حمائم تخشى الطيران الفصل الثامن وخمسون 58 - بقلم فاطمة العبادي

فاطمة العبادي ..

في #حمائم_تخشى_الطيران

قراءة ممتعة كيكاتي ..

حضني من ورا مخلي وجهه براسي درت علي ادفع بي وهو يحضن بيه يضحك متعمد يضوجني

بدون شعور دفعته من صدره حيل وعطت واني اضحك
:- وخرررررر قيييس ضوووجتني
ما حسيت غير تحول من واحد يضحك لبركان هايج ما استوعبت شنو گلت ولا استوعبت الصار بعدها ويا هذا الرجل الي تحول وحش...

عيونه توسعت بصدمه ما حسيت غير بقبضة ايده ضرب المراية الموجودة بالجرباية وكام من مكانه
دفر المزهرية برجلة وهي كبيرة تكسرت وتطشر الكزاز

خليت ايدي ع اذاني خايفة وحجيت بصوت يرجف
وكلبي احسه يريد يطلع من الخوف
:- ش شبيكك حرررب ..ش بيك والله مو قصدي ادفعك

التفت علي عيونه حمر من الغضب حسيته راح يضربني خليت ايديني ع صدري
نتر :- تگليلييييي قيسسس ولجججج تكليلي قييسسسس

لطمت صدري وكمت من مكاني ابرر موقفي
:- والله ما ادري زلة لسانة هو جان شاغل تفكيري لحد ما تطلكنا سنين وهو براسي عشرة عمر وما متعودة احاجي رجال غيره واتشاقة ويا واحد لو .... نتر بغضب يقاطعني

حرب :- سككككتييي .. اشششش سكتتتتتتي ما اسمع حسچ
توجه للباب وصاح
:- لا تجين وراي ضلي هنااا لا تجين وراي خاف اتركب بيج جرررريمة وسبع الدجيل

هزيت راسي بدون صوت خايفة وكعدت بمكاني ارجف رفعت ايديني اشوف اصابعي ترجف وكلبي يدك بسرعة بجيت نزلت راسي خليت ايديني ع راسي بضعف
شوكت تطلع من كلبي مثل ما طلعت من حياتي شوووكت .. شووكت يبطل هذا الكلب يرجف بذكرك وكل ما يمر طاريك

وانت ما تستاهلني قيس خسرتني وضيعتني ما تستاهلني .. اتمنى ادوس بنص كلبي الخلاني اضيع احلى سنين عمري بسبب رجال ضعيف مثلك

رفعت ايديني وضربت راسي بقوة كأني اعاقب نفسي ع سوء اختياري ويرجع كلبي يبررله ويذكرني بزينياته

حرت واحتاريت وضعت من روحي حسيت روحي تايهة مالها دار يلمها
مالها عزيز يحن عليها ماعندي امان عشت بخوف طول عمري

بجيت ضليت اشهك مقهورة ومهضومة لان حسيت روحي بهاي اللحظة وحيدة ومن صدك ماعندي احد
لا عندي حضن يلمني ولا عندي عزيز ما تهون علي دمعتي

وكاعدة احاول اتعايش ويا حرب شنو انتظر منه؟ اذا الحبيته سنين وجان عاشكني جرحني وشكك بيه ويشك ويخاف مني يشوفني مثل ما يشوف خالتي
وقارني بوحدة ثانية وعافني بالغربة وحيدة
بعد شنو انتظر من الحرب الطلع بحياتي من تالي؟

وهي نيته اتجاهي ما واضحة ..ما ادري شنو ضاملي وشنو بكلبه اتجاهي

غمضت عيني تذكرت الموقف ورفعت راسي بغضب
اعاتب روحي بحركة
ليششش تزلين وتذكرين اسمه ليش ولججج هو ما زل لسانه ولا ذكرج يم غيرج دوسي روحج وطلعي من حيياتج انسي كل شي عشتي ويا الحلو قبل المر

اطوي الصفحة ولا تفتحينها بعد ..

كمت افتر وانظف بالكزاز وكلبي يرجف من حرب اخاف يدخل ويرجع يعيط بيه
بهاي حقه شنو ما حجة بس هم لازم يعذرني قيس جان زوجي لحد قبل كم شهر وان كان بعيد عن جسمي بس قريب من روحي وكلبي صعب واتعود ع حرب بهاي السهولة ..

طلعت اذب الكزاز ما موجود والباب مفتوح طلعت للطرمة شفته كاعد ع صفحة بالحديقة يدخن
ذبيت الكزاز بالحاوية
ضليت واكفة بمكاني مترددة
اباوع بس جمرت الجكارة مبينه وشوية من وجهه لان الضوة خافت
وصاير بظهره ..شي يكلي تقدمي صالحي انتي غلطتي وشي يكلي عوفي هو هذا ماتعرفين شنو يريد

عقلي يكول غضبه وغيرته تثبت هو ماعنده نيه سيئة وصدك شاريج ورايدج زوجة امشي صلحي الي خربتي بسبب زلة لسانج وانطي فرصة يدخل لحياتج يمكن يعوضج ويصيرلج الامان الجنتي تبجين لانج فاقدته

بس كلبي واكف حجر عثرة بطريقي ويرجعني ليورا خطوتين اذا تقدمت خطوة
والطريق كدامي يصير شطوله

هدوء وبس صوت نسمات الهوى تحرك الزرع حسيت لازم اخطي خطوة اتجاها مقابل الالف خطوة الخطاهن بأتجاهي

مشيت اله كال بهدوء :- المن جايتلي دخلي جوة يول
تقربت كعدت بصفة لفيت ايديني حول زنده وخليت راسي علي
ليلى :- وغلاة هادي زلة لسان مو مقصودة ولا افكر بي بس لان لساني ماخذ علي مو اكثر من هيچ

