رواية هشاشة قلب الفصل الثاني والأربعون 42 - بقلم هاجر قاسم

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺗﻜﻤﻠﺔ _ ﺑــﺎﺭﺕ _37
ﺍﻟﻜﺎﺗﺒﻪ ﻋﺒﺮﺍﺕ } ﺍﻟﻌﺒﺎﺩﻳﻪ {
alabadyia_09
" ﻳـﻮﻡٍ ﺑﻌﺪ ﻳـﻮﻡٍ ﺃﺗﺤﻤـﻞ ﺍﻷﺷﻴـﺎﺀ ﺣـﻮﻟـﻲ ﺑـﺼـﻌـﻮﺑــﺔ ♡".
~~~~~~~~~~~~~~~~~~~~~~~~~~~~~
ﺛُﺮﻯٰ
ﺗﻘﺮﺑﺖ ﻣﻨﻲ ﻭﻋﻴﻮﻧﻬﻪ ﺗﺠﺪﺡ ﻭﻣﻼﻣﺢ ﺧﺒﻴﺜﻪ ﻣﺮﺳﻮﻣﻪ ﻋﻠﻰ ﻭﺟﻬﻪ
ﺍﻡ ﻣﺎﻫﺮ .. ﻟﺞ ﺷﻤﺴﻮﻳﻪ ﻹﺑﻨﻲ ﻣﺪﻳﺤﺤﺠﺠﻲ ﻭﻳﺎﺍﺍﺍﻱ
- ﺷﻤﺴﻮﻳﺘﻠﻪ ﺍﻧﻲ ﺷﻌﻠﻴﻪ ﻏﻴﺮ ﺍﻧﺘﻢ ﻣﺎﺗﺘﺤﺎﺟﻮﻥ ﻋﻠﻰ ﺳﺎﻟﻔﺔ ﻣﻮﺝ
ﺍﻡ ﻣﺎﻫﺮ .. ﻟﺠﺞ ﻻﺍﺍ ﻣﺘﻐﻴﺮ ﺟﺬﺭﺭﻳﺎً ﮔﻮﻟﻲ ﺷﻤﺴﻮﻳﺘﻠﻪ ﺍﻣﻬﺎﺕ ﺍﻟﺴﺤﻮﺭﺓ
- ﻳﺎﺍﺍ ﺍﻣﻬﺎﺕ ﺍﻟﺴﺤﻮﺭﻩ ﺷﻨﻮ ﺍﻟﻨﻮﺏ
ﺍﻡ ﻣﺎﻫﺮ .. ﻟﺞ ﻭﺍﻟﻠﻪ ﻟﻮ ﺃﻋﺮﻑ ﻟﻬﺎﻟﺴﻮﺍﻟﻒ ﻭﺍﻧﺪﻝ ﻭﺍﺣﺪ ﺍﻹ ﺍﻃﻠﻌﺞ ﻣﻨﺎ ﺑﺎﻟﻠﻴﻠﺔ ﻇﻠﻤﺔ ﺑﺲ ﺍﺍﺧﺨﺦ ﺷﻌﺮﻓﻨﻲ ﺑﻬﺎﻟﺴﻮﺍﻟﻒ ﺍﺻﻼً ﺍﺧﺎﻑ ﻣﻨﻬﻪ ﻭﺍﺗﻘﺰﺯ ﺑﺲ ﺣﺮﺍﻣﺎﺕ ﺧﻠﻴﺘﻬﻦ ﺍﻟﺞ
- ﻋﻤﺔ ﺷﻨﻮ ﻫﺎﻟﺤﭽﻲ ﺍﻧﻲ ﺷﻌﺮﻓﻨﻲ ﺑﻬﺎﻟﺴﻮﺍﻟﻒ ﻭﻭﻳﻦ ﺷﺎﻳﻔﺘﻬﻦ
ﺍﻡ ﻣﺎﻫﺮ .. ﻟﻌﺪ ﺷﺒﻴﻪ ﻣﺎﻫﺮ ﻫﻴﺞ ﻳﺒﺎﻉ ﺑﺤﻠﻜﺞ
- ﺟﺎﻱ ﺍﺗﻌﺐ ﻋﻠﻴﻪ ﺍﺑﻮ ﺑﻴﺘﻲ ﺷﻌﻨﺪﻱ ﻏﻴﺮﻩ ﺭﻏﻢ ﺣﻤﻠﻲ ﻣﺎﺍﺷﺘﻜﻲ ﻣﻦ ﺷﻲ ﻭﺍﻗﻮﻡ ﺑﻮﺍﺟﺒﺎﺗﻪ ﻛﻠﻬﻪ ﻭﺃﺣﺒﻪ ﻭﺻﺎﻳﺮﺗﻠﻪ ﻛﻠﻬﻦ ﺑﻮﻗﺖ ﻭﺍﺣﺪ
ﺍﻡ ﻣﺎﻫﺮ .. ﻣﺪﺍﺻﺪﻙ ﻫﻴﺞ ﻳﺤﺒﺞ ﻻﻥ ﺗﻬﺘﻤﻴﻦ ﺑﻴﻪ
- ﻋﻤﺔ ﺍﺫﺍ ﺻﺪﻛﺘﻲ ﺍﻭ ﻻ ﻣﺎﻳﻬﻤﻨﻲ ﺍﻟﻤﻬﻢ ﺍﻧﻲ ﺍﻋﺮﻑ ﺑﻨﻔﺴﻲ ﺷﺠﺎﻱ ﺍﺳﻮﻱ ﻑ ﺧﻠﻴﺞ ﺑﻌﻴﺪﺓ ﻭﺍﻧﻲ ﺍﺭﻳﺪ ﺍﺣﺎﻓﻆ ﻋﻠﻰ ﻋﺎﺋﻠﺘﻲ ﻻﺗﺴﻮﻳﻠﻲ ﻣﺸﺎﻛﻞ ﺭﺟﺎﺍﺀً
ﺍﻡ ﻣﺎﻫﺮ .. ﻣﺴﺘﺘﺤﻴﻞ ﻭﺭﺑﻲ ﻣﺎﺍﻓﻚ ﻣﻨﭻ ﻳﺎﺧﻪ ﺍﺫﺍ ﻣﺘﻄﻠﻌﻴﻦ ﻣﻄﻠﮕﻪ ﻭﺍﺟﻴﺐ ﺟﻨﻮﻧﻪ
- ﻳﻌﻨﻲ ﺗﺸﺘﺘﻴﻦ ﻋﺎﺋﻠﺘﻲ ﻋﻠﻤﻮﺩ ﺟﻨﻮﻧﻪ؟ ﻣﻮ ﺁﻧﻲ ﺣﺎﻣﻞ ﺑﺤﻔﻴﺪﺝ
ﺍﻡ ﻣﺎﻫﺮ .. ﺍﻱ ﻧﺎﺧﺬﻩ ﺣﻔﻴﺪﻱ ﻣﻨﺞ ﺷﻌﺒﺎﻟﺞ ﻟﻌﺪ ﺍﺧﻠﻴﻪ ﺍﻟﺞ
- ﺍﺳﺘﻐﻔﺮ ﺍﻟﻠﻪ ﺭﺑﻲ ﻭﺍﺗﻮﺏ ﺇﻟﻴﻪ ﻋﻤﺔ ﻓﻜﺮﻱ ﺑﺮﺍﺣﺔ ﺍﺑﻨﺞ ﻟﺘﻔﻜﺮﻳﻦ ﺑﺮﺍﺣﺘﺞ ﺍﻧﺖِ ﺧﻮﺵ ﺍﻧﻲ ﻣﺎﺍﺣﺠﻲ ﺷﻲ ﻣﻦ ﺗﺴﻮﻳﻦ ﻫﻴﺞ ﻻﻥ ﻣﺎﺍﺭﻳﺪ ﻣﺸﺎﻛﻞ ﻋﻠﻤﻮﺩ ﻣﺎﻫﺮ ﺍﻛﻮﻝ ﺧﻄﻴﻪ ﺍﺟﻲ ﺍﺷﻜﻴﻠﻪ ﻭﻳﮕﻮﻝ ﻧﻜﺪﻳﻪ ﺑﺲ ﺍﻧﺖِ ﻣﺎﺗﻔﻜﻴﻦ ﻣﻨﻲ
ﺍﺟﺖ ﻋﻠﻴﻪ ﺩﻓﻌﺘﻨﻲ ﻭﻣﺸﺖ .. ﺍﻧﻲ ﻃﺤﺖ ﺑﺎﻟﮕﺎﻉ ﻭﺻﺮﺧﺖ ﻻﺍﺭﺍﺩﻱ .. ﺗﺄﺫﻳﺖ ﻓﻮﻙ ﺣﭽﻴﻬﻪ ﻇﻠﻴﺖ ﺍﺑﭽﻲ ﺍﺣﺲ ﺭﻭﺣﻲ ﺗﻌﺒﺖ ﻛﻠﻤﺔ ﻭﺣﺪﻩ ﻭﺍﻧﻔﺠﺮ ﻣﻠﻴﻴﺖ .. ﻣﻦ ﺷﺎﻓﺘﻨﻲ ﺍﺑﺠﻲ ﺭﺟﻌﺖ ﻋﻠﻴﻪ ﺧﺎﻳﻔﻪ ﻭﺍﻳﺪﻫﻪ ﺭﺟﻔﺖ
ﺍﻡ ﻣﺎﻫﺮ .. ﺷﺒﻴﺠﺠﺞ
- ﺑﻄﻨﻲ ﺃﺫﺗﻨﻲ
ﺍﻡ ﻣﺎﻫﺮ .. ﺍﺳﻔﻪ ﻭﺍﻟﻠﻪ ﺁﺳﻔﻪ ﻫﺎﺝ ﻫﺎﺝ ﺍﺷﺮﺑﻲ ﻣﻲ
ﺷﺮﺑﺖ ﻣﺎﻱ ﻭﻋﻴﻮﻧﻲ ﺗﺠﺮﻱ ﺟﺎﻱ ﺍﺗﻌﺐ ﻳﻮﻡ ﺑﻌﺪ ﻳﻮﻡ .. ﻣﺎﺣﺒﻴﺖ ﺿﻌﻔﻲ ﻣﻘﺎﺑﻴﻠﻬﻪ ﺧﻠﻴﺖ ﻭﮔﻤﺖ ﻣﺎﺍﺗﺤﻤﻞ ﺣﭽﻴﻬﻪ ﻛﻠﻪ ﺳﻢ ﺳﺴﻤﻤﻢ .. ﻫﺎﻟﻤﺮﺓ ﻣﺴﺘﻌﺪﺓ ﻛﻠﺸﻲ ﺗﺴﻮﻱ ﻓﻲ ﺳﺒﻴﻞ ﺗﻄﻠﻌﻨﻲ ﻣﻦ ﺍﻟﺒﻴﺖ .. ﺷﺄﺳﻮﻱ ﻫﺴﻪ ﺍﻧﻲ ﻳﺮﺑﻲ . ﻣﺎﺗﻌﻮﻓﻨﻲ ﺑﺤﺎﻟﻲ .
