هوس....مر اسبوع بعد زواج ريم وسرور وطبعا زواج سارة مبقالة شي يومين ويصير بس تأجل لان جبل جان عندة شغل...
وطبعا اني بهل فترة قوت علاقتي بأسد وكمت اجبه كلش ...
وزنوبة همين صرت ما اكدر بدونهم اذا ما اشوفهم يوم احس قلبي يقبط...
كملت شغلي ورجعت للبيت رحت لغرفتي وطلعت جنطة سفر جبيرة...
طبعا هذي الجنطة دا اجمع غراض ملابس وغراض للبنات البلميتم اكيد منسيتهم اني مستحيل انساهم..
حطيت بيهة قراصات شتريتهن حلوات للبنات وسديتهة ...
دكيت عليهن وطلعتلي ياسمين ...
ياسمين....هلاو هوس شونج
هوس....هلا يروح هوس رخير دام سمعت صوتج ونتو
ياسمين ....كلنه بخير ما دام راحت عجوز النار
هوس...يي احسن(طبعا نسيت اكلكم حجيت لاسد انو صاحبة الدار المديرة شون جانت معاملتنه وبعد هو ستلم القضية وفصلوهة جابو وحدة جديدة فد حبابة )
ياسمين...تدرين كلنه مشتاقين الج حيييل
هوس...والله اني اكثر بس خل يخلص عراس سارة واجي يمكم.
ياسمين...كولي واللله اااااااا
هوس...ولج اذاني
ياسمين ....سوري تحمست
هوس...يقلبي والله كلش مشتاقتلكم يي سولفيلي شونكم
وكعدت تسولفلي وراهة سديته وياهة ورحت ندكت الباب...
نزلت افتحهة طلع أسد وزينب...بسرعة زينب حضنتني شلتهة بوستهة ...
هوس...هلاو
أسد...الله يساعدك بوية مو هلاو
هوس...مو متعودة والله
أسد...يي هاي زينب يلة خل اروح
هوس....ليش هسة
أسد...ليش ترديني ابقة
هوس...لا قصدي اا
أسد...ها
هوس...يي ابقة شوي
أسد...غير مرة والله توهم دكو
هوس...ماشي بيباي
أسد .....ماكو بوسة
هوس...لا روح هههه(دا اضحك جان يبوسني بحلكي ويروح حمدلله زينب مدتباوع جانت دايرة وجههة)
هوس...يي زنوبة سولفيلي خالة سعاد شتسوي لبابة
كعدت تسولفلي واني اجر لسانهة😂😂
صار اليل واجه أسد اخذهة وراح ..
وهيج مرن الايام ومر عرس سارة (مبية حيل اكتب الاحداث هي نفسهة احداث الاعراس الباقية😂)
راحت سارة والبيت صار ملل كلش عاد دكيت على أسد
أسد ....الوو
هوس...أسد
أسد....عيونه
هوس...ااا عادي تاخذني لبغداد اروح
أسد....شسوين
هوس...مو كتلك اروح للبنات شتاقيتلهن فدوة
أسد....لعد يوم ابقيج
هوس...بربك لا خليهة فد اربع تيام هيج
أسد...كل عقلج اخليج هيكد
هوس...بربك شبيك(وكعدت ربع ساعة اقنع بي ليحد مقبل تلاث ايام وخلص)
حضرت غراضي وكملت وباجر الفجر نطلع...
رحت لبست الشال ورحت لبيتهم بيت أهل اسد لان كالو هناك نتعشة...
اول مدخلت للاستقبال والكل كاعد جتي سارة حضنتني وتبجي....
