تحميل رواية حماتي سكر بقلم جيجي pdf

زينات.. خلاص بقى اما تيجى مطلقه ما تصدعينيش بعياطك يا تغريد ها

تغريد بفرحه… مستحيل اعيطلك.. انتى بس وافقى على ساجد… ده شاب لطيف جدا والله

زينات بضيق…. انا عارفاكى فقريه زى امك… اجبلك الدكتور والمهندس تطفشيهم وتروحى تحبى الاهبل المديون دا بختنا وعرفاه

تغريد… ممكن ما تقوليش عليه مديون بس هو حالتو على قدو

زينات… واهبل دى عادى

تغريد… ولا اهبل يا ماما ما تقوليش عليه حاجه…. لحظه بيتصل فديو كول…

فتحت الفون وقال… حب قلبى شوفى خلصت شقتنا اهو دى اوضة الضيوف… ودا الحمام.. ودا المطبخ.. ودى اوضة النوم بقى اللى هنقضى فيها الهانى مون والحياه تبقى سكر ولمون

تغريد.. بس يا مجنون… تعرف انا لسه كنت بقنع ماما توافق على جوازنا

ساجد… ها وافقت

تغريد… اكيد قالتلى احنا هنلاقى زى ساجد فين… وحددنا على الخميس الجاى

ساجد… بجد يا تيغو ولا هزار زى عادتك

تغريد… لا مش هزار اتطمن

زينات.. اتلم المتعوس ع المنحوس…

تغريد.. احم طب سلام انت يا حب …

وقفلت وقالت..

فى اى يا ماما بقى

زينات.. مو ياخدنى انا..

وسابتها ودخلت جوه… يوم الخميس كانو عاملين فرح جميل جدا وكانو بيرقصو بفرحه بس النور قطع

وزينات قالت…. دا فال مش حلو انا من راى نفركش ستى كانت تقول…. اللى يقطع النور فى فرحها… تعيش حزينه طول عمرها

ساجد… نقطينى بسكاتك انتى وستك لحظه بس وكل حاجه هترجع زى الاول

ومشى… زينات قربت من تغريد وقالت..

دى اشاره انك تطفشى اسمعى منى

تغريد… ماما لو سمحتى هو دا وقتو

زينات… هو دا اصلا وقتو

تغريد… انسى انا مش هسيب ساجد نهائى

الكهربا جات ورجع ساجد وقال… اهو رجع كان فى حد فصل القاطع.. يلا نكتب الكتاب بقى

تغريد.. يلا بينا

وراحو وبقو يكتبو الكتاب.. وزينات قالت لواحد…

كدا مش هينفع خالص الواد تبت قوى روح اعمل اللى قولتلك عليه بسرعه ….

ساجد وتغريد كتبوو الكتاب وكانو بيرقصه سوا رقصه رومانسيه… وساجد قال….

شايفه يا تيغو فرحتنا دى دلوقت… انا هخليها تفضل معانا طول العمر ان شاء الله مستحيل اخلى دمعه واحده تنزل منك الا لو كانت دموع الفرح هخلى حياتى كلها بس عشانك

تغريد حطت دماغها على كتفو وقالت..

انا بحبك قوى يا سيجو

ساجد.. وانا كمان ياقلب سيجو

وبعد عنها وطلع ورده من جيبه ومدها عليها بصت للورده بفرحه بس كان جوها محبس خطبه وقال..

مالحقناش نجيب محابس

تغريد ابتسمت وقالت….

عادى انا جاهزه البسو فى اى وقت

ساجد طلع الخاتم ولبسهولها وشالها وبقى يلف بيها وهى كانت طايره من الفرحه

زينات كانت بتبصلو بضيق وقالت..

يا محنو

وجريت عليهم وفلتت اديه وقالت…

نزل البت لتوقعها

ساجد بغيظ.. فى اى يا وليه هى عيله

زينات… يولولو عليك ساعه ويفضوها سيب البت

تغريد بياس… ماما لو سمحتى

زينات… يا بت دا برطه لفه كمان ويدوخ. ويوقعك بلاها اللفه دى

ساجد.. صح قال… يا مستنى حماتك تحبك وتهنيك.. يا مستنى البيضه تاجى من الديك…

وخلصو فرحهم اخيرا… وجو طالعين بس لقو الارضيه قدام القاعه كلها ميه

ساجد… اى دا كمان

زينات… مطرت

ساجد بغيظ… لا يا شيخه مطرت هنا بس

زينات…. حظك اعملو اى…

وبصت لبنتها وقالت… انتى مش هتعرفى تطلعى بالفستان دا هيتمرمغ طين خليه هو ينكشح عادى وانا وانتى نبات الليله هنا والصبح نرجع بيتنا