•••••
} ﺗﺴﺮﻳﻊ ﺍﻷﺣﺪﺍﺙ {
ﺍﻟﻴﻮﻡ ﺭﺟﻌﺖ ﻣﻦ ﺍﻟﺪﻛﺘﻮﺭﺓ ﺑﻌﺪﻣـﺎ ﮔﺘﻠﻬﻪ ﺗﺤﺪﺩﻟﻲ ﻭﻗﺖ ﻟﻠﻌﻤﻠﻴﻪ ﺣﺘﻰ ﺃﺟﻴﺐ ﻻﻥ ﻣﺎﺍﮔﺪﺭ ﺍﺟﻴﺐ ﻃﺒﻴﻌﻲ ﻛﺎﻟﺖ ﺗﺮﺟﻌﻴﻦ ﺑﺎﺟﺮ ﺍﺷﻮﻑ ﻭﺿﻌﺞ ﻭﺍﺣﺪﺩﻟﺞ ﻳﻮﻡ ﻻﻥ ﻟﻜﻴﺘﻬﻪ ﺍﺯﺩﺣﺎﻡ .. ﻛﺎﻟﻌﺎﺩﻩ ﺗﻠﮕﺘﻨﻲ ﺍﻡ ﻣﺎﻫﺮ ﺗﺮﻳﺪﻧﻲ ﺍﺟﻴﺐ ﻃﺒﻴﻌﻲ ﻭﺍﻧﻲ ﺭﻭﺣﻲ ﻃﺎﻓﺮﻩ
ﺍﻡ ﻣﺎﻫﺮ .. ﻋﻴﻨﻲ ﻟﺘﺘﻌﺎﻳﺮﻳﻦ ﺟﻴﺒﻲ ﻃﺒﻴﻌﻲ ﺍﺣﺴﻨﻠﻠﺞ
- ﺍﻧﻲ ﺍﻋﺮﻑ ﺷﻨﻮ ﺍﻷﺣﺴﻦ ﺇﻟﻴﻪ
ﺍﻡ ﻣﺎﻫﺮ .. ﻣﺎﻛﻮ ﻋﻤﻠﻴﺔ ﺗﺠﻴﺒﻴﻦ ﻃﺒﻴﻌﻲ
ﺧﻠﻴﺘﻬﻪ ﻭﻣﺸﻴﺖ ﺗﻌﺒﺎﻧﺔ ﻭﺟﺴﻤﻲ ﻧﺤﻼﻥ ﻛﻮﻩ ﺍﻣﺸﻲ ﻭﺑﻄﻨﻲ ﻭﺍﺻﻠﺔ ﻟﺨﺸﻤﻲ ﺍﺭﻳﺪ ﺍﻧﻔﺠﺮ ﻓﻮﻙ ﺛﮕﻞ ﺍﻟﺤﻤﻞ ﻓﻮﻙ ﺣﺠﻴﻬﻪ ﺍﻟﻤﺴﻤﻢ .. ﻛﻞ ﺣﭽﺎﻳﺔ ﻭﺍﻟﺜﺎﻧﻴﻪ ﺗﺴﻢ ﺑﺪﻧﻲ ﺑﻜﻠﻤﺎﺕ ﺗﺨﻠﻴﻨﻲ ﺍﺗﺤﺮﮔﻦ .
ﺛﺎﻧﻲ ﻳﻮﻡ ﺭﺟﻌﺖ ﻟﻠﺪﻛﺘﻮﺭﺓ ﻭﺣﺪﺩﺗﻠﻲ ﻣﻮﻋﺪ ﺍﻟﻌﻤﻠﻴﺔ ﺍﻟﺨﻮﻑ ﻣﺘﻐﻠﺐ ﻋﻠﻴﻪ ﻭﺍﻓﻜﺮ ﺧﺎﻑ ﻳﺼﻴﺮ ﺑﻴﻪ ﺷﻲ ﻭﻛﻞ ﺍﻻﻭﻫﺎﻡ ﺗﺨﻄﺮ ﻋﻠﻰ ﺑﺎﻟﻲ ﻭﺍﻃﺮﺩﻫﺎ
••
ﺍﻟﻴﻮﻡ ﻭﺩﻻﺗﻲ .. ﻧﺎﻳﻤﺔ ﻉ ﺍﻟﺴﺪﻳﺔ ﻭﺍﺣﺲ ﺍﻃﺮﺍﻓﻲ ﺛﻠﺠﺖ ﻣﻦ ﺍﻟﺨﻮﻑ .. ﺑﻄﻨﻲ ﺧﺒﻄﺖ ﻭﻣﺘﻮﺗﺮﺓ .. ﻣﺎﻫﺮ ﻳﻤﻲ ﻻﺯﻡ ﺇﻳﺪﻱ ﻭﻳﻬﺪﺃ ﺑﻴﻪ .. ﺍﻫﻠﻲ ﺟﺎﻳﻴﻦ ﻭﻓﺮﺣﺎﻧﻪ ﺑﻴﻬﻢ ﺻﺎﺭ ﻫﻮﺍﻱ ﻣﺎﺷﺎﻳﻔﺘﻬﻢ ﻋﻴﻮﻧﻲ ﻋﻠﻴﻬﻢ ﻭﺩﺧﻠﺖ ﺍﻟﺴﺪﻳﻪ ﻟﻐﺮﻓﺔ ﺍﻟﻌﻤﻠﻴﺎﺕ ﻭﺍﻧﺴﺪ ﺍﻟﺒﺎﺏ .. ﺧﺪﺭﻭﻧﻲ ﺑﺎﻟﺒﻨﺞ ﻭﺑﻌﺪ ﻣﺎﺣﺴﻴﺖ ﺑﺸﻲ .
••
ﻛﻌﺪﺕ ﺑﻌﺪ ﻣﺪﺓ ﻣﺎﺍﺩﺭﻱ ﺷﻜﺪ ﻛﻠﻬﻢ ﻳﻤﻲ ﺗﺤﻤﺪﻭﻟﻲ ﻉ ﺍﻟﺴﻼﻣﻪ .. ﻣﺮﺕ ﻓﺘﺮﺓ ﻳﻠﻪ ﺟﺎﺑﻮﻟﻲ ﺍﺑﻨﻲ ﺭﺿﻌﺘﻪ ﻣﻼﻣﺤﻪ ﻧﺴﺨﻪ ﻣﻦ ﺍﺑﻮﻩ ﺑﺲ ﻋﻴﻮﻧﻪ ﺑﻴﻬﻪ ﺷﺒﻪ ﺇﻟﻴﻪ .
ﻣﺎﺗﺤﻤﻠﺖ ﺍﺑﻘﻪ ﺑﺎﻟﻤﺴﺘﺸﻔﻰ 3 ﺃﻳﺎﻡ ﻭﻃﻠﻌﺖ ﻭﺍﻡ ﻣﺎﻫﺮ ﻻﺯﮔﻪ ﺍﻟﻪ ﻳﺨﻠﻮﻧﻲ ﺍﺳﺒﻮﻋﻴﻦ ﺍﺩﺭﻱ ﺷﻌﻨﺪﻱ ﺍﺭﻳﺪ ﺍﺭﻣﻢ ﺍﻟﻤﺴﺘﺸﻔﻰ .
ﺭﺣﺖ ﻟﺒﻴﺖ ﺃﻫﻠﻲ ﺃﻣﻲ ﺗﻌﺘﻨﻲ ﺑﻴﻪ ﻭﺍﻧﻲ ﻭﻣﺎﻫﺮ ﻣﺘﻔﻘﻴﻦ ﺍﺑﻘﻪ ﺷﻬﺮﻳﻦ .. ﺧﻠﺼﺘﻬﻬﻪ ﻛﻠﻪ ﺳﻬﺮ ﻭﺗﻌﺐ ﻭﻣﺎﻫﺮ ﻭﻳﺎﻱ ﻣﺎﻋﺎﻓﻨﻲ ﻳﻮﻣﻴﻪ ﻳﺠﻲ ﻳﺸﻮﻓﻨﻪ ﺍﻧﻲ ﻭﺯﻳﻮﺩﻱ .. ﺳﻤﻴﻨﺎﻩ ﺯﻳﺎﺩ
ﺇﻣﺘﺤﺎﻧﺎﺕ ﺃﺧﻴﺮ ﺍﻟﺴﻨﻪ ﺍﺟﻠﺘﻬﻦ ﻉ ﺍﻟﺪﻭﺭ ﺍﻟﺜﺎﻧﻲ ﻣﺎﺍﮔﺪﺭ ﺃﻣﺘﺤﻦ .