سارة...لي..لي...ليش..ششش...حقيرةةة(ببجي وشهكة)
هوس...ههههههه شبيج
سارة...لتروحين فدوةةةة شسوي بدونج
جبل...يي هوس شسوي بدونج واليمهة خراع خضرة
سارة...اسكككتتتت فدوةةة ااااااا(ببجي )
هوس....عيييع صوتج مال جهال كبر سكتي هههههه
سارة...جلبة حقيرة ليش ترحين شتردين اسويلج بس لترحين
هوس....شريد
سارة...يي
هوس...عوفي جبل وتزوجيني لعد
سارة...هههههههه كبررر
هوس....لعد متقبلين خلص
سارة.....(تبجي)
هوس....صدددك!!! كتلج
سارة...(بسرعة كمزت مسحت دموعة وكالت لا ولا كأنو توهة جانت تبجي)
هوس..(شاورتهة )
سارة..(كامت تكمز وتضحك)
هوس...خبال كعدي
فهد...بربج شنو كلتيلهة
سارة...مالك شغل بيني وبين صديقتي سر
فهد....بربج شبيج
هوس....بعدين اكلك
سارة....امنه مو تكولين اله
هوس....والله اكولة 😁🤪
سارة ...كبر حقيرة
فهد(طلع لسانه على سارة ويعيب)
هوس...تعشينه وهاي جان طلعنه ونمت شوي والفجر طلعت ركبت بالسيارة...
طبعا جانو جايين سجاد وفهد...والطريف كله يحششون...
أسد....يابة بالقرآن اليفك حلكه اشكه اله كوا***د نجبو عاد
اشوفهم سكتو بسرعة كمت اضحك على الساكت
وصلنه للميتم بعدنه بالشارع ماله جان اشوف ياسمين دترجع ..
هوس...اوكف اوكف أسد...(فهو بسرعة وكف جان فتحت الباب ورحت امشي ورة ياسمين )
هوس...صوفرتلهة ...كامت تمشي بسرعة عبالهة ولد هههههه
هوس....هي السمة بتمطر مزز(اقروهة بالمصري ههه)
بسرعة وكفت وندارت عليية حضنتني وكامت تبجي
اني هم حضنتهة تربينه سوة كبرتهم على ايدي ..
احسهم جهال واني امهم...
بسرعة ركضت وسحبت ايدي وفوتتني بالميتم وصاحت على البنات كلهن اني بلباب واجني يشبكن بية ويحضنن طبينه جوة اصلا نسيت أسد والبقية...
عاد جتي رقية ركض شبكتني طبعا رقية عمرهة صار(١٨)
وتبجي هدينه مسحنه دموعنه جان يندك الجرس...
رحت افتحه من فتحته كال سجاد
سجاددد ..... يييي من شاف احبابة نسة اصحابة مو
هوس...ههههههه سوري
سجاد....مممم وجع لعدوي
هوس...ههههه
فهد...يي قدمولنه شي اكل زحير
رقية (بغباء)....عدنه اكل بس زحير ماعدنه
هوس...هههههه عوفي لتطو شي
فهد...اها هيج صارت
هوس...والله تذكر قبل شهرين من طلعنه وكتلك اشتريلي مي ومقبلت ..
ها تذكرت ...
فهد....كبور اي والله والكرف هاي هيج تذكرين الزلة
هوس...يي اتذكر الزلة
فهد .... ساعة شيطان جانت
هوس..دنحجي وفاتت ياسمين وبيديهة صينية مال عصاير وكيك
حطيت ايدي على كصتي بقلة حيلة
حطو كدامهم الاكل عاد سجاد ياكل ويكول
سجادد...ييي هذ الكيك الزين بلة تعرفين هيج تسوين
فهد...هنا النسوان المعدلة بلة منو سواهن
رقية...احم من الافران قريبة
أسد...(جان دياكل غص من الضحك)
هوس....حيل الا تفشلك
ههههه اسم الله اشرب عصير
هوس...راحو وبقيت وطبعا لاحضت نظرات فهد لرقية ....
وهي ولا يمهة لازمه ايدي وكاعدة ...
هوس...دا اسوي عشة جلفراي وهن كاعدات يمي ويسولفن وياي
هوس...يي رقية شراح تفوتين معدلج ١٠٠
رقية...والله افوت مثلج احسن
هوس...وج فوتي دكتورة صيري
رقية...لا عيع شلي بدوخت الراس معولت خلصت من الدراسة اريد بساع بساع اكمل
هوس...يي عفية
كملت ورحنه نصلي وراهة تعرفت على المديرة الجديدة حبابة اسمهة سهام ...
