حيادر الراء . الفصل الثاني وخمسون 52 - بقلم ريتاجة

روايتي حيادر الراء .

اريد تصويتاتكمَ الحلوه وتعليقات بين الفقرات لان نقراهن كُلهن .

ومبروك لروايتنة لحلوة الي دخلت ملييييون .

....

كمـت وكفت وهوه هم وكف اجه تقدم علمود يحضنـي دفعته أستغرب من تصرفي وضل واكف بمُكانه وقت يله نطق وكال

- ريتاچ !!

حرت شنـو اسوي وشنو اگُله ضليـت اباوع عليه وهوه يباوع علـيه وره وقت گُتله

- حيادر حبيبي عـادي نحچي ؟

- بيچ شـي؟

- لا گُلشي ما بيـه بـس اريد نحچي بموضوع

اچه لزمني من أيدي وجـرها وكعدنه على الچربايه :- گولـي بويه فستق اني اسمعـچ بكُل وقت .

سحبـت نفس :- عادي نأجل الشغـله بعدين ؟

-اي شغـله؟
- الي ببالي وبـالك

فرك وچه وسحب أيديه شمهن وباسهن بعدهـن :- وهسه انتِ دفعتيني على هـاي ؟

أباوعله واني ما اعـرف شنو أرد وشنو اجاوبه وره وقت حـركت راسي بمعنى اي حضني بدون مُقدمات

- عادي بـويه عادي يا شُغاف كلبي قابل اني مـتزوجج على هاي الشغله طبعًا لا .

ما اعـرف شنو اگُله واني مُرتبكه ضليـت ساكته ليش ما اعرف تبعد وضل يباوع على وجهي درخ تفاصـيل وجهي كُلها

تقرب من وجهي لزمـه بأثنين ايديه وضل يبوس بي من كُل مُكان الرجفـه سرت بكُل جسمي ضليت بدون رده فُعل الى ان گال

- كُل عام وانتِ مصدر سعادتي احبچ هُيـامي
- وانتَ بالف خير يا روحها لسعادتك احبك گُلش هواي

كُتله هيچ ورجع اخذ أيديه خلاهم على خشمه سحـب نفس طول :- اريد أملي ريتي بهاي المُخـدرات الحلال اريد اشبـع بس شلـوووون !!!

خذت أيديه بستهم رحت على وجه وهم بسـته بكُل مُكان نفس ما هـوه سووه وياي

- تعالي نصلي صـلاه الشُكر ؟

- شـلون تُتصلى؟

- مو صلاه كامله بـس سچده شُكر لله على نعمتهُ اني اعلمچ باوعيلي بس .

نزع سترته البيضه خلاها على الچربايـه سچـد بالكاع وداسمعـه

- سُـبحان ربي الأعلى سُـبحان ربي الأعلى شكرا لله شكرا لله شكرا لله

سچد وكمل :- سـوي مثلي بويـه

سويت مثله وكملت وكمـت :- عفيـه عليچ هسه شنو فستق راح تناميـن بالبدله؟

ريتاج : ها لا اا هسـه راح انزعها

سكت ورحت خذت الجنطـه طلعت منها السـيت نزعت ذيل البدلـهَ ضليت بس بالفستـان مالتها دخلت الحمام بدلت وطلعت باوعـلي

- تعالي

رحت يمه :- انـداري .

انداريـت بده يفتح ماشات التسريـحه كملهم :- چيبي مُشط

رحت چبت مشط من الچنطـه ورجعت كعدت نفـس كعدتي وانطيتـه اله مشط شعري وكمله ظفره وباس الظفيره انـداريت باسني من چبيني وكال

- شاربـه علاجج؟
- إي

- ومـال الصُداع؟
- إي

- يلـه لعد ننـام؟
- إي

رفع الشرشف الي على الچربايـه باوع عليـه دخلت جوه الشرشـف وغطاني وحضـني بقى يمسح على شعـري باسني من شعـري وبقى يمسـح عليـه

- مو گتلچ اخذچ يا فستق مو وعدتچ بيوم من الايـام راح اخذچ وراح ارجع من السفر وشهادتي بأيدي واوفي بوعـدي الچ گتلچ بس اصبري ويـاي راح اعوض صبرچ عوضـته لو لا عوضـته !!