ﺧﺎﺑﺮﻧﻲ ﻣﺎﻫﺮ ﺃﺗﺼﺎﻝ ﻓﻴﺪﻳﻮ ﺭﺩﻳﺖ ﻋﻠﻴﻪ ﻭﺑﺤﻀﻨﻲ ﺯﻳﻮﺩﻱ
- ﺍﻟﻮﻭﻭ
ﺗﻨﻬﺪ
- ﺍﻟﻮﻭﻭ ﻣﺎﻟﻜﻢ ﻧﻴﺔ ﺗﺮﺟﻌﻮﻥ
- ﻫﻬﻬﻪ ﻻ ﻣﺎﻧﺮﺟﻊ
- ﻣﻮ ﻣﻠﻴﺖ ﻟﻮﺣﺪﻱ ﺍﻟﺒﻴﺖ ﻭﺣﺸﻪ ﻳﺨﻨﮓ
- ﺍﻱ ﻏﻴﺮ ﺍﻧﺖَ ﺳﻮﻳﺖ ﻋﻠﻴﻨﻪ ﺣﺼﺎﺭ ﻣﻦ ﺑﺪﺍﻳﺔ ﺣﻤﻠﻪ ﻟﻬﺴﻪ ﻣﺎﺟﺎﻳﺔ ﻻﺍﻫﻠﻲ ﺍﺗﺤﻤﻞ ﺑﻌﺪ ﻣﺸﻜﻠﺘﻚ
- ﺧﺮﺏ ﻳﻮﻣﺞ ﺗﺤﺴﺒﻴﻦ ﺣﺴﺎﺏ ﻋﺮﺏ
- ﺍﻱ ﺟﺎ ﺷﻌﺒﺎﻟﻚ
- ﺑﺎﺟﺮ ﺍﺟﻴﻜﻢ ﻣﻴﻜﻔﻲ ﺻﺎﺭ 40 ﻳﻮﻡ
- ﺍﺗﻔﻘﻨﻪ ﺷﻬﺮﻳﻦ
- ﺛُﺮﻯٰ ﻭﺍﻟﻠﻪ ﻣﺸﺘﺎﻗﻠﻜﻢ ﺑﻌﺪ ﻣﺎﺍﺗﺤﻤﻞ
- ﻳﻼ ﺧﻮﺵ ﺭﺍﺡ ﻧﻠﻢ ﻏﺮﺍﺿﻨﻪ ﻭﺗﻌﺎﻝ ﺑﺎﭼﺮ
ﻟﻤﻴﺖ ﺍﻟﻐﺮﺍﺽ ﻣﺎﻟﺘﻨﻪ ﻭﺛﺎﻧﻲ ﻳﻮﻡ ﺇﺟﺎﻧﻪ .. ﺳﻠﻢ ﻋﻠﻰ ﺃﻫﻠﻲ ﻭﮔﻌﺪ ﺷﻮﻳﻪ ﻭﻃﻠﻌﻨﻪ ﻟﻠﺒﻴﺖ .. ﺍﻟﻄﺮﻳﻖ ﻛﻠﻪ ﻻﺯﻡ ﺇﻳﺪﻱ ﻭﻳﺒﺎﻭﻋﻠﻲ ﺑﻠﻬﻔﻪ .
ﻭﺻﻠﻨﻪ ﻟﻠﺒﻴﺖ ﺗﻠﮕﺘﻨﻪ ﺍﻡ ﻣﺎﻫﺮ ﺑﺎﻟﻬﻼﻫﻞ ﻭﺗﻄﺶ ﭼﻜﻠﻴﺖ ﻋﻠﻴﻨﻪ ﻓﺮﺣﺎﻧﻪ .. ﺭﻛﻀﺖ ﻟﺰﻳﻮﺩﻱ ﺍﺧﺬﺗﻪ ﻣﻦ ﺇﻳﺪﻱ ﻭﺗﺒﻮﺱ ﺑﻴﻪ
ﺍﻡ ﻣﺎﻫﺮ .. ﻳﻤﻪ ﻓﺪﺍﻭﻱ ﻧﺴﺨﻪ ﻣﻦ ﺇﺑﻮﻩ ﺍﻟﺤﻤﺪ ﻟﻠﻪ ﻣﻄﻠﻊ ﻋﻠﻴﻜﻢ
ﺇﺑﺘﺴﻤﺖ ﻣﺠﺎﻣﻠﺔ ﻭﻛﻌﺪﻧﻪ ﻉ ﺍﻟﻘﻨﻔﺎﺕ ﻣﺎﻫﺮ ﻫﻤﺲ ﺑﺈﺫﻧﻲ
- ﻳﻼ ﻧﺼﻌﺪ
- ﺷﻠﻘﺼﻪ ﻫﺴﻪ ﮔﻌﺪﻧﻪ ﺧﻞ ﻧﺒﻘﻪ ﺷﻮﻳﻪ ﻳﻢ ﻋﻤﺘﻲ
- ﻣﺸﺘﺎﻗﻠﻜﻢ
- ﺍﻣﻤﻤﻢ ﺻﺎﺭﺕ ﺟﻤﻊ
- ﻫﻬﻬﻬﻬﻪ ﺍﻱ ﺟﻤﻊ ﺯﺩﻧﻪ ﻧﻔﺮ
- ﻭﺍﻥ ﺷﺎﺀ ﺍﻟﻠﻪ ﻧﺰﻳﺪ ﻧﻔﺮﺍﺕ
- ﻻ ﺑﻌﺪ ﺑﺲ ﺑﻨﻴﻪ ﻭﻧﺼﻴﺮ ﺍﺣﻠﻰ ﻋﺎﺋﻠﻪ
- ﺭﺯﻕ ﻣﻦ ﺭﺏ ﺍﻟﻌﺎﻟﻤﻴﻦ
- ﺍﻱ ﺍﺩﺭﻱ ﺭﺯﻕ ﺇﺫﺍ ﺍﺟﻪ ﻫﻼ ﺑﻴﻪ ﻭﺍﺫﺍ ﻣﺎﺍﺟﻪ ﻧﺒﻘﻪ ﻋﻠﻰ ﺍﻟﺒﻨﻴﻪ ﻭﺍﻟﻮﻟﺪ ﺗﺸﻜﻴﻠﻪ ﺣﻠﻮﺓ
ﺍﻡ ﻣﺎﻫﺮ ﻛﺎﻟﺖ ﺧﻠﻮﻩ ﺍﻟﻴﻮﻡ ﻳﻤﻲ ﻭﺍﻧﺘﻮ ﺍﺻﻌﺪﻭ ﺍﺭﺗﺎﺣﻮ !
ﺻﻌﺪﻧﻪ ﻟﻔﻮﮒ ﻟﮕﻴﺖ ﺍﻟﻤﻼﺑﺲ ﻉ ﺍﻟﭽﺮﺑﺎﻳﺔ ﻣﺴﻔﻄﻪ ﺍﻟﺒﻨﻄﺮﻭﻥ ﻭﺍﺣﺪ ﻓﻮﮒ ﻭﺍﺣﺪ ﻭﺍﻟﻘﻤﺼﺎﻥ ﻫﻢ ﻭﺍﻟﺘﺸﻴﺮﺗﺎﺕ ﻧﻔﺲ ﺍﻟﺤﺎﻟﻪ ﺑﺲ ﺑﺘﺮﺗﻴﺐ
ﻣﻦ ﺩﺧﻠﺖ ﺑﺎﻭﻋﻠﻲ ﻣﺎﻫﺮ ﺑﺨﺒﺚ
- ﻫﺎﻱ ﻛﻠﻬﻪ ﻣﻨﺘﻈﺮﺗﺞ
- ﺷﺒﻴﻬﻦ؟
- ﻏﺴﻞ ﻭﻛﻮﻱ ﻫﻬﻬﻬﻬﻪ ﻋﻘﺎﺏ
- ﻳﻴﻴﻴﺤﺢ ﻫﻮﻭﻭﺍﻱ
- ﻫﻬﻬﻬﻬﻪ ﻟﻌﺪ ﻭﻳﻦ ﺍﺭﻭﺡ ﺍﺳﺘﻨﻜﻒ ﺍﻃﻠﺐ ﻣﻦ ﻣﻮﺝ ﻟﻮ ﺍﻣﻲ ﺟﻨﺖ ﺍﺩﺯﻫﻦ ﻟﻠﻤﺤﻼﺕ ﺑﺲ ﺷﻔﺖ ﻏﺴﻠﺞ ﺍﺭﻗﻰ
- ﻳﺒﻮﻭﻭ ﻻﺯﻡ ﺍﻛﻌﺪ ﺍﻟﻴﻮﻡ ﺑﺎﻟﺤﻤﺎﻡ
- ﻫﻬﻬﻬﻪ ﺣﺘﻰ ﺑﻌﺪ ﻣﺘﻌﻮﻓﻴﻨﻲ ﻭﺗﺮﻭﺣﻴﻦ .. ﺍﻟﺤﻴﺎﻃﻴﻦ ﺃﻛﻠﺘﻨﻲ ﻳﻮﻣﻴﻪ ﻣﻨﺘﻈﺮﺝ ﺍﻛﻮﻝ ﻫﺴﻪ ﺗﮕﻠﻲ ﺗﻌﺎﻝ ﺍﺧﺬﻧﻲ ﺑﺲ ﻣﺎﻛﻮ ﻭﻻ ﺗﺸﺘﺎﻗﻴﻠﻲ ﻭﺍﻧﻲ ﻳﻮﻡ ﻭﻇﻠﻴﺖ ﺃﻟﻮﺏ
- ﺧﻞ ﺍﻏﺴﻞ ﻫﺎﻱ ﺍﻟﻜﻮﺍﻣﺎﺕ ﻭﺍﺭﺟﻊ
ﺭﺣﺖ ﻋﻠﻴﻬﻦ ﺍﺭﻳﺪ ﺁﺧﺬﻫﻦ ﻟﻠﺤﻤﺎﻡ ﻭﻫﻮَ ﺭﺃﺳﺎً ﺳﺤﺒﻨﻲ ﻣﻦ ﺇﻳﺪﻱ
- ﻟﺠﺠﺞ ﺗﻌﺎﻟﻴﻲ ﻭﻳﻴﻴﻦ
- ﺍﻟﻤﻼﺑﺲ
- ﺩﻋﻮﻓﻲ ﺍﻟﻤﻼﺑﺲ
ﺗﻘﺮﺏ ﻋﻠﻴﻪ ﻃﺒﻊ ﺑﻮﺳﻪ ﺧﻔﻴﻔﻪ ﻋﻠﻰ ﺧﺪﻱ ......
