رواية هوس الأسد الفصل العاشر 10 - بقلم Qdark781

سهران افكر بيك ...
ماشايف النوم...
وتخيلت مرسوم...
وجهك بالنجوم..❤💋

____________________

سرور ....صافنه بدنياي الى وين تريد تروح وتردني

اااخ قصتي قصة ... قصتي هي....

بدت من عمر ال15(طبعا هسة عمري 18) ....جنت بنية كل همي دراستي وخلص ...ففديوم جنت راجعة للبيت...وجان اشوف الامه العربية كلهم يمنه ...

وامي تدك وتلطم ....صراحه مفهمت شكو سألتهم ...
كالو مرتضى كاتل واحد وجايين يطلبون ثأر..

المهم ناس تحجي ....وناس تهدي...واخر شي تفقو فلوس ...وفصلية...

طبعا صار عياط وصياح ....اخوية جبل وابن عمي اسد..لزمو مرتضى ضرب ودفرات ...

وهو بس ساكت ....

جتي امي تبجي وتكول شون تخيروني بين بنيتي وولدي يمممه(ببجي)

سرور...اني من شفتهم هيج خنست ...شوي وكل واحد راح ناس لازمه صفحة تبجي وناس تعيط وناس تخابر بأعصاب...

دورت على مرتضى لكيته بالمخزن يبجي...

مرتضى اخوية الحنين والاحبة رحت شبكته واني ابجي

مرتضى...والله مو قصدي خيتي والله(بغصة )

سرور...حبيبي قدر مو بيدك ولا بيدي لتبجي خوية

مرتضى...ولج شون ما ابجي ولج اني اخوج حزام ضهرج سندج ومن وراية هيج حيصير بيج يصير بيج (بعياط وبجي)

سرور...قلبي نته هم مو كالو سنه وحدة وخلص ...اعتبرني مسافرة للمالديف ههههه

مرتضى...ههه تافهة ....سروو والله اسف اسف اسف

سرور...اششش قلبي

شبكته وهدئتة وكتلهم لاهلي موافقة ....صعبة اشوف
اخوتي هيج وضعهم لازم اضحي شوي عمودهم

رحت والطريق كله ابوي يبجي....وصلنه ووصاني وراحو كانو اخذو روحي وياهم

عقدولي من ورة الباب لواحد اسمه يوسف..لهناك واجتني وحدة جبيرة  بالعمر

...الساق*****ة ..اخت قاتل ابني

تحجي وتضربن جني نسوان اربعة خلصتني منهة
وهي مسترة فشار وغلط نازلة  دك عليية

...هااايي شيصير هنااااا ولج سليمه ...

سليمه....شتريدني اسكتلهة وهي اخذت وليدي اخت جتال وليدي ااا

جاسم ..... كصري حسج يامرة زلم هناك اسكتي وانتي بنيتي روحي ارتاحي

....كلش نهضمت ...اخذت جنطتي وماعرف وين اروح لهناك وحجت وحدة بيهم حبابة

نوال...بوية وين تنام ؟

سليمه...عساهة نامت بالكبر وما كعدت

جاسم....بوية وين تنام اكيد يم رجلهة

سليمه...تخسة تنام يم وليدي خلي تنام بالمطبخ

جاسم...ياااااا مرةةة استهدي بالرحمان البنت مالهة شغل بالصار لاتصيرين ظالمه

سليمه...ما تنام يعني ماتنام

سرور ..... لهناك وفات ولد اشكر احمر حلو وساكت باوع عليية وعلى جنطتي وبهدوئ اجة اخذ جنطتي وصعد

اني ضليت صافنه هو ندار باوع عليية شيريد مدا افهم؟؟؟

سليمه...تكسر كلمة امك يوسف يبن بطني

يوسف....(بهدوئ )...ماكاسر ولا حاجة مرتي واريدهة يمي يلة سرور...

سرور....رحت ويا وامه تعيط وتصرخ ...صعدنه ورحنه بغرفة حلوة مبينه مالته بس هو بيهة جرباية وكنتور وميزتواليت  كلش حلوة كنتور ابو ثلاث خانات

يوسف...اخذي الخانه الوسط والي على اليمين والي على اليسار الي

سرور....ميحتاج خانه وحدة تكفي

يوسف....ما اخذت رأيج كتلج اني فقط

سرور...يحجي وياي ويطلع هدومه ويحطهن بالخانه مالته...