جر نفس تنهد سحب نفس من الجكارة وذبه بحرگه ، گال بحرگة گلب
حرب :- وريتيني ور ليتچ ذابحتني من الوريد للوريد ولا هل زلة
نار شبيتي بين ضلوعي وشيطفيها

تنهدت حركت ابهامي ع زنده :- اعذرني واصبر علي
ما رد
:- باردة تتمرض امشي فوت جوة واذا عدنه حجي نحجي جوة تريد تعاتب عاتب شنو عندك احجي بس فوت والله راح تتمرض

حرب :- خليني هين صدري انقبض ومختنگ كلش البيت صار علي مثل الكبور

ليلى :- حرررررب
حجيت مستائة ومديت اسمه كال وهو يقلدني ما عاجبه
:- هااااا

رفعت راسي مديت ايدي خليتها ع جانب وجهه ودرته علي
ليلى :- ادحك هين يولي
حجيتها وابتسمت

صفن بوجهي شمر الجكارة بالگاع وعينه وراها ورجع باوع لوجهي
مستغرب بعيونه حيره ايدي مخليتها ع وجهه صعدتها شوية ونزلتها بهدوء صارت ع رگبته
حسيت بنبضه عالي

رجف فكه ، كال بصوت خافت
:- وريت

:- شبيك؟
:- تغشمين نفسچ ليلى؟

نزلت ايدي خليتها ع صدره رفع طرف حاجبه
نصة رأسها خلاه ع كتفي ميل شعري برأسه وحط وجهه بركبتي بدون ما يبوسني
جر نفس طويل همس بذبول
:- تخافين علي من ليل الشتا البارد واني عشتو بقربج الف مرة

رفعت ايدي خليتها ع رأسه وتغلغلت اصابعي بين خصلات شعره
رديت :- اصبر علي اذا تريد ليل الشتا ينجلي وتطلع الشمس الدافية

حرب :- اني اطلعها ليلى .. كتلج حرب يريد ليلى حتى يعيش وياها الف ليلة وليلة

شال رأسه من ركبتي ما ادري شلون بحركة سريعة كام ورفعني من الكاع شالني
خليت ايديني حول ركبته وراسي ريحته ع كتفه
غمضت عيوني كلبي يرجف حسيت بي يدفع باب الغرفه ويسده ونزلني ع الجرباية

فتحت عيني باوعتله بخوف ما مستعدة للخطوة الحسيته ناوي عليها
حط عينه بعيني صفن لحظات وبدون ما حتى يبوسني ابتعد شوية

لحظات حسيت بأيده الجانت ع ايدي رجفت وسحبها وكام طفة ورجع تمدد بمكانه عادي

ضليت صافنة مستغربة اني جنت منتظرة يتقدم اكثر رغم ما مستعدة بس اذا تضل علي اضل طول العمر ما مستعدة وما نتقدم ونضل بمكانه لا طايلين السما ولا الكاع

باوعتله حط ايده ع عيونه كعدت ع حيلي اباوعله مستغربه كال بدون ما يشوفني
:- ماريد اجبرج اريدج من نفس راضيه

:- ليسمعك ما يكول انت جبرتني جبر ع هذا الزواج

شال ايده من ع عيونه باوعلي وكال بثقة
:- لان ادري انتي تستاهليني وترتاحين وياي وتعشكيني عشك بس تكابرين بالاول

:- والله عندك ثقة بروحك
:- شلون عجل اهيس شي تدري شنو
هزيت راسي شنو
:- انتي حبيتيني من اول نوبة بس تكابرين ضلي كابري اني اعرف شلون اجيبج وانولچ واحنه متراهنين من الف بوسة ع نحرچ

:لا والله ولا حبيتك كرهتك غير ساومتني

كال معصب ماقابل :- لاطمتني لاطمتني لزكت بعد لاطمتني هساع كلنالج جذب نخوف بيج ما نوصل لمرة بالحرام بس شيقنع عقلج المسربت يمعثوورة

نشغت :- عقلي مسربت؟

:- اي تربية نسوم عقلج مسربت كلش بالدليل هساع وريتيني مسربته انتي

:- اني مسربته؟

:- اي

:- خوش نشوف المسربته شتسوي بيك
درت وجهي وتمددت ناطيته ظهري معصبة ما قابلة ادردم علي وهو يضحك

درت علي بغضب :- لا تتمضحك خوش والله ادفرك
:- اكسر رجلج غير

:- لا تضحك لعد جاي تستفزني

:- بكيفي تذكرت شي يضحك وتا اضحك علي مو يمچ

:- اضحك الضحك بلا سبب من قلة الادب

سكتت صافنة على جفصتي ما حسيت غير كفخني بالمخدة وهنا حسيت شي حاد اجة ع ركبتي عطت وخليت ايدي ع ركبتي حسيت برطوبة

حرب :- ولج اني قليل ادب تا اشوف منو يرحمج

رفع المخدة يريد يضربني مرة ثانية وعطت لاااا
:- المخدة بيها كزازة
طفرت بسرعة من الفراش شغلت الضوة وكفت كبال المراية اشوف شوية دم ينزل من ركبتي

كام يكلب بالمخدة جان مديلها بيها شراشيب ومجلبة كزازة صغيرة بيها
:- عجل انتي مو نظفتي

خليت كلينس ع ركبتي والتفت اله
:- اي نظفت زين ونفضت الفراش بس مادري شلون عيني غفلت عن هاي

:- رجعي دققي خاف هادي يلعب ويتعور اني ما ادبرها انظف

تأفأفت حط ايده اخذ لكلينس ومسح الدم
:- معقم عندج?

