رواية حكمت محكمة الحب الفصل الرابع عشر 14 - بقلم زينب العبيدي(زينبيه)

شلونكم حبات قلبي 

قراءه ممتعه

#حكمت_محكمة_الحب

بقلم #الزينبيه

البارت #١١

سلطان. ضغطت على نفسي وحاولت هواي كلت عسى ولعلى اكدر ابوسها ولو بوسه   لحد ماتخالطت انفاسي بأنفاسها اتقربت و المفترض مني احب هل لحظه بس الي صار بيه العكس

نواره. غمضت عيوني عرفت بي راح يبوسني وكلي قلق ورجفه وخوف  واني اعصر على الفراش با ايدي حيل بس للحظه وحسيت الهوه بس الي وانفاسه اختفت  فتحت عيوني شوي شوي مالكيت سلطان  ما انكر فرحتي ان تخلصت من هذا الشعور شعور الضغط والقلق اول مره احس رجال يوصل مني كل هذا القرب جان شي بحد ذاته يبث الرعب والخجل ابكلبي وجسمي ويصيبني بالقشعريره بس هماتين جان بداخلي حزن ليش ما ادري اتجهت بعيوني ادور عليه لكيته كاعد على كرسي ومتجي ايده على اركباته وشابك جفوف  ايديه سويه وحاطهن جوه حنجه وصافن بالفراغ مادري شكد ضل هيج على هاي الكعده وشلي يدور ابراسه بس المتأكده منه ان هو ماحاب الي كان دايسوي ضليت صافنه واباوع عليه وافكاري بدت تتكوم براسي حزن سيطر علي وحسيت برخص ضل ياكل بكلبي الوجع ما غلب علي النوم  وماكعدت اله ع صوت سلطان وهو يحجي بالتلفون ويعيط على شنو ومنو ما ادري بس يمكن السالفه بشغله كعدت افرك بعيوني  وجان سلطان يروح ويجي داخل الغرفه ويحجي بعصبيه سد التلفون بسرعه  وبسرعه اتحول من هذاك الانسان العصبي الى ملامح ابرد من الثلج من ذاك الصوت والعياط الى صوت هاااادئ جدا  شنو هاي القدره العجيبه العنده

سلطان. يله حظري نفسج نرجع للبيت

نواره ضليت ارمش بعيوني دلاله على توتري هزيت راسي بسرعه

سلطان. ليش خايفه شبيج

نواره. بيه اني لا مابيه

سلطان. يحجي وهو  يسد سير الساعه لاتخافين نواره ويله همي ايدج خلي نرجع للبيت عندي شغل مهم لازم اروح للدوام

نواره كمت بسرعه واني الم بغراضي داخل الجنطه. واجيب واشمر داخل الجنطه

سلطان. لا يابه رتبيهن مو حلو هيج  حجه بكل برود

نواره.  صخنت من الخجل . يمه اكيد هسه يكول علي مامرتبه يااربي هسه لو يشيل عيونه عني رجعت افتر بالغرفه والم شغلاتي بحذر واخليهن شوي شوي بالجنطه وبترتيب احس بعيونه تراقب افعالي  لحد ما خلصت وسديت الجنطه اخذت ملابسي وبدلت بالحمام  خليت مكياج خفيف ولبست شالي  وطلعت. لكيته كامش نقاله ويكلب بي

نواره. كملت

سلطان والبدله.

