رواية حيادر الراء . الفصل الثاني وأربعون 42 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

جمدت بمُكاني وبداخلي اردد يا علي يا علي

فجأه اجـاني صوت أنثوي وهيَ تردد :- وكـعتي بالشبكة سبق وأن كُتـلج
من ريـم تريد تحصل شي تنفـذة نفـذت الأول بعد الثاني أني أسـفة طبعًا ثقـيتي بالشخـص الغلط ريتاج اعتـذر جدًا على هذه التصـرف بس شنو أسوي أني نقلـت هُنا علمود شغلة وحده طبعًا وأريد انفـذها وأرجع اسـافر لمصر

-  راسي يأذيني أريد علاجي ريم
- لا لا يا حبيبتي مو إذا انطيتج علاجج بعد ماتفيديني

كمـت وكفـت ما أعرف وين بالضـبط صاير مُكانها من راسـي ما اكدر اميز مُكان الصـوت گُلش زين :- شنووو ترديـن مني بالضبط الله يخلـيج رييييم

- حيدرج وبس بس أحُبه  ريتاج ويوالمني أشوفه اكثر منج الصراحة هاي

ضحكـت وطلعت كعـدت تربعت وبداخلي ما أعـرف شنو اسـوي أريد اكوم لها اكتلـها ارفسها اطلع هذه الـوجع كُله بيها ما عندي طـاقة إذا اكوم اعرف نفسي اوكـع شنو اسوي راسي راح يطـك گلبي نغزة وره نغزة احسهـا تخترق گلبـي

تعبت تعبت لزمت راسي ضغطت عليه بكُل قوتي ماكومدايروح الوجع كمت اركع راسي بالحايط اعرف دا أذي نفسي وهذه الشي حرام بس مو بأيدي الوجع گُلش قوي ضربات قويه گُلش ضربت راسي وحدة وراه الثانية غمضت عيني بكُل قوة عندي اريد افتحهن بعد ما اكدر

....

كاعـدين أني وأمـي وأبوي نطقت أمي :- بالي يم ريتـاجة حُسين طـولت شو

حُسين :- راح اتصل عليها هم بعد ما اتحمل

أمي :- خايـفة عليها اني شنو اجـاني وخليتـها تطلع

اتصلت علىيها رفضته وكلت الها :- هم رفضتة ؟

أمي :- يجـوز بالطريق بعـدها ؟

حُسين :- ما أعرف حتى لو أني راح اكوم

أبوي :- وين حُسيـن ؟؟

حُسين :- أبويه أريد اروح هاي ثالث مره اتصل وهم ترفضك شنو السالفة راح تصير الساعة بثمانية

أبوي :- اصبـر شويه ابنـي يجوز بالطـريق صدُك

حسين :- اعتذر منك أبوي بس طالع أني

عفـت أميتحجي وطلـعت صعدت وحركـت السيارة ما أعـرف وين متوجه ووين رايح بالضـبط

....

كعدت وأحس نفسي كوه داجر هذه النفس قريت ايات بگلبي وكمت على حياي ادكدك بالباب ماكو جواب كعدت ولميت رجلية لصدري تذكرت شلون أجيت اخر شي رحنه لاخوها تُميم وكعدنة وشربتنة مي معقولة هذ المي مخلية بي شي ؟

أستـغفرت ربي وغمـضت عُيوني من الوجع نمـت ما أعرف شگد كعدت على صـوت همس

- موتيها

- شنـوووو ؟ !!!!

- مثل مسمعتي داكُلج موتيهاااا ماريدها تعيش ليلى سمعي كلامي و موتيها إذا عاشت راح تاخذة مني أني أريده أريده بس الي

ليلى منـو ليلى وليش جـاية وي ريـم الغُرفة ضلمة وگُلشي مـداسمع غير صـوت همس بينها وبيـن المُتسمى بـ" ليلى

تعبت وأني افكر وأريد اميز الصوت وكالت :- ريم لا هاي روح مُستحيل اقتل روح اني اتراجع

ريم :- المممن انطيتج أني صـخام المن لأمي لو لأبـوي ؟؟؟

ليلى :- أنتِ مستوعبة الي داتحجي رييييم تردين تقتلين روح بس علمود تحصلين الي تردينه

ريم :- وبـدم بـارد أصلًا

ليلى :- مُستحيل راح اكُل لاهلها

ريم :- بديـتي ما تعجبيني ليلى ، خلـيج صـديقتي

ليلى :- رييييم كااافي كافييي الولد ما يريدج عوفيهم وخليهم مرتاحين لخاطر الله والله تعبو واني اشهد على هذه الشي كاااافي

ريم :- اجيـبه للطريـق .

