تحميل رواية «حظي» PDF

من قمت في الدنيا دي وانا وحييبده عشت وسط اهلي وحيده وياهو شقيت طريقي برااي بس ربنا عوضني وزي مابقولو طعم العوض نساي ..

من وانا طفله انا البنت التالته قدامي أختين ووراي اخواني الاولاد الاتنين اخواتي اتولدو بره السودان وامورم طيبه الحمدلله ولما اهلي جو السودان ابوي وامي اختلفوا وباقي لامي بس القسيمه أمي حللت وطلعت حامل بي 💔

ومن هنا بدت معاناتي حتى وانا في بطن امي

أمي حاولت تنزلني بي كل الطرق ولكن ماقدرت

وبقيت عقبه في طريق أنها تتفك من ابوي ولانو نقطة اختلافا مع ابوي القرايه واخدت من عمرا 3 سنه ولما اتولدت رفضت ترضعني وبتعنفني وتكورك فيني وكم مره مرضت رفضت تعالجني وسافرت ساقت اخواتي بحكم انهم كبار ومابتقدر تتحمل مسؤولية طفل صغير بعدها امي اطلقت ورجعت تدرس واخواتي دخلتم احسن المدارس في السعوديه وبتصرف عليهم بي بزخ شديييد ورفعت على ابوي قضية نفقه لبنين ..

وكسبت القضيه وبقت كل سنه اخواتي تجيهم كفالتم من ابوهم وامي مامقصره منهم ..

وانا خاتي النقه ياقول حبوبه زول جايب خبري ماف كتر خير عماتي الاثنين بيدخلو صناديق مخصوص عشاني وكل صرفه بجيبو لي مرات ملابس ومرات يلموها لمصاريفي بتاعت الدراسه واخوالي وخالاتي كارهني شديد وضرب وزلة وشغل مابنتهي واصلا زوله اهلا رافضنها ح انتظر منهم هم شنو ؟!

ولما كنت ممتحنه شهادة الأساس امي واخواتي جو اجازه السودان ..

وم احكي ليكم طبعا بنتين حلوين ولونم رهيبيييب وبرستيج والشعر واللبس مابتقارنو بي انا لاقيتم عادي مديت ليهم يدي من غير ولا كلمه وامي اليوم الاول زاتو مالاقيتا م الدكتوره العظيمه المافاضيه تسأل من بتها زاتو وضيوفا كتاااااار ..

صبحت تاني يوم شايفاها في الممر البطلع على الشارع جيت ماره فيها وكانت بتتسوك انتظرتها خلصت وزحت لي من الطريق كانت بتعاين لي عادي وانا كذلك م عندي مشاعر تجاها لا كره ولا حب ولا شوق !!

بعد مشيت نادتني يابت اقيفي وقفت ومااتلفت عليها .. انتي بنت منو ؟!

قلت ليها بنت عبدالله السيد وواصلت وانا ببكي ببكي وماعارفه ليه م كان في سبب للبكاء غير سؤالا ده .. لقيت اخواتي في الباب الاثنين سمعوني وعاينو لي ولدموعي خجلت شديد لانهم شافوني وانا ببكي ..

طلعت من البيت ومشيت المدرسه لقيت حنان صحبتي كانت اسم على مسمى م فشلت يوم انها تحتويني .. استلمتني من وصلتها ..

اموووونه واااي امك جات من السعوديه اها جابت ليك شنو واخواتك كيف سامعه الحله كلها بتقول اخواتك عسسسل ماتجيبيهم لينا المدرسه وكان متي بي حاجات السعوديه براك ماعافيه ليك ..

قلت ليها ابررررردي انتي مالك ماك عارفه البير وغطاها سعودية شنو وقرف شنو ياخي لي هسي ماكلفت نفسها تسلم علي سلام الله ولا تسال مني ..

حنان سكتت وبقت تعاين لي .. قالت لي ياخ خلاص زاتو مادايرين شي ارح ارح ناكل طعميه الليله خالتو اامنه جات وانتي عارفه انو مسمنك عليها بتزيدك ..

ضحكت ومشيت معاها اكلنا طعميتنا وخلصنا اليوم الدراسي ورجعنا البيت وانا شايله هم ارجع كيف والح يحصل شنو ؟!

ماشه على البيت ورجليني تقيلات وقلبي بضرب م عرفتو خوف وله زعل وصلت والحمدلله م كان في زول في الحوش ..

وانا ماشه على البرنده الخاتين لي حاجاتي فيها اسمع خالاتي بقولو لامي هسي نحن قلنا تكوني خميتي ليها خم تقيل ..

امي ماردت وانا واقفه منتظره ردها ..

جاني صوت وحده في اخواتي : تستاهل والله بس انا قلت لامي الدهب احسن ..

اختي التانيه قالت : ااي صاح لانو الدهب لي قدام بنفعا ولو احتاجت عندها حاجه في يدها ..

خالتي قالت ليهم كده كده م بتعرف حتى وين تلمو ..

حبوبه قالت ليهم الشوم مابتستاهل اي شي

وده كلو وانا واقفه ..

مابكيت الغريبه في وقفتي باب الشارع فتح اشوف .......

الفصل الثاني من هنا

لقراءه باقي الفصول من هنا

اتلفت على الباب اشوف عماتي الاثنين بشاير ومروه وبدموعي ديك جريت عليهم اللاقيتا اول فيهم حضنتها وبقيت ابكي والاثنين بعاينو لي بس ..

فكيت عمتي بشاير وبقيت قالده مروه ويحليلا بكت معاي ولي منهم 4 شهور ماشفتهم بقيت واقفه معاها وبسأل فيها مالكم طولتو مني ان شاءالله عافيه ؟!

عمتي بشاير خلتنا في وقفتنا وبقت تقول اهل البيت سلااااام عليكم جوها طالعين خالاتي سلمو عليها وجات امي تلفح في توبا وسلمت عليها وعاينت لي لقتني متشعبطه في عمتي مروه وفي نص كلامي معاها جات امي سلمت على عمتي وانا مشيت على عمتي بشاير وقلت ليها تعالي اتفضلي ما خشت جوه جات معاي طوالي ..

دخلتهم برندتي قعدو وانا مشيت قلعت لبسي وجيت لقيت اخواتي وامي قاعدين معاهم بقو كلهم بيعاينو لي عملت نفسي ماشايفاهم دخلت اتجاه عماتي ..

ويحليلم كانو جايبين لي عبايتين وشبط اسود وطرحتين وشنطه صغيره فرحت بيهم فرح اول مره في حياتي البس عبايه كنت بحوم بي قميص البيت معاهو طرحه

اخدو قعدتم واتغدو وطلعو قريتم ماقريبه مننا وسبحان الله عماتي الاثنين ديل هم بس اخوات ابوي وماعندهم اطفال وحده اتزوجت واطلقت بسبب عدم الخلفه والتانيه لما عمرا عمل 30 م اتزوجت وياهم بقو براعوني انا طالبو بي كم مره واهل امي رفضو ماعارفه ليه مع انهم بكرهوني ..

جاء المساء كنت بجرب في عباياتي ومبسوووووطه جو داخلين اخواتي ال2 سلمو علي قلت ليهم اتفضلو قلعت العبايه وطبقتها مع اختا ورفعت الملايه من تحت السرير ودخلت الملابس في شنطتي وطبلتها رجعتها تحت السرير وهم بعاينو ..

اخواتي ( لين وليان ) وانا امنه عليك الله م ظلم حتى في الاسم 💔

قعدو مسافه ساكتين وانا مدنقره بس م عاينت في وجوهم زاتو ..