هزيت راسي لا ضل يمسح بالدم وخله ايده فوك الجرح ضغطه
:- هساع يكطع ماهو غميگ
ضحك بسرعة لم ضحكته. ولم شفته لداخل حلگه
قبضت ايدي وضربته خفيف ع صدره
:- هم جارحني وهم تتمضحك شماته مو؟

هز رأسه لا
:- منفوسه هل رگبة ريحتها طيبة وضلت بنفسي

:- كل من ورة عينك تعورت ركبتي
مادري شلون بدون شعور ميلت راسي بدلع واشرت ع ركبتي
:- اذا ضل اثر تفصلني مالي دخل

:- شنو تردين الفصل؟

:- كيفك المهم فصل

:- سهلة نامي هساع والفصل نفكر بي بعدين

هزيت راسي اي غسلت وبدلت ملابسي تدمرن دم ورجعت للغرفة تمدد انطيته ظهري ونمت
شوية زحف صار وراي خله ايد جواي والثانية لفها ع خصري وسحبني لزك ظهري بصدره ونام ..

..

ورا يومين العصر كال بدلي نروح نشوف البيت كمل ضل بس اثاث بدلت لهادي واني وكفت كبال المراية اعدل نفسي خليت شوية كحل ومسكرة وحمرة خفيفه كلش استغربت شكلي بالمكياج ما متعودة ناسية حتى وبعرسي وخطبتي ولا باوعت لشكلي هواي ولا اهتميت

جريت كلينسة مسحتها بس اضل اثر خفيف كلش لبست العباية وطلعت لكيتهم هو وهادي يمسحون بالمرايات مال السيارة

شافني باوعلي رفع طرف حاجبه ورجع يمسح
خجلت من نظرته صعدت بدون كلام
فتح باب البيت طلع السيارة ورجع سده وصعد
هادي كعد ورا توسط
التفتت علي احذره :- هنا اكعد لتوصل للبيبان لتوكع ماما
هادي :- لا ماما هنا كاعد لتخافين

حرب :- عفية البطل ..

طلعنا للبيت جان حلو مساحته زينة وبنائه حلو
دخل حرب متحمس يشرح
هين نجيب طخم نحطو بهاي الصفحة والكاونتر نشتري جبير تا اعزم ربعي

افتريت بالبيت بي نواقص قليلة شغلة شهر شهر ونص يكمل ..

التفتت علي شفته يتفحص الشبابيك
كتله بفضول :- شعجب بنيتلك بيت هنا مو بالغربية؟ انت مناك اخوك خطية معاق وماعندهم واحد غيرك

جاوبني وهو مكمل بدون ما يباوعلي
:- شغلي هين بعدين ما يحتاجوني اكون يمهم مو ضروري وجودي ، واني شوفة عينج كل اسبوع اسبوعين امر عليهم اتسوگ واشوف شنو محتاجين

:- اي اعرف انت ممقصر واخوك عنده راتب وامك عدها تقاعد ابوك هذني كلهن حافظتهن اقصد وجودك قريب منهم يمكن يحسسهم بالامان

التفت باوعلي بنص عين
:- تردين نروح يمهم؟

:- لا لو اموت ما يردوني التوب يكتلني امك وخالاتك

:- عجل سكتي
اني لو اريد اخذج ونروح للغربية من عين باچر بس ادري ما تتوافقن واضل افاكك بين النساوين
خلينا بعاد وما مقصرين احسن

هزيت راسي اي استرسل بالكلام
:- البيت قريب ع الجامعة كلش تا نشوف شلون نرتب وضعنا بوكت الدوام
نسجل هادي بمدرسة قريبة حتى اكدر اجيبو من يحل

عقدت حاجبي مستغربة :- وين تاخذه؟

:- للبيت وين عجل؟ اشوف اخليج بقاعة يخلص بيها الدوام من وكت واذا اضطريتي تكدرين تضربين اخر محاضرة واني ادرسج

:- ليش شنو ناوي تقدملي بالاختصاص الي تريده؟
هز رأسه اي :-عندج اعتراض؟ لو مشكلة

قوست شفتي وهزيت راسي لا
:- ماعندي وما اعتقد اداوم راتب وعندي شسوي بالدراسة بعد؟

:- ليش انتي تدرسين علمود الراتب؟ ابوية انتي الشهادة تفيدج بعدين انكلبت بالعراق مثل ال2003 واجة نظام تعيس وقطع عنج الراتب واني ميت وما انطوج تقاعد صارت ازمة مثلا
تضلين تصفنين بيش تعيشين الجهال

:- يا جهال شبيك حرب

:- هادي وجهالنا اليصيرون

:- والله عجيب انت هسة الله كريم نشوف شلون نحلها من يجي الدوام

هادي :- عموو اكلك

:- هاا

:- الحديقة جبيرة خليلي بيها زحليگة الله يخليك

ضحك ولزمه من اكتافه شاله حيل خلاه ع كتفه كعده
حطيت ايدي حيل وعطت :- لا يطيح حرررب

حرب :- انتي شبيج جبانة راح تعدمين شخصيته خلي يصير زلمة كفو وما يخاف
طلع يمشي بي ويجاوبه
:- زحليكة ومرجوحة وزيادة عليهن مسبح اسويلك تريد؟

:- ايييي بس ماعرف اسبح
:- اني اعلمك

طلعت وراهم اشوفة صدك ضل يخطط يسوي مسبح
التفت وكالي
:- اني صدك مشتهي اسوي مسبح

هزيتله راسي لا ورفعت السبابة اشرله لالا
:- عليش يول حلو نبشبش بي بالصيف

:- النوب الجهال يغركون بي اذا تردون جيبولكم مسبح نترسه بالصيف تسبحون بي ونشيله مسبح تبني مادري تحفره ماكو ابد

:-لا والله؟ عيش يول والله نتونس
لكز هادي واشرله يحجي
:- والله حلو ماما نسبح بي اني وعموو ونشتري عوامه نتونس

