رواية هم الكبير الفصل الخامس عشر
فاطمه. بتتكلم بجد نفسي ارجع اشوف بعيوني الاتنين عشان المحروجه غاليه اللي بتجولي يا عوره
شيخون. عوره مين ده انتي اجمل واحده ف الصعيد كله
فاطمه بدلال. تسلملي يا جلبي انته
شيخون. مش هنامو بجا
فاطمه. وماله ننامو
اما ف القاهره فكانت قسمت تجلس في حفلتها تشرب كاءس من النبيذ
جايده. ايوه كده مش الغراب اللي كنتي متجوزاه كان محرم علينا كل حاجه
لتضحك قسمت
قسمت. قال كان عايزني اغطي شعري واتحجب زي المتخلفين
جايده. صعيدي قفل المهم جهزتيلي العربية
قسمت. اه انا اخدت من المصنع واحده جديده وانتي خدي عربيتي وبابي هياخد عربيه حازم
جايده. تعالي نرحب بالضيوف
قسمت. ايه ده ايه اللي جاب ده هنا
جايده. مين
قسمت. زفت رامز
جايده. تعالي نشوفه مش عايزين مشاكل
قسمت. خير يا رامز جاي ليه
رامز. انا جاي عشان مصلحتك
قسمت. انته
رامز. ايوه طبعا انتي عارفه اني كنت الدراع اليمين للمرحوم حازم
قسمت. اه وبعدين
رامز. يعني عندي كل اسرار شغله وصفقاته وبالاءخص الصفقه الجديده وديه تمنها وحده يعدي الاتنين مليار دولار
قسمت. بتقول ايه
رامز. وما خفي كان اعظم
جايده. زي ايه
رامز. زي انهم لقو جثه حازم ودفنوها بس مخبين عشان المصانع والأملاك
قسمت بفرحه. بجد
رامز. اكيد ده غير اني مضيت والدته علي تنازل عن كل أملاكه ليكي انتي
قسمت. بتقول ايه وايه المقابل
رامز. افضل ف مكاني وليا عشرين ف الميه من الثروه اظن مش كتير عليا لاءني هكسبك كتير اوي
قسمت. واضمن منين
رامز. بعد اسبوع في سيده اعمال خليجيه نازله مصر هتشتري انتاج المصانع كلها بزياده الربع عن تمنها
قسمت. وهيا معقوله هتقدر تشتري ديه مبالغ مهوله
رامز. بقولك سيده اعمال خليجيه ومتجوزه ملياردير اجنبي ومديها حق التصرف ف كل حاجه تحبي اجيبها علي هنا ولا اوديها مكان تاني خلي بالك حازم كان بيحارب عشان الست ديه تشتري من انتاجنا كان بيقول احنا بنصدر للشرق الأوسط بكده هنصدر للعالم كله والمكاسب هتكون مهوله جدا ده غير أنها كمان تمتلك اكتر من عشرين فندق حول العالم غير براند المجوهرات اللي باءسمها غير البرفانات قولتي ايه
قسمت. موافقه طبعا
رامز. نمضي عقود بكده
قسمت. نمضي بس انا اضمن منين انك مبتلعبش عليا لصالح أهل حازم
رامز. ما هو انتي لو متابعه الاخبار كنتي عرفتي اني طلقت تقي
قسمت. ايه طلقتها ليه
رامز. ابدا انا كنت صابر عليها عشان اخوها بس لكن طوله لسانها وعجرفتها خلوني قرفت منها ولا امها ست سليطه اللسان الحمدلله اني خلصت منهم
جايده. هيا مش كانت حامل
رامز. لاء خلاص الحمل نزل يعني مبقاش في حاجه تربطني بيها
جايده. ازاي ديه كان فاضلها شهر بس وتولد
رامز. أصلها زعلت علي اخوها اوي وفضلت تجري ووقعت اتكعبلت ف حجر كبير ف الجنين نزل ميت
قسمت. احسن عشان متربطش نفسك بيها
انجوي بقا بالحفله وبكره نتكلم
رامز. اوك
ليتركهم رامز وينصرف
جايده. انتي مصدقاه
قسمت. وهيكذب ليه ومصلحته معايا تعرفي أن وجود رامز معايا ف الوقت ده ابقا كده سيطرت علي امبراطوريه حازم الحديدي
جايده. واو
قسمت. تعالي بقا نرقص شويه
اما فيروز فكانت قد وصلت إلى منزلها لتدخل الغرفه التي يوجد بها حازم
فيروز. حاجتك اهي والحجه بتسلم عليك وماشاء الله عيالك زي الجمر ربنا يحفظهم لك انته وأمهم
