رواية حيادر الراء . الفصل السابع عشر 17 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- هايـم بيج أني بويه فستـقه من رحتي عبالك روحي راحـت من عندي ما أريد اخسـرج اعرفج ما عندج أي مشـاعر أتجاهي عادي مو هسـه عندج يجوز غيـر يوم الله مكاتبلي هسه أحتمـال غير يوم

يحجي سريع ويباوع على جروح أيديه سكت واني هم ساكتة لان ماعندي أي شي أحجي ومشاعري ما اعرفها أن كانت حُب أم اعجاب فقط

بهاي الأثناء دخل آسر :- جبت أكل مال سبع نفرات واحد الكم وسته الي

حيدر :- مُعدة لو علاكة

آسر :- لا ما اسمحـلك

حيدر :- لا عليك الله اسمحلي ؟

آسر :- ههههه يله ناكُل

دخلنة جوه فرش آسر سفرة صغيرة :- يله تفضلو

حيدر :- وغصبًا عليك

آسر :- هاي فوكاها راح أبجي

ضحك حيادر وكملنة اكُل وكال آسر :- راح اصلي و أصـعد انام خيتي غُرفة أختي تصـير اول ماتطلعين من المطبـخ گُلشي بيها

حيدر :- هاهية ماشي افتهمت لبنية روح نام شكد تسولف بالع راديو

آسر :- جرحـت مشاعري تره .

حيدر :- منيلك المشاعر أنت ؟

آسر :- ضـامهن من يجي وقتهن أطلعهـن

حيدر :- دكـوم

آسر :- كايـم كايـم على كيفك وياي كالو ماعنـدي مشاعر مو لهدرجة

حيدر :- عفية

كمل صـلاة آسر وراح ر وكال حيدر :- نـصلي سوه ؟

حرت شكلة ف كتله :- هـ ها لا أريد اصلي وحدي بالغُرفة

- اي عـادي صلي بالغُرفة وأني هُنا
- هيه بس سجـادة وحدة ؟

- عادي أصلي بدون سجادة
- ماشي على راحتك راح أروح للغُرفة

حرك رأسه وأبتسمتلة ورحت دخلت بالي يم أمي أريـد ارجع هُناك ما متعودة هُنا يم بيت أحد غريـب دخلت دورت ملابس عريضـات لكيـت خذتهن وبـدلت دورت شغـلات نسائية بالغُرفة هم لكيـت وخذتهن

عطشت بس ماريد أطلع من الغُرفة عفت العطش ونمت كعدت الصبح رحت للمطبخ لكيتهم ديسولفون وكلت :- صباح الخير

التفتو عليه وردو ورجعو وكلت :- حيـادر أريد احجي وياك ؟

حيدر :- اي كولي يا عيناي

ريتاج :- لا أريـد على صفحـة

آسر :- يله حيدر أني راح اطلع أجيب صمون

طلع آسر وكال حيدر :- كولي ؟

- أريد ارجع الأهلي أني
- ليش صاير شي

- حيادر ممرتاحة أني هُنا أحـس نفسي مُقيدة
- بس يومين تـحملي !

- حيادر افهمني
- عيناه لحيادر فاهمج أني

- مدا اكدر ابقى هُنا أكثـر أمس كوه نمـت ما أعرف ابقى ببـيت بس بس زلم حيادر !!!

حرك راسه بمعنى اي :- صار يا عيني اليوم نرجع

- شـوكت ؟
- بكيفج
- الظهـر ؟

- هاهية صار
- ولله
- وعيونج فستق

- شُكرًا حيـادر
- عفوًا يا حبيبي الحلو

أبتسمتلة ورجعت للغُرفة ودافكر بكلمة "حبيبي الحلو" صار بيها حبيبي والحلو

وره ربع ساعة صاح حيدر :- عيني تعـالي تريكي

رحت اله وقدم الي بيض وفوكا زعتر باوع عليه وأبتسم :- اعرفج تحبين البيض بالزعتر سويتة أني عادي ؟

