هوس....مرت فترة والحمدلله طلعت سارة حامل
واليوم العزيمه لان مرتضى صار زين راح منه مرضة...
فدنركض عمود العزيمه الكل اجه ...
جان تجي سعاد واختهة الثانية بتول ومعاجبهن العجب...نوب كتملت السبحه من اجتي شمس بت عمت ريم
فريم دتريد تحط الجدر وسعاد واكفة ..
ريم....سعاد وخري بساع خل اذبة ايدي راحت
سعاد ...ايي دومكي شبيج
ميتحملت ريم ودفعتهة جان هاي تعيط
سعاد....كبور هاي شبيج
شمس...ثول متشوفين
ريم...شلي دخل اذا هي مراحت دا اكول وخري وخري
بتول...يي تنتضرين لحد متوخر
سرور....والله تردين انتي تعالي لزمي الجدي الحار ونتضري
شمس...دنجبي ووخري
ريم...نجبي انتي
هوس...اباوع النسوان كلهن ملمومه وعلى صوتنه اجوي الولد فاتو
هوس...كافي سكتن
جان تعيط شمس وطبعا الولد والنسوان كلهم اجو
شمس...عوفنهن خيروحن العاجرات
جان مستحملت عطت بيهن
هوس...عاجرات ولا عوانس حبيبتي
اني هيج حجيت وجان يجني يجيتن عليي ويجرن بشعر
وطبعا سارة جيتت فزعة ههههه وتضرب بيهن
وريم همين على الواهس
كل وحدة اخذت وحدة شمس تتعارك وية ريم..وبتول وية سارة وسعاد الضخمه وياي
عزة صرت جني عصفور مبلل والله
جان يجي صوت اسد يهرج
أسد....تخبلللتننننن
بسرعة فكتني سعاد وراحت ركض لحضن اسد وهي تبجي عاد اني ركض
وكفت كدامه ودفعتهة
فهد....يلة السبعة تطلع دم
أسد....نجبووووو
وثمه انتن زعاطططييييط(بعياط)
هوس...بسرعة درت عليؤ واني ابجي واحجي بشهكة
هوس...ترضاهة تكلي عاجر ها ها ترضاهة تكول الي ولاختك عاجرات
أسد...هاي منهي الكالت هيج يا قندرة
هوس....مو وحدة تلاثة
سجاد...يعني تلاث قنادر
ريم...وخرت من حضن مرتضى...يي
أسد...حسابجن ورة العزيمه اني الجن يلة بنيتي روحي غسلي وكملي شغلج
وانتن اذا متشتغلن ولن منا جنجن شموع فكر
هوس...ديطلعن جان اباوع عليهن طلعت لساني واضحك
أسد....بوية يلة خفن ايدجن
سارة...وربجن شلعت شعرهة بيدي احس طكطك شعرهة بيدي
ريم....لج الدفرات شبعت مني
هوس....الله وكيلجن محافة زلفهة حفيتلهيا ببلاش كلة هسته
سارة....يمهه بطني هههههه
سرور...عزة بعينج ههههه حجيب يايمه
كملت العزيمه وكملنه كلشي وكل واحد راح لغرفته
نجطلت وزينب بحضني نايمه نتجيت وصافنه صدك ليش لحد هسة ماعندي جهال؟؟
نفتحت الباب وفات اسد من شافني هيج عقد حواجبة وتقدم
أسد ....شبيج بوية ليش هيج صافنه
هوس...(بغصة)...عود ليش مديصير عندي طفل
أسد...بربج هي هاي سالفة تضوجين نفسج علييهة مو عندج هاي زنوبة ..
