تحميل رواية «حورية نوح» PDF

أنت بتخرف تقول اي يا نوح عاوز تحط اسم العايلة في الارض وتتجوز حتة بت فقيرة مش من مستوانا

نوح بهدؤء: ياجدي انا بحبها ومش عاوز غيرها.

الجد بغضب: يا اخي حبك برص انت هتتجوز بنت عمك شاهندا واياك تجيب سيرة لحد بكلامك العبيط دا قال تتجوز فقيرة قال تسيب الحسب والنسب وتجري ورا واحدة طماعه زي دي.

نوح بعصبية: انا مش هتجوز غير حورية يا جدي.

الجد بصوت قوي: انت مجنون يا نوح سمعتك هتتجوز واحدة فقيرة وتسيب بنت عمك شاهندا اسمنا وكرامتنا على المحك

نوح بجمود: أنا هتجوز حورية ومش هتجوز شاهندا مهما حصل

الجد بغضب: لو عملت كده هتحرم من كل الفلوس والثروة كل حاجة في العيلة

نوح ببرود: الفلوس والثروة مش فارقة معايا حاجة أنا قلبي مع حورية ومش هتراجع..

.. العم يدخل الاوضة بغضب..

شريف بصريخ: هو انت مخك جرا له اي اي يا نوح ها بقا انا بنتي تكون بتحبك وانت بتعمل كده عشان خاطر اي.

نوح ببرود تام: هي بتحبني بس انا مش بحبها يا عمي قلبي مش معاها قلبي مع حورية.

الجد بغضب: اسمعني يا نوح لو مصرّ هتشوف النتيجة بنفسك هحرملك كل حاجة الثروة الاحترام وحتى اسمك في العيلة.

نوح بابتسامة تحدّي: اعمل اللي تحبه يا جدي أنا مش بخاف قلبي واخد قراره ومش هتراجع عن حورية مهما عملت

الجد بزعيق: ده تهور تهور يا ولدي تعرف إيه معنى اسمنا تعرف إيه معنى العيلة.

نوح بثبات: أعرف عشان كده أنا هحمي قلبي واختياري حورية هي اللي تستاهل قلبي مش شاهندا.

شريف بغضب: نوح مش عارف انت بتعمل اي العيلة قاعدة على أعصابها عشانك عشان هتحط راسها في الطين.

نوح ببرود: أنا مش هسيب حورية وده قرار مش هيتغير.

الجد بغضب: انا بجد مش مصدق حفيدي اللي قلبه تحت رجله يتعمي بسبب واحدة زي دي انت كدا بتدمر نفسك.

نوح بجمود: انا عاوز ادمر نفسي ولاخر مرة مش هسمح لاي حد انه يجبرني علي حاجة وعن اذنكم عشان زمانها مستنيني.

…خرج ببرود….

شريف بغضب: انت هتسكت يا بابا علي جناج حفيدك دا.

الجد بتعب: لا مش هسكت.

شريف بغيظ: الواد دا لو متجوزش بنتي و راح فضل عليها التانية انا مش هرحمه.

الجد بغضب: اخرررس انت مجنون دا ابن اخوك ولحمك ودمك.

شريف ببرود: ابن اخويا بس مش اعز عندي من بنتي.

مشي ببرود…

… في كافية ما..

حورية قاعدة قلقانة نوح يدخل يقعد بابتسامة و يمسك إيديها.

نوح بحب: وحشتيني يا روح قلبي أنا اخترتك انتي سيبت كل حاجة عشانك يا حورية.

حورية بدموع: نوح أنا مقدرة كل اللي عملته عشاني بس ده غلط.

نوح بابتسامة: هو اي اللي غلط يا حورية أنا عملت الصح قوليلي إمتى نحدد ميعاد كتب الكتاب.

حورية بخنقة تهز راسها’ لا يا نوح مينفعش نتجوز.