ساجد.. تباتى فين هو كان بيت ستك

زينات… انت متزرزر ليه عم وانا مالى مش كفايه جايبها مطربقه

تغريد… لا لا خلاص هنعدى وخلاص.. مش مهم الفستان كدا كدا الليله خلصت

وفضلو يمشو سوا وهدومهم اتبهدلت جدا ساجد قال…

بالله دا منظر يطلع فى الصور

تغريد.. هنقصو ياساجد بقى خلينا فى اللى احنا فيه دلوقت

ساجد… اقطع دراعى من كتفو ان ماكانت عجوزت الجن دى ورا الميه دى والنور وكل البلاوى اللى حصلت

تغريد… من فضلك ماتقولش على ماما عجوزت الجن لو سمحت

ساجد… انا اسف يا حبيبتى والله انا يعز عليا بهدلتك دى

تغريد.. لا لو بتحبنى فعلا عدى لماما لان هى كل حاجه بالنسبالى

ووصلو البيت اخيرا وتغريد قالت…

اوف اى دا حتى البيت مليناه طينه اما دخلنا كدا العرايس تدخل بورد وانا ادخل بالطين مش حظ دا

ساجد…. عادى بقى ما تدقيش العرايس عايزين حاجه تحليهم بيرشولهم ورد انما انتى الطين دا حلو عشان يشل عيون الحساد دى اللى كل مالها وتزيدك جمال

تغريد بصتلو بكسوف وهو قال..

طب اى بقى… انا الليله عريس وعايز اهيص

تغريد.. اتلم اى الكلام دا

ساجد.. لا بقى ما انا مش صابر كل دا عشان اتلم روحى البسيلنا حاجه… تصنف من الهشتكه.. وتدلع القلب اللى اشتكى وهروح البس انا كمان..

هى دخلت جوه وهو قلع بدلتو ولبس بيجامه وكان قاعد مستنيها وطلعت بعد شويه وكانت لابسه روب جميل جدا ساجد وقف وقال…

اللهم مصلى على كامل النور اى الجمال دا

تغريد.. بس بقى بنكسف

بقلم جيجى … ساجد.. لا كسوف اى احنا هنكسر الكسوف.. ونجيب رؤف

تغريد… بابك بيخبط

ساجد… اه ما انا سامعه بس مين قليل الزوق دا يلا مش مهم سيبك منو

تغريد.. لا مش مهم ازاى دا بيخبط كتير

ساجد… يولع بجاز ناس ماعندهاش سنس

تغريد… لا ليكون فى حاجه مهمه دا بيخبط كتير شوفو وتعال.. اى دا ماما دا صوت ماما

ساجد مسكها وقال… لا لا مش هى شبهها

تغريد.. اوعى

ساجد… لا قولتلك شبهها

تغريد.. اوعى بس شبهها اى انا هتوه عن صوت ماما

وفتحت الباب ولقت امها وقالت ببكى…

تغرييد بيتنا وقع يا تغريد انهد عاليه واطيه وانا مالقتش حته اروحها غير حضن بنتى.. ااااه

واترمت فى حضن تغرير تحت نظرات الذهول من ساجد

حكايات جيجى … تغريد بصدمه… اى يا ماما دا ازاى كدا البيت كان حلو قبل ما امشى على الفرح

زينات… ماعرفش رجعت من الفرح لقيتو عالبساط.. لافضل فيه قزاز ولا سجات

تغريد… طب اهدى تعالى اقعدى هنا

وقعدتها على الكنبه وقالت… هروح اعملك كوباية لمون وارجع اهدى

ومشيت على المطبخ وساجد قعد جمبها وقال بذهول…

هديتى بيتك يا زينات عشان توجبى معايا معقول للمرحله دى واصله انتى

هديتى بيتك يا زينات عشان توجبى معايا معقول للمرحله دى واصله انتى

زينات… اى ما عملهاش

ساجد… تهدى بيتك بايدك

زينات… شمشون هد المعبد عليه هو واصحابو… قعدتلك واللى يخرجنى يفرجنى…

ساجد… اه لا هو مش شمشون لا.. دا كدا شعنون هديتى البيت يا مجنونه

زينات… جن اما يلخبط كيانك لو راجل بس كلمنى نص كلمه واقول انك كرشتنى من بيتك وتغريد تشوفك الواطى اللى موقفش جمبنا فى محنتنا وتسيبك وترجعلى

ساجد.. لو راجل.. هه دا لو بقى.. هو سؤال بس ليه.. ليه بتعزينى المعزه دى ها ليه…. اكونش خنقت مرات ابوكى وانا ماعرفش

زينات… ستى كانت تقول… ما ينعز على البت الا جوز البت

ساجد…. ياختاااااى…

بس شاف تغريد جايه حضن زينات وقال..

