رواية حيادر الراء . الفصل التاسع عشر 19 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

وهية داتسولف أنتبهت على السنسال الي لابستة أني وكالت :- لحظة لحظة هذا السنسال منو انطاه الج رتوج حيدر مو ؟

- ها اي
- صدُك ولله شـنو هاي أني الكـم
- تره گُلشي مـاكو

- رتوج أني حواء الكفها وهيه طايرة داده من نرجع گُلشي تسولفيلي عيني

- ان شاء الله
- ولله عـارفة من زمـان اكو شي
- دسكتي حبيبـة هسه هوه شكـو مو مثل لبالـج

- هههههه دللي داده دللي يا عيني سكتنة المهم كومي نكوم يم البنات وأعرفج عليهن

- يلـه

كمنة دخلنة المطبخ مليان بنات كالت حواء :- هلا بنات

- هلا

التفتت عليه وكالت :- شوفي رتوج هذن مريم وملاك ورقية ورسُل واخوانهن كيان وكنان وعثمان وضياء وعلاء يصيرون ذول كُلهم ولد وبنات الشيخ

- هاي ليش لهدرجـة أسمائهـم مرتبيها ؟
- همه هيج قبل يرتبـون بالاسماء ترتـيب
- اي كمـلي بله

- المهم و أخو الشيخ عنده داليا وعليا واخوانهن متيم وميثم وأشهم وأيهم

- ولج هاي شـلون حافضتهن هيـج يُمه
- هذا شي بسيط بعد اعددلـج اعمارهـن ومنو مـتزوج ومـنو لا

- لا بربج
- دسمعي سمعي

- ولد وبنات الشيخ بس لكبار متزوجين ضياء وعلاء وعثمان وزوجاتهم يم اهلهن

- ليش ؟

- نضام دائما من تصير عزيمة كُل واحد يودي زوجتة يم اهلها علمود يتجنبون المشاكل اما البقية بعدهم دايكملون دارسات ناسية تخصصاتهم والبنات بس ثلاثة متزوجات مريم وملاك ورقيه رسُل بعدها

وأخو الشيخ عليا متزوجة والولد متيم وميثم وأيهم هم متزوجين والبقيه داليا وأشهم هم دايدرسون

- احفـظ ذول انسى ذول
- ولج يُمه لحكيلي شوفي رتـوج ولله سهـلين

عادتهن الي من البداية حفظتهن شوي أجت بنية وكالت لحواء :- ولچ حواء عيني هاي منو البنية الحلوة الي وياج ؟

حواء :- ريتاج أمي تصير عمه امها رتوج هاي رسُل بنت الشيخ

ريتاج :- على راسي حبيبي

رسُل :- يا عُمري فدوة

رجعن يحضرن بالغدة واحنة رجعنة يم أمي أجاني فضول اسئل حواء على الولد ليش حيدر كال لاتقربين الهم وحتى البنات

- اكُـلج حواء
- كـولي داده

- ليش حيدر ميقبل نتقرب على البنات وعلى الولد

- لا بالعكـس البنات عـادي بس الولد رغم همـه مبينين مؤدبين ولج حتى من يدخلـون وأني بالمطـبخ لو مرة غريبة عليهم ينزلون راسـهم مرة جنت بالمطبخ دخل كنـان بس شافني نزل راسة وأجه اخذ الجاي للديوان

- لعد ليش ؟
- ولله مادري أخوي اعرف بعد

وره ربع سـاعة أجن البنات وصبن الغدة النسـوان وحد والولد بالديـوان تغدينة وكمـلنة وكمنة أني وحواء نغسل وره شويـه اجت بنية :- حواء

- ها داليا
- أكو أثنين زلم برة دايصيحولج
- ماشي

راحت لبنية ورحنـة الهم أني وحواء طلعو حيـدر وحُسين رادو المـلابس علمود يطـلعون وي الولد يسـوون مشويات على العشـة وعلى الشـط حُسين راد دشداشة وشمـاغ وحيادر هم

رجعنة للجنط حواء طلعت لحيادر دشداشة سوده وشماغ بيجي وأني طلعت لحُسين دشداشه بيضة وشماغ أسود وسبحه سوده

