تحميل رواية هو خطئي الجميل بقلم مريم محمد pdf

مصعب: حاضر اطلعي غيري و انا هغير و انزل استناكي

هزت خديجه راسها و طلعت

اما ملك و الجد

الجد: تعالي يملك نقعد ندردش مع بعض

ملك: ماشي يجدو

قعدت ملك و جنبها الجد

الجد: مالك يبنتى وشك حزين كدا ليه و شاحب و عينك باين فيها الوجع

نزلت ملك راسها في الارض و هيا بتحاول تتمالك دموعها: أبداً يجدو انا كويسه

الجد بحزن عليها: بتحبي مصعب يبنتى

بصتلوا ملك و هيا بتبكي و دموعها بتنزل بغذاره: ليه يجدو القلب بيحب حد مبيحبوش ليه كلنا نفضل موجوعين مصعب بيحب خديجه و هيا مش عايزاه و هيا بتحب مصعب بس شايفه فرق سنهم عاقه و انا بحب مصعب بس هو شايفني صاحبته و عز بيحبني بس انا شايفاه صديق ليه كلنا قلبنا واجعنا ليه بنحب ناس مش مخترانا ليه حبيت واحد بحاول اعالج قلبه بقالي كام سنه و اول مايشوف حبيبته رجع لنقطه الصفر و كل الي عملتوا الكام سنع دول راح هدر يجدو انا قلبي واجعني اوي اوي

الجد: ياااه يملك كل ده عايزك تفهمي يبنتي ان قلبك مش بأيديك عشان تحبي حد مختارك وانتي مختاراه و خديجه كمان مش وحشه يبنتي ده زي ما انتي قعدتي معاه تلات سنين هيا قعدت معاه العمر كله و حرمت نفسها من الجواز عشانه من الاخر كلكم مظلومين يبنتى

ملك ببكى وهيا بتشاور على قلبها: طب و قلبي يجدو

الجد: جربي قربي من عز وانتي عارفه انه بيحبك مش يمكن يداوي جرحك

ملك بحزن: محدش هيقدر يجدو ده مصعب احتل قلبي

الجد: انا عارف انك كنتي السند لمصعب خلال التلات سنين بس الي في قلب مصعب لخديجه عشق ف السنين مش هداوي قلبوا زي ما انتي كنتي فاكره

ملك بحزن: طب وانا الي حاسه بيه من نحيته ده ايه بس

الجد: بتحبيه مش هنكر ده بس لازم تعالجي قلبك

هزت ملك راسها بحزن

عند خديجه و مصعب طلعوا قعده في الجنينه

مصعب وهو بيحاول يبقي بيتكلم عادي: ايه يا ديجا

خديجه: انا عايزه اعرف حاجه واحده بس وانت ابنى وانا من حقي اعرف

غمض مصعب عينه بعصبيه بسبب كلامها و تفكيرها

↚

خديجه: انت و ملك بتحبه بعض و مرتبطين صح

مصعب بصدمه: ليه بتسألي السؤال ده

خديجه: هو انا مش من حقي اعرف

بصلها مصعب في عينيها بعشق و رد: انتي من حقك تعرفي اي حاجه يا ديجا

خديجه: طب قولي

مصعب: لا مش مرتبطين

خديجه بتوتر: بس انت بو و سكتت بخجل

مصعب: بوستها عارف بس مش عارف عملت كدا ازاي و بعدين اعتذرت منها

خديجه: اوعي تلعب بمشاعرها يمصعب

مصعب: مقدرش ملك دي كل حاجه ليا الي كانت سند ليا الي وقفت جنبي و حاولت تعالج وجع قلبي و كمان حبتني للأسف و بقى هيا كمان قلبها موجوع و رغم كدا بتحاول تخليني انا كويس

خديجه بحزن و هيا بصالوا و بتتأملوا: محدش بيختار الي هو عايزه يمصعب

و قامت وقفت و باسته على راسه و دخلت و سابته

غمض مصعب عينه بحزن على حالوا و حال الجميع: ليه ليه بجد ليه انا عايز اجابه ليه بيحصل معانا كدا ليه كلنا موجوعين

ملك من وراه: مين كلكم دول

مصعب بحب: تعالي اقعدي يحبيبى متقفيش

قعدت جنبه ملك و هيا حاسه بغصة وجع في قلبها بسبب الكلمه الي معناها حبيب و هيا مش حبيبه للأسف