راح نوب للميز تواليت شال الغراض الي جانن عليي
وكال....

يوسف...فرغته الج خاف عندج مكياج شي او تردين تحطي ...

سرور....شكرا

يوسف....امم

سرور....ارتب بغراضي وهو يرتب الغرفة وهادئ كلش

سرور...احم ليش هيج تتعامل وياي

يوسف...شون يعني

سرور....يعني اخوي كتل اخوك...

يوسف....(باوع عليية)....ليش تردين تعرفين

سرور...يعني دافع فضول

يوسف...لسببين الاول انتي كلتي اخوج كتلة مو انتي

سرور...والثاني

يوسف....الثاني تكدرين تكولين حياتي الخاصة وما احب احجي ...

سرور...اها احم اسفة

اباوعلة كمل تعديل طلع خاولي وملابس وفات للحمام

ورة شوي طلع مبدل بس شعرة ينكط مي ...نصيت
السبلت

يوسف...اذا تردين فوتي سبحي.

سرور...امم هسة.....فتت للحمام طبعا هو بالغرفة يصير

اباوع الحمام شون حلو الشغلات البي وهادئ الوانه
تصميمه...

كملت ولفيت روحي بالمنشفة ...رحت للمراية طبعا جانت جبيرة والمغسلة همين ...

شفت فرشة اسنان مالته حطيت يمهة مالتي.. معجون الاسنان ردت ...ما ادري حسيت بي انعزالي ميحب واحد يتقرب يم غراضة

فمديت راسي وكتلة

سرور...احم ااا عادي استخدم معجون اسنان منك شوي

باوعلي وضل صافن تقريبا دقيقتين ووراهة باوعلي

وهز راسة يعني اي

رحت وفرشت بدلت هدومي لبست دشداشة سودة وشال حاطته هيج على شعري

فتت للغرفة ..وباوعت عليي صافن ...من طلعت باوعلي ورجع يصفن...

شبي هذ الولد حيخبلني اكيد بي شي

فتحت البالكونه اريد اشر الخاولي جان يعيط عزة فزيت فزة

يوسف...طببببي جووة

سرور...بس اش

اخذة مني وهو طلع يشرة ...لهناك شوي وفات

يوسف...دير بالج تفتحين البالكون وتطلعين

سرور...ااي ماشي

عافني وراح رجع كعد وصفن ...صراحه الغرفة تنكط ورد والحمام غسلته وماعندي شي اسوي

جنت كلش نعسانه بس مادري شون اكول جان يكلي

يوسف...تعالي نامي

سرور....جيت بس وكفت وين انام وهو وين اشو هذ انجطل

يوسف....حضلين صافنه

سرور...ااا اكو فرا

يوسف...ماكو داعي هذي الجرباية وتعالي نامي تكفينه

سرور....ااي هسة....رحت نجطلت يمه نطيته ضهري بس شنو ريحة الجرباية تخبل

نمت ..بعدهة حسيت بي كام ...باوعت ساعة بال 7
الصبح

كتلة...صباح الخير..

يوسف...صباح النور

سرور...شنو وين رايح

يوسف...للدوام..

سرور...بيا صف ليش

يوسف....خامس علمي

سرور...اها اسويلك اكل

يوسف...(ضل يباوعلي وصافن )....هز راسة يعني اي

سرور...لبست شالي ورحت للمطبخ ماعرف وين الغراض هسة شسوي لهناك وجان تجي بنية من البارحه دافعتلي

انفال...صباح الخير

سرور...صباح النور...بس شسمج اسفة

انفال...لا عادي انفال ...

سرور...عاشت الاسامي

انفال...يي شدسوين

سرور....اكل ليوسف حيطلع

انفال...لو ادري جان مكعدت هففف بس ترة مياكل هو دائما اسويلة ومياكل

بس المهم سوي انتي نوب تجيج امي تسوي مشكلة

سرور....زين وين الغراض...

بدت تكلي وينهن وبديت اسوي ...

حطيت الجاي . ... هي راحت واجة كعد على الكرسي وصافن عليية حتة ارتبكت

سرور...تحب جبن لو بيض

يوسف....ولا وحدة

سرور....لعد

يوسف...توست ومربى

سرور....ياااا مثلي ثواني تحب التوست حار شوي احمي محمص

يوسف...كيفج

سرور....اجيت اسويلة والي هم ويا على الواهس

واكلت وهو اكل وياي...

