هوس....طبعا صار هواي شغلات بالاسبوع الفات
منهن انو زنوب كامت كل يوم يجيبوهة يمي من
الصبح وتروح بليل كلش تعودت عليهة ......
انومهة ابدللهة الله حط بقلبي محبة لهاي الطفلة
يمكن لان مجربة شعور اليتيم ....
احس من تكلي مامه انو اني امهة من صدك اني امهة
احس بسعادة ....
طبعا بهذ الاسبوع أسد سافر وبعدة مراجع ...
وسارة هي هي حياتهة حلوة .....ريم همين على تواصل وياههة ووية سرور كلش صرنه صديقات احنة الاربعة...
__________
هوس...دا امشط شعر زنوبة جان يدك موبايلي بدون ما اشوف الرقم ...
...الو
هوس...الوات منو
...لهل درجة متعرفين صوتي شبساع نسيتي
هوس....خرب شكو جاوبت امداية اي والله
هوس...احم شونك
أسد....يي هم زين طلعتي تعرفين الاصول بالمكالمه تسألين عبالي هم ارزلج بس زين مترزلتي
هوس...وهسة شتريد
أسد...مو اكول تموتين على الرزالة
هوس...سكتت مجاوبته
أسد...همم
هوس...شنو
أسد...يلة دا انتضر
هوس...شتنتضر
أسد...موافقتج
هوس...كتلك ما اقبل لو مدري شيصير
أسد...مو الزمج من ايدج التوجعج
هوس...الايد التوجعني اكطعهة ؤك
أسد...ماشي يبوي تدللين من عيوني نتضري
هوس...سد التلفون بوجهي..شبي هذ صاحي
زينب....منو ؟
هوس....صديقتي
زينب...اي...مامه صبغيلي ادافلي(اظافري)
هوس...تدلل عيون امهة
هوس.....فكرت شراح يسوي ؟الله يستر
_________________
سارة....مرت الايام والاسابيع وحبي لجبل يوم عن يوم يزيد....
احترمة كللش واطبق كلشي يكوله..وسعيدة بهلشي..
ينصحني ...وكلة بحب....كمت ما احط مكياج مثل قبل...
كلتلة شوي توسلت بي عمود احط بس مسكارة وحمرة خفيفة ...
يلة قبل بس احط حمرة كون هو يشوفهة ويحكم
لبست عباية (جبة)....وكمت لبسي كله مستور
ماعندي اصدقاء ولد ابد...
حسابي على الانستا حذفت كل الولد المتابعيني طبعا هم ممسوين شي بس متابعيني ويشوفون الاستوري مالي
حذفتهم وبقيته خاص بس هو وكم اقارب الي واكيد هدود...
عيني كلة بالكاع من امشي...من نروحلهم اضحك بصوت ناصي...
احبه واموت عليي.....وابد ممتجاوز عليي يحبني ويحترمني...
من اصعد ويا بالسيارة احس روحي طايرة من الفرح
اول حب بحياتي ملأ الفراغ البداخلي....
احبه لجبلي ...
جنت دا اطبخ طبعا اني مو هلكد اعرف بس من كلي يريد يخطبني...
وعرفت بي يحب الاكل كمت اكول لهوس تعلمني...
علمتني كلشي اسوي صح بعدلي اكلات مو هلكد بيهن
بس دائما تشجعني ...وتكلي مو من اول مرة تضبط
دائما اودي الاكل لجبل ...وبكل حب ياكلة كله..
مرة طلع مابي يملح هواي اكلة كله وبحب ياكلة ومن يكمل يكول
عاشت ايديج ويبوس ايدي...من يبوسهة عيني تدمع
ما استحمل وممصدكة عندي هيج رجال...حبيب...ممصدكة
ففد يوم جنت كاعدة وجان يدك
سارة....هلا حبيبي
جبل...ساكت
سارة...حبي شبيك؟؟
جبل....سارة اني...
_____________
ريم.....أسد راح سافر وفهد مو كل الوكت بلبيت ولد عمامي يطلعون...
مرت ابوي هم كل شوي يم اختهة والبيت شبه فارغ بس ٢٤ساعة اني وسرور بي
ففد يوم ساعة بال٣ الظهر هيج جانو نصهم نايمين والنص الثاني طالع ...
المهم...رحت للمطبخ اسوي شي اكلة لان ممتغداية
جان اسمع صوت واحد يحجي....
....لج دنجبي
لحضة !!!
هذ مو صوت مرتضى؟؟
طلع يحب واني اكول ليش ميحبني
مرتضى...يابة اسف وربج اسف بس اعصابج حبي
مرتضى ....ولج اشاقيج جا غير نبضي نتي وتؤم روحي...
ريم اسمع وكوة حابسة الشهكة...والغصة...
