رواية هوس الأسد الفصل التاسع والعشرون 29 - بقلم Qdark781

زينب....مثل مكتلكم بالبارت السابق ...اكيد تعرفوني..

اني بنت أسد وحوراء....أمي من جابتني ووراهة جابت اختي التؤم توفت..

هي واختي....

يكولون البنية دائما اوعة من الولد بحيث عمرهة بعد سنتين ونص ...

اتلاث سنين وتفتهم وتذكر .....

اني هيج جنت ...جنت افتهم شوي صح مو هواي اتذكر بس اكثر لحظات حياتي سعادة اتذكرهن..

كبرت وية ابوية ... جنت احتاج أم وخاصة اني ماعندي ...

بابة هو المتولي اموري كلهن ...هو جان يغسلي ..يوكلني...

يمشطلي شعري ... يشتريلي ملابس ...يعني بأختصار هو كلشي يسويلي..

يحاول ميخليني احتاج ام بس مع ذلك اني احتاج ام بحياتي...

البنية تحتاج ام لو شما اطوهة وجابولهة وصارو وياهة تبقة تحتاج ام ..

ففد يوم .... قترحو عمامي نروح لكربلاء....لحد هسة اتذكر من شفتهة

من شفت أمي ..... صديقتي.....اختي الجنت احتاجهة...

بوكتهة من باستني حسيت هاي البوسة الجنت منتضرتهة ....

جنت صغيرة وما افتهم ههههههه ...

فمن رحت لبابة وشوفته الهدية ووراهة باوعت وشفت بنية طتكهة جكليته .

غرت ... عبالي بنتهة ... عبالي راح تاخذ امي مني..

امي الي توني لكيتهة..... جتني وتقاسمتهة وياي وراحت ...

راحت لو احس روحي راحت وياهة ..... ابوية شالني ويفتر بية...

اخر شي باوعتلي بحزن وراحت .... رجعنه واني اتذكرهة...

من جنت ارسم قبل عائلتي ... ارسم اني وبابة بس..

بس من شفتهة وكمت ارسم اني بالنص ومن كل جانب مامه وبابه ...

حبيتهة من شفتهة هيج من ربكم نزل حبهة بقلبي...

ومرت الايام ..وفجأة شفتهة ببيتنه ...رحت الهة والدنية متوسعني من الفرح...

ما اريد اشارك فرحتي وية اي واحد....

كم يومية اضل يم مامه هوس.... تتشاقة وياي وتحجي وياي ...

تخليني احس اني جبيرة مو صغيرة ابد....

تلبسني تمشطلي تسويلي اطيب الاكل.....

تزوجت مامه بابة وجنت كلش فرحانه .....

مرت الايام ....وصارت فعلا امي اكثر واكثر اكوم احبهة...

تسمع حجيي للأخير....كله هي توكلني وتدللني....

جنت اسمع عركات بابة ومامة اكثر من مرة اسمعهم

بس مامه جانت تنفي هذ الشي وتكلي متوهمة بس اني بعيوني اشوف بابة شون يضرب مامه ....

بس مامة متكول وتبتسم ولا كأن بابة ضاربهة وجسمه  يأذيهة...

----

احلا يوم من رحت للمدرسة...

جان اول يوم الي بالمدرسة ....لحد هسة اتذكر من جنت ابدل..

عودة.....

زينب...اباوع لمامه تروح وتجي تروح وتجي

زينب...مامة شبيج

هوس..ما اكدر ما اكدر

أسد...شني الي ماتكدري عليي

هوس...أسد شون شون تريد اعوف زينب بحدهة اربع ساعات

أسد....ههههههه لا بربج مو كلنه تعودنه تتعود حبيبت ابوهة

هوس...بربك أسد دحجي جد اني (بتوتر)

زينب...جنت كاعدة ولابسة صدريتي النيلية جانت توصلي للركبة ووياهة ستريج ابيض حلو...

ووياهة قميص ابيض نضيف وحاطة القراصات مسوية مامه شعري كلش حلو...

ولابسة الجواريب مالت البنات الصغار والحذاء الي جان لون نيلي يخبل ...

ويمي جنطتي مال لولو كاتي ودا اباوع شون مامه متوترة ...جنت عكس مامه كلش فرحانه

لان شفت الخوف الخوف والقلق عليية بعيون مامه وهذ اكثر شي احبه ...

وهمين متحمسة للدوام جنت اعرف اقرة واكتب وحته اعرف شوي انكليزي

مامه كلشي معلمتني ....

زينب...مامه عادي ماكو شي لتخافين مو اني بنتج القوية

هوس...يعمري بنتي القوية اريدج تنتبهين وتصادقين بنوتات اميرات مثلج

وهااا المقعم حطيته الج بالجيب الصغير....تاخذين اي شي من اي واحد تحطين من عندة...

