رواية حيادر الراء . الفصل الحادي والعشرون 21 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

خمس دقايق وطلع حُسين ما حسيت اله أمي سحبتني للمطبخ حيل وكالتلي :- شعندج وي حيدر كولي من الأخير ؟

تفاجئت من سـؤال أمي رسًا كلـت الها :- يا شـنو شعندي وي الولـد

- ريتاجه أني أمج اذا عندج شي وياه احجيلي لان نظراتكم سوه مو مال ما عندكم شي ؟

كلت بگلبي عزه العزاني منتبـه على نظراتنـة شيخلصني هسـه :- يُمه ماعنـدي شي أني

- هوه ؟؟

- لا حتى هوه بس يجـوز أجت نظرات هيج أنتِ انتبهتي عبـالج يباوع عليه

- ان شاء الله يطلع هيج وكتج مو وكت حُب وتمعشك حبيتي تجين تكُليلي تمعشكتي تجين تكُليلي أني أمج اقرب وحده الچ ريتاجه

سكتت ور ثواني كُتلهـا :- صـار

- يعني أكو ؟
- أستغفرك ربي داكُلج صار يُمه
- خوش

مر الوقت وأجه حُسين جايـب اكُل ضلينـة ناكُل وحُسين يحـشش فوك راسـنة كملنة غدة صـار العصر أجه أبـوي :- هلااااا يابـه

أبوي :- هلا هلا بالغالية

أمي :- لعد وأحنـة شنو ؟

حُسين :- مزهريات

أمي :- أنجـب

حُسين :- شحجيت يا يُمه

ريتاج :- اشتعـل جدي

حُسين :- شوفو ريتاجه تربيتي هاي بعد  روحي خيتي

ريتاج :- هههههه ونعـم دكوم كوم

حُسين :- مو بويه

أبوي :- أي يابـه

حُسين :- أبوي تعرف تربيتي مو ؟

أمي :- طايح حظهـا

حُسين :- غير أنتِ مربيتني

أمي ضربتـك على ايده وكالت :- أدب سزز كوم من وجهي

ريتاج :- ههههه حُسين كافي

حُسين :- صار يله كايم حطلع وي الولد يابـه

أمي :- روح انكلع

طلع حُسين وأبوي وأمي بقو يسـولفون صعدت فوك وطلعـت تلفوني ولكيـت حيادر مراسلنـي وداز :- فساتق اذا شـفتي المسج اتـصلي عليه

شفت المسج وقفلت باب الغُرفة واتصلت عليه اول ما اتصلت فتح خط وكال :- هلا بويه

- هلا حيـادر شفت المسـج واتصلت أكـو شي ؟

- لا حبيبي بس ردت أسمع صوتج شلون أيدج صارت ؟

نصيت صوتي وكتلة :- زينـة حيادر بس ما اكـدر احـجي أي حرف

- سـدي

سديتة وبـعد ما دزلي مسج ولا أني دزيـت أجه الليل وصار العشـة خلصت وغسلـت الاماعين وأجه حُسين جايب حلـويات وشمرهن عليه وكالي :- أخـذي هاي الج

- شعجب صاير كريم
- افا سئلي عليه بالكرم معروف أني

- هههههه الله يسلمك صدُك جـذب اهم شي الكرم
- بعـد روحي عيـن الشمس

- متعشي لو اصبلك ؟
- لا تعشيت بره راح اصعد للغُرفة
- ماشي

مرت ربع سـاعة وصعدت لغُرفتي مريـت من غُرفٌة حُسين وسمعتـة يحجي بالتلفـون :- بابا حلي عني شـنو هاي اللزكـة داكُلج ماريدج واذا حبيتيني شنو أسوي الج ؟

حجه هاي الكلمات وسده وأني رحت لغُرفتي سبحت وكملت ورحت تمددت وأجه ببالي حُسين منو هاي الي لازكة اله معقولـة وحدة من الجامعة لو من بنات الشيخ ؟