حازم. ومالك جالبه خلجتك ليه افردي وشك
فيروز. وشي وانا حره فيه هتعوز حاجه تاني عايزه اروح اتخمد
حازم. لو جعدتي هنا مضايجاكي انا ممكن امشي
فيروز. يا ريت والله يا بخت من زار وخفف
حازم. بس انا جاعد علي جلبك شويه كتار
فيروز. اجعد براحتك بس مش علي جلبي عشان جلبي مش ناجص كفايه اللي انا فيه
حازم. ممكن اعرف مالك ومين اللي مزعلك
فيروز. مافيش حد مزعلني انا بس مصدعه وعايزه انام
حازم. هعمل حالي مصدجك روحي نامي اه صح انا جولت لضاحي يشيع العيال معاكي
فيروز. كيف يعني والدنيا ليل
حازم. بكره انشاء الله اجيبهمولك وتكون كمان لبست ملابس المرحوم ابوك وجابلهم كانك جدهم ولا حاجه عشان الاطفال مبيعرفوش يكدبو يعني ممكن يجولو لاءي حد جابلنا بابا وجعدنا معاه وخطتك تبوظ
حازم. عفارم عليكي طلعتي بتفهمي
فيروز بحزن. كتر خيرك عن اذنك
لتتركه فيروز لتذهب الي غرفه والدتها
عاءشه. كتي فين يا بتي ومالك شكلك متغير
فيروز. هجولك علي حاجه يا اما ياكش جلبي يرتاح
عاءشه. جولي يا بتي
لتقص فيروز علي والدتها كل ما حدث
عاءشه. يا مري كل ده حصل ومتجوليش لامك
فيروز. والله يا اما لسه عارفه
عاءشه. وهتعملي ايه
فيروز. مش عارفه
عاءشه. هجولك نصيحه خليها حلجه ف ودنك اوعي تبصي لفوج اوعي تتشعلجي ف حبال الهوا الدايبه انا زمان يا بتي واد العمده اللي هو العمده دلوك حبني واتعلج بيا وطلبني من ابوي لكن جدك مرضيش جالي خدوهم فجرا يغنيكم ربنا واتجوزت ابوكي الله يرحمه وعيشت معاه صحيح كان فجير لكن كان طيب وحنين كان دائما زعلان ويجولي انا مجصر معاكي لكن والله ابدا عمره مجصر معاي كانت الدنيا غير الدنيا وكل حاجه رخيصه لكن كنا علي جدينا كان ممكن يعدي علينا يوم ننامو من غير عشا لكن كنا راضيين ارضي بعيشتك يا بتي وان كان علي واد الحدايده كفاياه كده يرجع بيت ناسه وهما يجدرو يحموه من اي حد دول كبارات يا بتي وكمان عمره مهيهمل مرته ام عياله هيا من توبه وهو من توبها واحنا يا بتي محليتناش غير شرفنا وسمعتنا وانتو بنات والسيره اطول من العمر وبكره يجولو بت عيشه لفت علي البيه واتجوزته والله وجتها اروح فيها
فيروز. متخافيش يا اما انا عارفه زين انا ايه وهو ايه
عاءشه. ربنا يكملك بعجلك يا بتي ياله نامي
فيروز. انتي رايحه فين
عاءشه. نامي انتي بس
لتتركها عاءشه وتذهب الي حازم لتطرق الباب
حازم. ادخل
عاءشه. اسمع يا بيه انا معنديش ف الدنيا كلها اغلي واعز من بناتي ولما ياجي واحد زي حضرتك يكسر جلب بتي يبجا لازم اتكلم
حازم. مش فاهم حضرتك بتجولي ايه
عاءشه. له انته فاهمني كويس
حازم. هيا فيروز جالتلك
عاءشه. اه يا ولدي وياريت تفارجنا بالمعروف احنا مش جدك ولا جد ناسك انتو كبار جوي يا بيه
حازم. طاب ممكن نتحدتو شويه ام وولدها
عاءشه. بس لا انا امك ولا انته ولدي
حازم. والله حاسس انك امي اسمعيني وبعديها همشي مع اني والله محسيتش بالراحه والأمان غير عنديكم
عاءشه. جول سامعاك
اما العمده فكان يتلقي العلاج ف المستشفي
وكان ضاحي في زياره له
العمده. ايه اللي حصل يا ضاحي وانا هنا ليه
ضاحي. إنشاءالله لما تجوم بالسلامه وتشد حيلك هتعرف كل حاجه
العمده. طاب فين مرتي وعيالي
ضاحي. ديتي موضوع يطول شرحه خف انته بس وهتعرف كل حاجه