رواية هشاشة قلب الفصل الخامس والعشرون 25 - بقلم هاجر قاسم

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ

#ﺍﻟـﺒـﺎﺭﺕ23_

ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ _
alabadyia_09
ﻳَﺎ ﺣُـﺐُّ : ﻣَﻦ ﺃَﻧﺸَﺄﻙَ ﻓِـﻲ
ﻗَـﻠـﺒِـﻲ ﻭَﺃَﻭﺳَـﻊَ ﻣَﺪﺧَـﻠَﻚ ؟
ﻣِﻦ ﺃَﻳﻦَ ﺟِﺌْﺖَ، ﻭَﻛَﻴﻒَ ﺟِﺌْﺖَ ؟ !
ﻭَﻣَـﻦ ﺑِﺮُﻭﺣِـﻲ ﺃَﻧﺰَﻟَﻚ؟
ﻣَﺎ ﺷَـﻜﻞُ ﺧَﺎﺗِﻤَـﺔِ ﺍﻟﻬَـﻮَﻯ
ﺇِﻥ ﻛَـﺎﻥَ ﻫَـﺬَﺍ ﺃَﻭَّﻟَـﻚ ؟
~~~~~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺑﻌﺪﻩ ﺗﻮﻩ ﺍﻛﻞ ﻭﺳﻤﻌﻨﻪ .. ﺍﻟﺒﺎﺏ ﺍﻟﺮﺋﻴﺴﻲ ﺍﻧﺮﮔﻊ ﻭﺻﻮﺕ ﻋﻴﺎﻁ !!!
ﺇﻧﻔﺘﺢ ﺑﺎﺏ ﺍﻟﻤﻄﺒﺦ ﺑﻘﻮﻩ ﻭﺩﺧﻠﺖ ﻋﻠﻴﻨﻪ ﻣﺮﻩ ﺳﻤﻴﻨﻪ ﺑﻴﻀﻪ ﻭﻭﺟﻬﻪ ﻣﻠﻐﻠﻎ ﻟﺤﻢ ﺑﺲ ﻟﻐﺪﻭﻫﻪ ﺑﻴﻬﻦ ﻃﻦ ﻟﺤﻢ .. ﻓﺤﻄﺎﻧﻪ ﻭﺗﺼﻴﺢ ﻭﺍﺧﺬﺗﻨﻪ ﺑﺼﻴﺎﺣﻬﻪ ﻭﺗﻬﺪﺩ ﻭﻭﺭﺍﻫﻪ ﺟﻨﺎﺕ ﻳﻤﻜﻦ ﺍﻣﻬﻪ
- ﻟﻠﻠﻠﻜﻜﻚ ﻣﺎﺍﻫﺮﺭ ﺗﺨﻄﺒﺒﺐ ﻭﺗﻌﻮﻑ ﺑﻨﺘﻴﻴﻲ ﻣﺎﻛﻠﻠﺖ ﺑﻨﺖ ﺧﺎﻟﺘﻴﻴﻲ ﺧﻄﻴﻴﻴﻪ ﺍﺷﻮﻩ ﺳﻤﻌﺘﻬﻪ
ﺍﻡ ﻣﺎﻫﺮ ﺭﻛﻀﺖ ﺗﻬﺪﺃ ﺑﻴﻬﻪ ﺗﻜﺴﺮ ﻭﺗﺠﺒﺮ
ﺍﻡ ﻣﺎﻫﺮ .. ﻓﺪﻭﻩ ﺭﺣﺘﻠﺞ ﺧﻴﺘﻲ ﺍﺫﺍ ﺑﻨﺘﺞ ﻣﺪﺭﻱ ﺷﻠﻮﻧﻬﻪ ﺷﻮ ﺍﮔُﻌﺪﻱ ﺍﺭﺗﺎﺣﻲ ﻣﻮ ﺯﻳﻦ ﻋﻠﻰ ﻗﻠﺒﺞ
ﺍﻡ ﺟﻨﺎﺕ .. ﻟﻴﺸﺸﺶ ﻟﻜﻚ ﻟﻴﺸﺸﺶ
ﺟﻨﺎﺕ .. ﻳﻴﻮﻭﻡ ﻫﻮَ ﺧﺎﻧﻨﻲ ﻭﺍﻟﻠﻪ ﻣﻦ ﺯﻣﺎﻥ ﻻﺣﻈﺘﻪ ﺍﻧﻲ ﻳﺒﺎﻉ ﻋﻠﻴﻬﻪ .. ﻭﺳﺎﺣﻞ ﻧﻔﺴﻪ ﺳﺤﻞ
ﺍﻧﻲ ﺻﺎﻓﻨﻪ ﻭﻣﺎﻫﺮ ﻣﺼﺪﻭﻡ ﻳﺨﻮﺯﺭ ﺑﺈﻣﻬﻪ ﻭﻳﺨﻮﺯﺭ ﺑﻴﻬﻪ .
ﺍﻧﻲ ﻇﻠﻴﺖ ﺍﺑﺎﻭﻉ ﻋﻠﻴﻪ ﻭﺍﺭﺟﻊ ﺍﺑﺎﻭﻋﻠﻬﻦ .. ﺟﻨﺎﺕ ﻛﺎﻣﺖ ﺗﻠﻌﻠﻊ ﻭﻱ ﺃﻣﻬﻪ ﻭﻫﻮَ ﻳﻀﺤﻚ ﺑﺄﺳﺘﻬﺰﺍﺀ ﻭﻳﻬﺰ ﺑﺈﻳﺪﻩ .. ﻫﻨﻪ ﺗﺨﺒﻠﻦ ﻣﻦ ﺣﺮﻛﺎﺗﻪ ﻣﺴﺘﻔﺰﺯ ﺇﻟﻰ ﺃﺑﻌﺪ ﺣﺪﺩ .. ﻣﺎﺍﺷﻮﻓﻠﻚ ﺇﻻ ﺟﻨﺎﺕ ﻣﺘﻮﺟﻬﻪ ﻋﻠﻴﻪ ﺗﺮﻛﺾ ﺗﺮﻳﺪ ﺗﻔﺘﺮﺳﻨﻲ .
ﺍﻧﻲ ﺑﺤﺮﻛﻪ ﺳﺮﻳﻌﻪ ﺧﺘﻠﺖ ﺑﻈﻬﺮﻩ ﻭﻟﺰﻣﺖ ﺑﻘﻤﻴﺼﻪ ﻣﻦ ﻭﺭﻩ .. ﻭﺻﻠﺖ ﻳﻤﻨﻪ ﺗﻼﮔﻒ ﺑﺈﻳﺪﻳﻬﻪ ﻭﺗﺸﻤﺮ ﺗﺮﻳﺪ ﺗﻮﺻﻠﻨﻲ .. ﺍﻧﻲ ﺳﻮﻳﺖ ﺭﻭﺣﻲ ﻓﻘﻴﺮﻩ ﻭﻣﺎﺍﻣﺪ ﺇﻳﺪﻱ ﻭﺧﺎﻳﻔﻪ ﻋﻮﺩ .
ﺗﺸﺎﮔﻒ ﺑﺈﻳﺪﻳﻬﻪ ﺗﺮﻳﺪ ﺗﻠﻮﺣﻨﻲ ﻭﻫﻮَ ﻳﺪﻓﻊ ﺑﻴﻬﻪ .. ﻭﻻ ﺍﻫﺘﺰﺕ ﺷﻌﺮﻩ ﺑﻴﻬﻪ ﻭﺍﻟﺼﻼﻓﻪ ﻭﺍﻟﻠﺴﺎﻥ ﻣﺎﺷﻔﺖ ﻣﺜﻠﻬﻦ ﺑﺤﻴﺎﺗﻲ ..
ﻛﻠﻤﺎ ﺗﺮﻳﺪ ﺗﺘﻘﺮﺏ ﻳﻤﻲ ﺍﻗﻮﻱ ﻗﺒﻀﺔ ﺇﻳﺪﻱ ﻭﺍﺷﺮﺑﻚ ﺇﺻﺎﺑﻌﻲ ﺑﻘﻤﻴﺼﻪ . ﺍﺣﺘﻤﻲ ﺑﻴﻪ ﻭﻫﻮَ ﻣﻦ ﺳﻮﻳﺖ ﻫﻴﺞ ﻭﻻﺣﻆ ﺧﻮﻓﻲ ﺑﺤﺮﻛﺎﺗﻲ ﺍﻟﻼﺇﺭﺍﺩﻳﻪ ﻇﻞ ﻳﺰﻳﺪ ﺑﺤﻤﺎﻳﺘﻲ . ﺑﺲ ﻫﻲَ ﻭﻻ ﻭﺧﺮﺕ ﻭﻭﻻﺍﻫﺘﺰﺕ ﺍﺻﻼً .
ﺁﺧﺮ ﺷﻲ ﺳﻤﻄﻬﻪ ﺳﻤﻄﻪ ﺑﻮﻭﻭﻳﻪ ﻭﻋﻠﻲ ﻟﻮ ﺍﻧﻲ ﺳﺎﻣﻄﻨﻴﺎﻫﻪ ﺷﺮﻁ ﺍﺳﺒﻮﻋﻴﻦ ﺑﺎﻟﻤﺴﺘﺸﻔﻰ .
