مريم...الله يخليك وخرر فدوةة
مهتم الحجيي وحط راسة برقبتي ويوزع بوسات خفيفة خلة جسمي يرجف
مريم...اا..الله ياخذ..ياخذك
وجان ....
جان تندك الباب مالي شوي حيل
وجان امي تكول
...ولج مريمان وينج
مريم...هه..ها مامه
...ليش عايفة المسواك هيج بالكاع غبية
مريم...نثيته (احاول احجي بطبيعية )
...ليش قافلة الباب ؟؟
مريم... نازعة دبدل
....شو فتحي
مريم...يعني نازعة شون
...دفتحي
مريم...(بصوت ناصي)...بثرعة روح
حسين..وين؟
مريم..اختل جوة الجرباية يلة بثاع فدوة
ختل واني بلا تفكير نزعت ملابسي ركض وطشرت الكنتور ورحت فتحت الباب
مريم...هاا
...وجعا ولج كلبي كام يلعب
مريم...لعبي ويا مرة ثانية
...ادبسزز هاي شنو صدرج كبران يحتاج تغيرين مقاس ستي**نج
مريم...(وجهي عبارة عن كتلة حمار هسة وكتج مامه دائما لل١٢ يلة تجي )
...هاي شني وجهج صار طماطه ليشوفج ميكول تمشين هيج بالبيت ومن كبر اخوج كمتي تلبسين قميص لفخذج
مريم...يابة بردت اريد ابدل
...يي بدلي هاي صوت اخوج وبيت خالج قفلي الباب ولج ليروح ابن خالج يداهم الغرفة
مريم...يي يي (ادفع بمامه خفيف وبسرعة سديت الباب وقفلته)...تنهدت براحه
للحظة نسيت كتلة الجليد بغرفتي .... نبهني من حسيت بنفس حار على رقبتي ...
بسرعة نداريت بس جان أسرع مني ولزم ايديناتي وحطهن ورة ظهري..
بعدني شوي وبنضرات جريئ كام يباوع لجسمي
مريم..وخرر ونبي هثة اعيط والم الكل عليك
حسين...عيطي حيكولون صاحبهة والدليل امج جتي ومكتيلهة وطيتي بية ..
مريم..وخرر
حسين..عترفي تحبين من اكون بقربج مو صح ...
مريم..فدوة وخر عاد
حسين...(وهو يباوع لشفتي بنظرات معرفت افسرهن حنونه ما اعرف)...مريم
مريم..كال أسمي بصوت دافي كلش وحنون
حسين...هنا باعي تحسين
مريم...حط ايدي على مكان قلبة حسيت بي نبضة كلش سريع يدك بقوة جسمه حارر
حسين...من اجي يمج احس ...احس بشي هنا شي حلو ...
شعور اول مرة اجربة .....
اول مرة احس بي....
يأذي مرات ...
تدرين صارلة شكد هذ الشعور هممم .....
من قبل ٣ سنين ...
وديت زينب للمدرسة وشفتج ....
نفس الدكه ...
نفس الحرارة .....
نفس اللهفة ...
دائما اكول ليش ...ليش دك الج بس ...
بس تجبري يدك الج ....
حركاتج ...
لطافتج ...
جمالج ....
طيبتج ....
برائتج ......
كلشي بيج ..... مريم ما اريد اتملكج مثل عمي أسد تملك خالة هوس...
ما اريد اجبرج ...... بهيج شي ماكو جبر .......
اريدج بكيفج تختارين جانبي .... تبقين وياي
أيد بأيد .... نبقى سوة .... ميفرقنه شي
حروح هسة وما اريد جوابج هسة ....عكب باجر طينيا همم واحترم جوابج
واحترم رأيج وما اضغط عليج بأي شي (هه دنتي بس رفضي وشوفي منو ميجبرج)
مريم...يحجي ويمشي اصبعة ابهامة على وجهي بلطف ...
ما اعرف شعور ..... دائما اباوع روايات واقرة ...
واشوف افلام ودائما يوصفون هاي اللحضة انو
يحسون فراشات ببطنهم...نفس حالتي ...
فراشات احس بمعدتي ووجهي نصبغ احمر ...
باسني بشفتي بوسة سطحية و راح للشباك..
طفر وراح واني بعدني بصدمتي ...ابدل واني مصدومه وحايرة ...
زين منو أسأل خالة هوس مو بحال هيج سوالف اجي واسولفاهة ابد ...
وزينب غبرة صار اربع مكالمات عليهة ادك وماهية
نزلت سلمت وشوي وصعدت نمت او بالأحرى هيج صافنه بالفراغ وافكر ...
اقبل لو لا .....
زين يمكن اني هم احبه ...
زين شون اعرف روحي احبه ؟
جنت محتاجه خالة هوس كلش بس خالة حايرة بضيمهة...