الكبيره فيهم لين قالت لي م حددو ليكم الامتحانات

قلت ليها : حددوها يوم 18/2

ليان : ماشاءالله اها ان شاءالله مجتهده عندكم اساتذه خصوصيين ؟!

قلت ليها : لالا في دروس عصر

لين: برضو كويس الحصص دي بتقوي ليكم الفهم

ليان : شدي حيلك كده وكملي الثانوي وتعالي لينا القرايه هناك افضل ..

قلت ليها : ان شاء الله

بعدها سكتنا ولا انا ولا هم ماقادرين نفتح موضوع للحظه حسيت انهم قراب مني بس تاني نفضت الفكره وقلت هوووي يا آمنه م تتعشمي ساي باكر برجعو وبترجعي ياكي زاااتك امونه القديمه ..

لين : جيبي تلفونك اسجل ليك رقمي

قلت ليها ماعندي تلفون

ليان : معقووول ؟!

لين : انا مرسله ليك تلفونين في الحاجات الاخيره الرسلناها ليك !!!

قلت ليها لا وصلتني حاجات اولى ولا اخيره ولا تلفون اول لا تاني لكن هاك مديت ليها كراس قلت ليها هاك اكتبي رقمك هنا ان لقيت تلفون من صحباتي برجع ليكم ..

سجلت الرقم وبقو بعاينو لبعض حسيتو اضايقو ..

في قعدتنا ديك جات خالتي البعد امي طوالي بناتا اكبر مني ووحده قدري ..

قالت لينا بتتوسوسو في شنو ؟!

بعدها جات بنت خالتي اسمها مريم لابسه عبايه وطرحه

اخواتي عاينو لبعض وقالو لخالتي دي بنتك ؟!

قالت ليهم اااي بنتي دي في عمركم ورايقه وبتعرف للونسه السمحه قلت تونسكن ماتزهجن جات سلمت وقعدت معانا ..

ليان قالت ليها : عبايتك حلوة يامريم اشتريتيها من وين ؟!

مريم : جابتا لي امي

لين : جبتيها من وين ياخالتي ؟!

خالتي بي نهره كده قالت ليهم جبتها من السوق السوق ده ماصنع الا ليكم انتو وضربتني في راسي لمن ميلت قالت لي قلتي ليهم شنو انتي شنينه تنتهي منك

انا مافاهمه شي نهائي وقاعده في نصهم زي الطيره ..

جات امي داخله ماسلمت علي برضو وده اكتر شي موجعني ..

قالت ليهم مالكم يابنات ؟!

لين : ي ماما لينا 3 سنه بنشيل من مصاريفنا وبنحوش بالجمبه سنه كامله وفي النهايه بنشوف منو من الاهل جاي السودان وبنمشي المولات نشتري الكريمات وزيوت الشعر والعبايات والبجامات بنقول اختنا كبرت ماعايزنها تحتاج حاجه بنرسلا هنا واخواتك سيادتم بيشيلو اي حاجه وم بكلموها زاااتو

ليان: شوفي ياماما العبايه اللابساها مريم دي اشتريتا انا كان مفروض اغير تلفوني بس قلت لا اختى اولى جبتها معاها كم حاجه وهم بي كل بجاحه شالوها ..

امي بقت تعاين ليهم ..

انا طوالي وقفت ..

قلت ليهم انا مامزعلني انهم شالو الحاجات ولا مزعلني انهم شايفين انا مابستاهل انا المزعلني انو طول الزمن ده وهم بيربوني على اساس انا الزوله المكروهه الزول دايرني ماف

ياخ شيلو اي شي بس وروني انو في بشر بسأل عني وروني اني مامكروهه من امي واخواتي زي م انتو بتقولو م هديل اخواتي مابعرفوني زاتو وياهم بتزكروني وكمان مرسلين لي تلفونات كنتو تخلوني اتواصل معاهم ياخ ..

قلت كلامي ده ولأول مره ابكي بي حرقه

امي قالت لي خالتي مادام الصغار بقو احسن منك مالك ساي كان كلمتيها ؟

خالتي: يختي هيي انتي وحيييدك ماتنضمي لانك ماك دايراها ولا بتريديها م تعملي نفسك الشريف الرضي ..

امي: في النهايه دي بنتي ادورا وله لا مابخصك وانتي مامن حقك تشيلي حاجه مرسله لي غيرك ..

خالتي : يختي بتك الخنيته دي زاتا مابتستلهل شي كان ادوها ليهم مابتعرف تستخدمم

ومرقت خلتني مع امي واخواتي

امي قالت لي دي حالتك يوميا ؟!

ليان : وكمان خالتي ضربتا على راسا ياماما حرام البحصل ده ..

ضحكت وقلت ليهم ماتشغلو بالكم انا ربنا كريم علي ..

امي طلعت وخلتني مع اخواتي بقو يتونسو معاي وبتحاشو يتكلمو في المواضيع القديمه ..

اخواتي ظريفين شديد لين في الجامعه وليان ممتحنه الشهاده الثانويه ..

طلعت تاني يوم وجيت لقيت البيت كلو ينضم والدنيا مولعه ماااالكم ؟!

قالو لي ....

الفصل الثالث من هنا

لقراءه باقي الفصول من هنا

خليت الليل سرح وناس حبوبه نامو ربطت رجليني بي قطعة قماش لاني عارفاهم بقصو الدرب حق الحرامي مشيت برااااحه على تمنة حبوبه عارفاها دافناها وين فتحتها لقيت سلسل امي والخاتمين شلتهم في ربطتم وخليت التمنه فاتحه مادفنتها وجيت مشيت برندتي تحت السرير اصلا عندي جردل دافناهو بلم فيهو القروش البلقاها من شغلي بالدس ( بشيل حواجب ووش لبنات المدرسه ونسوان الحله برضو بنادني وبدني حقي ) رميتم فيهو ودفنتهن ورجعت السرير ..

جيت نمت كأنه م حصل شي ..

صبحنا صلاة الصبح ربك رب الخير جا حرامي وخالي شافو وجرا وراو مالحبو ولا عرفوهو منو حمدت ربنا طبعا خالي جا قال ليهم فتشو لو عندكم شي مالقيتوه لانو الحرامي ده نحن مالحقناه ولا عرفناه ..

حبوبه مشت على تمنتا ولقتا فاتحه وجات تبكي وتنتحب وووب وسلسل البت مالقيتو واريتني كان كلمتها وانا ولا شغلتي مشيت مدرستي عادي

جيت راجعه فتحت شنطتي لقيت فيها تلفون لين ومعاهو قروش والخواتم الكانو لابسنها خلوها لي 😭

انا تاني البسكتني شنو شبعت بكاء ومشيت لي حنان حنان شوفي لي شريحه ..

حنان : اهاااا بس م تقولي لي بقيتي تحبي وياكلبه شريحه تدخليها في كفة يدك وينو تلفونك ليها ؟!

طلعت ليها التلفون

حنان : واااي تتجازي قت+++لتي منو سجمي نهبتي من وين اعترفي ..

قلت ليها ده تلفون لين اختي لقيتا مخلياه لي ومعاه كم حاجه وعشان اكلمن لازم القى شريحه

حنان ': خلاص يازوله انا بكلم خالتي بتمشي شندي طوالي تجيب ليك معاها وحده بكره ان شاءالله ..

رجعت البيت لميت كل حاجاتي دي في جردلي وسكت ..

الحاجه الوحيده الكويسه اني ماخده خصوصيتي في النوم زووول بسألني ماف وبقفل علي الباب لو نمنا جوه ولو نمت بره بنوم مع حبوبه ..