ﺍﺟﺎﻫﻪ ﺍﻟﺮﺍﺷﺪﻱ ﻳﻬﻬﻬﻬﻒ ﻫﻔﻒ ﻧﻮﻣﻬﻪ ﺑﺎﻟﮕﺎﻉ ﻭﻫﻮَ ﻋﺎﻁ ﺑﻌﻠﻮ ﺻﻮﺗﻪ ﺍﻟﺮﺟﻮﻟﻲ ﺍﻟﺨﺸﺸﻦ -:
ﻣﺎﻫﺮ .. ﻟﺠﺠﺞ ﻧﺬﺫﺫﻟﻪ ﺳﺎﺍﺍﺗﺮ ﻋﻠﻴﺠﺞ ﺍﻧﻲ ﻭﺳﺎﺍﺍﻛﺖ ﮔﻮﻟﻴﻠﻬﻢ ﻟﻴﺶ ﻓﺼﺨﺘﺖ ﻛﻮﻟﻠﻴﻲ ﻟﻮ ﺑﻴﺞ ﺧﻴﺮ ﺍﺣﺠﻴﻴﻲ ﺧﻞ ﻳﻌﺮﻓﻮﻥ ﺍﻟﻤﺴﺘﻮﺭ ﺷﻨﻮﻭﻭ .. ﺟﺎﻳﻪ ﺗﻐﻠﻄﻴﻦ ﺑﻜﻞ ﻋﻴﻦ ﺻﻠﻔﻪ؟؟ .. ﻭﺭﺑﺞ ﺇﺫﺍ ﺍﻳﺪﺝ ﺍﻟﻨﮕﺴﻪ ﺗﺘﻘﺮﺏ ﻋﻠﻰ ﺛُﺮﻯٰ ﺍﻛﺴﺮﻫﻪ ﺍﻟﺠﺠﺠﺞ ﻳﺎﺍﺍﺍﺍﻋﺎﺍﺍﺭﺭﺭ
ﻳﻴﻴﻤﻤﻤﻪ ﺷﺼﺎﺭ ﺑﻴﻪ ﻛﻤﺖ ﺍﻃﮕﻄﮓ ﻣﻦ ﺍﻟﺨﻮﻑ .. ﻫﺎﻱ ﺷﻠﻮﻥ ﻳﻀﺮﺏ ﻳﻤﻪ ﻣﺘﺘﺖ ﻣﻦ ﺻﻮﺗﻪ ﻭﻋﺼﺒﻴﺘﻪ ﺍﻟﻤُﻔﺮﻃﻪ بيج قصص عراقيه حقيقيه من واقعنا.روعه الطائي
ﻫﻲَ ﺑﻘﺖ ﻋﻠﻰ ﻧﻮﻣﺘﻬﻪ ﺑﺎﻟﮕﺎﻉ ﻭﺍﻣﻬﻪ ﻭﺍﻣﻪ ﺧﻨﺴﻦ ﻭﺍﻟﺠﻮ ﻫﺪﻭﺀ ﺑﺲ ﺻﻮﺗﻪ ﻳﻌﻴﻂ ﺭﺝ ﺍﻟﺒﻴﺖ ﺭﺝ .
ﻋﺎﻁ ..
ﻣﺎﻫﺮ .. ﻛﻮﻭﻣﻤﻲ ﻟﺘﻤﺜﻠﻠﻴﻴﻦ ﻛﻮﻭﻭﻣﻴﻲ ﺍﻃﻠﻌﻲ ﺑﺮﻩ ﻣﺎﺍﻃﻴﻖ ﺷﻜﻠﺞ
ﻣﺎﻛﺎﻣﺖ ﻭﺍﺻﺮﺕ ﻋﻠﻰ ﻧﻮﻣﺘﻬﻪ .. ﺩﻧﮓ ﻋﻠﻴﻬﻪ ﺳﺤﺒﻬﻪ ﻣﻦ ﺇﻳﺪﻫﻪ ﻭﻛﻮﻣﻬﻪ
ﻣﺎﻫﺮ .. ﺧﻠﻴﺘﻴﻨﻲ ﺍﻣﺪ ﺍﻳﺪﻱ ﻋﻠﻰ ﻣﺮﻩ ﺑﺴﺒﺐ ﺻﻼﻓﺘﺞ ﻳﺎﺍﻋﺎﺭﺭﺭ ... ﻳﻼﺍﺍ ﺑﺮﺭﺭﺭﺭﺭﻩ
ﺍﻡ ﻣﺎﻫﺮ .. ﻣﺎﻫﺮ ﺗﻄﺮﺩ ﺑﻨﺖ ﺧﺎﻟﺘﻚ؟
ﻣﺎﻫﺮ .. ﺍﻃﺮﺩﺩﻫﺎﺍ ﻭﺍﻃﺮﺭﺩ ﻋﺸﻴﺮﺗﻬﺎﺍ .. ﻭﺣﺪﻩ ﺻﻠﻔﻪ ﺍﺩﺑﺴﺴﺰﺯﺯ ﺑﺪﻭﻥ ﺗﺮﺑﻴﻪ . ﺑﻨﺖ ﺍﻟﺸﻮﺍﺭﻉ ﻣﺘﺴﻮﻱ ﺍﻟﺴﻮﺗﻪ
ﺍﻡ ﺟﻨﺎﺕ .. ﺍﻱ ﻏﻴﺮ ﺗﻔﻬﻤﻨﻪ ﺷﺴﻮﺕ .. ﺍﺻﻼً ﺍﻧﺖَ ﺍﻟﺼﻮﺝ ﻣﻨﻚ ﻋﺎﻳﻒ ﺑﻨﺘﻲ ﻭﻻ ﻛﺄﻧﻤﺎ ﺧﻄﻴﺒﻬﻪ ﺗﻄﺐ ﻭﺗﻄﻠﻊ ﻭﻧﻈﺮﺍﺕ ﻭﺍﺑﺘﺴﺎﻣﺎﺕ ﻭﻳﻪ ﻃﺎﻟﺒﺎﺗﻚ ﻭﺑﺎﻟﺠﺬﺏ ﻣﺎﺗﺬﻛﺮﻫﻪ ﺑﺸﻲ ﻻ ﻣﺨﺎﺑﺮﻩ ﻻ ﺳﺆﺍﻝ
ﻭﺳﻊ ﻋﻴﻮﻧﻪ ﻣﺼﺪﻭﻡ ﻭﺧﺰﺭﻫﻪ
ﻣﺎﻫﺮ .. ﺍﺍﺷﺸﺸﺶ ﻟﻬﻨﺎ ﺣﺪﺩﺩﺩﺝ ﻛﻠﺸﻲ ﻭﻻﺗﺪﺧﻠﻴﻦ ﻃﺎﻟﺒﺎﺗﻲ ﺍﺑﺪﺩ ﻣﺎﺍﺳﻤﺤﻠﺞ ﻣﺎﺍﺍﺳﻤﻤﻤﺢ
ﺍﻡ ﺟﻨﺎﺕ .. ﻏﻴﺮ ﺍﻧﺖَ ﻣﺎﺗﻬﺘﻢ ﺑﺠﻨﺎﺕ ﻭﻣﺎﺗﺴﺄﻝ
ﻣﺎﻫﺮ .. ﻫﻪ ﻫﺬﺍ ﺍﻻﻫﺘﻤﺎﻡ ﻛﻠﻪ ﻭﻣﺎﺍﺳﺄﻝ؟؟ ﺣﻄﻴﺘﻠﻬﻪ ﺍﻟﻘﻤﺮ ﺑﺈﻳﺪ ﻭﺍﻟﻨﺠﻮﻡ ﺑﺈﻳﺪ ﻭﻣﺎﺻﺎﺭ ﺑﻌﻴﻨﻨﻬﻬﻬﻪ ﻭﻓﻮﻛﺎﻫﻪ ﺗﻨﻨﻜﺮﺭ ﻧﺴﻴﺘﻴﻲ ﺍﻟﻄﻠﻌﺎﺗﺖ ﻣﻮ ﺍﺟﻲ ﻟﻠﺒﻴﺖ ﺍﺧﺬﻫﻪ ﻛﺪﺍﺍﺍﻣﺞ ﻟﻮﻭﻭ ﻻﺍﺍ ﻣﺎﺍﺧﻠﻲ ﻣﻜﺎﻥ ﻣﺎﺍﻓﺮﻫﻪ ﺑﻴﻪ ﻫﺎﻱ ﻏﻴﺮ ﺍﻟﻬﺪﺍﺍﻳﺎ ﻣﺎﺍﻋﻴﺮﻛﻢ ﺑﺲ ﺧﻠﻮ ﻧﻘﻄﺔ ﺣـَﺪ ﻛﻠﺸﻲ ﻭﺇﻟﻪ ﺣﺪﺩﻭﺩ !!
ﺟﻨﺎﺕ .. ﺍﻧﺖَ ﺧﻨﺘﻨﻲ !!
ﻇﻞ ﻳﺨﻮﺯﺭ ﺑﻴﻬﻪ ﻭﺭﻓﻊ ﺇﺻﺒﻌﻪ ﻋﻠﻰ ﺷﻔﺘﻪ ﻭﻋﻴﻮﻧﻪ ﺻﺎﺭﻥ ﻧﺎﺍﺭ
ﻣﺎﻫﺮ .. ﺍﺷﺸﺸﺸﺶ ﻟﺘﺤﺠﻴﻦ ﺍﺣﺴﻠﻠﺞ ﻭﺗﻈﻠﻴﻦ ﺗﻄﻠﻌﻴﻦ ﺇﺗﻬﺎﻣﺎﺕ ﻓﻲ ﺳﺒﻴﻞ ﺗﺒﺮﺭﻳﻦ ﻧﻔﺴﺞ .. ﺣﭽﺎﻳﻪ ﻭﺣﺪﻩ ﻫﺴﻪ ﺍﻭﺿﺢ ﻛﻠﺸﻲ ﻭﺍﺧﻠﻴﺞ ﺗﻄﻤﻴﻦ ﻧﻔﺴﺞ
ﺍﻡ ﻣﺎﻫﺮ .. ﻣﺎﻫﺮ ﺇﺣﺠﻲ ﻟﻴﺶ ﻓﺼﺨﺖ
ﻣﺎﻫﺮ .. ﻣﺎﺍﺍﺍﺍﺣﺠﻴﻴﻲ ﻣﺎﺍﺍﺣﺠﺠﺠﻲ
ﺟﻨﺎﺕ .. ﺍﻱ ﻻﻥ ﺍﻟﺼﻮﺝ ﻣﻨﻚ
ﻣﺎﻫﺮ .. ﻫﻬﻬﻬﻬﻬﻬﻬﻬﻬﻬﻬﻪ ﻣﻮ ﻣﺎﺍﺭﻳﺪ ﺍﺣﺠﻲ ﻭﺍﺫﺍ ﺑﻘﻴﺘﻲ ﻟﺤﻈﻪ ﺑﻌﺪ ﺍﻛﺘﻬﻦ ﻛﻠﻬﻦ ﻑ ﺍﻃﻠﻌﻲ ﺑﺮﻩ ﺍﺣﺴﻠﻠﺞ
ﺟﻨﺎﺕ .. ﻣﺎﺍﻃﻠﻊ ﻣﺎﺍﺍﺍﻃﻄﻄﻠﻠﻌﻊ
ﺭﻛﺾ ﻋﻠﻴﻬﻪ ﺑﺈﻳﺪ ﻭﺣﺪﻩ ﺳﺤﻠﻬﻪ ﻭﻫﻲَ ﻣﺸﺒﺜﻪ ﺑﺎﻟﮕﺎﻉ .. ﮔﻮﻣﻬﻪ ﺑﻘﻮﺗﻪ ﺣﺴﻴﺖ ﻣﺘﻨﻬﻪ ﺍﻧﻔﺼﺦ .. ﺳﺤﺒﻬﻪ ﻣﺜﻞ ﺍﻟﺒﻬﻴﻤﻪ ﻭﺷﻤﺮﻫﻪ ﺑﺮﻩ ﻣﻦ ﺑﺎﺏ ﺍﻟﻤﻄﺒﺦ ﻭﻗﻔﻞ ﺍﻟﺒﺎﺏ ﻭﻫﻲَ ﻇﻠﺖ ﺗﺼﺮﺥ .. ﺩﺧﻞ ﻋﺎﻁ ﺑﻤﻮﺝ
ﻣﺎﻫﺮ .. ﺷﺪﺩﺩﺧﻠﻠﻠﻬﻬﺎﺍﺍ
ﻣﻮﺝ .. ﺍﺍﺀﺀ ﺍﻟﺒﺎﺏ ﺑﻴﻪ ﺧﻴﻂ ﺳﺤﺒﺘﻪ ﻭﺩﺧﻠﺖ
ﻣﺎﻫﺮ .. ﺇﺇﻟﻐﻴﻴﻴﻪ ﺍﻧﺰﻝ ﺍﻟﮕﺎﺍﺍﻩ ﻣﺎﻛﻮﻭﻭ
ﻣﻮﺝ .. ﺍﻱ ﺍﻱ
ﺧﻠﻪ . ﻭﻣﺸﻪ ﺻﻌﺪ ﻟﻔﻮﻙ !