‏( ﻫﺎ ﻫﺎ ﻭﻳﻦ ﺗﻔﻀﻠﻮ ﻳﺎﺑﺔ ‏)
••
ﻣﺮﺕ ﺳﻨﺘﻴﻦ ﺧﺎﻟﻴﻪ ﻣﻦ ﺃﻱ ﺷﻲ ﻣﻬﻢ ﻏﻴﺮ ﻛﻤﻠﺖ ﺩﺭﺍﺳﺘﻲ ﻭﺍﻧﺘﻘﻠﻨﺎ ﻟﺒﻐﺪﺍﺩ .. ﺍﻡ ﻣﺎﻫﺮ ﻣﺎﻓﻜﺖ ﻣﻨﻲ ﻛﻞ ﻳﻮﻡ ﻻﺯﻡ ﻣﺸﻜﻠﻪ ﻭﺍﻧﻲ ﺳﺎﻛﺘﻪ ﻋﻨﻬﻪ ﻣﻌﺘﺒﺮﺗﻬﻪ ﺃﻣﻲ ﺍﻟﺜﺎﻧﻴﻪ ﻭﻣﺜﻞ ﻣﺎ ﺍﻣﻲ ﻣﻦ ﺗﺮﺯﻟﻨﻲ ﺍﺳﻜﺖ ﻫﻢ ﺍﺳﻜﺖ ﻭﺍﮔﻮﻝ ﻣﺎﺍﺭﻳﺪ ﺍﻧﻜﺪ ﻋﻴﺸﺘﻨﻪ ..
ﻣﻮﺝ ﺗﺰﻭﺟﺖ ﺷﺨﺺ ﺗﻘﺪﻣﻠﻬﻪ ﺻﺪﻳﻖ ﺇﻣﻬﻪ ﻣﻦ ﻃﺒﻘﺘﻬﻢ ﻋﻠﻰ ﮔﻮﻟﺘﻬﻪ ﺭﺍﻗﻲ ﻭﻛﺸﺨﻪ ﻫﻢ ﻳﻔﺨﻔﺦ ﻭﻣﻐﺮﻭﺭ .
ﺍﺍﻧﻲ ﺍﺑﻨﻲ ﺗﺎﺭﺱ ﺣﻴﺎﺗﻲ ﺑﺴﻮﺍﻟﻔﻪ ﻣﺪﺑﺪﺏ ﻭﺣﭽﻴﻪ ﻗﻠﻴﻞ ﻣﻜﺴﺮ ﻣﺎﻫﺮ ﻳﺘﺨﺒﻞ ﻋﻠﻰ ﺳﻮﺍﻟﻔﻪ ﻭﻣﻮﻧﺴﻨﻪ .. ﺍﻡ ﻣﺎﻫﺮ ﺗﺴﻮﻱ ﺭﻭﺣﻬﻪ ﻣﺎﺗﺤﺒﻪ ﻻﻥ ﻣﻨﻲ ﻭﻣﻦ ﻳﺠﻲ ﻳﻤﻬﻪ ﺗﺘﺨﺒﻞ ﻋﻠﻰ ﺳﻮﺍﻟﻔﻪ .بيج قصص عراقيه حقيقيه من واقعنا.روعه الطائي
ﺍﻟﻴﻮﻡ ﺳﻮﻳﻨﺎﻟﻪ ﻋﻴﺪ ﻣﻴﻼﺩﻩ ﻭﻋﺰﻣﻨﻪ ﺍﻗﺎﺭﺑﻨﻪ ﻭﺯﻳﻨّﻪ ﺍﻻﺳﺘﻘﺒﺎﻝ ﻛﻞ ﺻﺪﻳﻘﺎﺕ ﺍﻡ ﻣﺎﻫﺮ ﺇﺟﻦ ﻭﺍﻧﻲ ﻣﺨﺒﻮﺻﻪ ﺑﺎﻟﻠﺒﺲ ﻭﺍﻟﺘﺮﺗﻴﺐ ﻻﻥ ﻫﻲَ ﺧﺒﻠﺘﻨﻲ ﺑﺼﺪﻳﻘﺎﺗﻬﻪ ﻳﻘﻠﺪﻥ ﻉ ﺍﻟﻨﻤﻠﻪ ﺷﻠﻮﻥ ﺗﻤﺸﻲ .
ﺑﻠﺸﺖ ﺍﻟﺤﻔﻠﻪ ﻭﺍﺣﺘﻔﻠﻨﻪ ﺑﻌﻴﺪ ﻣﻴﻼﺩﻩ ﻫﻮَ ﻣﻜﻴﻒ ﺑﺲ ﻳﻀﺤﻚ ﻭﻳﺼﻔﮓ .
ﻣﺎﻫﺮ ﺟﺎﺑﻠﻪ ﺳﻴﺎﺭﺓ ﺻﻐﻴﺮﻩ ﻳﺴﻮﻕ ﺑﻴﻬﻪ ﻭﺍﻧﻲ ﻫﻢ ﺍﺷﺘﺮﻳﺘﻠﻪ ﺁﻳﺒﺎﺩ ﺍﻧﻄﻴﻬﻴﺎﻩ ﺑﺄﻭﻗﺎﺕ ﻣﺤﺪﺩﻩ
ﺍﺟﻪ ﻳﻢ ﺃﺑﻮﻩ ﻳﻜﻤﺰ ﻳﺄﺷﺮﻟﻪ ﺑﺈﻳﺪﻳﻪ ﺭﺍﻓﻌﻬﻦ ﻳﺮﻳﺪﻩ ﻳﺸﻴﻠﻪ .. ﺷﺎﻟﻪ ﻭﺑﺎﺳﻪ ﺑﺨﺪﻩ .. ﻇﻞ ﻳﺄﺷﺮ ﻉ ﺍﻟﻤﻮﺯ ﻭﻳﺼﻴﺢ
- ﺑﺒﺎ ﻣﻮﺟّﻪ
ﺍﻟﺘﻔﺘﻠﻲ ﻋﻜﺪ ﺣﻮﺍﺟﺒﻪ ﻳﻀﺤﻚ
- ﺷﻨﻮ ﺷﻴﺮﻳﺪ
- ﻫﻬﻬﻪ ﻣﻮﺯﻩ
- ﻟﻚ ﺍﺻﻴﺮﻟﻚ ﻣﻮﺯﺓ .. ﺛُﺮﻯٰ ﺇﺣﻨﻪ ﺣﻨﺼﻌﺪ ﻓﻮﮒ ﺃﻟﻌﺐ ﺯﻳﻮﺩﻱ ﺷﻮﻳﻪ ﻭﺍﺻﻌﺪﻱ
- ﺍﻱ ﺑﺲ ﺍﻛﻤﻞ ﺍﻟﻌﺸﻪ ﻭﺍﺟﻲ
ﻛﻤﻠﺖ ﺍﻟﻌﺸﻪ ﻣﺎﻝ ﻋﻤﺘﻲ ﻭﺻﻌﺪﺕ ﺻﺒﻴﺖ ﻭﻣﺎﻫﺮ ﺗﺬﻣﺮ
- ﺛُﺮﻯٰ ﺗﺪﺭﻳﻦ ﺑﻴﻪ ﻣﺎﺍﺣﺒﻪ ﺣﺎﺭ ﻟﻴﺶ ﻣﺼﺒﻴﺘﻲ ﻣﻦ ﻭﻛﺖ
ﺯﻳﻮﺩﻱ ﺻﺎﺡ ﻣﻦ ﻳﻤﻪ -:
- ﻧﻌﻤﻂ ﺍﻟﻠﻪ
- ﻫﻬﻬﻬﻪ ﻭﻫﺎﻱ ﺯﻳﻮﺩﻱ ﻳﮕﻠﻚ ﺍﻛﻞ ﻛﻠﻬﻪ ﻧﻌﻤﺔ ﺍﻟﻠﻪ .. ﻣﺎﻳﻔﺮﻕ ﺷﻲ
- ﻟﻚ ﺗﻌﺎﻝ ﻫﻨﺎ ﺑﺤﻀﻨﻲ ﺗﻌﺎﻝ
ﺭﻓﻌﻪ ﺑﺤﻀﻨﻪ ﻭﻇﻞ ﻳﺒﻮﺱ ﺑﻴﻪ ﻭﻳﻮﻛﻠﻪ ﻋﻠﻤﺎ ﻳﺒﺮﺩ ﺃﻛﻠﻪ .. ﺇﻟﺘﻔﺖ ﻋﻠﻴﻪ ﻭﻟﺰﻡ ﺧﺪﻭﺩﻩ ﻳﮕﺮﺻﻬﻦ ﻭﻳﻀﺤﻜﻪ ﺑﺼﻮﺕ ﻃﻔﻮﻟﻲ -: ﻭﻟﻴﻚ ﻭﻟﻴﻚ ﻭﻟﻴﻚ . ‏( ﻭﻟﻚ ‏)
ﺿﺤﻚ ﻣﻦ ﺍﻋﻤﺎﻗﻪ ﻭﺷﺎﻟﻪ ﻟﻠﻐﺮﻓﻪ ﻋﺎﻓﻮ ﺍﻟﻌﺸﻪ ﻭﻇﻞ ﻳﻠﻌّﺐ ﺑﻴﻪ .. ﺍﺿﺤﻚ ﻋﻠﻰ ﺿﺤﻜﻬﻢ ﻭﻣﺮﺗﺎﺣﻪ .