اسم الله عليكى ياختاى.. عين وصابتك كمنك كنتى قموره فى الفرح عين.. عين ما صلت ع النبى يا حبيبتى

تغريد… اه يا ساجد شوفت

زينات… بس دى مش عين وصابتنا.. ده حظ نحس وراكبنا… واحد وش امو فقر علينا… دخل من هنا ودخلت معاه المصيب فوجا مفوجا

تغريد… ماما اى الكلام دا انتى هتصدقى الخرافات دى مافيش حاجه اسمها كدا اصلا

زينات… انا اكدب عينى واصدقك اهيش حاصله قدامى اهى… انا خايفه قوى يا تغريد وتعبانه وعايزه انام هريح حبه هنا على الكنبه دى ولاون عندى الغضروف

ساجد بهمس… الاهى ينطحك خروف

تغريد بهمس لساجد… انت هتسيبها تنام على الكنبه

ساجد… اعمل اى يعنى

تغريد.. تنام انت على الكنبه وهى تنام جوه

ساجد.. الا طب وانتى

تغريد… هنام معاها عادى دى امى

ساجد.. بس يعني هو مش احنا المفروض النهارده هنام سوا عرسان بقى

تغريد.. انت في ايه ولا في ايه مش معايا فى الكارثه اللي انا فيها ما عندكش احساس بيا

ساجد.. انتى اللي ما عندكيش احساس بيا بس خلاص تمام اتفضلي انتى يا حماتي جوه وانا هتلقح هنا

زينات بتمثيل… لا لا يا حبيبي انا هنام هنا انا والله منكسفه جدا منكم ورقبتى اد السستمه ومش عارفه اقولكم اى والله على مجيتى فى ليله زى دى

ساجد… لا ياختى ما تنكسفيش خشى نامى جوه

زينات… طيب تسلمولى انا هحاول احلها وماطولش عليكم

تغريد… اى اللى بتقوليه يا ماما دا انتى هتفضلى معانا هنا مش هنسيبك مش كدا يا سيجو

ساجد… ها اه اكيد

زينات دخلت تنام جوه وساجد قال….

تيغو انا اسف لو ضايقتك حقك عليا

تغريد.. انا ما زعلتش من كلامك انا كمان كنت بحلم باليوم اللي هكون فيه ليك والبس الفستان الابيض واعيش معاك بفرحه كبيره ونبنى بيتنا خطوه خطوه… بس ما اعرفش ليه فرحتى مش بتكمل… عارف البيت اللي وقع ده مش مجرد بيت دا كان اخر ذكرى ليا من بابا الله يرحمه انا مش مش عارفه اقولك ايه على البيت ده انا بابا اتوفى منى صغير اتخطف خطف ما عرفش لى

ساجد بص للاوضه اللى فيها زينات وقالت… انا عارف دا عمرو تقصف يا كبدى عليه.. احم قصدى يعنى اقدار دى اقدار وبعدين اذا ابوكى راح هتمسكي في البيت

تغريد.. كنت بلاقي فيه ذكريات بابا كنت بحس بوجودو

ساجد… انا معاكي هعوض غيابه ان شاء الله في حياتك ونبنى ذكريات حلوه قوي زيها لاولادنا انا وانتى اما ربنا يسهل يعني وامك تحن علينا.. قصدى لما ربنا يسهل ومامتك تروح مكانها يعني

تغريد.. على فكره ماما مش وحشه يا ساجد

ساجد… اه ما انا عارف انتى هتقوليلي

تغريد.. هى بس مش متخيله ان انا اسيبها وانت عارف انا بنتها الوحيده وهي ما عندهاش غيري انا صاحبتها واختها وبنتها

ساجد.. انا مش بلوم اي حد يمسك فيكي ولا يعمل اي حاجه علشانك واي حد يحبك انا شخصيا بحبك ومستعد اعمل اي حاجه في الدنيا عشانك ان شاء الله حتى اقتل امك.. قصدي يعني ان شاء الله حتى اقتل

تغريد.. بتحبنى

ساجد.. ايه السؤال البايخ ده يا بنت بقولك اعمل اي حاجه علشانك تقولي بتحبني… حبي اكبر من انه يتقال عليه كلمه حب اصلا… بحبك قوي انا عاشق انا مغرم انا متيم انا مسحور بيكي بجد انا مبسوط قوي ان انتى في حياتي يا روح قلبي… انتى عارفه انا فعلا زي ما امك بتقول نحس

