رواية حكمت محكمة الحب الفصل العاشر 10 - بقلم زينب العبيدي(زينبيه)

مراحب حبات كلبي🙋‍♀️

الاحداث جدا بارده وروتينيه والبارتات ممله لكن هذه ليس الا بدايه فهناك الكثير خلف محكمت الحب 🤗

قراءه ممتعه👇

#حكمت_محكمة_الحب

بقلم #الزينبيه

#البارت٩

اجه اليوم المنتضرته يوم فرحتي وسعادتي هيج

سميته اليوم الي حسيته بغض النظر عن ان هو يوم

زواجي هو يوم انتمائي العائله بعد الحرمان هو يوم

لجوئي البيت حقيقي. احس بي بأمن واطمأنان بيت

خاص بيه. وراح الكه ناس تهتم بيه. اني عشت

محرومه اريد الكه العوض بهذا الزواج

اجتي بنت

عم سلطان  اسمها نوال عمرها ٢٢ سنه وياها اخت ماما حبيبه اسمها حنين

عمرهه ٢٠ حسيت بيهه جايه غصب من ماما حبيبه

لان جانت. تنضرلي بنضرات كره وحقد. نظرات

ماشفتهه بعيون ماما حبيبه كأنما هي ضرتي مو ماما

حبيبه. كملتني ام الصالون لبخ وصب وتبيض  طبعا ماخلتني اباوع

بالمرايه لحد ما كملت

ام الصالون. يله حبيبتي نواره. تعالي شوفي هذا الجمال العندج

نواره.  خجلت كلش من كلامهه

اهنا حجت حنين (اخت ماما حبيبه)

حنين ماله داعي ماله داعي اتأخرنه علويش تباوع

النفسها على خراب بيت اختي

نواره. سمعت هل حجايات أذتني حيل حبيت ارد عليهه واكللها والله مو ذنبي وهل شي حبيبه الي حددته لكن سبقتني بنت

عمه السلطان. والله يا اخت حنين اضن اختج الي

دكت ايد برجل حتى تاخذ البنيه السلطان ولبنيه ما الها

ذنب

حنين. وهي ماصدكت اخذت واحد بكبر ابوها. بس

هم العتب موعليهه العتب على ابن عمج الي رجع

مراهق تالي وكته وماخذله وحده بكد بنته

نوال(بنت عم سلطان) اللهم طولج يارووح هاي الي

ماتفهم حبيبتي لا ابن عمي اله علاقه ولا لبنيه وكافي

حجي وتجريح والتفتت علي كومي يانواره تعالي شوفي الملاك

الابيض هذا (وتقصدني)

كمت واني كلي حزن اني بلاشي احس بتأنيب

الظمير وهاي زادتهه علي وكفت اكبال المرايه.

ابتسمت واني اشوف نفسي شي ثاني

حبيت شكلي فرح طفله  باالفستان الابيض والمكياج

.

.وجان بنفس الوكت.. بيت سلطان

ملاك اخت سلطان الصغيره جانت قلقه وتباوع على الساعه فاتت من يمها حبيبه حجت ملاك بسرعه

اكول حبيبيه ترى سلطان اتاخر و نوال  كالت هما خلصوا  من الصالون خابري عليه

حبيبه و الله يا ملاك اتصلت بس ما يرد هو كال عندي اشكم شغله اخلصها و اجي بس اشوف اتاخر

ملاك اووف  والله يا سلطان ما ادري شبيه هذا رجال اخذت التلفون و اتصلت عليه مره واثنين  استغفر الله ما يرد

حبيبه ااها هذا هو اجه حجت وهي تدير بعيونها للباب

ملاك سلطان شنو السالفه يا خوي ليش تاخرت هيج ترى البنيه تنتظر بالصالون

سلطان خلي مهند يروح عليهم

ملاك فتحت حلكي بتعجب سلطان انت زوجها مو مهند وبعدين انت اذا ما رايد لبنيه ليش تزوجتها و ظلمتها وياك

سلطان هششش ملاك اني تعبان والتفت علي حبيبه بعدين مو انا اللي ظلمتها هي اللي ظلمتها و تعرفني اني شنو و هي شنو

حبيبه سلطان  ماله داعي هل حجي هسه لبنيه تنتظرك بالصالون

سلطان ،،حجيت ابحده كلتلج،، تعبان و اريد ارتاح و اسبح و حضريلي استكان جاي حجيت و انا اصعد الدرج

حبيبه صعدت وراه و وسديت الباب جان سلطان مبين بي العصبيه و هو يشمر سترته على الجربايه و يفتح دكم قميصه كتله شبيك سلطان اشو مو على بعضك شصاير