رحنة ودينه الملابس الهم رحنـة كعدنـة يم البنات وين النسوان وبدت السوالف ما حسينـة على الوقت وسمعنـة أذان المغرب كامن البنات يصلن وكمنه أني وحواء وياهن دخلنه الصالـة بس احنه والبنات بيها حضرن ثلاث سجادات

راحت داليا جابت سجادات النة رحنة توضينة ورجعنة كملنه صلاة والبنات هم كملنة وضلينة نسولف وره فتره أجو الولد وجابو العشة بدن البنات يحضرن ويصبن واحنة رجعنة

دقايق وانصـب العشة تعشينـة وكملنة وكمنة وكامن البنات يغسـلن الاماعين أني وحواء كمنة وراهن للمطـبخ وره وقت خلصن الاماعين

كعدنه فتره نسولف خلصنة وكامن البنات يفرشن وكالت حواء :- بنات الغُرفة الجنت انام بيها هم اريد انام بيها هسه

رسُل :- صـار بس ارتبهـا الج

حواء :- بعد روحي

رتبتها وكملت وصـاحت النة :- كومي اذا تـريدن كملتهـا

حواء :- يله رتوج نكوم ؟

ريتاج :- بكيفج

حواء :- يله تره الساعة بـ٢ ونص

ريتاج :- صعـدي أني اجي وراج

صعدت ورحت خذيت التلفون ورحت الها صعدت للغُرفة مرتبة :- هاي غُرفة داليا

- ولله مرتبـة

- گُلش يله راح اخد ملابس وانزل ابدل وانتِ وراي

- ماشي

خذت ملابس ونزلت اني رحت للجنط هم طلعتلي ملابس عريضة رجعت وكالتلي :- يله نزلي بدلي وصعدي على السريع

- صار

قبل لا انزل أجاني مسج فتحتة جان حيادر داز :- فستق لاتنامين انتظريني

- ليش ؟

دزيتله ليش ومارد نزلت ابدل كملت وصعدت دخلت أباوع على حواء هاي بسابع نومه شوكت نامت

سـويتلي مجال يمها وبقيت كاعـدة انتظر حيادر وره نص ساعـة من انتظاري دز :- كاعدة ؟

- اي
- نامو الي يمج ؟

- اي
- حتى يمي تنزليـن نطلع ؟

- وين نطلع وليش ؟

- بـدون ليش أكو مُكان هُنا بالبسـتان گُلش حلو ويمه شط نـزلي اريد اشوفج شغـلة بي

- بله كعدو ؟
- محد يكعد نطلع من الباب الخلفي
- وين صاير ؟

- وره البيـت راح اطلع أني ربع سـاعة ونزلي فستقي والبـاب الي يطلع لورة البيت يـصير بنهاية الصالة

- ماشي

دزيتله ماشي ومـرت ربع ساعة طلعت ونزلـت البيت كُله نايـم رحت للصالة محـد نايم بيها فتحت الـباب على كيف وطلعـت شفت شجرة جبيرة وجواها جان بـاب مفتوح قليل

تمشيت اله وطلعت بره سمعت أقدام مشي شويه وسمعت صوت حيادر :- أني هُنا

التفت لكيـتة حاط كتفة على الشـجرة أجه بأتجاهي :- هلا

- الف هلا يبعد اليدك باليسرة

جر أيـدي وكال :- يله تعـالي ريتـاجي

- وين حيادر ؟
- هسه اكُلج وين يا عيناه لحيادر

تمشينة مـسافة وكفنة كبـال شجرة شغل فـلاش التلفون :- شـوفي هاي هُنا ذكرة محـفورة بهاي الشـجرة

- الله حلوة
- أنتِ بنص گلبي ولله

أبتسمت وكال :- تعـالي نكعد هُنا قريـب على الشط

رحت كعدنة واحد بصف الثاني وضوة الكُمر علينة سكتنة وقت وكال :- ماريد أكوم منا ما اريد تخلص هاي اللحظة احسها حلم بس أكوم افتح عيني ويخلص هذا الحلم فستقي بويه ضلي يمي طول العُمر