وراهة صبيت اكل وكعدنه كلنه ناكل ونضحك
فرشنة كلنه بالكاع وتجطلنه البنات نامو بقينه اني ورقية وياسمين وازهار
نسولف واني اسولفلهم على أسد..وعلى كلشي صارلي
نمنه وراهة ثاني يوم كعدنه وهم نضحك ونسولف لحد العصر كتلهم بدلو خنطلع ....
طلعو راح يرحون كلهم اليوم فبقت رقية وياسمين عمود .....
وهدوئ عاد كتلهم بدلو خنطلع ..رحت لبست فستان بس يوصل لحد فوك بشوي من حجل رجلي ..لون ابيض وبي ورد وردي وشال وردي وحذاء ابيض وجنطة وردية
دكيت على أسد وكتلة كال راح يدز فهد وسجاد...
جتي ياسمين جانت لابسة تنورة للركبة وقميص
ورقية جانت لابسة اوفر كلش حصر وهي مربربة شوي بيهة لحمه وجان الاوفر يوصل لركبتهة...
ولون اسود وويا بدي احمر وهي بيضة طالعة كيكة ونبي...
هوس....تعالي احطلج حمرة
رقية ...والله
هوس...يي تعالي تونسي شوي
حطيتلهة حمرة لون احمر ومسكارة وبلاشر لون احكر بس كلش فاتح
جان يدك عليية سجاد طلعنه وكبنه ورة
اباوع فهد يباوع من الجامه وصافن على رقية..
هههه الاخ نتهة حقة عمي اذا هي كيكة الجلبة ...
اني كاعدة بنص للعلم T_T
رقية...صددك كتلجج!!
هوس...شنو
رقية...تذكرين اياد
هوس...من كاات هيج كتلهة اي وبلختلة ابوع فهد قرب راسة كلش عمود يسمع منو
رقية....قبل اسبوع اجه كلي هو عود يحبني ويريدني للزواج مو للعب
سجاد...يي ونتي شكلتي
رقية.(بدون متنتبه انو هي دتحجي كدام غربة)
والله رفضته صح حلو عيونه خضرة وشعرة اسود بس امه فد وحدة مكروهة...
كلش وهو يموت على امه هاي اولا ..وثانيا ممبقي وحدة محاجي وياهة ...
هوس...كفو والله عفية عليج تربيتي
ياسمين...يي ولج نوب ععيييع ابن عمه يكول خل رقية تحجي وية ياسمين اريدهة عووع ...
اصوم واصوم وافطر على خر**
هوس...صميت حلكهة امداج سكتي هههههه
سجاد ...ليش شبي
ياسمين ...قصدك شنو المابي مهتلف الكاع زايعته ونوب جذاب وامه اااخ ما اريد افوت بأعراض العالم
سجاد...لعد خيولي عوفي
ياسمين...هو بس شفته وصوته جان عالي يحجي وية اياد ..
الله وكيلك جريته بزيج
سجاد(ندار على ياسمين)...والله كفووو نتي البنية الزينه
ياسمين...والله
هوس...شبعنه ضحك وتونسنه ورجعنه ومرن الايام ورجعت للبيت ...
وستقبلوني بالنوح والبجي ليكول جنت مدري وين
سرور تبجي ريم تبجي زينب تبجي سارة تبجي حته بيبي نور تبجي ...
طلعت محبوبة😂😂🤪
مرن الايام وهاي مرن اسبوعين وطورت علاقتي بأسد كللللش واجه وخطبني وبعد كم يوم للنيشان...
_______________
سارة....احلا ايام حياتي عشتهة وية جبل تزوجنه ونطلع ونطب احلا شي ....
مدللني واني مدللته وطبعا كلكم صارعدكم فضول تعرفون شكالتلي هوس...
طبعا كالتلي انو طلعت مرت سجاد حامل (الي ميتذكر سجاد فهو صديقنه من بغداد)
ففرحت لان صارلهم شكد يردون طفل
ومرن ايامي بهدوئ وحب
__________________________
الى هنا ينتهي البارت
اتمنى يكون اعجبكم
واسفة عن الاخطاء
وبس
بايي🥰❤😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!