ليلى :- وتسوين المعاصي كُلها بس علمود نفسيتج وترضين الي بداخلج أنتِ مريضة مو صاحية مريييضة

راسـي دايأذيني وهـذني دايسولفن غمضـت عيني بـقوة واستسلمت

ما أعرف شكد مر من الوقت لا أكل ولا مي ولا شي واحس نفسي ما اكدر اشيلها ضليت كاعدة وادعي بگلبي اخلص من گُلشي شي حتى لو أموت دعمت عُيوني وأني مشتاقة لاهلي وحيادر وكُلهم

مر وقـت قليل واندفر بـاب من البيبان بقوة دفـره وره الثانية اخر دفـرة انفتح ودخل شخـص اجه كعد يمي توقعـت ريم بس صـوت رجـولي وكال :- كومي كومي سـريع

بتعب :- منو أنتَ ؟

تُميم :- تُميـم دكووومي

كال هيج وصحت :- شنو تسوووي هُنا ؟؟؟

تُميم :- كومي ياااابه ما أريـد اختي تـدخل للسجن بـسببگم

ريتاج :- ما اكدر اكوم

تُميم :- كـومي بيج ما بيج إذا مـاتكومين راح أضطر اشـيلج

ريتاج :- لاااا كايمة

كلـت هيج وشلت نـفسي بيه مابيه وكال :- من هذه البـاب سريع

ماجاوبتة وكمت توجهنة للباب وطلعنة وكال :- تعالي وراي

ريتاج :- ويـن موديني ؟؟

تُميم :- ثقي ماعندي شي أريد اوصلج لبيتگم وأرجع أريد اقنع أُختي واسفرها

ريتاج :- كـلام رجال ؟

تُميم :- كلام رجال

مداستـوعب شي وراه وياه حـتى لو أموت بعد هاهيَ أني أريـد أموت مسافة ووصلنة للسـيارة صعدت كوه بـاوعت على الساعة بالوحـدة ونص باليل وكتلة :- صـارلي شگد هنُا أني يـوم لو يـومين ؟

تُميم :- لا

ريتاج :- لعـد شگد ؟

تُميم :- ٨ ساعات ونص

سكتت ما أريـد شي هسه غير اوصـل واطمن اهلي وحيـادر وهاهيَ مر وقت ووكف كبال بيتنـه والتفت الي وكال :- أُختي بعـد ما راح تتقرب الكم وراح أرجع اسفـرها انطيتها بلوك من گُلشي رقمهـا حـذفي وأني راح اكسر تلفونها وبعد ما توصـل الكم لإن راح تسـافر

ريتاج :- دقيقة وين راح تسافر ؟

تُميم :- مو لمصـر لاتخافين

ريتاج :- اخاف ؟ هه تخسى

أبتسـم والتفت انطاني جـنطتي فتحتها بيها التلفـون الحمدُلله وكال :- في أمـان الله بعـد متشوفونة بقت يمـج تردين تسامحيـن أُختي او لا

ريتاج :- لو تنطبك السماء على الأرض .