تغريد.. ايه الكلام اللي انت بتقوله ده

ساجد.. لما تبقي قدامي كده وتلبسيلي روب زي ده واقعد قعدت الحزينه دى ابقى منحوس.. ومشيها منحوس عشان تتبلع اصل لو حاجه تانيه هيبقى منظرى زباله قوى

تغريد… بس بقى قولتلك بتكسف

ساجد… افضلي اتكسفي بقى ما احنا كنا هنكسر الكسوف لحد ما جات امك والغضروف

تغريد.. انا هروح انام هتوحشني

ساجد.. ماشي

تغريد.. ايه اللي ماشي ده مافيش انتى كمان

ساجد.. بصراحه انتى مش هتوحشيني انا ما تعودتش اكذب عليكى… ما انا لما بنام مش بسيبك ببقى معاكي في الاحلام لحد ما بصحى ما بتسيبنيش ثانيه واحده

تغريد بحب.. طب تصبح على خير

ساجد.. تصبحي في حضني انا يا بنت قلبي

تغريد جريت على جوه وساجد قال…

الله يخرب بيتك يا زينات.. يا رب انت قادر ومقتدر… خذ حماتى اخذ عزيز مقتدر..

ونام في صباح يوم جديد كانت تغريد بتحضر فطار ساجد حضنها من ورا وقال…

صباح الهنا …على عيون حبيبي انا… بتعمل ايه يا جميل

تغريد.. بعملك فطار

ساجد.. يا لهوي احلى فطار ده ولا ايه

وحط شعرها ورا ودانها وقال بهمس…

عارفه ان ده بقى احلى صباح في حياتي بوجودك يا حياتي

تغريد.. بصراحه انت من ساعت ما ظهرت في حياتي وانا كل يوم في حياتي بيبقى احلى يوم في حياتي علشان بتبقى انت فيه

ساجد.. ايه ده ايه ده احنا هنعلي على بعض ولا ايه يا بنت

تغريد.. ايه ما انت عمال تقولي كلام حلو من ساعه ما جيت وانا ما قلتلكش حاجه فقلت اقولك انا كمان حاجه حلوه

ساجد حط ايدو فى الدقيق وبقى يرسم قلب على خدها وتغريد قالت..

بس بتعمل ايه

ساجد.. بعمل قلب بدل قلبى اللى اخدتيه يا حرامية القلوب

تغريد.. تؤ بس بقى

وبقى يعمل معاها العجينه على شكل قلب ويزينوها سوا

زينات كانت بتراقب من بعيد وقالت… تغريييد

تغريد.. ماما ابعد.. ايوه يا ماما جينا اهو…

وقعدو يفطرو سوا وساجد قال….

بقول اى يا قلبى تيجى نطلع سوا هغديكى بره

تغريد.. اى دا بجد نطلع

ساجد.. اه نخلص فطار وننزل نلف لحد الغدا نتغدا ونيجى

تغريد.. تمام

وخلصو فطار ولبسو وساجد قال..

اى الجمال دا بينا يا قمرى

تغريد.. بينا

بس لقو زينات لبست وقالت..اهو انا جهزت

ساجد… جهزتى ليه

زينات.. اى

مش طالعين

ساجد.. اه طالعين احنا

وشاور عليه هو وتغريد وزينات قالت..

ايوه احنا طالعين اهو جهزت

ساجد.. لا احنا انا وتيغو

زينات اصطنعت الحزن وقالت..

اى يعنى هتطلعو انتو سوا وتسيبونى انا لحالى هنا خلاص مش مشكله روحو انتو

تغريد.. لا ياماما هو بيهزر اكيد هناخدك معانا

ساجد بهمس لتغريد.. اهزر اى انا عايز اطلع معاكى لوحدنا زى اى راجل ومراتو يا تغريد هتنطلنا فى البيت والخروجه كمان امال احنا طفشانين من مين

تغريد.. اش وطى صوتك يا ساجد عيب كدا دى ماما يعنى لو كانت مامتك كنت هتقول كدا

ساجد.. انا امى مش بتعمل كدا عندها دم

تغريد.. اش لتسمعك تزعل ماما حسساسه جدا على فكره

ساجد.. حساسه اه انتى هتقوليلى ما انا عارف احساسها احساس مرهف

تغريد… ساجد

زينات…. فى اى هو جوزك مش عايزنى اخرج معاكو ولا ايه لو متضايق عادى حبيبتى بلاش

تغريد.. لا يا ماما ابدا تعالى يلا هنطلع

وراحو عند العربيه وساجد فتح الباب وقال.. اركبى

زينات… لا معلش اركب انا جمبك

ساجد.. انا عايز مراتى هى اللى تركب جمبى

زينات… اه معلش اصل انا عندى الغضروف هى تركب ورا عادى

وقعدت جمبو وساجد اتنهد بضيق وطلع وكان بيبص على تغريد كل شويه فى المرايه… تغريد ابتسمت وهو ابتسملها ولفو شويه واتغدو سو وكانت زينات قعدالهم خازوق وفضلو على الحال دا شهر مش عارف حتى يكلمها لوحدهم وفى يوم كان بيتكلم فى الفون وبيقول….