ﺛﺎﻧﻲ ﻳﻮﻡ ﺍﻟﺼﺒﺢ ﻣﺎﻫﺮ ﻃﻠﻊ ﻭﺍﻧﻲ ﻧﺰﻟﺖ ﻟﺠﻮﻩ ﻭﺯﻳﻮﺩﻱ ﻧﺎﻳﻢ ﻓﻮﮒ . ﻧﻈﻔﺖ ﺍﻟﺒﻴﺖ ﻭﺭﻛﺒﺖ ﻏﺪﻩ ﻛﻠﺴﺎﻉ ﺍﺻﻌﺪ ﺍﺷﻮﻑ ﺯﻳﻮﺩﻱ ﺧﺎﻑ ﻳﻜﻌﺪ ﻭﻳﺒﺠﻲ ﺗﻄﻤﻨﺖ ﻧﺎﻳﻢ ﺭﺣﺖ ﻟﺒﺮﻩ ﻏﺴﻠﺖ ﺍﻟﻄﺎﺭﻣﻪ ﻫﻲَ ﺑﻌﻴﺪﻩ ﻋﻦ ﺍﻟﻤﻄﺒﺦ .. ﻏﺴﻠﺖ ﻭﺻﻠﺖ ﻟﻠﻨﺺ ﻭﺳﻤﻌﺖ ﺻﻴﺎﺡ ﺍﻡ ﻣﺎﻫﺮ ﺑﻌﻠﻮ ﺻﻮﺗﻬﻪ
ﺍﻡ ﻣﺎﻫﺮ .. ﻣﺘﺼﻌﺪﻳﻴﻦ ﻟﻠﻮﻟﻠﻠﺪﺩﺩ ﺗﺨﺒﻞ ﻣﻦ ﺍﻟﺒﭽﻲ ﺷﺒﻴﺞ ﻓﺎﻫﻴﺔ ﺷﺒﻴﺠﺠﺞ
- ﻳﺎﺍ ﺻﺨﺎﻡ ﺯﻳﻮﺩﻱ ﻓﻮﮒ
ﺍﻡ ﻣﺎﻫﺮ .. ﻻ ﻭﺍﻟﻠﻪ ﺑﻌﺪ ﻭﻛﺘﺘﺖ ﻟﺞ ﺍﻧﺖِ ﺃُﻡ ﻣﻦ ﺻﺪﮒ ﻣﻬﻤﻠﻪ
ﺫﺑﻴﺖ ﺍﻟﺼﻮﻧﺪﻩ ﻭﺭﻛﻀﺘﻠﻪ ﻟﻜﻴﺘﻪ ﻉ ﺍﻟﺪﺭﺝ ﻣﻔﺮﻓﺢ ﻣﻦ ﺍﻟﺒﭽﻲ .. ﺷﻠﺘﻪ ﺍﺑﻮﺱ ﺑﻴﻪ
- ﺳﻮﺩﻩ ﻋﻠﻴﻪ ﻣﺎﻣﺎ ﻣﺎﻛﻮ ﺷﻲ ﺍﺷﺶ ﺑﻌﺪ ﺭﻭﺣﻲ
ﻣﺴﺤﺖ ﺩﻣﻮﻋﻪ ﻭﻧﺰﻟﺘﻪ ﺍﺭﻳﺪ ﺍﻏﺴﻠﻠﻪ ﻭﻫﻲَ ﺗﻠﻜﺘﻨﻲ ﺑﺎﻟﺮﺯﺍﻳﻞ
ﺍﻡ ﻣﺎﻫﺮ .. ﺟﻴﺒﻴﻪ ﻳﺎﻣﻬﻤﻠﻪ ﺍﻻ ﺍﺧﺬﻩ ﻣﻨﺞ ﻭﺍﺣﺮﻣﺞ ﻣﻦ ﺷﻮﻓﺘﻪ ﺍﺧﻠﻴﺞ ﺗﺘﻤﻨﻴﻦ ﺗﻠﻤﺤﻴﻦ ﺧﻴﺎﻟﻪ
- ﺷﻨﻮ ﻏﻴﺮ ﺍﺑﻨﻲ ﻭﺑﻌﺪﻳﻦ ﺍﻧﻲ ﻭﻳﻦ ﺍﺳﻤﻊ ﺻﻮﺗﻪ ﻋﻔﺘﻪ ﻧﺎﻳﻢ ﺗﻮﻧﻲ ﺷﻔﺘﻪ ﻛﻠﺖ ﺑﺲ ﺍﻛﻤﻞ ﺍﻟﻄﺎﺭﻣﻪ ﻭﺍﺻﻌﺪﻟﻪ
ﺍﻡ ﻣﺎﻫﺮ .. ﺟﻴﺒﻴﻪ ﺍﻧﺖِ ﻭﻳﻦ ﺗﻌﺮﻓﻴﻦ ﻟﻼﻃﻔﺎﻝ
- ﻋﻤﺔ ﺷﻮﻳﻪ ﻋﻦ ﺍﻟﻄﺮﻳﻖ ﺍﺭﻳﺪ ﺍﻏﺴﻠﻠﻪ ﻭﺍﺑﺪﻟﻠﻪ ﻫﻢ ﻳﻠﻪ ﺍﺭﻳﮕﻪ ﻭﺍﻃﺒﺦ ﻏﺪﺍﻧﻪ
ﺍﻡ ﻣﺎﻫﺮ .. ﺍﻧﻲ ﺍﻋﻠﻤﺞ ﺍﻟﻴﻮﻡ ﺍﻻ ﺍﺧﻠﻲ ﻣﺎﻫﺮ ﻳﻄﻠﻌﻠﺞ ﮔﻠﺐ ﺛﺎﻧﻲ
ﻋﻔﺘﻬﻪ ﻭﻣﺸﻴﺖ ﻏﺴﻠﺘﻠﻪ ﻭﺭﻳﮕﺘﻪ ﻭﺣﻄﻴﺖ ﻳﻤﻪ ﺍﻻﻟﻌﺎﺏ ﺧﻠﻴﺘﻪ ﻳﻠﺘﻬﻲ ﻭﻛﻤﻠﺖ ﺷﻐﻠﻲ .. ﺧﺎﺑﺮﻧﻲ ﻣﺎﻫﺮ ﺳﻠﻢ ﻋﻠﻴﻪ ﻭﻛﺎﻝ -:
- ﺛُﺮﻯٰ ﺁﻧﻲ ﺍﻟﻴﻮﻡ ﻣﻌﺰﻭﻡ ﻳﻢ ﺻﺪﻳﻘﻲ ﻟﺘﻨﺘﻈﺮﻭﻧﻲ ﻋﻠﻰ ﺍﻟﻐﺪﻩ ﻭﺍﺗﺄﺧﺮ ﻟﻠﻤﻐﺮﺏ
- ﺑﺎﻟﻌﺎﻓﻴﻪ
ﺻﻠﻴﺖ ﻭﺗﻐﺪﻳﻨﻪ ﺁﻧﻲ ﻭﺯﻳﻮﺩﻱ .. ﻧﻤﻨﻪ ﻭﻟﻠﻌﺼﺮ ﻧﺰﻟﺖ ﻟﺠﻮﻩ ﺍﺳﻮﻳﻠﻬﻢ ﻛﻠﻴﺠﻪ ﻻﻥ ﺧﻠﺼﻦ ﺍﻟﻤﺴﻮﻳﺘﻬﻦ .. ﻛﻤﻠﺖ ﺍﻟﻌﺠﻴﻦ ﻭﻇﻠﻴﺖ ﺃﻓﻠﺲ ﺑﺎﻟﺘﻤﺮ .
ﺍﺧﻠﻲ ﺍﻟﻔﺼﻢ ﻉ ﺍﻟﭽﻴﺲ ﻭﺍﻟﺘﻤﺮ ﺍﺳﻮﻳﻪ ﺩﻋﺎﺑﻞ ﺻﻐﻴﺮﻩ ﺍﺣﺸﻴﻬﻪ ﺑﻔﺴﺘﻖ .بيج قصص عراقيه حقيقيه من واقعنا.روعه الطائي
ﺍﺟﻪ ﺯﻳﻮﺩﻱ ﻳﻤﻲ ﺭﺩﺕ ﺍﻃﻠﻌﻪ ﻇﻞ ﻳﺘﻤﻠﻤﻞ ﻭﻳﺮﻳﺪ ﻳﺒﭽﻲ .. ﮔﻌﺪﺗّﻪ ﻳﻤﻲ ﻭﺣﻄﻴﺘﻠﻪ ﻋﺠﻴﻨﻪ ﺻﻐﻴﺮﻭﻧﻪ ﻳﻠﺘﻬﻲ ﺑﻴﻬﻪ ﻋﻠﻤﺎ ﺍﻛﻤﻞ .