جابو لي الشريحه ولقيت لين مخليه لي رقم ليان مسكلت ليها طوالي رجعت لي وبقو يتونسو معاي وبقينا يووومي نتواصل بالليل نطمن على بعض ..

كملت الامتحانات واجزت وبقيت منتظره الثانوي متين اخلص مرت ال 3 سنين زي لمح البصر واخواتي يحليلم متواصلين معاي وعرفت انه لين اتخطبت وعرسا قريب وهم كانو عايزني احضر لكن ماف طريقه ..

وعرفت انه امي ولدت وجابت توأم اولاد ..

في السنه دي انا ممتحنه تالت وعلميه وطبعا محتاجه رقم وطني وانا شهادة ميلاد ماعندي ..

وجاتني فكره رهيييييبه ودي اول خطوه في افكاري المخططه ليها قلت لناس حبوبه ماشه لاعمامي يطلعو لي رقم وطني وفعلا مشيت قلت لعمتي انا ممتحنه علميه واسمي ده معقدني دايره في الشهاده اغيرو ومادايره زول اعرف قالو لي احسن زاتو سقت عماي بشاير وعمي الصديق ومشينا شندي عشان اطلعو لي الشهاده وغيرت اسمي من امنه لي جود ..

واخدت الشهاده والرقم الوطني جبتهم وجيت والمديره كلمتها عمتي انو ابوي هو الغير الاسم وتاني مافي زول جاب خبري ..

امتحنت وبحمدالله جبت 93,6

وطب الخرطوم كان 90 قدمت ومنتظره النتيجه والحمدلله شالوني بس الم كنت متوقعاه ابدا انو خالي يقول لي مافي قرايه !!!

كييييف مافي قرايه وبنات خالاتي القبلوهم في الجامعات كلهم حتى سجلو وليه انا؟!

كلمت اخواتي قالو لي امي تتكلم معاه

قال لامي البت جاها عريس وبيتا احسن ليها

امي رفضت لكن كالعاده ..

اسطوانتم المعتاده ( انتي بتعرفي ليها شنو ؟ وانتي ربيتيها نحن الربيناها ونحن البنقرر شوفي راجلك واولادك وين ) ..

يعني م دام الحكايه بقت كده يبقى مافي مفر من الفي راسي

عماتي جو وعملو جووطه لكن مافي زول قال ليهم تلت التلاته كم قمت قلت ليهم انا اخواتي خلو لي تلفون هاكم الرقم ده وماتقولو اديتكم ليه نهائي مهما حصل ..

مشيت لحنان قضيت معاها نص اليوم وحيت راجعه البيت حسمت امري تماما ..

ومشيت من دربي داك لعم النور وقلت ليه ياعمو البص بقوم متين لشندي ؟

قال لي بقوم الساعه 3 صباحا .. قلت ليه بصل متين ؟!

قال لي بص الساعه 8 قلت ليه ومن شندي للخرطوم بصل متين قال لي بتحركن بدري لكن كل ساعه بمرق بص ..

قلت ليه عليك الله احجز لي في بص 8 وانا باكر مارقه معاك ان شاءالله ..

قال لي ماشه لامك وله شنو ؟!

قلت ليو اااي امي دايره تلد بي توأم واخواتي في الجامعه ..

قال لي مبرووك والله خلاص 3 صباحا بنمرق ان شاءالله

رجعت البيت قفلت الباب علي وطلعت شنطتي حقت المدرسه ختيت فيها شهادتي ورقمي الوطني و5 عبايات وجلبابتين وبجامتين وملابس داخليه وقروشي العندي كللها والدهب الخلتو لي امي والخلو لي اخواتي ربطتهم في طرحه ونفضت سفنجتي دخلتها من بالليل وعندي فتيل جرسلين شلتو وتلفوني في جيب بنطلوني ..

ونمت كل شويه اصحى الساعه 2،50 دقيقه طلعت من البيت لقيتم راكبيييين ومنتظرني بس ركبت واقل من دقيقتين البص اتحرك وياسلاااااااام على هواء الحريه وريحتو ليهو طعم عديييل ..

وصلنا شندي ودقايق بس وطلعنا على الخرطوم الداخليات فاااتحه واول ماوصلت الداخليه لقيت الحرس بره بسجل سألني عن اسمي قلت ليه جود عبدالله السيد

قال لي مستنداتك اديتو رقمي الوطني سجل اسمي وقال لي رسوم الداخليه السنه 150 ممكن تقصدي قلت ليه لالا بدفعم كلهم اديتو 150 وبعد سجلني دخلت مع المشرفه وصفت لي غرفتي وكانت فااااضيه مامعاي ولا زول شكلهم البنات يادوب بدو يجو انا قلت كده احسن زاتو عشان انا الفتره الاولى ماعايزه اتعرف على زول ..

شنطتي خليتا تحت راسي ولميت مفتاح الغرفه فيها ونمت لانو الساعه كانت 6 ..

صحيت 8ونص وم ممكن اطلع بره بس في طبليه صغيره فاتحه جبت منها بسكويت ولبن بدره سطت بي مويه ساي وغمزت البسكويت وشربت الباقي وصليت ونمت تاني يوم صحيت استحميت ولبست وطلعت مع البنات الماشين الجامعه خلصت اجراءات التسجيل ودفعت والمحاضرات كانت الاسبوع الجاي واليوم ال اربعاء

م عندي زوق في اللبس بقيت بعاين للبنات اتنورت تمام ومشيت السوق اشتريت عبايتين واسبورت ابيض والتاني اسود وجزمه سوداء عشان ماتقيدني في اللبس وااشتريت 6 طرح وشنطه قديمه عند واحد بايعا محتاج قلت كفاي بتنطبل وبتخت لي حاجاتي ..

جبت لي جردل طحنيه وعلبه مربى وزيت سمسم وجبنه كيلو وبسكويت نص كرتونه وعلبة عصير جيت مخمخمه دخلت الداخليه لاقيت بنات شالو معاي حاجاتي وصلوهم معاي واتعرفت عليهم انهم خريجين السنه وصلوني وابو يدخلو ..

ده غير اسئلتم الغريبه بتنومي براك ؟!

م بنخافي ؟!

الغرفه فيها آثار حريق متصالحه معاه عادي ؟!

رديت ليهم انو انا اهم حاجه عندي ادرس واتخرج واسافر

اول ماوصلت الغرفه 😳😳😳😳😳

الفصل الخامس من هنا

لقراءه باقي الفصول من هنا

مهاد قالت لي سجمك انتي ماعارفه روحك قاعده مع منو ؟!

قلت ليها عليك الله انتي ماشفتي الظلم والوجع الانا شفتو من البشر لو مياده جن يبقى الشياطين نحن ..

مهاد : ياجود ماتستهتري بالحاجات دي امكن حقيقه ..

قلت ليها يازوله خليني معاها ارحم لي من البشر ..

رجعت الغرفه لقيت الوضع هادي جدا ومياده متبطحه في سريرا قلت برا كلام فارغ اركز في قرايتي ..

اخدت فتره والحمدلله ارتحت من الجاثوم وكنت باكل مع مياده ومرات هي تاكل معاي وبقول بسم الله عادي وهي قاعده ..

قلت ياجماعه يمكن الناس دي بتتخيل ..

مره كنت في باب الغرفه وبزكر في مياده ماتنسي تقفلي الباب في سرقه اليومين دي جو بنتين وبقو يقولو بسم الله الرحمن الرحيم .. اتزكرت كلام مهاد وانو انا بتكلم براي ..

قلت ليهم مالكم ؟!

قالو لي جنيتي بتتكلمي براك ؟!

م رديت عليهم جريت لمياده ميااااااده قومي ارح معاي الغرفه ...