نوح بصدمة صوته يعلى: يعني إيه مينفعش أنا لسه سايب أهلي وكل اللي عندي عشانك انتي واعبه انتب بتقولي إيه.

حورية بدموع: أنا مش عاوزاك تخسر أهلك دي حياتك أنا مقدرش أكون السبب إنك تخسر كل ده.

نوح يقوم بغضب مكتوم يبص في عينيها: انتي بتقولي إيه يا حورية أنا سيبت كل ده عشانك انتي عشان حبك إزاي دلوقتي بتقولي كدا.

حورية تحاول تمسكه: أنا بحبك بجد مش عاوزاك تخسر مستقبلك أنا مقدرش أعيش وأنا عارفة إنك خسرت كل حاجة عشان واحدة فقيرة زيي.

نوح بغضب يضرب الترابيزة: فقيرة انتي روحي انتي أغلى من أي فلوس كنت فاكر إنك معايا وعاوزاني.

حورية بيأس: أنا معاك بقلبي بس بعقلي بشوف إن ده هيجيب لك خراب أنا مش عاوزة ده يحصل ارجع ل اهلك واعتذر لهم .

نوح يصرخ: يعني إيه عشان بحبك أبقى غلطان انتي بتطلبي مني أرجع لجدّي أعتذرله.

حورية تصرخ بدموع: أيوة أرجعله أعتذرله اتجوز بنت عمك عيش حياتك.

نوح بصدمة: انتي بتطلب مني أسيبك

حورية بحزن: ده الأحسن لينا ده الأحسن ليك يا نوح.

نوح يتراجع خطوتين يضحك ضحكة وجع: هو أنا غلطت لما سبت الدنيا كلها عشانك.

حورية بدموع: اه غلطت وابعد عني وخلي عندك كرامه.

نوح يضرب الترابيزة: انا مش هتخلى عنك ومش هسيبك فاهمة ولا لا.

صوت بنت من قدامهم: هي دي بقا اللي انت اتحديت الكل عشانها.

نوح بصدمة: انتي بتعملي اي هنا.

شاهندا ببرود: جاية اشوف اللي انت داير معاها بس عارف ذؤقك وحش اوي عشان تختار الزبالة دي.

حورية بصدمة: حضرتك مين وازاي تتكلمي بالطريقة دي.

شاهندا بهدؤء قاتل: أنا اللي كان المفروض نوح يتجوزها أنا بنت عمه أنا شاهندا.

حورية فهمت تبص في الأرض: تشرفت بيكي يا هانم.

شاهندا بخبث: طبعا هانم غصب عنك وعن اهلك يا حلوة واعملي حسابك اني مش هسيبه.

حورية بدموع: تمم أنا سيبته خلاص أنا مش عاوزة حاجة وال

شاهندا تقطعها بغضب: نوح دا بتاعي أنا انتي مجرد عقبة في طريقه.

.. قربت تمسكها من شعرها نوح زقها..

نوح بغضب: شاهندا إيه اللي جابك هنا إياك تقربي منها تاني.

شاهندا بغل: أنا جيت أوري حورية حقيقة و ضعها دي اللي تستاهل تبيع عيلتك عشانها دي حيوانه.

نوح بتحذير: اخررسي مفيش أي كلمة زيادة يا شاهندا إطلعي بره.

شاهندا بغضب: لأ تخصني أنا اللي بحبك يا نوح

نوح بحدة يشاور على الباب’ حبك دا حب امتلاك أنا مش بحبك إطلعي بره.

شاهندا بغضب تدوس على الأرض: ماشي يا نوح سيبها تدمرك بس هترجعلي غصب عنك.

شاهندا تمشي بسرعة وتزق الباب.

نوح بألم وغضب’شفتي العالم اللي كنت عايش فيه وإنتي بتطلب مني أرجع للعالم ده.

حورية بدموع: عشان كده لازم لازم أسيبك يا نوح أنا آسفة.