والكلينكس المرطب همين اول مترحين للصف نضفي رحلتج ...

وهاي المطارة مال المي .... هاي كلاص همين بيهة اذا واحد راد مي تطي ووراهة تغسليهة ...

وهااا هاي لفتج وهاي الحافضة مالت الاكل حطيتلج سلطت فواكه بيهة...

وهمين حطيت....

زينب...مامه تحجي وياي ودننزل جوة ...وااكل جان يضحك شون مامه حريصة عليية

سرور..دكافي عاد خطية البنية هلكت من التعليمات ههه

سارة....شعبالج لعد والعباس جانت تخليني اكعد واسكت وما اختلط بالي وياي

ريم...خطية ههههههه

جبل...والله هيج جانت وياج

سارة..ونبي جانت اول ما اجي لازم نمسح رحلتنه زائداً...

لازم كل شوي المعقم بأيدنه ونعقم ...والمطارة لازم اذا نطي لاحد فنغسل الكلاص بسرعة...

وهاا صدك ميصير احجي وية الولد الوياي

جبل....والله

سارة ..والله حته اذا اجة ولد لازم تطردة ومتخلي يحجي وياي

جبل...والله وعفية عليج يا مرت اخوي الغالي ...وربي كفو منج من يومج اصيلة ومعدله

سجاد...هاا لان جانت متخلي مرتك تختلط بالشباب

جبل...يي طبعا

رقية...يي والله جانت اذا نطلع اني وياهة لازم ايدي بأيدهة وكدام عينهة واي ولد يباوع تخزرة ههههه

فهد....لكم مو اكولن الكم يا هيج مرت الاخ يا بلاش ههههه

زينب...الكل يضحك وجان الضحك الاكبر من كالت بيبي نور

نور....يي عمة عين البامية

هوس...شكو عيني مو عاجبج (وهي متخوصرة)

نور...لا عيني عاجبني منريد نهجم بيوت احنه

مديحة...شني خيتي كولي

نور...مو انه خايفة يطلكن ويرجعن عليي اذا اكولن(وهي تباوع على سارة وهوس ورقية بنظرات هههه مرعبة)

سارة....احم الجدر على النار حرور اشوفة(بتوتر)

هوس...هه..ههه يلة اني وزينب لعد نروح للمطبخ نشوف شنحتاج هه يلة(بتهرب وتوتر)

رقية....صدك نسيت موبايلي فوك اروح اجيبة(بتوتر ههه)

فهد...تلفونج بيدج بس مكتيلي ست رقية شتقد جدة نور(بأستغراب واسفسار)

رقية...ها ما اعرف ههه هاي هوس تصيح خل اروح (اطفر طلعت وراحت لهوس وسارة)

فهد...بربج جدة كول فضولي يقرة الف

نور...نجب نته ووخر (رافعة خشمهة)

فهد...صوجي سألتج

سجاد .... حيل ههههههه

زينب...اخذتني مامه للمدرسة وبابة ويانه وصلنة للباب ومامه لازمه ايدي وتوصي بية

هوس...يلة حبيبتي روح قلب امج وصيري شطورة وعاقلة

أسد...رحمي البنية عاد دوختيهة ههههه

هوس...اني وبنتي شلك دخل روح

أسد...خلص سكتت ههههه

هوس...يلة بوسة مممح بيباي

زينب...فتت وبدة مشواري الدراسي بس ابد مكرهت المدرسة...

بفضل مامه كلة وياي ومتعوفني وتقريني وترتبني ..

اكثر يوم احبه هو يوم اجتماع اولياء الامور ...من تجي مامه والكل يمدحون بية

هوس....ست بس العفو شونهة بنتي زينب الأسد ..

زينب...يمه شكد احب من تكول كدام الكل بنتي جانو كل الطلاب والاولياء واكفين

معلمة الرياضيات .....انتي امهة

هوس..يي اني شونهة نشالله مؤدبة وعاقلة

معلمة الرياضيات...يااا وردة زنوبة اشطر وارتب وحدة ...

هوس...عفية ببنتي رافعة راسي دوووم

زينب....تبوس بية كل ميمدحون بية ...كملنه ومامه رادت تروح جلبت بيهة

زينب...مامة الله عليج تعالي اعرفج على صديقتي

هوس..امشي يلة ...

زينب...دخلت وطبعا عرفت مامه على صديقتي الاولة والوحيدة ...

مامه هاي مريم ...مريم هاي مامه امي

هوس...فدوووة شهلجمال ولج غشطة غشطة وربج

مريم...ههههه شكرا خالة

هوس...عفوا يقلب خالة تعالو نطك صورة

زينب...كلش احب مامه سبورتية كلش ووجههة بشوش وكلشي تسوي لخاطر ...

طكتلنه صور وراحت اشترت النه ....... كعدنه ناكل وشوي وكل واحد رجع لبيته ...