ﺍﻧﻲ ﺑﺲ ﺻﺎﻓﻨﻪ ﻭﺍﺷﺎﻫﺪ ﺑﺼﻤﺖ
ﺍﻣﻪ ﻭﺍﻣﻬﻪ ﻭﺟﻬﻮﻟﻲ ﻧﻈﺮﺍﺕ ﺍﻻﺗﻬﺎﻡ ﻭﻫﺪﻥ ﻋﻠﻴﻪ
ﺍﻡ ﻣﺎﻫﺮ .. ﻛﻠﻪ ﺑﺴﺒﺒﺞ ﻳﺎﻓﮕﺮ
- ﻳﻴﺎﺍﺍﺍﺀ ﺍﻧﻲ ﺷﻌﻠﻴﻪ؟؟
ﺍﻡ ﺟﻨﺎﺕ .. ﺗﻜﻮﻝ ﺟﻨﺎﺕ ﻋﺪﻫﻢ ﻋﻼﻗﻪ ﺻﺪﻙ ﻫﺎﻟﺤﺠﻲ ﺳﻤﻴﺮﻩ
ﺍﻡ ﻣﺎﻫﺮ .. ﺍﻱ ﻣﺒﻴﻦ ﻻﻥ ﻣﻌﻘﻮﻟﻪ ﻣﺎﻫﺮ ﻋﺎﻑ ﺍﻟﺒﻨﺎﺕ ﻣﻦ ﻣﺴﺘﻮﺍﻩ ﻭﺍﺧﺬﻫﻪ ؟؟
ﺛُﺮﻯٰ .. ﻣﺎﻋﺪﻧﻪ ﻻﻋﻼﻗﻪ ﻭﻻ ﺷﻲ ﻫﻮَ ﺍﺳﺘﺎﺫﻱ ﺷﺎﻓﻨﻲ ﻭﺗﻘﺪﻣﻠﻲ
ﺍﻡ ﺟﻨﺎﺕ .. ﻟﺞ ﺫﻧﻲ ﻛﻠﻬﻦ ﻣﺎﺭﺍﺕ ﻋﻠﻴﻪ
ﺳﻜﺘﺖ .. ﺍﺣﺲ ﻧﻔﺴﻲ ﻏﺮﻳﺒﻪ ﺑﻴﻨﺎﺗﻬﻦ ﻭﻳﻦ ﺭﺍﺡ ﻭﺧﻼﻧﻲ ؟
ﺑﻬﺎﻻﺛﻨﺎﺀ ﻧﺰﻝ ﻭﺟﻬﻪ ﺑﻌﺪﻩ ﻣﻌﺼﺐ ﻭﻋﺎﻛﺪ ﺣﻮﺍﺟﺒﻪ ﻭﻋﻴﻮﻧﻪ ﺗﺨﺰﺭ ﺑﻨﻈﺮﺍﺕ ﻏﺎﺿﺒﻪ
ﻋﺎﻁ ﺑﻴﻬﻦ
- ﺛُﺮﻯٰ ﻣﻌﻠﻴﻬﻪ ﻟﺤﺪﺩﺩ ﻳﺪﺧﻠﻠﻬﻬﻪ ﻭﻻ ﻋﺪﻧﻪ ﻋﻼﻗﻪ ﻭﻻ ﺷﻲ ﺃﻃﻬﺮ ﻣﻨﻬﻪ ﻣﺸﻔﺖ ﺍﻧﻲ ﺣﺒﻴﺘﻬﻪ ﻭﺧﻄﺒﺘﻬﻪ ﻻﻥ ﻛﻠﻬﻦ ﺣﺎﻭﻳﺘﻬﻦ ﻭﺧﻠﻴﻜﻢ ﺑﻌﻴﺪﻳﻦ ﻋﻦ ﺣﻴﺎﺗﻲ ﻣﻔﻬﻮﻭﻡ .
ﺍﻡ ﺟﻨﺎﺕ .. ﺍﻱ ﻃﺒﻌﺎً ﻟﻌﺪ ﺷﺘﮕﻮﻝ ﻗﺎﺑﻞ ﺗﺸﻮﻩ ﺳﻤﻌﺔ ﺧﻄﻴﺒﺘﻚ ﺑﺲ ﺟﻨﺎﺕ ﺣﺎﺿﺮ ﺗﺸﻮﻩ ﺑﺴﻤﻌﺘﻬﻪ ﻻﻥ ﻓﻘﻴﺮﻩ
ﻣﺎﻫﺮ .. ﺟﻨﺎﺍﺕ ﻓﻘﻴﺮﺭﺭﻩ؟؟ ﻫـﻪ ﺍﺫﺍ ﺟﻨﺎﺕ ﻓﻘﻴﺮﻩ ﻟﻌﺪ ﻣﻨﻮ ﺍﻟﻤﺸﻴﻄﻦ ﺍﻧﻲ
ﺧﻼﻫﻢ ﻭﺗﻮﺟﻪ ﻋﻠﻴﻪ ﺳﺤﺒﻨﻲ ﻣﻦ ﺇﻳﺪﻱ ﻭﻣﺸﻪ .. ﻇﻠﻴﺖ ﺍﻣﺸﻲ ﻭﻳﺎﻩ .. ﻃﻠﻊ ﻟﺒﺮﻩ ﻭﻭﻛﻒ ﻳﺮﻳﺪ ﻳﺼﻌﺪ ﺑﺎﻟﺴﻴﺎﺭﻩ ﻇﻠﻴﺖ ﻭﺍﮔﻔﻪ .. ﺑﺎﻭﻋﻠﻲ ﻭﻛﺎﻝ -:
- ﻣﺘﺼﻌﺪﻳﻦ ﺷﻤﻨﺘﻈﺮﻩ
- ﻣﻨﺘﻈﺮﻩ ﺗﺸﺮﺣﻠﻲ ﻛﻠﺸﻲ
- ﺷﻨﻮ ﺷﺄﺷﺮﺣﻠﺞ؟
- ﻛﻞ ﺍﻟﺼﺎﺭ ﺟﻮﻩ
ﻭﺳﻊ ﻋﻴﻮﻧﻪ ﻭﻋﻜﺪ ﺣﻮﺍﺟﺒﻪ .. ﺭﻓﻊ ﺣﻮﺍﺟﺒﻪ ﻟﻔﻮﮒ ﺑﺤﺮﻛﺘﻴﻦ ﺃﺷﺮﻟﻲ ﺍﺻﻌﺪ ﻭﺍﻧﻲ ﻇﻠﻴﺖ ﺑﻤﻜﺎﻧﻲ . ﻋﻠﭻ ﻭﻟﺰﮒ ﺟﻮﺍﻱ .
ﻓﺘﺢ ﻋﻴﻮﻧﻪ ﻭﺃﺷﺮ ﺑﺈﻳﺪﻩ
- ﻣﺘﺼﻌﺪﻳﻦ
- ﻭﺿﺤﻠﻲ ﻛﻠﺸﻲ
- ﻭﺍﻧﻴﻴﻲ ﻭﺍﺍﮔﻔﻔﻒ؟؟
- ﻫﺎ ﻻ ﻻ ﻫﻬﻬﻬﻪ ﺍﻱ ﻫﻢ ﺻﺪﮒ
ﺿﺤﻜﺖ ﭼﺬﺏ ﺃﻟﻄﻒ ﺍﻟﺠﻮ ﺑﺲ ﻳﺎﺗﻠﻄﻴﻒ ﻫﺬﺍ ﻭﻣﺎﻫﺮ ﻣﻌﺼﺐ .
ﻫﺰ ﺇﻳﺪﻩ ﻭﺻﻌﺪ ﻋﺼﺒﻲ .. ﺍﺩﺭﻱ ﻫﺎﻱ ﺍﻟﻌﺼﺒﻴﻪ ﺭﺍﺡ ﺍﻛﻠﻬﻪ ﺭﺯﺍﻟﻪ ﻣﻌﺪﻟﻪ .. ﻗﺎﺑﻞ ﻏﺮﻳﺒﻪ ﺍﻟﻄﻮﺑﻪ ﺇﻋﻠﻪ ﺍﺣﻤﺪ ﺭﺍﺿﻲ .
ﺻﻌﺪﺕ ﻭﻫﻮَ ﻇﻞ ﮔﺎﻋﺪ ﻋﺎﻗﻞ ﻻ ﻟﺰﻡ ﺇﻳﺪﻱ ﻻ ﺳﻮﻩ ﺷﻲ .. ﻣﻨﻚ ﻣﻦ ﺍﻟﺸﻴﻄﺎﻥ .. ﻛﻠﻤﺎ ﺍﺻﻌﺪ ﺑﺎﻟﺴﻴﺎﺭﻩ ﻳﻠﺰﻡ ﺇﻳﺪﻱ ﻋﻮﺩ ﻫﺴﻪ ﺻﺎﻳﺮ ﻋﺼﺒﻲ ﻭﻛﺬﺍ .
ﻭﺻﻠﻨﻪ ﻟﻠﺒﻴﺖ ﻣﺎﻟﺘﻨﻪ ﻭﻫﻮَ ﻣﺎﺣﭽﻪ ﺷﻲ ﻭﻭﻻ ﻧﻄﻖ ﺑﻜﻤﻠﻪ !!