قالت لي مالك الشيطانه المعاك ماتت ؟!

قلت ليها اموت حيلك نضااامه قومي ياخ ارح انا زهجت

قالت لي لالالا الا تخشي انتي اول ..

قلت ليها ماعليك ارح نمشي الغرفه سوا ونشوفا ..

مشينا سوا ومعانا كم وحده طبعا ام خشما خفيف ماخلتم ورتم وساقتم معاها ..

كل م اقرب على الغرفه بحس احساس الزول الح يفقد عزيز عليه فتحنا الباب ودخلنا ..

اذا به القى لا في سرير ولا في لحاف ولا اثر لاي بشر 😳

اتلفت لقيت سريري مفرش وحاجاتي زي ماهي بقيت بنادي مياااده ميااااده ..

مهاد : سكتتني اسكتي يابت انا قلت ليك مامعاك زول ويلا يلا ارح شيلي حاجاتك وارحلي من الغرفه الكئيبه دي

هم بلملمو ومابعرف انا ليه بكيييت حتى لو هي كانت خيال وله جن م بعرف لكن كانت في حالا م حصل اذتني ولا اتكلمت في زول ولا جابت لي سيره لي اي شي خارج الغرفه

كنا بناكل سوا وكانت بتقول لي صلي وبتنصحني ..

بعض البشر اكعب من الشياطين ..

رحلت من الغرفه بس كل م احس نفسي مضايقه بجي الغرفه وبحكي همومي لمياده وبحس كأنها موجوده وبتطبطب علي

يوم لاقيت الحرس وقلت ليه ياعمو انت الغرفه 25 مالا محروقه وفيها شنو ؟!

قال لي دي مش الغرفه الانتي ساكنه فيها ؟!

قلت ليه ااي ساكنين فيها انا ومياده ( قلت كده عشان م يبطبط ويحكي لي )

نطط عيونو وقال لي : اعوذ بالله من الشيطان الرجيم

قبل. 10 سنه كان في استاذ شاب في الجامعه بدرس وكل البنات بدورنو حال الشاب يعني ..

بس هو دار مياده دي وكانت من الولايات مشى لي بلدم وخطبا وعقد عليها بس البنات ماعجبم وكانو دايرين اخوفوها جابو رتينه وفكوها فيها وجرو بس الغرف دي كانت جديده الابواب والشبابيك انطبلو عليها وما++تت محروقه

مع انو نيتم كانت بس يخوفوها بس قت++لوها

زعلت على حالتا ..

وصفت ليو شكلها قال لي بس ياها زاااتا انتي شفتيها وين ؟!

قلت ليه من يوم م انت اديتني المفتاح وهي عايشه معاي كان بشر كان جن المهم انها في حالا وما اذتني بل بالعكس كانت بتنصحني ..

قال لي : سبحان الله نفس حالا وهي عايشه

انا لما اديتك المفتاح كان بالغلط كان مفروض اديك 52 وكانت بعيده والبنات لسع ماجو كلهم خفت عليك تقعدي براك لمن جيتي تاني يوم عاديه قلت خلاص احسنلك قريب من البنات ولما م اشتكيتي زي ماالبنات كانو بشتكو قلت خلاص اقعدي وكده كده قريبه من الناس ..

قلت ليه : والله كنت مرتاحه بس ماخلونا البنات وانتقلت لغرفه تانيه ..

المهم جيت اسالك بس ..

مشيت منو وكان عندنا سمنار كانو بيحضر ه كمية دكاتره الا عمار لانه في اليوم ده مابيجي ..

قررت اشارك وفعلا بدا السمنار بعد دقيقتين بس جا داخل دكتور عمار انا ماعرفت اعمل شنو !!

هل اشارك ؟!

وكده كده م عندي مفر لازم اشارك

طمنت نفسي انو 5 سنه كفيله تنسيهو اي شي مستحيل اتزكر صوتي ولو اتزكر زاتو انا منقبه تشابه اصوات ياخ لو عرفني عدييييل هو ماعارف انا هاربه من اهلي ولو عرف زاتو ماعندو حق اكلمم كل الكلام ده دار في راسي في كسر من الثانيه وخلاااص الكلام الح اقولو طار من راسي ..

وزمن البت القبليني خلص الزملاء بقو ينادوني حتى انتبهت

قمت بجرجر في رجليني بس احساس الزول المودنو لي موتو ..

بديت اتكلم في البدايه اترددت بس تاني واصلت عادي وماركزت معاه بشوفو بعاين لي زيو زي اي دكتور واقف قدامه طالب عايز يقيم اداءه ..

خلصنا وانا استأذنتا طلعت لاني فعلا م كنت قادره اقعد طلعت البنشات بره .. قعدت لحدي خلصو لاني كنت عايزه ادخل اشيل شنطتي خليتا جوه كنت مدنقره راسي وسارحه سمعت زول قال امونه اتلفت عليه لقيت ده عامر اتلفت راجعه م وصلني قال لي صدفه جميله زيك ..

قلبي بقى بضرب شدييييييد وقلت هووي يابت انعدلي وفوقي ده شعر انتي ماعندك ليهو رقبه قمت من غير اتلفت مشيت طويل على القاعه وشلت شنطتي وجيت شايفاه واقف ويديه في جيوبه وبعاين لي وشايفه مهاد مشيت عليها قلت ليها ارح ارح ..

قالت لي ياجود انتي بتعرفي دكتور عامر؟!

قلت ليها اعرفه من وين يابت !!

قالت لي سبحان الله ابوه صاحب ابوي وبجينا زمن كنا صغار لكن كبر وافترى واظن من وفاة امو تاني ماشفتو ..

قلت ليها هو يعني امو ميته سبحان الله ..

وصلنا الغرفه نمت لما صحيت لقيت رسايل من اخواتي ..

ماااالكم !!

قالو لي هببتي شنو انتي ؟!

قلت ليهم خلعتوني ياخ مالكم في شنو !!

قالو لي اتصل عامر لي يسأل عنك

قلت ليهم : ده جن وله شنو انا ماعملت شي والله كان عندنا سمنار وهو كان حاضره وشكله عرفني من صوتي م يكون بس داير يتلايق ويكلم اهلي بس ..

لين : يابت انتي جنيتي عمار ماكده والله

ليان : وعمار مابسأل ساي الا يكون في راسه في حاجه

قلت ليهم دقيييقه انا اصلا كنت عايزه اسألكم يوم عقد امي انا سمعتكم بتقولو انكم خايفين كنتو خايفين منو مالو ؟!

لين : زوجي ده ود عمو وهو عارف علاقتنا كان

ليان : طبعا يا جود ابو عمار ده هو وابوي اصحاب وابوي كان متزوج امي م انفصل عنها قام ارتبط بي صحبتا واتزوجو بالسر هو ماسر يعني لانو اهل صحبة امي كلهم عارفين بس امي واهلا م كانو عارفين والوقت داك امي م ولدتك وامي اختلفت مع ابوي في القرايه ولقاها حيله طلقا وعشان اغيظا اشهر عرسو من صحبتا وهم عندهم اولاد وبنات تاني ..

لين : وشوفي الدنيا دي سدايه ورضايه كيف لف الزمن ودار وامي زاتا اتزوجت صحب ابوي وعشان كده هي رفضت 6 سنه بعد اتدخل عامر حتى وافق هو ولد وااحد عند ابوهو وامو اتوفت بدري وابوهو تاني م اتزوج ..

قلت ليهم سبحان الله صحي سدايه ورضايه

ليان: نحن هسي ساكين موضوع اخوانا ده وانا 15 سنه م شفت بابا بي عيني ..

لين : انتي ياجود م حصل شفتيه ؟

لانك قلتي انتي قريبه من عماتي ..