فثاني يوم بالمدرسة صارت الفرصة والكل طلع بقيت اني ومريم بالصف...

طلعت المروحه مالتي الصغيرة كلش ومريم هم طلعت مالتهة المروحه وحطيناهة كدامنه وطلعت اكلي وهي هم طلعت اكلهة

مريم...شمثويتلج خالة اليوم

زينب...سوتلي برياني وزلاطة لهانة وحطت هواي الي والج ونتي

مريم...مامه ثوت بيتزة صغيرة الي والج

زينب...كعدنه ناكل ونسولف واهم شي العصير يمنه ههههه

مريم....امج كولش حبابة حبيتهة

زينب...يي هي كلش تحبني وتحبج حته بارحة كالت لبابة عليج وبابة كلهة حبيتيهة

فمامه كالتلة يي وهم كالتلي اكلج عود يوم الخميس تجين يمنه تتعشين ...

مريم..عود اكول لمامة واشوف

زينب...يي شونج وية امج

مريم...حمدلله ومامه تسلم عليج همين وعلى خالة صدك

زينب...الله يسلمهة

زينب...كملنه وكعدنه نسولف ووراهة دك الجرس وبدة الدرس...

فأني ومري كد مشربنه عصير فولنه ونريد نفوت للحمام

فمريم رفعت ايديهة وكالت

مريم....ثت عادي نروح للحمام (طبعا مريم تلفظ ال س ...ث ...يعني مثلا متلفظ سمسم لا تلفظهة ثمثم هيج)

المعلمه...يي حبيبتي روح

زينب...ست عادي اروح وياهة

المعلمة...روحو حبايبي بس مو تتأخرن

زينب...وحدة كادت ايد الخ ورحنه للحمام فتنه ومن طلعنه دنغسل

مريم...هثة رتاحيت عزة

زينب..ولج ردت اسويهة على روحي والله

مريم....امشي ههههههه

زينب...دخلنه ومرت الايام والسنين واني ومريم علاقتنه حيل قوية ...

كم مرة جتي لبيتنه حيلللل .....

----،

كبرت وهسة اني نفسي الطفلة الجان عمرهة سنتين ونص ...

صار عمرهة ١٢ سنه ....

واحلا شي وياي اخوتي زين ويزن ويخبلون ...
ومامه وبابة...

صح فرحانه بعائلتي بس ...بس بابة ميتغير...

دائما يضرب مامه وطبعا دائما مامه متخلينه نحس ...

ما اعرف شون متطلع صوت ...متعيط ...ما اعرف...

رحت للمدرسة وكلعادة اسولف وية مريم

مريم...شبيج زوز

زينب...شنو المابية قصدج

مريم...شبيج وكعتي قلبي احجي

زينب...مريم ... مرات اندم من اول مرة شفت مامه بكربلاء ...اتمنه لو مشايفتهة

مريم...ليش

زينب...جان بابة عافهة ومعرفهة 

مريم...هم ضربهة(بهدوئ)

زينب...قصدج كطعهة

مريم...لهل درجه

زينب....ولج والله مسوت شي بس عمو فهد بالغلط لزم زندة بالغلط والله

مريم...بلا بجي قلبي واحجي بهدوئ

زينب...ولج مريم ولا ادري كاتلهة ولا اكو صوت ولا مبين على وجههة

مريم...لعد شلون عرفتي

زينب....رحت دا اكوللهة خالة سارة تدك عليج وجانت الباب مفتوحه شوي ودتبدل...

مريم...ششفتي

زينب...ولج زندهة مطفي الجكارة بي اربع مرات مبين

مريم..اووف اووف حبيبتي لتنقهرين

زينب...شون ما انقهر بربج

مريم...يا قلبي شبيدج على خالة انتي

زينب...يي والله شبيدي

مريم...يي ياعيني بس هو ابوج يموت علييهة زائدا مدللهة

زينب...ميفيد نتي ممجربة الضرب

مريم...يي يا عيني هاي مشكلته شنثوي

زينب...هههههه

مريم...يي بس تعرفين تضحكين عليي

زينب...بربج كولي سرسري هههههه

مريم...ماااا

زينب...بربج هههههه

مريم...ثرثري ههههههه

زينب...يمه متت هههههه

زينب...كملنه اادوام ورجعت للبيت اول مرجعت

اباوع الشياطين الصغار مخربطين الصالة بالملاعيب...

