رواية حيادر الراء . الفصل الأربعون 40 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

للحظـات أريد اسد الاتصـال واقفل التلفون بـس سمعت صوته وهوَ يگول :- يا وجع روحي

رسًا نطـقت وكلت :- حيـادر

- وجعة لحيادر صرتي وجعي بدال دواي ريتاجة

دموعـي كامت داتنزل شهكـت حسيتة تنهد وكال :- يا ريتنـي يمج يا فُستق روحي يا ريتج حـلالي علمود امسح دمعـج الي على خدج يا ريـتني ريتاجة يا ريتـني

- حيييادر
- وجعة لحيادر
- لاتكول وجعة

سكت وره ثواني كتله ببجي :- أني أني أسفه حيادر

- على ياهيَ أسفه هنَ هواي صارن ريتاجة على منو منهن بالضبط على ثقتج بريم لو على دواج لوعلى اهمالج لنفسج على يا هيَ لو عليه أني هااا ؟

- حـيادر لا تقسى عليه فـدوة أني أحبك بعدني والله لهـذه يومي بعدني اشتاقلك بـعدني اتذكرك كُل وقت ما نـاسيتك أبدًا والله

- يا عيناه

- مـشتاقتلك هـواي

- مشتاقتلي فُستق ؟

- وعُيونك مـشتاقتلك بس ما أعـرف شلون اعبر عن هـذه الاشتـياق صدكني

- وينه شوگج ؟

سكـتت وتنهد وكال :- مشتاقلج بس داحس كلمة مشتاقلج مو كافية حتى تعبر عن كمية هذه التعب الي بداخلي والاشتياق واللهفة كُلها فُستق

ضليـت ساكتة واسمـع اله مر وقت وكـال :- شنو مگعـدج بيج شي يا هُيامي ؟

- كعدت اصـلي كملت صـلاة واتصلت عليك لإن بـعد ماعندي طـاقة اتحمل كُل هذه حـيادري

- اووف اوف يا بويه شنو سويتي بيه شنو حياتي بمُر الكهوه صارت .
صرت ادخن صرت اتعب صار عندي ارق صارت حياتي مُررره يفستق مُره حيدرج مو الاولي تعب ، فُستق

- روحـي

- متطشر ويمج انلم

- أحبك حيـادر

- أوف حيييادر أوف ولچ كلمة أحبك منج تطشره بالزايد

ابتسمت ومسـحت دموعـي وكال :- نامي بويه

- ما أريد أنام مشتاقتلك

- نامي وعـوفي الاتصال مفـتوح

- وأنتَ ؟

- داقره للامـتحان وماكدر أنام

كال هيج وسكتت بعدها ما حجيت تمددت خليت راسي على المخدة والتلفون يمه المخدة ومر الوقت ونمت

كعدت الصبُح اجه على بالي حيادر عدلت كعدتي شلت التلفون باوعت على الساعه بالتسعة وربع دخلت على مُحادثة حيادر اخر رسالة كاتب :- " أحبچ يا شُغاف كلبي ، لاتكسريني بيوم ريتاجة كسرتيني مره وتغيرت هواي ما اضمنلج بالكسرة الجاية لا سامح الله شنو يصير أحبچ حد الهُيام اني ثقي بالله ريتاجة "

دمـعت وابتسمت باوعـت للمده مال الاتصـال ست سـاعات ابتسمت وابتسامتي وصـلت لاذني ودزيتلة :- صباح الخـير يا روحي ، حيييادر أحبك وأحُب حُبك الـي

دزيتها ونزلت مبتسمة رحت غسلت وطلعت حضرت الريوك وگُلشي وره وقت كعدت دخلت للمطبخ باوعت عليه :- صباح الخير

- صبـاح النور أمي حبـيبتي

باوعتلي بنظرة وراحت غسلت ورجعت وكلت الها :- يله نتريك لا يبرد
- شبيج اليوم موردة ؟

