بهاء اني ثوله وممنتبهه جان كدرت اتصرف من وكت

ضجت بس متوقع هالشي تركتها على راحتها
وره يومين صادف عندي روحه الكربلا شغلي هناك
رحت واشتغلت يومين ومامحاجيها احس گلبي طگ رايد اسمع صوتها وبس جنت اكول حته لو اي واحد يمها يسجلي صوتها وهيه تحجي عادي مو الا احاجيها بس اسمع صوتها
بس عايفها على راحتها قررت اتصل لكيته مغلق
يوم الليل كله مغلق الصبح
خابرت نورس تشوف اخبارها تودي امي تودي اي واحد المهم اعرف
كالت تره اني شاكه بس هسه تاكدت راح اخلي امي تشوفها بغير طريقه جني اني رايدتها
كتلها اتصرفي وبعدين نحجي بالتفاصيل
وره نص ساعه خابرت جاوبت متلهف گالت
بهاء تره اليوم عقدها ياسمين اليوم العصر تعقد ونفسه خال اكرم ابن عمي

يتبع ..

البارت بدون مراجعه حبايب 😘