نفـضت أفكاري وكلت اوو أستغفرك ربي من كُل ذنب طلعـت الهيدفون وشغلت اغُنية مجنوني غمضـت عيني واتذكر اهتمـام حيادر خلصـت الاغُنية وكلت معقولـة حبـيت ؟

ليش دافكر بس أصلًا اهو شنو هاي المشاعر المتخربطة خلصت الاغُنية ورحت على المحادثة ماكو اي شي ولا داز حرف مرت ربع ساعة ودزيتلة :- حيادر

وره تقريبًا ساعـة او اقل دز :- عيناه يا بويـه محتاجك شي ؟

- لا بس فقدتك
- يمج اني

سكتت وره شـويه دز :- عادي أجي الفجـر وي الصلاة ؟

- لا حيادر بله احد كعد
- زين أجي وتنزلين أنتِ ؟

- وين أجـي ؟
- اقصد يمي بالسـيارة

- شكد ونرجع ؟
- ما اخليج تطولين عشر دقايق بالهواي وعيونج

- افكر
- فـكري

شفت رسالتة وفكرت اذا وي الصلاه ف اذا كعدت أمي لو أحد راح ما يلكوني موجودة أخر شي دزيتلة :- قبل الصلاة عادي ؟

- لا بويـه عوفيها خاف أحد يكعـد لو يشوفنـة وأسببلج أذيـة مثل قبل

- براحتك حيادر

- تصبحيـن على خير فساتق

- وأنتَ من اهله

كتلة ورحت نمت كعـدت على صلاة الفـجر صليت ورجعت نـمت كعدت الصبح لكيتهم كاعديـن صبحت عليهم ورحت غسلت وجهي ورجعـت اتريك وياهم وكالت أمي :- ريتاجه ترحين ويانه ؟

ريتاج : - وين ؟

أبوي :- لبيت عـمج صارلنة هـواي مرايحين

ريتاج :- بس أني ما أريد أروح

أمي :- ليش ؟

سكتت شويه وكُتلها :- تعبانه يُمه البارحة رجعنة من يم بيت الشيخ

أمي :- لا ما نبات سـاعة زمان ونرجـع

ريتاج :- ميخالف

أمي :- براحتج

كملت الريوك وكتلها :- حُسين يروح وياكم ؟

- اي يروح تردي يبقه يمـج ؟
- لا شعَليـة قابل هوه ساعـة وتجون

شويه ورجعت سئلتها :- شوكت ترحون ؟

- العصر ونرجـع وره العشة
- مـاشي

أجه العصر وبدو ديحضرون وكالتلي أمي :- ديري بالج وقفلي البيت واذا الباب اندك معليج بي عوفي

- صـار يُمه بس شنو اتعشـة ؟
- بكيفج أي شي واذا تردين نجيبلج ويانة ؟

- لا عادي اشوف شي واطلع واكُل لا اديرين بال
- ماشي

كملو وطلعـو تقريبًا ساعـة بالاربعة العصر وأمي الف وصـية وصتني واول ما طلعو قفلت البيبـان رحت اكلب بالتلفون مر الوقـت وصارت الساعـة خمسـة وأجاني إتصال من حيـادر جاوبت وكال

- ريتاجي اهلج وين طالعيـن ؟
- اي شمدريك

- جايج بويـه
- لا لا حيادر لاتـجي

نص واندك الباب مافتحتة عبالي مو حيادر خمس دقايق و دز مسج على الرقم وكال :- فتحي فستق هاي أني حيادر

رحت للباب وفتحتة بعدة بملابس الدوام بعدني ما حاجيـة سد الباب وراد يحضني ودفعتة وكلت :- ليش أجيت ؟

- كُل عقلج أني ما اصدُك اريد فرصة

- نوب بملابس الدوام

- عقبال بملابس العسكرية والنجوم على جتوفي وأجي لزوجتي فستقه ويتلكاني ابني اويلي فستق اويلي