ﻭﻛﻔﻨﻲ ﺑﺒﺎﺑﻨﻪ ﻭﻇﻞ ﺳﺎﻛﺖ ﻳﺒﺎﻭﻉ ﻟﮕﺪﺍﻡ ﻣﺎﻳﻠﺘﻔﺖ ﻋﻠﻴﻪ ﻭﻭﻻ ﺣﻂ ﻋﻴﻨﻪ ﺑﻌﻴﻨﻲ !
ﻫﻤﺲ -:
- ﺍﻧﺰﻟﻲ
ﻇﻠﻴﺖ ﺍﺑﺎﻭﻋﻠﻪ ﺭﺍﻓﻌﻪ ﺣﻮﺍﺟﺒﻲ ﻭﻣﺴﺘﻐﺮﺑﻪ !
- ﻣﺎﺗﺤﺠﻴﻠﻲ؟
- ﻣﺎﺍﮔﺪﺭ ﺛُﺮﻯٰ ﻣﺎﺍﮔﺪﺭﺭﺭ
- ﺑﺲ ﻣﺴﺎﻉ ﻛﺘﻠﻲ ﺍﺣﺠﻴﻠﺞ
- ﺍﻧﻲ ﻛﻠﺖ ﻫﻴﺠﺞ؟؟ ﻫـﻪ ﻻ ﻣﺸﺘﺒﻬﻪ..بيج قصص عراقيه حقيقيه من واقعنا.روعه الطائي
- ﻗﺒﻞ ﺷﻮﻳﻪ ﻛﻠﺘﻠﻲ ﺍﺣﺠﻴﻠﺞ ﻭﺍﻧﻲ ﻭﺍﻛﻒ ﻳﻌﻨﻲ ﺗﺤﺠﻴﻠﻲ
- ﺑﺲ ﻣﺎﻛﻠﺖ ﺍﺣﺠﻲ
- ﺍﻧﻲ ﺭﺍﺡ ﺍﺻﻴﺮ ﻣﺮﺗﻚ ﻳﻌﻨﻲ ﻻﺯﻡ ﻛﻠﺸﻲ ﺍﻋﺮﻑ ﻋﻨﻚ
- ﺑﺲ ﻋﻠﻴﻨﻪ ﺑﺎﻟﺤﺎﺿﺮ ﺍﻟﻤﺎﺿﻲ ﺻﺎﺭ ﻣﺎﺿﻲ ﺑﻌﺪ
- ﺍﻫﺎ ﻗﺼﺪﻙ ﻣﺎﺗﺜﻖ ﺑﻴﻪ !
- ﻣﺎﻛﻠﻠﺘﺖ ﻫﻴﻴﺞ ﺛُﺮﻯٰ ﻟﺘﺘﻬﻤﻴﻨﻲ ﺑﺸﻲ ﻣﺎﮔﺎﻳﻠﻪ ﻭﻭﻻ ﻣﻔﻜﺮ ﺑﻴﻪ ﺍﺻﻼً
- ﺟﺎ ﺷﺘﺴﻤﻴﻬﻪ ﻫﺎﻱ ﺿﺎﻡ ﻋﻠﻴﻪ ﻭﻣﺎﺗﻘﺒﻞ ﺗﺤﺠﻴﻠﻲ
- ﺍﻧﻄﻴﻨﻲ ﻣﺠﺎﻝ ﺛُﺮﻯٰ ﺩﺍﺧﺘﻨﮓ ﺍﻧﻲ ﺗﻔﻬﻤﻴﻦ ﺷﻨﻮ ﺩﺍﺧﺘﻨﮓ .. ﻛﻠﻬﻪ ﺗﻀﻐﻂ ﻋﻠﻴﻪ ﻭﻛﻠﻬﻪ ﺫﺍﺑﻪ ﺍﻟﺼﻮﺝ ﺑﻴﻪ ﻣﻮ ﻭﻗﺖ ﻋﺘﺎﺏ ﻫﺴﻪ .. ﺯﺣﻤﻪ ﺍﻟﺴﻴﺎﺭﻩ ﻭﺍﮔﻔﻪ ﺑﻨﺺ ﺍﻟﺸﺎﺭﻉ
- ﻫﺎﺍ ﻫﺎﻱ ﻫﻴﻪ ﻧﺎﺯﻟﻪ ﺍﻧﻲ
ﻫﺰ ﺭﺍﺳﻪ .. ﻭﺍﻧﻲ ﻋﻮﺩ ﻣﻨﺘﻈﺮﻩ ﻳﮕﻠﻲ ﻻﺗﻨﺰﻟﻴﻦ .. ﺑﺲ ﻣﺎﻛﺎﻝ !
ﻧﺰﻟﺖ ﻭﺿﺎﻳﺠﻪ ﺭﻭﺣﻲ ﻃﺎﻟﻌﻪ ﻭﻛﻠﻤﺔ ﺟﻨﺎﺕ ﺗﺘﺮﺩﺩ ﺑﺒﺎﻟﻲ " ﺍﻧﺖَ ﺧﻨﺘﻨﻲ !! " ﺷﻨﻮ ﺧﺎﻧﻬﻪ ﻣﻌﻘﻮﻟﻪ؟؟
ﺍﻻﻓﻜﺎﺭ ﺗﺰﺍﺣﻤﺖ ﺑﺒﺎﻟﻲ ﻭﺃﺭﻫﻘﻨﻲ ﺍﻟﺘﻔﻜﻴﺮ .. ﺧﺎﻧﻬﻪ؟؟ ﻭﺳﺎﺗﺮ ﻋﻠﻴﻬﻪ؟؟ ﻭﺍﻟﺮﺍﺷﺪﻱ؟؟
ﻫﺬﺍ ﻣﺎﻳﺘﻔﺎﻫﻢ ﻭﺇﺫﺍ ﻳﻌﺼﺐ ﻳﻨﺴﻪ ﺭﻭﺣﻪ .. ﻳﻤﻜﻦ ﺍﺫﺍ ﺗﺼﻴﺮ ﻣﺸﻜﻠﻪ ﺑﻴﻨﺎﺗﻨﻪ ﻻﺳﺎﻣﺢ ﺍﻟﻠﻪ ﻭﻫﻴﺞ ﻳﻀﺮﺑﻨﻲ ﺍﻣﻮﺕ ﺑﻴﻦ ﺇﻳﺪﻳﻪ .. ﺻﻮﺕ ﺍﻟﺮﺍﺷﺪﻱ ﻟﻬﺴﻪ ﻳﺘﺮﺩﺩ ﺑﺈﺫﻧﻲ .. ﻣﻮ ﺭﺍﺷﺪﻱ ﻛﺎﺍﺍﺭﺛﻪ ﺇﺫﺍ ﺇﻳﺪﻩ ﺳﺎﻃﻮﺭ .. ﺣﻘﻬﻪ ﺟﻨﺎﺕ ﺗﻤﻮﻉ ﺭﻭﺣﻬﻪ ﻣﺪﺭﻱ ﺗﻤﺜﻞ ﻋﻠﻰ ﮔﻮﻟﺘﻪ ﺷﺪﺭﺍﻧﻲ .. ﺣﺮﺕ ﺣﻴﺮﻩ ﻣﺤﺪ ﻣﺤﺘﺎﺭﻫﻪ !
ﺛﺎﻧﻲ ﻳﻮﻡ ﺭﺣﺖ ﻟﻠﻜﻠﻴﻪ ﻭﺟﻬﻲ ﻣﺎﻳﻜﺼﻪ ﺍﻟﻄﺒﺮ .. ﻻﺯﻡ ﺍﺧﺬ ﻣﻮﻗﻒ ﻣﻨﻪ ﺷﻨﻮ ﻣﺨﻠﻴﻨﻲ ﻃﺮﻃﻮﺭ ﻻﻳﺤﺠﻴﻠﻲ ﻻﻳﺸﺮﺣﻠﻲ .. ﻛﻠﺸﻲ ﻣﺎﺍﺩﺭﻱ ﺍﻃﺮﺵ ﺑﺎﻟﺰﻓﻪ .
ﺧﻠﺼﺘﻬﻪ ﺑﺲ ﻣﻌﻔﺴﻪ ﻭﺟﻬﻲ ﻭﻣﺎﺍﺣﺠﻲ ﻭﻳﺎﻩ .. ﺩﺧﻞ ﻟﻠﻤﺤﺎﺿﺮﻩ ﻭﻃﻠﻊ ﻋﻴﻨﻲ ﻣﺎﺭﻓﻌﺘﻬﻪ ﺣﺘﻰ ﺻﺎﺭ ﻋﺼﺒﻲ ﻭﻇﻞ ﻳﻨﺘﺮ ﻭﻳﺮﺯﻝ .. ﺑﺲ ﺣﻤﻴﺖ ﺭﻭﺣﻲ ﻣﻦ ﺍﻱ ﺭﺯﺍﻟﻪ ﻻﺭﻓﻌﺖ ﺇﻳﺪﻱ ﻭﻻ ﺳﻮﻳﺖ ﺃﻱ ﺷﻲ ﮔﻌﺪﺕ ﻋﺎﻗﻠﻪ ﻣﺘﺨﺬﻩ ﻣﻮﻗﻒ .
ﻣﻦ ﻃﻠﻌﻨﻪ ﺧﺎﺑﺮﻧﻲ ﺭﺩﻳﺖ ﺑﻬﺪﻭﺀ
- ﺍﻟﻮﻭﻭ
- ﻭﻳﻦ ﺍﻧﺖِ؟؟
- ﺑﻌﺪﻧﻲ ﺑﺎﻟﻜﻠﻴﻪ
- ﺍﻃﻠﻌﻲ ﺍﻟﻴﻮﻡ ﺍﻧﻲ ﺍﻭﺻﻠﺞ
- ﻭﺍﺳﻤﺎﻋﻴﻞ
ﻧﺘﺮ ﺑﻨﻔﺎﺫ ﺻﺒﺮ -:
- ﺧﺎﺍﺍﺑﺮﺭﺗﻪ
- ﺍﻱ ﻭﻟﻴﺶ ﻋﺼﺒﻲ ﻭﺗﺰﻣﺦ
ﻫﻤﺲ
- ﺍﺳﺘﻐﻔﺮ ﺍﻟﻠﻪ ﻣﺎﻣﻌﺼﺐ ﻣﺎﻣﻌﺼﺼﺐ
ﺳﻜﺘﺖ ﺷﺎﺣﺠﻲ ﻭﻳﺎﻩ ﻣﺜﻼً
- ﺛُﺮﻯٰ ﺍﻃﻠﻌﻲ ﺗﻠﮕﻴﻨﻲ ﺑﺎﻟﺒﺎﺏ ﻣﻨﺘﻈﺮﺝ
- ﺍﻱ ﺟﺎﻳﻪ
ﻃﻠﻌﺖ ﻭﻟﮕﻴﺘﻪ ﻭﺍﮔﻒ ﻳﻢ ﺑﺎﺏ ﺍﻟﺴﻴﺎﺭﻩ ﻭﻻﺑﺲ ﺍﻟﻨﻈﺎﺭﺍﺕ ﻋﺮﻓﺖ ﻫﺎﻱ ﺍﻟﺤﺮﻛﻪ ﺍﺫﺍ ﺑﻴﻬﻪ ﻧﻈﺎﺭﺍﺕ ﻣﻌﻨﺎﻫﻪ ﻻﺗﺒﺎﻭﻋﻴﻠﻲ ﻭﻣﺎﺍﺧﻠﻴﺞ ﺗﺸﻮﻓﻴﻨﻲ .. ﻳﻼ ﺍﻧﻲ ﻫﻢ ﻣﺎﺍﺑﺎﻭﻉ ﺍﺻﻼً .