قلت ليهم بتصدقوني لو قلت ليكم يعميني م شفتو وانا في حله من حلتم بتتمشي بي الرجلين لكن مابلومو لا هو لا امي م كانو عايزني ..

لين : متقولي كده عليك الله نحن كبرنا ياجود ومامحتاجين من الدنيا دي غير لمه حلوة ونفسي اشوف اخواني واخواتي متلمين وهم بخير م محتاجين منهم لاي شي

ليان : اقرب مثال انتي ياجود مالقيتي ولا زول منهم لا ام لا اب لا اخ ولا اخت واديك نجحتي واتفوقتي وشقيتي طريقك ..

قلت ليهم. : تصدقو كلامكم صاح اهم شي اللمه الحلوه دي

وانا اللمه زاتا مابتفرق معاي ..

ليان : ااي ااي عارفاك ياكلبه ممكن تتخلي عننا

لين : انا ماشفت رسالتك دي ومسحتها زاتو

قلت ليهم لا طبعا اكيد م بقصدكم انتو

عملو احببته على رسالتي وماردو

بس انا دموعي جرت مابعرف ليه

قفلت التلفون وجاتني مهاد ياجود قومي امرقاكي مُهيد جاي عازمنا غداء .. قلت ليها امشي براك مع اخوك ..

قالت لي يابنت انتي غبيه هو جاي مخصوص عشانك ..

قلت ليها ياااخي وعرفة متين ؟!

قالت لي والله قال لي عندو موضوع مهم عايزك فيه ..

قلت ليها : عليك الله يامهاد انا مافيني اي حيل وبكره عندي حجز عروس اليوم خميس بخلص المحاضره وبمشي ليها بدري

مهاد : عايني الموضوع ضروري ومافي طريقه الا تجي

لبست وطلعت معاها اطنطن ..

اول ماركبت العربيه جاني اتصال رفعت التلفون ....

جاني الصوت ...

الفصل السابع من هنا

لقراءه باقي الفصول من هنا

اول ماركبت العربيه جاني اتصال ..

رديت جاني صوت عامر ..

كيفك

_تمام الحمدلله

عامر: معليش اخدت الرقم من لين

حبابك اتفضل

عامر: معليش اخدت الرقم من غير اذنك والحكايه طويله المهم سيفي رقمي عندك وح ارجع ليك وقت تكوني رايقه سلام ..

فصل الخط وخلاني محتاره ده شنو الانفصام ده !!

ومالا المواضيع كترت فجأه وبقيت اي زول عنده معاي موضوع ..

نزلنا في كافيه قعدنا وطلبو الغداء ومُهيد قال لي : جود كيفك

_تمام الحمدلله

مُهيد: انتي ياجود اصلا كان اسمك امنه صح ؟!

اتخلعت قلت ليه الاخ بتعرفني من وين وقصدك شنو من انك تفتش وراي ؟!

مهاد : مسكت يدي وقالت لي قصدو خير يابت ماتزعلي

قلت ليها مهما كان السبب مافي حاجه بتخليكم تبحتو وراي ..

مُهيد : معليش بس انا الاخ الكبير في البيت والدلاهه الجمبك دي جايه بعدي بي 20 دقيقه المهم انا من قمت وامي بتحكي لينا انه عندنا اخوات بنات ابونا وم كنا فاهمين مره كنا قاعدين وسالت امي قالت لي اخواتك لين وليان وامنه واول سؤال ليه تسموها الاسم الشين ده !!

ضحكت وقلت ليه وبعدين

قال لي : ياستي باختصار جدا انا والجمبك دي اخوانك وعندنا كتكوته صغيره اسمها ميار

قلت ليه مايثبت !!!

طلع لي جوازه وجواز مهاد ابتسمت وماعارفه ماحاسه بي مشاعر لا حب ولا كره تجاهم ..

مهاد : بس ياجود ماتكوني متأثره بي قصة امي وامك وتزعلي مننا ..

قلت ليها ماتخافي اصلا اتعاقبت انا بدل امك واتحرمت من العيشه الطبيعيه لا ام لا اب ابوي مافكر يسأل عني وامي ختت كل سلبيات حياتا فيني وبدت عقاب من يوم م اتولدت بس الان علاقتي بي امي م عليها م ح ينفع اعاتبا ولا اعاقبا في النهايه هي امي ..

وانا مع عماتي من طفله يوم واحد ماجابو لي سيرتو ولا حكو لي عنكم ..

مُهيد : نحن مابنعرف عماتنا زاتو كويس انك بتعرفيهم

انا لي فتره بفتش عليكم وماقدرت اعرف حاجه عن لين وليان لانهم سافرو بدري بس انتي لي فتره زي سنتين بفتش عليك وعرفت انك موجوده ومبسوط من العملتيه كونك خليتي البيت عشان مستقبلك ..

مهاد: جوووود عليك الله ماتقومي تكرهيني وتبطلي تحكي معاي وتتعولقي وتخليني اقول ياريتنا لو ماكلمناك ..

حضنتها وقلت ليها هبله دي انا اتكلمت معاك لحظات كنت عندي توحد وكرهانه البشر ديل كلهم ف اتخيلي بعد عرفت انك اختي ..

بقينا نضحك ونبكي مُهيد كان بقش في دموعه وبقول الحمدلله ..

قلت ليهم دقيقه اتم ليكم الناقصه

اتصلت بالايمو لليان ماردت اتصلت للين ردت لي ليان

ليان : انتي يابت صبر ماعندك مالك ؟!

قلت ليها مافي زمن شوفي معاي منو ؟!

الاثنين كوركو مهااااااااااااااد رميت التلفون من يدي !!

وانا ومهاد اتخلعنا ..

رفعت التلفون قلت ليهم انتو بتعرفوها ؟!

لين : انتي شكيتك لي الله لقيتيها وين انا كنت عايزه افاحئك

ليان : يازوله دي اختنا الحكيت ليك عليها ومعاها تقريبا ولد وبت تاني ياخي رسلو لي صورتا ماتمت ساعه زاتو بس عليك

قلت ليها انتو شغالين شنو يابنات ؟!

ماممكن جبتو المعلومات من وين !!

لين : يختي النت ده ماخلى حاجه

ليان : اديني اسلم عليها ..

بقو يسلمو على بعض وادو التلفون مُهيد بتكلم معاهم وماقادر يمسك دموعو من البكا ء

حسيت كأننا قدام بعض حاليا سقت مهاد ورجعنا الداخليه وخلاااااص اعلنا اننا اخوات رسمي وشعبي ..

سألتها عن امها قالت انه ولادت امها باختها الصغيره شالو ليها الرحم وبعدها ظهر كانسر واتوفت وابوي حالتو الصحيه تعبانه وبسبب المواضيع دي هم اجلو دراستم فتره ويادوب ابوي اتحسن حتى قدرو يواصلو ..

عملنا قروب واتس واضفت مهيد ومهاد ولين وليان ..

بقينا بنفكر كيف نقول لامي ..

ماخلينا فكره اخر حاجه قلت ليهم خلوها كده متى ماتعرف تعرف خلوها تجي تلقائي م ح نخطط لي شي ..

كنت ح اقفل الشبكه وانوم لقيت رسالة واتس ..

