رواية حمائم تخشى الطيران الفصل السادس وخمسون 56 - بقلم فاطمة العبادي

فاطمة العبادي ..

في #حمائم_تخشى_الطيران

قراءة ممتعة كيكاتي ..

وصلو 1000 تعليق لطفا 🤎

عقدت حاجبي مستغربة كتله بهدوء
:- من شنو جبران فهمني ليش انت تكول خسارة كفوفي تهون نار كلبي من شي ثاني ليش هواي تكرر هذا الحجي فهمني فدوة رحتلك فهمني
حيرتني والله

غمض عيونه يبجي بحركة وكال بحسرة
:- انه كتلت عادل بايديني ذني انه كتلت اخوي ابن امي وابوي وانه مو ناقص مثله ولا ماعندي كلب مادري شلون طاوعني كلبي وكتلته
سهير انه كتلته والله ما عبرتني كضوني وكطعو جفوفي الكتلت بيهن اخووووي

فتحت عيوني بصدمه وشهكت
كتله بأستنكار :- كتلت عادل؟ شلووون وشوكت
جا مو عادل ورا كطع كفوفك شلون كتلته فهمني؟

غمض عيونه بقهر جفنه تكرمش ضل يون متألم
حطيت ايدي ع خده امسح علي اهدئه
:- اهدأ. ح حبيبي لا تضغط على ن نفسك براحتك سولف

فتح عيونه حمر كلها دموع
حط عينه بعيني وگال بقهر ..

:- موصيهم من اطلع من يمه يكضوني يخطفوني وراها يكتلوني ويدزولكم تصوير حتى تتخبلون
بس الصار هم ضلو يحاولون يتواصلون ويا عادل كدامي عبالهم غبي وما فهمت الكاعد يخابروله اخوي
من شافو انقطع خافو يكتلوني ويتورطون ..

ضليت انزف حاولو يسعفون جروحي ومع هذا ضليت متألم انطوني ادوية مسكنة
فترة والامن و ع راس القائمة جليل اقتحمو المكان

وطلعوني .. واعتقلوهم وهسة عرفت بعد التعذيب معترفين ان عادل ورا كل شي

هزيت راسي متحسفة وتحسرت
:- ياليت عمار موجود هنا ياليت جان صار مثل ظلك وساعدك

:- جليل شريك وياي بكتل عادل

نشغت مصدومة
:- ومن انخطفت هو ما جان وياي محتار بجثة عادل وراد يبعدني عن المكان حتى ماتصير علي شكوك
وهو رتب كلشي وخلاها تبين كأنما كتال عادل مجهول

:- رحت ناوي تكتله
رفع اكتافه وكال مادري
ما جنت ادري شنو براسي بالضبط مقتنع عادل يستاهل الكتل لان اني وياج والدنيا كلها تعرف كتله ضروري لان هوا انسان ضالم ومجرم ومستعد يكتل الف واحد ويصعد بدمهم

فكرت اكتله بس كلت خليني اتفاهم ويا بالاول
اذا ما اجة للطريق كتله ع ايدي
بس ماجنت اعنيها والله شلون صارت ماادري حيرة حيرة

:- وانت ل ليش ندمان عادل يستاهل وحك الله يستاهل لانه مجرم و وصخ
باوعلي ج جبران ل لا تندم ابد وبشر القاتل بالقتل
هاي هي اخذ جزائه ل ليششش تندم ف فهمني؟

:-ما ندمان بس احس بشعور موحلو صرت مجرم
كتلت مشاري وهسة عادل
باوعلي بحيرة :- حرام السويته

رفعت اكتافي مادري ورديت :- مستاهلين ه هسة عادل لو يقدمونه للعداله ينحكم ا اعدام
ومشاري مجرم س سحار دمر ن ناس هواي الله يعلم ش شكد مسوي مصايب ي يستاهل الكتل
انت لا تفكر شنو يكلك كلبك ف فهمني?

صفن شوية وكال :- يكول زين سويت خلصت العالم من شرهم

:- صدك انت خلصت العالم من شرهم وزين سويت ولو اني بمكانك هم اسوي نفس الشي

غمض جر نفس مرتاح
صفن شوية ورجع كال وهو يحاول يتناسه ويغير الموضوع
:- من يجي صكر خل اعزم جليل وعائلته نغير جو شوية منها تتعرفين ع اهله وتصادقين زوجته

باوعتله بنص عين ما عاجبني
:- ما يعجبني جليل احسه صعد بدم الابرياء
:- لا والله نظيف

:- مادري عموما بكيفك ق قرر حتى ابدي احضر و اوصي ن نزهة تبدي تجهز

:- اي جهزو اريد شي يبيض الوجه

تنهدت وهزيت راسي اي ..

جنت ويا جبران مثل ظله هو ما يخجل مني بس يخجل من اهله يحس روحه ناقص كدامهم
هذا الشعور واضح بداخله بس يحاول ما يبين

بلغت نزهة وبدينا تجهيز وتحضير اول شي لفينه دولمة وضميناها بالثلاجة وحضرنه كليجة للضيافة وكلنا الباقي نشتري من برة
خليت البنات ينظفن شوية صار جو بالبيت ورجعت الاجواء العائلية حتى جبران حسيته مرتاح ورجع الدم لوجهه

شعلان رافع بجامته وشطف بالطارمة بدون ما نطلب منه من وحده حب يساعد ، هي كبيرة شافه قاسم وصاحلي
ام شعلان تسمحين اغسل ويا ابنج؟

:- خاف نتعبك
:- لا تعبكم راحة

تشكل الولد وضل يغسل بيها ويا شعلان واحنه كاعدين كبال الباب نكص كليجة
ونشوي ..

