رواية "هل كانَ حُلماً...؟
(العِراق_المُصغَر)
بقلمي... نورس _قاسم"
________________
لتنسون التصويت والمتابعه
+كࢪزاياتي علقو ؏ كل فقࢪه بالقصه خلي تصعد...
_______________
:- ضحكت وحضنته جرني من خصري عليه حضني وحط راسه برگبتي وگال :-شگد مشتاقلچ
حط ايده ع راسي ضحكت گتله... وينك عني
گال... بگلبج انه يـ واهس ضحكتي
ابتعدت عنه وضربته على صدره كتله وعيوني مدمعه :-شلون ينطيك گلبك تبتعد عني هيج
ابتسم جرني من خصري تلمس خدي وگال :-هذا عقاب الچ تا تتوبين
.. تقرب مني وعيونه بعيوني گال.. ابتعادج عني موت بطيئ
كتله بزعل... لعد ليش مااجيت اتصل عليك ومترد عذبتني
گال... وكت الي احس مالي احترام ولا حب بگلبج ادوس على گلبي وامشي فكرت العايش على احد مااتحملها
حره... عرفت غلطي
رفعت راسي اباوعله تقرب باسني غمضت عيوني ابتعدت كتله... بعد لتعيدها... جريت نفس... لتبتعد عني
گال... كِلو بإيدج لتسوين اي شي بدون علمي
هزيت راسي بضحكه وحضنته هسه يلا حسيت بالراحه طول ما هو زعلان مني احس مخنوكه..
هسه يلا تنفست
ابتعدت كتله... يلا تأخرت اروح للعرس
ضحك كال... هاي شطالعه بالقران تشگين
ضحكت شلت البدلات اخذهم مني كال... سيارتي برا
حره... مقدام منتظرني برا
... كتلو يروح ونحن نجي وراه
ابتسمت طلعنا صعدنا بالسياره اخذت موبايله طلعت اغنيه لزمت ايده عضيتها كال... اخ جلب مسعور والله
حره... ولا حرف
ضحك وصلنا وكف السياره كال... نزلي حجابج عدل شعرج طالع
رتبته كال... عفيه يلا نزلي انه رايح ويا اخوج
هزيت راسي واخذت الجنط ونزلت صعدت بالمصعد وطبيت للقاعه طلعت البدله مال رتيل خليتها بغرفة التبديل
الصغيره ورحت وياهن اركص واكمز والفرحه بعيوني
جريت رتيل كتلها... يلا عيني اليوم عرسج اركصي اركصي
اجت يمي رغوده وسالي وماما وبنات خالتي وسوينا داير مدايرها دائره نفتر حواليها ونغني ويا الاغنيه ونركص
الديجي يشتغل رحت غيرت الاغنيه واخذنا رتيل لبسناها البدله وطلعت اخذت فستاني دا البسه اجت سالي كالت :-لبسج حلو انطيني الفستان واستري عليه
حره... ليش؟
سالي... عثمان خابرني جاي وهذا فستاني كصير
حره... اي ووين المشكله
سالي... المشكله انه ميقبل
كتلها بضحكه... هو احنا بس نسوان
سالي... هاي بعد شسويله انطينياه الله عليج
هزيت راسي وانطيتهيا كالت... شويه واجي
رحت يم رتيل ورغوده تاخذلنا صور اجت سالي لابسه الفستان جرتني وكفنا كدام رتيل اتقربت همستلي :-رشاش هم جاي
حره... ادري اجا لبيتنا
كالت بفرح... والله
هزيت راسي كتلها... تصالحنا
لزمت ايديها وطفرت كالت... ياااي اليوم كلشي حلو.. وكامت تركص
واني جريت مروه وگمنا نركص سويه اخر بدله لبسناها بدلة العرس وكفت على الكرسي ونزلت البرگع واجت البنيه لازمه الشمعه المزينه والملونه علمود تجليها
واكفه بصفها واباوعلها بفرح وعيون مدمعه بدت البنيه تحجي
ياحُسنها من ليلةٍ جليت بها..
دمعت عيوني هاي اختي الي ربتني وتعبت عليه شافت الويل بس حتى
تكبرني وتخليني اكمل دراستي..
حتى اتقوى واكون سند لنفسي..
دفعت من دم گلبها بس حتى اوگف على رجليه..
لو تمرضت اروحلها حتى تعالجني
ولو جعت اركضلها حتى تسويلي اكل من ايديها الحلوه..
لو أعيش سبع اعمار مثل عمري مُستحيل اگدر اوفيلها دينها
رتيل مو بس اختي رتيل هي امي وابويه وكلشي الي رتيل سندي..
فزيت من تفكيري على صوت ماما وهي تهوس
:-عين الحاره الحمزه يطفيها
وعين البارده كُل الهلا بيها
كمت اصفگ واضحك واحجي وياهن
كملت وكعدت والجكليت يطش عليها سمعت البنيه كالت
:-البسن اجت الزفه..