يا تامور گلبي يا نفسـه لحيادر يا عيناه يا بويـه الحمدُلله من كدرت اوفي الچ بگلمتي وما فشلتيني ووگفتي وياي الحمدُلله بعد ست سنوات بعد تعب ست سنوات تعبچ وتعبي صرنه لبعض ارجع واكول الحمدُلله .

ما اعرف شلون نمت على كلامه وسوالفه الي ما تنمل كعدت الصـبُح چان كاعد قبلي شافني گعدت أبتسـم

- صباح السعاده يا سعادتي غسلي وتعالي عيناي الريوك شويـه ويچي

- صباح النور يا روحي .

حرگـت راسي بمعنى اي وكمت غسلت ورچعـت لگيت الريوك موجـود رحت كعدت گـباله

- وييين گبالي تعـالي بصفي

رحت بصفـه حاوطني بأيـده :- شلون اكُل حييادر؟

- ميحتـاج اني اوگلچ حبيبي

سوه لفه بأيـده صغيـره و وكلنـي لگمـه اله ولگمـه الي خلصنه وكمنـه داريـد اكـوم ابدل اندك البـاب فتحـه حيادر ودخلت حواء هلهلت

حواء :- بالخيـر وبالعافيـه الگم ان شاء الله الولد الصالـح يا احلى ما شـافت عيـني

تشكرنه منهـا وطلعت بدلنه وكملنـه ونزلنه ونزلـت ويانـه نزل حيادر الغراض والجنطـه وخلاهـن بالسياره كمل وصاح النـه صعدنـه وانطلقنه للبيـت شويـه ووصلنه كبال بيت حيادر نزلنه ودخلـت ذبحو جوه رچلي خُروف هلهلن البنات ودخلت للصالـه

بارگلي كُل البنات الموجودات بيهن اعرفهـن وبيهن لا اخر شي اچت ليلى بارگتلي وراحـت مر الوقت وصعدت فوك بغرفه حيادر القديمـه لگيت كم ثوب مخليهن الي علما نروح للبيـت مالتنه بدلت ورتبت شـعري شويـه ولگيته بالغرفه شافنـي

- اويلي عليـك حيدر هنيالك بهذه الجمال كُله .

- يمه حبيبي

ضحك ونزل ضليت شويه اكتُب بالبارت وسولفت وي البنات وشويه ونزلت

مرن كم يوم وانتقلنـه للبيت مالتنه وعايشـه الحياه الي جنت اتمناها بيـوم وحيادر ما مُقصر ولو بذُره صغيره رحت شلت الاكريليك مالتي وخلصت الشهريه بس ما اعرف شوكت انطي نفسي لحيادر ضليت مغلسه على هذه المُوضوع

بيوم جنت داسوي عشه بالمطبخ واكفـه دخل حيادر بأيده علاگه حلويات خلاهن على المـيز واجه حضني

- هاي الچ
- اوووي احبك

باسني من خدي أبتسم وصعد فوك رحت لتلفوني لكيت مسچات بي فتحت الانستقرام لكيت مسچ من كاتبه

- السلامُ عليگم حُب اني كاتبه روائية الصراحه عجبتني المشاهد مال روايتچ وقريت جميع البارتات أذا تحبين تنقليها يمي اهلا بيج بكُل وقت .

- وعليكمُ السلام حبيبتي والله ما اعرف اسئل زوچي واشوف

- انتظرچ

دزيت الها قُلوب وصبيت العشه وصحت لحيادر نزل والخاولي على راسه شمره على الدرچ واچه كعد بصفي بده ياكُل لگمه والي لگمه

- كُل ما ناكُل سوه راح اوگلج وياي!