( مساء الخير تصدقي م كنت مفتكر اني ح الاقيك تاني حبيت فيك تلقائيتك وخوفك البدون سبب ورجفة يدك وحبيت تصميمك وقدرتك على تخطي الصعاب

حبيتك وانا ماعارف عنك غير حكاوي سمعتها بالصدفه ومن يوم شفتك وانتي معشعشه في بالي حاولت انساك بي علاقتين فاشلات والاخيره قلت اعمل خطوه اخطب لانه انتي مستحيل تجي صدفه تلمنا وخطبت وفسخت الخطبه وقررت اقول لابوي اني عايزك لقيت انه الموضوع اسهل مايكون ابوي قال لي تمام نكلم خالتك وارجع ليك وفي نفس اليوم قال لي انه خالتك موافقه بس قالت ليك شوف رايها هي .. وعرفت من البنات انك هنا ف قدمت للشغل هنا عشان الاقيك وانا ماعايزك تقبلي بي طوالي كده لا اديني فرصه اعرفك علي ده في حال كانت حياتك مافيها زول ) ..

قريت الرساله وانا قلبي شغال دق دق دق زي دلوكة انصاف ..

م رديت طبعا ..

لانه م عندي رد اصلا !!

رسل لي بنتظر ردك

برضو قريتا وقفلت التلفون عديييييل

نمت وصحيت تاني يوم مشيت الجامعه والمحاضره كانت مع عامر واقف بدرس فينا وانا سارحه وكل م عيني تلاقي عينو بخاف

انا مازولة حب وبخاف من الحب عديييييل وماعايزه اتعلق بي زول ولا عايزه زول اخش حياتي ويمشي منها واتوجع انا برااااي بعدين ..

خلصت المحاضره عامر طلع بره الجامعه واتصل لي

عاينت للمكالمه وصمتها

رجع اتصل تاني رديت ..

معليش ي دكتور انا والله م عندي حيل للوجع ولا بقدر احب

واتحملت في الدنيا دي مافيه الكفايه لا عندي طاقه ولا قلب احب بيهم زول تاني كل الباقي من محبه دايراهو لرويحتي دي بتمنى تعزرني وربنا يديك بنت الحلال التسعدك وقفلت الخط .....

الفصل الثامن من هنا

لقراءه باقي الفصول من هنا

عامر رجع اتصل لي تاني رديت ..

معليش ي دكتور انا والله م عندي حيل للوجع ولا بقدر احب

واتحملت في الدنيا دي مافيه الكفايه لا عندي طاقه ولا قلب احب بيهم زول تاني كل الباقي من محبه دايراهو لرويحتي دي بتمنى تعزرني وربنا يديك بنت الحلال التسعدك وقفلت الخط .....

قفلت الخط بآخر نفس عندي وقعدت في بنش فاضي على الطرف وبكيت بكيت كده ماشايفه سبب للبكاء وحاسه بي وجع قلب عديييل ..

لكن معليش اتوجع هسي م بقدر اتحمل افقد زول تاني

حياتي كلها عباره عن ناس تمشي م تجي بس ..

بعد خلصت تفكيري رفعت راسي لقيت عمار فوق لي راسي

قشيت دموعي وبقيت ساكته

قال لي : قومي ح تطلعي من هنا وح تركبي معاي العربيه وانتي ساكته وم اعيد كلامي

عاينت ليه مخلوعه من طريقته طبعا

قمت وانا ساكته ركبت العربيه ولقيت مناديل قشقشت دموعي كوييس وانتظرته ..

ركب وربط حزام الامان لي وليه من غير كلام ودور تلفوني كترت فيه الرسايل فتحت الواتس لقيت في اسكرين فتحتو لقيت عامر مرسل لامي انا زول م عندي صبر وبنتك دي كملتك صبري ح اخطفا مشوار م تسألوني منها وامي بتضحك واخواتي يتريقو ومهاد قالت لي مهيد بدعي ليك من قبيييل لانو هو كلمو برضو ..

احساس انو عندك اهل بتنتمي ليهم ده حلو خلاص ابتسمت وانا بقرا في رسايلم ..

وقف قريب من البحر في شارع النيل قال لي انزلي

نزلت كان المكان هادي والساعه زي 11 صباحا الجو خريفي رهيب عديل اتربعت في الارض جا قعد قصادي ..

شوفي يابت الناس انا م بحب الشي الوسط خااالص

ومابحب الانتظار وم بحب حاجه حبيتا اتحجج بالظروف عشان م اخدتها وبكره اللون الرماد ابيض او اسود م عندي تالت .. ف شوفي انا حبيتك وخطبتك من اهلك الهم اخوك وامك ووافقو باقي انتي الجمعه البكره دي عشان خاطر انك م عارفه ح افوتا لكن الجمعه البعدها ح اعقد عليك اسبوعين بالكتير وح اتزوجك واتزفتي حبيني في بيتنا ..

بتكلم معاي وانا عامله كده 😳😳😳

قلعت النضاره وبقيت مبحلقه عيوني ..

قلت ليه طيب مادام حاسم امرك مكلمني ليه ؟!

قال لي والله شكليات ساااي وعشان م تقولي م كلمتك

قلت ليه : من يومي حاساك مجنون لكن الليله اتأكدت

شوف انا زولة واااضحه وصريحه وم عندي زول في حياتي عشان ارفضك لكن انا م بقدر على الخذلان تاني م بقدر افقد زول م بقدر اضمن غير نفسي ..

عامر : اتأكدي لو خزلتك نفسك انا م ح اخذلك انا راجل تملي بيه شمالك قبل يمينك ياجود الناس وامونتي انا

بقيت اغمض في عيوني وافتح فيهم زي الهبله وقلبي شغال دق دق دق واصل : انتي ماممكن تقفلي قلبك عشان حاجات حصلت في حياتك زعلتك .. وليه م اكون انا عوض ربنا ليك ليه م يكون انا حظك العظيم .. وصدقيني انا ح احبك بي طريقه تخليك تقولي ياريتني لو عرفتك من زمان عندي ليك مشاعر تكفي انها تنسيك وجعك العشتيه وزياده ..

قال كلامه ده ومسك يدي اتنفس بعمق وعاين في عيوني

انا ياامونه متمنيك متين تخشي بيتي بس وح اشيلك جوه عيوني ..

سرحت في عيونو زي دقيقه كامله وانا بعاين في عيونه وملامحه .. قلت ليه :

طيب ليه اخترتني انا ؟!

عامر : القلب ومايريد

جريت يدي ورجعت لبست النضاره استعدادا لاني اقوم ..

قال لي دي معناها زمنك انتهى مش ارح اوصلك مكان ماشه

بعد كلامه حتى اتزكرت الحجز والعروس ..

قربت اجري لقيت منها كم اتصال قلت ليها قريبه منك انا وفعلا دقايق ووصلوها خلصت ليها الساعه كانت 4 طلعت منها لقيت عامر واقف جيت عليه قلت ليه : انت لسه م مشيت ؟!

قال لي مشيت وجيت وجبت معاي اكل ارح ناكل ونطلع اوصلك الداخليه قلت ليه اكل انت وانا باكل لما اصل م سالني تاني وصلني الداخليه واداني الكيس لقيت مهاد في وشي واستلمتني اسئله مشيتو وين وقلتو شنو وعملتو شنو ومالك قال طولتي ؟؟!!!

اديتا الكيس وقلت ليها مهااااااد ارح ننحشي عارفاك من تكتري كلامك بتكوني جعانه ..

اكلنا وحكيت ليها وكل مره تعلق لي وااااااي بالله الدكتور اب وشا جامد ده طلع بحبك ؟! وبضحك ياجود بضحك بعرف ؟!

قلت ليها بري ماحصل شفتو ضحك ..

بتاكل فجأه وقفت اكل وقامت تنطط !!!!

يابت مالك جنيتي قولي بسم الله

جبت ليها مويه مالك ؟! حرقتك شطه ..