وسعت عُيوني وكتله :- زوجتـك ؟

- اي زوجتي عندج مانع ؟

- اي عنـدي

- على رأسي تعالي ندخل يله اريد اداوي الحرك مالتج

جرني ودخلنة :- يله بويه جبيبي المـرهم الي جبتـة الج

- عوفها راح تطيب
- ويضل أثر ؟

- عـادي
- مو عادي جيبـي ريتاجي

رحت صعدت وصعد وراي وكتلة :- شمصعدك أنزل

- شبيـك حبيبي عصبي اليوم
- ماكو شـي

- متأكد
- اي

نزلنة سوه بالصالة كعدنة على الكاع تربـع وكعد مقتبيلي وطلـع تلفون وشغل اغُنية مـجنوني وسحب أيدي وبدأ يخلي الها المـرهم :- أدري لحيت بالاغُنية بس احُب نسمعها سـوه وداعتج

سكتت بعدها وكال :- تدرين شنو ؟

- لا شـنو !!
- تعرفيـن عجائب الدنيـا السبعة ؟

- اي ؟
- انتِ ثامنتهن اعجوبتي الثامنة فستقي

أبتسمت وكال :- لچ انتِ المفروض تنختم بيج العجائب

أبتسمت وسكتت وره شويه خلص وباس أيدي :- شوكت يجون اهلج ؟

- مـادري كالو نتعشة ونرجـع

- حلو يعني أخلص كم ساعة وياج

- لوين تبـقى ؟

- قبل لا يجون بشوية اطلع يعني أضل بعد ساعتين هيج اصلي ونتعشة سوه واطلع

- ليـش تبقى ؟

- ما اريد اخليج وحدج

- ها

- اي يا أعجوبتي

مر الـوقت وأذن المُغـرب وكالي :- جـيبي كطن

- ليش ؟
- بدون ليش أبويه جيبي كطن

رحت جبت كطن وانطيتـة سحب أيدي وبدأ يمسـح المرهم الي على الـحرك خلص :- يله تكدرين تتوضـين هسه ومن تخلصـين صلاة أرجع اخـلي الها مو تنـسيني

حركت رأسي ورحت جبت سجادات أثنين ورحت اتوضى ورجعت اله انطيته السجادة :- عاشت ايدج قرآن بطريقج خلي نقره سوه

- ماشي

أبتسمت ورحت جبت قرآن ورجعت لكيتة متوضي :- يله تعالي

فرشنة السجـادات بس بعيـدين وبدينة نـصلي خلصنـة :- تقبل الله ريتـاجي

- منا ومنك
- يله تعالي خلي نقره قرآن ونكوم نسوي عشة الج

- أعرف أسـوي
- عادي يبعـد عيني ميخـالف

قرينة سوره البقرة سويه وخلصنة خذه أيديه مسح عليهن :- يله جيبي المرهم سريع علمود نكوم نسوي العشة

- راح تطيـب عوفها هيج هيه وحـدها تطيب
- الهـوه ما يطيب كومي جـيبي المرهم

كمت وجبت المرهم راد يسحبة مني وكتلة :- تره أعرف اخلي أني ولله

- ميخالف يا حبيبي

بعدني ما حاجية شي سحبة مني وسحب ايدي وكتله :- مو صغيرة أني

- ميـخالف
- وأعرف اخلي المرهم
- هم ميـخالف

خلص نفخ عليها وكال :- يله نكوم نسوي هم أدري تعرفين تسوي عشة قبل لاتحجين وهم اكُلج ميخالف فستقي

- هههههه اي ولله

رحت ضميت السجادات ورجعت القرآن ورحت للمطبخ شفتة واكف :- شنو راح تسوي أني مطلع كبة مجمدة

- يله لعـد كليها وأني راح أسـوي الزلاطـة
- اريد بتيتـة وياها

- طلعيها أني اكشرها واقطعها من تخلصين الكبة نكليها
- ماشي

رحت سويـت مثل ما كال وهوه أخـذ السجـين وبدأ يسوي الزلاطـة وكتله :- لاتدمـر ملابـسك