- اممممم هاهيه

أبتسم كملنه وكام صعد فوك واني التهيت اغسل الاماعيـن كملت نشفت ايديه وصعـدت فوك فتحت المُوضوع وي حيادر ومثل كُل مره رفض تكتبها كاتبه كلبت وجهي ونزلت

سولفت وي البنات مُتابعاتي كالن روحي راضـي خطيـه عاد اني ما قصرت صعـدت فوك اول ما فتحت الباب مديت راسـي دخلت ايديه وره ظهري تمشيت ببطى باوعـت على الثُريه الفوك اشرت عليها

- هاي الثُريه حلـوه

- ما توصل لحلاتـچ .

- شنوووو؟ تقارني وي هاي الثُريه!! اني هم صوچي

انداريت ردت اطلع حسيت ركض واچه حضني على السريع :- شبيـچ بويه؟

حسيت ردت ابچي انداريت عليـه رساً بدون مُقدمات حسيتـه خله شفايفه على شفايفي وطبع بوسـه خفيفـه حضني ودفن راسه بشعري وره وقت وخر باوع عليه

- مو حلو عليچ النگـد بطلي لان ابدا ما يلوكلچ .

- صار

تراضينه ونزلت خذت الحلويـات وصعدت فوك بديت اكُل سألته على كم مُوقف بالروايه علمود اسرد ورچعت واسولف وي البنات وحيادر ضل يتصفح بالابتـوب .

- شـداتسوي ؟
- بحث
- امممم

مرت كم يوم الى ان اجه يوم السبعه رحت سويتها يم عيـالي لانُ گُلهم مچتمعين هُناك حتى ابويه وامي وحسيـن بارگولي وانطـوني هدايـاهم بدلت سبع فساتين لليل خلصت الحفله ورجعنه للبيت مالتنه

حيـادر بالدوام صارت الساعه بالدعش ونـُص كمت سويت كيكه خليتها بالمايكرويف سولفت وي البنات شوي وكمت حضرت ملابسي ودخلت سبحت وطلعت رحت للكيكة طلعتها

رحـت صعدت فوك دانشف شعـري سمعت طكطكه چوه عرفته حيادر شويه وصعـد اول ما شافني حضـني بادلته الحضن وخر وباس چبيني وجر ايدي

- ويين؟
- دتعـالي

نزلت وياه جانن اكو علاليـك على التُخم كعدنه يمـهن فتحهن وشفتهن كاميرات مُراقبه

- شنو نسـوي بيهن؟

- نلعـب شنو نسوي يا فستقه غـير جبتهم الچ

حركت رأسي وباوعت اله بعدم فهم :- الي ؟

- اي الچ هُنا اركبهـم بالبيت لانُ تعرفين اني دوام وعيـاده ولليل يله اچي فَ يُحتاچ للكاميرات بالبيـت علمود ما يضل بالي يمچ بوووويـه .

- مو راح تبطل من العيـاده؟

- اي عن قريـب ان شاء الله يله تعالي ننرگبـهم سوه

- هسه؟

- اي حبيبـي

- مو تعبـان يا روحي خليها على يـوم الجمـعه!

- لا فساتق اريد هسـه .

- براحتـك اني راح اصعد فـوك

- اكمل واجـيچ .

حركت راسي بمعنى اي وصعدت فـوك مشطت شعري وكملتـه شسورتـه ورتبته خليت مگيـاچ خفيـف بدلت ملابـسي شغلت مُوسيقى هادئهَ طفيت الضوه الابيض

شغلت الاحمـر سـويت اجواء شغلت شُموع صغيـره وكملت وضليـت اتصفح بالتلفـون علما يصعد فـوك

ساعـتين يله سكتت الطكطكه جوه شويه وسمعت اقدام مشـي قـريبه على الغرفـه رساً عدت المُوسيقى من البـدايه وسويـت نفسي نايمـه

انفتـح باب الغرفـه ووكف شويه وجع دايمـشي اجه بأتجاهي ما اعرف شنو سووه اخر شي حسيت ببوسـه خفيفه على خـدي

كعدت تثاوبـت بنُعاس باوعت عليه مصدوُم :- ها حيادري گملت؟

- اي ريتاجي شنو هاي الاچـواء الحلوه؟

- مثل وچهك .

گلت هيچ وعدلت گعـدتي وسحبتـه من ايده كعد على الچربايـه وكال :-تامُور گلبي!