- ها لا ما بـيه شي گُلشي ما بيـه شبيه قابل

كلت هيج وسكتت بدت تتريك اجاني اشعار على تلفوني غلست عليه أني هيَ أنتبهت بس غلست كملنة الريوك خلصت كمت نظفت البيت بكُل حماس طولت ساعتين بي مسح تنظيف غسل صح تعبت بس عادي كملت وكعدت بالصالة

ثوانـي ودخلت أمي للصـالة وكالت :- عاشت أيدج شـعجب اليوم هيج منظفة

- ضوجة وكلت التهي بالتنظيف

بدأ راسـي يأذيني لزمتـة بأيدي وكـالت أمي :- راسج ، گلبج ! شبييج ؟

- راسي دايأذيني راح اصعد فوك

- اله تنظـف اليوم جايتها الشطـارة كومي صـعدي فوك نامي

رحت للمطبخ خذت كلاص مي وصعدت شربت العلاج ورحت تمددت على الچرباية خذت التلفون لكيت مسجين من حيادر فتحتهن وكاتب :- " صباح السعاده حبيبتي "

وداز ڤويز :- " فدوة الچ أني وحُبي "

اتصلت عليه وأني راسي يأذيني فتح خط :- ها قُره عيني

- حيادر اشتاقيتلـك
- عيـناه لحيادر يا بـويه

سكتت شويه وخذت المهدئات شربتهن بدون مي اجاني صوتة :- ريتاجي ؟

- حيـاتي
- بيـج شي ؟

- راسـي يأذيني
- وين بالضبـط الـصداع صاير ؟

- الجـهه اليسرى
- كـومي طفـي الضوء

طفيته ورجعت :- طفيتة

- جيـد ، تكدرين تنـامين هسه ياروحي ؟
- اي ليـش ؟

- يـعني ما تجبرين نفـسج على النوم ؟
- لا

- وقتي موبـايلج بعد ٢٥ دقيـقة
- ليش حبـيبي ؟

- نوم النهار مُضر فَ هسه أنتِ عندج صداع لازم بين ٢٠ - ٣٠ دقيقة نوم فقط لإن راح تأثر على نومج باليل

- حيـادر ليش متعـلم سوالف الطب وجـايني ؟

- ههههه بويه روحي نامي لاتسولفين أكثر كلما تسولفين دايزيد عندج أول ما تكعدين اتصلي عليه تمام هُيامي ؟

- هاهيهَ يا عشقي تمام

سديته ورحت وقتت التلفون ونمت كعدت على صوت المُنبه فتحت عُيوني گوه تقريبًا الوجع خاف ودايري يروح

خـذت التلفون دخلت لرقم حـيادر داريد اتصل اتـصلت حواء اجاني صوتها العالي وصـاحت :- رجعتووووووا ؟؟؟

- يمعودة اذاني اريدها

- ما مصـدكة ما مصدكة ولچ شـلون رجعتوا سولفي يلـه سولفي الي گُلشي بربـج رتـوج

سولفت الها شلون رجعنة وشوكت وكالت :- يا بعد روحي يا حيادرنا وريتاجتنا احبگم سوه والله

تغـيرت نبره صوتـها وكلت :- ها شبـيج ؟

- راح ابجي والله احبگم سوه وأحُب اشوفكم سوه يارب تبقون للابد واحضر زواجكم وازفكم بيدي

- عُمري ، منو گلـج رجعنة شبـسرعة وصلج الخبر ؟
- حيدرنا الكـفو اتصـل بيه

- يا مُهجتـي يا حيادر
- صدُك يُمكن بعـد يومين ونجي

- هلا بيـگم عين غطا وعيـن فراش
- ههههه غصبًا عليج نسـابتكم احـنه

ضحكنة وسلمت عليه وراحت رحت اتصلت على حيادر جاوبني وكال :- هلا عُيوني

- يا حبيـبي
- هسـه كعدتي ؟

- لا قبل شـويه جنت داخـابر بحواء
- شلون صـداعج صار زين ؟

- خف قلـيل
- يحتـاجلج روتـين نوم

- بعـدين علمني

سكتت بعدها وره شويه كال :- أريد اعاتبج .