اه يا ماما لسه عندى قاعده ومش باينلها مشيه اصلا انا متلقح هنا وتغيو نايمه معاها جوه

امو… حماتك حماتك هي حماتك دي مش عايزه تتكشح من عندك ليه بقالك شهر قاعد نفس قعدتك دي وهي ولا تحس ولا تتكشح من مكانها

ساجد.. ما انا اما بتكلم مع تغريد في الموضوع بتزعل وانا مش عايز ازعلها انتى عارفه ان انا بحبها

امو.. يقطع الحب اللي يجبلك حربايه زي دي تتحكم فيك اقولك على حاجه انت خليك قاعد زي ما انت هى مش مراتك بتقول ان المفروض انت ما تتكلمش ولو ما كانش في حاجه كبيره ما كانتش مامتها هتيجي تقعد القعده دي خلاص انا هحلهالك

ساجد… بتتكلمي بجد تحليها ازاي

امو.. عيب عليك وانا عمري قلتلك حاجه وما عملتهاش

ساجد.. بصراحه كتير يا ماما

امو… خلاص عشان لو ما قدرتش احلها ما بقاش كذبت عليك سلام يا قلب امك..

ساجد.. قالت قلب امك ربنا يستر

تغريد جات وقالت… كنت بتكلم مين

ساجد… بكلم ماما ما مش انتى الوحيده فى الكوكب اللي عندك ام

تغريد.. شوف هو انا عايزه اقولك حاجه ما تزعلش مني بس انت عارف ان دي امي ان انا ما اقدرش ازعلها علشانك ودا مش معناه ان انا مش بحبك لا والله العظيم انا بحبك وبموت فيك ولو خيروني ما بينك وما بين روحي هختارك انت.. دى بس ماما وما اقدرش اقولها لا انا مش عارفه والله اعمل اى حط نفسك مكاني

ساجد… على فكره انا حاطط نفسي مكانك انا لو دي امي كنت دخلت اتكلمت معاها قلتلها ما ينفعش اللي انت بتعمليه ده انا مبسوطه مع ساجد وعايزه افضل معاه او انا مبسوط مع تغريد يعني وعايزها بغض النظر.. انتى مش بتتكلمي معاها ومش بتبينيلها اصلا ان الوضع مضايقك فهي طبيعي تقعد وتبرطع

تغريد.. انت عايزنى اقولها يا ماما انا عايزاكى تمشي من بيتي

ساجد… لا ما تقوليلهاش كده تقوليلها ان ده غلط هي مش المفروض تفضل هنا

تغريد.. البيت وقع يعني هي مش جت بمزاجها على فكره لو مش واخد بالك

ساجد… مامتك اصلا هي اللي هدت البيت هددته علشان تيجي تقعد القعده دي

شوفنا ام الزوج نشوف ام الزوجه بقى… قولولى توقعاتكم تغريد هتصدقو ولا هتبقى خناقه لرب السما

رواية حماتي سكر الجزء الثالث 3 بقلم جيجي

حماتي سكررواية حماتي سكر الحلقة الثالثة

ساجد… مامتك اصلا هي اللي هدت البيت هددته علشان تيجي تقعد القعده دي

تغريد.. انت مجنون في واحده تهد بيتها علشان تيجي تقعد ترازي فيك.. ماما اوكي ما بتبلعكش اصلا وبتقول عليك كلام ما يتبلعش لكن مستحيل ان هي تهد البيت علشان تيجي تقعد تضايقك لو كانت قالتلي لا ماتتجوزيش ساجد انا ما كنتش هعصيها واتجوزك

ساجد.. يعني انتى مش مصدقاني

تغريد… لا مش مصدقاك ماما مستحيل تعمل كده انت اللي بتقول كلام وخلاص

ساجد.. تصدقى انا غلطان انى بتكلم معاكى اصلا

تغريد.. ايوه طبعا غلطان في الموضوع ده بالذات غلطان ماما خط احمر ما تجيش جنبها وما تقولش عليها الكلام الغريب اللي انت بتقوله ده