.. سابته ومشيت…

.. في شقة صغيرة…

حورية بتدخل بتعب ترمي شنطتها فتحي قاعد يتفرج على التلفزيون..

فتحي بصوت تخين: انتي كنتي فين يا ست هانم مين اللي كان معاكي المرة دي.

حورية بتعب’ ماليش مزاج لكلامك يا فتحي كنت برة خلصنا بقا من الاسطوانه دي.

فتحي بغضب’ خلصنا إيه إنتي بتكلميني أنا كده الفلوس اللي بتجيبيها مش مكفية سجايري

حورية بيأس: هو أنا اللي كنت باشتغل عشان حضرتك تتمدد على الكنبة دي.

فتحي بغضب: إنتي لازم تنزلي تدوري على شغل بـمرتب محترم عندي ديون.

حورية بسخرية: ديون إيه إنت عاطل يا فتحي عاوز تعيش على قفايا.

فتحي يمسك دراعها: أنا عاطل إنتي لسانك طول اسمعي بقى كويس لو منزلتيش تشوفي شغل اقسم بالله هرميكي لكلاب السكك تاكل فيكي فاهمه يا بنت مراتي..

حورية تشد دراعها: ااه سيب دراعي يا جوز امي أنا نازلة أدور على شغل دلوقتي بس

عشان أدفع إيجار البيت ده مش عشان أصرف عليك.

فتحي بصريخ : شغلك دا هاتيلي نصه وإلا هكسر دماغك.

حورية بقرف: أنا نازلة ومش هتاخد مني جنيه واحد.

حورية بتخرج وتقفل الباب..

.. الباب بيخبط…

فتحي بسخرية: رجعتي تاني لييي هو انتي لحقتي تخرجي برا الشارع حتي.

فتح لاقي بنت ما..

شاهندا بخبث’ انت بقا الأستاذ فتحي

فتحي باستغراب : أيوه أنا مين حضرتك وتعرفي اسمي منين.

شاهندا بقرف: انا لما اعوز حاجة بعرفها المهم انا جاية أحل مشكلة اسمها حورية.

فتحي بصدمة: حورية ومشكلة انا مش فاهم انتي بتقولي اي.

شاهندا بتضحك تطلع ظرف فلوس: هتفهم دلوقتي المبلغ دا كويس جدًا انا هتاخده.

فتحي بجشع: إيه دا المبلغ دا كبير أوي إيه المطلوب وانا هنفذه فورا.

شاهندا بمكر: اسمع حورية ماشية مع خطيبي نوح علام وانا عاوزاها تختفي من حياته تماما .

فتحي بطمع: تختفي إزاي يعني أخلص لك عليها.

شاهندا بقرف: لا طبعا انا مش عاوزة مشاكل جنائية عاوزة تخلّي حياتها جحيم متخليهاش تشوف نوح تاني.

فتحي ببلع ريقه: يعني أعمل إيه بالظبط أقفل عليها الباب أخد تليفونها.

شاهندا بجدية: اعمل اللي تعمله اقطع عليها كل الطرق ضيّق عليها وجودها وكرها فث العيشة و لو عرفت تعمل كده بسرعة هيكون ليك ضعف المبلغ دا.

فتحي بابتسامة خبيثة: تمام دي شغلة أنا أستاذ فيها أنا هخلّيها تطفش من البلد دي كلها.

شاهندا ببرود: أتمنى ده ومتتصلش بيا غير لو كانت النتيجة سريعة دا رقمي.

فتحي بخبث: اعتبريه حصل يا هانم طب خشي خدي لك نفسين.

شاهندا ببرود: لا شكرا عن اذنك..

.. مشيت وفتحي بص على الظرف بنظرة شيطانية..

.. في مكتب بسيط لشركة ما…

حورية بابتسامة: أنا مستعدة أشتغل أي حاجة محتاجة أي دخل دلوقتي.

سلمى بهدؤء مصطنع: انا آسفة جدًا مفيش فرص حقيقي دلوقتي الشغل واقف.