كلت هيـج فتحت باب السـيارة ونزلت وكفت كبـال الباب ومابـيه كُل حيل وكوه داشـوف حرك السيـارة وراح دكيت البـاب انفتح الباب بـوجهي وطلع حُسين باوع عليـه بصدمة وصاح : خيييييتي

التفت وره وصاح :- أجتتتتتتتتي ريتاجة بالحُسييين الشهيد

سحـب ايدي دخلنه الطرمة سد الـباب وحضني اجـت أمي تركض وتبچي وأبوي وراها أريـد استوعب شنو دايصـير معقولة هذه دايصيـر وياي حضنوني وخلصو وكالو :- شلوونج

ريتاج :- أريد علاجي أريد علاجججي راسي راح يطُك

حُسين :- هسه ثـواني

راح طفر دخلت الصالة التفتت لي وره احس ريم راح تجي تاخذني من جديد باوعت عليه أمي حضنتني وببجي كالت :- والله ما تجي والله وداعتج يا روحي راحت هاهيَ الله ياخذ حسابج منها ان شاء الله اليوم قبل باجر

سكتو واجـه حُسين جاب حُسين العـلاج وياه مي شربتة وكلت :- أريـد اصعد فوك أريد انام

التفتت لامي وكلت الها :- اريدج يُمه

أمي :- يـا روحي يله تعـالي

كمت وي أمي اباوع على حُسين وأبوي القلق على عُيونهم وعبالهم بيه فد شي ما اكدر گُلشي اسولف من التعب دخلنه المطبخ قبل لا نصعد كالت أمي :- تردين اغسلج ؟

حـركت راسي بمـعنى اي كررت الـحركة وسحبت أيـدي غسـلت وجهي وايدية وركـبتي وحضنتني وكالت :- سـودة عليه سودة أني شنـو اجاني وخليتج تطلعيـن وأني أعرف سوالفها هاي الحيييـه أوووف يُمه أووف

خلصت وصعدنة فوك نومتني على الجرباية رادت تطلع وكلت الها :- لا لا لا تطلعين أريدج يمي تنامين فدوة

- صـار يا روحي

رادت تطفي الضوء وتجي وكلت الها :- لاتطفي

حركـت راسها بمعنى اي واجـت تمددت يمي حـضنتني بقوة وتمسـح على شعـري وتقره آيات قرآنية وأدعـية رسًا نمت من التعـب حتى أكل ما اشتهي أكل رغم صـارلي هواي مماكلة

ما أعرف شگد مر من الوقت وكعدت شفت أمي ماكو يمي صحت :- يُممممه ويينج

سمعـت صوتها وهيَ تكـول :- اللهُ اكبر

اطمئنيت من عرفتها داتصلي انتظرتها شويه وأجت تمددت يمي دفنت راسي بحضنها وعطرها الطيب الي أريد املي انفاسي بي أكثر أنسان احتاجة هسه هوَ أمي ما أعرف ليش ما دافكر بحيادر ولا أبوي ولا أخوي

ولا اي احـد أريد بـس أمي نمت وكعـدت الصبح لكيت أمـي ماكو رحت لتلفوني بعـده بالجنطة خذته ورحـت على واتساب حـيادر رسًا ضـغطت اتصال الرسائل ما قريتـهن جانن هواي

جاوب وكال :- فُستقي بويه وينج شلون صرتي انعل أبو مصر وانعل الساعة الي اجيت بيها لمصر وبعدتني عنج

- مشتاقتـلك حييادر هـواي أريدك يمي گُلش مـحتاجتك
- يا هُيامي أنتِ شـنو بأيدي اكو شي بأيـدي وأني ما مسوي ؟

بعده مامكمل وكتله :- تعبت ومحمد تعبت ما عندي طاقة تحمل حيادر افهمني

- ﴿ وَاصْبِرُواْ إِنَّ اللَّهَ مَعَ الصَّابِرِينَ ﴾

بچيت أكثر من ذكر هاي الآيه ختمنة الاتصال ورحت نزلت جوه وعُيوني مدمعه لكيتهم جوه ملتمين أبوي وأمي وحُسين

أبوي :- صبـاح الخـير

ريتاج :- صباح النور يابه

رحت لأبـوي حضني وكال :- الحمدُلله على السـلامة حبيبتي

ريتاج :- الله يسلمك

مر أسـبوع على هذه الحجي بيـوم جنت كاعدة وحـدي وأمي نايمة وحُسين بالدوام وأبوي بالشـغل اندك الباب ونزلت أشـوف منو بعدني ما واصـلة للباب صـحت :- منووو ؟