والله مريم تونه مزوجين
هوس...أسد شبيك اريد طفل مدا اشاقة
أسد..هسة من عيوني اسويلج طفل ثواني خل اطفي الكلوب
هوس....ضحكت وكتلة ...ليش تحول الموضوع ضحك
أسد...لا عليش ضحك ثواني ...راح طفة الكلوب ووووووو
وبرة 🙃
________
سارة...بعد العزيمه صعدت فوك ودا احط مرطب وفات جبل عصبي بس
جبل....سارة انه شكايل
سارة...يروحي على شنو
جبل.(بلحضة راحت العصبية وكال يخدر)....ها
سارة...(هو هاذ الشي الزين بكيد النسوان هههه)
يروحي شبيك عصبي
جبل...ليش اليوم تعاركتي لو صايرلج شي انتي وابنى وين انطي وجهي ها
سارة...خلص اخر مرة وعد
جبل...زين اريد بوسة محتاجج حسي بية
سارة...(قربت شفتي يم شفته )...مشتاقلي هلكد
جبل...ككلش
سارة...(بهمس)لهل درجة اني حقيرة (واني لافة ايدي على ركبته)
جبل....ها(وهو يباوع على شفتي)
جان ابوسة وووووو
(ادبسززية انتو شكو بيني وبين رجلي🙈😂😂)
_________
ريم....فتت للغرفة وية مرتضى وهو ساكت
ريم...مرتضى والله هي غل
مرتضى...اشششششش كل عقلج اخليج تبررين اصلا والله انه ردت اشكهن بالنص هلبر***ك
ريم...يعني مزعلان مني
مرتضى...ازعل عليج علمود هذني امهات الزلم والسحورة مو
ريم...يمه شكد احبك
مرتضى...اكلج عندي سالفة وياج بلة تعالي
ريم...لالا اعرف سوالفك وخ
(كالعادة ميستمع ويقاطع وطبعا اني اتلوك من اكله لا 🌚💔😂😂😂😂😂)
__________
سرور....شوف والله هن تعاركن انه بس افاكك
علي...شو دنزلي
سرور...علي هاي شبيك ونبي هن اني شكو
علي...ولج دنزلي من الجرباية ترحين توكعين هسة
سرور...باع راح انجطل تجي تحضني لان توحمت احضنك ماشي
علي...يي دنزلي
سرور...نجطلت واجة خلاني انام على صدرة
علي....والله لو صايرلكم شي اروح انيج**ن
سرور...اشو انت صاير متعرف تحجي
علي....ليش؟؟
سرور...ما مااا وخر كوم (ببجي)
علي....شبيج قلبي ليش تبجين
سرور...شون هيج تكول واني موجودة اكيد ما اخليك
علي...هههههه تعالي ولج تعالي قصدي اجنزهن
سرور...للعلم مصدكت بس نعست واريد انام
_____________________
ومر اسبوع هدوئ وحمدلله طلعت ريم حامل بقيت بس اني ليش ماعندي حمل لحد هسة ؟؟
طبعا هلفترة صاير كلش اعصاب أسد عندة مشكلة بالشغل...
فجان ضهر وهو كلي لتكعديني ابد...
فجنت توني فايته وزينب يم الجهال تلعب جوة..
جنت لازمة الفون اكلب بي جان يكعد من باوع على الساعة عاط..
أسد....غييير تكعدددييينيييي (بعياط)
هوس..(بهدوئ)..نته كلت لتكعديني ابد
أسد...ولللي سويلي زقنبوت اسمممم(بعياط)
هوس...وليش تغلط
أسد....ولي ولتراددين
هوس...كمت اسوي نزل بالمطبخ وكعد بالكاع ...حميت الاكل جان برياني وسويت زلاطه وتشريب
أسد...ليييش بااارد
هوس...سكتت مجاوبت مع انو الاكل حار يصمط دا اروح جان يكول
أسد...تعال اكلي وياي
هوس...ما اريد ماكلة
أسد...كتلج تعالي تسمم وياي
هوس...اخذت خاشوكه واكل ويا واني الدمعة بطرف عيني
أسد....طيني مي
هوس...يحجي بنتر ومو عاجبة شي
كمل وشلت الصينية سويتلة جايي وديتلهيا فوك
جاي يعيط
أسد...شو تعالي وج تعالي
هوس...شكو ااااااا هاي شبيج (بدموع )
حط اصبعي بالجاي
أسد...شني هاذ هااا مو كلت خليك يتصخم يجمر يلة تجيبي
هوس....دفعت ايدة ووكع الكوب نكسر
أسد...طيني اصبعج
هوس...وخرت دا اروح جان يسحب شعري بيدة
أسد...كتلج شوفيني اصبعج
هوس....شو دوخر تخبلت انته مو
أسد...وجه هاي عليمن .