ركضت جريت الصايه والحجاب لبستهن ورجعت وكفت قريب من رتيل طب مقدام وحيدر وراه
تقدم حيدر باس راسها
ومقدام لزم ايديهم حطها ببعض ويباوع لـ حيدر يحجي وياه
دار وجهه وعيونه مدمعه حضن رتيل وعدللها البركع ومشو..
اسمع اخته كام تهلهلل وتهوس
:- عرس الزين هيل وطش بالولايه
ام حيدر... وگفت يم رتيل تساعدها وكالت :- وعيون الغزال عيون جنتنا
صلو ع النبي والصيده صيدتا
طلعت صعدناها بالسياره شفت ماما داتصعد وياهم خالتي كالتلها...لا ميصير ام العروس تروح للزفه مو زين
امي كالتلها... بربج شهالحجي... وضحكت... بنتي ورايحه وياها هالسوالف مااصدگ بيها اني... وصعدت ويا رتيل
شفت سالي هي ومروه
وبنات خالتي يم سيارة الزفه دا اروحلها حسيت واحد لزمني من ايدي
التفتت رشاش ابتسمت كال وهو يبتسم... حتى هينا تبجين يولو عرس عرس
هزيت راسي كتله... لا شبيك مدا ابجي
كال... عيونج مدمعه بس اكِلج بز تبجين
جرني صعدنا بسيارته صعد الجامات ومشينا ورا الزفه التفتت عليه كتله :-فرحت حيل اليوم
ابتسم كال... بيا لو بأختج
ابتسمت جاوبته... بالاثنين ما اريد شي غير تبقون وياي انت واهلي
جر ايدي باسها گال... انه وياج
من گطع المهر،، ليوم الدفنه
ضربته ع ايده كتله... انجب لتحجي هيج لتجيب سيرة الدفن والموت
ضحك كال... هي هاي الميانه الزفره
ضحكت گال.. يول ما ضروري ندفن انسان ميت كِل واحد يتزوج يندفن بالحياة
حره... لا بلا
گال... اي كافي علينا الملحه والنكد والعناد وشلاع الگلب
خزرته گال... والخوف منجن هم
ضحكت كتله.. تخاف مني
كال... طبعا دحكي... ورفع ايده ع اساس ترجف
ضربته بكتفه كتله... يا جذاب
خزرني كال... انه اجذب
هزيت راسي... اي
كال... هااه
حره... تكول احبج وماكدر بدونج وصارلك ايام حتى ماحاجيتني ولا حاولت تسمع صوتي
... التفتتله... ماشتاقيتلي؟
ضحك كال... انتِ دوم هين... واشر على راسه گال... بغيابج عاقبت نفسي گبلج
شبكت اصابع ايديه وايديه گتله... الله لا يبعدنا عن بعض
گال... امين
جريت موبايله وصرت ادور على اغاني اعراس طلعت اغنيه وضليت اغني وياها لحد ما وصلنا للفندق
دخلنا رتيل وبوستها وطلعنا
بالطريق كال... باجر هم اكو حفله؟
حره... لا دايرحون لإيران بدل الغده والحفله وهالسوالف
رشاش... احسن والله
رحنا اكلنا بمطعم ووصلني للبيت جانن يمنا بنات خالتي وكفت بالباب كتله :-ماتفوت؟
رشاش... لا عندي شغل
حره... شسالفه حتى هنا
ابتسم وهز راسه بإي كتله... تمام
طلع مقدام سلم عليه وكله... يلا فوت
ماقبل رشاش كاله... بالله عندي شغل
مقدام اصر عليه يطب يمنا تالي گال... ماشي وطلع موبايله يباوع للوقت گال... نص ساعه ماأكدر اتأخر
طبينا كتله... بس لو اعرف شهالشغل بهالليل
گال... سوالف جيشيه
ضحكت كتله... يااعمري رضاوي مايدري شي عن هالسوالف
باوع لمقدام وابتسم كال... لا شمفهمني
مقدام كال... ماشاء الله شلون اثنين واحد ينطي الثاني على گد عقله
ضحكت بصوت عالي رشاش خزرني كال... شكم مره اكلج صوتج
حره... اوكي سكتت
كعدو بالاستقبال كعدت يم رشاش البنات جوا بالغرف
مقدام كال... اي رشاش شصفيت انت وعثمان على البيت