اووف اوووف شحيخلص هليلة ...
----------
حسين....يي نعم مابية حيل اعرف عن نفسي تعرفوني وتعرفون كلشي عني...
فعن التحمسلت واجي واعرف بنفسي ...
احب مريم قبل ٣ سنين من وديت زينب للمدرسة جنة اني وياهة متأخرين ...
اول مرة اشوفهة ....جانت واكفة بالباب نتنضر زينب..
وتبجي ...اول مشافتهة ركضت الهة
مريم...كبر وينج متت خوف عبالي متجين
زينب..ليش هيج تبجين
مريم..تدرين ما اجي اداوم ونتي ماكو
زينب..مو غبية
مريم....تدرين هم حقيرين يضحكون عليي لان الفظ الث اث
قصدي ال
زينب...السين تلفضي اث...
مريم...يي صح
حسين...اباوع شون تحجي واضحك نسيت امتحاني نسيت روحي وانه اباع الهة ...
تضحك .... من وكتهة نطبعت ببالي وحبيتهة....
راقبتهة ومرت السنين وبدن مواقفي وياهة ...
ميحتاج اكولهن اتعاجز
(او بالاحرى اني اتعاجز اكتبهن 🌚💔🤣😂)
ودائما اضحك كل ما اتذكر الي يصير اغثهة واعصبهة ...
من بستهة جانت اول مرة الي واحلى مرة ...
غرت من رحت فد يوم وشفتهة تحجي وية هذ مدري منو صديقهة ...
وبهذاك اليوم كدرت اعترف بمشاعري جان شي كلش صعب ...
لان بطبعي ما اعرف اعترف بحبي ابد حته لامي ما اعرف اعترف ...
احجي وياهة واكوللهة بكيفهة ...
عليمن اجذب بس خل ترفض واكفرهة بعيشتهة...هسة تكولون مثل عمي أسد
لا انه مو هيج بس اريدهة تضل وياي وتحبني واكيد محصير مثل عمي ...
لان شفت معانات مرت عمي ولو مرة غيرهة جان شردت والله
وهسة دا افتر بالغرفة بتوتر شيجيب عكب باجر واعرف ...
-------
هوس....نمت ومكعدت الا على صوت تلفوني ...باوعت
توقيت خرب هذ أكيد يزن لاعب بي مشكلة طير نومت عيني ...
باوعت أسد هم كعد على الصوت باوعتلة وجهة توه كاعد ....
باوعلي ردت اكوم ...دا اكوم وسحبني عليي
وكعت على الفراش وهو فوكاي .... نام وحط راسة برقبتي ...
ويوزع بوسات متقطعة لشوي ووكف يم أذني كال بصوت ناصي وأيدة تلعب بشعري
أسد... بعدج زعلانه
هوس...مرديت مابية حيل أرد
أسد.... تدرين بية اغار همم تدرين بية مريض بيج
هوس...لا رد
أسد...هوسي لتسوين هيج وتعذبيني همم لتصيرين قاسية مثلي
هوس...همزين تدري بروحك قاسي
أسد... كللش ...اي شي يتعلق بيج اصير قاسي .انكلب بركان
نارر تدرين يعني شني نااارر وشتعلت بكلبي من حجو هيج
هوس...واني شنو ذنبي هممم
أسد...ذنبج انتي "هُوس الأسد "
هوس...تعبت أسد (بتعب)
أسد...ليش
هوس..(بضحكة)..هههه هم تسأل
أسد...صافن بس
هوس...تنهدت بصوت عالي وكلت
أسد
أسد...عيونه
هوس...أسد بربك خل نروح للدكتور
أسد...شبيج ليش بيج شي !!بقلق
هوس...مو الي
أسد...لعد احجي بسرعة
هوس..الك
أسد..الي ؟ ليش؟
هوس...أسد انتبه لنفسك ...أسد ضربه من ضرباتك تموتني والله
أسد...كافي سدي الموضوع
هوس...لا ما أسدة أسد افهمني ضربك مو طبيعي أسد دا اتعب شوف آثار ضربك
أسد عصبيتك مدتنحمل ..... عصبيتك نااار ونار تحرك الداير مدايرك ...
اذا مو لخاطرك لخاطري اني هوسك ... متقبل بشر يأذيني وانتة تموت كلبي...
ضربك يروح وينتهي بس تبقة الذكرى تأذي ....أسد جبت حياتي ضيم بضيم
تزوجتك
ومن قبلت بيك تذكرت آية وعسى ان تكرهو شي وهو خير لكم ...
حبيتك وتعودت عليك ...
أسد لحد هسة من جوة كلبي أبد ما ندمانه تزوجتك ابد مندمانه اجيت لكربلاء وعرفتك .