ملك: هو احنا هنرجع ايطاليا امتى

مصعب: هنقعد مع جدو اسبوع بعدين هنسافر

ملك بحزن ونطقت بشرود: وانا هستحمل اسبوع

مصعب: ازاي مش فاهم

ملك: ها لا ولا حاجه انا عايزه انام

مصعب: تمام تصبحي على خير

دخلت ملك و هو قام وراها و دخل طلع غرفة جدو

مصعب: ممكن اتكلم معاك

الجد: طبعا يا حفيدي

قرب مصعب من سرير جدو و قعد جنبه

مصعب بتوهان: انا مش عارف اعمل ايه قولي اعمل ايه

الجد بتفهم: اعمل الي هتحس انه هيريحك و يرضيك و يرضي كل الاطراف

مصعب: بس الي هيرضيني مش هيرضي كل الاطراف

الجد: طب قولي ايه هو الي هيرضيك

مصعب: الي هيرضيني هو ووووو

↚

مصعب: الي يرضيني ان خديجه تبقى ليا و معايا وانا والله حبي ليها يكفيني انا وهيا

الجد: انسي يحفيدي كفايه بقى خديجه خلاص اتخطبت يبنى

مصعب بحزن: بس انا بحبها شوفت بقى يجدي ان الحل الي انا عايزه و هيرضيني مش هينفع

الجد: عالج قلبك يبنى و شوف مين يستاهلك و يكون حبها يكفيك انت و هيا

فهم مصعب تلميح جدو

مصعب: مش هقدر هظلمها معايا يجدو و انا قلبي مع حد تانى

الجد: الحوار بقى معقد اوي يمصعب

مصعب: وانا والله تعبت يجدو

في اليوم التالي بعد الغداء كانت خديجه و الجد و ملك و مصعب قاعدين

خديجه: جدو بعد اذن حضرتك عزت جاي ياخدني يخرجني

الجد: براحتكم يبنتى

مصعب بعصبيه حاول يتحكم فيها و معرفش: لا مش براحتهم و هيا مش هتخرج معاه وهو لو عايز يشوفها يجي كل اسبوع يقعد معانا و مش هيكونه لوحدهم

الجد: يبنى هيا مش صغيره سيبها براحتها

مصعب بغيره عليها: جدي انا قولت الي عندي

خديجه: اظن دي متخصكش

بصلها مصعب و قال في نفسه اتقولي لي ما شأنك احقًا تكسريني للمره التي لا اعلم عدادها حقا صرت مثير للضحك و الشفقه

مصعب بحده: خديجه انا قولت الي عندي

كانت بصالوا ملك و شايفه غيرته على خديجه و حست انها مش مستحمله و قررت تنسحب على غرفتها

ملك وهيا بتحاول تبان انها كويسه: انا هطلع اوضتي عن اذنكم

الجد: لسه بدري يبنتى

ملك: عايزه انام شوية

طلعت ملك غرفتها و هيا بتعيط و قررت تلم هدومها و تمشي تسافر قبل مصعب لانها مش قادره تستحمل

اما تحت عند مصعب بص ناحية ملك الي طلعت بحزن وهو حاسس بوجعها الي بيحس بيه زيها و رجع بص للجد بيأس و بص لخديجه بحده: اظن كلامي مفهوم يخديجه

في ذلك الوقت دخل عزت وهو مبتسم و سلم على جد و خديجه و جه يسلم على مصعب الي كلمه وحش بسبب غيرته

مصعب ببرود: اهلاً

عزت بحرج: ازيك يمصعب باشا

هز مصعب راسه و سكت

خديجه: معلش يا عزت على طريقة مصعب هو بس مضايق

عزت بأبتسامه و رجوله: لا عادي ده زي اخويا الصغير

مصعب بعصبيه و غيره: انتي بتبرري ليه

↚

خديجه بحده عشان توقف مصعب عند حده: عشان ده خطيبي يمصعب

خرج مصعب للجنينه بسرعه و هو مضايق و حاسس بالحزن و ان لحد امتى هتفضل تكسره كدا و لحد امتى هيفضل يحاول على فاضي

جه الليل و خديجه قعدت هيا و الجد مع عزت زي ما مصعب قالهم ان مفيش خروج و عزت كان مرحب جداً و قدر كلام مصعب

عند ملك كانت جهزت ولمت هدومها بعد ما حجزت تذكره من غير ما تقول لحد و قررت تفاجئهم

نزلت من الغرفه و في ايدها شنطة هدومها

الجد بستغراب: رايحه فين يبنتى

ملك بحزن و نزلت دمعه من خدها من غير ما تحس: مسافره يجدو راجعه ايطاليا وكلها كام يوم و مصعب كمان يجي