ريم :- أني

اجـاني صوت أنثـوي ما ركـزت منو رحت فتـحت الباب وانصـدمت رجعتلي الخوفة ردت أسـد الباب أندفع عـليه :- شـوفي ريـم ريم تشوفج نجوم الليـل بعز الظهر الأيام راح تثبتلـج هذه الشي مو أني صـدُكي وثقي بكلامي

ريتاج :- تدرين خفت ؟

ريم :- هوَ هذه الاريده تخافيييين

ما حسيت اله أمي جرت ايد ريم ودخلتها الطرمة ونامت فوكاها ضرب كتل عض ملشت شعرها وتصيح :- أني اعلمج جايه بكُل عين صلفة وتهددين بعدج لچ لو كلت يبقى أخر يوم بحياتي هم أبرد گلبي بيج

ولچ أني اربيج إذا اهلج ما مربيج يا حيوانة شنو سويتي ببنتي من كون الله لا يوفقج لا دنيا ولا أخره شنو سويتي علاج وانطيتيها تدرين مو زين على گلبها موت ردتي تموتيها ردتي تموتييييين وحيدتي ولچ هاااااي وحيدتتتي ما عاش الي يمسها وأمها أم حُسين موجودة

سكتت وره شويه كالت :- عبـالج شنو خلصـتي لا ما خلصـتي يا حيـوانة

سكتت وصاحت عليه وكالت :- ريتاجة عودة الماااااسحة

رحت كبـل جبت الـماسحة جرتها مني وكامـت تضرب بيـها وهيَ تصيح :- عووووفوني ولگممم

أمي :- انجبي خااايسسسة انجبي والله إذا سمعت مسويه شي بعد اله روحح ما ترديها ابيتج بالسجون والحُسين الشهيد الخايسسة العرمة يا ما تستحين تربيه شوارع بواكه زلم

ابـاوع على أمي فـقدت عليها رحت أريد اجـرها بس كلت خـاف تضربني بالغلط ما تحـملت رحت جريت أمـي وكلتها :- كومي يُمه كومممي خلي تولي فـدوة

أمي :- عوفيني أربيها للماعندها تربية

كـم كلمة مني كـامت أمي وريم خرمـشتها من ايديها وكالت أمـي :- تفوووو على هيج تربية

راحت على جنطتها خذتها وطلعت على السريع راحت أمي سدت الباب ورجعت باوعت عليه وكالت :- هسه ارتاح گلبي ريتاجة يُمه هسه ارتاح

سـكتت أحت حضنـتني وكالت :- تروحلـج سبعين فدوة هاي لبنيـة الي كُل قله ذوق ماعنـدها جايه تـبوك بالزلم

ريتاج :- أحبچ يُمه

أمي :- يا وحيـدتي ، تعالي نـدخُل جوة

دخلنه جوه شربت مي وكعدنة بالصالة وكلت الها :- صدُك شلون سمعتي ؟

- سمعتـج من فتحـتي

- بـس والله هديتي عليهـا خوش هده أني مابـيه جان هديت ويـاج وطلعت حركة گلبي

- أني أمج ريتاجة خذت ثارج من حلكها وفوكة

أبتسمت بـوجها وحـضنتها وكلت :- أكُلج يُمه

- كولي ؟

- شـلون عرفتي بـيه أني وحـيادر بيناتنة عـلاقة حُب ؟

- جنت شاكة من زمان والفتوة الأخيرة تصرفاتج فضحتج

- شعجـب ما وكفتي ضـدي وما كُلتي لأبـوي لو لأخوي ؟

- اسم الله ليش حتى اكُللهم أني أمج مو عدوتج

ابتسمـت وكالت :- أوكف ويـاج وما أوكف ضـدج عيني فُستقه

ضحكت ودمعت عُيوني وكتلها :- ههههه بس هاي مالتة

- والله أبـن عمتي ما جـذب من سماج فُستقه صـدُك فُستق أنتِ بنيتي

حضنتني وهيج مرت الأيام ومرت الشهور ومرت السنين ودخل حيادر مرحله ثالثة بالنهايات و بعد اله سنتين ويرجع للعراق ما صدكة بعد النه سنتين بس يارب يخلصن بسلام

ريـم من بعد ما كتلتـها أمي بعد ماشفتـها ولا سمعت عنـها ولا اي شي رقهـما حذفتة وگُلشي يخصهـا حذفتة حتى صـورج سوه ما أريد اي شي يـذكرني بيها أبدًا الله يجازيهـا وياخذ حقي منها

....