ابد مندمانه ... عشت وية بنتي زينب وكبرت.. كبرتهة بيدي ...
طول عمري هي بنتي واني امهة .... مندمانه ابد .... مندمانه عرفتك ...
انتة ثاني شخص احس بالأمان يمه بعد ابوية ...
حضنك الدافي جنت محتاجته ... حضنك وخوفك عليية ومحافضتك عليية ...
علمتني وخليتني التزم بديني بصلاتي بصومي ... بحجابي ...
عمرك مخنتني عمرك مباوعت على بنية ابد ..... احبك واعشقك
اموت عليك.... واذا يخيروني ارجع بالزمن وميصير هذ كلة او ابقى ...
اختار ابقى وياك وية جهالنه ... وية بتنة .... اني وياك نكبر سوة ...
نموت سوة .... كلشي سوة اني وياك ....
لتخذلني أسد فدوة لخاطري روح اتعالج يم طبيب عالج عصبيتك ...
أسد...انه ابن ابوي شماكلة من الصبح لسان باجة هههه
هوس...هههه (ضحكت بين دموعي )
حطيت راسي على صدرة وبأيدة يمسح على ظهري وشعري ...
هوس...صحيح لازم اخفف اكلك
أسد ...ليش
هوس...باوع حيطك التراكسود بيك ههههه
أسد...مو صح يراد طلعة عائلية للسوك
هوس..لا وياك توبت بعد ما اطلع هههه
أسد ...دمشي لج صارلي شكد مطالع وية عائلتي يلة
روحي وسوي ريوك زين خل اغسل واجي وكعدي الجهال ...
هوس...يااا أسد ساعة بال٨ عوفهم خطية وزينب اليوم عطلة خل ترتاح
أسد..كعديهم ولد الكلب مشتاقلهم كلهم يلة
هوس...ماكو فايدة اووف لازم لازم اكعدهم (امشي وادردم)
أسد...جيتج جيتج ام لسان
هوس...ركضت لغرفة زينب اكعدهة ...
فتحت الباب وشفتهة نايمه ومطيتني ضهرهة ... هي مال ككو ...
هوس..يي يي سوي روحج نايمه سوي امي طلعت من كبرهة وناسية تلفونهة على الطبلة يم غرفتي
زينب...هاي شنو مامه صباح الخير
هوس...صباح النور يستي هههه
زينب...هههههه تعرفين شكد احبنج
هوس...دمشي امشي قشمريني بهذ حجيج ..
زينب...تعال يقشطه بوسة مممح
هوس..يلة غسلي وكعدي التنابل
زينب..خوش ماشي
هوس...نزلت وطلعت خبز حميت وطلعت الاجبان وحضرت جاي...
طلعت بتيته حمس وحطيتهة بالطاوة وطكيت بيض وياهة.... ثويت بيض وبتيته
----
( 🤤اكلتي المفضلة الصبح )
---
أسد ..... من بعد المشكلة وصرت اكضي اليوم برة البيت وارجع وانه شارب...
ما اعرف احاول اعاقب روحي هيج ما ادري لان اضيع من دون هوسي ...
من دون ما تستقبلني بضحكة ... ما اريد ارجع واشوف وجههة
الجنه جركاية مشوهة بأيدي ..
بس جنت من اشرب شوي واعي اكون احس بلمستهة بضحكتهة...
بأهتمامهة .... طفل احس روحي يمهة...... بحضنهة ...
كعدت الصبح على صوت منبه فزيت ....
باوعت عليهة رادت تشرد مني ... بقيت وياهة وبقت تفضفض
مني الي ..... صعب واعرف صعب علييهة ودا احملهة فوك طاقتهة ..
تصالحنه وضليت صافن بكلامهة ..... يروح ويجي ببالي كلامهة ....
تجي كبالي دمعتهة ...
هضمتهة....
كسرتهة مني ...
تحملهة الي...
لخاطري...
حبهة الي...
لبنتي ....
مافد يوم قصرت وية زينب ....
الأمان التحسة بنتي يمهة...
حنان الأم الي كدرت تطيهيا وعندي استعداد اطب القرآن
لو حوراء عايشة متكدر تطي هذ الحب والاهتمام كلة لزينب...
طلعت من الحمام وانه اسمع صوت الباب
طلعت وزينب كبالي
زينب...صباح الخير
أسد... تعالي بوسة ....صباح النور
زينب ....بابة فدوة نته كعد زين ويزن مديكعدون تنابل
أسد ....انه الهم هلزمايل ذول خل اروحلهم
رحتلهم واشوفهم مبطحين واحد حاط رجلة بحلك الثاني ...
طيح الله صبغكم ...