رشاش... انه ما ابيعو بس ماعندي مشكله يكعد بيه
مقدام... بس ما ترهم يكعد وهو ماشاريه
ديجاوبه رشاش قاطعتهم كتلهم... يول فهموني شداتحجون
ضحك مقدام كال... بعد تلث اشهر تنسين لهجتج الاصل
ضحك رشاش كاله... احسن تا مااضطر ادمج بغدادي وانباري
مقدام كاله... لا عيني دزيناها بغداديه ترجعلنا بغداديه
رشاش كاله... اذا ما ارجعها تحجي بلهجتي فلا اسمي رشاش
ضحكت كتلهم... بعد تعاركو تعاركو
ضحكو مقدام كال... لا شسالفه
رشاش كال... ما كوانه هاذ تحدي
مقدام كاله.. اي نشوف
حره... ولا كلتولي شسالفة البيت
مقدام كال... عثمان يريد يشتري من رشاش البيت الي ببغداد بس رشاش يكول اكعد بيه عادي بس بيع ماابيعو
حره... اها... باوعت لرشاش كتله... ليش ماتبيعه
باوع لمقدام وباوعلي ابتسم كال.. احبه وبعدين انه وعثمان مابيننا بيع ومشترى نحن اخوه
مقدام كاله... يعني عثمان وافق؟
رشاش هز راسه بإي مقدام كال... هاهيه لعد
سمعت خالتي صاحت مقدام كال... من رخصتك ثواني
رشاش... اخذ راحتك
طلع شويه كتله... شعجب متريد تبيع البيت
جر نفس كال... ابويه كلي عليه قبل فتره راد يسوي مشروع تجاري وكتلو احب هالبيت
هسه اذا انطيتو لعثمان يطلعني ابن كو**د.. وضحك
حره... صح اكيد يزعل
هز راسه طب مقدام كال... راح اوصل خالتي لبيتها واجي انت مو غريب رشاش اخذ راحتك البيت بيتك
رشاش هز راسه كاله... اخذ راحتك
ضحك مقدام كال... اجتك من الله هم تبقون وحدكم صار هواي ماملتقين
ضحك رشاش گاله... اي بالله حرمتي صار ١٠ ايام غايبه عن بيتي
مقدام ابتسم و طلع فزيت ع ايده وهي تحاوط خصري جرني عليه كال :-يعجبني اخوج يفتهم
ضحكت كتله... مو ع اساس عندك شغل
رشاش... انأجلو شوي علمودج
حره... خوب اجله كله
رشاش... مايصير
... وباوع بعيوني تقرب باسني بگصتي كام جرني من ايدي گال... شو خندحگ شلابسه
ضحكت نزعت الحجاب لزم خصل شعري وتقرب يشمهن ويلاعب بشعري كتله...حتخربه عوفه هيج مبروم
ضحك گال... حبيتو كِلش... رفع راسي گال... سوي الي مره ثانيه
نزلت عيوني گال... نزعي الصايه
اني لبسي مال حفلات قصير مالابسه كدامه هيج قبل حسيت خجلت ارتفع نفسي گتله واني احط شعري ورا اذني :-لا خلص عوفها
رشاش... انجبي... ونزل سحاب الصايه
نزعتها باوعلي من فوك لجوا گال... گلبي راح يوگف شهالجمال
ضحكت گتله... حلو لبسي
رشاش... ابصم انتِ احلى وحده بالحفله
ضحكت كتله... لا مو لهالدرجه
كال وهو يباوع لملابسي... انجبي
ضحكت كتله... هاي الستره تتنزل للكتف
رشاش... شو نزليها
حره... لا عوفها
جر بدايتها داينزلها كتله... شبيك مو الفستان نص
همس... يول ترا رجلج انه
حره... اي بس
رشاش... حره بربج سويها وانجبي
ابتسمت نزلت الستره تقرب مني وهو يباوع لكتفي لزم خصري وتقرب باسني من كتفي
ابتسمت حط راسه بركبتي واحس بإيده على شعري حط ايدي على صدره
رفع راسي باوع بعيوني
تلمس خدي باوع لشفايفي وابتسم
تقرب يبوسني ابتعد كال بصوت مبحوح... يلا اروح
حره... ليش؟
رشاش... اذا ضليت اكثر يصير شي
كتله واني دايخه... لتروح بات هنا لزمت ايديه كتله... لتعوفني