عمي يفتر فوك روسنا مخلي ايدينه ورا ظهره ويكول كل شوية
:- يومية كون هيج ترجعون الروح بالبيت نحس ارواحنا عايشين

وبيوم جية صگر صدك حسينا البيت صارت بي روح
شعلان حضنه بلهفة وعيونه تجري
مشتاق للي رباه مشتاق للصارله ابو

باوعلي صكر وابتسم: -شلونج طويلة العمر؟

هزيت راسي ورديت مبتسمة :- الحمدلله ش شلونك صكر منيرة شلونها؟
باوعت لطوله :- ا اشوفك متعافي وب بصحة جيدة افضل من قبل

هز راسه مبتسم فرحان عيونه تلمع
:- رجعلي الحيل يالشيهانة

خله شعلان يمه وشعلان يمسح بدموعه ..
بأصابعه
صكر كض وجهه وكالي
:- حسااافة تبجي مثل الحريم وش علمتك انا
:- مشتاگلك يبا

باس راس شعلان وعيونه دمعت :- يا ماي عين ابوك
شلونك عساك طيب؟
مستانس هني لو اخذك معاي
حجاها وضحك

شعلان :- وايد مستانس وعندي ربع بالمدرسة انت تعالي هني عيش معاي

صكر :- الود ودي الكويت ماعادت مثل كبل عكب ما تزوجت منيرة وصمود ترملت

شيهانة :- اووو هم حظك هذا بالله منيرة تستاهل الله يوفقها بلكي تخلف بنية وليد يشيلون كبرتها
بس حظك رجعها عليك

صكر :- شسوي؟ مكتوبلي اعاشر مر طول عمري

جبران :- اذا الك نية تجي تعيش هنا انه اساعدك وارتبلك اوراقك بشكل رسمي

صكر :- انت ما هديت السياسة؟

جبران هز رأسه متحسف :- عفتها بس عندي اصدقاء هواي يساعدوني
صكر :- الله كريم

جبران :- احنه عازمين صديقي جليل اكثر واحد يكدر يساعدك هذا نسمي ابو الكلفات
هسة اذا يعرف بيك تريد تعيش بالعراق يساعدك

صكر :- حسب ظني الوضع مو امان

:-حسب المنطقة وترة وضعي والصارر بي لاني سياسي اليمشي بصف الحايط محد يوصله
واليبتعد عن السياسة يعيش براحة وما يلوحه شر

بدأو يتناقشون بموضوع السكن بالعراق والوضع وجبران ينصح صكر بمناطق زينة يكدر يعيش بيهن

سمعت صوت خطوات التفتت شفت شمس تنزل لابسة فستان جوة الركبة اسود وشعرها مفلول مكنكر بس مرتبته
لابسه برجلها حجل

سلمت من بعيد وكعدت عرفته عليها .. شوية ولحكتها لولوة
التختلف عنها كلش لابسه ثوب لونه سمائي فاتح ومخليه مكياج وردي كأنها رايحة لحفلة ومشسورة شعرها ورافعته ذيل حصان
وعقد اللؤلؤ مزين ركبتها سلمت وعرفت عن نفسها بنفسها وكعدت قريب مني

قربت راسها الي وكالت بصوت هامس
:- ماما نسيت اسألج جليل هم عنده ولد شاب؟

مديت ايدي كرصتها وخزرتها عاضه شفتي
:- ثكلي

:- اريد أأمن مستقبلي

:- هسة بكرصة ثانية ا اضيع مستقبلچ استجني ت تدور عريس بعدج ه هسة طالعه من البيضة ع عمرج 16 سنة

ضحكت وغطت حلكها برقة باوعت لاظافرها مصبغه وردي ضلت تعدل بكذلتها
وتباوع للساعة قربت راسي منها وكتلها بتحذير
:- حركة و وحدة خفيفة ا اصعدج احرم عليج النزلة شيكولون علينا وشيكولون علي اني
بناتها مستخفات؟

باوعتلي بجد وخلت ايدها ع صدرها :- عند عيناح يالشيهانة واني بنتج ارفع راسج بثكلي

خصمت عيوني بشك وكتلها :- نشوف

ضلينا منتظرين فترة اجو جليل وعائلته الزلم كعدو بالاستقبال واحنه جوة بالصالة
عنده بنات ثنين شابات جامعيات
وزوجته اكبر مني جانت انسانة مبين عليها متعجرفة وتباوع ليفوك
ومبين ما تستلطف الفقير

لان اجة قاسم للمطبخ وهي جانت تسولف ويا عمتي كبال الباب صايرة كعدتهن من حجيت ويا قاسم علمود الاغراض وابتسمت بوجهه
كالتلي ماقابلة هاي ليش هيج تتعاملون ويا عمالكم؟ اني اليشتغلون عندي ناطيتهم العين الحمرة ترة ما ينطون وجه