خديجه: طب ما تستني تسافري معاه

ملك وهيا بتحاول تمسك نفسها من البكى: لا مش هينفع

بصلها الجد بحب: انا فاهم شعورك و ايه سبب سفرك يبنتى تعالى في حضني اودعك يحبيبتي و ان شاء الله مش هتكون اخر مره اشوفك

بعدت عن الجد و بصت لخديجه

خديجه بحب: حقيقي انا حبيتك

ابتسمت لها ملك و مسكت شنطتها

الجد: مش هتطلعي لمصعب اوضته تودعيه

ملك: خلاص مش لازم

الجد: استنى يبنتى مينفعش

انفجرت ملك في البكاء: مش هقدر يجدو و خدت شنطتها و طلعت تجري

الجد: اطلعي بسرعه يخديجه اندهي مصعب يلحقها

خديجه: حاضر

عند ملك طلعت من القصر بتبكي و هيا بتجري

و كان في ذلك الوقت عز داخل القصر و شافها و هيا بتجري

عز: ملك استنى

وقفت ملك و بصتله

عز: رايحه فين

ملك ببكى و شهقات: مسافره راجعه ايطاليا

عز بحزن: متسيبنيش قصدي متسيبناش

هزت ملك راسها جامد كذا مره: مش هقدر صدقني و طلعت تجري

عز بحزن و هو بيتكلم و شايف طيفها بس: متسبنيش

ع

↚

طلع مصعب وهو بيجري وشايف صاحبه حزين

مصعب بحده وهو بيجري ورا ملك: مـــــلــــك

وقفت ملك وهيا بتترعش و مش موقفه بكاء

قرب منها مصعب ومسكها بأيده الاتنين من وجهها بحنيه

مصعب: اول مره احس ان روحى هتطلع مني كدا، متسبنيش يمجنونه

وشدها في حضنه

ملك بشهقات اثر بكائها: همشي وانت تعالى كمان كام يوم لما تخلص قعدتك مع عيلتك

مصعب: هنسافر سوا كمان يومين

ملك وهيا بتتكلم من بين شهقاتها: مش هقدر

مصعب: انا فاهم الي انتي فيه لاني عايش فيه زيك بس متسبنيش في المدفع لوحدي انا بقوي بيكى استنى يومين و نسافر سوا عشان خاطري يملك

هزت ملك راسها و سكتت

شالها مصعب و مسك شانطتها و رجع بيها شاف عز واقف عند القصر ولسه مصدوم زي ماهو

عز بفرحه: ملك خلاص مش هتسافري

مصعب: هتستناني تسافر معايا

هز عز راسه وهو فرحان انها مش هتسافر و غيران انها في حضن صاحبه و حزين على وجع قلبه

دخل عز مع مصعب القصر

كانت خديجه و الجد واقفين مستنين يشوفه ايه الي حصل

الجد: هيا كويسه يبنى

مصعب: اه هطلعها اوضتها و نازل

عز: هات انا اطلعها

بص مصعب لملك الي رافضه تسيب حضنه و بص لصاحبه العاشق الحزين

نزل ملك على ارض و بصلها

مصعب: هتطلعي لوحدك ولا عز يسندك

ملك: لا هطلع انا

طلعت ملك و عز بص لمصعب

مصعب: ايه يابو العز

عز: كنت جاي عايزك في شغل

مصعب: شغل ايه

↚

مصعب: شغل ايه

عز: صفقه هدخلها معاك في شركتك

مصعب بفرحه: بجد، ده احلى خبر سمعته

و بعد منقاشات عز مشي و الجد طلع نام و اتبقي مصعب و خديجه

مصعب: خديجه انا جعان

خديجه بضحك: تصدق انا كمان جعانه

مصعب بحماس: طب يلا نقوم نعمل مكرونة

خديجه بحماس أيضاً: يلا

قام مصعب و شد ايد خديجه و دخل المطبخ وهما بيضحكه

فضلوا مع بعض في المطبخ بيعملوا المكرونة وهما بيهزروا و بيضحكه

قعده سوا ياكله في تربيزة المطبخ

مصعب: انتي بتحبي عزت يخديجه

خديجه وهيا بتبلع الاكل: امم مش عارفه الصراحه بس انا مشدوده ليه

حاول مصعب يبلع غصة الوجع الي حس بيها

مصعب: امم يعنى ممكن يقلب بحب

خديجه: اكيد ده خطيبي و انا مرتحالوا جداً

مصعب: ربنا يتمم على خير انا شبعت هطلع انام

خديجه: اوك وانا هكلم عزت عشان رن عليا بعدين هنام انا كمان

هز مصعب راسه و طلع من المطبخ على غرفته وهو مضايق

مسك تليفونه يشوف الساعه كام شاف صورته هو وملك الي حاطتها بروفايل لتليفونه فأبتسم تلقائي