نواره. هااا نسيتها

سلطان. يله تره اخرتيني

نواره ركضت على البدله واني احاول اطبكها حتى اضمها بالعلاكه الجبيره ماتنطبك واخاف اضمها هيج ويفشلني ضليت ساعه اجيبها يمنه واجيبها يسره  شويه وحسيت ايديه سحبت البدله من عندي   باوعتله وهو يطبك بالبدله ورافع حاجبه وملامحه بارده كلش  ياربي كافي اتفشل ويا شيكول عني  من امس واني كل ساع اتفشل يمه

نزلنه من الفندق جان هو يمشي قبلي وشايل الجنطه وعلاكة البدله خلاهن بجنطة السياره

سلطان انتي صعدي اني هسه اجي 

ورجع للفندق جاب جناسينه وعقد الزواج واجه  صعد وطول الطريق وهو ساكت ماحجه ولا كلمه

وتليفونه مابطل كلساع يتصل وهو اتصال ايرد واتصالين يغلس

لحد ماوصلنه جنت حيل متوتره فرحت لمن اتخلصت ونزلت من يمه جنت متقيده بكل افعالي وتحركاتي واحسب احساب حتى للنفس الي يطلع مني على كد التوتر والخجل

نزل الجنطه والبدله واني واكفه يم الباب استحي ادخل

فات  من يمي وهو يدخل وحجه

ليش واكف تعاي حجاهن وهو دايمشي

هزيت راسي ورحت وراه امشي على كيف مستحيه

دخل قبلي واسمعت صوت الهلاهل طلعت ماما حبيبه وعلى وجها ابتسامه صغيره

حبيبه مبروك ماما حبيبتي وباستني انشاء الله انشوف اطفالج تارسين البيت

ابتسمت بالكوه احس كلبي يتكطع عليها كلتلها الله يبارك بيج ماما

حبيبه تعالي فوتي بنتي ودخلنه اني وياها

وتلكوني بالهلاهل وباوسني خوات سلطان

وهمستلي ماما حبيبه روحي بوسي راس ام سلطان

هزيت راسي ورحت بخجل بست راسها

الحجيه بعد كلبي ابنيتي انشاء الله زواج المبارك والذريه الصالحه

نواره شكرا ماما

كعدت عشر دقايق يمهم واني مستحيه مافتحت حلكي ولابحرف

ملاك تعاي حبيبتي اخذج الغرفتي ارتاحي شوي

منى شبسرعه خليها لاحكين هي و
سلطان ع الخلوه وضلت تضحك

مادري ليش احس منى تتعمد تغيض ماما حبيبه وتريدها تغار

ملاك اتجاهلت حجي اختها  يله حبيبتي نواره امشي

صعدت وراها وماما حبيبه وراي

حبيبه حبي نواره هاي غرفتكم اتفضلي وفتحتلي الباب دخلت الغرفه حلوه وجبيره واخشابها حلوه وفراشها كلش حلوعلى كد الفرحه
دخلت واحس جني داخله القصر مو الغرفه حسيت عندي مكاني الخاص ببيتي حسيت اني بشر حقيقي واخيرا عندي مكان انتميله واهل مثل كل الناس جنت اباوع بالغرفه وفرحانه حتى بحيطانها وابتسامتي مرسومه بوجهي تلقائيا

حبيبه ها عجبتج

نوارة اتجنن ماما اتجنن

ابتسمت حبيبه على عفويتي وكالت ياحبيبتي

ملاك لعد سلطان وين

حبيبه اكيد دا يغير ملابسه

نواره اي اي هو كال يريد يروح للشغل

ملاك اوك ارتاحي حبي وشوكت ماتحبين تنزلين احنه جوه واشرت المامه حبيبه بعيونها حتى يطلعن

طلعن هنه واني بديت اتفحص ملابسي وشغلاتي الي رتبتهن ماما حبيبه

ملاك حبيبه اني خفت من حجيج لمن كلتيلي سلطان ماقابل على هذا الزواج اخاف يقسى على هاي الطفله  ومايعاملها كازوجه

حبيبه هو مال يقسى مااتصور بس اخاف من معاملته احسه يعتبرها مثل بنته وهل شي عكس الي ردته

ملاك حبيبه ولو صعبه عليج بس احجي وياه خلي يضل يمها اقل شي ٣ ايام بعد عروسه وعسى تتغير نضرته