كاعد الساعة بالسبعة الصبُح كعد آسر واجه باتجاهي دخل المطبخ وكال :- صباح الخير

- صبـاح النور شبيك لـيش هيج وجـهك ؟
- ما نـايم ضليـت أقره للأمتحـان

- سهـل شبيك يمـعود
- حيـدر بربك أمتحـان يشك شـك تكُلي سهل ؟

أبتسمت وكال :- صدُك سمعت عن هذه الفيروس الجديد ؟

- فيـروس كورونـا ؟
- اي هـوَ

- اي شبي سمعت عنه ؟
- أول أصابه شخص أجنبي داخل مصر

- والعـراق ؟
- بعـده ما داخُل اله ان شـاء الله ما يدخُل ، لازم وقايـة بعد خرب يـومي

- لا لازم كفوف وكمامة گُلش خطر بحثت عليه
- اهوووو ، خلي اروح ابدل الحك على ضيمي

بـدلنة وكملنة وطلعنـة من الشقة قفلنة البـاب وتوجهنة للجامعـة

....

بيوم جنت كاعدة أجه حُسين من الدوام بدل وكمل وأجة كعد يمنة وكال :- الفيروس الجديد داخل للعراق أول أصابه بالنجف

ريتاج :- اي سمـعت عنه

حُسين :- وين ؟

ريتاج :- قبل عـشرة أيام بالاخبـار

حُسين :- اي حتى بمصر قبل عشر ايام بدأ عندهم

أمي :- شلـون واحد يدير بـاله منه وشنو اعـراضها ؟

حُسين :- مثل اعراض الفلاونزا و الي مناعتهم قليلة گبل الـ الله ، والوقاية تعقيم وكفوف وهاي الشغلات

ريتاج :- منـاعتي قليلة أني خـاف أموت

أمي :- لا اسم الله

ضحكـت بوجهم وعفـتهم وصعدت فوك بـاوعت على تلفـوني لكيت اتصالات من حـيادر اتصلت عليه وجـاوب وهوَ داياكل وكال :- الفـيروس داخل للـعراق صدُك هذه الحجي ؟

- اي حيادر
- قُره عينه لحيادر بويه لاتطلعين بره البيت أبدًا ريتاجة

- يعـني ما تجي حيـادر هاي السـنة ؟
- إذا أكو حجـر صحي ما اكـدر أجي وعُيونـج

- تمام يا حياتي بس دير بالك على نفسك

- من عـيني وأنتِ هم تـامور گلبي
- صـار

سديته ونزلت وهيج مرت الايام صار على كورونا نص سنه بعد الحجر الصحي ممسوين جنت كاعدة العصرية أجت نغره لگلبي قوية ما أعرف من شنو صار هواي مجايتني نغزات

رحـت صعدت تمـددت فوك شربت علاج بـدون مي ونمت كـعدت على آذان المُغرب توضيـت وصعدت فرشـت السجادة وصليت اتـألم كملت قريـت قرآن جـزئين كمت كوه اجر النفـس رحت فتحت شبـاك الغُرفة اخذ نـفس مـاكو احس اختنكت وأريـد هوى

رحت نزلت لأمي على السريع جانت كاعدة داتخيط بأبره وخيط وكتلها :- يُم گلبي دايأذيني قوي

- شبـيج يُمه شربتي عـلاجج ؟
- اي والله گُلش قـوي كوه صلـيت ونزلـت

- طـفري بدلي خلي اشـوف حُسين
- صـار

طفرت بدلت وكملت لبست كمامة وكفوف ونزلت لكيت حُسين مكمل وأمي لابسه العباه شافتني وكالت :- يله صعدي بالسيارة على ما اخابر أبوج واكُله