زينب...وين مامة

يزن ...بالمطبخ ليش

زينب..ونته شكو لك

زينب...رحت للمطبخ وشبكت مامة من ورة هي مفزت ولا شي

هوس...بنتي الحبيبة رجعت

زينب..يي اكلج ليش مفزيتي

هوس...شون افز واني ريحت بنتي اعرفهة

زينب...معقول العطر بعدة

هوس..قصدي عطرج الج ريحتج الج ريحة بنتي مو قصدي على الي تبخبخين بي

زينب...يمممههه ابوسة لحلكج

دا ابوس مامه من حلكهة وجان نجرت من حضني باوعت هذ بابة ههههه

أسد..خير قلة الاماكن تبوسيهة من حلكهة

زينب...هههههه بابة تغار على مامه مني

هوس....عوفي بنتي تعالي شوكت متردين بوسيني من وين متردين

زينب...متت ضحك عليهم متزاعلين ومامه متجاهلة بابة

نوب بابة من يشوفهة هيج يهيج بالزايد ...

ههههههه

--------

مثل اي يوم عادي رحت لبيت جدي وهوسة وخبصة هناك ناس بالمطبخ

ناس بالصالة ...ناس بغرفة بيبي الجبيرة ...

والجهال مطشرين....

بتول....فدوة زوزو روحي شوفي صقر وينة فدوة جيبيليا

هوس...يمه وليش بنتي تجيبة

يتول...روحي زوز روحي امج يراد اعلسهة ههههه

هوس...هههه كبر

زينب..رحت  اصيحلة دورت ماهو رحت برة ماكو فشفت يوسف ابن عمو علي ..

زينب...يوسف اوكف

يوسف..ها

زينب...وينه صقر

يوسف...اعتقد شفته بالسطح شوفي

زينب...ماشي...رحت ادور عليي بالسطح الباب مفتوح ماهو ...

دا اريد ارجع وما احس الا نجريت ورة السطح بمكان محد يكدر يشوفني باوعت هذ هشام

ابن عمو طالب

زينب..هشام هاي شبيك عفية وخر خرعتني

هشام....انتييي شون تصعدين اهنا هااا

زينب...عفية لتعيط بلة كلشي حوكع اني

هشام...ليش شبيج(بقلق)

زينب...فحطت صار ساعة ادور صقر ماهو

هشام...هذاك الطايح الحظ طلع وية ابو

زينب...خرب صار ساعة ادور وسألت يوسف كال بالسطح

هشام..زينب بعد لتطلعين للسطح ابد

زينب...ليش

هشام...ياعيني ظهرية وميصير البنية تطلع للسطوح واصلا لو يدري عمو أسد اكيد ميقبل ونوب يعصب عليج

زينب...صحيح اسفة

هشام...(حط ايده على شعري وباوعلي وبتسم وكال)
عادي مصار شي وهسة روحي نزلي وهاا شربي عصير بارد

زينب...يي دا اروح جان يلزم ايدي ويكول

هشام...منسيتي شي

زينب...هاا يي صح ...بسته بخدة ونزلت ....متعودة ابوسة بخدة من احنه وصغار...

وقصدي مو غير شي 🌚...بس انت منحرفين فنيتكم وصخة اني نيتي بوسة اخوية ...

زينب...نزلت وجان ركضتلي مامه وتكول بقلق

هوس..يمه بنتي شبي هيج وجهج احمر عزة ليش هيج

زينب...تحجي ودموعة ينزلن

سارة...شبي وجهج زوز ونتي الثانية بلا عوي

هوس...شون ما ابجي تشوفين نتي وجهه

زينب...مابية شي مامه بس لان حارة وادور غلى صقر طلع طالع وية عمو سجاد ...

بتول...لا يا ادبسزز يطلع وميكول

هوس...ووين دورتي عليي عمود هيج وجهج احمر

هشام...خالة انه اكلج

هوس...كول حبيبي

هشام....جانت تدور على صقر والغبي يوسف كاللهة بالسطح وهاي تركض تدور عليي

ونسلكت بالشمس

هوس...تعالي ولج احطلج لبن وهاي شربي العصير

زينب..شربته ومامه فوك راسي كلش تخاف عليية من اي شي ...

وراهة اجه بابة وعمامي كلهم وبيبي وجدة ...

وكعدنه نتغدة .... كملنه وكل واحد راح لبيته وهيج مرت العطلة...

وهسة دا احضر روحي حدخل للمتوسطة مبقة شي ويبدي الدوام ...

وممصدكه حصير اول متوسط اني ومريم

وأصلا متحمسة ...

باجر نروح كلنه لبيت جدو ومريم هم تجي 💃العب

هوس...ولك زيين عوف شعر اخوك

زينب...يلة روحو شكلهة صارت المعركة كالعادة بين زين ويزن واخر شي ياكلون كفختين اربعة من ابوية هههههه

-----

الى هنا ينتهي بارت اليوم...

اتمنى عجبكم .

تغاضو عن الاخطاء الاملائية ما بية حيل اصل اعيد 😂😂واكتب...

واسفة تأخرت بالبارت بس جانت عندي مشكلة بالكيبورد...

وبس ما اطول عليكم بايي..