حبيبه اكيد راح احجي ويا

شوي وطلع سلطان وهو لابس  الزي العسكري والرتبه على جتفه ٣نجمات ونسر وبي هيبه كلش مرتب وعطره يمشي قبله وهو يشد ويعدل بالناطق على خصره

حبيبه ها سلطان وين

سلطان للشغل حجه وهو مدنك وجهه يشد النطاق

ملاك شعجب خويه ما ماخذ اجازه

سلطان شسالفه ياخويه اجازه شنو

ملاك ياسالفه غير عريس ياعين اختك

سلطان ببتسامه صارلي ٢٠ سنه عريس

حبيبه  ميخالف احجي وياك

سلطان من ارجع يله في امان الله

حبيبه الله وياك والتفتت على ملاك يارب يهدي

ونزلن وراه ثنيناتهن

نواره فتحت الكنتور واني اباوع على الملابس واحجي وي روحي شلبس شلبس

طلعتلي دشداشه شوي مخصره وحلوه بيها شغل من الكرستال ولونها نيلي مشطت شعري وخليت عطر وجريت عيوني بالكحله ما اعرف احط مكياج بس الكحل واخلي خفيف

ضليت متردده انزل لو لا مستحيه وخجلانه مشيت للباب وحطيت ايدي على  الباب وبسرعه انفتح دخلن علي ثنين بنات بعمري ابتسمت بخجل

حجت وحده منهن وكالت اكيد ماتعرفينه اني سميه بنت منى اخت خالو سلطان هههههه وهذه بنت خالتي مهى ابرار

ابتسمت الهن اهلا وسهلا حبيبتي

ابرار ها جنتي تردين اتنزلين

نواره هاا اي جنت دا انزل

سميه يله ننزل كلنه خلي نتعرف عليج وتتعرفين علينه

هزيت راسي بخجل ونزلت وراهن لكيت ام سلطان وخوات سلطان وبناتهن كلهن موجودات  وماما حبيبه واختها بالمطبخ يسون الغده

الحجيه تعاي يمه تعاي كعدي اهنا

مريم اخت سلطان هلا بالعروسه تعاي حبيبتي

رحت كعدت بينها وبين الحجيه واني مدنكه ومستحيه

منى اخت سلطان الجبيره اي والله وصارت عدنه جنه جديده وراح تترس البيت مهنايه حبيبتي جانت تحجي بصوت عالي كنما تريد اتسمع احد

ام سلطان الله يتمم انشاالله وانشوف ذرية سلطان منج يابنيتي

حجت منار اخت سلطان وهي تباوع علي ومبتسمه يمه فدوه كنموشه شكدودتج والتفتت على منى بكد بناتنه الله يحفضها

ملاك ربي يحفضها

جانن يحاجني واني مدنكه وارد على كد السؤال واسكت خجلانه منهم وبعدين ضلن يسولفن على العرس وهاي شنو حجت وهاي شنو لبست وهذيج شنوسوت واني اتسمعهن مليت شوي التفتت علي الحجيه وحجيت بصوت ناصي وين ماما حبيبه

ضحكت الحجيه فدوه تكول الشريجتها ماما هناك بالمطبخ حبيبتي

ضحكت وكمت رحت للمطبخ دكيت الباب وهو مفتوح بس علمود تنتبهلي ماما حبيبه الي جانت دا تطبخ ويمها حنين اختها اتسوي زلاطه

حبيبه هلا نواره امي تعاي جعتي

نواره لا ماجعت بس اجيت يمج هيج

حنين عوجت حلكها يعني تتطمشين لو تساعدين

نوارة ها اي اساعدكم

حبيبه لايروحي بعدج عروسه تعالي كعدي

نواره لاعفيه ماما خل اساعدج

حبيبه زين تعالي طلعي هاي الكوس المواعين من الكاونتر ضليت افتر وياهن بالمطبخ وانسولف ونضحك اني وماما حبيبه وحنين كل شوي تنغزني بكلمه وتعلق على كلشي اكوله ضليت احسب للكلمه قبل ماتطلع  وجانت ماما حبيبه تردها بكل مره  دخل علينه مهند اخو سلطان الصغير وحسباله بس ماما حبيبه وحنين بالمطبخ واني ماشافني صايره يم الثلاجه