--------

مرن على جيتي شهرين طبعا شفت الويل من ورة عمتي تجيب وتشغلني مرات تكفخني ومرات لا

بس البنات حبابات وياي يحاولن يساعدني وكلش حبابات ..

عمي همين ماعندة شي وياي يجي ياكل ويروح ...

يوسف اااخ يا يوسف قصة عجيبة منعزل انعزالي كلش...

وطبعا بهل شهرين لاحظت ميتقبل شيء من احد وخاصة امه...

مرة سألت نوال بس كالتلي هو اخوهة هيج من هو وصغير انعزالي وتكول السبب امي ...

ملحيت وياهة وعفت السالفة ...

طبعا فد مرتب وهادئ ووين ما اروح هو وياي ...

يعني اسوي الاكل يجي يجيب غراضة ويكعد يمي بالمطبخ يقرأ....

ينتضرني اخلص عمود انومة تعود اني ويا انام  ..

امه تحاول تحجي ويا ميقبل يحجي ولا كلمه وياهة

وهي من تشوفة ياكل من اكلي ومياكل من اكلهة بدهة تاكلني والله ....

-------

فديوم جنت دا امشط وهو صافن جان فجأة يكلي

يوسف....سرور

سرور..نعم

يوسف... تعالي

سرور اجيت كعدت عدل كعدتي ونام على رجلي..

يوسف...شتاقيتي لاهلج

سرور...اي

يوسف....تحبين امج

سرور...لعبت بشعرة وكتلة اي

يوسف...زين هي تحبج(وهو مغمض)

سرور.....هههه اي طبعا

يوسف....امم

سرور...عادي سؤال

يوسف..امم

سرور....ليش متحجي وية اهلك وومهتم لموتت اخوك

يوسف...(صفن شوي)...اخوية جان مو زين وابو بنات وبس يتعارك وياي

وامي دائما تقارني بأخوية وتكلي لو مجايبتك احسن

وكدام الكل تكلي مريض

سرور...ليش شبيج

يوسف.(صفن بعيوني).... من اني وصغير صار بية توحد..

عالجوني بس بقة بية ....جان اخوية يكومني ويكعدني بالمريض النفسي وجان يكول للطلاب كلهم

ومحد صادقني ...امي جانت تحب اخوية ومتهتم الي مرضت رسبت نجحت متهتم...

سرور....بدة يسولفلي حياته ومواقف هواي مستحملت دمعت عيني ...

حضنته وهو هم حضني

يوسف...بعد شهرين ترجعين لاهلج

سرور..ليش

يوسف ...... اني مريض والكل يدري

سرور...شش...شن...شنو

يوسف....تدرين انتي اول صديقة بحياتي ....مجنت معتبرج زوجتي لا جنت معتبرج اقرب صديقة الي الله شاهد ...

اريدج اذا اموت تكملين حياتج وتترحميلي

سرور...مخبل نته شتحجي ميصير بيك شي تتتتعالج
تعالج روح ...اا ابن عمي طبيب زين خل خل

يوسف....لتبجين هذ قدري وماكو علاج سرطان بالدم ومنتشر بكل جسمي شهرين هواي عليية...

سرور....فدوة لتكول هيج

يوسف....امشي مسحي دموعج وتعالي بدلي خل نطلع

سرور...مسحتهن ورحت لبست عباية واجيت

يوسف...شنو هاي

سرور...شنو؟؟

يوسف...حنروح لمدينة الالعاب همين شون تركبين ونتي عباية ..عندج قميص طويل وبنطرون

سرور...يعني تقبل

يوسف...شوفي اني ماهتم للبس .... اكو يلبسن عباية وهن شونهن ...

سرور...رحت لبست وطلعنه صعدنه سيارة ونزلنه يم مدينة الالعاب

طبعا معرفت امشي لان ببيت اهلي كلة عباية البس جبه

جان يلزمني من ايدي ...رحنه ركبنه نص الالعاب ونضحك...

شترينه شعر بنات وشاميه(بوشار)...

سرور....ههههه كلش تونست

يوسف....لعد بعد دائما نطلع اني وياج

سرور....دا اكل وتذكرت كلامه ودمعت يعني بعد ما اشوفة

جان يحط ايدة داير مدايري ويحضني

يوسف....لتبجين صديقتي

سرور...والله انت اول صديق الي...