مصعب: وبعدهالك يعم مصعب انت بتحب مين ولا عايز مين، انا لازم افهم و معملش الي بعملوا ده ولازم افهم مشاعري لأن بجد انا كدا تعبت و كدا غلط اوي

قعد مصعب طول الليل يفكر هو بيحب مين ولا محبش حد أصلاً ولا ايه و مكنش فاهم حاجه

في صباح اليوم التالى نزل مصعب من غرفته شاف عزت و خديجه قاعدين

مصعب: هو انت مش كنت عندنا امبارح هو انت هتيجي كل يوم

عزت بأحراج: لا والله أبداً يمصعب بيه هو بس خديجه تعبت شوية وانا جيت اشوفها

مصعب بقلق على خديجه: مالك انتي كويسه

قامت خديجه بعصبيه: بطل تكلم عزت كدا يمصعب متنساش ان ده خطيبي و مش هسمحلك تكلمني كدا

مصعب بجمود و حده: تمام يا... ماما

خديجه بصدمه: ماما

ووو

↚

الأخير

مصعب: اه طبعاً ماما

خديجه: بس انت كنت بتفضل تقول خلاص إني مش امك

مصعب بجمود: لأ أمي خلاص، عن اذنك هسيبك مع خطيبك

طلع مصعب عند غرفة ملك و خبط عليها و بعد دقايق ملك فتحتلوا

ملك بوجه شاحب: مصعب اتفضل

دخل مصعب و ملك سابت الباب مفتوح و راحت قعدت جنبه

مصعب بحنيه و تأنيب ضمير لانها في الحاله دي بسببه: عامله ايه

ملك بأبتسامه شاحبه: كويسه الحمدلله

مصعب: اتمنى ده من كل قلبي

ملك :متقلقش ثم اكملت بشحوب خوفًا من ان ميسفروش بكرا: هو احنا مسافرين بكرا صح

مصعب:اه ان شاء الله هحجز لطيارة بكرا

ملك براحه: تمام

عند عز كان قاعد في غرفته و مامته قاعده قصاده بتكلموا

مامته: يبنى انت عارف ان بنت خالتك بتحبك اديها فرصه

عز: يماما انا مش بحبها غير زي اختي

مامته: متكسرش بقلبها يا عز دي بتموت فيك ادي لنفسك فرصه معاها

عز: ماما كفايه بقى

مامته: طب اخر حاجه هقولها بنت خالتك على تليفون و عايزه تسلم عليك ولو مش كلمتها عدل ولا انت ابنى ولا اعرفك

عز بنفاذ صبر: تماااام يماااما

خد منها التليفون و رد بقتضاب: الو

غرام بخجل: ازيك يعز

عز بجمود: الحمدلله

حست غرام انها عايزه تعيط بسبب طريقته بس مسكت نفسها: يارب دايما

حس عز بيها وانا هتعيط

عز بطيبه: انتي عامله ايه

غرام بخجل و صوت هادي: الحمدلله

في بيت مصعب

كان الجد قاعد و قصاده خديجه الشارده

الجد: مالك يبنتى

خديجه بخوف: انهارده عز قالي يماما

الجد: أخيراً رجع قالك كدا و شال الي في دماغه اهو كدا انتي ترتاحي وهو بقي يفكر صح و الكل يرتاح

خديجه بحزن: عندك حق

و قامت طلعت وقفت في الجنينه و بصت للفراغ و دموعها نزلت وهيا حاسه ان خلاص مصعب هيبطل يحاول و كدا هيبعد عنها خلاص

خديجه ببكى و صوت عالى: انا غبيه انا عارفه اني غبيه جارحته كتير و تعبته كتير و روحت اتخطبت و جايه اندم في الاخر بس اعمل ايه فرق السن خلاني افكر كدا

فضلت تعيط شويه لحد ما هديت و مسحت دموعها و قعدت على ارض

اما فوق دخل مصعب البلكونه و شاف خديجه و هيا قاعده على ارض و بتبص للسما و كان مركز معاها اوي حتى لما دخلت ملك عليه الاوضه محسش بيها