هوس...سكتت
جان ضرني راشدي فر وجهي فر...
أسد...انه مخبل قصدج ثواني خل اشوفج شون المخبل الحقيقي...
جاب شال وربط ايدي وية الجرباية ....جان يجيب
شمعة ويشعلهة وبدة يموعة على رجلي...
واني كل نقطة منهة احس روحي اريد اعيط واصرخ بس اخجل...
واكول اكيد اكو شماته ...وبس دموعي ينزلن
أسد...ها مخبل هسة لو لا
هوس...اكرهك ما اطيقك
جان يضربني على حلكي اربع بوكسيات
كمت ابجي
أسد...تكرهيني هسة
يحجي ويضرب راشديات
هوس...لا بس وخر
وخر مني وفكني كومني واخذني للحمام
هوس..وخر
أسد....شششششش
بدة يغسلي ورهة طلع وعافني اكمل طلعت بدلت ولكيته طالع ...
بقيت بالغرفة منزلت اجوي البنات يردن يعرفن شصار محجيت لان مابية حيل من صدك ما اكدر افتح حلكي...
نمت وكعدت ثاني يوم الصبح هاي من اتعب هيج اجرهة...
رحت عجنت وبديت اخبز سويت ريوك بدو يكعدون
كلنه كعدنه على السفرة
الجد....بوية شبي حلكج
هوس...وكعت على حلكي
حليمه...يايمه غير تنتبهين
هوس...تزحلكت بالغلط
بدو يحجون بس اباوع على أسد فاصل وصافن على فكي شون مبين يوجعني ...
سارة...هاي ضوجي هذ الزيتون شون حتمض يخبل تحبين الحموضة
هوس...اخذت وحدة بس شنو شطت للسمة لان حامض ومنا حلكي متشكك من جوة
مكملتهة ذبيتهة بدون محد ينتبه ...
بس انتبه أسد...استغفر وكام وراح بعصبية ...يي زين انت الغلطان تعصب ليش
الحسن...هذ شبي هيج عصبي هلايام
جبل...والله عمي الشغل مشكلة صايرة بي
امجد ....مشاكل الشغل ليدخلهة بالبيت
كملو وغسلت سارة الماعين ...طبعا ريم حملهة مهدد خطر فما اخلهة تشتغل...وسارة همين متكدر..
وسرور اصلا تعبانه كلش ..وبس اني اشتغل صح اتعب بس مع ذلك عامودهن اسكت
كملت وسويت غدة تمن وبامية ورحت فوك ...
جتي زنوب سبحتهة وسويت شعرهة وصبغت اضافيرهة تعودت كل يوم هيج اسويلهة ..
كملتلهة وراحت ...نمت وحسيت واحد اجة وحضني عرفته أسد بسرعة دا اكوم جان يسحبني ويرجعني
هوس...وخر
أسد...اسف وربج بس تجفيني هاي الايام اعصابي تلفانه...
هوس...مشكلتك مو مشكلتي تجي وتضرب وتغلط وتنتر وتعيط و
أسد...شششش كافي بوية رحميني وربج بس طلعت ندمت وربج
هوس...وكلعادة مثل الغبية ارضة واسكت بس مع ذلك تبقة غصة بقلبي
مرت الايام وهو نفس الشي عصبي واقل شي يضرب
وهم ماعندي حمل
ففد يزم بليل هو صافن على التلفزون يكلي واني على المراية امشط ظفرت شعري جان كتلة
هوس...احم حبيبي
أسد...هممم
هوس...خل باجر اروح للدكتورة فد
أسد...اااششششش ااااانه شكلت على هذ الموضوع(بعياط)
هوس...ترة حس بية من حقي يا ناس من حقي
أسد....كافييي صوت مااا اسمع تعالي نطمري
هوس....ما انام يمك
محجة شي هز راسة وكام لزمني وشالني نومني اريد اكوم ماكو مقيدني ...