- عادي حيـادر

- اويلي عليك حيادر يله تريكي وره الريوك أداوي جروحج

حركت رأسي راح طلع بره خمس دقايق ورجع ويا آسر عاط وكال :- لااااا راح ابجي بالعبـاس أبو فاضل ليش راح تـرحون أبو الحيادر تعودت عليك عود نطيني رقمـك

- شبيك ترقمني متستحي ؟

- مو بأيدي حبيبي يله أكتبـة الي بورقة من نخـلص ريـوك

كملت ورحت غسلت ورحت للغُرفة وره فتره تقريبًا ربع ساعة أجه حيادر :- كاعده مو ؟

- أي

دخل وبأيده علبه ضماد أجه كعد يمي :- جروحج هيه جروحي

أبتسمتلة سحب أيدية طلع كطن ولاصق جروح :- مـرات أحس أبتسـامتج جواب لكـلامي أبتسمي هـواي فستق حلوه أبتسامتـج

- هالكد ؟
- وأكثر

كمل وباس أيديه :- يله حضـري نفسج من تكمليـن نطلـع

- ماشي

أبتسم وطلع رحت فتحت كنتـور لبنية طلعت منها صـاية ولكيت شال خذتة لبست الصاية وشمرت الشال على شعـري

گُلش مشتاقة لامي ولابوي ولحُسين ما اعرف شنو شعوري اذا أشوفهم تخيلت ما أشوفهم مره ثانية بس الحمدُلله يارب بخير همه اهم شي كملت وطلعت

- يله نطلع ؟
- أي ماعندي شي

قفل باب البيت آسر صعدنة بالسيارة وانطلقنة

....

حواء :- يُمه ادعليهم يكونون بخير ويرجعون

أمي :-  خلص صبـري خلص

أبوي :- يرجعون يا مره بس صبريلي

أمي :- ويييييينهم صـارلهم اربع ايييام ماكووو لا اعـرف ابني شنو الياكُل شنو اليشرب ميت عدل هوه وهـاي البنية وينهمممم

أبوي :- يرجعون وداعتج لو اعرف أخسر رتبتي

أمي :- وخسسسسرتهم المـره بالمستشفى بين الحياة والمـوت على بتها شتفيدني رتبـتك أني

أبوي ضاج وكام ضليت يم أمي شويه ونامت غطيتها وكمت وأحنه صارلنه اربع أيام قلق وخوف حقها تخاف عليهم الحراس العسكريه ترسو البيت بحيث محل ما نروح اله اله للضروره وكُلش متقيدين وگُلش قلقانين عليهم

قبل يوم أجـه تهديد لابوي وخلونه لا ليل لـيل ولا النهار نهار وگُلش خفنـة على رتـوج وأخوي وأهل رتوج من سمـعو ام حُسين وكعت بالكاع وأبوها صعد سُكرة

وندعي الله يرجعون النا سالمين كُلشي ما نريد أبوي من بعد التهديد ما خله مُكان ما راح اله شبر شبر ببغداد بلغكُل الضباط الي وياه

والضابط الي خاطفهم هم شـارد ومختفي سئلنة أبوي وينه أبوي سـائل العساكر والضـباط الي يمه كالولة ماكو فص ملح وذاب هوه وجمـاعتة وبعد دايبحثون عليه أبد مموقفيـن البحث

مر الوقت أجت العصرية دخلـت سبحت وطلعت مشطت شعـري ونزلت يم أمي لكيتـها كاعدة تدعي الهم دك هـورن بالباب طفر أبوي وطفرنة وراه ونشوف حيدرنا ورتوج بره انتبهنة على قدم حيدر مجبريها وأيدين رتوج عليها لاصقات جروح بكُل مُكان

أمي :- يُمه سـودة عليه الله لاينطيـهم ولا يوفقهم يُمه أبني يُمه ريتـاجة يبعد عين عمتـج

أجت ام حواء تبوس بحيادر وهوه ساكت اخر شي نطق :- يُمه مابيه شي قابل طفل ولله زين هياتني كدامج حيًا يرزق

ضحكت بداخلي كمل سلام وراح على أبو وأني رحت لأمه :- سـودة عليه عمه بنتـج ما كدرت أمنها حقج اذا حجيتي عليه يبعد عيون عمتج شلونج ؟