حورية بصدمة: إيه إيه اللي اتغير فجأة كده يا سلمى

سلمى ببرود: أنا مش هقدر أشغلك معايا دلوقتي يلا برا.

حورية بحزن: إحنا صحاب يا سلمى أنا جيت لك عشان عارفة إنك الوحيدة اللي ممكن تساعديني.

سلمى ببرود: أنا مشغولة ومفيش شغل هنا..

حورية بحزن: انتي بتكلميني كدا لي يا سلمي هو انا زعلتك في حاجه.

سلمي بجمود: بقولك اي انتي وراكي مشاكل كتير وانا مش ناقصة قرف.

حورية بصدمة: قرف يا سلمي؟.

سلمي ببرود: اه قرف واتفضلي بقا عشان مش فاضية

حورية بحزن: تمم متشكرة يا صاحبة عمري.

سلمي ببرود: العفو يا حور بالسلامه انتي..

… حورية بتقوم مصدومة تخرج بسرعة الدموع في عينيها…

خبطت في شخص..

حورية بحزن ومن غير ما تبص’ انا متاسفة جدا لحضرتك.

نوح بهدؤء: إيه اللي جابك هنا كنتي بتعيطي.

حورية بتحضنه: نوح انت هنا ازاي.

نوح بيحضنها بقوة : مقدرتش اسيبك.. حورية أنا هنا متخافيش أنا معاكي ممكن تهدي.

حورية زقته: هو انا مش قولت لك انك تسبني لي وريا في كل حتة.

نوح يمسك وشها بعتاب: إيه اللي حصل ليه بتطلبي مني أسيبك.

حورية بضعف: عشان مينفعش يا نوح كنت فاكرة إني بحميك من نفسي أنا مش قد العيلة دي.

نوح بحدة : مش قد إيه انتي اللي تستاهلي حياتي أنا بحبك أنا هوريهم مينفعش إزاي.

حورية بأستغراي : انت هتعمل إيه؟

نوح بتحدّي: هنتجوز دلوقتي حالًا هندخل على أي مأذون ونحطهم قدام الأمر الواقع.

حورية بصدمة:

أنا بحبك يحورية علشان كده لازم نحط اهلك واهلي قدام الأمر الواقع ونطلع انا وانتي علي اي مأذون دلوقتي ونتجوز رسمي

حورية بصدمة: نتجوز من وراهم؟ لأ يا نوح كفاية كده مش عاوزة أبقى انا السبب في إنك تتحط في المشاكل دي كلها معا اهلك

نوح بيمسك إيديها : خسرت إيه؟ أسمي؟ أسمي من غيرك ميسواش حاجة أنا مش عاوزه..وهبدأ من الأول وانتي جنبي هتبقي انتي سندي ومش هسمح انك تسيبيني تاني مفهوم.

حورية بضعف: فاهمة بس…

قاطعهم رنة تليفون نوح..

نوح باستغراب: دا جدي اكيد في حاجه.. رد.. أيوه يا عمي إيه جدي ماله.

صوت شريف من التليفون: الحقنا يا نوح جدك تعبان أوي وقع فجأة والدكاترة عنده تعالي بسرعه دا عمال ينطق ب اسمك..

نوح بقلق: انا جاي حالا مسافة السكة.

.. قفل وبص لحورية بخوف…

حورية باستغراب: مالك يا نوح وشك اتخطف لي كدا.

نوح يبص لحورية بحزن: جدي جدي تعبان أوي.

حورية تقرب تحط إيديها عليه: نوح اهدا لازم نروح يلا.

نوح بخوف: انا خايف يجرا له حاجه وهكون انا السبب انا مقدرش اعيش من غيره.

حورية بحنان: مش هيجرا له حاجه تعالي نروح ونطمن عليه.

في القصر..

شريف وشاهندا واقفين بقلق..

نوح يدخل بسرعه و يشد حورية..