- ما تـمل مني ؟
- شايفه هـاي الروح امل منـها ومنـج ما امل

- خجلتني
- يلوكلج

سكتنة وقـت وكال :- نكوم نتمشة سوه ؟

- بكيفك
- يله بويه

كمنة سـوة ما ردت وقتي وياه يـخلص أبدًا حبيت اخلـص هذا الوقت بالـذات وياه كمنة تمشـينة سوه شويـة وكفنة كبال شجرة :- تاكلين ؟

- شنو !
- توت
- اي عادي

كطع كم وحـدة وغسلهن وأجه انطـاهن كلتهن وكمـلت وكتـله :- اريـد اغسل

- تعالي

رحنة كدام حنفـية سحب أيدي وغسلهـا :- تره اعـرف ؟

- ريتاجي ميخالف

كمل شال الغترة الي مخـليها على كتفة وبدأ ينشـفهن :- أيدينـج والعافيـة يتشابهـون

- ولله
- وداعتج

كمل وكال :- يله تـعالي

- ندخل ؟
- لا تعالي

رجعنـه للمُكان وكتله :- شوكت ندخـل ؟

- هسه شويه

بقينة شويـه نسولف وكال :- يله تكومـين تدخلين لو حـبيتي الوقت ويـاي ؟

- الصراحة ؟
- أي !

- الصـراحة أي
- عقبـال تحبيني

كمنة وحضني وخر وكلته :- شلون راح ندخل بله احد كاعد ؟

- كولي يالله ودخـلي
- وأنتَ ؟
- بس يـأذن ادخـل جوه

حركت رأسي بمعنى اي ودخلت من الباب ودخلت للصالة وكبل للغُرفة صعدت لكيتها باردة وما باقي شي على صلاة الفجر ضليت كاعدة أذن نزلت توضيت وصعدت صليت ونمت كعدت الصبُح ساعه تسعة جانن البنات كُلهن بالمطبخ دايحضرن ريوك

احس راسي بدأ يأذيني عفتـة ورحت يم أمي شويه وجابو الريوك تريكنـة وكملنة رحت اغسل وصعدت فوك ادور على العلاج مال راسي ماكو ادري بي أذا يضل هيج راح يقوة

ازدواجية الرؤية بدت عندي بس قليل نزلت يم أمي :- يُمه تندلين علاجي

التفتت عليه :- شبيـج بيج شي ؟

- راسي ديأذيني قوي

- دورتي على عـلاجج ؟

- بس مالكيتة ناسيتة هُناك

- هسه اكوم اصـيح حُسين اخـلي يجيبلج روحـي نامي لا يزيد

رحت صعدت فوك تمددت وغمضت عيني كعدت على حواء ورسُل فوك راسي كوه داشوفهن وكالت حواء :- كومي صارلج ساعتين هذا دواج داده

نطتة الي ورسُل انطتني كـلاص مي شربت العـلاج ورجعت نمت كعدت هدوء والدنيا ليل صـايرة رأسي الم قليل بيه فتـحت تلفوني بي مسـجات هواي اول ما فتحتـة اجاني مسج :- ها كعدتي شلون صرتي فستقي بالي يمج

- ما بيه شي حيادر زينه
- ليش ما جبتي علاجج وياج ؟
- حيادر تعبانة ولله اريد انام

شاف الرسالة ومـادز بعد شي نزلت جوه يم البنـات لاكتني أمي :- شلون صرتي ؟

- زينه الحمدُلله
- الحمدُلله

باوعت عليه حـواء وكالت :- تعالي رتـوج وراي

- جايه

رحت الها وكـتلت :- حاجيـة وي حيدر شي ؟

- اي ليش ؟
- لعد من هيج مكلوب عليه

- شبي وياج ؟
- مابي بس عصبي اول تالي يعصـب شنو كلتيلة بله ؟

شوفتها المحادثه وكالت :- غير باله يمج يا رتوج ليش تكُليله هيج
ريتاج : ما كُتله شي بس تعبتنه واريد أنام وثاني شي ما احب احد يكُلي ليش سويتي هذا الشي وليش سويتي هذا الشي أساسًا ما احب احد يقيدني

- من خوفـة عليج يا روحي أنتِ تعرفين منو جاب الج العـلاج ؟

- حُسين ؟

- لا طفر هـوه وياه أني اكُلج حقج بـس مو هيج تدرين كُل شـوي يجي عليه وكايلي ضلي يم ريتاجه حـواء صعدي شوفيها حواء تعـالي حواء لا احد يكعدها حواء خلوها وحدها تكعد وداعتج كُل شوي صاحلي