ضايقني كلامها خصوصا نزهة جانت تسمع
:- لا عيني ا احنه نعتبرهم اخوانا و اولادنا ونحبهم انتم ببيتكم احرار ش شلون تتعاملون ويا عمالكم مالنه دخل بيكم

:- لا اني ماتدخلت بس اوضحلج حتى بعدين ما تندمين

:- الله لا يجيب الندم مجربينهم احنه ونعرف مايتهم

هزت راسها دارت وجهها كملت. حجي ويا عمتي نزهة كالت بصوت خافت معصبة
:- كون اطب عليها احط هاي السجينة بع** شني شايفتنا راكبين فوك روسكم؟

ضحكت ولكزتها :- ص صوتج ولج تولي هيه جم س ساعة ويطلعون

عفست وجها ما راضيه والتفتت تباوع الها بنص عين

مر الوقت بسرعة .. وقبل لا يطلعون يرجعون لبيتهم شفت لولوة طلعت تركض وقاسم داخل بأيده علاكه ماعرف ع شنو موصيته
لمحت شاب واكف بالحديقة يدخن طوويل اسمراني
عيونه صارت ع لولوة وقاسم يدخن ويباوعلهم بتركيز
زفر نفس وعيونه ثبتت ع لولوة وهي تركض للبيت بأيدها علاكة

شافتني بوجها وكفت تبرر بدون ما اسألها
:- وصيت قاسم يجيبلي حلوياتي الاحبهن من المحل خلصن ماكدر بدونهن

هزيت راسي برضا
:- عافية ماما وصيتي يجيب لاخوانج؟

:- لا هم يجيبون لروحهم مخلفتهم وناسيتهم اني

:- دشوف الانانية اخوانج هذول لازم تقدمينهم ع نفسج
:- اي اقدمهم ع نفسي اذا المسئلة حياة او موت بس بهيج امور لا يولون

ضحكت هزيت ايدي صعدت تركض .. ونزلت بسرعة واحنه نودعهم طلعت ويا زوجته وبناته
شفته واكف ابتسملي وسلم عليه
باوعت للولد ابنه عينه تباوع وراي ثابته
درت وجهي شفت لولوة واكفة بالباب وهو عيونه ثابته عليها

حس ع روحه من حاچاه ابوه
جليل :- بوية ليث يلا نمشي

باوع لابو وهز رأسه ورجع باوع لبنتي لولوة بسرعة ونرسم طيف ابتسامه ع وجهه
باوعتلي اشرتلها بأيدي تدخل

هزت راسها وفاتت جوة بسرعة وشمس واكفة مكتفة ما عاجبينها بس طلعو كالت مشمئزة
:- عائلة تعبانة مابيهم شريف

خزرتها وكتلها بتحذير
:- انتقي الفاظج شمس عيب
:- المرة خشمها عالي والبنات يفيكن احنه نداوم بالجامعة الامريكية وعدنا لغة
كلتلهن احنه هم عدنا لغة لان كنا نداوم بمدارس مرموقة بلبنان ما عجبهن
وابنهم عينه زايغه اكل لولوة بعيونه

:- ميخالف عيب
علياء :- سكتي انتي اني هم ما حبيتهم والله ولا اريد اعزمهم مرة ثانية خلصتها علي انتم شلون عشتو بالبصرة وشلون عشتو شروك والعيشة وياهم صعبة
كلتلها شنو مو بشر
بعدين اهل البصرة من ارقى الناس اهل علم وفهم ومناصب وثقافة كافي هي بصرة السياب

سكتت شفت عمتي اتحدت ويا شمس ودخلت وياهن نزهة ع الخط .. وضلن يحشن بالمرة
ضحكت عليهن وطلعت للحديقة شفت صكر وجبران وعمي واكفين ويسولفون وجبران يضحك
جريت نفس مرتاحة وعيوني لمعن بفرح
ربي لا يحرمك من هاي الضحكة ولا يحرمنا منك ومن وجودك خيمة فوك روسنا

دخلت صعدت سبحت طلعت لكيت جبران بالغرفة
:- احضرلك الحمام واسبحك؟
ابتسمت

هز راسه لا وتمدد
:- تعبان الادوية ساطراتني اريد اناملي شوية

هزيت راسي اي وكعدت مقابيله امشط شعري
:- ح حبيبي اريد اغير شكلي مليت خصوصا شعري
:- بكيفج
:-  شنو بكيفج كو كول اي لو لا حتى ماتعيب علي ب بعدين

:- اعيب عليج شني انتي كل شي يلوكلج وبكل حالاتج گمر اربعطعش

ابتسمت برضا ضليت امشط وهو صافن علي تحسر وغمض عيونه نصيت راسي مقهوره افهم نظرته واعرف شنو ورا حسرته
الجفوف الجان يمشط شعري ويظفرلي بيهن انبترن

ربي يبتر فرحتهم وينهي نسلهم ويكطع عنهم الرحمة

بالليل افترينا شوية تونسنا و طلعنا صكر حتى يستمتع بسفرته
باليوم الثاني اخذت الاذن من جبران وطلعت للصالون

كعدت ع الكرسي فليت شعري ضلت الماكيرة تكلب بي وشترحلي شلون تسوي كصة مدرجة وحلوة ع طوله

رفعت ايدي خليتها ع نص ركبتي وكتلها
:- لهنا .. اريده لهنا ك كصي وصبغي الي لون بني

:- حرامات شعرج حلو وطويل ليش تخربينه
:- ع عاجبني اغير مليت م من الطويل

هزت راسها اي وبدت تقسمه الي وتكص بي غمضت عيني مقهورة واحس بشعري يطيح
هيج انكصن جنحان فرحتي بحبيبي وهيج طاحت احلامي غفل وما ضل منهن بس سراب

كملت شغلها سوتلي تنظيف لبشرتي وحفتلي وجهي وصبغت حواجبي بلون شعري ..