ﺭﺣﺖ ﺻﻌﺪ ﺑﺴﻜﺘﺘﻲ ﻭﻋﺎﮔﺪﻩ ﺣﻮﺍﺟﺒﻲ .. ﺩﺧﻞ ﺑﺎﻟﺴﻴﺎﺭﻩ ﻭﻫﻢ ﺳﺎﻛﺖ .. ﻇﻞ ﻳﺴﻮﻕ ﻭﺍﻟﻬﺪﻭﺀ ﻣﺎﻟﻲ ﺍﻟﺠﻮ .
ﺍﺧﺮ ﺷﻲ ﻣﻞ ﻧﺘﺮ -:
- ﻭﻭﺷﻠﻠﻮﻥ ﻧﺒﻘﻪ ﺳﻜﺘﻪ؟
ﺭﻓﻌﺖ ﺃﻛﺘﺎﻓﻲ ﻭﻓﺘﺤﺖ ﺇﻳﺪﻳﻪ ﺑﻤﻌﻨﻰ " ﻣﺎﺍﺩﺭﻱ
- ﺛُﺮﻯٰ ﺍﻟﺘﺮﺩﻳﻪ ﺷﻨﻮ ﺑﺎﻟﻀﺒﻂ؟؟
- ﺍﺭﻳﺪ ﺗﻮﺿﺤﻠﻲ ﻛﻞ ﺷﻲ
- ﺍﻱ ﺍﻭﺿﺤﻠﺞ ﺑﺲ ﻣﻮ ﻫﺴﻪ
- ﺟﺎ ﻳﻤﺘﻪ؟
- ﻣﻦ ﺍﺻﻔﻲ ﺫﻫﻨﻲ ﻭﺍﺧﻠﺺ ﻣﻦ ﺳﺎﻟﻔﺔ ﺃﺑﻮﻳﻪ ﻭﺍﺳﻮﻟﻔﻠﺞ
- ﻭﺳﺎﻟﻔﺔ ﺍﺑﻮﻙ ﻫﻢ ﺗﺴﻮﻟﻔﻬﻪ ﺍﻟﻲ؟
- ﺍﻱ ﺍﻱ ﻛﻠﻬﻦ
- ﻭﻋﺪ؟
- ﺍﻱ ﻭﻋﺪ ﺍﺧﺬﻳﻬﻪ ﻣﻨﻲ .
- ﺧﻮﺵ
ﻗﺮﺏ ﺃﻳﺪﻩ ﻭﺣﻄﻬﻪ ﻋﻠﻰ ﺇﻳﺪﻱ .. ﺳﺤﺒﻬﻪ ﻭﺑﺎﺳﻬﻪ ﺑﻬﺪﻭﺀ ﻭﺷﻤﻬﻪ .
- ﺍﺍﺍﺍﻩ ﻣﺎﺍﺗﺤﻤﻞ ﺗﮕﻠﺒﻴﻦ ﻭﺟﻬﺞ ﻋﻠﻴﻪ ﻟﺘﺴﻮﻳﻬﻪ ﺑﻌﺪ ﺧﺒﻠﺘﻴﻨﻲ ﺍﻟﻴﻮﻡ ﻛﻠﻪ ﺍﻓﻜﺮ ﺷﻠﻮﻥ ﺃﺭﺿﻴﺞ
- ﺳﻮﻟﻔﻠﻲ ﻭﺍﻧﻲ ﺍﺭﺿﻪ
- ﺍﺳﻮﻟﻒ ﺍﺳﻮﻟﻒ ﻫﻮَ ﺍﻟﺰﻭﺍﺝ ﺷﻨﻮ ﻏﻴﺮ ﺳﻮﺍﻟﻒ ﻭﻣﺸﺎﺭﻛﻪ ﻭﺍﻫﺘﻤﺎﻡ ﻭﻛﻠﻬﻦ ﺍﺳﻮﻳﻠﺠﻴﺎﻫﻦ ﺑﺲ ﺍﻧﻴﻄﻴﻨﻲ ﻣﺠﺎﻝ
- ﻣﻨﻄﻴﺘﻚ ﻳﺎﺑﻪ ﻣﻨﻄﻴﺘﻚ
- ﻫﻬﻬﻬﻬﻬﻬﻬﻪ
ﻇﻞ ﻳﻀﺤﻚ ﻋﻠﻰ ﻛﻠﻤﺔ " ﻳﺎﺑﻪ " ﻋﻮﺩ ﻻﻥ ﻣﺎﻟﺘﻪ ﭼﺎ ﺷﻤﺎﻟﻨﻲ ﺍﻧﻲ ﻣﺎﺍﻋﺮﻑ ﺃﺃﻟﻒ ﺃﻋﺮﻑ ﺑﺲ ﻟﻠﺴﻬﻮﻟﻪ ﺑﮕﺘﻬﻪ ﻣﻦ ﻋﻨﺪﻩ .
ﺭﺟﻌﻨﻲ ﻟﻠﺒﻴﺖ ﺑﻴﻮﻣﻬﻪ .. ﺑﺎﻟﻠﻴﻞ ﺟﺎﻱ ﺍﺗﻌﺸﻪ ﻭﺧﺎﺑﺮﻧﻲ ﺭﻛﻀﺖ ﻟﻤﻮﺑﺎﻳﻠﻲ ﺭﺩﻳﺖ ﺍﺟﺎﻧﻲ ﺻﻮﺗﻪ ﻳﺤﺠﻲ ﺳﺮﻳﻊ
- ﺛُﺮﺭﺭﻯ ﻣﻮﺑﺎﻳﻠﺞ ﻭﻳﻦ ﻋﻨﺞ ﺟﻨﺘﻲ ﻓﺎﺗﺤﻪ ﻧﺖ؟
- ﻻ ﺍﺻﻼً ﺟﺎﻱ ﺍﺗﻌﺸﻪ
- ﻟﻌﺪ ﺍﺧﺘﺮﻗﻮﺝ
- ﺷﻨﻮ ﺷﻨﻮ ﻭﻳﻦ
- ﺭﻭﺣﻲ ﻟﻠﻔﻴﺲ ﻣﻦ ﺗﻜﻤﻠﻴﻦ ﻭﺷﻮﻓﻴﻪ
- ﻟﺤﻈﻪ ﺭﺍﺡ ﺍﺗﺼﻞ ﻋﻠﻴﻚ ﻣﻦ ﺟﻬﺎﺯ ﻣﺮﻭﻩ
- ﻳﻼ ﻣﻨﺘﻈﺮﺝ .
ﺍﺗﺼﻠﺖ ﻋﻠﻴﻪ ﻭﺩﺧﻠﺖ ﻋﻠﻰ ﺍﻟﻔﻴﺲ ﻛﺎﻝ
- ﺷﻴﻄﻠﻌﻠﺞ
- ﺍﻧﺘﻬﺖ ﺻﻼﺣﻴﺔ ﺍﻟﺠﻠﺴﻪ
- ﺳﺠﻠﻲ ﺩﺧﻮﻝ ﺑﻠﻪ
ﺳﺠﻠﺖ ﺩﺧﻮﻝ ﻛﻠﻤﺔ ﻣﺮﻭﺭ ﻏﻴﺮ ﺻﺤﻴﺤﻪ
- ﻣﺎﻳﻔﺘﺢ ﻛﻠﻤﺔ ﺍﻟﻤﺮﻭﺭ ﺧﻄﺄ
- ﻫــﻪ ﺍﺧﺦ ﺟﻨﺎﺍﺍﺕ ﺍﺧﺨﺦ
- ﺷﻨﻮ؟
- ﺟﻨﺎﺕ ﺍﺧﺘﺮﻗﺘﺞ ﺍﻋﺮﻑ ﺳﻮﺍﻟﻔﻬﻪ
- ﺷﻠﻮﻥ ﻋﺮﻓﺖ؟؟
- ﻗﺒﻞ ﺷﻮﻳﻪ ﺩﺍﺭﺍﺳﻞ ﺑﻴﺞ ﻭﻭﺻﻠﻨﻲ ﺳﻜﺮﻳﻨﺎﺕ ﻛﻼﻡ ﻭﻳﻪ ﻭﻟﺪ ﻟﻌﺒﺎﻥ ﻧﻔﺲ ﺍﻟﻤﺘﺰﻭﺟﻪ ﻣﺎﺗﺤﺠﻴﻪ ﺍﺳﺘﻐﺮﺑﺖ ﻭﺑﻌﺪﻫﻪ ﻛﺎﺗﺒﺘﻠﻲ ‏( ﺍﻧﻲ ﻣﺎﺍﺣﺒﻚ ﻭﺍﺭﻳﺪ ﺍﻓﺼﺦ ﺧﻄﻮﺑﺘﻲ ﻭﻋﻨﺪﻱ ﻋﻼﻗﺎﺕ ﻭﻭ .. ‏) ﻣﻦ ﻫﺬﺍ ﺍﻟﺤﺠﻲ ﺍﻟﻜﻼﻭﺍﺕ .. ﻋﺒﺎﻟﻬﻪ ﻣﺎﻫﺮ ﻏﺒﻲ ﻭﻋﺮﺑﺎﻧﻪ ﺗﺪﻓﻌﻪ ﺑﺴﺮﻋﻪ ﻭﺍﻟﻠﻪ ﻳﺎﺍﻟﻠﻪ
- ﻳﺤﺤﺢ ﻋﺰﺯﺍﺍﺍ ﻭﺷﻠﻮﻥ ﺗﺎﻟﻲ ﺷﺴﻮﻳﺖ
- ﺧﺎﺑﺮﺗﺞ ﻻﻥ ﻣﺎﺍﺷﻚ ﺑﻴﺞ ﻭﻟﻮ ﻭﺍﺣﺪ ﺑﺎﻟﻤﻴﻪ .. ﺍﻧﻲ ﻗﺮﺍﺭﺍﺗﻲ ﺩﺍﺋﻤﺎً ﺍﺩﺭﺳﻬﻪ ﻳﻼ ﺍﺧﻄﻲ ﺧﻄﻮﻩ ﻭﻫﺎﻱ ﺍﻧﻲ ﺍﻋﻠﻤﻬﻪ ﻓﻮﻙ ﺷﻴﻨﻬﻪ ﮔﻮﺍﺕ ﻋﻴﻨﻬﻪ
- ﻣﺎﻫﺮ ﻭﺍﻟﻠﻪ ﺍﻧﻲ ﻣﺎﻋﻨﺪﻱ ﺫﻧﻲ ﺍﻟﺴﻮﺍﻟﻒ ﻭﻭﻻ ﻣﺴﻮﻳﺘﻬﻦ ﺑﺤﻴﺎﺗﻲ
- ﺍﻋﺮﻑ ﺍﻋﺮﻑ ﻟﻮ ﺍﺷﻚ ﺑﻴﺞ ﺟﺎﻥ ﺻﺪﻛﺘﻬﻪ ﺑﺲ ﺍﻟﻤﺜﻠﺞ ﺍﻧﺖِ ﻣﻦ ﺍﻟﺪﺍﺧﻞ ﻃﺎﻫﺮﻩ ﻭﺷﻔﺎﻓﻪ
- ﺑﻌﺪ ﮔﻠﺒﻲ
- ﻫﻬﻬﻪ ﺍﻭﻝ ﺗﺎﻟﻲ
- ﻫﻬﻬﻬﻪ
- ﻫﺴﻪ ﺩﺯﻳﻠﻲ ﺍﻻﻳﻤﻴﻞ ﻭﺍﻟﺮﻣﺰ ﺍﺭﺟﻊ ﺍﻟﺤﺴﺎﺏ
- ﺧﻮﺵ
ﺳﺪﻳﺘﻪ ﻣﻨﻪ ﻭﺩﺯﻳﺘﻠﻪ ﺍﻻﻳﻤﻴﻞ ﻭﺍﻟﺮﻣﺰ .. ﺷﻮﻳﻪ ﻭﻛﺎﻟﻠﻲ ﺍﻓﺘﺤﻴﻪ ﻭﺳﻮﺍﻟﻲ ﺭﻣﺰ ﺷﻄﻮﻭﻟﻪ .