رحت صعـدت بالسيارة ضغطـت على گلبي غـمضت عيني بقـوه وشويه واجـت أمي وانطلقنـة للمُستشفى

اشترينه مُعقم وعقمنة ودخلنة بس أني وأمي حُسين ما قبلو يدخُل رحنه كُبل للطوارئ وهوسه گُلش نصهم بيهم كورونا لكيت مو الدكاترة مالتنة ماكو عاد رحنه لدكتورةدخلنه وشرحت الها عن حالتي وكالت :- عندج قلب ؟

ريتاج :- اي

كلت الها هيج وانطتني مثل القبعة وكالت :- اخذي هذه قناع طبي وتعالي وراي نسويلج التحليل

أمي :- ليـش ؟

الدكتورة :- مرضى القلب حساسين گُلش أقل شي راح ينصابون المفروض ماتجي للمُستشفى هُنا

أمي :- أسـم الله

أبتسمت الدكتورة لأمي ولبست القناع وطلعنة أني وياها رحنه على التحليلات خذت تحليل على السريع ورجعنة لغُرفة الدكتورة وكالت :- ابقو هُنا على ما يطلع التحليل

أمي :- يـطول ؟

الدكتورة :- أكيد ما انصحگم تطلعون راح تصير ملامسة وبنتگم حساسة

خلـص وقت الانتظار وراحـت الدكتورة هيَ وأمي يجيبن التحليـل دخلت الغُرفة ووجهـا ما يتفسر كعدت على الـكرسي وكعدت أمـي وكالت :- صاير عندج نزيـف حاد قبل ؟

ريتاج :- لا دكتورة ليش ؟

الدكتورة :- للأسـف يراد تبقين تحت المُراقبـة بالمُستشفى لمُده أربع أيـام او أكثر

أمي :- ليش دكتوره خو ماكو شي قوي ؟

الدكتورة :- لا الـحمدُلله على السـلامة مـاكو شي ان شاء الله ، بنتـگم تعبانة يحتـاج الها فتره هُنا تحـت المُراقبـة خاف يصير عـندها نزيف داخلـي مفاجئ

شهكت أمي وأني بس صافنج عليهن وكالت للدكتورة :- ما انصحكم بمُستشفى حكومي 

أمي :- اهـلي ؟

الدكتورة :- اكيد

أمي :- شـوكت ؟

الدكتورة  :- حاليًا هسه كُبل لمستشفى اهلي

أمي :- دكتـورة عليج الله مـاكو شي خطـر ؟

الدكتورة :- لا والله أبدًا بس لازم تبقى تحت المُراقبة ، هسه راح اكتبلكم تحويل علمود كُبل يخلوها تحت المُراقبة والتحليل هم تاخذو وان شاء الله الشفاء العاجل

انطتـنة وصل التحويل والتـحليل وطلعنة للمُستـشفى رحـنه لحُسيـن لكيناه واكف كبال السـيارة شافنه وكال :- ها بشـرو حمامة غراب ؟

سولفت اله أمي وكال :- اوديكم للمُستشفى وأني أرجع أجيب فلوس و اكُل لابويه وارجعلكم

أمي :- هـاهيَ

ريتاج :- حُسين من ترجع جيب تلفوني وياك نسيته بالغُرفة

حُسين :- ميخـالف

رحنة انطلقنة للمُستشفى الأهلي وصلنة ونزلنة أول بداية .ما قبلو احد يدخل وياي بس أني خلو على جبينة جهاز ولبسونة كُل وحدة كفوف وكمامتين يله دخلنة بس أني وأمي

نيمـوني بالمُستشفى وره وقـت خابرنة حُسين وكـال :- مدايقبـلون يدخلوني راح ادز الغـراض بيد المُمرض

أمي :- هاهيَ حُسين الي تشوفه سوي

حُسين :- وارجـع للبيت ؟

أمي :- اي

حُسين :- صـار عيني

اجن الغراض خذت تلفوني لكيت حواء متصله عليه اتصلت عليه وكُلت الها الصار وكالت :- ولچ يُمكن أبويه بي فيروس كورونا