سلطان لا ما صاير بس انت مفشلتني دائما بقراراتج الفاشله و شمرت القميص على الجربايه  ماتكليلي شلون فكرتي بهذا الزواج الفاشل انا المعروف برزانتي وهيبتي ينكال عني مراهق و السبب انتي

حبيبه حاولت اهدي الامور شنو  صاير احنه موسدينه  هذا الموضوع وانت هديت و وافقت

سلطان لا ما وافقت بس كثره الزن وشلعان الكلب خليتيني اوافق على شي اني ما حابه من البدايه بس حتى اتحاشاج اسنين وانتي تعيدين بنفس الموضوع

حبيبه سلطان اني اعرف انت سامع حجي و اعرف منو اللي مسمعك بس انت سلطان على سن ورمح الرزن المهيوب لايهمك حجي الناس

سلطان  مو حجي الناس كلبي ما مقتنع وكافي   روحي لمهند خليه يجيب الطفله من الصالون

حبيبه صار بس انت هدي شوي و نزلت رحت لمهند و كلتله يجيب نواره و البنات من الصالون وعلى طول مهند امتثل الامر سلطان وراح

ملاك يلا نونو الجكليته اجه مهند ياخذنه

نواره حجيت بااستغراب بس ليش مهند .. ،،،بسرعه تداركت الوضع اسكتت كانت اول خيبت امل بهذا الزواج اللي كنت فرحانه بيه يارب لا تخيب فرحتي و لا تضيع امنياتي جذبت على  نفسي و اقنعتها و رجعت ضمدت جروح امنياتي وامالي  و مشيت ببدله العرس وانا فرحانه و احس نفسي اميره مجرد ما طلعت من باب الصالون شفت هذاك الشخص بصراحه ما تمنيت اشوفه

خالي..بهيجي يوم اجه  علي بالهفه وهو يبوس راسي
ابو احسان شلونك يا حلوه

نواره ردت احجي لكن بسرعه سكتني و كمل كلامه

اسف يا بعد خالج ابريني الذمه ترى انا ندمان على اللي صار بيج و اللي سوينا وياج من زمان ادري مو شي سهل بس كليلي شلون اكفر عن الي صار ظميري يأنبني بابا

اهنا تركتنه نوال وحنين وكفن على صفحه

ماجنت مقتنعه بكلامه وشي بداخلي يكلي اكو شي ثاني مو سالفت ندم باوعت عليه
،،،بعد وكت هستوك اتذكرت انت ندمان على العموم كول خالو شعندك

ابو احسان لا بابا ما بي شي بسس طلبتج لاترديني فاروق ابني ندمان باللي سواه قبل و من شافج بفاتحه ابوج تخبل عليج و طك ايده برجله الا انتي ولماسمع بالخطبه اتسودن بس احنه كلناله  ان انتي فسختي الخطوبه وضمينه عليه وكال هو يريدج وجان يشتغل ويكون بنفسه على مودج و هسه لما عرف انتي راح تتزوجين واحنه جذبنه عليه اتسودن و راد يجيلج بس انا قنعته و وكتله انا احجي وياج و كاللي اروح لها و لو تجيبها وياك لو بعد والله اموت بلياها واني باني عليها امالي

نواره ابتسمت ابتسامه استهزاء وخيبه امل اي و المطلوب مني هسه اني اجي وياك و بحكم اني طفله كلت اكيد هاي مشاعرها الجياشه و عاطفتها الطفوليه راح تتاثر و تجي و هي تبجي و تاخذني بالااحضان  والخاطري تروح الفاروق و تفلش زواجهه على موده بس لا راح اكولك انت غلطان اني نواره غيرها نواره زمان مو هذيج الطفله اللي تخاف من كل شي كلبي انلجم هواي منكم واني اليوم عروسه مثل ماتشوف خالو

و مشيت واني متجهه للسياره صعدت السياره واني اتحسر اخ تعبانه و اريد ارتاح كلبي يعتصر اتمنيته جاي وجايب زوجته تحضر عرسي واكول اكو واحد من اهلي موجود يمي بمثل هذا اليوم

نوال يا جكليته يعني اني حاولت ما اسال بس الفضول مالتي جدا فضولي و ما يعرف يسكت يعني اني ما اعرف شنو بينج وبين خالج بس شفتج قاسيه و ايا مسكين

نواره ابتسمت ابتسامه حزن كلت الها اي قاسيه بس صدكيني الشخص اللي كنت احجي وياه مايستاهل مني غير بس القساوه لان مالكيت منهم بس الذله والتعب والحزن وسكتت وكتفيت بحزني النفسي ادعي ربي يعوضني بسلطان خير