مهند حبي حبيبه شلونج حياتي عمري شخبارج

حبيبه ادري بيك جوعان وانته ماتحبني بس ساعه الاكل

مهند لك ياب ويكلولك ليش تحبه حبيبه ذكيه موبيدج

حنين تعال اكعود هنا  ح يجهزالاكل بس ع مايجي سلطان

مهند خل اصبر روحي بتفاحه برتقاله بطني مسويه دبكه كرديه وتكلي خل يجي سلطان( حجاها ودار للثلاجه ورجع ليوره بسرعه اني ضحكته على ردت فعله

مهند حجه وهو يضحك يمعوده مو خوفتينيي زين ما سطرتج والله

ابتسمت ودنكت

مهند ههههههه شوف شلون تخجل مادري تخاف ههههه مبروك اختي نواره منه المال ومنج العيال

نواره الله يبارك بيك بالكوه طلعت الحجايه مني

مهند بعد اخوج شوفيلي اكو شي اكله تفاحه برتقاله موزه كلش اذا ماكو سويلي قوزي على تمن دجاجه شوي تكه كباب وبعده مامكمل حجيه

وسمعنه صوت الهورن مال السياره سلطان التفتت عليه ماما حبيبه وكالتله روواح افتح الباب هذا سلطان اجه لاتتشهه هوواي اذا تضل بعد دقيقتين يجوز تاكلنه

باوع الحبيبه بنص عين وهو يقلد على صوتها يجوز تاكلنه وعدل حجيه رجال مسئول عن يتامه وارامل داخل بطني عندي كبد فاقد الابويين وعند معده ارمله وعند بنكرياس  مريض وكليه مشرده قابل مثلج

حنين اكول ابو دار الايتام روح افتح الباب مو شهرنه عريف سلطان رووح

مهند لك يؤمر امر وراح يفتح الباب

واني مدري شصار بيه ضليت كلي ارجف من سمعت هورن السياره وخجل على خوف
اتقربت مني ماما حبيبه وهمستلي شبيج حبيبتي

نواره مابيه شي حجيتها على كيف

حبيبه بس ليش ترجفين لمن اجه سلطان هو اذاج خوفج كولي حبيبتي اسمعج

نوارة لالا والله ماما ماسوه شي

حبيبه لعد شبيج امس صار بينكم شي خلاج تضوجن منه يعني اتقرب منج و ماحبيتيه او خفتي

نواره لاماما ماصار شي هو طيب خوش رجال بس اني ما ادري شبيه

حبيبه يعني هو امس ات...

وبعدها مامكمله احجايتها سمعت سلطان يصيح عليها بصوت عالي

حبيبه هسه اجي يله حنونه حضرو الاكل وراحت

كامت حنين تقربت يميي وحجت شوفي اخاف ماما حبيبه على كولتج تكدرين تقشمريها بسوالف التمسكن وسالفه اليتم هاي بس اني لا انتي ماراح اخليج اتكسرين كلب حبيبه كافي الي شافته لحد الان منهم وانتي جايه تكملين عليهم

نواره حجيت بسرعه بس والله اني مامس..

قاطعتني بسرعه اششش كتلج مايفيد حجي التمسكن ويايه يله اشو كدامي خل انجهز الغده

هزيت راسي با اي ماحبيتها هل حنين عكس ماما حبيبه كلش ضلينه انصب بالغده وشوي واجت ماما حبيبه و وياها بنات خوات سلطان واخذوا الاكل جانو مسوين سمج شوي ومرك باميه وتمن اصفر وتمن ابيض وزلاطه وفواكه وركي وصارت لمه على السفره وكلهم كعدو كعده تخبل حسدتهم على لمتهم وبنفس الوكت دعيت الله مايفاركهم ولايشوفون شنو معنه يتم وتشريد وقهر