- ما قصدي اضوجة
- اعرف داده يله زعل حبايب

أبتسمت وراحت بقيـت يم أمي شويه وكالتلي :- تغديتي ؟

- لا وماريد اطلب استحي ؟
- هوه شنو بكيفج

- عليج الله ولله استـحي
- ماكوو رسسسُل

اجت تركض وكالت :- كولي خاله

- بعد خالتـج صبي لريتاجه غده
- صار

راحت ربع ساعه وجابت الي صينيه بيها گُلشي :- ما اكُل أني هالكد

- شنو السـالفة حبيبتي اكُلي اليعجبج الـف عافية

كامت وراحت تغديت وكملت شلت الصينية وديتها بالمطبخ بديت اغسلهن وضميت الاكُل الباقي واني داغسل الاماعين دخل رجال وكال

أشهم :- داليا تعالي

درت وجهي باوع عليه ودنك راسة :- العفو اختي حسبالي داليا

كال هيج وطلع كملت الاماعين وصـعدت فوك تصفحت بالتـلفون ودزيت لحيادر :- حيـادر موجود ؟

دزيتله مسج ماكو جواب رجعت نزلت يم حواء والبنات وكُل شوي ارفع تلفوني خاف داز حيادر وما ادري بي

اخر شي نزتني حواء وكالت :- على كـيفج وي التلفون أساسًا منو يراضي على التلفـون اذا مو وجه بوجـه ما ترهم

- لعد شسوي ؟

- أني ارتبها الگم باليل

- اوي فدوة

- دللي تعالي وي الـبنات هسه خلي نسولف على يـصير العشة

- جاية

رحنـة الهن أني وحواء لكيناهن دايطبـخن للعشة تعشـينة وكملنة مر الوقـت وكامن يفرشن وأني وحواء صعدنه فوك :- تعالي نسـولف

- المهم اي رتوج دزيتيلة مسج وره السالفة ؟

- اي ما جـاوب

- اكيد ما يجاوب شوفي اتصل عليه اني واكُلة رتوج تخربطت شتكولين ؟

- لا يقلق بالزايد

- شو باوعـيلي هوه كلي اي شي يـصير الج كُليلي وهسه راح اخـابرة واكُلة

- زين وكتيلة شيسوي بعدين ؟

- ادبر الكم طريقـة واخليكم تحـجون سوه ثـواني

راحت جابت تلفونها وأجت وكالت :- يله راح ادزله

- بس على كيفـج بالجـذب مو تكُليله فـاقدة لا بس كُليـله دايخة شي

- يمي

شويه ودزتلة :- حيـادر رتوج ما اعـرف شبيها

- شبيها صاير شي ؟

- ما اعرف بـس كالت عُيوني دايـأذني

- خلي تشرب علاج واذا صارت زينة خلي تنزل الي جوه مثل أمس نحجي

- ليش وين نزلتو أمس ؟

- بدون ليش

التفتت عليه وكالت :- سـولفي عيني وين نـازلين أمس ؟

- نزلنة جوه على الشط

- متطوريييين فـدوة الكم شكد حلوين معـليكم اذا ما تصالحـتو أني اصالحـكم

- لا ان شاء الله نتصالح

- آمين

مرت نص ساعة صارت ساعه بثلاثه الفجر دز مسج وكايل :- كاعدة ؟

- أي
- شلون صـرتي ؟

- الحمدُلله
- تكدرين تنزلين ؟

- اي
- عشرين دقيقة ضبـط وانزلي واطلـعي من البـاب الخلفي

- ماشي

باوعت حواء عليه وكالت :- تمت المُهمة هسه نعسـت اريد أنام تصـبحون على خير الصبُح بـشريني اريدكم متصـالحين

- ههههه دللي

مر الوقت ومرت عـشرين دقيقة ونزلت للصالة وطـلعت بره شفت الباب الخلـفي مفتوح قليل يعني طـالع قبلي طلعت لكيتـك منتظرني بصـف الباب كتله :- اهلا