ما رجعت للبيت الا ساعة 12 الظهر
لكيت نزهة وعمتي يطبخن شافتني عمتي صلت ع النبي وكالت
عروس عين الله عليج وهنيال ابني

:- شلوني الله عليجن التغيير حلو يبهره

نزهة :- جا شلون اذا شعرج كاصته وصابغته ولاعبه بوجهج كون شلون ما ينبهر

علياء: -كولي ماشاءالله العين حق

نزهة :- ماشاءالله مااشاءالله الله يحفظج ما اقصد احسدها

:- عوفنا وينه جبران؟
:- صعد فوك

هزيت راسي اي وصعدت فتحت الباب انتبه لوجودي
بس من شافني فتح حلكه بصدمة
دخلت مبتسمة وافتريت كدامة وضليت احرك بشعري بدلع
:- شلوني الله عليك
باوعلي بعتب وكال :- حلوة الكمر لو شافج يترك مكانه وينزل يبوس جمالج
بس شعررج!!!!

فتحت الجرار جريت المشط وتقربت لزمت ايدينه
:- من يطيب ج جرحك تكدر تكض المشط ه هيج
وتمشطلي لا تتوقع اني اتنازل عن. خ خدماتك ترة بعدني اريد دلالك

بلع ريكه بغصة وعيونه تباوع بعتب وحزن
:- اسمع شعري يحبك ويحب تمشطلي بأيدينك
واني احب اكعد بحضنك وترتب تسريحة شعري

:- جا خليتيه واحاول ليشش هيج سويتي
:- شعري لو عنده قدره ج جان بتر روحه من فركة ايدك
حتى شعري ا اشتاق الك

باوعتله بتوسل
:- جبران ارجع مثل قبل ا اني وشعري وعيوني وشفايفي وكل شي بيه ي يريدك ترجع مثل ق قبل تدللني احب دلالك

رجف فكه كال بحيرة
:- شلون
وضعي اختلف

خليت اصابعي بين شعر لحيته وقربت وجهي منه
باوعت بعيونه بذبول
:- ما اختلف شي انت ا انت واني اني ج جبران

نصيت اكثر خليت شفتي ع شفته بدون ما ابوسه
لف ايدينه ع ظهري سحبني وكعت بحضنه باسني حيل بلهفة المشتاق. وقسوة عاشك يعاقب محبوبته بشفايفه الدافيه

بعدني شوية حط خده يمسح ع خدي وغمض
كال بهدوء :- صلاة

هزيت راسي اي .. وتنهدت مقهورة وتعبانة نفسيتي ع وضعه بس احاول ما ابين ..

البس ثوب القوة واوكف كباله وبداخلي حطام بس الله يعلم بي

....

ليلى ..

نلم بأغراضنا وننقلهن للبيت الجديد الايام جانت تمر بسرعة رغم اني وحرب وكفنا بنفس النقطة بس الحياة ويا ممتعة كلش
هو انسان عنده جانب حلو يهتم ويدلل ويدلع الناس الي يحبهم بغض النظر عن كل سلبياتهم ومشاكلهم

دزيت هادي لبيت السادة خليته يمهم يوم كامل حتى يشوفو ويشوفهم ويشبعون منه لان جياته الهم راح تقل بحكم احنه راح نبتعد شوية

دخلت سبحت ولميت اخر كم قطعة ملابس الي
خليتهن بجنطة واخذتلي فرة بالمطبخ اخذت شنو محتاجته للبيت ومناك طلعنا اني وحرب اشترينا

دك مبايلي سحبته من فوك البراد شفت رقم هادي

جاوبته
:- الو

:- السلام عليكم

:- عليكم السلام هلو هادي شلونك شخبارك عذيرة والبنات شلونهن

تحسر وكال :- زينات الحمدلله انتي شلونج ابنج شخباره ان شاءالله مرتاحين
معركة خو ما يضوجج
:- هههه لا زينين ومعركة زين بس شو تتحسر شبيك خوية خو مابيكم شي صاير شي?

:- والله يا ليلة نفسيتي ما مرتاحة وكلش لعبانة روحي من الوضع

دخلت للصالة كعدت ورديت مستغربة وحواجبي انعقدن
:- يا وضع دفهمني عاد كطعتي كلبي داد

:- اريد اجي لبغداد اطلك ريحانة واشوف سهير هم علمود انطيها باخر اخبار الفندق

:- وين وصل
:- ماضل شي

سكتت لحظات سمعته يتحسر ومبين يدخن
:- ليش تطلگ ريحانة فهمني؟

:- احس روحي بديت انجرف وانه بعلي الفحل اكطع عن خشمي الهوى وادفن روحي لو صارت صدك وحبيت هاي البت