ابتسم رفع ايديا باس ايدي اللابسه بيها الحلقه وكال... باجر الصبح اجي عليج
رجع شعري ليورا كال... جهزي روحج
هزيت راسي باسني بخدي وكال... يلا
طلع من الاستقبال رحت وراه التفت گال... حمرتج
حره... شبيها
رشاش... عدليها
هزيت راسي فتح الباب دايطلع كتله... في امان الله
باوعلي وابتسم كال... في امان الله
طلع فتحت الباب شوي شفته حرك السياره رجعت ركضت للمرايه شفت شعري والحمره مخربطه بسرعه عدلتهم وطبيت
صارت بوجهي شذر بنت خالتي كالت :-ها عيني التهيتي بگوزك ونسيتينا
ضحكت كتلها :-لا اكيد شلون انساجن بس عنده شغل فكعدنا شويه
ضحكت كالت... داشاقه ولج
وطبينا فرشنا النا كلنا ويمنا ماما وضلينا نضحك ونسولف گتلهم... باجر رشاش يجي عليه
سالي كالت... باقي خمس ايام ع المدرسه ولجن اني ارسب
حره... اهو لتفاولين
سالي باوعتلي كالت... باعي الثقه حقج انتي اهليه ماينخاف عليج اكيد ينجحوج
الا اني حتى بالدفرات ماانجح
حره... ماادري ليش ماخذين هيج فكره عن الاهليات والله المدرسه حيل صعبه ويتناقشون بالدرس ويسألون
غصبا علينا ندرس
اسيل كالت... اي ميرا جانت بأهليه شوي بيها صعوبه
... وضربت سالي من ايدها كالتلها... لا تگلبين الخلقه ع النتائج من هسه ينجحوج
اخذيها من شاربي الحافته اليوم
ضحكت سالي كالت... الانگليزي ماانجح بيه تخيلن بكل الاسأله كتبت
sorry, I don't know the answer for this Question
(آسف ، لا أعرف إجابة هذا السؤال)
حره... بدل ماتكتبيلهم مااعرف الجواب بالانكليزي جان قريتي شويه ودبرتيها
سالي... هو اني هاي والله اعلم شكم خطأ املائي وقواعدي بيها صدگ تحجين
ضحكت ضلينا نسولف الى ان نمنا
لثاني يوم فزيت الفجر على صوت التليفون وهو يرن باوعت شفته رشاش فتحت خط كال... صباح الحب
كتله بنعاس... صباح الورد
رشاش... جهزي نفسج انه بالطريق
حره... بربك بعدني نعسانه
رشاش... انجبي وكومي يلا
تنهدت وكتله... تمام
كمت اخذت المنشفه وطبيت سبحت وبدلت ورجعت حطيت مكياج كعدو مقدام وماما
مقدام كال... راح تروحين
حره... اي رشاش كال بالطريق
حط ايده ع راسي وكال... الله يسعدكم
ابتسمت راح يسبح وبدل وطلع هو وماما ومروه يرحون لرتيل دا البس الجواريب اندكت الباب كمت اركض فتحت الباب واني لابسه تك جواريب
ابتسم كال... جعل كل صبح يبدا بنظرة عيوني الج
ضحكت هز راسه كال... يلا استعجلي
حره... فوت تعال
طب كعدت ع الدرج البس الجواريب لبست الحذاء واخذت الجنطه لبستها رحت لسالي داتعزل بوستها وطلعت وكفت كباله كتله... حلوه؟
رشاش... تخبلين بالحجاب
ابتسمت لزم ايدي وصعدنا السياره حرك كتله... حنرجع للبيت
رشاش... لاا
التفتت عليه كتله... لعد وين؟
رشاش... جاي افكر نعرس ويا العرسان بس ما بإيران
حره... شلون يعني
رشاش... يعني نگضي شهر عسل
ضحكت كتله... وين؟
رشاش... بأربيل
نزلت راسي افكر كتله... شرط نروح لمدينة العاب
رشاش... حبيبتي هاذ شهر عسل ما هو سفره
ابتسمت كتله... اي حتى لو اخذني
ضحك هز راسه واشر على عيونه گال :-من بطن عيني
ابتسمت ركزت لحظه يعني اني حااروح لاربيل!!