- اهلا تعالي

لزم أيدي ودخلها بجيب التشيرت مالتة :- أبويـه اذا تتضايقـين مني كُليلي تمـام ؟

- لا ما اتضايق ليش حتى اتضايق حيادر

- أريد اسئلج سـؤال اريد تجاوبين بكُل صـراحة

- اسئل ؟

- عندج مشاعر أتجـاهي أعرف هذا السـؤال مو وكتة بس رايد منج جواب

- الصراحة هسه ما عندي اي مشاعر أتجاهك

تنهد تنهيدة طـويلة :- هسه ؟

- اي يعني داقصد حاليا
- يعني وبعدين ؟

- ما اعرف احتمال يصير
- الحمدُلله

- تعالي نكعد يم الشط
- يله

رحنة كعدنة على الشط والهوة شويه عـالي ضلينة نص ساعـة ساكتين الى ان نطـق وكال :- شلون صرتي ؟

- زينه شوي احسن

- مرضج مرضي فسـتقه ردح ضوجني قلقـان عليج وكُلتيـلي اريد أنام وأنتِ ما صـار الج هواي من كاعـدة من النوم

ضل يحجي وأسمعلة الى ان سكت وكتله :- حيادر أني ما احب گُلش ما احب من واحد يكُلي ليش سويتي فلان شي وليش يعني أني من نسيت علاجي مو متقصدة ولا عمدًا نسيتة يا حيادر

- هاهية بويه

سكتنة شويه وكتله :- ما زعلان مني

- چؤ
- عليـك الله ؟

- ويهمج ؟
- أكيد

سكت وكتله :- يعني هسه ما زعـلان ؟

- لا

كال هيج وحُضني تبعد وكال :- أجيبلـج توت يا توت ؟

- اي
- ابقي هُنا اكطعهن واغسلهن وأجيبهن
- ماشي

راح ما طول عشر دقايق ورجع كعـد بصفي وكال :- أخذي يا قُره عيني أنتِ

خذه أيدية خلاهن على خشمة وسحب نفس وباس أيدية سحبتهن وكتلة :- تره هاي كُلها ذنوب تتسجل عليك يكون بعلمك !!

- أني اريدها اقدسها الج اذا هيج الذنوب

- أني معلية بالأخرة ما اريـد اي ذنب ينحسـب عليه من نتكابل أني ويـاك بالأخرة

- أكله لاتسجل أي ذنب لريتاجي كُلهن سجلهن بقائمتي اهم شي فُستقه نظيفة قائمتها هسه الكاها ممتلئة ماكو مجال القائمة مالتي

- ههههه أستغفر الله ربي

- أستغفري فُستقه أستغفري اهم شي الاستغفار علمود ما يتسجل عليج أي ذنب

- ههههه صار لان أني معلية

- هاي ليش بعدنة لا احبك ولا تحبني وهيج تبريتي من ذنوبي هاي بدال ما تكليلي حبيبي صدُك جذب أني اخذ ذنوبك كُلها

ضربتة بأيدي على ايده وصاح :- أخ هاي ليش ؟

- حبيبي شنو
- يا بويه على هاي الكلمة ؟

- أي بله سـوالف متسرسرة
- غير أنتِ مـسرسرتني

- أني شعلية أنتَ هواي متسرسر هاي الايام
- ههههه

ضحك وكال :- محلى التـسرسر وياج

- أي تكيف على الذنوب أنتَ
- هلا بيهن ذنب ذنب

ضحكنة وكال :- يله ندخل ولو مو من كُل گلبي

- داكول منك من الله
- ههههه يله

رحنة تمشينة ووصلتة للباب وكال :- دخلي قبـلي فستقه وراج بـشويه ادخل أني

- ماشي

دخلت وعفت الباب الخارجي مفتوح دخلت من الصالة وصعدت كبل فوك للغُرفة

وره مده تقريبا نصف ساعة او ربع وسمعت صوت مسج عبالي تلفوني شفت تلفوني ما جاي اي شي

شفت تلفون حواء صاير على الميز أستغربت مسج وبهذا الوقت رحت شلت التلفون وفتحتة دخلت على المسج مكتوب

- مرحبًا أني مُلهم

....
يتبع ⬅️ - البارت التاسع عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.