:- يااا شتحب منها هادي عذيرة والله تموت انت من ......قاطعني

:- انه حجيت حجاية كلت البت هاي زغيرة لو معرس من وكت جا بتي بكدها وكلت العقد يضل عقد علمود اسكت خوالها وما ارجع بكلمتي ليش اريد اطلك حتى تطلع من ذمتي وما استلهس

:- اي زين تسوي هم شافو العقد وسكتو بعد ما يجون ولا شي شالو ايدهم منها
سمعت صوت طكة الجداحة وصوته طلع من بين اسنانه :- اي .. جر نفس وكال
:- ام تفلة مادري شني ذبت علي سحر من عمت عيني كون

:- هههه هم الك خلك تستهزأ وتتنمر

:- لا بس محترك كلبي يمته تشيلون انتم

:- باجر الصبح نطلع لبيتنا الليلة اخر ليلة النة هنا ان شاءالله

:- بيت العامر ان شاءالله. يلا انه يمكن هاي اليومين اجي وامرلكم هسة رايح للكاع اشوف الفلح
:- هلا بيك بأي وقت
:- بيج اكثر

نهينا المكالمة قوست شفايفي افكر محتارة
وخايفة بس كون يضل ثابت ع قراره ويطلك ريحانه صدك وما ينجرف

بس هادي انطة كلمة وكال اعقد فترة واطلك وما اظن يرجع بكلمته

خابرت للشيهانة سلمت عليها كلعادة وسولفنة شوية ونهيت المكالمة ..

ثاني يوم طلعنا قفلنا البيت وكل لحظة عشناها هنا ضلت ورا حيطانه دافيه
ما لاحتها برودة الايام

دخلنا للبيت الجديد رتبت الباقي من اغراضنا وحرب يعلك البردات
كملت ذبيت روحي بالصالة ع القنفة اجة هادي يفرك رجليني
:- سلامتج ماما يزول هذا التعب ان شاءالله

:- حبيب امك فدوة لايديناتك

حرب نزل من الدرج وشغل الكلوب الجان يشده وكال وهو ينفض ايدينه
:-كل شي تمام هساع اخذ لدرج للمخزن واطلع اجيب اكل كتلنا الجوع

:- اريد كص

:- وانت هادي؟

:- دجاج

:- تدللون بس اليوم باجر انتي تطبخين فلوسي خلصن ع البيت راح اكعد بالركن شوية اجدي اجمع فلوس الغدة
من مال الله لفقراء الله

ضحكت وكعدت ع حيلي :- انطيك فلوس عندي

:- عمت عينج اني زلمة شطولني شعرضني اخذ فلوس من حرمة

:- كيفك مو صوجك صوجي اساعدك

شال الدرج باوعلي بنص عين
وطلع كمت رتبت شوية شفت اكو اماكن ما مرتبات وهادي يعدل بمخاد الطخم يرتبهن ويعدل بالبردات

اجة حرب جايب النه الاكل كال وهو يكعد
تعالو ناكلو مثل ما هوا بعد مابيه ترة

اني وهادي كل واحد اخذله صفحة وهو يفتح العلاليك
باوعتله حلگه بي دسم مديت ابهامي ع شفته وخصمت عيوني بشك
رفعت اصبعي بوجهه يعني هذا دليل ادانتك
:- حلگك بي دسم شنو ماكل؟

باوعلي ونصة يفتح قوطية الببسي
:- لا متوهمه

لزمت وجهه خاصمة عيوني اباوعله بشك
:- والله ماكل ومسوي روحك ميت جوع

هز راسه لا
:- افتح حلگك بالله

هادي :- اوكفي ماما اجيب لايت المحقق ندور بحلگ عمو

ركض هادي جايب لايت صغير ع الباتري شغله واني ميته ضحك وحرب يضحك واكتافه تهتز ويصيح
:- يمعثورين خرب بيومكم تا تفتشون حلكي جايبين لايت عمي اكلت والله اكلت غدرتكم سامحوني

هادي طك اللايت واخذ وضعية المحقق
:- افتح حلكك عموو

حرب من كل عقله فتح حلكه وهادي يدور
طفة اللايت وكال
:- مالكيت دليل غاسل حلگك يمكن

حرب :- اي خفيت الادلة كلهن ..

نصة حط راسه يم اذني وكال بنبرة مكر ..
:- شكد مركزة ويا شفتي عجل

لكزته بكوعي اضحك وحلكي متروس

كرصني بزندي وكال :- صايرة مربربة يول شحلاتج

فكيت عيوني خزرته واني اضحك وهو ابتعد ياكل ويانه
خبصته انت مو ماكل شعندك تاكل مرة ثانية
ضلينه نتعارك اني ويا ع اللفة وفحطانين ضحك وفاككنا هادي

لميت وغسلت .. هادي تعب دخل لغرفته تمدد وبسرعه غفه واني سبحت
ودخلت للغرفة جففت شعري ورشيت عطر
فتحت جرار الميز اخذت منه حمره خليت خفيف وطفيت الضوة

شلت الغطا ودخلت للفراش فتح عينه وفتحلي ايده
تقربت تمددت خليت راسي ع زنده
:- ااخ منج يمعثورة وريتي كلبي ور بحمرتج هاي

:- حرب اذا الك خلك تسولف اني ماالي اريد انام هههه
:- نامي منو كاضبج يول انتي نامي واني ابوس

:- شتبوس؟
غمزلي خليت ايدي ع حلكه
:- عوفهن ونام شلون بيك انت المنحرف

سكت باوعلي بتمعن عيونه ذبلن وهمس :- يا ليلة من ليل البنفسج ..