هزيت راسي لا :- اذا يتسوى مسبح هنا والله ما ادخل للبيت ولا اكعد بي

:- قفلت بعد العنيدة كوم عمو تا نروح امك خربت مزاجنة
:- وين نروح
:- للالعاب نلعب بالزحليكة سوية امك نكدية

طلعنه قفل البيت واخذنه للالعاب كعدنا ع صفحة ضل هادي يلعب كبالنه
صعد بالزحليكة كعد وصاح مامااا عمووو شوفوني
ويتزحلك

متونس اخذنا حرب وراها اكلنا وافترينا شوية بالسيارة نزلنا للاسواق اشترينه ورجعنا للبيت
واني من امر كبال بيت السادة شريط حياتي كله يمر كبالي وبهذا اليوم تحديدا كلبي حسيته راح يوكف
لان هادي عاط
ذاااك بابا وهو واكف ورا بالنص مخلي نفسه بيناتنة يشرب عصير وضل يلوح بأيده لأبو

شفته واكف بيده صوندة يرش بالنبتات بالباب
وعينه صارت علينا شافنه وفز فزة واضحة وهادي يلوحله
هو رفع ايده بتردد لوح لهادي ونزلها وعبرنه كبل

بلعت ريكي متوترة وبعد ما باوعت حتى ع حرب
من نزلنه ودخلنا للبيت رحت للمطبخ اعزل المشتريات
اجة وكف وراي وكال بهدوء
:- ليش دحكتي ع قيس؟

رديت بدون ما اباوعله شاغله نفسي بالاغراض
:- ما باوعت بس هادي نبهنا بوجوده وباوعت بسرعه نظرة خاطفه

:- مرة ثانية لا تدحكين حتى لو نظرة خاطفة ليلى انتي ع ذمتي احترمي وجودي بحياتج

هزيت راسي وحجيت ان شاءالله

تنهد ودار وجهه طلع من المطبخ لليل فاجئني مشتري مبايل الي مخليلي خط
كال هذا احسن من الارضي يفيد اكثر

اخذته من ايده اكلب بي ما اعرفله قرب نفسه مني كلش لدرجة حسيت بدفو جسمه
وضل يعلمني شلون استخدمه وشلون اضيف رقم واتصل

ورا يومين كال رايح للغربية اشوف اهلي ويمكن اتأخر لنص الليل عمي مسوي عزيمة عشا حتى ابنه عزام يجي يطيح علي ويصالحنه
بس اني ما اصالحه النذل توبته يحجي بعرضي مرة ثانية والله اذا يجيب اسمج ع لسانو احشو الو حش من عرجو

:- دعوفه يمعود لا تسويلك سالفة وتالي كلها تصيح ليلى محد يغلط عزام

:- ياكلون تبن والله ليجيب سيرتچ ع لسانو ما يلوم الا نفسو الا ارجعو لبطن امو

ودعني وراح الصبح ضلينه وحدنا بالبيت مصفنين اني وهادي ..

...

دنيا ..

حلوة عطاية رب العالمين .. خصوصا بعد صبر طويل وتفائل كبير
من ينطي يرضينا ويعوضنا عن كل التعب التعبناه واحنه نحاول

جنت متفائله وامشي ويا عمتي للمختبر واحس بداخلي بشعور غريب كأني حسيت بروح موجودة بداخلي

سويت الفحص وانتظرت النتيجة ومن طلعت النتيجة نزلت دموعي فرح وحضنت عمتي وهي تباركلي لان اتأكد حملي

طلعنا اخذنا تكسي رجعنا للبيت ضليت افتر انتظر جية مؤمن حتى ابشره
نزلت زوجة اباذر تباوعلي مستغربة

:- فرحانة خير؟
:- سويت تحليل حمل الحمدلله طلعت حامل

:- هاا مبارك حبيبتي تكومين بالسلامة

:- الله يبارك بيج

طلعت للطرمة مكابلة الباب انتظر حطيت ايدي ع حلكي وكلت نسيت اشكر ربي ع عطاياه
صعدت بسرعة توضيت ومديت سجادتي صليت ركعتين وسجدت سجدة شكر طويلة
انفتح الباب حسيت بحركته وراي ينزع عبايته كملت تسبيح ورفعت وجهي اله اشوف ملامحه حتى اعرف اذا عمتي مبشرته لو لا

كعد تمدد وحط راسه بحجري
كال بهدوء :- شلونج دنيه؟
هزيت راسي مبتسمة :- زينة
تنهد ورجع كال :- دنية شلونج

خليت ايدي ع شعره :- سيد شبيك مو داگلك زينة؟
غمض عينه بتعب وفتحهن
:- مو اخذتي اذني ترحين للمختبر ويا امي شنو حللتي تحليل حمل لو ما رحتي؟

هزيت راسي اي بدون اي تعبير ضل ساكت هز راسه مقهور وكال الحمدلله ع كل حال
الله يزرع برحمج طفل مو مستحيله وانتي مؤمنه بمعجزات رب العالمين

مديت ايدي لزمت ايده وابتسمت خليتها ع بطني اضحك
:- عوضنا رب العالمين بعد الصبر كله وحملت مؤمن.. اني طلعت حامل

فك عيونه بسرعه وتجمعت دموع الفرح بعينه راسن غمض وكال بامتنان :- لك الحمد ربي لك الحمد
دار وجهه خلاه ع بطني باسها هواي
:- يا حبيبي عندي طفل اخيرااا ياربي يالطيف يامنان
جبرتني .. قر عيني بشوفة طفلي مولود سالم كامل الخلقة جيد الصحة واكتب لدنيتي السلامة

دنيا :- الحمدلله فرحت هيج فرحة ما تنوصف

كام بسرعة كال وهو يسرفن ردانه
:- اصلي واطلع هسة اشتري ذبيحة واوزعها ناذر

ضحكت وغطيت حلكي :- وعمتي ناذرة تسوي مولود وجابت الطريق كله تفكر يايوم تسوي وشنو تجيب ويا ملا تقرالها

:- وبعد عندي نذور من تجيبين بالسلامة
والج ناذر العمر كله دنيتي
نصة باس راسي غمضت عيوني مبتسمة

دخل يتوضأ نزلت خابرت ع بيت اهلي بشرت امي فرحتها بهذا الخبر ..