- ميخالف فدوة الج

كملت الكبة وخـذت منة البتيتـة وكليتها خلصـت وصبيـت بالاماعـين :- أريـد كاسة انطيني

- لحظة

- طلعت كاسـة وانطيتـة خله زلاطة بالكاسة وصبها وبدينـة نتعشـة :- هذا العشك الزين

- الحمدُلله كمل وأرجع
- صار هُيامي

خلصنة وكال :- أني اغسـل الاماعـين

- لا روح أني اغسلهم خاف يجون
- على السريع ما اطول

خذهم وغسلـهم وكمل :- أريد احضنـج قبـل لا اروح

- لا روح

دانحي واتصل عليه آسر وكلة :- اهلا آسر

- اهلا بيك خوي محتاجك هسه ضروري تكدر تجي ؟
- وين أنتَ ؟

- ببغداد
- شجابـك ويـن أنتَ هسه ؟

- بمنطقة تعال وأني اكُلك شجابني أستعجل بربك
- جايك

سده حضني وكال :- يجوز بـعد ما اكدر أجي يا روحي راح التهـي بالدراسـة ان شاء الله اطلع مُعدل يدخلني للعـسكرية ريتاجي لاتنسـيني ادعيلي بصـلاتج اهم شي

- ليش ما تجي ؟
- اذا صارتلي فرصة من عيني هاي قبل هاي دللي

حركت راسي بمعنى اي وخذه أيديـة باسهن وخلاهـن على خشمـة سحب نـفس وكال :- بالـج على نفسـج

- صار

أبتسـم وراها طلع واني رجعت اعـزل المطبخ واتصـلت على أمي وكالت جايين بالطريـق وكلت الحمدُلله طلع قبل لا يجون

....

حواء :- يُمممه حيدر وين ؟

أمي :- جنج لـسان دلالة

حواء :- شحجيت يا يُمه هسه وين حيدرنا

أمي :- يم صـديقة

حواء :- شمدريج ؟

أمي :- خابرني صديقـة وكال يمي حيـادر

حواء :- يا صديق منهم ؟

أمي :- الي أسمـة آسر

حواء :- ها هذا الي ساعدة من نخطفو ؟

أمي : اي

مرن ساعتين وندك بالباب هورن رحت فتحت صار حيدرنا بوجهي :- دخلي جوة

- ليـش
- بدون ليـش

دخلت جوة وكلت لأمي راحت أمي يم حيدرنا ورجعت :- هذا صديقه وياه مضمدين أيده

- شبـي ؟
- ما أعرف يُمكن متـعارك
- هسه نعرف من حيدرنـا

ربع ساعة ودخل حيدر للمطبخ :- مي حواء

- صـار

رحت جبت اله مي وأمي سئلتة :- يُمه شبي صديقك ؟

حيدر :- متعـارك

أمي :- خير ان شاء الله ويامن

حيدر :- وي اهـلة

حواء :- وي اهلة متعارك ؟

حيدر :- اي

أمي :- شصاير ؟

حيدر :- سالفـة عائليـة

شرب المي ورجع كمت وأمي راحت يمهم لاكتني أسماء لازمة ظهرها :- منو جاي ؟

حواء :- صـديق حيدر

أسماء :- هُنا ؟

حواء :- اي

أسماء :- حليم مايقبـل يجيب اصدقائـة والبيت فـارغ

اندرايت وكتلها :- شعلينـة احنة همة أخوان ويتفاهمون

باوعتلي بنظـرة وراحـت أجه حيدر للمطبـخ :- حواء بسرعـة عشه فدوة اروحلـج

- صار حيدرنا الكفو

بديت أسوي بالعشـة ساعة والأكُل كُله جاهـز صبينة صينيتين وحـدة لصديقك واله ووحـدة النا صحت حيدر خـذة الصينية ورجع خلصـنة العشة وحيدر جاب الصينـية وكمت أغسل الاماعيـن خلصت ورحـت يم أمي وكتلها