:- الله شكد احب هذا الشعر

سحب ايدي من شفايفه نزلها خلاها ع صدره وقربني لحضنه اكثر
:- ليلى ماكو شي اسمه مستعدة او ما مستعدة التقدم مايريد استعداد يريد قرار وجرئة
اذا تضلين تفكرين راح يجي يوم وتصيرين مستعدة والله مايجي

:- اني مقررة

:- تقبلين تكملين وياي؟ ونخلف نسوي عائلة
تخلفين بنية و وليد صغيرونين حلوين مثلج ومثلي

:- واثق من جمالك زايد

:- ما شفت روحي حلو الا بعيونج ياليل الشتا

سكتت
:- ما جاوبتي

:- اي اريد اكمل وياك ونستقر بس اخاف
:- منيش يول
:- اخاف يجي يوم وتخذلني والله اموت

:- اخذل روحي وما اخذلج انتي مكانج بكلبي ما تطلعين منو واني مسكني حضنج ما اتركو الا من اموت

:- اسم الله عليك حرب

ابتسم ساكت رفع ايده حط ابهامه ع شفتي تحسسها وقرب راسه من وجهي غمضت عيني حسيت شفته صارت ع شفتي واستسلمت كلش

ما حسيت غير الوكت مر واني بين ايدينه .. صرت كلي تحت سيطرته
من انتهى كلشي وصرت زوجته قول وفعل
ذب نفسه ع صدري ورفع رأسه خلاه بركبتي

وضل يبوس بيها بشكل عشوائي .. غمضت عيني
احس بي يبوس ويصعد شفايفه جوة اذني ويهمس
:- متراهنين من الف بوسة .. واني ما اكسر كلمتي

ليلى: -تتعب ..
حرب :- التعب بحضرتج دلال .. انتي تستاهلين واحد يتعبلج

سكتت .. جريت نفس
همس يم اذني
:- ليل وحرب .. كتلج اريد وياج الف ليلة وليلة وهاي الليلة ليلتنا الاولى

هزيت راسي واني مغمضة حسيت برجفة بكل جسمي وكلبي يدك بسرعه شعور غريب
وجديد حسيت بانوثتي واني بين ايدي وهو يتغزل بجمالي ويتحسس كل ذرة بجسمي ويتغزل

حسيت شي جنت فاقدته لكيته هسة .. واني بين ايدينه وهو ينفذ وعده ويبوس نحري الف بوسة

غفيت بين ايدينه وما كعدت الا المغرب
سبحت بسرعة وهو دخل وراي توضيت وكعدت هادي هم جان نايم
بس ماقبل يكعد
طلع حرب يتغمز وكال بصوت ناصي
:- الليلة ليلتنا الاولى

بعدت نظري عنه خجلانه وركضت اجهز مصلايتي
والبس احرامي
صلينا سوية طلع شغل التلفزيون
واني وكفت كبال المراية اباوع لنفسي باستغراب
رفعت ايدي تحسست خدي ورفعتها ع شعري

متغيرة جسمي صاير مليان وصاير كلش انثوي .. صايرة بيه عافيه وحتى وجهي مورد
جنت اظن ايامي ويا راح تصير سودة وتسود وجهي وياها بس كل شي صار بالعكس

ابتسمت باوعت لملابسي ما عجبني فتحت الكنتور محتارة اطلع بالملابس ماريد شي مشلح ابني ويانه وبنفس الوكت اريد شي حلو يلوك
طلعت دشداشة شوية قصيرة ونص ردن لبستها

رتبت شعري وخليته نازل ع ظهري .. خليت شوية مكياج خفيف وتعطرت وترتبت
باوعت لروحي فاهية كلشي مالابسة طلعت ذهبي لبست كلادة ناعمة وتراجتي واسوار وحلقتي خليت بصفها محبس وبالايد الثانية محبس ناعم

ضليت انثر بشعري .. وارتبه باصابعي

دخل للغرفه يحجي بدون ما ينتبه
:- شنو تسوين عشاا .. باوعلي وفك حلكه لحظات وابتسم

:- عيب ع شاربي اخليج توكفين بالمطبخ اني اسوي العشا انتي تأمريني شنو مشتهية؟ شنو جاي ع بالج تاكلين

خجلت غطيت وجهي ودرته عنه :- عززة وطين حرب خجلتني اني اسوي وخر عني

ضل واكف مخلي ايده ع الباب والايد الثانية ع خاصرته ويباوعلي من فوك ليجوة
:- انتي شنو؟ بس فهميني نحرج يلالي منو الماي جنه كزازة ..
النوب خليتي بي كلادة رحمي بحالي يول وحك سبع الدجيل وريت من راسي لساسي

نزلت ايديني باوعتله .. عينه تمشي ع طولي كله
حركت كتفي بدلع وميلت شعري ليورة وتقربت منه
:- خليني اسوي عشا حرب وخر عن طريقي
رفع حاجبه صار بطريقي ومد ايده ع خصري سحبني لصدره حيل

:- حرررب ليجي هادي شبيك وخرر

:-من كل جهاتج حلوة واصفن بيج اني حاير بدونج شسوي؟
رفع اصبعه ع جفني تحسسه وكال
:- اصفن بيهن صفنة العطشان للماي
عيونج بهذلن حالي اني ذاك القوي الما يلين ولا ينكسر
طحت جتيل كبال عيونج .. خايبة كتلتيني بسلاحي
ياليت بس لنت .. اني انكتلت

:- يعني هسة صرت اموتك اني

:- شهيدچ ..
اني الحرب ، والشهيد الطاح كبالچ ليلي ..