راحت وقفت جنبه و شافته باصص على خديجه

ابتسمت بخيبة امل و بصتلوا

ملك: مصعب

مصعب: هـــا خديجه... ق قا قاصدي ملك

ملك: مالك متوتر كدا ليه

مصعب: اتخضيت بس

بصت ملك على خديجه بعدين بصتلوا و قالت سؤال متوقعهوش منها: بتحبها

مصعب بتوتر: هيا مين

↚

ملك: خديجه

بص مصعب على خديجه: ايوا بس خلاص بقى طاقتي خلصت

ملك بحده مليانه حزن: وطلاما بتحبها هتسافر معايا ليه خليك جنبها بقى لانها هتوحشك

مصعب: خلاص حياتي كلها بقت مبنيه في ايطاليا

ملك: يعنى ده السبب الي مخليك مضطر تسافر ايطاليا

مصعب: و السبب الاهم اني متعلق بيكى

اكتفت ملك بأبتسامه

ملك: هروح احضر هدومي عشان السفر بكرا

مصعب: ماشي و انا كمان هحضرها

في صباح اليوم التالى نزل مصعب و معاه ملك و كان عز موجود عشان يودعهم و خديجه و الجد واقفين

اقترب مصعب و ملك من الجد و حضنوه

الجد: متتأخروش عليا يولاد

مصعب: كل اجازه هنكون عندك يجدو

سلمت ملك على خديجه و راحت عند عز و ابتسمت

ملك: انت اخ بجد مش مجرد صديق يعز بجد انا محظوظه انك في حياتي

ابتسم عز بألم و سلم عليها

ملك: هستناك بره يمصعب

هز مصعب راسه

خديجه: مصعب تعالى معايا الاوضه عايزاك

مصعب: تمام

و طلع معاها

الجد: وجعك كلام ملك يبنى صح

عز بألم: عادي يجدو انا موصلتش لمرحله صعبه يعنى

الجد: هتنساها يبنى صدقني

عز: هحاول صدقني هحاول.. بنت خالتي بتحبني وهيا الي تستاهل قلبي بجد و انا كمان هحاول احبها و ادي لنفسي فرصه معاها

ابتسم الجد و حضنه

عند مصعب كان واقف في بلكونة اوضة خديجه و خديجه جنبه

خديجه: انا عارفه انك كل ده كنت بتحاول معايا وانا كنت بكسرك كتير كنت بفكر في فرق السن على طول والله و كنت بخاف لتزهق مني لحد اول امبارح حسيت انك بتحبني بجد و فرق السن مش فارق معاك بس بردو بغبائي جيت امبارح و جرحتك بردو، انا اسفه يمصعب ثم كملت ببكى... خليك معايا متسافرش خليك و ندي فرصه لعلاقتنا

مصعب بهدوء و حنيه: متعيطيش مفيش حاجه تستاهل انك تعيطي ده انتي ربنا رزقك براجل بيحبك و رغم قلة الذوق بتاعتي معاه بس كان مستحملني انتي ربنا بيحبك عشان رزقك بواحد زي عزت

خديجه بحزن تملك منها و شحوب: يعنى هتسيبني

مصعب وهو بيشاور على ملك الي واقفه مستنياه تحت في الجنينه: شايفه البنت دي

هزت خديجه راسها

مصعب: محدش حبني قدها ولا حد حاول كام سنه يداوي قلبي زيها و جت معايا القاهره رغم انها عارفه انها هتتعب و هيا شايفه نظرات الحب ليكى انتي بس فضلت جنبي بردو عشان تقويني و جه الوقت الي تاخد فيه فرصتها معايا عشان تخليني احبها و انا متأكد انها هتقدر تعملها و انتي خلاص ربنا رزقك براجل بيحبك

ابتسمت خديجه بشحوب و حزن و حضنته

مصعب: عن اذنك عشان هتأخر

و نزل و سابها وهو حاسس براحه غريبه رغم انه بيحبها بس واثق في حب ملك ليه الي هيكفيهم هما الاتنين واثق في حب الي اتنازلت عن كرامتها كتير بسبب حبها ليه

قرب منها بأبتسامه و ملك بصتلوا

مصعب بأبتسامه: لحد هنا و خلاص تعبك هينتهي يملك

ملك بخوف: هتفضل مع خديجه

مصعب: هششش انا هفضل مع ملك هبقي معاكي بس وانتي حبيبتي و كل حاجه ليا، انا اه مش هنكر إني بحب خديجه بس واثق ان حبك ليا هيكفينا احنا الاتنين و واثق انك هتقدري تخليني احبك، انا واثق من كل ده يملك انا هبقي معاكي للأبد لان انتي الي يشرفني تكوني حبيبتي

ملك بفرحه: وانا واثقه اني هقدر انسيك خديجه و ادخل انا قلبك يمصعب

شالها مصعب و حضنها بفرحه و راحه

مصعب: كنت اظنك صاحبتي و فاجأه دخلت الراء و التاء بين الصاد و الحاء

ملك بحب: قصدك صرت حبك

هز مصعب راسه و باس راسها بحب

تمت بحمدلله