رواية حياة فرفوشة بقلم ايسو ابراهيم | كاملة

ممكن رقم باباكي بصت باستغراب للي بيكلمها وقالت: ليه هتبعتله فلوس على فودافون كاش بصلها بصدمة: إيه إيه مش عليك فلوس لبابا؟ طب ماتبصليش كدا عايز رقم بابا ليه حاول يتخطى ردها وقال: لا خلاص مش عايزه شكرا وسابها ومشي تحت استغرابها وقالت في نفسها تلاقيه بيعاكس ولا اتلخبط ومشيت هي كمان رجعت البيت وهي مبسوطة إنها اشتغلت أخيرا وإنها تكون معتمدة على نفسها وطلعت فلوس من شنطتها وهي بتخبط عالباب وفتحت والدتها بضيق من تصرفات بنتها حطت بسمة الفلوس قدام عنيها وقالت: أول مرتب ليا أهو يا ست الكل وهجيب كل اللي نفسي من غير ما كل شوية أطلب منك فلوس للاوردارات وكل شوية تأنبي في ضميري وبصي يا ستي جيبتلك كيلو مشكل بمناسبة أول قبض ليا بصت لها والدتها وقالت: طب ادخلي يلا ياختي سمعتي الجيران كلهم بكيلو الحلويات اللي جبتيه ليا حضنت مامتها وهي بتضحك وقالت: عشان يعرفوا إني فيا خير لأهلي هروح بقى أتصل على بابا...