...

ليلى ..

خابرتني العلوية سلمت علي كلتلي
معزومة انتي وهادي يم بيت ابو مؤمن ام مؤمن مسوية مولود لدنيه لان طلعت حامل

:- ياا بعد عمري بالمبارك ان شاءالله
بس علوية اني شوية صعبة اجي

:- اي والله ادري بيج بس اني لان احبج واعزج عزمتج ام مؤمن كلتلي عزمي اعزاز كلبج
:- فدوة رحتلج بعد عيني انتي

:- هو مو بالبيت يمنه يم بيت ابو مؤمن شسالفة قنعي رجلج
:- والله ما موجود بالغربية بس اخابرله احجي ويا
:- اذا ماكدرتي جيبي هادي خطية يتونس ويا الاطفال واني وام مؤمن ماخلينا شي ما جبناه هداية للجهال وحلويات الجهال يحبون هيج
والله لو اكدر امر اخذه امر عليكم بس ماعتقد اكدر ماجاي افرغ

:- لا اذا ماكدرت اجي اني اجيبه اوصله هياتهم قريبين شمرة عصا

:- عفية بنيتي مو ماتجيبينه وياريت انتي هم تجين

:- ان شاءالله حبيبتي بيش الساعة
:- بال4 العصر
:- هاي هي حبيبتي

ودعتني ونهيت المكالمة ضليت كاعدة محتارة اخابر حرب ابلغه اخاف يعصب علي لو اغلس
بس عيب اغلس العلوية خاف تزعل احسن شي اخابره اطلب منه يسمحلي اطلع اوصل هادي واحتمال بالرجعة هم يرجعونه الي

طلعت رقمه بالمبايل وخابرت جاوبني يمه هوسة وسوالف كال الو
:- الوو هلو حرب
:- هلا ومرحبا بليل الشتا شلونج يول اشتاكيتي

ضحكت وكتله :-لا مالحكت احسك لسه بالدوام
:- ابتعد عن الاصوات وكال
:- اعبرلها الج هاي المرة ليش متصلة عجل اذا ما مشتاگة

:- هيج علمود شغله
:- تردين تسمعين صوتي
:- هو صوتك شلونه شو يخرع عليمن اسمعه

لميت شفايفي وغميت كصتي اسمعه يضحك
كلت بداخلي الحمدلله
كال ':- طاح حظج وصبغچ اكو وحدة هيج تحاجي زلمتها والله انتي مدهورة

:- راح يخلص رصيدي شلون ما تسمعني شنو اريد والله ضجت اسمعني شبيك
:-احجي تا اسمعج

:- اريد اذنك اوصل هادي لبيت عمته دنيا العلويات مسويات مولود وعزمنا

:- هساع انتي تردين توصلين هادي لو عازمينكم ما افتهمت

:- هااا

:- شبيج يول جاوبيني ام ها وها

:- اي عزموني اني وهادي بس ما اكدر اروح اريد اوصل هادي الهم تعرف جدته مرة زينه واصرت يحضر ماكدرت اكللها لا هي مافارغة تجي تاخذه

:- وصلي واذا مو ابيت اهل قيس غير بيت وتردين ترحين ماكو مشكلة روحي ورجعي للبيت ع وكت

:- تحجي صدك يعني اكدر اروك ماكو مشكلة
:- اذا مشتهية ترحين كيفج

:- يله اشوف للعصر لو ادز بس هادي لو اضل ويا

رجع سألني بيا بيت حتى يتاكد مو بيت سيد عبد الرحمن من اتاكد كال بكيفج

نهيت المكالمة كمت ركض حفيت وجهي ولقطت حواجبي وحضرتلي ملابس الي ولهادي

بس صار العصر سبحت وهادي سبح ولبس ملابسه
واني ترتبت زين وخليت شوية مكياج خفيف

اخذت هادي وطلعنا اول شي مرينا ع محل اخذنه حلويات بأيدنا ما رحنة فارغين وبعدين رحنا لبيت ابو مؤمن ضلينا نتمشى الهم هادي ركض قبلي لبيت سيد عبد الرحمن وكف بالباب

صحت علي :- لا ماما تعال مو هنا يم بيت عمة دنيا

:- اي اندله رايحلهم

:- اوكف لتركض تعال الزمك من ايدك

:- ماما عيب يكولون هذا صغير

:- شنو انت لعد؟ كبير؟ ما تكبر بعين ماما حبيبي

وصلتله مديتله ايدي لزمها وبهاي الاثناء انفتح الباب وكأنه منتظر وصولي
وطلع قيس فتح ايدينه لهادي
:- ابني البطل

عفت ايد هادي ركضله حضنه يبوس بي
كلبت عيوني بضجر وعدلت عبايتي انتظر سلامهم يخلص

رفع رأسه بهدوء اتجاهي وكال :-ام هادي شلونچ؟

:- الحمدلله يلا ماما امشي تأخرنا

اجت عيني ع ايده لزم هادي حيل يمنعه
كال موجه كلامه الي
:- ما انكشف وجه زوجج ؟ ما شفتي طبيعته الاجرامية
:- واذا شفتها شنو راح يصير يعني؟