شاهندا تتجمد بصدمة: إيه دا إيه اللي جاب دي هنا.

نوح مش بيبص عليها: جدي فين يا عمي

شاهندا تتجاهل نوح تشاور بعنف’ يا حراس مين سمح لواحدة زي دي تدخل القصر إرموها بره حالًا.

حارسان ضخمين يدخلوا .. ناحية حورية حورية ترجع بخوف تتشبث بإيد نوح..

نوح يقف في وش الحراس زي الجبل: أقسم بالله اللي هيقرب منها هدفنه بإيدي إرجعوا مكانكوا يا بهايم.

الحارسان يترددوا يتراجعوا..

شاهندا تتقدم بـجنون: اي دا يا نوح انت اتجننت بتدخل الزبالة دي القصر يوم ما جدك يتعب.

شريف بجمود’ كفاية يا شاهندا بص ل نوح… إيه اللي بتعمله دا يا نوح إزاي تجيب نصابة زي دي القصر إنت مش شايف إحنا في إيه إنت عاوز تجيب لجدك جلطة تانية عاوز تخلص عليه.

نوح ببرود: متتكلمش عنها كده يا عمي أنا اللي جبتها وهي مش نصابة هي هتكون مراتي.

شاهندا بغضب: ما اييي ما تتكلم يا بابا شكله اتجنن خالص.

شريف بزعيق: مراتك إيه إنت بتخرف أنا بقولك الجد بيموت جوا وإنت جاي بتلعب اللعبة العبيطة دي إنت مجنون طب مش هتدخل له .

نوح بنظرة حازمة يقطع كلامه: طب عن اذنك عشان جدي محتاجني دلوقتي ودي اللي هتكون معايا لو جدّي ميعرفش إيه اللي بيحصلي مش هسمح لحد فيكوا يحرمني من إني أشوفه من فضلكم جدي فين.

شاهندا تهمس لنفسها: هتدخلي القصر يا بت ماشي قسماً بالله لأورّيكي نهايتك هتكون عاملة إزاي.

.. نوح يلف يمسك إيد حورية بقوة يشدها معاه يشاور على الممر الجانبي: يلا يا حورية متخافيش من حد انا جنبك..

.. في جناح الجد…

كان الجد نايم على سرير ضخم باين عليه التعب محاليل متوصلة ب ايده..

نوح وحورية دخلوا الاوضة بسرعة نوح بيجري ناحية السرير يركع على ركبتيه..

نوح صوته مخنوق: جدي أنا آسف أنا آسف على كل حاجة أنا كنت حمار متسيبنيش يا جدي أنا محتاجك.

الجد يفتح عينه ببطء يتكلم بضعف شديد ومتقطع: نو نوح انت جيت يا ابني.

نوح بدموع: انا جيت اهو ماسبنيش والنبي أرجوك يا جدي أرجوك.

الجد يتنفس بصعوبة نظرة تمشي ناحية حورية: مين البنت دي يا نوح.

نوح يرفع راسه بسرعة: دي حورية يا جدي اللي بحبها.

الجد يقفل عينه للحظة يفتحها تاني يبص لنوح: ماشي يا نوح انا فكرت في كلامك و انا يا انبي موافق موافق تتجوزها بس بشرط.

نوح بقلق: سيبك من الكلام دا دلوقتي المهم طمني عليك.

الجد بتعب: لا مهم لازم تعرف شرطي.

نوح باستغراب: إيه هو يا جدي اتفضل.

الجد يضغط على الكلام يشاور بإيده الضعيفة: تتجوز شاهندا هي كمان الاتنين يكون جوازك عليهم في يوم واحد هو ده شرطي الوحيد.

… جملة تتجوز شاهندا هي كمان تنزل زي الرصاصة على نوح وحورية نوح يتصدم يقف مش فاهم..

نوح بصدمة: جدي انت إيه اللي بتقوله دا.