مرتضى...يلة ولي حبيبتي
ريم...سمعته سدة سويت روحي توني داخلة ومبتسمه
مرتضى...هلا بوية
ريم...هلا بيك .
مرتضى ....يي شجابج هنا
ريم...جيت اخذ مي
مرتضى...راح اجيب اكل من المطعم تردين..
ريم...لا شكرا...دا اروح جان يلزم ايدي بسرعة وخرتهة
ريم...هاي شبيك
مرتضى...انتي شبيج شنو مريضة(يحجي ويتقدم)
ريم..(رجعت ليورة)...مبية شي بس وخر(فجأة لزم ايدي)
مرتضى...شبيج بابة ليش هيج صايرة وياي
ريم...شيل ايديك ووخر تخبلت(حجيت بغصة وغرغرن دموعي لان كوة حابسة دمعتي من سمعت يحجي وية بنية)
مرتضى...لا الموضوع مو هنا ينحجي تعااي
(سحبني واخذني بغرفته واني احاول اوخر)
مرتضى...يلة وهسة احجي شبيج متخبلة
ريم...للتقرب مني ثانية انتة منو وهيج تلزمني
مرتضى...هااا هيج صارت انه منو
ريم...اي منو هااا انت ابن عمي لتتجاوز حدودك
مرتضى.....شتعتبريني (بهدوئ)
ريم.....(سكتت)
جان يلزمني من زندي ويهزني قوي
مرتضى...احجي شتعتبرينيييي(بعصبية)
ريم...مالك شغل(بشهكة وبجي)
مرتضى...دا اكلج شتعتبريني(بعياط)
ريم....تريد تعرف هااا (بعصبية وعيني بعينه)
مرتضى...اييي
ريم....احبك احبك احبك تدري يعني شنو احبك لا مو احبك مخبلة بحبك ...
من اني ومراهقة واحبك اكول هذ حب مراهقة ويروح
بس مرراح ...
(ببجي وهمس)
مراح بقة ... كل يوم اشوف اهتمامك بية وحبك بس بس..
بس ارجع واكول متعتبرني غير اخت...(قاطعني ببوسة)
احس شفتي نشلعت بحيث حسيت طعم الدم ...
مدري منين جتني جرأة وبادلتة بقسوة وهو هم بقسوة
الدم من شفتي وشفتة يطلع ...
وخر ورة دقايق وحط راسي على صدرة ...
مرتضى....دير بالج انتي مو اختي انتي مو اختي ديربالج تعيديهة...
ريم..(ببجي)...ليش هيج تسوي هاا
مرتضى...شمسوي
ريم...ليش من اريد انساك تطلع هااا
مرتضى...ومنو كال اريدج تنسيني هاا شلون طلعت فكرة براسج ماحبج
ريم....سكتت
مرتضى...احجي كلشي بقلبج لتبقي
ريم...منو هاي التجنت تحجي وياهة جوة
مرتضى....هههههههههههههههه
ريم...شبيك تضحك
مرتضى...ولج شكد اعشك غبائج (حضنهة حيل)
باعي هاذ صاحبي واني احجي ويا بصيغة بنية لان اسمه صفاء بس بالجنسية مسمي صفا
ريم...وشون اتأكد
مرتضى....من عيوني هسة اخليج تتأكدين
طلع التلفون دك على اخر رقم داك عليي
مرتضى...ولج هاا شونج
صفاء....باع مرتضى كافي تحجي وياي بصيغة بنية راح اشك *****
بسرعة طبكة بوجههة
مرتضى....ممتربايين هههه
ريم...ههههه(اضحك وابجي وممصدكة
شعور انو التحبي يطلع يبادلج بهذ الحب احلا من ايشي بالدنيا
مرتضى...ها يالتشكين بية هااا
ريم...بتسمة بوجههة وحضنته حييل
فجأة نفتح الباب...
____________________
سرور....مر اسبوع وهو هو حياة عادية اكمل شغل لو اكعد على التلفون لو انام لو تلفزون ...
ماعندي شي جديد لو اروح اصلي ليوسف...
فمرة جنت بالحديقة اسقي الوردات مالي...
من رحت لبيت سارة فشفت هوس عدهة عجبني البنية ما كالت لا
شالت وطتنياهن وبديت اعتني بيهن صدك شي حلو
ويوونس...
اهلي كيفو لان نفسيتي وية هوس والبنات اني وريم دتتغير...
بهذ الاسبوع كل ما اشوف علي احس روحي اصخن ارتبك ..
اشوف بنات عمتي يمه اريد بدي الزمهن واشرب دمهن
بس حمدلله هو ممعبرهن ...
احبه يي وشلون تأكدت نفس ريم ..... كلشي نفس ريم من حبت مرتضى...
اووف اوووف احنة ناوين الا نتعذب اني وريم بحب ولد العم
المهم نرجع...