- ما عرفتي شصاير ؟
- لا من كال حيدر عائلية

- اروح اتسنـط على البـاب وأجيج
- كعدي
- بالعبـاس ما اكعُد

طفرت أني رحت اتسنط عليهم سمعت حيدر دايكُله :- يابه ذول اهلك مو هيج تخليهم أنتَ مخبل تروح تكسر جامة المطبخ نوب من الطول للطول شوف نتائجك وباوع على أيدك شلون الف خياط بيها ربك ستر بالحُسين الشهيد

- طبني مرض ولله هيـج اكلها الك من الاخير

سكت وره شويه كال حيدر :- يعني أنتَ عود صدُك داتحجي ؟

- اي صدُك بس خلي تخلـص هاي السنـة واطكها بسفرة حتى دراسـتي اكملها هُناك بالخـارج

- شأحجي وياك بعد اذا أنتَ معاند هاي عود أني اصغر منك

- بس أفهم مني

- كول يا الله يمعود تهون
- ماتهون ومحمد

- أستلم أستغفـرك ربي
- أريد أرجع للبـيت

- ما ترجع للبيت آسر لاتخبلني تبقا هُنا
- لا ما ابقى

- تصير مُشكلة ثانية ؟
- حتى لـو أضـطر أرجع للكـوت

- يا محمد
- فدوه اروحلك

- ويـن تروح ؟
- عدنا بيت ببغداد وعندي المفتاح جبتة وياي

- بيوتكم مطشرة
- اي بعد روحي شنسوي هاي بعد احنة زناكين

- ما شاء الله عليكم خـوي لاتنحسدون
- وحسـدتهم شوكت تفك التـجبير مالتك ؟

- ما صار شهر

- نـروح أني وياك باجر نشوفها إذا أنتَ عـايف رجلك والعكاز بالسـنة حسنة أشوفـك تمشي علي ضـلعي هاي عود أنتَ الزيـن

- الله كريم

سكتو ضلو يحجون بهمـس حاولت أسمع بس گُلشي ماكو بس تبسبس كمـت رحت يم أمي سولفـتهن كُلهن وكـالت :- الها اول مـرة استفـاد منج

- هههههه يُمه

....

مرن ثلاث أشـهر خلت من الأحـداث وحيادر على كد المـراسلات وهاهية ومو من كُل گلبة ولا شفتـة خلال هي الثـلاث الاشـهر ولا مرة

صرتت أشتاق لاهتمامة بيه گُلش مشتاقة لگُلشي بي اله لصوتة لضحكتة لغزلة بذات من يكُلي فستق أعرفة ملتهي بمُستقبلة وأعرفة بس يريد يحقق حلمة ويدخل عسكرية زين مو هايم بية وين كلامة ؟

وين اشتياقـة ليش ما اجـة ولا مرة ليش من يحـاجيني بثكُل شصـاير عليـه ليش متغـير ؟

نفضت افكاري ونزلت الأمي جانت الدنيا ظهر كعدت يمها :- يُمه خلي نروح لعمة مشتاقة لحواء صارلي هواي ما شفتها

- أني هـم ولله
- خلي نـروح لعد وخـلي حُسين يودينة

- عنده أمتحان خليها وره الامتحانات نروح ونبات يمهم
- ماشي

ضجـت بس ما بينت الها حـركت رأسي بمعـنى اي وصعدت لغُرفتي مـرن ايام امتحانـات نصف السنة وخلـصن كوة وبيوم جنـة دانتغدة وكالت أمي :- حُسين تكـدر تودينـة لعمتي نبقة كم يـوم ونرجع

- ميخالف العصر حضرو نفسكم

ما صدكت كمـت من الغدة وطفـرت اغسل وكال حُسين :- شبيـج عين الشمس ؟

أمي :- شبيج يمه ما تغديتي ؟

ريتاج :- لا يُمه لا يا روحي أنتِ شـبعت أني اكلو الف عـافية راح أصـعد أحضر نفسي

صعدت سبحت وبديت أحضر الملابس ملابس الطلعة جان بسيطات ومرتبات وطلعت ملابس بيت عريضات ساعة ونزلت لامي وكتلها :- أكوم ابدل يُمه هم يله الحك ؟