رفع طرف حاجبه
:- هاا جيد عاجبج متزوجة واحد يمشي ويعارك بالعالم

:- ما يعارك بدون سبب من يطرق الباب يلقى الجواب هادي يوم تعااال نروح

ضل لازم ايده حيل يمنعه
ويحجي وياي بكل صلافة مسيطر
:- يجيج يوم وتعضين اصابعج ندم من تعرفين هذا تزوجج حتى يكسرني مبينه نيته واضحه

لميت شفايفي بغضب وبداخلي استغفر وكلبي يرجف والله لو حرب يشوف وكفتي هاي الا يذبحني

ابتسمت بمكر تك خد ورديت
:- تستاهل واذا نيته يكسرك مرة اني نيتي اكسرك الف مرة قيس
وهذا التكول عنه طبيعته اجرامية قوي وهذا مو اجرام هذا اخذ حق ومواقف
الزلمة يبين بمواقفه .. وهو بين

رفع حواجبه ماقابل :- هيج صار الحجي تردين تكسرين بيه؟
:- لانك تستاهل ترة ثنينكم بينتو
اني هم شفتك بالمواقف فرق بينكم شاسع
فرق بين اليحجي ع مرته ويشكك بيها ويخاف تطلع موزينه لو تسوي سالفة
وبين اليحرك لسان ابن عمه ويكسره تكسر لان طعن بمرته

ما عيرني ولا مرة .. ولا حرمني من شي
جنت وياك خالسني خلس حسرة علي اتنفس
صوتج لا تضحكين لا يعلى نصي لا تمشين لا تسوين
خليتني اخاف اغلط وازل واخاف احجيلك الضامته عنك

وين هو يعرف ومن حجيتله شكد جنت عايشة يم خالتي بخوف وحرمان ماعندي امان
ضل يسوي كل شي حتى يعوضني تريد الصدك ما حسيت بالامان الحقيقي غير بحضنه
ابتسمت مرتاحة وحطيت عيوني بعيونه

اشوف انهياره اعصابه ترجف احسه يريد يفترسني

كملت كلامي :- انت حتى المرة الي من ثوبك وجدها رسول الله ظلمتها وياك
مسمي بنتك ليلى

رد بغضب يبرر :- هي سمتها موو اني

:- ها ودلعتها خاتون تدري انت هيج جنت تسميني؟ جاوبني تدري ليش سكتت
ما تدري المسكينة يا غافلين لكم الله
ما فكرت بمشاعرها من تعرف انت مدلع بنتك مثل ما جنت تسميني؟ لا وين شتفكر انت ماعندك احساس اناني

تريد بس الي يريحك من يعجبك تطلك تطلك ومن يعجبك ترجع تجي تريد ترجع
اذا ما عجب مرتك اسم ليلى تدلعها خاتون المهم انت مرتاح ما تفكر بمشاعرها

:- شنو مشكلتج ويا الاسم ليلى

:- مشكلتي؟ اني ماعندي مشكلة وياك ولا عندي شي يمك قيس اقتنع اني ضليت ما اشوفك حتى

تحسر ورد :- بس اني اشوفج بكل زاوية بحياتي
صورتج انطبعت ع جفن عيني و ... قاطعته

:- استحي ع وجهك لازملك مرة متزوجة وتدور حجي وياها
نترت بغضب عوف هااادي اريد اروح اخجل شوية اخجل

هادي :- عوفني بابا ماما تعصبت

:- تعاال يلا

لم شفايفه يكبت غضبه وعيونه ما نزلها من علي صاير صلف ولا كأني صرت حلال غيره
عاف هادي جريته ومشينا ندمانة لان حجيت ويا بس كلبي مرررتاح بنفس الوقت من سمعته حجي لان محملة علي هواي

استغربت من كلب يحب ويحقد ع نفس الشخص بنفس الوكت بس اي هذا كلبي
لو يعشك هذا الشخص حد الموت مايكدر ينسى هو كسره وأذاه ..

حضرت المولود شفت البنات وفاء وحنان وسكينة وكعدت يمهن واجت دنيا باركتلها وكعدت يمي شوية
الملا تقرا مولد ودخلت فاطمة التفت من فز هادي وكال
اجت خاتون
وركض يسلم ع اخته حضنها وباسها وضل يعدل شعرها بأيده

مادري شنو حجة ويا فاطمة وهي ابتسمت وهزتله راسها بعدين عرفت استأذنها حتى يجيب خاتون تكعد يمه

جريت نفس ودرت وجهي عنها لان ضلت تباوعلي
ومن خلص المولود العلوية كالت خلي يلعب عماته ملتمات هم يتعشا يمنه واجيبة ورا العشا
كتلها تمام ورجعنا نتمشى سوية هي دخلت لبيتهم واني عبرت لبيتي

بالليل جابته الي وحرب تأخر
خابرت علي كال اتأخر اكثر ماخذة النسخة الثانية وياي انتي نامي ارتاحي اني افتحو للباب من اجي

وصيت هادي ما يكول كدام حرب شفنا ابو كتله حتى اذا سألك لا تحجي

نام واني ما اجالي نوم ضليت كاعدة بالصالة منتظرته سمعت صوت الباب ينفتح كمت مشيت وكفت كباله فتحه ع كيف ديفوت ورفع راسه
تفاجئ من شافني كال
:- شنو مانمتي

:- لا ما اجالي نوم انت تأخرت
ما حسيت غير ينصي ويبوس خدي
:- شلونج يمعثورة؟

ابتسمت هزيت راسي :- زينة اهلك شلونهم؟
حفصة شلونها؟

:- زينين يسلمون عليج
:- الله يسلمك

قفل الباب من جوة كتله :- حضرتلك الحمام اذا تريد تسبح
:- اي رحم الله والديج معدلة كملي معروفج وفوتي وياي
ضربته ع زنده اضحك
فاسد

