رواية هوس الأسد الفصل الثامن 8 - بقلم Qdark781

نور....بس مكتولي منين تعرفون زنوبة

حليمه....يااااا جا انتي بنت كربلا ... يووو شكد صايرة انسة

نور...شني ياكربلا

حليمه ...خية تتذكرين من جتلج اكو بنت حبتهة زنوبة بكربلا هذي هويسة

نور...هااا هيج الحجي هسة فهمت

سارة...اباوع عليي هذ الي اسمه اسد بدة يكوم ويذبحهة لهوس ....نوب باوعت على جبل يخنزر

هذ شبي؟؟

عزة !!بس لا شافني اباوع على اسد هسة يفهم غلط

امدحظجن يهوس وسارة دومه اغبر ...

هوس...ضليت اباوع على زينب واحاول اتجنب نضراته...

حليمه ..... جا نورة مرة كتيلي ايد هويسة مخلوعة ما فهمت شني شصار

نور...والله يخية اجيت اشو هاي وجهة ازرك وايديهة ملفوفة جتلهة شبيج...

هوس...عزة بس لا راح تكول سترك الهي !!!

سارة...رحتي بيهة يهوس عزة هاي نوير مال اشرب دمهة والله هههههه

نور.....يي عاد سألتهة يابة شبيهة ايدج ..جان تكلي

جلب لاحك وراهة وعاضهة وهي تركض وسوتهة فلم هندي واخر شي طلعت مخلوعة ...

هوس....والله يا بيبي لو يطلع زوجج من الكبر ويزوج عليج مليون مرة ميرفلي جفن عليج...هههههه

اباوع عزة هذ بدة ياكلني والله ...

سارة...اكلج كومي نروح منا لان شكلهة راح اتنكلب عركة باع الوجوه المكلوبة ...

هوس...يي للمطبخ ركض امشي..

كمنه للمطبخ وتعرفنه على بنيه اسمهة ريم تصير اخت اسد...

ريم...والله توة نور المطبخ دشن دشن...

هوس...بنورج حبيبي...

ريم....يروحي اكعدي تشربن شي

سارة...والله منريد شي وياريت تعاملينه هيج عادي

هوس..يي بضبط صرتي صديقتنه وانتو همين بنات

الكل ...يي

________________________

ريم.....طبعا اجة الوكت الي اطلع بالقصة واعرفكم عني....

اسمي ريم وعمري 19...طبعا هنا عندنا لازم الوحدة تتخرج من السادس اعدادي حدهة كلية متفوت..

واذا تزوجت وزوجهة قبل عود عادي تداوم...

قبل لا ابدي بقصتي خل اكول مواصفاتي...طبعا اولا طولي 166طويلة ..ووزني68..بس متناسق وية جسمي .....بشرتي حنطاوية على سمار اكثر شي..
شعري يوصل لنص ضهري لونه بني غامق ....خشمي شوي عريض بس لايك لوجهي ....وحلكي صاير دائري حلو بس مو منفوج ....وبس هذي مواصفاتي ..

---------

قصتي هي تربيت بعائلة كلشي حرام حرام عيب ميصير ....

انتي بنية ميصير انتي بنية لتسوين هيج ....ووو كومه شغلات تخليني ابجي ليل ونهار...

كبرت وتعلمت كل شغل البيت طبخ تنضيف شون اخبز...

كلشي تعلمت والحمدلله...

تبدي قصتي من صار عمري 16سنه .... بوكتهة جنت راجعة من المدرسة للبيت وطبعا جان لازم اخوية فهد يجي يجيبني...

تأخر واني بهل حر واكفة خدودي صارن حمر دم ...وكمت الهث من الحر ...

نوب ما اكدر ارجع اخاف وماكو طير من البشر ...

شفت ساعة ايدي صارت بالخمسة ومحد ماكو ...

اخر شي كمت ابجي مستحملت اول مرة يصير هيج شي وياي...

طبعا اني طبعا كلش محلو ابجي بسرعة وخوافة والسبب امي....

كلشي عدهه عيب وحرام ....

جنت ابجي وما احس الا كبت عجاجة مال تراب ...

باوعت اعرف هاي السيارة يي هاي مال ابن عمي...
مرتضى....