ﺣﻔﻈﺖ ﺣﺴﺎﺑﻲ ﻭﺭﺟﻌﻠﻲ .. ﺷﻠﻮﻥ ﺳﺎﻟﻔﻪ ﻫﺎﻱ ﺗﻈﻞ ﺍﻡ ﻓﭽﻮﭺ ﻳﻮﻣﻴﻪ ﻣﺨﺘﺮﻗﺘﻨﻲ ﻭﺍﻟﻠﻪ ﻣﻠﻴﺖ ﻳﺎﺭﺑﻲ .
ﻫﻤﺰﻳﻦ ﻣﺎﻫﺮ ﻳﺜﻖ ﺑﻴﻪ ﺍﻟﺤﻤﺪ ﻟﻠﻪ ﻭﺍﻟﺸﻜﺮ .. ﺭﺯﻥ ﻭﻳﻔﻜﺮ ﻳﻼ ﻳﺘﺼﺮﻑ .
ﺇﺟﻪ ﺇﺳﻤﺎﻋﻴﻞ ﻻﺃﻣﻲ
ﺍﺳﻤﺎﻋﻴﻞ .. ﺭﺍﺡ ﺍﺟﻴﺒﻠﺞ ﺍﻟﺘﻌﻮﺽ ﻣﻜﺎﻥ ﺗﻘﻮﻯ ﻭﺛﺮﻳﺎ
- ﺍﻫﻠﻬﻞ
ﺍﺳﻤﺎﻋﻴﻞ .. ﻫﻬﻬﻪ ﻫﻠﻬﻠﻲ ﻭﺣﻀﺮﻱ ﺭﻭﺣﺞ ﺣﺘﻰ ﺗﺮﻭﺣﻴﻦ ﺗﺨﻄﺒﻴﻦ
- ﻳﻮﻡ ﻋﻴﺪ
ﺍﺳﻤﺎﻋﻴﻞ .. ﺍﻭﻝ ﻣﺎﺗﺘﺰﻭﺝ ﺛﺮﻳﺎ ﺍﺗﺰﻭﺝ ﺣﺘﻰ ﻣﺎﻧﺤﺲ ﺑﻨﻘﺺ ﺑﻌﺎﺋﻠﺘﻨﻪ
ﺛُﺮﻯٰ .. ﻻﻋﻴﻨﻲ ﻻ ﺍﻧﻲ ﻣﺤﺪ ﻳﻌﻮﺽ ﻣﻜﺎﻧﻲ
ﺍﺳﻤﺎﻋﻴﻞ .. ﻫﻢ ﺻﺪﮒ .. ﺍﻧﺖِ ﻣﺎﺗﺘﻌﻮﺿﻴﻦ
- ﺍﻱ ﻭﺍﻟﻠﻪ ﻓﺪﻳﺘﻨﻲ
ﻇﻠﻴﻨﺦ ﻧﺴﻮﻟﻒ ﻭﻧﻀﺤﻚ ﻭﻭﺟﻬﻲ ﺻﺪﻙ ﺧﻴﺮ ﻣﻦ ﺍﮔﻠﻬﻢ ﺧﻴﺮ ﻋﻠﻴﻜﻢ ﺍﻧﻲ ﻣﺤﺪ ﻳﺼﺪﮔﻨﻲ .. ﻛﻠﻬﻪ ﻋﺮﺳﺖ ﻭﻳﺎﻱ .
ﺑﺎﺟﺮ ﻧﺮﻭﺡ ﻧﺨﻄﺒﻠﻪ ﻭﺍﻣﻲ ﻣﻜﻴﻔﻪ ﻭﻫﻮَ ﻫﻢ ﺧﻄﻴﻪ ﻣﻜﻴﻒ .. ﻓﺪﻙ ﺍﻛﻴﺪ ﺑﺎﺟﺮ ﻋﻴﺪ ﻋﺪﻫﻪ .
ﻳﻮﻡ ﺛﺎﻧﻲ ﻛﻌﺪﺕ ﻋﻠﻰ ﺇﻳﺪ ﺗﻨﻤﺪ ﻋﻠﻰ ﻭﺟﻬﻲ .
ﺗﮕﻠﺒﺖ ﻟﻠﺠﻬﻪ ﺍﻟﺜﺎﻧﻴﻪ .. ﻫﻢ ﺍﺟﺖ ﻋﻠﻰ ﻭﺟﻬﻲ
- ﻳﺒﻮﻭ ﻣﻨﻮ ﻫﺬﺍ
- ﺍﻧﻲ ﺍﻧﻲ ﻣﺎﺍﺷﺘﺎﻗﻴﺘﻴﻠﻲ
ﮔﻌﺪﺕ ﺑﻔﺮﺣﻪ ﻭﻟﻬﻔﻪ ﻣﻦ ﺳﻤﻌﺖ ﺻﻮﺕ ﻧﻬﻰ ﻟﮕﻴﺘﻬﻪ ﺷﺎﻳﻠﻪ ﺣﺴﻮﻧﻲ ﻭﻣﺒﺘﺴﻤﻪ ﺑﻮﺟﻬﻲ .. ﻳﻤﻪ ﻛﻴﻔﺖ ﻃﻔﺮﺕ ﻋﻠﻴﻬﻢ ﺍﺛﻨﻴﻨﻬﻢ ﺍﺣﻀﻦ ﺑﻴﻬﻢ ﺳﻮﻳﻪ .
- ﻣﺸﺘﺎﻗﺘﻠﺞ ﺣﻴﻴﻞ
ﻧﻬﻰ .. ﺣﺴﻮﻧﻲ ﺍﻟﻴﻮﻡ ﻣﺸﺘﺎﻕ ﻟﺨﺎﻟﺘﻪ ﻭﺟﺒﺘﻪ
- ﻓﺪﻳﺖ ﺣﺴﻮﻧﻲ ﻭﺃﻡ ﺣﺴﻮﻧﻲ ﻫﻼ ﺑﻴﻜﻢ ﺑﻜﻞ ﺍﻻﻭﻗﺎﺕ
ﻧﻬﻰ .. ﺩﻳﻼ ﺑﺪﻟﻲ ﺩﻧﺮﻭﺡ ﻟﻠﺨﻄﻮﺑﻪ
- ﺍﺣﻤﻢ ﺍﻱ ﺣﺒﺪﻝ .. ﻫﻲَ ﻣﺎﻝ ﺑﻐﺪﺍﺩﻱ ﺩﻳﻼ ﻋﻤﻲ ﻳﻼ ﺧﻞ ﺍﻏﺴﻞ ﻭﺍﺟﻴﺞ ﻋﻮﺩ ﺑﻌﺪﻳﻦ ﺍﺑﺪﻝ
ﺭﻛﺾ ﺭﻛﺾ ﺑﺪﻟﻨﻪ ﻭﺭﺣﻨﻪ ﻟﺒﻴﺖ ﺧﺎﻟﺘﻲ ﺍﻡ ﻓﺪﻙ .. ﺳﻤﻌﻮ ﻗﺎﻓﻞ ﻋﻠﻰ ﻓﺪﻙ .
ﺣﺠﺖ ﺍﻣﻲ ﺍﻟﺮﺳﻤﻴﺎﺕ ﻭﻃﻠﺒﺘﻬﻪ ﻭﻫﻤﻪ ﻣﻜﻴﻔﻴﻦ ﺷﻔﺎﻳﺘﻠﻬﻪ ﻓﺪﻳﻜﺎﻥ ﻣﺎﺧﺬﻩ ﻋﻤﻮﺩ ﺑﻴﺘﻨﻪ ﻭﺍﺣﺴﻦ ﻭﺍﺣﺪ ﺑﻌﺎﺋﻠﺘﻨﻪ .
ﺭﺟﻌﺖ ﻣﻦ ﺍﻟﺨﻄﻮﺑﻪ ﻭﺍﻧﺼﺪﻣﻠﻚ ﺑﻤﺎﻫﺮ ﻋﺪﻧﻪ !