ما اريدك تروح...(بغصة)

يوسف...كلنه على هذ الطريق واني فرحان بحياتي مسويت خطأ وبعد الله اعلم...محافظ على صلاتي وصومي....وممسوي الحرام ابد....
ونسأل الله اكون من اهل الجنه

سرور...امين

يوسف....اريد اوصيج وصية

سرور...اي

يوسف...اريدج من اموت تجين تقرين سورة النبأ فوك راسي قبل ميدفنوني احبهة

سرور...(وكعت دمعتي)...من عيوني

يوسف....(ابتسم )

__-----------_____

رجعنه ومر شهر وبهذ الشهر دا اموت قهر من اشوفة هيج ذبلان وضعفان رايح منتهي

دنطلع ونطب اني ويا مرات خواته ويانه وكلش متونسين ...

عمتي من شافتني هيج مداريته وهو فرحان وياي كفت ياخة عني

هسة تكولون انتو بلشتو تحبون بعض اكوللكم لا..

هو يعتبرني اول صديقة اله ...واني هم كلش معتبرته صديقي...

ففد يوم نايم بحضني كعدت...

سرور...يلة يسوو كوم صباح الخير

سرور....يسووو ...يوسف كوم

ضليت احرك بي ميتحرك...

سرور....فدوة كوم ...يوسف

(كمت ابجي واصرخ).....لحكووولييي عمييي عمممة نوالللل انفااال ....

اجو يتراكضون حاولنه وسوينه مفاد طلع متوفي...
بس على وجهة جانت ابتسامه ...

سويت وصيته وقريت سورة النبأ وكوة اقرة من الدموع ...

اجو اهلي ورجعت وياهن رحت للغرفة وكل ذكرى بيني وبينه اخذتهة

ودعتهم ورجعت ...

ومرن اشهر وهاي مرت سنه كاملة ورجعت حياتي للروتين الاول بس رجعت اصفن وافكر بي اترحملة

جان صديق ونعم الصديق الله يرحمه...

اهلي حاولو انو ارجع للدوام بس مقبلت اول تالي منداوم كلية واصلا اني نكسر واهسي عفت سنتين

---------

رجعت حياتي ورجع روتيني ...كعدت الصبح اخبز طبعا يوم عليية ويوم على ريم  

رحت اخبز وجان يفوت ابن عمي ....علي ابن عمي الحسن

جان يكول

علي.....صباح الخير

سرور...صباح النور

علي...بربج سويلي وحدة صغيرة

سرور...من عيوني ثواني

سويتلة وطبعا مرتبكة لان صافن بية ...

طيتهيا وجان افوت الخبز وهو وراي ...

فتنه للمطبخ كعد واني اشتغل سويتلة جاي وصفنت
من جان يوسف الله يرحمة يكعد يمي بالمطبخ ..

علي...تحبي

سرور...عفوا؟؟

علي...رجلج

سرور....صراحه تريد

علي ..... اي

سرور....جان صديقي المقرب

علي...يعني شنو

سرور......جنة اني ويا اصدقاء فقط احبة كصديق وهو هم يحبني كصديقة ...

علي...يعني انتي ويا

سرور.....اي مابيناتنة شي مثل الاخوان

علي...شكلة جان حباب

سرور...كلش

علي....الله يرحمة

سرور...امين...(بأبتسامه)

شفته صافن بية صار الجاي وطيته وبدو يكعدون اهلي

مرت حياتي هيج روتين ممل ...علي احب احجي ويا وهو يجي يحجي وياي ...

ما اعرف من يحجي وياي يدك قلبي قوي احس جنت بسباق

مجنت هيج وية يوسف جنه اصدقاء فقط

بس علي ما اعتبرة صديق واعترف ....

جان يشاقيني ويضحكني....بس ياترى هم هو يحبني لو يحب غيري جان هذ السؤال اكثر سؤال يحيرني

ومن افكر بي انقهر .....

ففد يوم بالعزيمه وجني بنات ثنين حبابات ويضحكن

فجنه بالمطبخ ونضحك وية سجاد ابن عمي هم يصير اخو علي

جان اني مكركرة وجان يفوت عصبي شبي؟؟

نوب يخزر بية ...بطلت ضحك سكتنه ....

سولفنه وكملنه وكلهم راحو همين عمتي ام اسد سوت مشكلة وعياط وصياح طبعا بس تعيط ٢٤ ساعة الله يساعد جناينهة عليهةواالله

_______________

والى هنا ينتهي بارت اليوم

نشالله يكون اعجبكم ...

واسفة اذا اكو اخطاء املائية

وباااي 💋❤💗