ساجد… طب على فكره بقى انا زهقت من امك وقربت ازهق منك كمان عشان بقالي شهر قاعد قعدت الحزينه اللي مش لاقيه المطرح دي وما فيش حاجه بتتغير بقول بكره امك تعقل بكره تهدى لكن مامتك بالعكس جنانها بيزيد اكتر… انا ما قلتلكش تعالي عيشي مع ماما واخواتي واحترمت خصوصيتك وعملتلك البيت ده صغير اوضه وصاله على قد امكانياتي قلت معلش نقعد فيه شويه لحد ما الوضع يتحسن لكن شوفى حضرتك مقتحمين خصوصيتى الخصوصيه في ذمه الله عندكم وبعدين هنفضل في الوضع ده لحد امتى ها لحد امتى

تغريد… انا مش هسيب امي.. انت لو كان بيت مامتك وقع وجات قعدت مامتك واخواتك كلهم والله العظيم ما كنتش هقولهم حاجه لان ده مش وضع يتكلموا فيه اساسا لكن انت ما عندكش وانا مش هسيب ماما عاجبك اديني قاعده معاك مش عاجبك انا ممكن اخدها وامشي عادي على فكره

وسابته ومشيت.. وهو اتنهد بضيق وقال..

هو ايه اللى اخد ماما وامشي انا بقول هى بس.. يلعن ابو الحب اللي يبهدل كده.. اتبهدل للغالي..

واتنهد بضيق ونام فى صباح يوم جديد قامو على صوت خبط على الباب ساجد قال…

هي امك طلعت بره ولا ايه

زينات… انا هنا يا جوز بنتى

ساجد.. معلش اصل محدش بيزعجني في حياتي غيرك فتوقعت انو انتى

وفتح الباب لقى امو قال…

ماما ايه ده شنطه هدومك جايباها ليه

سهى… اتخنقت مع ابوك وسبتله البيت قلتله ما بقاش انا سهى ان مالففتك ورايا فى المحاكم مش قعدالو فيها

ساجد.. وهتقعدي فين

سهى.. عندك يا حبيبي هروح عند حد غريب وانت موجود انت اولى بيا مش كده ولا ايه يا بنتي عندى حق

زينات… حق ايه انتى وجوزك تصطفلي تيجي وتنكدوا على بنتي وتقعدي على قلبها ليه بقولك ايه انا بنتي ما يبقلهاش حمى تقعد على قلبها اه من اولها كده

سهى.. ده على اساس ان اللى انتى عامله دا ايه بفتيك باللحمه ما انتى قاعده على ارابيزهم من ليله الدخله ما حدش كلمك

زينات… انا قاعده مع بنتي

سهى.. وانا قاعده مع ابني واللي هيحط حاجه في البيت ده هتتردله هتعاملى جوز بنتك حلو.. هعامل مرات ابني حلو.. عاملتى جوز بنتك مش حلو.. هنكد على بنتك وعلى اللي خلفوها

تغريد.. هو في ايه ومامتك مالها داخله دخله امشير كده ليه

ساجد… مش فاهم اصلا ماما مش بتتكلم اصلا بالطريقه دي ولا… اه انا تقريبا فهمت.. اصل انا امبارح وانا بتكلم مع ماما كده يعني كانت فضفضه عاديه والله.. شكيتلها من امك.. وهي قالتلي ان هي هتحل الموضوع بس تقريبا كده هتعاملك زي ما امك بتعاملني عشان امك تحس بغلطها وتفلق.. ههههه

تغريد… انت بتهزر وبتضحك كمان عاجبك المصيبه اللي انت حطيتنا فيها دى كانت واحده بقوم اتنين انا مش عارفه اقولك ايه بدل ما انتى متلحق هنا هنتلقح سوا

ساجد… ما دي مصلحه برده اهو على الاقل اشوفك.. ويمكن اتحمرش بيكى

تغريد.. انت فى ايه ولا في ايه

ساجد… فدا فدا انا راجل وعريس جديد هيكون في ايه تاني يعني..

زينات… ايه الكلام ده بقى يا اختي

سهى.. يعنى اللي هتطلعيه على ابني بط بط هطلعها على بنتك وز وز خلصانه محتاجه شرح دي…

ساجد.. بقولك ايه ما تيجي وهم وبيتخانقوا كده ندخل جوه نصايه ونطلع

تغريد.. والنبي تتلهي… ممكن تبطلوا خناق..