باوعتله كتله... مداتشاقه موو؟
رشاش... لا مجاي اشاقه
ضحكت وحضنته من كتفه كال... يول راح نندعم
حره... مدا اصدك حاروح لاربيل والله باحلامي ماجنت اتخيل ازورها
ابتسم كال... وعد اونسج احلى ونسه
هزيت راسي بفرح مر الوقت نزلنا بمطعم تغدينا وطلعنا لاربيل واني طول الطريق فرحانه واصفگ واغني وصلنا لاربيل ورحنا لفندق حجه وياهم كردي وانطه الجناسي وهالامور انطوه مفتاح عليه رقم
التفتلي وكال... يلا
لزمت ايده وصعدنا بالمصعد مشينا للغرفه فتح الباب وطبينا باوعت للغرفه حرفيا تجنن مثل غرف الاتراك الحمام بيه بانيو والغرفه بيها شباك كبير وتخم وكلش حلوه
التفتتله كتله... يما كلبي حيوكف من الفرح مامصدكه
ضحك باسني بعيوني كال... حبيتيها
حره... كلش
رشاش... ننزل ناكل شي وبعدها نطلع شتكولين
هزيت راسي باي كتله... يلا
نزلنا تحت شفتهم شلون يسون الكيك البركاني بالشوكلا كتله... اريد منه
حجه وياهم كردي ورحنا كعدنا شويه وجابو عصاير وكيك وكلشي جان مرتب اكلنا وطلعنا جان دنيا المغرب صعدنا السياره كتله... وين حنروح
رشاش... مفاجأه
ابتسمت كتله... تمام
تحركت السياره فتحت الجامه وصرت اباوع الاجواء والمكان يجنن وبارده كلش
كمت ارجف من البرد
سد الجامه گال... شسالفه
حره... بارده حيل حاتجمد
رشاش... هاي الصايه لابسه جواها شي
حره... اي بلوزه وبنطلون
رشاش...ماترهم هيج اوكفي
وكفنا يم مول كال... انزلي
نزلنا افترينا شوي شاف جاكيت طويل اسود كال... حدري هين
تقربت كال... شنو رأيج
حره... يجنن
حجه ويا البنيه الجانت تساعد البنات مدري شجاوبته كتله... ها شنو
رشاش... شكد قياسج
حره... ٣٨
حجه وياها طلعتله القياس انطنانيا وكال... اخذي.. واشرلي... هناك غرفة التبديل لبسي خلي اشوفو
رحت نزعت الصايه ولبسته فتحت الباب كال... اي هاذ يدفي حدري... ومدلي ايده
حره... ابقى بيه عادي
رشاش... اي مستور ما بيه شي
جر الصايه حطها بالعلاكه كال... هاي بارده
ابتسمت كتله... شكد سعره هذا
رشاش... لاتهتمين حلو
وجرني نزلنا لطابق احذيه جنت لابسه كعب كال... اخذيلج حذاء ترتاحين بيه
شفت حذاء بوت يجنن اسود كتله... هذا يجنن
حجه ويا المساعده جاوبته جر الكرسي وكال... قيسيه
اخذت قياسي ولبسته كال... اي هاذ حلو... وطلع من محفظته فلوس
شفته طلع ٣٠ الف وانطاها للعامله فزيت كتله... عزا هذا ب٣٠ ؟
رشاش... يول كتلج لاتهتمين
حره... لا رشاش حيل غالي
كال وهو يحط الكعب بالعلاكه... هسه انتي شعليج.. وجرني كال... هذن اريح الج
نزلنا اشترالي كفوف ورجعنا للسياره واني اباوع لحذائي حرك السياره باوعتله كتله... اني بحياتي ملابسه حذاء بهيج سعر
باوعلي جر ايدي جنت لابسه كفوف كال... هذاك ماضي وانتهى انتي صرتي وياي كلشي ترديه بس اشري عليه
ابتسمت ودمعت عيوني مادري ليش تأثرت كال... بالله عليج لا هم تبجين
هزيت راسي كتله... مدا ابجي
وكف يم باب مدينه جبيره شفت دولاب الهوا كتله... الله العاب
ابتسم طبب السياره بالكراج ونزلنا طبينا للمدينه جانت احلى مكان ادخله بحياتي الالعاب
الواحد يحير وين يدخل تمسكت بايديه
كال... حدري نكطع تذاكر
رحنا قطعنا كال... وين تصعدين
حره... دولاب الهوا
مشينا ع السرا صعدنا طلعت موبايلي ردت اخذ صوره مغوش كال... موبايلي احسن
طلعه صورته حلوه كتله :-صورة موبايلك تجنن
ابتسم كال...لان ايفون
فتحت فيديو واني اغني
دكتوري مال العين..
كلي خبر مو زين..
اعمى بدونك لو..
فراگك يضل يومين..