ﻳﺤﺢ ﺻﺨﺎﻡ ﺑﻮﻳﻬﺞ ﺛُﺮﻯٰ ﻧﺴﻴﺖ ﻣﺎﮔﺘﻠﻪ ﺭﺍﻳﺤﻴﻦ .. ﺑﺲ ﻳﻼ ﻣﺎﻋﻨﺪﻩ ﻫﺎﻱ ﺳﻮﺍﻟﻒ ﺍﻟﺘﺤﻜﻢ ﻫﺎﻱ .
ﺭﺣﺖ ﺩﺧﻠﺖ ﺳﻠﻤﺖ ﻋﻠﻴﻪ ﻭﮔﻌﺪﺕ .. ﻇﻠﻴﺖ ﺍﺗﻔﺤﺺ ﺑﻮﺟﻬﻪ ﺍﺷﻮﻑ ﻣﻌﺼﺐ ﻟﻮ ﻻ .
ﺍﻟﺤﻤﺪ ﻟﻠﻪ ﻭﺟﻬﻪ ﻃﺒﻴﻌﻲ ﻣﺎﻣﻌﺼﺐ ﻭﻻ ﻣﻐﻨﺪﺏ
ﮔﻌﺪﺕ ﻣﻘﺎﺑﻴﻠﻪ ﻭﻇﻞ ﻳﺴﻮﻟﻒ ﻫﻮَ ﻭﺇﺳﻤﺎﻋﻴﻞ ﻟﻤﺎ ﻃﻠﻊ ﺍﺳﻤﺎﻋﻴﻞ ﻭﺧﻼﻧﻪ ﻭﺣﺪﻩ .
ﻣﺎﻫﺮ .. ﺗﻌﺎﻟﻲ ﻫﻨﺎ
- ﻻ ﺧﻠﻴﻨﻲ ﻫﻨﺎ
ﻣﺎﻫﺮ .. ﺗﻌﺎﻟﻲ ﻳﻤﻌﻮﺩﻩ
- ﺍﻱ ﺟﻴﺖ
ﮔﻌﺪﺕ ﻳﻤﻪ ﺑﺎﻭﻋﻠﻲ ﺭﺍﻓﻊ ﺣﺎﺟﺒﻪ
- ﻃﺎﻟﻌﻪ ﻭﺍﻧﻲ ﺁﺧﺮ ﻣﻦ ﻳﻌﻠﻢ
- ﻣﺎﻃﻮﻟﻨﻪ ﺑﺴﺮﻋﻪ ﺭﺟﻌﻨﻪ
- ﺑﺲ ﻣﺎﮔﻠﺘﻴﻠﻲ
- ﺍﺧﺮ ﻣﺮﻩ
- ﮔﻠﺒﻲ ﻋﻠﻤﻨﻲ ﻭﺍﺟﻴﺖ
- ﻫﻬﻬﻬﻪ
- ﻣﺎﻣﺼﺪﻛﻪ ﺷﺒﻴﺞ
- ﻻ ﻻ ﻣﺼﺪﮔﻪ
ﺩﻧﮕﺖ .. ﻫﻤﺲ
- ﻋﻴﻮﻧﺞ ﻋﻴﻮﻧﺞ ﺧﻞ ﺍﺷﻮﻓﻬﻦ ﺗﻜﺘﻠﻴﻨﻲ ﺑﺮﺻﺎﺹ ﻣﻦ ﺗﺪﻧﮕﻴﻦ .. ﺍﻟﻤﻦ ﻣﺪﻧﮕﻪ ﺭﺏ ﺍﻟﺤﻠﻮ
ﺭﻓﻌﺖ ﻋﻴﻮﻧﻲ ﻭﺑﺎﻭﻋﺖ ﺑﻌﻴﻮﻧﻪ .. ﺍﻧﺘﭽﻪ ﻋﻠﻰ ﺍﻟﺤﺎﻳﻂ ﻭﺯﻓﺮ ﺍﻧﻔﺎﺳﻪ ﺑﺈﺭﺗﻴﺎﺡ
- ﺍﻳﻴﻴﻲ .. ﺷﺴﻮﻳﺘﻲ ﺑﻴﻪ
- ﻫﻬﻬﻪ ﻛﻠﺸﻲ ﻣﺎﻣﺴﻮﻳﻪ ﺍﻧﻲ ﺍﻟﻔﻘﻴﺮﻩ ﺍﻟﻀﻌﻴﻔﻪ
- ﭼﺆﺅ ﭼﺆﺅﺅ ﺍﻧﺖِ ﺍﻗﻮﻯ ﻣﻤﺎ ﺗﺒﻴﻨﻴﻦ
. ﺃﻛﺜﺮ ﺻﻼﺑﻪ ﻣﻤﻤﺎ ﺗﺘﻈﺎﻫﺮﻳﻦ ﺭﻏﻢ ﻧﻌﻮﻣﺘﺞ ﻭﺭﻗﺘﺞ ﻭﺳﻬﻮﻟﺔ ﺧﺪﺷﺞ ﺑﺲ ﺍﻧﺖِ ﺷﺎﻣﺨﻪ , ﻗﻮﻳﻪ ﻣﺜﻞ ﺍﻟﺸﺠﺮﻩ ﺟﺬﻭﺭﺝ ﻋﻤﻴﻘﻪ ﻭﻋﺘﻴﻘﻪ , ﺃﺻﻴﻠﻪ ﺗﺰﺃﺭﻳﻦ ﻣﺜﻞ ﺍﻟﻠﺒﻮﻩ ﻣﻦ ﻭﺍﺣﺪ ﻳﻬﻴﻨﺞ ﻭﻣﺤﺪ ﻳﻜﺪﺭ ﻳﻬﺸﻤﺞ ﺗﻌﻤﻘﺖ ﺑﺸﺨﺼﻴﺘﺞ ﻭﺩﻭﺧﺘﻴﻨﻲ ﮔﻮﻩ ﻓﻬﻤﺘﺞ
ﺍﻧﻲ ﺻﺎﻓﻨﻪ ﻋﻠﻴﻪ ﻛﻞ ﻛﻠﻤﻪ ﻳﻜﻮﻟﻬﻪ ﺍﺗﺨﻴﻠﻬﻪ ﺧﻮ ﻣﻦ ﻛﺎﻝ ﺷﺎﻣﺨﻪ ﺭﺩﺕ ﺍﮔﻠﻪ ﻫﺬﺍ ﺍﺳﻢ ﺟﺪﻱ ﺑﺲ ﮔﻠﺖ ﺧﺎﻑ ﺍﮔﻄﻊ ﺗﻔﻜﻴﺮﻩ ﻭﺑﻌﺪ ﻣﺎﻳﻤﺪﺣﻨﻲ .
ﺗﺨﻴﻠﺖ ﻫﺬﺍ ﺍﻟﺤﺠﻲ ﺍﻟﻴﺤﭽﻴﻪ ﺇﻟﻴﻪ ﻳﮕﻮﻟﻪ ﻟﺠﻨﺎﺕ .. ﺍﻻﻓﻜﺎﺭ ﻛﺎﻣﺖ ﺗﺘﺼﺎﺩﻡ ﺑﺒﺎﻟﻲ ﻭﺑﺪﻭﻥ ﻋﻠﻤﻲ ﺯﻟﮓ ﻟﺴﺎﻧﻲ
- ﻫﻢ ﺟﻨﺖ ﺗﺤﺠﻲ ﻫﻴﺞ ﻟﺠﻨﺎﺕ؟؟
ﺑﺎﻭﻋﻠﻲ ﺭﻓﻊ ﺭﺍﺳﻪ ﺧﺰﺭﻧﻲ ﺍﻧﻲ ﺩﻧﮕﺖ ﻋﺰﺯﺯﺍ .. ﺫﻛﺮﺗﻪ ﺷﺴﻮﻳﺖ ﺍﻧﻲ
ﻣﺎﻫﺮ .. ﺍﺳﻤﻬﻪ ﻟﺘﺬﻛﺮﻳﻪ ﻣﻘﺎﺑﻴﻠﻲ ﻭﻟﺘﻘﺎﺭﻧﻴﻦ ﻧﻔﺴﺞ ﺑﻴﻬﻪ
- ﻋﻮﺩ ﻟﻴﺶ ﺗﻀﻮﺝ ﻣﻨﻬﻪ ﻭﺍﻧﺖَ ﻗﺒﻞ ﺗﻤﻮﺕ ﻋﻠﻴﻬﻪ؟
- ﺑﺤﻴﺎﺗﻲ ﻣﺎﻣﺘﺖ ﻋﻠﻴﻬﻪ ﺧﻄﺒﺘﻬﻪ ﺍﺭﺿﻲ ﻛﺒﺮﻳﺎﺋﻲ
- ﺟﺎ ﻟﻴﺶ ﻣﺎﺗﻘﺒﻞ ﺗﺤﺠﻴﻠﻲ ﻟﻴﺶ ﻓﺼﺨﺖ؟؟ ﻏﻴﺮ ﻛﺘﻠﻲ ﺍﺣﺠﻴﻠﺞ؟
- ﺑﻌﺪﻳﻦ ﺛُﺮﻯٰ
- ﻻ ﻭﺍﻟﻠﻪ ﻣﺎﻋﻠﻴﻪ ﻫﺴﻪ ﺍﺣﺠﻴﻠﻲ
- ﺛُﺮﺭﺭﺭﻯٰ ﻣﺎﺍﮔﺪﺭ ﻫﺴﻪ ﺍﺫﺍ ﺍﺫﻛﺮ ﺍﻟﺴﺎﻟﻔﻪ ﺍﺑﻘﻪ ﻳﻮﻣﻴﻦ ﻋﺼﺒﻲ ﻑ ﺧﻠﻴﻨﻲ ﺳﺎﻛﺖ ﺍﺣﺴﻦ
- ﻟﺨﺎﻃﺮﻱ ﻓﺪﻭﻩ ﻟﺨﺎﻃﺮﻱ
- ﺍﻭﻭﻑ ﻛﻠﺸﻲ ﻭﻻ ﺧﺎﻃﺮﺝ ﻫﺴﻪ ﺍﺣﺠﻴﻠﺞ
ﻏﻤﺾ ﻋﻴﻮﻧﻪ ﻭﻋﺒﺎﻟﻚ ﻳﺘﺨﻴﻞ ﻣﺤﺪ ﻳﻤﻪ ﻭﻇﻞ ﻳﺤﺠﻲ ﺑﺼﻌﻮﺑﻪ ﻭﺻﻮﺗﻪ ﻳﻘﻄﻊ ﻛﻠﻤﻪ ﻛﻠﻤﻪ ﻳﺤﺠﻲ .