- عُتاب شنـو ؟

- فُستق

- عيـناي

- لاتغشمين نفسج بويه ، ليش ثقيتي بدكتورة ريم ؟

- حيـادر تره البنية غلـطانة

- فُستق شنو بعقلج أنتِ ؟

- حبيبي

سكت وره ثواني سحب نفس قبل لا يحجي كتله :- داتدخن چگاير ؟

- اي

- تره مُضره بالصحة حيادر

- فراكج مُضر بالصحة أكثر من الچگارة يا فُستق

سكتت بعد هـاي الجُملة منه وكـال :- أريد اكطعها بس مو هسه

- شوكت ؟

- من أرجع للعراق وأشوف ذاك الطول الحلو گبالي يله

- بـس هيج راح تدمـن عليها أكثر ؟

- عادي ، خلي أدمن شنو ما دامن على شي أني ؟

سكتت من سمعـت صيحت أمي :- ريتاااااجة تـعالي تغدي الغٰدة راح يبرد

وكتله :- أمي داتصيحني اتغدة

- الف عافـية تغذي زين واكُلي خـلي ترجع الچ العـافية

- رجعت العافية الي الفجر

سكـت وسمعت ضحـكتة العالية سـلم وراح نزلت اتغـده يم أمي

....

خلصت اتصال ورحت يم آسر باوع عليه وكال :- أكُلك أنتَ ليش ما تبچي مثلي على الطب المُصخم هذه ؟

- هههههه حـاسـدني شنو

- لا بعدچبدي ليش احسدك بس يله الي يطلع مُعدل ١٠٠ هم يبچي مثل حالي طبعًا لا

ضحكـنة وبدينة نـدرس مر الوقت وكـال آسر :- خلي ننزل للبحر إذا خلصـنة ؟

- عادي ماكو مُشكلة
- هاهيَ لعد بس اكمل الهستولوجي
- هاهيَ

كملنـة ونزلنة رحـنة كعدنة على البحـر وكال :- اهووووو ؟

-شنو ؟

- باجـر أخر امتحـان وراح نصـير مرحله ثانية وتعال أدرس التشريح وأدرس الاساسيات وأدرس مدخـل علم الادويـة

سكت شويه وكال :- أكُلك حيدر

- كـول ؟
- أني شنـو دخلني للطـب ؟
- أمان ، غـير أنتَ

سكت وره شويه كال :- أني هسه عرفت

- شنو عـرفت ؟

- ليش عدت ثلاث سنوات بالسادس

- هههه كـول ليش دكتـور آسر

- جنت معاند أدخُل طب بس الله كُل سنه يوكعني كُل سنه اخر سنه كال أنتَ دروح شكد تعاند أنتَ تريد تاكُلها بخاشوكة

- واكلتهـا بخاشوكـة
- بالضـبط

مشينة شوية على البحر وكال :- أريد اسبح بالبحر

- أسبـح مـنو لازمك

- منا ناس خليه على خير مره نروح للبواخر من يخلص الضيم

- الامتحانـات قـصدك ؟

- ههههههه ما اتوقع اكو ضيم ثاني عندي

ضحكنـة ضلينة وقـت ورجعنة للشـقة

....

مرن يومين كاعدة الظهر جنت داتصفح بالتلفون اجاني اتصال من حواء فتحته واجاني صوتها وكالت :- ولچ المُغرب راااااح نجي

- دسلـمي طرشتي أذاني
- فدوة الي شـنو السـالفة هيَ أذان
- هـم صدُك يمعوده شسـوي بيها قابل