باوعتله حاط اصبعه باذنه ضربته ع ايده كتله... شبيك صوتي يخبل وغصبا
ابتسم مجامله بالفيديو كال... الله على الصوت
حره... والله حلو
رشاش... يخبل زرف اذني
ضربته بايده كال... دحكي راح يصير عندي اغماء من الصوت
سديت الفيديو كتله... رشااااش بربك ترا صوتي حلو
رشاش... حلو يخبل بس لاتغنين ابوس ايدج
باوعتله صفح ضحك شمرت الموبايل عليه ودرت وجهي ع اساس زعلانه كال... بكيفج اذا تحبين زعلي تا نرجع
باوعتله وضحكت كتله بمياعه... ياعمري انت اني ازعل منك لا ابدددد
ابتسم كال... عفيه صيري حبابه
نزلنا من دولاب الهوا وصعدنا بالسفينه شويه ونزلنا رحنا تعشينا ونسولف ونضحك موبايله كل شوي يتصل اخر شي غلقه
حره... هذا منو؟
رشاش... ما مهم
كملنا اكل وكمنا مشينا كال... لحظه اشترى بالون
ضليت شايلتهم وافتر وفرحانه بيهم اشترينا موطه كعدنا ناكل ولازمه البالون بايدي شفت اطفال يباوعون للبالون يردون يجون وامهم ترجعهم
ابتسمت كمت انطيتهم البالونات امهم حجت وياي بالكردي كلت باستغراب :-شنو... وباوعت لرشاش
ضحك كال... داتشكرج
ابتسمت لزمت ايديه وضلينا نتمشى باوع لساعته ب ١٢ كال... تاخرنا يلا
نرجع
هزيت راسي ورجعنا للفندق نزعت الجاكيت والحجاب وضليت افتر بالغرفه واكمز فرحانه بهاليوم
حسيت على رشاش وهو يحاوط بطني
حط راسه على ظهري دغدغني ضحكت ودرت وجهي عليه رفعت راسي كتله... شكرا
رشاش... على شنو
حره... على هاليوم اليجنن
تلمس خدي وگال... ايامنا الحلوه نحن نجيبها اثنينا
ابتسمت گال... انت ضلي وياي ودحكي لايامنا شلون تصير احلى واحلى
هزيت راسي حطيت ايدي ع صدره وكلتله... باقيه وياك
حط ايده ع شعري وقرب گصته ع گصتي گال... احبج يـ سِر ليلي
ابتسمت رفعت راسي اله گتله... واني هم احبك
ابتسم ولمعت عيونه تقرب باسني بحنجي تلمس شفتي باصبعه ضعت وياه ويا كلامه الحلو
ماحسيت الا واني بحضنه وبليلتها تم زواجنا
لثاني يوم الصبح كعدت ع لمسات اصبعه على خدي تنزل لركبتي فتحت عيني شفت عيونه بعيوني قريب مني كلش باسني من راسي گتله... صباحك اني
رشاش... احلى صباح والله
ضحكت كال... راح يجيبون الريوك يلا كومي
هزيت راسي كعدت لفلفت روحي بالبطانيه وجريت بلوزتي لبستها هو طب يسبح لبست وكمت غسلت باوعت لركبتي بالمرايه صايره خريطه غسلت ونشفت وجهي
طلع جر بلوزته لبسها اني اخذت ملابسي ودخلت للحمام سبحت وطلعت جانو جايبين الريوك كال :-حدري ناكل
حره... تمام
لفيت شعري وكعدت يمه نوكل بعض ونسولف ونضحك كملنا كمنا نغسل اخذت المشط جره مني كال... امشطلج
حره... تمام
كعدت بحضنه وهو يمشطلي شعري شويه شويه وكل شويه يشاقيني لو يبوسني من اذني همس باذني :-شعرج احبو
ابتسمت والتفتت عليه باوع بعيوني وكال :-اتذكر لما دحكتج گاصتو ردت اصفگج راجدي بس دحكتج زعلانه گلت خطيه
كتله بضحكه :-لا بلا
رشاش... اي بالله شعرج حلو مايستاهل ينگص
حره... ماجنت واعيه اصلا ما اتذكر شسويت
باسني براسي گال... ما مشكله بكِل الاحوال انتي تشگگين لو تصيرين صلعه هم حلوه
ضحكت تقرب يبوسني وضعنا بعالمنا وكضينا هاليوم كله بالفندق ماطلعنا لثاني يوم الصبح فزيت عليه وهو يكرص زندي كتله... اخ شنو عگرب
رشاش... نومج ثكيل الا هيج يلا تحسين
حطيت المخده على راسي كتله... يولو تعبانه اريد انام
رشاش... عوفي النوم يلا گومي
حره... وين بعدني نعسانه
رشاش... ماتردين تطلعين تفرفرين الجو حلو
فزيت كعدت واني مغضه عيوني كتله :-طبعا اريد شهالسؤال ههههه... وجريت ملابسي
لبستهم واني مغمضه كتله بنعاس... بيش الساعه؟
رشاش... بـ ٦
حره... حيل بعد وكت
وكمت واني مفتحه تك عين انضربت رجلي بالجربايه
جرني عليه وهو يضحك كال... يول هيدي ما هيج تموتين ع الفرفره
ابتسمت غمضت عيني حطيت راسي ع صدره كتله... لان اليوم موجوده باجر لا