ﮔﺼﻴﺖ ﺍﻟﻌﺠﻴﻨﻪ ﻭﺍﻟﺘﻔﺘﺖ ﻉ ﺍﻟﻄﺒﺎﺥ ﺍﺩﺧﻞ ﺍﻟﺼﻴﻨﻴﻪ ﺗﻮﻧﻲ ﺩﺧﻠﺘﻬﻪ ﻭﺳﻤﻌﺖ ﺻﻮﺕ ﺯﻳﻮﺩﻱ ﻋﺎﻁ ﺑﻌﻠﻮ ﺻﻮﺗﻪ
- ﻣﻤﻤﻤﺎﺍﺍ
ﺩﺧﻠﺖ ﺍﻟﺼﻴﻨﻴﻪ ﺭﻛﺾ ﻭﻃﻔﺮﺕ ﻋﻠﻴﻪ
- ﺷﺒﻴﻚ ﻣﺎﻣﺎ
ﻓﺮﻓﺢ ﺑﭽﻲ ﻭﻳﺄﺷﺮﻟﻲ ﻋﻠﻰ ﺧﺸﻤﻪ ﻭﻧﻔﺴﻪ ﻣﮕﻄﻮﻉ ﻣﻦ ﺍﻟﺒﻮﺍﭼﻲ ﺗﺨﺒﻠﺖ
- ﺷﺒﻴﻚ ﺣﺒﻴﺒﻲ
ﺍﺟﺖ ﺍﻡ ﻣﺎﻫﺮ ﻋﻠﻰ ﺻﻮﺕ ﺍﻟﺒﭽﻲ ﺷﺎﻓﺘﻪ ﻭﻇﻠﺖ ﺗﺪﻙ ﻭﺗﻠﻄﻢ ﺧﻠﺖ ﺍﻟﻮﻟﺪ ﻳﺘﺨﺒﻞ ﻭﺍﻧﻲ ﻫﻢ ﺗﺨﺒﻠﺖ
ﺍﻡ ﻣﺎﻫﺮ .. ﺻﺨﺎﻡ ﺑﻮﺟﻬﻲ ﺭﺍﺡ ﺍﻟﻮﻟﻠﺪﺩﺩ ﺭﺍﺍﺡ
ﺗﻤﺮﻏﻞ ﺑﻴﻦ ﺇﻳﺪﻳﻪ ﻭﻳﺮﻓﺲ ﺑﭽﻲ
- ﻣﺎﻣﺎﺍﺍ ﺷﺒﻴﻜﻜﻜﻚ ﺷﻮ ﺧﻞ ﺍﺷﻮﻑ ﺍﻳﺪﻙ ﺑﻠﻪ ﺷﻮﻭﻭﻳﻪ
ﺍﻡ ﻣﺎﻫﺮ .. ﻋﺰﺯﺯﺯﺍﺍﺍﺍﺍ ﺗﻌﺎﻝ ﻳﻤﺎﻫﺮﺭﺭ ﺷﻮﻭﻑ ﺍﺑﻨﻚ ﻣﻤﺎﺍﺍﺕ ﺍﻟﻮﻟﻠﺪﺩﺩ ﻣﺎﺍﺍﺕ
- ﻋﻤﺔﺓﺓﺓ ﺧﺒﻠﺘﻴﻴﻲ ﺍﻟﻮﻭﻭﻟﻠﻠﺪﺩﺩ ﺷﻮﻭﻳﻪ ﺧﻞ ﺍﻓﻬﻢ ﻣﻨﻪ
- ﻣﺎﻣﺎ ﺣﺒﻴﺒﻲ ﺑﺎﻭﻋﻠﻲ ﺷﺴﻮﻳﺖ
ﺃﺷﺮ ﻉ ﺍﻟﻔﺼﻢ ﻭﺃﺷﺮ ﻋﻠﻰ ﺧﺸﻤﻪ ﻋﺮﻓﺖ ﻣﺪﺧﻞ ﺍﻟﻔﺼﻤﻪ ﺑﺨﺸﻤﻪ .. ﻇﻠﻴﺖ ﺃﺳﻮﻳﻠﻪ ﺣﺮﻛﺎﺕ ﺍﮔﻠﻪ ﻗﻠﺪﻧﻲ ﺑﺲ ﻣﺎﻳﻜﺪﺭ ﻃﻔﻞ ﻣﺎﻳﻔﺘﻬﻢ ﺷﻲ
ﺍﻡ ﻣﺎﻫﺮ .. ﺧﻞ ﺍﺭﻛﺾ ﺍﺧﺎﺑﺮ ﻣﺎﻫﺮﺭ
- ﻋﻤﺔﺓﺓ ﺗﻌﺎﺍﻳﻲ
ﺭﻛﻀﺖ ﺍﺧﺬﺕ ﻣﻮﺑﺎﻳﻠﻬﻪ ﻭﺿﻤﻴﺘﻪ ﻻﻥ ﻣﺎﻫﺮ ﻳﺘﺨﺒﻞ ﻛﻠﺸﻲ ﻭﻻ ﺯﻳﻮﺩﻱ .. ﺍﻟﻨﻮﺏ ﻳﺠﻲ ﻳﺴﻮﻕ ﺳﺮﻳﻊ ﻭﻳﺼﻴﺮ ﺑﻴﻪ ﺷﻲ .
ﺍﻡ ﻣﺎﻫﺮ .. ﻟﺠﺞ ﺍﻧﻄﻴﻨﻲ ﺍﻟﻤﻮﺑﺎﻳﻞ ﺧﻠﻴﻪ ﻳﺸﻮﻑ ﻋﻤﺎﻳﻠﺞ
- ﻋﻤﺔﺓ ﻫﺴﻪ ﺗﻄﻠﻊ ﻻﺗﻜﺒﺮﻳﻬﻪ
ﺍﻡ ﻣﺎﻫﺮ .. ﻟﺞ ﻣﺘﻄﻠﻊ ﺍﻻ ﻣﺴﺘﺸﻔﻰ ﻳﺴﺤﺒﻮﻫﻪ
- ﻻ ﺗﻄﻠﻊ
ﻇﻠﻴﺖ ﺍﺭﺟﻒ ﻣﺤﺘﺎﺭﺓ ﺷﺄﺳﻮﻱ ﻳﺎﺭﺑﻲ .. ﺍﺩﻋﻲ ﻭﻣﺎﻛﻮ ﺍﻥ ﺷﺎﺀ ﺍﻟﻠﻪ ﺗﻄﻠﻊ ﻣﻦ ﺧﺸﻤﺔ ﻗﺒﻞ ﻻﻳﺠﻲ ﺍﻟﻤﻐﺮﺏ .
- ﻣﺎﻣﺎ ﻻﺗﺒﺠﻲ ﻣﺎﻛﻮ ﺷﻲ ﺣﺒﻴﺒﻲ ﻣﺎﻛﻮ ﺷﻲ
ﻫﺪﺃﺗﻪ ﺷﻮﻳﻪ ﮔﻌﺪ ﺑﺤﻀﻨﻲ ﻭﺻﻮﺕ ﺍﻟﺸﻬﮕﺔ ﻣﺎﻝ ﺍﻟﺒﺠﻲ ﻣﺴﻤﻮﻋﻪ .. ﻳﺄﺷﺮﻟﻲ ﻋﻠﻰ ﺧﺸﻤﻪ ﻋﻮﺩ ﻳﺄﺫﻳﻪ ﻭﻋﻴﻮﻧﻪ ﻭﺧﺸﻤﻪ ﺣﻤﺮ .
- ﻫﺴﻪ ﺗﻄﻠﻊ ﺣﺒﻴﺒﻲ ﻻﺗﺨﺎﻑ
ﺷﺪﻳﺖ ﺷﺎﻟﻲ ﻟﻠﺴﻴﺪﺓ ﺷﺮﻳﻔﻪ ‏( ﻉ ‏) ﻛﻮﻥ ﺍﻟﻌﺼﺮ ﺗﻄﻴﺢ ﺍﻟﻔﺼﻤﻪ .. ﺧﺎﺑﺮﺕ ﺇﻣﻲ ﺗﺸﺪﻟﻲ ﺍﻟﺮﺍﻳﻪ ﺟﺎﻳﺒﺘﻬﻪ ﻣﻦ ﺍﻟﻤﺮﻗﺪ .
- ﻣﺎﻣﺎ ﻓﺪﻭﻩ ﺍﺭﻭﺣﻠﺞ ﺷﺪﻳﻠﻲ ﺍﺭﻳﺪﻫﻪ ﺍﻟﻌﺼﺮ ﺗﻄﻴﺢ ﺍﺫﺍ ﻳﺠﻲ ﺍﻟﻤﻐﺮﺏ ﻣﺎﻫﺮ ﻳﺘﺨﺒﻞ
- ﻫﺴﻪ ﺍﺷﺪﻟﺞ ﺍﻟﺮﺍﻳﻪ ﺛﻘﻲ ﺑﺎﻟﻠﻪ ﺍﻟﻌﺼﺮ ﺗﺮﺩﻳﻬﻪ ﺗﻄﻴﺢ ﻳﻌﻨﻲ ﺗﻄﻴﺢ ﻭﺷﻮﻓﻲ
- ﺍﻥ ﺷﺎﺀ ﺍﻟﻠﻪ
ﻇﻠﻴﺖ ﺍﺑﺠﻲ ﺑﺼﻤﺖ ﻭﺍﺩﻋﻲ ﻣﺎﺍﺭﻳﺪ ﺍﺑﻴﻦ ﺧﻮﻓﻲ ﻻﻥ ﻋﻤﺘﻲ ﻗﻠﻘﺎﻧﻪ ﻭﺍﺑﻨﻲ ﮔﻮﻩ ﺳﻜﺘﺘﻪ ﻳﺠﻲ ﻳﺸﻮﻓﻨﻲ ﺍﺑﭽﻲ ﺷﻴﺼﻴﺮ ﺑﻴﻪ .