شطة شنو يابت حسب كلامك ده معانا ح يكون عندنا عقد الجمعه الجااايه ووووووب م انحبست ولا ظبطت شعري ولا عملت شي عايني ارح نجيب كريمات وله اقول ليكي ندخنك نحفر ليك حفره هنا ..

عاينت ليها من فوق لتحت ..

عايني كملي اكل وامشي اتخمدي بلاوكلام فارغ معاك

بقت ترغي ركبت سماعتي ومشيت منها وانا داخله على الحمامات مريت بي غرفة مياده ..

فتحتها لانه مازال المفتاح عندي ..

الدنيا خربف والمطر شغال بره كان

اول مادخلت قلت بسم الله السلام علينا وعلى عباد الله الصالحين كل الناس لو قالو انك م كنتي موجوده انا ح اقول ليهم العكس لانك كنتي موجوده معاي وياما طمنتيني واكلنا سوا ونمنا سوا غض النظر عن انتي كنتي شنو انا بعتبرك صديقه وصديقه صالحه كمان .. جايه الليله اقول ليك انو انا اتحدد عقدي وقصتي نفس قصتك بس يمكن انتي كنتي بتحبي استازك بس انا لا بحبه ولا بكرهه ولو كنتي موجوده كنتي نصحتيني ابعد من البنات وفعلا انا بعيده منهم ومالي غير باخواتي عارفه ح تكوني سامعاني وح اتصدق عشانك كتيييير ولو ربنا هونا ولقيت عندي امكانيه ح اعمل اوقاف باسمك وقفت مسافه وانا ببكي كده من غير سبب وطلعت قفلت الباب مشيت الحمام وجيت صليت ونمت ..

عمار متواصل معاي صباح الخير ومساء الخير بس

مر الاسبوع عادي حتى اخواتي كانو بقولو لي انهم مشغولين ومهاد زاتا بقت تطلع كتير كتر خير مُهيد البجي يفرق لي بين فتره والتانيه مافي زول جاب لي سيرة عقد تاني ولا حاجه

يوم الخميس مهاد قالت لي ياجود تعالي حنني لي يديني جربي فيني شخابيطك دي ..

قلت ليها مادام شخابيط عايزاها ليييشنو ؟!

مهاد: يختي هي متفتري علي كان ماعقارب ودبايب متباخله بيهم كده ارح ارح انا منتظراك

مسكت يدها وقلت ليها الا تغمضي لانه ح ارسم ليك رسمه ماحصلت جاتني وغمضت فعلا ومسكت يدها رسمت ليها عقرب وثعبان على شكل تاتو وزخرفتهم ليها وبقيت بهب مع المروحه لحدي م نشفت الرسمه قلت ليها فتحي غسليهم

بقت تكورك انتي ده شنو ده الواحد مايهظر معاك !!

قلت ليها بري رسمت ليك عقارب ودبايب

بعد شويه جو بنات الغرفه كلهم ويشكرو في الرسمه وعجبتم

واليوم داك الغرفه كلها مليتا عقارب ودبايب ياقول مهاد

وحده فيهم قالت لي الا تحي ارسم ليك يديك قلت ليهم لالا ماعايزه

مهاد قالت لي لييييه يختي يقولو باب النجار مخلع !!

البشوفنا يقول البتحنن م محننه !!

قلت ليها حسستيني نحن في بيوتنا وبنتنافس ..

مسكوني حننو لي يديني جدعات بنوتيه بسيطه وماخليتا نشفت غسلتها بنيه ..

الساعه بقت 8 مساء اتصل لي رقم غريب ....

الفصل التاسع من هنا

لقراءه باقي الفصول من هنا

جاني اتصال من رقم غريب يوم الخميس الساعه 8, مساء

الرقم سوداني فتحت الخط جاني صوت امي !!

من الخلعه قفلت الخط ..

رجعت اتصلت تاني رديت وم اتكلمت

امي : اطلعي باب الداخليه نحن بره في الرسيبشن

مهاد تعاين لي : مالك ؟!

قلت ليها امي بره

انا مخلوعه وهي ولااا على بالا شالت ليها شنطة ضهر وكم كيس ولحقتني جيت الاستقبال لقيتا هي واخواتي ومهيد بره وعامر معاهم قلت ليهم بسم الله انتو مالكم وجيتو متين !!!

اخواتي حضنوني وبقو يباركو لي ومهاد واقفه بعيد تعاين لينا جو عليها لين وليان بقو يسلمو عليها وانتي احلى من الصور وطلعتي حلاااتك ليان قالت ليها واااو انتي في عمري

امي انتبهت ليهم سالتني دي منو ؟!

9ك ممكن عن : يعني اختي بنت ابوي !!

امي: وانا اقول وشها مألوف ليه !! وانتي بتعرفيها من وين ؟؟!!

قلت ليها : امي انا م بحب افتح الجروح القديمه خلاص انسي انتي حاليا ماشاءالله متزوجه وعندك اطفال وديل اخواني زي لين وليان اخواتي ..

امي : واخواتك عارفين ومالكم ماكلمتوني

ليان : مفاااجأه ياامي ونحن م كنا عارفين نجيبا ليك كيف زاتو كويس انك عرفتي براك

مهاد جات تسلم على امي امي رفضت تسلم عليها كانت ح ترجع الداخليه قلت ليها لالا م ترجعي ارح معانا البيت مأجرين شقه والامور شويه شويه ح تتصلح وانتي اكيد م لايماها لانو العملو فيها اهلك م هين

مهاد : ولو اني م عندي ذنب لكن اسوي شنو ح اتحمل عشانك بس لانو انا زاتي بعد عرفت زعلت من امي وابوي وخيانتم ..

ركبنا انا والبنات مع عامر ومُهيد طلب يمشي مع امي ساقت معاها اخواني الاولاد واكياس مهاد

وصلنا الشقه نزلو بس عامر قال لي انتي خليك ماتنزلي

خليناهم في وقفتم مادخلو واتحركنا نحن مشينا مسافه م طويله ونزلنا في مطعم ..

طلب عشاء وقال لي : مالابسه نقاب مالك ؟!

قلت ليه : جيت مخلوعه وانت شايف انا لابسه عبايه كيف كيف وسفنجه وهم قالو م ارجع اغير ملابسي ..

يادوب انتبه لشكلي طبعا ضحك لما الحوالينا انتبهو وهو زاتو بقى يحمر ليهم واحد واحد ربعت يديني في التربيزه وقلت ليه : عامر م سمعني طبعا يمعني متأخر

عامر : عيون عامر

_ تصدق ضحكتك حلوة

عامر : اعتبره غزل صريح

_ لالا اعتبره دعوه للضحك وماتكشر وشك تاني

بقى يضحك زياده وبعاين لي وانا قربت اسيح والحمدلله الاكل وصل وانتبه مع الجرسون بقيت منتظره متين نرجع

اتعشينا ورجعني البيت الشارع كله م كان بتكلم بس بتلفت ويعاين لي مرات يبتسم ومرات يغني مع الاغاني المشغله ..

قلت ليه : صوتك حلو م قاعد تتلو قرآن ؟

عامر : أكيد ومسجله كمان تحبي تسمعي ؟!

قلت ليه : ياريت

فتح تلفونه ووصله وبدأ يشتغل ياااااه على سورة يوسف بي صوتو م اتمنيت اوصل قبل تخلص مع انه كان مهدي السرعه انا بس متكله على الكرسي ومغمضه وبسمع فتحت بعد مسافه واكتشفت اننا واقفين من فتره وهو بس بعاين لي ..