أسد...كافي بوية متطلعين منا
هوس...(بهدوئ)...ليش متفهمني اني هم من حقي اصير ام
أسد....بنتي الله شوكت ميرزق يرزق انتي ترحين يلعبن بيج لعب والله
هوس...والله اكو وحدة خوش دكت
أسد....كطنه وشيليهة من اذانج اخلج ترحين دكتورة ويلة هسة اريد انام نعسان
هوس....نمت بس الى متى ؟؟الى متى اتغاضة واسكت؟؟؟
___________
سارة....مرت الايام واشوف معاملة عمة ام أسد لهوس ونسكت منريد مشاكل...
مرات تتعارك وياهة هوس واني ومرات نعوفهة ...
من حبلت مكدرت لازم كلة بالفراش ...نوب عفت الشغل عليهة والبنات هم ميكدرن ...
احس قلبي نار على صديقتي
كدرت انزل للجوة بس متخليني اسوي اي شي
كل يوم اسمع عركهة هي وأسد ومرة شفته يضربهة ودائما اشوف الاثآر بس متكول الي..
اعرفهة متريد يضل بالنه بس الكل بالبيت ملاحظ
حته عمة ام أسد مرات تكف عنهة من تشوف هيج يصير..
قلبي يموتني وجع من اشوف صديقتي الوردة ذبلهة الوكت ...
ذبلهة الزمن حطهة بيد ناس ميرحمون ...
دا ابجي جان يفوت جبل..
جبل...شبيج بيج شي(بقلق)
سارة...بسرعة حضنته وبديت احجي ويا عن هوس وهو يهديني
جبل...ياعين شبيدنة عليهة
سارة...والله تحملت هواي نضلمت هواي والله
جبل...ششششش اذا هسة تدري انتي تبجين من وراهة متقبل مسحي دومعج وسكت يلة ...
سارة ....شوي هديت بس الغصة بعدهة
______________
هوس....مر يومين فأجوي وراهة عزيمه الكل اجه
وطبعا اخذنه فد قاعدة بكل عزيمه لازم عركة
كاعدين نحضر ونسوي صبينه غدة والكل كعد يتغدة
افلس لزينب واوكلهة وأسد يحط كدامي
اشوفهن بدهن يحتركن ..
كملنه وغسلنه المواعين جان وحدة مرة اول مرة اشوفهة
سألت عليهة طلعت اخت ام أسد الثانية ...
فكاعدين جان تسأل ...
سحر...يمه انتي منين كلتي
هوس...دا اجاوب جان تكمز سعاد
سعاد...من الميتم
هوس...اباوع نسوان غربة همين كامن يتبسبسن
جان وحدة تكول لبيبي حليمه
..جا خية هاي عايبة لا شريفة لا
حليمه....ام سلمانه شهلحجي موش عيب
...خيه انه كلت الصدك عاد هي بت مياتم
ام جبل....شهلحجي عينب ام حمدون عيب عليجن
هوس...اسمعهن يحجن وصار عياط خليت وكمت
رحت فتت للحمام جوة الدوش فتحت مي بارد ثلج
كملت نشفت لبست ملابسي
وطلعت شفت أسد كاعد ويهز برجلة بتوتر
اول مشافني اجة كعدني وينشف بشعري وراهة كمل واني صافنه
كمت وكعدت بالكاع يم الجرباية وهو حضني ...
و....
وييييتتتتتبعععع
______
اتمنى يعجبكم
وتكسرت اصابيعي 💔🌚
وبس اسفة عن الاخطاء
وبايي❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!