- عيناي

گلت هيچ وحضني وخر واخذ ايـديه وشمهم وره وقت باسهم من باطنهـم وخارجهـم رجعت كعدت سحب رچليه مددهم خله راسه عليهم ضليت العـب بشعره

- تعبان هُيامي .
- ليش يا روحي؟ من الدوام!
- إي .

ما اتحمـلت اشوفـه وهوه بهذه التعب سحبت رچليـه من تَحـت راسه وحضنتـه اني بادلـني الحُضن بقـوه

وره وقـت تبعدنـه وبسته مـن خده لزم خُصـري بأيـد والايد الثانـيه لزم شعـري بيهـا

مر وقت وخلصنـه احلى ليلـه مُمكـن تمُر علينـه اني وياه وختمناهـا بحُب ونمنـه بأحضان بعـض كعدت الصبُح قبـل لايگعُـد سبحت ونزلـت سويـت ريـوك وكملـت لكيته داينـزل من الدرچ

- صباح اليوم الجميلُ .

- مثل چمالك يا حبيب روحي

تريك وكام يسبح كمل وراح للدوام مر يومي عادي الى ان رجع باليـل تعشينه وكملنـه وصفن على ايديـه :- باچر نـروح نحقن اثار الچروح الي بأيدچ

- شنوووو ؟؟ شلون نحقن ؟ يأذن لا ؟؟!

- لا حقن Corticosteroid يأذي بس قليل .

- تمام عادي ماگو مُشكلة

كملنه عشه وكمت رحت للمغسله داريد اغسل سحب ايديـه وخلاهـم تحت المي غسلهم وكمل واني ساكتـه نشفهم بالمنشفه واخذاهـم باسهم

- بووويه عااااافيه عااافيه مو ايديـن
- يا روحي انتَ

- هايم بيچ
- اعشقك

رحت للمطبخ لميت الاماعيـن داريد اغسلهـم واجه بصفي وكف

- خلي اغسلهم وياچ خاف تتعبيـن
- هُنه ماعونيـن

- ميخالف اريد اغسلهم وياچ ماعون الچ ماعون الي

ضحكنه غسلنه الاماعيـن وكملنه :- صعـدي فوك علما اسوي عصيـر الچ .

- عصير شنو ؟!!

- عصير فيتامينات .

- تمام مو تخربط المطبخ

- چؤ وحتى لو اخربطه ارتبـه من اخلص

ضحكت وصعدت فوك اتصلـت على امي سولفنه شويه وسدته اتصلـت على حواء هم كذالك سولفنه شويـه واخذت منها احداث وسديته شويه وصعد حيادر بأيده كلاص عصيـر سد الباب واجه بأتچاهـي

- كُلة تشربي
- صار

خذته داريد اضوگه بس لعـبت نفسي منه :- حيييييادر شنو هذا ؟ عصير شنوو ؟

- شبيچ بويه عصير شمندر
- مو طيييب ما احبه

- شربي عيناي ولله مُفيد وزين الچ يله يا عيني المن سويته اني

- بس حيادر وداعتك مو طيب ابداً .

- يله يا عيني خلطت وياه عصير بُرتقال وعصير رُمان متغير طعمـه .

خذتـه من ايـده وشربتـه كُلة جـره وحـده :- الف عافييه راح يفيدح كُلش .

- بـس هـاي المـره ؟

بحمحمه :- اي

حسيت ما اقتنعـت بس يلـه مشيتها اله مر اليوم ورحـت حقنت وانطوني المُده الي يختفي بيهـا اثار الجرُوح

مرت الايام عـاديه خاليه من اي شي وايام وكُلش حـلوه واهتمام حيـادر بيه الي معُوضني عن گُلشي صار بحياتي كُلها وكُلش فخوره بأختياري هـذه

حيادر ترك العيـاده وكام يُشتغل بالمستشفى هوه وآسر طبعا ومخلصها گُله بالطوارئ

فد يوم رجع من الـدوام جنت بالمطبـخ دخل وايـده وره ظهره

- شنو هاي ؟!

- مفاجأة الچ .