حجيتها و غفيت وماحسيت ع نفسي فزيت مره ثانيه عليه وهو يفتح الباب كتله... عزا بيش الساعه
ضحك كال... ب ١١
حره... ياااا
رشاش... ما مشكله لبسي تا نطلع نتغدا راح وكت الريوك
هزيت راسي بدلت لبست الجاكيت ووكفت ع المرايه دااحط مسكارا طب كال... مكياج مااريد
حره... خفيف كلش
رشاش... ما اريد ولا قطره
حره... حباب ولا ميبين باوع.. وشوفته مكياجي
رشاش... هذا الجفني كِلش واضح ماحلو مسحيه
حره... شنو جفني؟
رشاش... الي على جفنج
ضحكت كتله... تمام هسه اخففه
رشاش... امسحي وانجبي
جريت نفس ومسحته حطيت روج بناتي بلون الشفه واخذت الجنطه وطلعت
باوعت الجو مغيم صعدنا بالسياره نزلنا يم مطعم
طلب غدا اكلنا وشربنا عصاير وطلعنا
حره... وين رايحين
رشاش... هسه تعرفين
وصلنا لمكان سياحي اباوعله كله شلالات وانهار كوا لزمت نفسي مااركص من الفرحه
رغم جان الجو بارد بس نزعت حذائي وحطيت رجليه بالمي العب
رشاش ماقبل كومني كال... الجو بارد
لاتتمرضين
لبسنا وضلينا نفتر كل شوي امد ايدي ع المي ورشاش يضربني بخفه على ايدي
تمشينا شفنا ناس يحتفلون وجانو شايلين لوحه ومكتوب عليها اسم شركه
يغنون ويصفكون شباب وبنات واني اندمجت وياهم شويه وجرني رشاش صعدنا بالسياره
اخذني لمنطقه جبليه وكلها ثلوج نزلت اول شي سويته كورت الثلج وشمرته على رشاش
گال... هي هيج تخوني وانه الحبيب
ضحكت ورجعت شمرت عليه ثلج لحكني ركضت وشلت ثلج كتله... سلم نفسك
رفع ايديه ليفوك كال... سيدي كلو ولا تستخدم السلاح
حره... لا تتحرك يول
رشاش... وانه ما متحرك سيدي
حره... اكعد على ركبك ورجع ايديك ليورا
هو كعد تقربت منه شمر عليه ثلج كتله... خااين
جرني عليه كال... للاسف نحن ما بالفندق مكان عام جان عرفتي شسوي
ضحكت لزمت ايده وصعدنا وصلت لمرتفع باوعتله رفعت اصبعين ليفوك علامة النصر العراقيه وكلت... يحيا العراق
رشاش... شني محرره الموصل
حره... عين الحاسود بيها عود
باوع بتفاجئ كال... مااگلج غير الله يرزقني هالثقه
ضحكت بصوت عالي گال.. يول ضحكتج
حره... شبيها؟
رشاش... مدوختني
ضلينا نتفسح اليوم كله لليل يلا رجعنا
نايمه بحضنه دنيا ليل واتصل موبايله شاف الرقم جاوب... هلا اوس
سكت يستمع ضحك كال... ياالله صدك
سكت يستمع كاله... عجل صورها و دزها... وكعد
حره... شنو؟
رشاش... شهادتج موزعيها اليوم
حره... هو شوكت الدوام؟
رشاش... باجر
حره... وهم مضطره اغيب
ضحك كال... ما الومهم اذا رسبوج
حره... يمعود تعبت لتحجي هيج
جر ايدي كال... اتشاقه يولي انه احجي ويا المديره
حره... احتمال ينطوني انذار
رشاش... لا لان مدرستج القديم بكثير ايام ما مسجلتج غياب
حره... هايه المديره ام صديقة رتيل الله يوفقها
هز راسه وصلته الصوره شفت مسجل ع الرقم... المفتنچي
ضحكت كتله... هاي شكاتب على رقمه
فتح الرمز كال... هاذ اوس يشعل نار الكواين والفتن وبعدها يكول مااحب الفتنه
ضحكت وباوعت للصوره شفت نتيجتي جانت كورسات الاشهر مو زينه بس السعيات معدلتها وناجحه فرحت كتله... يا ناجحه يولو
ضحك كال... مااستغربت
حره... ليش
رشاش... ادري بيج سباعيه ماينخاف عليج
فرحت اجت رساله صوتيه من اوس فتحها يگول... يول هاي شني الحريم الي بمدرسة حرمتك
دزله رشاش... شبيهن؟
رجع دزله فويز... شبيهن يعني عدهن انوثه اكثر مني بالله هاي وحده دفعتني دفعه بـ جتفي خويه جتفي ماجاي احس بيه
ما من قوة الضربه بس من الخوف والرهبه النسوان تخوف
ضحك رشاش كاله... وانت شخبثت
اوس... ماخبثت ولا شي هي جانت تبجي لان راسبه
كتلها دحكي المديره خاف تغار وهجي رسبتج
شو هاي الثانيه خوش دفعتني دفعه ومن كتلهن شبيها هاي البنيه كالت هاي بنت المديره
رشاش كاله... يول انت شلون بيك شكو تتدخل اصلا