نزل ركض من السيارة الي ...

مرتضى....انتييييي غبيييةةةةةةة ولللج مطيي تضلين هنا واكفة بهلشمممممسسسس

ريم...نوب زاد الطين عليية كمت ابجي واشهك ...

والله...و...ووو...والله...مو ..مو .ب.ببب.

مرتضى...اششششش...كافي اهدي مصار شي يلة اشش...تعالي

ريم....اخذني من ايدي وجاب بطل مي وهو بعدة لازم ايدي فتح البطل ...بأيدي الثانية كام يدير على وجهي ويمسحه..

مرتضى...مو بقصدي اعيط بس تخيلي لو مفايت بهذ الفرع اني جان انتي باقية ليحد هسة ياعيني ...
واسف همين على العياط مالي...

ريم...طبعا ما اوصفلكم صدمتي ...ولد عمي واخواني كلهم نفس الطينه عصبيين وميعتذرون لو تحطسجين على ركبهم

طبعا ما عدا جبل شوي زين اها شوي ..ارحم منهم ...
نوب مرتضى هيج يعتذر وخايف اكثر مني...

مرتضى ...يلة تعالي صعدي...

ريم...صعدني وفتح التبريد بس نصا كال احسن موزين

تمشي السيارة بسكوت ليحد مقاطعة هو

مرتضى...ريم ليش مارجعتي للبيت من شفتي محد جايج

ريم...صفنت تذكرت من رجعت بالسادس ابتدائي للبيت...

ام اسد....وج يمعزاية شجابج وج ادك والطم(طبعا
تحجي وتضرب راشديات)

ريم....فد..فد...فدوة والله...والله...لان.لان....ااا..

ام اسد...وجج انتي ناوية تجيبيلي العار وللججج.

ريم....وضلت تضرب ومكلت لاي واحد ما اريد تصير مشكلة لان بابة وجدو ميقبلون امي تضربني...

طبعا امي معيشتني بجحيم وضرب...هسة تكولون اكو هيج ام ...هههه لا ماكو ....

هي بالحقيقة ....امي الحقيقية ميتة ....اهلي تدرون شيوخ ويجو هداية وفصليات ...فأجتي هدية لتبوية وجابتني وماتت وبلش ضيمي وية خالتي ...
ودائما اصيحلهة مامه بس لو اعرف ليش هيج تحقد عليية..

ريم ....صحبت من صفنتي على صوت مرتضى

مرتضى....ها هووو وين رحتي..

ريم...(فشلت )...احم وياك بس ما ارجع لان امي متقبل

مرتضى...ياعيني من مرة ثانية يتأخرون عليج للاربعة ونص وربع رجعي

ريم... نشالله ...

مرتضى ...اي عود ارجعي مو هم اشوفج مثل العصفور المبلل كاعدة وتعوين

ريم......يااا هاي منو

مرتضى....ابوية يعني منو غيرج ههههههه

ريم...مستحملت ضحكت ويا..

___________________

ومن هذاك الوكت ما اعرف صرت من يجي قلبي ينبضلة ...

من اشوفة احس روحي اصخن اصير نار....

من يبتسملي من غير بنات عمي .....يشاقيني...

يجيبلي جبس او نستلة .... معتبرني اخته الصغيرة .

وهذ اكثر شي يأذيني ....اني احبه ثلاث سنين عشكته

معقول حب من طرف واحد....

جنت عبالي حب مراهقة ويروح بس ...

بس دخل لقلبي استحلة وعقلي .....ما اكدر اطلعة...

بيوم عزيمة وحفيدة بيبي نور جتي هي وصديقتهة..

فكعدت الصبح طبعا العزيمه ببيتنه نضفته وكلشي خلصت ...

فطلعت ورة البيت اخبز...جنت لابسة دشداشة ...
لون وردي بس شوي ضيكة من يم الصدر والخصر..

وشال لابسة .....رافعة رداني ودا اخبز ببحدي

كملت اخر كرصة خبز ...وحطيتهن طفت التنور دنكت....

شلت الخبز وجان اندار ...ووووو

يتتتتبببببعععععععع

_____________

هلاووو

نشالله حبيتو البارت ...

واسفة على التأخير...

وبااييي

❤❤❤💗