سهى… هقعد معاكم ما انا ولو اتطلقت ما هيبقاش عندي مكان في الدنيا غير بيت ابني ما انا مش هقعد في الشارع ومش هقعد مع الراجل اللى طلقنى

تغريد… نهار اسود يعني هو مفيش امل للصلح

سهى… ما بحبوش

تغريد.. ما بتحيبوش ازاى كرهتيه خلاص ده انت بقالك عمر متجوزاه ليه ليه بتكرهيه ازاي ما تحبيهوش

سهى.. لا يا اختي انا بحب جوزي بس ما بحبش الصلح اصل الصلح خير ولا انتى ولا امك ما يجي من وشوشكم خير

تغريد.. اى يا طنط الكلام ده بقى

سهى.. وادي قعده…

وقعدتلهم هى كمان..

….

لو عايز الرواية كاملة اضغط على : (رواية حماتي سكر)

رواية حماتي سكر الجزء الرابع 4 بقلم جيجي

حماتي سكررواية حماتي سكر الحلقة الرابعة

وقعدتلهم هى كمان.. وبالليل كانوا نايمين كل واحده من ناحيه وتغريد كانت نايمه في النص.. بس طلعت بره الاوضه لانها ماعرفتش تنام راحت الصاله وكان ساجد قاعد على الكنبه قال..

حبيبي انا سهران لغايه دلوقتي ليه

تغريد.. مش لاقيه مكان انام فيه حشروني واحده واحده اتهرست في النص والله

ساجد.. ههه طب تعالي جنبي

تغريد قعدت جنبه وحطيت دماغها على كتفه.. وغطاها بالبطانيه اللي كان متغطي بيها وحاوط كتفها بدراعه وقال..

كله بيعدي المهم انك تكوني جنبي لاني اللي ما بيعديش فعلا ومش بيمر هو الوقت وانتى مش موجوده معايا

ابتسمت تغريد بحب وناموا في صباح يوم جديد كانت واقفه بتحضر الفطار وسهى قالت…

كل دا بتعملي فطار بقالك ساعه بتحضري ونص جوه ده لو واحده مكسحه كانت خلصت

تغريد.. في ايه يا طنط ما انا بحضر اهو وخلاص هجيب

سهى… انا لما كنت احضر كنت احضر في ٣ دقائق امال الغدا اللي بتعمله فيه لحمه وحاجات بتاخدي فيه قد ايه ده انتى على حالك ده تلمي اكل الفطار وتروحي تبتدي فيه طوالى

زينات… في ايه يا ختى ما قالتلك بتحضر هي ايه مكنه

سهى.. سمر بنتى مكنه انا اللي علمتها الطبيخ ما شاء الله بتخلصوا في 10 دقايق

تغريد.. حضرتك هي علبه الجبنه عشان تتحط فى الطبق عايزه 10 دقايق

وجابت الاكل وجات سهى بصت للاكل وقالت…

البيض محروق والجبنه مش متزينه شبه الفته والمربى مكبوبه بعشوائيه واللانشون مش متقطع سوات بعضه حته كبيره وقطعه صغيره والبطاطس كل صباع يخبط اللي قبله مش متساويه كده وحلوه ولونها مايل للحرقان مش حلو كده منور هو ده اكلك مش عارفه كان عجبه فيكى ايه.. جميله اللي كنت هجوزهاله بت اختى عليها اكل يا لهوي ما اقولكيش

ساجد… قلبك ابيض يا سوسو الاكل حلو على فكره وعلى قلبي زي العسل

سهى… على قلبك انت.. ماهو اللي بيحب.. يقزقز الطوب ويقول عليه لب…

تغريد مشيت بضيق وزينات قالت.. مالك طايحه فينا كدا لى

سهى.. اسلوبى كدا

زينات.. خدي اسلوبك وامشي ارجعي من مكان ما جيتي

سهى.. واسيب بنتك تعيش براحه ورحرحه ماشى بس لما انتى كمان ترجعي رجلي على رجلك

زينات… انتى قاصده بقى

سهى.. مش المفروض ما يكلمش امو عشان الواحد ما بيقدرش يقول لامه حاجه..

ساجد راح ورا تغريد وقال..

على فكره ماما بتكيد امك بس انا عاجبني قوي الاكل

تغريد.. هي معاها حق انا البيض

ساجد.. اش كل حاجات جميله علشان انتى عملتيها طب والله احلى فطار في الدنيا دا كفايه ان انتى اللي عملاه بايديك.. وانا اسف والله ما كنتش اعرف ان ده اللي هيحصل كنت فاكر ان انا بفضفض معاها عادى ما كنتش اعرف انها هتيجي وهتعمل كده حقك عليا

تغريد.. مش زعلانه منك انا

بس سهى رمت هدوم فى وشها وقالت..