ريتاج :- اسـم الله شلون عرفـتو ؟

حواء :- مايخلونه يرجع للبيت ضال هُناك بالمُستشفى وكم صديق يمه وماخذ مسحة بعد كم يوم وتطلع

ريتاج :- ان شاء الله مـا بي شي

حواء :-الله يسمع منج

سـدته وخابرت على حـيادر كتله على كُل الصـار وكال :- اشـتعلت مصر انعل أبو مـصر لابو كُل واحـد بيهم

- حييادر شوكت تجي ؟
- ما اجي فُستق ما اجي

كالها بصياح حسيت العبرة خنكتني وكلت :- ليش ؟

حيدر :- الطـرق نصها متـسدده والامتحانـات فوك راسي وطـيارات ماكو فُستق قدري وضـعي الله يخليج

كال هيج وسديته بوجهة ورجعت وره شويه اتصلت عليه رفض الاتصال ضليت ابجي شويه وسكتت گُلش مشتاقتلة شوكت يجي وليش هيج زعل بسرعة

مرن اربـع أيام ورجعت للبيـت وحيادر ما اتصـل خابرت حـواء وكتلها وضعـي مو زين لإن اعـرفها راح توصل لاخـوها :- راح اكُله بالمستشفى بين الحيـاه والموت

- لا خطية مو هيج
- لا هيج رتوج يله باي باي

سـدته ورجعت وره نـص ساعة اتصلت علـيه عاطت وكـالت :- راححح يـجي ولچ

طفرات من مُكاني وكلت :- لاتشاقين حوواء

- لا والله بالعـباس أبو فاضـل وداعتج مداجـذب راح يجي

كيفت وبنفس الوقت ضجت وكتلها :- لعد ليش ما يتصل عليه ؟

- غير عـود زعلانين

- هم صدُك يله عود دزيلي الاخبار بالوقت المضبوط شوكت يروح يحجز شوكت يطلع

- غالي والطـلب رخيـص دللي

- عُيووووني

خلصت اتصـال نزلت فرشت اسنـاني وشربت علاج وصـعدت نمـت كعدت على صلاة الفجـر صليت وكمـلت ونمـت

مرن يومين على هذه الحجي اتصلت عليه حواء سلمت وكالت :- ولچ ماكو طيارت للعراق بس وحدة وبعد يوم و ١٢ ساعة

- يـعني صدُك راح يجي ؟

- لعد يشاقة وياج

- ولـچ ما مصـدكة

- يريدني أجي يمكم

- والله ؟

- والله ويكُلي يصير غير حجي

- غير أنتِ صـخمتينا وكلتيله بين الحـياة والموت طبعًا يكُلـج هيج

- ههههههههه شلون نجيكم هسه

- الطرق مسـدودة محد دايطلع اله للضـرورة ، حيادر بله يدبرها

- ادري وهوَ يعرف الطرق مسدوسة شلون أجي هيَ سوالف الكفو هاي ، عود اكُله اجيتهم ورجعت وإذا عرف حتى لو اخوي قابل يأذيني

- هم صـدُك

نهينة الاتصال ونزلت جوه لكيتهم ملتمين دايسولفون رحت للمطبخ طلعت فواكة وكلت ورحت يمهم ضحكنة وسولفنة شويه اجه العشة تعشينة وكملنة حُسين صعد فوك وأبوي راح للغُرفة وأمي ضلت بالصالة تباوع على التلفزيون

خلصـت الاماعين وصـعدت فوك تمددت فتحت تلفـوني دخلت علـى اليوتيوب سمعـت على برنامج الـقصص اسمه الواتباد رحت نزلتـه سجلت بي دخول وطلعـت روايه اقراها

قريت روايه على النص ونزلت خذت فواكه ومي وصعدت سمعت صوت حسين دايضحك بصوت عالي شعجب رحت اتسنطت على الغُرفة وسمعته دايكول :- لا وداعتج أني قابل شعندي أني لو بأيدي اليوم قبل باجر اجي
، غير أنتِ منتظرة أخوج يرجع من السفر ، ههههههههه 

ضحـك وسكـت شويه وكال :- أحبچ

....
يتبع ⬅️ - البارت الثاني والاربعين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.