:- راح تاخذ ايدج وتكفخيني هيج كدام الوادم ونشتهر شهيرة

:- لا تخاف ماتاخذ

عفته يخوزر بيه بس لام ضحكته كوة فات للحمام يسبح شوية وطلع ينشف بشعره خلا المنشفه ع الدرج واجة كعد كبالي
:- شلونه هادي

:- زين ضل يم بيت جدة وجابته العلوية ورا العشا
باوعلي من فوك ليجوة لابسة دشداشة قصيرة لونها بنفسجي فاتح ورافعه شعري ومخليه حمرة خفيفه
اكلني اكل بعيونه

حرب :- البنفسجي لون عظيم محليته انتي

درت وجهي عنه مرتبكة ..
مد اصبعه ع حنجي دار وجهي علي .. باوع بوجهي صفن بتفكير ذب نفس
غمضت عيني كلبي ضل يدك بسرعة
حسيت بانفاسه صارت قريبة نصة رأسه صارت انفاسه بركبتي ضل يمشي خشمه ع ركبتي من فوك ليجوة

رجفت ايديني لزمت الدشداشة حيل بين الاريده يتقرب حتى نبدي صفحة جديدة ويصير بيناتنا تعلق
وبين الرافضة

ذبيت نفس ابتعد شوية لزم خدي وضل يمشي ابهامه ع خدي
:- شبيج يول شجرالج؟ ليلى انت شنو تردين بالضبط فهميني

رفعت اكتافي وقوست شفايفي بمعنى ما اعرف
تحسر وايده مشت لشعري ضل يلعب بي
جر خصله قربها من وجهه غمض عيونه شمها حيل وتحسر

حرب :- اريدچ ليلى .. لا تضلين حارمتني منج نشف ريكي عليج

بلعت ريكي متوترة وميلت راسي
تقرب اكثر وجهه صار مقابيل وجهي كلش عيونه تمشي ع ملامحي سبل عيونه وهمس
:- والله اريدچ اريد اتوسد صدرج الدافي وانام
ضلت حسرة بكلبي احط راسي هين اغمرو واشم ريحتج
حجاها واشر باصبعه ع صدري

نزلت ايده حيل ..لزم ايدي خلاها ورا ظهري .. وقرب وجهه اكثر مني رجفت شفايفي غمضت عيوني مستسلمة وقابلة بأي شي يريد يسوي حتى لو ما جنت مستعدة ..

حسيت برجفته جريت ايدي رفعتها خليتها ع صدره دكات كلبه واضحة كلش .. وانفاسه قريبة كلش حسيت بشاربه دغدغ حنجي جاي يرفع رأسه يريد يبوس شفتي وسمعنه صوت الباب انفتح

فزينه ثنيناتنا وكل واحد طفر بصفحة نرجف مرتبكين
طلع هادي بدون ما ينتبه النه مشا للمطبخ اخذ بطل ماي ورجع وهو ولا منتبه
ضليت ايدي ع كلبي كمت بسرعة بدون ما اباوع بوجهه خجلانة ودخلت للغرفة ..

شوية وفات وراي بس وجهه احمر وكصته عركانة رغم باردة شوية غطيت راسي كلش تمدد بصفي جر الغطة حيل وغطة راسه وياي

غمضت عيوني حيييل همس بوجهي
:- اني جاي هادود
:- عليمن؟
:- ع الشفة يول ورتني ور

سكتت. ما رديت
همس بذبول :- بداعة هادي احجي شي ترديني اقترب والله انهد حيلي

جريت نفس دفعت الغطة وكعدت ع حيلي
:- ما اعرف شوية مترددة
هز راسه جرني طيحني ع صدره وحضني حيل باس راسي
:- براحتج يول بس خليج ع صدري نامي هذا وسادتچ وعمت عيني اذا اعوفج يوم وانام وانتي ماهي بحضيني

سكتت غمضت عيني لحد ما غفيت بس جنت احس برجفته ودكات كلبه السريعة كلش ..

....

الشيهانة ..

بعد الايام الصعبة المرينا بيها كان احسن شي وافضل حل هو مراجعة طبيب نفسي
لان اني حسيت كل الشفته قبل بكفة وشوفة جبران وهم يطبرون كفوفة بكفة ثانية ..

وجبران سودة علي لا يحجي ولا يشتهي ياكل ولا يشرب نفسيته متأزمة كلش ..
بعد السؤال حصلنا طبيب زين وحجزنا عنده موعد ورحناله مرتين بس الوضع يمي ويمه ما يتحسن
الدكتور كال انتي رابطة شفائج بي
اذا شفتي تحسن تتحسنين وهذا الشي غلط
كتله يا غلط دكتور اني روحي رابطتها بروحه ضلت ع نفسيتي كل شي بيه يروحله فدوة

فززني من صفنتي صوته يطلب مني اساعده ياخذ الحبوب حجة بغصة خجلان
تقربت منه ابتسمت حتى اخفف عنه وخليت الحبوب بحلكه وشربته ماي
ضليت امسح ع لحيته تنهدت
جبران :- انتي صدك قابلة تكملين وياي بهذا وضعي؟
:- جبران م ما مليت من هذا السؤال؟ شنو ا انت شبيك ما تثق ب بشيهانتك ?