وصلنه على البيت وجانو بي ناس هواي صحيح هي حفله بين الاهل بناء على رغبة سلطان بس اهلهم جانو اكثر من يوم الخطبه هواي باالاضافه الى صديقاتي بالميتم دخلت كعدوني على الكوشه مجرد ماكعدت طفرت بوجهي رشا وهي تبجي وتضحك بوكت واحد

رشا بنبره كلهه بجي كالت نواره شلون راح اكمل باقي عمري بلياج

نواره دمعن عيوني واختنك صوتي بالعبره صحيح هي صديقتي وما افترقنه من احنه صغار  كلتلهه والله يارشا اني ما اعرف شلون ما راح اصبح وامسي بوجهج مثل كل يوم راح اشتاقلج

نوال. له له نواره الجكليته لتبجين تخلطين الاحمر والاخضر ع الاسود وتخرعين الرجال والتفتت على رشا وانتي ياروحي بالمره لطمي وشكي جيبج

(ابتسمت رشا من بين ادموعهه كملت نوال كلامها)* انشاء الله ياحووب ماتتفاركن واكو شي اسمه تلفون وتتواصلن على طول ربي يخليجن البعض

رشا اي اي صحيح نواره لاتبجين يروحي

نوال فتحت حلكي على كبره لا بالله اكول ترا انتي الي موتتي روحج بجي مو هي كلي الروحج هذا الحجي

رشا. وهي تضحك اي اي لاتبجين يارشا

نوال. لا حول ولا قوة الا بالله الله شايل عقلج دوري شنو ابمكانه

نواره.  احجي واني بعدهه العبره خانكتني لا ماراح تلكه شي لاتعب نفسهه وتدور اصلا العنكبوت بنه بيوته براسهه اعرفهه 

رشا هزيت راسي واني أ أكد كلام نواره وحجيت تعرفني والله ياحبي انتي

شويه واجتي ملاك اخت سلطان وهي تهلهل اللهم صل على محمد وال محمد كمر ياناس كمر

اوراها تمشي ماما حبيبه احس محد يراعي شعورها
واني ادري هي الخزن البيهه يبحي صخر  كالت وهي تتقرب علي

ماشاء الله ربي يحفضج من العين ماما

نواره ماما اني بنتج لزمت ايدهه بسرعه فدوه لاتحسبيني ضرتج اني وين وانتي وين مستحيل اخذ مكانج

حبيبه. لا ياروحي اكيد انتي بنتي اني ربيتج وهاذي النظره ماراح تتغير

بستها على راسها وهي ابتسمتلي وراحت تكمل شغلها

نواره وضلينه بين الهلاهل والصفكات والاهازيج الحلوه جنت احس روحي طايره احس كل هاي الناس متجمهره على مودي  واني ولااول مره اكون مصدر اهتمام والناس داير ميدورني حتى الاطفال والكل ايريد يشوفوني واني ميته خجل حتى من الاطفال اخجل واني اسمعهم يكولون شوف العروسه وشكد حلوه وبعدها صغيره ومن هذا الحجي

شويه ونزل سلطان وصارت الهلاهل اقوه وطشو عليه  الجكليت واني عيني ما فاركت ماما حبيبه كاسره خاطري تحاول تخفي حزنها باوعت على
حنين اختهه وهي تخزرني بحقد واكو وحده هماتين واكفه وعيونهه كولهه ادموع بس احس الكره البيهه الي لو طاح على الكاع يحرك الاخضر واليابس
صرت اخاف من نظراتهم بالاظافه الى نظرة سلطان الباره الخاليه من اي مشاعر وبهدوءه المخيف كعد يمي صرت مرتعبه كلش شعور طفله بين نظرات مبهمه حسيت نفسي غريبه ما ابالغ لو كلت اني ماضليت اشعر بالناس ولا شنو يحجون ع كد ماخفت من غموض مستقبلي

جنت كاعده  بلا شعور اباوع بعيوني بس كأنما غايبه عن الوعي ما اسمع بس صدى اصوات وضوضاء عاليه تخترق جدران راسي  جنت اشعر وما اشعر ابسلطان لمن يبدل الحلقه بيدي من يدي اليمين الى ايدي الشمال جنت ادقق على الحلقه واظيق نظري عليهه واباوع الهه وهي تنتقل اني خايفه ياربي طمن كلبي تعبت من عذاب الدنيه صار عندي دوخه قويه بدون مبالغه جنت كلش خايفه شعور بداخلي ما اعرف اوصف

ومشت الساعات  ولمن عرفت صار الوكت حتى يزفونه ونروح على الفندق صخنت وضليت كلي ارجف
اني ما اعرف شي بس كل الي اعرفه راح نكون الوحدنه بغرفه وهل شي بحد ذاته مرعب  ضلت عيوني تتلفت بين الناس اتمنيت امي يمي احتاجيتها كلشش

يتبع........