:- حررررب

:- عيوني الج

:- سالمات .. وخر لتصير وكيح خليني اسوي عشاا

رفع ايدي باس اصابعي :- ما اتعبهن اني اسوي العشا اليوم كعدي اميرة مدلله
واني اوكلج بأيدي

ابتسمت برضا لزم ايدي وطلعنا من الغرفة ايد بأيد دخلت للمطبخ لكيت هادي راسه بالثلاجة يشرب ماي

سحبت كرسي وكعدت التفت هادي باوعلي هواي صفن وكال بهدوء
:- ماما صرتي مثل البنات

:- شنو جنت رجال ماما

:- لا بس صرتي مثل البنات مثل النسوان يعني

:- فهمتك حبيبي فهمتك تنهدت اضحك واباوع لحرب يضحك علي فاهمه

عشانا حرب وطلع شوية ورجع جايب اشياء للسهرة
هادي لل10 اجة وكت نومة معلمته لازم يدخل لغرفته ينام بوسته وكعدت يمه سولفت شوية وشفته نام ماتوقعت لان كعد المغرب

طلعت للغرفه شفت حرب يجهز ويحضر للسهرة
اخذت ملابس نوم وفتت للحمام لبستهن وفوكهن روب لفيته ع جسمي ورجعت للغرفة لكيته يطلع فلم

جنت احس بخجل وتردد بعدني ما متعودة كلش علي كعدت يمه هو لف ايده وحضني
شغل فلم مصري سهرنه علي وعشنا ليلة حلوة جمعتنا كزوجين سوية ..

اجالنة هادي ورا كم يوم سلم علينا وكعد سوية وراد يروح لبيت خالتي لزمناه للغدة ماقبل وكلش اصر يطلع
عافنا وراح ..

عرفته جاي يريد يطلك ريحانة ..

...

ريحانة ...

كاعدة بداخلي خوف فضيع وتردد
دحكت لخالة وكتلها بخوف
:- اخاف من يطلكني يرجعون علي خوالي هساع اني شسويتلو والله بعيده عنو وما تعديت حدودي

:- خوالج عرفو بيج متزوجة وشالو ايدهم هذول الخوافين شبيج حاسبتلهم حساب تهي بهي
والزلمة بكيفة هو عقد عليج علمود يساعدج وساعدج هسة يريد يطلك يخاف مرته تشك مادري شنو وحقه

:- بس اني بعيده عنو كل شي ماريد بس عينو مني ويحميني

:- يحميج هادي خوش رجال وصاحب نخوة ما يعوفج ريحانة

هزيت راسي اي متوترة .. متفقين يجي اليوم يطلكني
الاتفاق صار بينو وبين خالة نسيمة
كلبي مخليتو بأيدي ارجف خايفة

فترة واجة جايب الشيخ و ويا ثنين من اولاد عمامو مادري اصحابو ماعرفتهم

صاحولي حتى اروح يمهم مسحت وجهي كلو دموع وجريت نفس غسلت وجهي زين

كلبي يرجف بسرعة خليت الحجاب ع راسي وطلعت يم الشيخ كعدت

سألتني نسومة :-انتي ع طهارة يوم ..

هزيت راسي اي .. ونصيت خجلانة

نسيمة: -البنية ع طهارة شيخ طلگها رحمة الوالديك

غمضت عيني متوترة ..مرتبكة ما متأكدة من الجاي شلون راح يكون
بس هو راد هيج لازم يصير حتى يرتاح وارتاح ويا

رفعت راسي التقت عيونا وگالي انتي طالق ..

حسيت عيوني دمعن بسرعة كمت وطلعت بس طلكني ابجي حبست نفسي بالغرفة
اندك الباب كالت خالة
هادي يريد يحجي وياج
عطت بقهر ماريد احجي ويا احد عوفوني

غطيت عيوني خايفة وجسمي يرجف كل ما ارمش اتخيل خوالي يجون ياخذوني ويشغلوني شغل موزين لو يزوجوني لواحد من معارفهم كلهم شياب تعبانين

سمعت صوتو يم الباب دك علي وكال بهدوء
:- سمعي ريحانة انه ادري بيج خايفة تضلين وحيدة ويستفردون بيج
بس بعلي الفحل اليوصل ويكرب ليج افرسه فرس وخل يحسب امه ما جابته

تسمعيني ريحانة؟ خوالج شافو العقد وكعدو ويا ابوي وعمي وشافو هوياتهم واتأكدو انتي ع ذمتي بعد مايوصلون الج وان وصلو مكالمة وحدة اجي احرك صلاح الدين كلها فوك روسهم

ضليت ابجي بصوت عالي غطيت حلكي اشهك
تحسر وكال
:- لا تبجين بوية فهميني شنو التردينه احجي لا تضلين تبجين

حجيت بصوت متقطع خايف :- تحميني

:- احميج وافديج بدمي شلون وياج يا ريحانة مو جاي اكلج احميج

سكتت خايفة ضل يحجي يحجي شوية وراح ..
من راح يلا فتحت الباب انهاريت بجي يم خالة
كضبت ايدي ترجف مستغربة
:- ولج والله مايوصلج بشر انتي بامان

هزيت راسي واني ابجي:- مااريد اعيش العاشتو امي خاله ما اريد

:- ما تعيشينه ريحانة انتي ماعليج شي هنا لا تخاافين ابد

هزيت راسي اي .. وكلبي احسو بأي لحظة يطلع من بين ضلوعي ما اعرف ليش

...