_ اححم مالك م قلت لي وصلنا

عامر : منو القال وصلنا ارجعي نومي

_ مانايمه خلاص هاك حول لي

عامر : شيلي التلفون معاك واسمعي براحتك وحولي العايزاه وبجي اشيلو منك بكره ان شاءالله

شلته وفتحت الباب قلت ليه تصبح على خير وصباح الخير لانه ماعندك تلفون

عامر : دي احلى صباح الخير باليل ..

دخلت لناس امي ولقيتم نومو اخواني الصغار وامي زاتا نامت اخواتي صاحيين ومهاد تنضم سااااي م خلت شي اظن حكت ليهم من وهي بتحبي ..

انا قعدت معاهم شويه ومشيت فتحت تلفون عامر وشغلت سورة يوسف من البدايه وبقيت بقلب في التلفون والصور

عندو فديوهات رهيبييبه واتاريه من المشاهير في تك توك

قفلتهم والقران شغال كنت ح انوم ..

جات داخله مهاد : الناس بنومو بالبقره لكن سورة يوسف دي جديده علينا ..

_ مهاد بطلي سجمك ده انا نعسانه

مهاد: يختي قولي عاجبك صوت القاريئ بس

_ مهاااااد بطلي

مهاد : بناااات اجررو

جوها جاريين لين وليان مالك يابت ؟!

مهاد : اسمعو الصوت ده منو ؟!

لين وليان في نفس اللحظه : عامر !!!!

خلاص تاني ماسكتو وبقو يتكلمو وصوتو حلو وحظك وبتاع

تلفوني اتصل سكتم الحمدلله

رديت : وعليكم السلام

جاني صوت عامر تفتكري ح يجيني نوم وم سمعت صوتك قبل انوم

قلت ليه : اعتبره غزل

عامر : لا انتظريني كم ساعه بس

قلت ليه : ليه في شنو بعد كم ساعه ؟!

عامر : ولا شي ح اتغزل فيك غزل فاحش

قفلت الخط وصمت التلفون ودخلتو تحت المخده ونمت طوالي ..

صحيت تاني يوم لقيت اخواتي صاحيين اصلا وم مخليين شي فواكه وشي خبايز !!

قلت ليهم ياخ ماتتجمعو طوالي حقيقه جمعتكم حلوة وفيها اكل وخبايز اتسوكت وجيت اكل من طرف واخواتي تقول مشاكلاهم ولا وحده فيهم م اتكلمت معاي ..

شربت الشاي ومشيت الغرفه بقلب في تلفون عامر م خليت مكان فضول ساااي ياخ حتى الايميل فتحتو

الساعه بقت 11 نادوني الفطور مشيت فطرت وامي قالت لي جووود ؟

قلت ليها نعم !!

امي : يابت مالك لا ماسك لي وشك ولا لفيتي شعرك

لين جنيتي مالك ماعرستي ماتقومي على البنت دي

لين : امي اسكتي

امي : اسكت شنو مافي زمن زاتو باقي اقل من نص ساعه

والارتست توصل !!

طبعا جاء في بالي كلام عامر وحركاتم دي

قلت ليهم امممم وعاملين انكم م مكلمني خلاص براي بلف شعري بقو يضحكو فيني قالو لي امي بوظت المفاجأه ..

قلت ليهم فالحين والله وح تستمرو لحدي متين بعد تجي الارتست ح تمكيجوني كيف نايمه ؟!

قامو يفتشو في فساتينم وجابو لي فستان امي قالت لا انا جايبه ليك توب طلعته لونه كبدي مشغول بي ذهبي خفيف قريب من البيج والتاج في طليع حاجاتم ديك جات الارتست

قالت ليهم ببدأ بالعروس وم طولت كانت ظبطت وشي والتسريحه ولبسوني طوالي وانا اكتر شي باسطني لمة اخواتي حوليني احساس اتمنيتو طول عمري ..

كويت لمُهيد جلابيتو بي ميكبي ركوب راس بس

وطلع الصلاه بعد الصلاه اتصل لمهاد وبقو يزغردو وكده عرفت انهم عقدو 10 دقايق وجونا عامر ومُهيد واصحابم

دخلو اول مُهيد واصحاب عامر باركو وطلعو بعدها البنات وامي جو باركو لي وطلعو كلهم خلوني برااااي

اقل من دقيقتين وكان عامر في الباب 🙈

الفصل العاشر من هنا

لقراءه باقي الفصول من هنا

عامر جاء داخل لقاني مبشتنني وقالو الا يغطو لي وجهي وليه عشان اول مره اعمل ميكب ..

دخل وقفل الباب واتكل عليه

عامر : ياسلاااااااام م قادر اصلك تصدقي مبسوط مبسوط لما رجليني م شايلني م اتوقعت اليوم ده اجي

براحه قلت ليه اجيك انا

قال لي يارييييت قمت وصلتو وقلت ليه اتفضل

عامر : سحب التوب من وجهي

لا اله الا الله بسم الله ماشاء الله ياخ مبروووك علي امونتي ..

قلت ليه جود لو سمحت

عامر : جود للناس وامونتي براي

قعد جمبي وبقى يحصن فيني قال لي : تصدقي بعد كده انا ح اخليك تحبيني غصبا عنك وانتي حلالي م اخت قيود ولا زمن ح انتظرك لحدي تحبيني من غير ضغط

قلت ليه شايفاك متأكد ..

قال لي : وم اتأكد ليه ح اثبت ليك عديل

باس يديني الاثنين وقال لي الواحد مايخطفك هسي

قلت ليه سجمي داير تعمل لي سمعه بقى يضحك ويقول لي سمعه مع زوجك ياغبيه ..

انا طول القعده اي غزل منو بحاول اخليه يضحك بس لسببين اولا مادايراه يتعمق في كلامه ده وتاني شي ضحكتو حلوة 😉

قعد معاي زي نص ساعه وطلع

انتهى يوم العقد واخدنا يومين تاني ورجعنا انا ومهاد الداخليه وناس امي رجعو سافرو لانو لين زوجها ح يستقر معاهم في السعوديه كان في تركيا ..

كنا في السنه التالته انا ومهاد في التانيه عندها صحبات كده اصلي م ارتحت ليهم وشكلهم كان خالص م مريح + بيتكلمو عن بنات الدفعه بحقد شديد مثلا فلانه شييييينه وحابه فلان سمح ووسيم ومرطب تقولي تدقيها وتقلعي منها م بعرف شمو العجبو فيها ..

مره برضو قالو البروف بتاعة دفعتم م قاعدين يشوفوها بتقرا الا يكون بتغري الدكاتره ويدوها علامات لانها حلوة وانيقه ..

يعني كلامم كله بالشكل ده ومهاد كانت مركزه مع القرايه شديييد يجو يلقوها مركزه يقوموها قوومي اعملي لينا ميكب قومي صورينا قومي بتاع وكم مره بتكلم معاهم

مره وحده فيهم قالت لي عرفة متين ياختي وانتي م دفعتنا زاتك م من حقك تدخلي ..

قلت ليهم دي اختي وعرفة متين دي تقولوها لنفسكم واتلمو اقرو قرايتكم بدل لافين والنتايج تجو تتبكو ..

بقو بحسهم قاصدين مهاد عديييل انتهى السمستر ومهاد مركزه شديييد وكل مره بتقول لي لااازم اكون بروف الدفعه

انا مجتهده وبقدر اعملا .. طلعت النتايج وفعلا كان معدلا 4 ولو انها مابراها لكن هي فعلا كانت شاااذه

ومن هنا بدت حزازيات البنتين معاها وهي مابتطلع الا معاي

كم مره بحاولو يطلعوها بره الجامعه

وانا وهي كنا بنرفض وصراحه م كنا عارفين نعمل شنو بالضبط نحن عارفين انهم قاصدنها وده لانو ال