أسد...شلتهم كل واحد من ياخته واخذتهم للحمام غسلت وجههج
أسد ...ولك هاك فرج سنونك يلة
زين...يابة بس خمس دقايق
يزن .... بابة الله عليك شوي شوي
أسد... جا خل العب الحزام عليكم
بسرعة بدوة يفرجون عجييب هذول الاثنين بس بالتهديد يجون ...
نزلت ومثل القرودة واحد لازك برجلي وانه امشي وواحد بضهري لازك ...
أسد...اااخ ذكروني من تحبل هوس مرة ثانية ما اخليهة تشوف هواي حيوانات
اتذكر من حبلت رحنه لحديقة الحيوانات وضلت تلعب وية القرد ...
لا عجب طلعو هيج ما اتعجب ...بس صبر صبر
--------
زينب...كعدت الصبح وحمدلله باجر عطلة...كعدت من وكت كلش ومثل الحرامية
على اطراف اصابيعي امشي فتت لغرفة مامه وبابة ..
اخذت فون مامه وطلعت شوي ...فتحته ووقته بعد دقيقة وحطيت اعلى نغمه ...
عمود ثنينهم يكعدون .... واذا كالت ابليهة براس يزن ...
لان ٢٤ ساعة موبايل مامه بيدة ... رجعت وحطيته يم راسهة وسديت الباب ...
وكفت وراهة واسمع شوي ودك الفون ...كعدو بدة بابة يعتذر
ويتغزل بمامه ...لشوي ومامه بدت تحجي ...ما اعرف اني من يمي لا اراديا
دمعتي وكعت من جابت طاريي افرح من تكول ممتندمه ربتني ...
ممتندمه عليية ...... كلش افرح .....
نوب سمعت مامه تجي ركضت للغرفة بس المجرم لازم يعوف أثر صغير غبي ههههه
نسيت فوني كعدت ورحت لغرفة القرودة وفتت
واشوفهم شون نايمين والله اتذكر من مامه جانت حامل ورحنه لحديقة الحيوان
جانت مامه مشترية حب وتكرز وتذب الهم...
---
أسد...ولج عوفي لتباعين للقرد
هوس...بربك أسد باعة شكد حلو باع شون يضحكلي ههههههه
سارة...ولج يروح الطفل يطلع قرد مثلة ترة
هوس...يابة هاي كلة بس حجي لتصدكين بهيج شي
ريم...كيفج احنه كنالج ونبهناج ترة يطلع ابنج مثل القرد
هوس ....باعو باعو شون ياخذ الحب مني ههههههه
ولك ولك هههههههه
أسد...كافي عوفي ولج ههههه
فهد....نفضحنه تالي وكت هههه
سجاد....صدكي يطلع مثل القرد
---
زينب .... وفعلا طلعو قرودة مو مثل القرد لا هم القرودة بنفسهم ..
اكعد ... اسحل... اعيط ميفيد ..رحت لبابة وهو يسحلهم مالي شغل ...
نزلت وشفت المنضر الاموت عليي ....... شفت ضهر مامه
وريحه البيض وبتيتة مالية المطبخ ..... ريحة الجاي المخدر ....
واهم ريحه ... ريحه حنان مامه ..
دفئ مامه غامر البيت كله ...
رحت حضنتهة من ورة وحطيت راسي بركبتهة وابوس بيهة...
هوس..ولج اغار ههههه
زينب... ههههه
---
أسد ... هاي شني هاي دوخري شهل خيانه عوفي مرتي
زينب ... لا امي قبل متكون مرتك بابة هههه
أسد .... دوخري وخري هي بس الي (بشقة)
زين...لا بس الي اني
يزن (بدموع وهو مبرطم )...بس الي ماماتي
زين..(وهو هم دموعة ينزلن)...لا الي
هوس...أسد زينب هيج أحسن
أسد...هي بدت
زينب..لا والله بابة نته
هوس...تنهدت وباوعت اربع اطفال عندي اااخ
------
سارة... طلكنيييي
جبل... بأحلامج تموتين وما اطلكككجججج
سارة...(ودموعي بنزلن بصمت )..نغشيت بيك اني نغشيت ...
جبل...كافي لخاطر دينج (بقلة حيلة)
سارة...مع الأسف علييك مغزرت بيك العشرة
جبل..لا ...
يتبعععع ....
-----
يي شتتوقعون شبيهم سارة وكهف مدري جبل 😂🤔؟
وشتتوقعون أسد حيروح يتعالج من عصبيته الزايدة وتملكه؟؟
ومريم راح تقبل بحسين لو لا 🤔🤔؟؟
ولهنا ينتهي البارت
نشالله يكون عجبكم ....😊
وموعد النشر كل يوم
لخاطر معجبة أسد 😂😂😂😂
وفدوة اذا تلكون واحد مثل أسد عود كولولي عمود ابلغهة 😂😂😂🤣
👇👇👇
1923..كلمه ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!