هز راسه اي وعيونه تباوعلي بحزن
:- واثق والله بس انه صرت عاله وصرت انسان متعب
هسة لو يطيبن ع الاقل اعود نفسي الزم الخاشوكة واكل واشرب ماي اكض اشياء

:- ليش بيهن وجع
هز راسه اي مقهور وغمض يتحسر
:- س سودة علي حبيبي سودة علي اتمنى ا اكدر امسح ذاك اليوم الاسود من ذا ..ذاكرتك

جر حسرة وعيونه صارن حمر
:- كل ما اتذكر وكفته كبالي يبتزني ويهددني يفتر عليجن وحدة وحدة وحدة ويسوي بيجن ازيد من السواه بشمس اشتعل نار

:- لا تتذكر جبران ا ا ا انسى مات الله لا يرحمه ب بعد مايكدر يوصل النه
شح نظره عني
يباوع بعيد

باوعتله بقهر اشوفه ذبل كبالي وعيونه كلها قهر
رجع باوعلي يتحسر
:- ليش عماه الطمع والغيرة؟ تدرين شنو يكلي؟
يكلي اني شلت مسؤولية الشغل كلها ويا ابوي وانت وعماد مدللين يكول اني ابوي تعبني وانتم دللكم
تخيلي يغار من عدنا ..

ثنين هدمو حياتنا دمرونا اتمنى اعرف هدير هسة شنو وضعها .. شنو جاي تسوي شنو شعورها
اريد اشوفها مكسورة ومتعذبة.

:- اني ماريد اشوف. و ولا اعرف وضعها. خ خليهم يولون واحد مات والثانية بعد ماعدها ظهر ض ضلت وحدها هسة تصكعها الدنيا وتوكع بشر اعمالها

هز راسه اي غير الموضوع متعمد :- صگر يمته يجي؟
:- ب باجر ان شاءالله ..

كعدت بصفه خليت راسي ع صدره لف ايدينه حولي كتلني القهر والحسرة
كطعو كفوفه الله يكطع عنهم الهوى .. الله يحرمهم من ريحة الجنة ولا ينزل عليهم ذرة رحمة لا بالدنيا ولا بالاخرى ..

رفعت وجهي اباوعله
:- ص صگر يريد يتطمن علينا ب بس شعلان فرحان بجيته
ابتسم هز راسه :- زين راح يشوفه ويفرح ورا هذا الضيم كله المرينه بي نفسياتهم تعقدت

تحسرت ونصيت راسي مرتبكة خفت اسأله والجواب يقهرني
فهم سكوتي كال: - شنو عندج احجي شيهانتي
احجي حبيبه كلبي

:- جبران انت تشوف شمس سبب بالصار بيك?

:- اني سبب بالصار بشمس شمس لو لولوة وحدة منهم جانت راح تنخطف ويصير بيها الصار نفسه
هم نيتهم يشوهون سمعتنة ويكسرونه ويلزمون التصوير مستمسك ضدنه يبتزونا بي
اني الجنت سبب بالصار بشمس مو العكس

لو ما كره عادل وطمعه وغيرته ما جان خطف شمس ودمر نفسيتها بالسواه هو واختج الساقطة
شمس لا تعرفهم ولا متعاونة وياهم

:- هي ش شايله هم و وبس تبجي 24 ساعة خطية
ت تكول كلشي صار بسببي

هز راسي لا مقهور :- مالها ذنب نسيتي اهلج الماتو محتركين همه حركوهم لو سجنج وسجني واعدام عماد .. والسحر السووه الج
شمس وين جانت؟ هم بسببها؟ بوية هم ناس شرانيين وشمس من طبت حياتنا صارت بنتي اني من رحت محترك رحت محترك علمود شرف بنيتي
واذا ع الجفوف سهلة مستعد انطي الروح حتى ما ينمس شرف بناتج ولا سمعتهن

دمعت عيوني بجيت مقهورة خليت كصتي ع كصته
:- ي يلومني الدكتور ع كد تعلقي بيك يلومني ل لان رابطة سعادتي بسعادتك مايدري انت شنو من بشر
ماكو منك ثنين بهاي الدنيا اروحلك فدوة
اني مقصرة بحقك اتمنى مرة وحدة اصير بوجه المدفع واحميك ليش كله انت ليشششش

:- اشش هذا واجبي انتي ما تتعبين بشي ولا تتأذين
اني اتحمل كل شي لخاطرج عيناي
حنينة اهلي اصبي عيني لا تبجين
اذا نزلت دمعتج روحي تتعلعل فوك ماني معلعل

هزيت راسي اي ميل راسه حط خده ع خدي يمسح دمعتي زدت بالبجي وحضنته حيل

ضليت ع وضعي فترة ابتعدت شوية عنه مسحت باصابعي دمعة نزلت بضعف من عينه
وبست عيونه
:- لا تنقهر انت ح حبيبي وتاج راسي و وعمرك ما تنقص
لا تشوف نفسك ن نقصت

كال بغصة وهو يهز راسه اي بشكل هستيري
:- ادري واثق ادري ادري النار البكلبي من شي ثاني

عقدت حاجبي مستغربة كتله بهدوء
:- من شنو جبران فهمني ليش انت تكول خسارة كفوفي تهون نار كلبي من شي ثاني ليش هواي تكرر هذا الحجي فهمني فدوة رحتلك فهمني
حيرتني والله

غمض عيونه يبجي بحركة وكال بحسرة
:- انه كتلت عادل بايديني ذني انه كتلت اخوي ابن امي وابوي وانه مو ناقص مثله ولا ماعندي كلب مادري شلون طاوعني كلبي وكتلته
سهير انه كتلته والله ما عبرتني كضوني وكطعو جفوفي الكتلت بيهن اخووووي .....للحكاية بقية

رأيكم بالقصة يهمني

@wattpad_zanzon

هذا يوزر قناة التلي بنات فوتو بيها الواتباد ينغلق يمي ما اكدر انزل بي تنويهات

رجعنا للنشر اعتذر عن التاخير بلغت بالتلي
والدتي تمرضت ودخلت مستشفى مرتين واني وياها مرافقتها
اريد دعائكم الها فدوة رحتلكم 🙏
ادعولها بالصحة والعافية وادعولها الله يخفف المها