- بعـد وكت

- ميخالف راح أكوم ابدل أني ولله گُلش مشتاقة لحواء ولعمتي

عفت أمي وكمـت بدلت ملابسي وشـسورت شعري خـليت حمرة بُني خفيفة جريت كُلحة خفيفـة وخليت عطر وطلـعت جنطة خليـت بيها الغراض الي احتاجـها

نزلت جوة راحت أمي تبدل وأجه حُسين ضلينة نسولف شويه وطلعت أمي وكالت :- يله حُسين

- يله يالغاليـة

طلعنة وصعدنة بالسيارة خليت الهيدفون بأذاني وشغلت مجنوني وتذكرت من نسمعها سوة يا ربي شتاقيت اله أول مره اشتاقلك هيج يله ما باقي شي بدأ العد التنازلي وراح أشوفة

وصلنة للبيت نزلـنة أني وأمي وحُسين رجع دكينـة الباب مرتيـن والثالثة أنفتح وطلعـت النه حواء بس شافتنـة صاحت وكـالت :- هلا مشتاقين يابة

سلمنة ودخلنة جوة سلمنة على ام حواء وأسماء ضلينة كاعدين نسولف
شويه وسمعت صوت حيادر من صاح على حواء :- تعااالي حواء

- جايه

طفرت حواء وطفرت وراها ورحت للمطبخ ناديت وكلت :- حواء

شفتة منتكـي على الكـاونتر سلمـت علية وكتله :- اهلا حيادر

رد السلام بارد وكال :- اهلا بويه

كال هالكلـمات وصعد حسيت متغير گُلش مو نـفس الأسلوب الي يـستقبلني بي دائمًا وحـتى من يراسـلني جان شلونج وشـلون صحتج وهاهية متغير جذريًا

رحت لحواء وسئلتها :- حواء شبي حيادر ليش هيج صاير ؟

- ما أعرف حتى احنة مستغربين منه گُلش
- ليش متغير هواي

نصيت صوتي وكلت يعني من صارت عندي مشاعر اتجاهة قرر يتغير حسيت راسي بدا يأذيني وكلت لحواء :- روحي حواء احجي وياه

- شنو احـجي ويا يا رتـوج ؟
- اي شي حـواء اي شي

- صار
- اجي وراج ؟

- تعالي بس ادخـلي غُرفتي واتسمـعي علينة
- مـاشي يله

صعدنة فوك حواء راحت دخلت لغُرفتة وأني دخلت لغُرفة حواء شويه وفتحت الموضوع حواء وكالتلة ليش متغير ومن هذا الحجي لمن وصلنة للموضوع الي بي أني وكالتلة :- ريتاج شعليها ؟

حيدر :- الها علاقة

حواء :- ليش حيدر البنيه مالها ذنب إذا أنتَ حبيتها وسمعتها أشكال الغزل والحُضن والهدايا وتعوفها بنص الطريق وتتراجع أنتَ مايصير هيج هم عدها مشاعر هيه مو أنسان من حجر ؟؟

حيدر :- حـواء هاي حياتي وأني الي اقرر بيـها

حواء :- ليش دخلت الطريق اذا ما كادر تكملة اعتذر منك هيه أُختي قبل لاتصير صديقتي مثل ما اعزك اعزها هية

حيدر :- والمـطلوب حواء ؟

حواء : إذا ما كادر تكمل وياها وعفتها بنـص الطريـق تروح تتـعذر منها ليش ما كمـلت من الاساس

حيدر :- ماشفت أي مُبادرة من الطرف الثاني حتى تخليني أكمل هذا الطريق سوه .

....
يتبع ⬅️ - البارت الواحد والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.