ضحكنه وسلمت وكلت الها :- هلأ بيكم شوكت ما تجون

- فگـدت حيدرنا كُل مره هوَ يـجيبنة الگم اوف يا خـووويه شوكت يتخرج ويرجـع

- ولچ حواء لاتبجيني

دخـلت أمي للصالة وكالت :- ليـش تبجيج حواء ؟

- ها شسمه هذه المسلسل التركي راح تموت البطلة مالته

سكتت وسـدت التلفون حواء وكلت الها :- راح يـجون المُغـرب هيَ وأمها

- هلا بيهم

مر الوقـت صار العصر اجه حُسين من الـدوام جنت كاعدة بالمطبـخ شافني وكـال :- Water please

- أحجي عربي حُسين بربك هيَ مال انكليزي

- مي يمعـودة Water متعرفين شني اسهـل كلمة باللغة الإنكليـزية كُلها هيَ Water

ضحكت ورحت انطيته مي كال :- Thank you Ain Al Shams

- هـاي شنو النوب Thank اعرفهـا شكراً والي بعدة ؟
- ههههه داكول شُكرًا عين الشـمس

ضـحكنة وراح صعد مر الوقـت واجه المُغرب واجو حـواء وأمها جابهم حليم وسلم وراح رجـع ضيفتهم وصـعدنة أني وحواء فوك

أول ما صعدت أجاني مسج ڤويز من من ريم سمعناه أني وحواء :- هلو حبيبتي ريتاج شخبارج شلون صرتي مشتاقتلج گُلش ان شاء الله كم يوم ونجي عليكم

باوعـت عليه حواء وكـالت :- وهاي بكُل عيـن صلفة ؟

- شنو ادز الها ؟
- جيبي أني اكتب الها

- شنو تكتبين
- دجيبي

خـذت التلفون مني وكتبت :- هلا بـعد روحي الحمدُلله كُل الهـلا بيكم والله شوكت ما أجيـتو

خلت التلفون على الميز وجرت أيدي وكالت :- تعالي نكعُد وأريد تسولفيلي تعارفجن من البداية للنهاية

- ليـش شعليـة تعارفنة ؟

- علمود افتهم شنو موصلها لهاي الحاله وليش سوت هيج

- وتعارفنـة إذا اسولفة بي فـائدة ؟

- گُلش يله انطلقي سولفي من تطلعن من تطبن گُلشي گُلشي سولفي الي

بديت اسـولف الها گُلشي من بـداية تعارفنة أني وريـم لحد اخر لحـظة شفتها بي والي هيَ من انـطتني العلاج :- كلتي تحُب واحد بالجـامعة وياها بس هوَ لا ؟

- اي

- وهذه الواحـد يصدها دائمًا وماينطيهـا مجال ؟

- اي

- هسه أني لكفتـها

- شنو ؟

- أنتِ يعني ما دخـلت لعقلج من سولفـت الچ وجه لـوجه

- شبيييج شنو ؟؟

- هاي ليش هيـج ثاقة بيها لهاي الـدرجة ؟

- احجي شنوو ؟

- تعرفيـن هـذه الواحـد منو ؟

- منو ؟

- حـيدرنا عزيزتي حيييدرنا هذه الواحـد الي ريم گالبة الدنيـا عليه

صفنت وكالت :- لاتصفنييين السالفة واضحة مثل عين الشمس

- شنـو الي يثبـت ؟

- يا ربي تريد اثبات النوووب تريد اثبات راح اتخبل أني والله دخيل ربج رتوچ بس سمعيني ، هيَ مو تكُلج اقنع نفسي ما أريد اقابلج بس ما اكدر ويصدني دائمًا ووياها بالجامعة وداتكولين رجعو سوه بالسفر واجو سوه بالسفر

- يعني حيٌادر يحبـها ؟؟

- ما يحبها هيَ البنية لازكتلة مثل العلچ ، داتكُلج يصدني دائمًا الف مره عدت هاي الكملة