ﻣﺎﻫﺮ .. ﺟﻨﺖ ﻣﺪﻟﻠﻬﻪ ﺣﻴﻞ ﺍﮔﻮﻝ ﺭﺍﺡ ﺗﺼﻴﺮ ﻣﺮﺗﻲ ﻭﻣﺎﺍﺭﻳﺪ ﺍﻗﺼﺮ ﻭﻳﺎﻫﻪ ﺑﺸﻲ .. ﺍﺣﻨﻪ ﻛﻠﻨﻪ ﻋﺪﻧﻪ ﺍﻟﻤﺮﻩ ﻣﺪﻟﻠﻪ ﻭﻻﺯﻡ ﺗﺘﺪﻟﻞ .. ﺭﺩﺕ ﺍﺩﻟﻠﻬﻪ .. ﻇﻠﻴﺖ ﻳﻮﻣﻴﻪ ﻃﻠﻌﺎﺕ ﻭﻃﺒﺎﺕ ﻭﻫﺪﺍﻳﺎ ﻭﻟﺒﺲ ﻭﺃﻱ ﺷﻲ ﺗﺮﻳﺪﻩ ﺍﺟﻴﺒﻬﻪ ﺇﻟﻬﻪ ﺑﺜﻮﺍﻧﻲ .
ﺗﺘﺼﻞ ﻋﻠﻴﻪ ﺍﻋﻮﻑ ﺃﻱ ﺷﻲ ﺑﺈﻳﺪﻱ ﻭﺍﺭﻭﺡ ﺭﻛﺾ ﺍﺳﻮﻱ ﺍﻟﺘﺮﻳﺪﻩ ..
ﻛﻞ ﻫﺬﺍ ﻣﺎﻏﺰﺭ ﺑﻌﻴﻨﻬﻪ ..
ﺑﻴﻮﻡ ﻫﻲَ ﺧﺎﺑﺮﺗﻨﻲ ﺍﻋﺘﺬﺭﺕ ﻣﻨﻲ ﻭﮔﺎﻟﺘﻠﻲ ﺍﻧﻲ ﺍﻟﻴﻮﻡ ﺭﺍﺡ ﺃﺳﺎﻓﺮ ﻟﺘﺮﻛﻴﺎ .
ﻛﺘﻠﻬﻪ ﺍﺭﻭﺡ ﻭﻳﺎﺝ ﺧﺎﻑ ﻣﺎﺗﻨﺪﻟﻴﻦ ﻟﻮ ﺷﻲ .. ﻣﺎﻗﺒﻠﺖ .. ﻣﺎﺿﻐﻄﺖ ﻋﻠﻴﻬﻪ ﻭﺧﻠﻴﺘﻬﻪ ﺑﺮﺍﺣﺘﻬﻪ .
ﺇﺧﻮﻫﻪ ﺩﺍﺋﻤﺎً ﺍﻧﻲ ﻭﻳﺎﻩ ﻣﻴﺎﻧﻪ ﻭﺳﻮﺍﻟﻒ ﻭﺿﺤﻚ ﻭﻧﻄﻠﻊ ﺳﻮﻳﻪ ﻭﻣﺴﻮﻱ ﻋﻠﻴﻪ ﺃﻓﻀﺎﻝ ﻛﻮﻭﻣﻪ .
ﺑﻴﻮﻣﻬﻪ ﮔﺎﻟﻠﻲ ﻣﺎﻫﺮ ﺗﻌﺎﻝ ﺍﻟﻴﻮﻡ ﻧﺴﻬﺮ ﺳﻮﻳﻪ .. ﺍﻧﻲ ﻣﺎﻋﺎﺭﺿﺖ ﻛﺘﻠﻬﻪ ﺭﺍﺡ ﺍﺟﻴﺐ ﻛﺮﺯﺍﺕ ﻭﺷﻐﻼﺕ ﻧﺘﺴﻠﻰ ﺑﻴﻬﻦ ﻧﺘﺎﺑﻊ ﻟﻌﺒﺎﺕ ﻟﻮ ﺍﻓﻼﻡ ﺍﺟﻨﺒﻴﻪ .
ﺍﺧﺬﺗﻬﻦ ﻭﺭﺣﺖ .. ﻛﻌﺪﻧﻪ ﻧﺴﻮﻟﻒ ﻭﻧﻀﺤﻚ ﻭﺻﺎﺣﺒﻪ ﻭﻳﺎﻧﻪ .. ﺧﻠﺺ ﺍﻟﺒﺮﻧﺎﻣﺞ ﺍﻟﭽﻨﻪ ﻛﺎﻋﺪﻳﻦ ﻋﻠﻴﻪ ﺭﺍﺡ ﺍﻟﻮﻟﺪ ﺻﺎﺣﺒﻪ ﺍﻧﻲ ﻣﺎﺧﻼﻧﻲ ﺍﻃﻠﻊ ﻛﺎﻟﻠﻲ ﺗﺒﺎﺕ ﻳﻤﻨﻪ ﺍﻟﻴﻮﻡ .
ﺍﻟﻮﻗﺖ ﻣﺘﺄﺧﺮ ﻭﺩﻧﻴﺎ ﻟﻴﻞ ﻛﺘﻠﻪ ﻋﺎﺩﻱ ﺍﺑﺎﺕ ﻳﻤﻜﻦ ﺍﻟﻠﻴﻠﻪ .
ﻇﻠﻴﻨﻪ ﺷﻮﻳﻪ ﻭﺻﺎﺡ " ﺟﻨﺎﺕ ﺗﻌﺎﻟﻲ " ﺗﻔﺎﺟﺌﺖ ﺑﺠﻨﺎﺕ ﺩﺧﻠﺖ !!
ﺷﺎﻓﺘﻨﻲ ﻭﺟﻬﻪ ﻇﻞ ﻳﻨﻄﻲ ﺃﻟﻮﺍﻥ !! ﺍﻧﻲ ﻫﻢ ﺗﻔﺎﺟﺌﺖ ﺷﻨﻮ ﻣﺼﻠﺤﺘﻬﻪ ﺗﺠﺬﺏ ﻋﻠﻴﻪ؟
ﻛﺎﻟﻠﻬﻪ ﺍﻓﺮﺷﻲ ﻟﻤﺎﻫﺮ .. ﺭﺍﺣﺖ ﺍﻟﺮﻭﺣﻪ ﺭﻭﺣﻪ ﺑﻌﺪ ﻣﺎﺭﺟﻌﺖ .. ﻫﻮَ ﻇﻞ ﻳﻀﺤﻚ ﻭﻛﺎﻝ ﺍﺗﻌﺐ ﺟﺪﺍﻣﻚ ﻭﻻﺗﺘﻌﺐ ﻟﺴﺎﻧﻚ .. ﮔﺎﻡ ﻳﺠﻴﺐ ﻓﺮﺍﺵ ﻭﺧﻼﻧﻲ ﻭﺣﺪﻱ .
ﺩﺯﻳﺘﻠﻬﻪ ﺭﺳﺎﻟﻪ ﻣﻦ ﻋﻨﺪﻱ ﺍﺭﻳﺪﻫﻪ ﺗﺸﺮﺣﻠﻲ ﻭﺗﺒﺮﺭﻟﻲ ﺍﻟﭽﺬﺏ ﻟﻴﺶ ﺑﺲ ﻣﺎﺭﺩﺕ .
ﻣﻮﺑﺎﻳﻞ ﺍﺧﻮﻫﻪ ﺑﻘﻪ ﻳﻤﻲ .. ﺩﺯﻳﺘﻠﻬﻪ ﺭﺳﺎﻟﻪ ﻣﻦ ﻋﻨﺪﻩ ﺑﺤﺠﺔ ﺟﻴﺒﻲ ﻣﻲ ﺟﺎﻭﺑﺖ ﻛﺎﻟﺖ ﺷﻮﻳﻪ ﻭﺗﺠﻴﺒﻠﻜﻢ ﺃﻣﻲ ﻳﻌﻨﻲ ﺍﻟﻤﻮﺑﺎﻳﻞ ﻳﺈﻳﺪﻫﻪ ﻭﺗﺸﻮﻑ ﺭﺳﺎﺋﻠﻲ ﺑﺲ ﻣﺘﺠﺎﻭﺏ .
ﺟﺎﺏ ﺍﺧﻮﻫﻪ ﻭﻓﺮﺵ ﺍﻟﻔﺮﺍﺷﺎﺕ ﻭﻧﻤﻨﻪ ﻋﻠﻰ ﺣﺴﺐ ﺍﻷﺻﻮﻝ .. ﺍﻟﺸﻴﻄﺎﻥ ﻇﻞ ﻳﮕﻤﺰ ﻋﻠﻰ ﺭﺍﺳﻲ ﺍﻻ ﺍﻋﺮﻑ ﻟﻴﺶ ﺟﺬﺑﺖ ﻋﻠﻴﻪ .
ﺑﻨﺺ ﺍﻟﻠﻴﻞ ﺍﺧﺬﺕ ﻣﻮﺑﺎﻳﻠﻲ ﻭﺭﺣﺖ ﺑﺴﻜﺘﻪ ﻟﻐﺮﻓﺘﻬﻪ .
ﻣﺎﻣﺴﻮﻱ ﺷﻲ ﺍﻧﻲ ﺧﻄﻴﺒﺘﻲ ﻭﺍﺣﺠﻲ ﻭﻳﺎﻫﻪ ﺣﺘﻰ ﻟﻮ ﻟﮕﻔﻮﻧﻲ .
ﺻﻌﺪﺕ ﺍﻟﺪﺭﺝ ﻋﻠﻰ ﺿﻮﻩ ﺍﻟﻤﻮﺑﺎﻳﻞ ﻻﻥ ﺍﻟﺒﻴﺖ ﺍﻇﻠﻢ .. ﺻﻌﺪﺕ ﻛﻠﺶ ﻭﺻﻠﺖ ﻟﻠﺼﺎﻟﻪ ﺍﻟﺘﻔﺼﻞ ﺑﻴﻦ ﺍﻟﻐﺮﻑ ﻭﻛﻔﺖ ﻳﻢ ﻏﺮﻓﺘﻬﻪ ﻭﺳﻤﻌﺖ ﺻﻮﺕ ﺿﺤﻚ ﻭﺳﻮﺍﻟﻒ !!
ﺗﻔﺎﺟﺌﺖ ﻭﻳﺎﻣﻦ ﺗﺴﻮﻟﻒ ﻭﻫﻲَ ﻭﺣﺪﻫﻪ ﺑﺎﻟﻐﺮﻓﻪ !!
ﻓﺘﺤﺖ ﺍﻟﺒﺎﺏ ﻭﺍﻧﺼﺪﻣﺖ ﺑﺎﻟﻤﻨﻈﺮ !!
ﻳﺘﺒﻊ ...
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