جنت اسقي الورد والشمس كبالي...فجأة ظل فوكاي وخر الشمس ....
باوعت هذ هو عليي !!!بس ليش جاي يمي
علي....هاي شنو وردة تسقي وردة
سرور...احس حطك من الحرارة
علي....باع باع ثول غير تحطين شي على وجهج شوفي شون احمر
سرور...ها
علي....بع الفهاوة
سرور....احم بس اكمل اخر وحدة
علي....شو دجيبي لعد ليش جيتج غير اخذ منج ..
روحي طبي جوة نكعي روحج بالمي بس مو كلش بارد يلة ...
سرور...اخذهة مني وبدة يسقيهة واني صافنه كمل كام
علي...بع بع الفهاوة على شني لعد انه ليش سويتهن غير عمود تفوتين ......
سرور...رحت
علي...بابة فهاوتج متبطليهة....
سرور...رحت غسلت ووراهة بدينه نسوي غدة اني وريم وامي ونسوان عمي...
كملنه وكعدنه كلنه على سفرة وحدة....
جان يكول جدي...
الجد....سمعو يابة انه جاييني خطابة زينين وابنهم دكتور...
وناس معدلة يخطبون مني
جبل...يي جدي بس منهي من البنات
الجد...بوية جايين يخطبون سروو (سرور)
سرور....بسرعة دنكت من دتكت باوعت علي دياكل طبيعي..
احس قلبي هيج انكسر كسرة ماكو منهة
جبل....بيهم الخير جدي بس خلي سرو هي تقرر نسأل على الولد
سرور...استحيت اضل واصلا مو لان استحيت بس لان اذا واحد يسويلي بزز ابجي
جتي وراي ريم...
ريم...تعالي حبيبة خيولي بي هير جان كلج احبج هو واخوج مابيهم خير
(طبعا هاي الاحداث قبل ما مرتضى يعترف لريم)
سرور....بس حاضنتهة واخذ شهيق وزفير عمود ما ابجي
ريم....اوووف اوووف احس بيج والله احس
سرور....ههه يي تحسين بية ادري هسة من صدك حسيت وجعج من جنتي تبجي اخر اليل وبالحمام
ريم...يي طبعا غير تحس يااااا لج جنتي تصنطين عليي
سرور...ههه(كمت اضحك)
ريم...ايا ادبسزوز على كولت هوس..
سرور...وج انجبي هههه حموت
ريم...يي ضحجي ضحجي على كولت حبوبة
سرور...بتسمت وراهة صاحونه نغسل المواعين ونكمل
توسلت بريم هي تودي الجاي .
يعني اتعجب عليهم بنص الحر وبنص البصرة والنار وورة كل وجبة جاي ..
راحت تودي جاي كملنه كلشي وراحت ريم نامت وكل واحد راح بغرفته بنام ...
طبعا نومت الظهر حالهة من حال الجاي لازم قانون ...
كملت ودخلت للحمام طلع البوري (الحنفية او الدوش)
خربانه ...اخذت ملابسي وما اهرف وين اروح...
عاد طلعت من الغرفة ودا افتر جان اشوف مرت عمي الحسن ...
مرت عمي....يمه شسوين هنا
سرور...والله عمة اريد اسبح وووسولفتلهة
مرت عمي....يمه فوتي لحمام غرفة علي وليدي
سرور...ها
مرت عمي...يمه طالع هو كال رايح ويتأخر لليل يلة يجي
سرور...اخاف ميقبلون ويشوفوني
مرت عمي...لا يمه اني اكوللهم اني كتلهة روحي يمه
سرور..امري لله كتلهة شكرا ورحت
فتت للغرفة تخبل وعطرة يموت ...
فتت للحمام حلو مو كلش جبير بس كلش حلو نازك
سبحت وخلصت طبعا اني اطول بالحمام يعني ساعة هيج
كملت ولفيت روحي بالمنشفة ..جانت لون وردي توصل لفوك ركبتي ...
رحت جبت المرطب مال الجسم ومال الوجه المه مجبت كل المرطبات خليتهن علي الميز تواليت وكعدت احط وراهة حطيت مرطب لشفتي مال فرولة بي لون احمر خفيف ..
جان اكمل منهن خلتهن على فصحه ودا اكوم
جان.....
_______
والى هنا ينتهي البارت
جدا اعتذر تأخرت بالبارت
بس نشالله بعد ما اتأخر
طيب هسة راح اسئلكم كم سؤال
١_شتتوقعون أسد حيسوي بهوس عمود توافق؟
٢_شتتوقعون جبل حيكول لسارة ؟؟؟
٣_منو تتوقعون فات على مرتضى وريم بهيج وضعية؟
٤_شتتوقعون صار لسرور ؟؟؟؟
اسفة عن الاخطاء الاملائية
اتمنى عجبكم
وبااي
❤⚘😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!