الجد بتعب: انا عاوزك تاخد اللي من دمك و كمان اللي بتحبها.

نوح بجمود: يا جدي انا مش هقدر اتجوز غير حورية مش هكسرها بالمنظر دا.

حورية تتدخل بسرعة تخطي خطوة ناحية السرير تبص لنوح للحظة حزينة: بس أنا موافقة يا نوح كلام جدك انت لازم تنفذه ومتكسرش كلمته وهو في الحالة دي.

نوح بصدمة وغضب يلف ناحيتها: حورية إنتي بتقولي إيه لأ انت عاوزة حد تاني يشاركك فيا هتتحملي ازاي وافقتي او قبلتي.

حورية بكسرة: يا نوح لازم تسمع كلام جدك دلوقتي مينفعش تخالف أهلك.

الجد يستغرب بشدة رد فعلها يبصلها بعمق: هو انتي بجد موافقة انه يتجوز عليكي ازاي بنت فقيرة تقبل بضرة عشان إيه.

حورية تتقدم تنزل على ركبتها جنب نوح تمسك إيد الجد التانية: عشان أنا بحب نوح يا جدي بحبه بجد ولما شفتك تعبان كده عرفت إن سعادته أهم من سعادتي أنا لوحدي أنا مستعدة أعمل أي حاجة عشان يكون مبسوط وميخالفش أهله أنا مش عاوزاه يخسركم بسببي لو سعادته في إنه ينفذ شرطك يبقى أنا قابلة بيه.

الجد بابتسامة: انتي طلعتي بنت طيبة وكمان بنت أصيلة شكرًا ليكي يا حورية.

الجد يغمض عينه بهدوء…

نوح بجمود ودمعته في عينه: انا لي حاسس انه انا اللي عمال احارب عشانك وانتي لا لي بتاكدي لي انك مبتحبنيش الصبح تقولي سابني ودلوقتي عاوزة يكون لك ضرة للدرجة دي انا مسواش عندك.

حورية بحزن ودموع: انت اغلى عندي من روحي وواجبي احافظ عليك وعلي احلامك و اهلك انا مش عاوزك تكون تعيس وجدك تعبان زي مانت شايف ازاي عاوز تخالف كلامه هتكون مبسوط لو لاقدر الله حصله حاجه وانت مسمعتش كلامه انا مش هتحمل اشوفك مقهور يا نوح.

نوح بابتسامة مكسورة لجده: سمعت بنفسك يا جدي اللي انت عاوزاني اتخلى عنها او اجرحها بجوازي من غيرها.

الجد بتعب: انا مش هرجع في كلامي اخرج وبلغ عمك وعروستك.

نوح بحزن: ماشي يا جدي بس خاليك فاكر انك بتوجعني.

… بص لحورية بحزن وخرج…

عند شريف و شاهندا…

شريف بغيظ: هم عوقوا جوا اوي لي كدا.

شاهندا بغل: معرفش وازاي جدي مطردش الزفته اللي معاه جوا دي.

شريف بغيظ: انا هقوم اشوفهم كدا كتير.

.. قام مشي شويه وقابل نوح لاقاه واقف زعلان…

شريف باستغراب: مال وشك مقلوب كدا لي بابا كويس حصله حاجه يا نوح رد.

نوح بجمود: جدي بخير يا عمي امال فين شاهندا.

شاهندا جت ببرود: انا جيت اهو اي غريبة انك بتسأل عني يعني.

نوح بجمود: انا بسال عشان اقولكم اي هو قرار جدي.

شريف باستغراب: قرار اي.

شاهندا بسخرية: اوعي تقول انه وافق انك تتجوز السنيورة بتاعتك دي؟

نوح بجمود: اه وافق يا شاهندا بس بشرط.

شريف ياستغراب: شرط إيه.

نوح بنرفزة: اني اتجوز شاهندا وحورية معا بعض في يوم واحد.

شريف بصدمة: اييييي؟