ﺍﻟﻈﻬﺮ ﻛﻠﻪ ﻻﺯﻡ ﺧﺸﻤﻪ ﻭﻣﺨﺒﻮﺹ ﻭﺍﻟﻨﻮﺏ ﺍﻟﻄﻔﻞ ﻛﻠﺶ ﻧﺤﺲ ﺑﺲ ﻳﺼﻴﺮ ﺑﻴﻪ ﺷﻲ ﻳﻨﺨﺒﺺ .. ﻫﻮَ ﻣﻦ ﻳﻨﺸﺨﻂ ﻳﺨﺒﺼﻨﻪ ﻣﻮ ﺍﻻ ﻓﺼﻤﻪ ﻣﺴﺘﻘﺮﻩ ﺑﺨﺸﻤﻪ .
ﻣﺎﻳﻘﺒﻞ ﻳﺘﻐﺪﻩ ﮔﻮﻩ ﻭﻛﻠﺘﻪ ﺍﺳﻮﻳﻠﻪ ﺍﺟﺖ ﺍﻟﻄﻴﺎﺭﻩ ﻳﻠﻪ ﻳﺎﻛﻞ
- ﻳﻠﻪ ﻳﻠﻪ ﺍﺟﻪ ﺍﻟﻘﻄﺎﺭ ﻭﻭﻭﻭﻋﻢ .. ﻛﺎﻡ ﻳﻀﺤﻚ ﻻﻥ ﺩﻭﻡ ﺍﺳﻮﻳﻠﻪ ﻫﻴﺞ ﻭﻳﺎﻛﻞ ﺑﺸﻬﻴﻪ .
ﻟﻠﻌﺼﺮ ﻭﺍﻧﻲ ﻣﻜﺎﺑﻠﺘﻪ ﻭﻛﺎﻋﺪﻩ ﺍﺧﺎﻑ ﺍﺟﻴﺲ ﺧﺸﻤﻪ ﺍﻟﻨﻮﺏ ﺗﺪﺧﻞ ﺑﺎﻟﻤﺠﺎﺭﻱ ﺍﻟﺘﻨﻔﺴﻴﻪ .. ﻇﻠﻴﺖ ﺑﺲ ﺍﺑﺎﻭﻋﻠﻪ .. ﻇﻞ ﻳﺤﻚ ﺑﺨﺸﻤﻪ ﻣﺘﺬﻣﺮ ﻭﻳﻠﻤﺲ ﺑﺎﻟﻤﻜﺎﻥ ﺍﻟﺪﺧﻠﺖ ﺑﻴﻪ
- ﻣﻤﺎﺍﺍﺍ
- ﻫﺎ ﺣﺒﻴﺒﻲ ﻫﻴﺎﺗﻨﻲ ﻳﻤﻚ
ﻟﺰﻡ ﺇﻳﺪﻳﻪ ﻭﻋﻄﺲ .. ﻃﻔﺮﺕ ﺍﻟﻔﺼﻤﻪ ﻭﺍﻧﻲ ﺑﭽﻴﺖ .. ﺍﻟﺤﻤﺪ ﻟﻠﻪ ﺭﺑﻲ .بيج قصص عراقيه حقيقيه من واقعنا.روعه الطائي
ﺭﻛﻀﺖ ﺻﻠﻴﺖ ﺭﻛﻌﺘﻴﻦ ﻟﻠﺴﻴﺪﺓ ﺷﺮﻳﻔﻪ ‏( ﻉ ‏) ﻣﺎﻗﺼﺮﺕ .. ﻇﻠﻴﺖ ﺣﺎﺿﻨﺘﻪ ﻭﺍﺑﺠﻲ ﻫﻮَ ﻳﻮﺧﺮ ﺑﺈﻳﺪﻳﻪ ﻳﺮﻳﺪ ﻳﮕﻮﻡ ﻳﻠﻌﺐ ﺧﻠﺺ ﺍﻟﻴﻮﻡ ﻛﻠﻪ ﻛﺎﻋﺪ ﻣﺎﻣﮕﻤﺰ .
ﻋﻤﺘﻲ ﻫﻢ ﻇﻠﺖ ﺗﺒﻮﺱ ﺑﻴﻪ ﻭﺗﺘﺤﻤﺪ ﻟﺴﻼﻣﺘﻪ
ﺍﻡ ﻣﺎﻫﺮ .. ﺩﻳﺮﻱ ﺑﺎﻟﺞ ﺍﻟﻤﺮﺓ ﺍﻟﺠﺎﻳﻪ
- ﻋﻤﻪ ﻫﻮَ ﻃﻔﻞ ﺷﻠﻮﻥ ﺃﻟﺰﻣﻪ ﻭﺍﻧﻲ ﻣﺎﻣﺘﻴﻬﺘﻪ ﺑﺲ ﺍﻟﺘﻔﺘﺖ
ﺍﻡ ﻣﺎﻫﺮ .. ﺑﺴﻴﻄﻪ
ﺍﻟﻤﻐﺮﺏ ﺇﺟﻪ ﻣﺎﻫﺮ ﺩﺧﻞ ﻟﻠﻤﻄﺒﺦ ﺻﺎﺡ ﻟﺰﻳﻮﺩﻱ ﺭﻛﺾ ﻋﻠﻴﻪ ﺷﺎﻟﻪ ﻳﺒﻮﺱ ﺑﻴﻪ ﻭﻫﻲَ ﺭﻛﻀﺘﻠﻪ
ﺍﻡ ﻣﺎﻫﺮ .. ﺍﺑﻨﻚ ﺍﻟﻴﻮﻡ ﻭﺻﻞ ﺍﻟﻤﻮﻭﻭﺕ ﻣﻦ ﻭﺭﻩ ﻣﺮﺗﻚ ﺍﻟﻤﻬﻤﻠﻪ
ﻣﺎﻫﺮ .. ﺷﻨﻮ ﺷﺒﻴﻪ؟؟
ﺍﻡ ﻣﺎﻫﺮ .. ﺍﻟﻔﺼﻤﻪ ﺩﺧﻠﺖ ﺑﺨﺸﻤﻪ
ﻣﺎﻫﺮ .. ﻓﺼﻤﺔ ﺇﻳﺶ؟؟
ﺍﻡ ﻣﺎﻫﺮ .. ﺩﺗﺴﻮﻱ ﻛﻠﻴﺠﻪ ﻭﺣﺎﻃﻪ ﻓﺼﻢ ﺍﻟﺘﻤﺮ ﻭﺭﺍﻳﺤﻪ ﺗﺴﺨﺖ ﻟﻤﺎ ﺍﻟﻄﻔﻞ ﺷﺎﻟﻬﻪ ﺧﻼﻫﻪ ﺑﺨﺸﻤﻪ ﺷﻌﺮﻓﻪ ﺑﻴﻬﻪ ﺷﻨﻮ
ﺑﺎﻭﻋﻠﻪ ﻛﺎﻟﻠﻪ
ﻣﺎﻫﺮ .. ﺷﺒﻴﻚ ﺑﺎﺑﺎ
ﺯﻳﻮﺩﻱ ﺃﺷﺮﻟﻪ ﻋﻠﻰ ﺧﺸﻤﻪ ﻭﻫﺰ ﺭﺍﺳﻪ .. ﺍﻟﺘﻔﺖ ﻋﻠﻴﻪ
- ﺛُﺮﻯٰ ﻭﻳﻦ ﺍﻧﺖِ ﻋﻨﻪ؟؟ ﻭﻫﺴﻪ ﺷﻨﻮ ﺍﻟﻔﺼﻤﻪ ﺑﻌﺪﻫﻪ ﺑﺨﺸﻤﻪ
- ﻻ ﻻ ﻃﻠﻌﺖ ﺑﺲ ﺍﻧﻲ ﺧﻠﻴﺖ ﺍﻟﺼﻴﻨﻴﻪ ﺑﺎﻟﻔﺮﻥ ﺛﻮﺍﻧﻲ ﻭﺍﻟﻠﻪ ﻟﻜﻴﺘﻪ ﻣﺪﺧﻠﻬﻪ
ﻫﺰﺯ ﺭﺍﺳﻪ ﻋﺎﻛﺪ ﺍﻟﺤﻮﺍﺟﺐ ﻭﻛﺎﻝ -:
- ﻳﻠﻪ ﻣﺼﺎﺭ ﺷﻲ
ﺍﻛﻴﺪ ﻭﺭﺍﻱ ﺣﺴﺎﺏ ﺑﺲ ﻣﺎﺣﺐ ﻳﻔﺸﻠﻨﻲ ﮔﺪﺍﻡ ﺍﻣﻪ ..