حبيبه همستلي ليش ماتاكلين حبيبتي لتستحين

ابتسمت الها لا مامستحييه ضليت اكل شوي شوي وهي تشيل وتخلي كبالي شويه واخذتلي صفنه على سلطان الي ياكل السمج ويطلع العضام مالت السمج ويحطهن شي فوك شي بترتيب والباقين يجيبون ويشمرون والعضام يمهم صايره مثل معركه احد 

حبيبه همستلي ببتسامه بعدج ماشفتي شي اهوو بكلشي يحب الترتيب

ضحكت ونزلت عيوني من عليه

منى اي خويه سلطان شفت زوجتك اتكول الشريجتها ماما ههههه عاد اني كلتلها سلطان كوليله بابا

رفع عيونه باوع على حبيبه

حبيبه اي وليش ماتكله بابا وشنو بيها اذا صار الزوج هو الاب والاخ والعائله كلها وسلطان ماراح يقصر وياها ونواره اكثر وحده محتاجه الهيج شخص

منى بس ترى حيل اصغيره حبيبه ١٦ سنه فد مره مالكيتي اصغر

الحجي هذا كله وسلطان جاي ياكل ويستمع فقط

حبيبه اصغيره احسن حتى بيها حيل على الحمل والتربيه خو ما اجيبله وحده ب٣٠ حدها تجيبله طفلين ونقره عليها الفاتحه

منى يعني انتي حطمتي حياة مراهقه علمو بس تجيب وتحمل وتربي والله ما ادري شكلج ياحبيبه

حبيبه بعصبيه انتي شبيج هااا ادري ترى تردين تحجين سلطان وادري شنو قصدج انتي دكيتي ايد ابرجل اله تاخذيله سناء بنت خالتج نواره ماراح تعجبج لان حبيبه الي اختارتها

منى على كيفج ست حبيبه مثل المغيمه ومطرتي شكتلج وبعدين سناء انسب من الطفله هااي

سلطان كومي حبيبه اخذيلج راشدي من منى وانتي التفت على منى كومي جري شعرها وتعاكن هناا شنووو هاااا خراعه خضرة كاعد هنا ماستحيتن كل وحده شطول السانه لاحشمتني ولاحترمتن امي ولا قدرتن البنيه اول يوم الها بالبيت

منى خويه ماشفتها شل...

سلطان اكوول بس سدي حلكج انتي الجبيره عود

كامت ماما حبيبه من الكل واني عيوني تتبعها بس فزعنه من الصوت الي اجاها

سلطان ويييين تعاااي

حبيبه شبعت

سلطان كلت تعااااي

رجعت حبيبه كعدت ودنكت بالماعون

الحجيه اذكر الله يمه وصلي على النبي استغفر الله شبيجن يايمه شنو داعي هل حجي هذا هسه

كام سلطان من الاكل وهو يدردم مايصير واحد يتهنه بالزقنبوت اذا مايطلعن روحه كل وحده شطولها وشيبها تارس شعره ويتعاركن طاح حضجن حتى طاح حضجن

باوعت حبيبه المنى هاي الي ردتيها حصلتي عليه ردتي بس يصيح علي ويلوم بيه

منى هيي ترى انتي مو تسوين البلاوي وتكولين انتي ادري بيج تردين تحرمينه من الجيه البيت اخونه

مهند كاااافي عاد مو عيب عليجن البنيه شتكول صدك جذب جهال انتن

الحجيه ماتستحن وانتي يامنيوه شجاب هل حجي بالنص بعد اخوج وراضي بمرته وقابل بخيار حبيبه ومريته جنها البخت

منى هسه صرت اني الغلطانه لان كلت على البنيه اصغيره على سلطان وكلت عليه خطيه
كامت من الاكل وصاحت على بناتها يله يمه اشو كومن وانتي ابرار اتصلي على اخوج خل يجي ياخذنه خل انروح البيتنه هو هذا الي تريده مره خالجن اتريد اتشردنه من بيت اخوي