سكتت شويه وكـالت :- رتوج فـدوة اروحلج بس فكري زيـن راح تفتهمين گُلشي وراح يتـوضح گُلشي عنـدج ، شوفي ليش سئلتـج على موضـوع الخيانة وليش كلتـلج تجي من الرجال دائمًا وليـش من رجعت من السـفر كلتلج اشـوفة يومية يضحك وي اصدقاءة وليـش كلتلج مايفيدج تسـتاهلين الاحسن أنتِ فهميها

سكتت وأني احاول استوعب كُلشي أريد اجذب هاي الاشياء كُلها بس وضحت هيَ گُلشي حسيت عُيوني داتغوش رحت للمچر خذت من العلاج شربت كبسوله بدون مي :- شنو شبيج ؟

- راسي حـواء أريد استوعب كُلشي اكـول اخاف اظلم البنية وتطـلع نيتها عكس الشـي واخاف اصـدك هذه الحچي وتطلـع زينه

- حقج تثقين بيها إذا هيَ لاعبة بعقلج لعب

سكتت وره خـمس دقائق كالت :- مو كلتلج أنتِ حالتـج خطرة بالمُستقبل ؟

- اي ؟

- اي لعد بعد شـكو كُل الكلام الي كلتـه مبين أنُ ريم جـانت نيتها مو زينه وكُل هاي بصفحـة والعلاج الي انطتة الچ بصفـحة ثانية

- فهمت فهمت وضحت عندي

- يرادلج هلهـولة والله المُهم أني نازلـة نامي كم دقيقة واكُعـدي علمود راسـج

حركت راسي بمعنى اي وطلعت من الغُرفة رحت تمددت وافكر بريم زين إذا أريد اتقرب الها شنو أسوي علمود اخذ شي صخام يدل على أنُ هيَ مطيتني العلاج عن قصد

وقتت التلفون ونمـت كعدت على اتصال من حـيادر باوعت للسـاعة ما صار الي هواي من نايمـة فتحت الاتـصال وجاوبـته وكلت :- مشتـاقلج تامور گلبي

- حيـادري أني الأكـثر يا روحي

- شلون صرتي خابرتني حواء قبل شويه

- لا زينـه لا يضل بـالك

- بالي يمج للدوم فُستق

تذكـرت هاي الكلمة الي سمعـها الي أول ما صـار بينه كلام وكتله :- ذكرتني بـذاك اليوم

- من تمرضتي وكتلج " راح يضل بالنه يمچ للدوم "

- اي هوَ

ضلينه نسولف شويه نوب صاح اله صديقة آسر وراح نزلت جوه اسولف وياهم مر الوقت صار العشة تعشينة وكملنج وصعدنة فوك شربت العلاج وتمددت سولفنه شويه ونمنه

كعـدت على صلاه الفـجر لكيـت حواء كاعدة قبلي داتصـلي كملت وكتلها :- شعجب كاعـدة قبلي ؟

- عيني ما خذت نوم
- تقبل الله
- منا ومنج

نزلـت توضيت وصعدت صـليت وكملت ونمت كعدنة الصبُح مر اليـوم عادي الى ان رجعـن حواء وأمها مر أسبوع جنـت كاعدة بالغُرفة العصرية اجاني اتصـال من ريم

كالعادة جاوبتها سلمت وكملت وكالت :- حياتي باجر راح نجي أني وأمي تُميم يجيبنة

- هلا بيـگم بكُل وقت

سلمت وسدته نزلت يم أني وحُين وابوي جانو ملتمين وكلت الهم :- سمعو الخبر الجديد عيني ريم

بعدني مامكمـلة وكال حُسين :- شبيها بنـت المو خوش نـاس ؟

أبوي :- دسكت لسانك خلي نسمع السالفة ، سولفي يابه

ريتاج :- راح تجـي باجر هيَ وأمها تُميـم اخوها يجـيبهن

حُسين :- العب

أمي :- شـوكت ؟

ريتاج :- ما أعرف يُمكن باجر تخابرني وتكُلي

أمي :- أريد اخلـص من هاي الحيـة الي دمرتج وبعدها داتـلعب علينه

حُسين :- أول مره أشوف دكتورة حية

أمي : مو كُل دكتـورة دكتورة من صـدُك

عفتهم يسولفون وصعدت فوك دزيت لحيادر :- ريم تجي باجر

دزيـت هيج ورحت طلعت ملابـس ودخلت أسبح طلعت مـشطت ورحت للتلفون شفته مسج من حيادر :- شعندها جايه ؟