ﻫﻮَ ﺑﻘﻪ ﺑﺎﻟﻤﻄﺒﺦ ﻭﺍﻧﻲ ﺭﺣﺖ ﻟﻠﺼﺎﻟﻪ ﺷﻐﻠﺖ ﺍﻟﺘﻠﻔﺰﻳﻮﻥ ﺍﺭﻳﺪ ﺍﻃﻠﻊ ﺩﻋﺎﺀ ﺷﻲ .. ﻫﻲَ ﺍﺟﺖ ﻭﺭﺍﻱ
ﺍﻡ ﻣﺎﻫﺮ .. ﻟﺞ ﻃﻔﻞ ﻣﺘﻜﺪﺭﻳﻦ ﺗﻠﺰﻣﻴﻪ ﻋﻤﺖ ﻋﻴﻨﺞ ﻳﺎﻏﺒﻴﺔ
- ﻋﻤﺔﺓﺓ ﺭﺣﻤﻪ ﻟﻠﻪ ﻛﺎﻓﻲ ﺗﺮﻩ ﻣﻠﻴﺖ ﻭﺍﻟﻠﻪ ﻣﻠﻴﻴﺘﺘﺖ ﻏﻴﺮ ﻃﻠﻌﺖ ﺍﻟﻔﺼﻤﻪ ﻭﺭﺍﺣﺖ ﺍﻟﺴﺎﻟﻔﻪ ﺍﻧﺘﻬﺖ
ﺍﻡ ﻣﺎﻫﺮ .. ﻻ ﻣﺎﺍﻧﺘﻬﺖ ﺍﻧﺖِ ﺍﻏﺒﻰ ﻣﻨﺞ ﻣﺎﻛﻮ ﻫﺬﺍ ﺩﻣﺎﻏﺞ ﻓﺎﺍﺍﺭﻍ
ﺍﺟﺖ ﻋﻠﻴﻪ ﺿﺮﺑﺘﻨﻲ ﺑﻜﻞ ﻗﻮﺗﻬﻪ ﻋﻠﻰ ﺭﺍﺳﻲ ﺍﻧﻲ ﻫﻨﺎ ﺗﺨﺒﻠﺖ ﻷﻭﻝ ﻣﺮﻩ ﺗﻀﺮﺑﻨﻲ .. ﺗﺮﺯﻝ ﺍﻱ ﺗﺤﭽﻲ ﺍﻱ ﺑﺲ ﺗﻀﺮﺑﻨﻲ ﺷﻨﻮ ﺍﻧﻲ ﺑﻨﻴﺘﻬﻪ ﺍﻟﺼﻐﻴﺮﺓ؟؟
ﻭﺧﺮﺕ ﺭﺍﺳﻲ ﻭﺭﻓﻌﺖ ﺻﻮﺗﻲ
- ﻛﺎﺍﻓﻴﻴﻴﻲ ﺷﻨﻮ ﺍﻧﻲ ﺻﻐﻴﺮﻭﻭﻧﻪ ﺗﺴﻮﻳﻦ ﻭﻳﺎﺍﺍﻱ ﻫﻴﻴﺠﺠﺞ
ﺍﻡ ﻣﺎﻫﺮ .. ﺍﻱ ﻃﺒﻌﺎً ﺻﻐﻴﺮﻭﻧﻪ ﻭﻏﺒﻴﻪ ﺣﺘﻰ ﺯﻭﺟﺞ ﻣﻤﻬﺘﻤﻪ ﺑﻴﻪ
- ﺍﻧﻲ ﻣﺎﻣﻬﺘﻤﻪ ﺑﺰﻭﺟﻲ؟؟ ﺧﻠﻴﺖ ﺍﻻﻫﺘﻤﺎﻡ ﺍﻟﺞ ﻉ ﺍﻷﻗﻞ ﻣﺤﺎﻓﻈﻪ ﻋﻠﻰ ﺭﺟﻠﻲ ﻭﺑﻴﺘﻲ ﻣﺎﺍﺳﻮﻱ ﻣﺸﺎﻛﻞ
ﺍﻡ ﻣﺎﻫﺮ .. ﻭﻳﻨﻪ ﺭﺟﻠﺞ ﻭﻭﻳﻨﻪ ﺑﻴﺘﺞ ﻛﻠﻪ ﻣﻔﻜﻚ ﭼﻨﻪ ﺍﻧﻲ ﻭﺍﺑﻮ ﻣﺎﻫﺮ ﻣﺜﻞ ﺍﻟﺒﻼﺑﻞ ﻫﺴﻪ ﺍﻧﺘﻮ ﻣﺨﻠﺼﻴﻬﻪ ﺑﺲ ﻋﺮﻙ
- ﺷﻮﻭﻛﺖ ﻣﺘﻌﺎﺭﻛﻴﻦ؟؟ ﺍﺷﻮ ﺣﺘﻰ ﻋﺮﻛﺎﺗﻨﻪ ﻫﺎﺩﺋﻪ ﻭﻣﺎﻛﻮ ﺻﻴﺎﺡ ﺣﺘﻰ ﺗﺪﺭﻳﻦ ﺑﻴﻨﻪ ﺗﻌﺎﺭﻛﻨﻪ ﺍﻭ ﺍﺻﻼً ﻣﺎﻧﺘﻌﺎﺭﻙ
ﺍﻡ ﻣﺎﻫﺮ .. ﻋﻠﻰ ﺍﻻﻗﻞ ﺍﻧﻲ ﻣﺮﺍﺳﻠﺖ ﻋﻠﻰ ﺍﺑﻮ ﻣﺎﻫﺮ ﻭﺧﻨﺘﻪ
- ﺍﻱ ﻣﺎﺭﺍﺳﻠﺘﻲ ﻭﻣﺪﻟﻠﺘﻪ ﻭﺣﺎﻃﺘﻪ ﻋﻠﻰ ﺭﺍﺳﺞ ﺍﺷﻮﻓﻪ ﺭﺍﺡ ﺗﺰﻭﺝ ﺍﺛﻨﻴﻦ ﻋﻠﻴﺞ ﻭﺍﻧﺖِ ﻫﻨﺎﺍﺍ ﺗﺤﻤﺪﻳﻦ ﺑﻴﻪ ﺧﻠﻴﻨﻪ ﺳﺎﻛﺘﻴﻦ ﺗﺮﻩ ﺍﻧﻲ ﺑﻌﺪ ﻣﺎﺍﺳﺴﺴﻜﺖ ﻣﻠﻠﻴﻴﻴﻴﺘﺘﺖ ﺍﻧﺖِ ﺍﻟﻨﺒﻲ ﺍﻟﻤُﻨﺰّﻝ ﻭﺍﻧﻲ ﺍﻟﻴﻬﻮﺩﻱ !
ﺍﻡ ﻣﺎﻫﺮ .. ﺷﻨﻮﻭﻭﻭﻭﻭ ﺗﺰﻭﻭﺟﺠﺞ؟؟؟؟
ﺻﻔﻨﺖ ﺍﺭﺍﺟﻊ ﺑﺒﺎﻟﻲ ﺍﻧﻲ ﺷﻜﻠﺖ؟ !
ﻋﺼﺮﺕ ﻋﻴﻮﻧﻲ ﺣﻴﻞ ﻣﺘﺪﺍﺭﻛﻪ ﺍﻟﻤﺼﻴﺒﻪ ﺍﻟﺴﻮﻳﺘﻬﻪ .. ﺍﻟﺘﻔﺘﺖ ﻟﻜﻴﺘﻪ ﻣﺎﻫﺮ ﻭﺍﻛﻒ ﺑﺒﺎﺏ ﺍﻟﻤﻄﺒﺦ ﻭﺷﺎﻳﻞ ﺯﻳﻮﺩﻱ ﻭﻣﻼﻣﺤﻪ ﻛﺎﺍﺍﺭﺛﺔ
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻
ﺷﺎﻳﻔﻴﻦ ﺻﻮﺕ ﺍﻟﺮﻣﻲ ﻣﻦ ﻳﺠﻴﺒﻮﻥ ﺷﻬﻴﺪ ﻭﺻﺮﻳﺦ ﺍﻟﻨﺴﻮﺍﻥ ﺍﻟﻤﻔﺰﻭﻋﻪ ﺗﻤﻠﻲ ﺍﻟﺸﺎﺭﻉ ﻭﺍﻟﺮﻫﺒﻪ ﺗﻈﻞ ﺗﻤﺸﻲ ﺑﺮﺟﻠﻴﻜﻢ ﻭﺟﺴﻤﻜﻢ ﻳﺜﻠﺞ .. ﺍﻟﻌﻴﻮﻥ ﺗﻤﻄﺮ ﺩﻣﻊ ﻭﺍﻟﮕﻠﺐ ﻳﻨﻠﭽﻢ ﻣﻦ ﺍﻷﻟﻢ .. ﻭﻓﻮﮒ ﻛﻞ ﻫﺬﺍ ﻻﺯﻡ ﺗﻜﺘﺒﻮﻥ ﺑﺎﺭﺕ ﻣﻦ ﻗﺼﺔ !
ﺍﻟﻮﺍﻗﻊ ﻣــﺮ ﻣﺜﻞ ﺍﻟﻌﻠﻘﻢ ﻭﻻﺯﻡ ﻧﺘﺠﺮﻋﻪ .. ﺍﻟﺮﺣﻤﻪ ﻟﻜﻞ ﺷﻬﺪﺍﺋﻨﺎ ﻭﺇﻋﺬﺭﻭﻧﻲ ﻣﻦ ﺍﻟﺘﻘﺼﻴﺮ ﺟﺒﺮﺕ ﻧﻔﺴﻲ ﻭﻛﺘﺒﺖ ﻻﻥ ﻣﻄﻴﺘﻜﻢ ﻭﻋﺪ 💔
# ﻳـــــــــﺎ؏ـــــــــﺮﺍﻕ 🇸🇾
ﺳﺘٲﺗﻲ ٲﻳﺎﻡ ﺗﺮﺿﻴﻨـﺎ ﻟـטּ ﻳﺪﻭﻡ ﻣﺎﺑﻨـﺎ ﻟﻸﺑﺪ 🏻🙏🇸🇾
|