مهند ذكري الله خويه وكعد وبالكوه قنعها وكعدت كللها هو يوديها وره الغده

اني ضليت اللعب بالاكل وما اكل وماما حبيبه اتخلي الاكل كبالي وماتاكل وضاله ع السفره بس علمودي حتى لا اخجل

حبيبه ليش ماتاكلين يا امي

نواره لاكافي شبعت

حبيبه زين كومي وياي والتفتت على حنين اختها حنونه حبيبتي بس شيلي المواعين واني شوي واغسلهن

ملاك اخت سلطان الصغيره روحي حبيبه هسه اني وحنين نغسلهن بسرعه

حبيبه بعد كلبي ملوكه وانطتها بوسه بالهوه وكامت وكمت وراها اخذتني الغرفتي

حبيبه بنتي نواره تدرين بيه شكد احبج وحاسبتج بنتي ما شريجتي

نواره والله اعرف ياماما واني هم حاسبتج امي وصديقتي واموت عليج

حبيبه ياكلبي انتي يعني ماماخذه على خاطرج مني

نواره وليش اخذ على خاطري

حبيبه من حجي منى هل مسمومه اكيد ضجتي ترى والله مو غايتي مصلحه سلطان على حساب حياتج لان الله شاهد انتي تهميني مثل بنتي واني بس ردتلج زوج يكون الج اب وزوج وفاهم انسان مثل سلطان

سكتت واني اسمع حجيه ومدنكه مصدكته بكل الي تكوله

حبيبه سمعي يا امي هذه منى رادت بنت خالتها الي سولفتلج عليها وكتلج رادوها السلطان واذا ماوافقتي  راح يخطبوها الها طبعا هي اسمها سناء بس شنوو احجيلج وشنو اعوف وحده ماتتعاشر وينخاف منها تتصورين تكابلني هيج اشكره وتكلي اني احب زوجج واني ام جهاله انشاء الله وانتي اخذج شفقه على حالتج فا عاد اني كلت لا هذه من هسه هيج تكول لعد من ياخذها شراح تسوي بيه حتوديني وره الشمس فضليت ادور السلطان وحده ماينخاف منها وحده تكدر اتسعده فريت راسي الف مره مالكيت انسب منج صح انتي اصغيره وهل شي كان بالبدايه عائق كبال فكرتي بس شفتج انتي اتيتمتي من ابوج وهو عايش وامج ماشفتيها فكلت ليش لا اكون اني امج وسلطان ابوج وزوجج وابو اطفالج

ع العموم نواره حبيبتي منى ومهى و منار هذن لاتتقربيلهن نفسيه مو حلوه ويدورن المشاكل دواره يدخلن بكلشي مريم وحده كافيه خيرها شرها لاتدخل ولاشي تجي خفيفه وتروح خفيفه  اما ملاك فهاي طيبه وتوكف وي الحق حتى لو كبال اي واحد اني ربيتها وربيت مهند وحتى مهندكلش حباب ومتعلق بيه وكافي خيره شره وعمتي طيبه ومن اهل الله بس من يجن حمواتي المسمومات يضلن يززن براسها وهي ام تدفعها غريزه الامومه البناتها بس هي كلش طيبه مجرد مايروحن كلشي يرجع المكانه والحالته الطبيعيه

نواره تردين الصدك ماما اني ماحبيت منى هاي ابد

حبيبه من هيج تبعدي عنها يله اروح اشوف سلطان لان طنكر علينه وخل احول ابرده حتى العصر انسولف بعد شوي عني وعن سلطان وحتى عن حنين وحتى تصيرين تعرفين كل واحد بالبيت وشلون طبعه واعلمج شلون تتعاملين وياهم اوك ياامي

نواره اوك وابتسمت الها هي طلعت واني تمددت على الجربايه لحد مانمت

يتبع'''''''