جاوبه اوس... مابيدي خويا تدري خشمي جبير لازم احشرو بكِلشي الطبع غلاب حبيبي
سمعت صوت الباب وهي تنفتح حجت جيلان مرت حازم كالت... تكاونا يولي
كاللها... هااه شمفينه هالمره نسوان ماتكعدن راحه تنگن ع الزلم لحد ما تطفش
گالتله... ياا انت ما كتلي
وانقطع الفويز ضحك رشاش كال :-شمصخم هالملعون
واتصل عليه
فتح خط جاوب... اهو التليفونات ماجاي الحك عليها كل شويا واحد يريدني احلو مشكلتو
رشاش كله... اكل خرا خوش شمفين ويا حازم ها؟
اسمع جيلان تكوله... حدر هين مثل ما خليتنا نتكاون تصالحنا ترا اگِل لعمي عليك
جاوبها... تراني مااخاف من احد بس راح اساعدج ما لان اخاف بس لان انه احب الخير حدري اگلج شي
گلتله... شنو
گاللها... هو تكاون وياج لان عطلتي رمز موبايلو ما؟
كالتله... اي
كاللها... عجل اسمعي ترحين تلوفين السالفه اعليه شتكوليلو؟
كالتله... شاگلو
گاللها... تگِليلو وانت ليش حاط رمز؟ الا اذا عندك سالفه منا لو منا وجاي تضمها اعليه برموزك
فـشنو راح ينسى الكوانه الاولى ويبدي يراضيج وها اها
كالتلها... ها هيج تكول
جاوبها.. اي
كالتله... خوش
وسمعت صوت الباب نطبكت
رجع كال... ها خويه
رشاش كاله... مال الزم النعال وعلى ظهرك
اوس... شرط ٤٨
ضحك رشاش ضلينا نحجي شويه وسده نمنا لثاني يوم جهزنا اغراضنا ورجعنا للانبار وصلنا لبيتهم دكيت الباب فتح الباب اوس كاله... هلا والله اجيت بوكتك خويه الحك صارت بالنعل بين الهوايش
رشاش... شني يول
جاوبه اوس... ادخل وادحك
حدري مرت اخوي حدري
طبينا طب ورانا واسمع ثناء تتعارك ويا افتكار
و افتكار تكوللها... كتلج ابني لا تتقربين منو دحكي شلون لعبت نفسو من الاكل
وثناء تكوللها... ما عليج انتي لا تخربين بيني وبينو الولد حفيدي غصب عنج اداريه
صاح رشاش... اصواتجن يولي
افتكار انتبهت خنست دتحجي ثناء كاللها... حرف مااريد
افتكار باوعتلي من فوك ليجوا وعيونها صارت براسها ثور ويريد ينطح
اجه حمودي باتجاه رشاش فرحان ويصفك
شاله رشاش اخذت الجنط وطبيت
سلمن عليه جيلان وهند رديت السلام
طلعت طيبه من غرفتها مبين ضايجه شافتنا ابتسمت مجامله بوستني وراحت حضنت رشاش باسها من راسها وضل يحجي وياها واني صعدت لغرفي بدلت وعزلتها ومسحتها
طب رشاش هو وحمودي
كتله... شبيها طيبه ليش ضايجه
رشاش... يمكن لان راحت خالتي... جر نفس كال... الظاهر افتقدتها
حره... مو مشكله هسه اني اروح يمها
ابتسم هز راسه كال... عفيه سولفي واضحكي وياها
حطيت شال ع راسي ونزلت لگيتها كاعده بغرفة جيلان
وجيلان دا تخابر واسمعها تكول... توصلين بالسلامه يعمري
طيبه كاعده ع السرير رحت يمها كتلها... شبيج ولج ليش ضايجه
طيبه... ماكو شي فجأه مزاجي انقلب
حره... الله عليج
هزت راسها جيلان كالت... مرت بكر تكول لليل انه يمكم
حره... ياا بكر متزوج
ضحكت طيبه كالت... عجل متدرين
حره... ماادري ماشفتها
جيلان كالت... ويا امها بتركيا
حره... اشو صارلها هواي
طيبه... داتتعالج امها خطيه عندها سرطان اسم الله
حره... سوده عليه ربي يشفيها
طيبه... امين
عفتهن وطلعت صعدت الدرج ومشيت شويه سمعت صوت حمودي كال... خاله صيحيلي بابا
درت وجهي باوعتله دايصعد الدرج وايده ع معدته
صعد لقبل اخر بايه
رجعت كتله... شبيك حبيبي
گال بهمس... دايخ.. ووكع
اني بسرعه صرخت..رشاااااش... وركضت عليه
هو وكع من الدرج لاخر اربع درجات يلا لحكت الزمه
وعلى صوتي الكل التمو شفته مغمى عليه
داكعده حسيت على رشاش وهو يشيله ويركض بيه كمت وكفت بصدمه شبيه قبل شوي جان بخير باوعت الايدي
رجفت من الخوف من شفتها كلها دم... يتبع...
__________________
غلسو ؏ السحگ
حسابي الانستا
nawras_qasim_22
حسابي الفيس بوك
Nawras_qasim
تصبحون ؏ ماتتمنون💕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!