- تأدي الواجب
- لا اله الا الله

كال هيج وسكتت بعد ودز :- بويه لاتـضوجين مـني

- لا يا عُيوني ما ضايجة منك
- عيناي أنتِ

حجينه شـويه وصاحت الي أمي على العـشه نزلت تعشيت وغسلـت الامـاعين وصعدت حجـيت شويه وياه ونمت

....

راحت نامت جان آسر كبالي كاعد :- تنزل للبحر ؟

- نتمـشى ؟
- اي

- يله امشينه يدلل عليه البحر الابيض المتوسط

- كـوم يله
- كايم وحـك علي

غير ملابسة واجه طلعنة من الشقة ونزلنة كعدنة على الحجرات نزل آسر للكاع اخذ شويه حجار ضل يشمر بالبحر باوع عليه وكال :- أول مره اشتاق للعراق

- ها ضـكت طعم الغـربة ؟
- أخ يا الـوكت أخ
- والبـحر المـتوسط ؟

- يروح فدوة للعراق الأبيض والأحمر والأسود كُل البحار شلع

ضحكـنة ضليـنة وقت وكال :- أريـد اركيلة

- المحلات معزلة !

- أروح للشقـة اسويها واجيبهـا ؟

- تطول !

- لا يمـعود على السريع حلو الجـو ما يحلى اله اركيـلة على البحر

- هاهيَ حبيبي براحتك

- چبد حبيبـك

ضحكنة وراح خذت حجار ضليت اشمر بالبحر خلصن الحجارات طلعت تلفوني دخلت على المذكره وكتبت :- " أين أنتِ لم ارى وجهكِ منذ ُمده لقد اشتاقت عيناي لرؤيتكِ لم تكُن الرسائل كافية لاطفاء شوقي لكِ أين أنتِ متى سيحين اللقاء واراكِ مجددًا وتهدأ القلوب سنلتقي و سامزق كُل اشهر الانتظار أين أنتِ يا شُغاف وتامور قلبي

أين أنتِ سنتلنقي ذات يوم بعد شوق طويل وتسئليني هل ما زلت تحبني يا عيناي ؟ وأجيبك احبكِ أمس واليوم وغداً والعُمر كُله فلا مناص من عشقك يا انا أين أنتِ ؟ "

كملت طفيت التلـفون مرت عشر دقائق اجـة آسر وبأيده الاركيلة اجـه بصفي وكال :- اي أبو الحيادر ، شـوكت تتزوج علمود اركـص بعرسك ؟

- بس تركص ؟

- يمـعود هسه شو عرس حتى مصـري على الطبلة اركـصلك

- لا بشرفك

- وداعتـك بعدچبدي كم صـديق عندي أني

- خير من الله

- هههههه لا حبـيبي جاي اقـصد العراقيين مو الـمصرين إذا على المـصريين حتى عمـيد الجامعة المصري صـار صديقي

خلصنة الوقت ضحك وتدخين أخر شي طفت جمرات الاركيلة وكمنة رجعنة للشقة

....

كعدت الصٰبح الساعة بالعشرة فتحـت التلفون شفت مـسج من ريم كاتبة :- هلو حُب صباح الـخير بالاربعة العـصر احنه يمكم

- صباح النور اهلا وسهلا

دزيتهـا ورحـت لمُحادثة حيادر ما داز شـي دزيتله :- صـباح الخير يالخير كُله

دزتها ونزلت لكيت أمي كاعده صبحت عليها ورحت غسلت ورجعت فتحت التلفون كتمتة وخليتة على الكاونتر وكعدت يمها تريكت وكملت وكلت الها :- راح تجي ريم بالاربعة العصر