ليلى ..

بداية حياة جديدة جديدة ما طلعت بذيج الصعوبة الجنت متوقعتها .. بالعكس
شفت التفاهم بيناتنا والاحترام زاد والجدية
حسيت روحي صدك صرت من اهله مو مجرد حجاية وشفت روحي مستحقة كل الحب والاهتمام منه

مرت الايام صدك كدر يكسبني ويخليني اتعلم علي واحس وجوده اساسي بحياتي
حسيت الايام ويا حلوة يخلينا نعيش اليوم بتفاصيله وما ننتظر باجر ..
ولا نشيل هم اليوم الورا

بيوم من الايام وقبل دوام الجامعات راح للغربية ورجع بس امه جاية ويا زيارة النه ولاخته ام دلال
بس ضلت يمنه بالبيت

جانت بس تفتر وتدور بالبيت تدور ع وصاخة لو ع شي ما منظف بس اني زين ممخليه شي يعتب علي ما منظفته

كل ماشافت شي كالت الله يساعد ابني شلون عايش وياج انتي مبينه انتكاليه وهو متعود كلاص ماي ما يشرب روحو

التفتت لحرب اباوعله بمعنى شنو شو ساكت؟

يضحك ويسوي روحه ما يسمع
كتلها بهدوء: - بالعكس حرب كلش حباب وما يحب واحد يخدمه اذا كعد الصبح واني نايمة يسويلنا ريوك ويكعدنا ومرات يسويلنا عشا اكله طي.... قاطعتني شهكتها

تباوعلي وتباوعله وايدها ع صدرها
:- تخدم النجفية؟ واني امك ما خدمتني

:- مو كافي ابوي جان يخدم بيج شنو هذا الطمع يمه

:- يااا حررب تاليتك كاضب المطبخ مثل الحريم

:- غير حرمتي واساعدها يمه هساع انتي ضايجة لان اطبخلها تردين اكوم اطبخلج

نترت: -لاا انت زلمة ما تدخل للمطبخ المفروض العتب عليها
باوعتلي ضايجة
:- انتي شنو تخلين ابني يخدمج المرة المعدلة هي تخدم زلمتها مو بالعكس

رفعتلها اصابعي اراويها صبغي
:- حبيبي حرب يخاف ع صبغي حقه بعدين ابنج يحب يشوفني معدلة ومرتبة وهو يطبخ ويباوعلي

صرخت بحركة :- يبوووووي رااااح تموتني هااااي يبووووووي ولك كوم رجعني للغربية واحترك ابو عنصلو ليجي لبغداد بعد

حرب :-بسجن دبسجن كافي انتي امي وهاي مرتي وثنينجن عزيزات وغاليات اذا تردن راحتي تعوفن لمداهر

كتفت ايديني ودرت وجهي زعلانه وهي كامت كعدت يمه تحجي ويا بصوت ناصي واني اباوعلهم محتركة حرك اريد اعرف شنو تحجي ويا

بس ما سمعت شي وهو يهز براسه
بالليل اجيت دحست روحي بحضنه وسألته شنو حجت وياك
كال ما حجت شي تسولفلي سوالف عادية

رفعت حاجبي ماقابلة وكمت من يمه قفلت الباب وشغلت المسجل وغمزتله

لابستله ثوب كصير اسود ومتمكيجة وتمايلت كدامه بدلع خليته يذب الاول والثاني بس
ما ضل شي ما حجاه يكول كالتلي لا تخدمها مايصير هي المرة
بس اني ماعندي هيج انتي تدللين علي وتستاهلين هذا الدلال

:- والله امك توز بيك علي وانت تروح تتغير

:- ما اتغير ع ليلتي محد يغيرني عليج يول تعالي ابوسج وريتيني.

ضليت اتمنع واتدلع اتصنع الزعل .. لحد ما تمكن مني

من طلعت اسبح لكيت امه واكفة كبال الباب نشغت بخوف وخليت ايدي ع كلبي
:- شنو عمه شو كاعده

هزت ايدها ما عاجبها وراحت نامت ..

ثاني يوم طلبت منه يطلعها طلعو سوية ومن رجعو دخلت للاستقبال وبسرعة صاحتله

فتح باب الاستقبال ودخل وكفت بالباب اباوعلها متخصرة وتأشرله ع الطبلة
:- مو اكلك مرتك تدخل طليقها للبيت شوف هذا المحبس مالمن؟ مو مالتك هذا يمة ماشايفتك لابسو
شالته بأيدها تكلبه وكلتله ..
ومنقوش علي من جوة اسم قيس تصخم وجهك يا حرب وتلطم تعال شوف حتى اسمو مكتوب ......للحكاية بقية

رأيكم بالقصة يهمني 🖤

قناة التلي @wattpad_zanzon