قلعت الهدوم دى روحى اغسليها

زينات… انا بنتي مش هتخدم عليكى

سهى.. بس ابنى عادى يخدم عليكى وياكلك ويشربك هو مش طالع عينه في الشغل عشان يجيب الاكل اللي حضرتك بتيجي تحشيه ده… اللي هيعملولك ابني هتعملهولي بنتك قلتلك الكلام ده.. بنتك هتطبخ على ذوقي الاكل اللي انا اقول يتعمل .. وهتغسل الهدوم.. وترتب البيت وانا هبحتر وترجع تنظفه وارجع ابحتره.. كدا ولا تتكلي على الله ونسيبهم يعيشوا بسعاده قلتى ايه

زينات.. لا انا عايزه بنتي ما تستحملش العيشه وتطفش تغريد انتى مستحمله الشحططه دى كلها ليه ما تطلقي دى بتعايرنا باللقمه…

تغريد.. ماما انا قلتلك ان انا بحب ساجد ومش هسيبه بعدين دي امه يعني اكيد مش هيزعل امه علشانى وانا مش هزعلك علشانو… هو مش عجباه تصرفاتها بس لانها امو.. زى ما انا مش عجبانى تصرفاتك ومستحملاها علشان انتى امي

زينات… انتى مش عاجباكي تصرفاتي وبتقوليلي كده قدامهم كمان

تغريد.. يا ماما اللي انتى بتعمليه ما يعجبش حد ولا اللي هي بتعمله يعجب حد انتم مش اول ولاخر ناس يجوزوا اولادهم انا وساجد بنحب بعض ليه تعملو كده..انا سالتك يا ماما وانتى قلتيلي ان انتى موافقه

زينات بدموع.. انا ما قلتش موافقه انا اضطريت ارضى عشان ماتقوليش انو انا اللى مش عاجبني الموضوع وتسيبيني وتمشي.. انا هديت بيتى عشانك علشان تعرفي انو مش هيستحملني واهو استحملنيش كلامي صح..

تغريد بدموع.. انتى هديتى البيت بنفسك هديتى اخر ذكرياتى مع بابا

زينات… انا كنت عايزه اثبتلك انه مش كفاءه مش هيستحمل واهو جابلك امه زى الولد الصغير اللي بيروح يجيب امه دا مش راجل ومش قادر يشيل مسؤليه

ومش قد اي حاجه خالص

تغريد.. لو ما كانش قدها كان قالي يا انا يا امك لكن سكت واتحمل علشانى… على العموم انا ما كنتش عايزه امشيكي ما كنتش عايزه اضايقك بس طالما الموضوع كده خدي بعضك واتفضلي

زينات… بتطرديني من بيتك

تغريد.. خلاص والله العظيم اسيبلكم البيت انا واطفش

زينات… خلاص كرهتينى يا بنتي

تغريد.. لان انا مش عايزه اكرهك بقولك لو سمحتي امشي

زينات.. هتمشي امك ماشى انا همشي عشان ترتاحي سلام يا بنتي

ساجد.. استنى يا زنات انتى رايحه فين خليكى هنا لحد ما نبني البيت احنا هنبنيلها اوضه وصاله تقعدى فيهم

زينات.. لا هروح بيت ابويا بس ما تفتكرش ان هي اخترتك انت عليا هي زعلت على بيت ابوها مش زعلانه على اللي عملته فيك

ساجد.. برضو

زينات سابته ومشيت.. وسهى قالت..

طيب حيث كده بقى اخلع انا اهى تمت المهمه بنجاح ما يجيبها الا نسوانها

ومشيت ساجد قال…

تغريد انا مش عارف اقولك ايه والله

تغريد.. انا هروح اصالحها بكره بس لازم تعرف ان اللي بيحصل ده مش كويس وانو مش عاجبني كمان لازم تعرف انها غلطت ماكنش يصح تهدم بيت بابا

ساجد.. هو كلو بيت بابا والغلبان اللي مرمطتوه معاكم ده ايه ملوش نفس في حاجه انا بقى ساكت مش هتخانق النهارده ولا هزعل ولا هعمل اي حاجه النهارده عيد….. امي مشيت وامك مشيت.. والجو هادي خالص والدنيا هوس هوس… امهتنا مشيو بره وفضلنا انا وانتى بس..

تغريد.. ههه ايوه مشيو

ساجد.. اخيرا… حبيبة قلبى انتى هتفضلى حب العمر يا حبى لاخر العمر

تمت

لو عايز الرواية كاملة اضغط على : (رواية حماتي سكر)