- لا هلأ ولا مرحبا ، كـومي جيبي التلفون خـلي اخابر أبوج يـجي من وكت من الشغل

كمت جبت التلفون ورجعت خابرتة وكالت اله سدت التلفون وكمنة ننظف خلصت وصعدت سبحت وطلعتمشطت شعري وعطرت نفسي وخذت التلفون

لكيت حيادر داز مسج فتحته جان كاتب :- " بويييييه "

- حيادر مشتاقتلك مشتاقتلك ، خلي اتصل وأفتح كامرة ؟

- يله هُيـامي

اتصل عليه فتح خط وشفت وجه وكال :- ليش هيج ذبلانة منو مذبلج وردتي ؟

- فركـاك حيادر فركـاك
- وكـت

ضلينه نسولف شويه وكتله :- أريد اشوف البحر حيادر

- من البلكـونة ؟
- لا أنـزل اله

- انتظري كم دقيقة بس اغير الملابس وننزل

- أحـبك والله
- اعشگچ

عاف التلفون على الميز وراح وره عشر دقائق رجع لابس قميص أبيض وبنطلون أبيض شافني وكال :- طلعت جني بطل مايونيز علمودج

هوَ كالي هـيج وأني طكيتها بضحكة ضـحك هوَ وكال :- اروح فـدوات

- يا روحي يا حيادر

قفل بـاب الشقة وطلع مرت كم دقيقـة وشفتة عكـس الكامرة على البحـر بس بعيد تمشى الى ان وصـل للبحر كعد على حجـارت وكال :- هسه حلت كعدت البحر

- لا خچلت هيج حيادري

ضحـك دخن چگارتين وهوَ سـاكت كمل وكاـل :- فُستق

- عُيوني ؟
- داتشربين دواج
- اي مايونيزي

شو بس كـلت هيج انفـجر من الضحـك وكال :- مايونيزج شنو ؟

- غير لابس أبيض وتكول جني بطل مايونيز

ضحـك ضلينة نسولف شويه وسـد الاتصال ورجع كـملت نزلت جوه لكيت حِسين جاي شافنـي وكال :- عابـت شلون خلقة

- حلوة مو ؟

- هيَ هم خلـقة هسه هـاي ؟

- تروح الي فدوة شعجب راجع من وكت اليوم ؟

- خلصـن دروسي

- بس بداية الدوام جانت دروسك ؟

- بالضـبط

سولفنة شويه صارت الساعة بثلاثة كمت رتبت الصالة ورتبت البيت كُله وصعدت فوك لكيت مُكالمة فائتة من ريم رجعت اتصلت عليها رفضتة ودزت مسج على الرصيد :- " بالطريق "

قريـت الرسالة ورحـت دزيت ڤويز لحيادر :- " حبيبي راح تجـي هسه ريم دزتلي وكالـت بالطريق "

دزيتها ونزلت لكيت أمي تباوعلي بنظرات غريبة دقائق وصاحت الي وكالت :- ريتااجة تعاي وراي

- جـايه

دخلت غُرفتها ورحت وراها دخلت قفلت الباب وكالت :- انطيني تلفونج ؟

- ليـش
- انطيـنيا ريتاجة كلت بـدون كلام

گلبي زادت نبضاتة حسيت جسمي دايرجف جان بأيدي فتحت الرمز وانطيته الها خذت وكالت :- تعالي كعدي يمي

رحت كعـدت يمها ونُقطة دم ماكو بجسمي باوعـت عليه وكالت :- دُخليلي على الواتـساب بأيدج

باوعت للتلفون اشرت على الواتساب وكلت الها :- هذه كدامج

- اي داشـوفه دُخلي عليه

دخلت عليه وطلعت بوجهي مُحادثة حيادر أول وحدة وجان داز :- " تمام بويه "

دخلت على المُحادثة أمي وأني بلعت ريگي

....
يتبع ⬅️ - البارت الاربعين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.