- بخير الحمدُلله
- فدوه اروحلج يبعد عمري

بوستها وأجتني حواء تبجي ذبت نفسها عليه :- ولج رتوج ياروحي مشتاقتلج والحُسين

- ياعيني أني هم وداعتج

كملت ورحت لأبوهم :- يابه اعـتذر على الصار تقصير مني الحـمدُلله على السـلامة بنيتنة

- الله يسلمك عمو

أجه حليم وأجـت أسماء سلمو علينه وتحمـدو النه بالسلامة ودخلنـة جوه وكالت ام حـواء :- حووواء يُمه صـبي الغدة

- صار

كامت حواء بقينة أني وحيادر وأمه وأبو بدو يسئلو عن گُلشي ويجاوبهم وشلون كسرو رجلة وهوه صاحي

أبوه :- شلون تحملت الألم ؟

حيدر :- تحمـلت بعد يابه غصب عليه هاي بروفـة قبل التدريـب العسكري هههههه

وهم رجع بدأ يسولف الهم شلـون لكاني ببيت مُجرمـين وأم حواء تخبـلت عليه وكُل ما يسولف الموقف الهم من لكـاني يباوع عليه ويبتسم أحسه دايطمني هذا الانسان

وسولف الهم على آسـر وأبوه ما قبل عبـاله جاسوس او تابع الهم وللضـباط الي خذونة بس حيادر طمـنة ماكو شي و أنُ ساعدنة لا أكثر ولا اقل

عفتهم ورحت لحواء بالمطبخ سولفنه شويه وصاحت الي امها :- ريتاجه تعالي هاي أمج على الخط

سمـعت أسم امي والدموع وكفت بعيني گُلشي مشـتاقتلها ومشتاقـة تواسيني ومشتاقـة لخوفها عليه رحـت أركض وانطتنـي التلفـون بديت أحجـي واطمـنها :- جايتج يا فرحتي ما اتحمـل بعد اريد أشوفـج

كملت وسدته رحنة تغدينة وكملنة وكمت فوك صعدت وطلعت شغلات نسائية دخلت وسبحت وطلعت مشطت كملت ونزلت للمطبخ شفت حيدر وحليم رحت للكاونتر طلعت عليه الضماد ورجعت صعدت

بديت اضمـدهن عشر دقايـق وأنفتح باب الغُرفة وأشـوف حيادر أجـه بأتجاهي سحب المـعقم من أيدي :- جروحـج اذا سببهن أني يعـني اني اعقمهن 

- شصعدك روح انزل لا احد يجي

راد يسحب أيدي خليتها وره ظهري وكتله :- حيـادر انزل !!

- محد يصعد وعيونج
- حيادر كتلك أنزل

- منو يضـمد جروحج ؟
- أني

- مثل ما ضمدتهن الظهر ؟
- اي .

نزل وبقيت اضمـدهن ضمدتهن وكملت ونزلت شفـت حواء ضلينة نسولف ربع ساعـة وأندك الباب عرفـتها أمي طلعت أركـض استقبلها أنفتح الباب ورحـت شبكتها وأبـجي

أمي :- يا عيني الحمدُلله والشكر على سلامتج

- فدوه اروحلچ أني يُمه

بستها وأجاني ابوي حُضني :- يا بووويه وكعتي گلبي

حضـنتة وبوستة وراها أجه حُسيـن باس راسي ودخـلنة كعدنة جـوه شويه وأجه مسـج على تلفـون حيدر مسح وجـه وباوع عـليه وطفر للمطبخ

وره عشر دقايق كلت لأمي :- يُمه راح اروح للمطبخ شويه وأجي

- روحي يبـعد روحي

طفرت للمطبخ مالكيت رحت صعـدت فوك بعدني ما متعديـة غُرفة حواء انجرت أيـدي بقوه شـفتة حيادر بدون مُقدمات حُضـني بقوه

- وييييين أضمج ريتاجي وييين خاييييف عليج بويه

....
يتبع ⬅️ - البارت السادس عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.