كال هيچ وطلع ايـده من وره ظهره شفتـه بوكيـه ورد وملـيان فلـوس

- هـاي اول استلام راتـب الي بالمستشفى حـبيت اول الفلوس تكُون الچ انتِ بالذات يا فستـقه گلبي احبچ هُيامي .

گال هيـچ ورحت حضنتـه بادلني الحُضن :- مايحتـاچ يا روحي انتَ جان ضمـيتهُن يفيـدنك بفد يـوم ومليـون مبروك

- چؤ انتِ اولى
- اممممم يلـه اريد الثاني هُم
- يجرالـچ

ضحكت ومر اليـوم عـادي صار الليل جُنه كاعديـن بالغرفـه

- حبيبتي
- عُيوني انتَ

- باچر معزُوم اريـد الدشداشـه البيضه تكويها عُمري انتِ واذا ما تكدريـن عوفيها .

- ليش ما اكدر و اصلاً هيه مَكويه عشقي

- تمام حبيبتي من ارجع حضري نفسچ نطلع امر على حواء منـاك واخذگـم .

- ويـن؟
- نطلع نفتر شويـه صارلچ هواي ما طالعـه .

- عـادي حيادر اكيد انتَ مدا تفرغ

- حتى لو ما افرغ يا حبيبتي لازم افـرغلچ مو گُلة دوام دوام

بستـه من ايـده :-احبچ هُيامي .

- احبك عُشك ريتاچه .

حُضنه بعض ونمنه كعدت الصبح ساعه بالوحده توضينـه سوه ورحنه صلينه كملنه وتريكـنه مر الوقت بدل ملابسه وطلع للعزيمه وقت وكمت حضرت نفسي لبست بشت اسود وحچاب وصبغت اضافيري

مـر الوقت اجـه حيـادر :- يله بويه حواء بالسياره تنتظرنه .

خذت الچنطه خليتها على چنفي وكلت بأستعجال :- جايـه حبيبي

رحت صعدت بالسياره سلمت على حواء حضنتني وطلعنـه تعشينـه بالمطعم وافتريـنه بشوارع بغداد الچميله ورجعنه صعدنه السياره شغلنه اغُنيـه وكالت حواء

- دقيقه خلي اصورگـم وأوثق اللحظه .

جانت كـاعده ورانه واحنه بالكُشن الامامي وتصور بيـنه خلصنه الطريـق بالتصويـر ورجعنه وصلنه للبيـت وكالت حواء

- لاترچعني للبيت اريد ابقى يمگم وباجر ارجع من تودي رتوچ لبيت اهلها .

- تمام بويـه
- كفو ابن كفو

ضحك وصعد واني صعدت بدلت ملابسي ونزلت لكيت حواء بالمطبخ تشرب مي شافتني وچرتني من ايـدي كعدنه على الميـز

- شلونچ ؟
- معليچ من لوني انتِ شلونچ شنو وضعچ ؟

- زين .
- متأكده ؟

- اي
- ان شاء الله مُثل ما تگولين .

ضلينه نسولف شويه ومر الوقت ونمنه گعدنه الصبح تريگنه وعزلنه وكمنـه نبدل خلصنه وصعدنه بالسياره مسافه الطريـق ووصلنه

نزلت سـلمت عليهم وامي حضنتني ضلينه وقت يمهم وشويـه وصاحني حيادر رحت يمـه جان بس هوه بالاستقـبال باسني من چبيني

- ديري بالچ على نفسچ بويـه
- من عيني وانتَ هم
- تأميريـن أمر

حضنتـه وراح رحت الامي :- ريتاچه حضري روحچ العصر نطلع

- وييـن ؟

دخل حُسين على الواهس وكال :- هسه مفاجأة مايصير

- اكيد تخُصك

- طبعاً وگُلش مُهـمه

ضحك وطلـع وضحكت امـي وبقيـت ما اعرف سالفه الطلعـه شنو

....

مرت الايـام وحُبي لحُسين يزيد ما ينقص وهوه كذالك ابداً ما بيوم ضجت منه تعامله وياي واهتمامه گُلش يعچبني وبحدود وابداً مايسوي شي بالخرام بس النظرات بيناتنه وبس

يوم جُمعه جنت كاعده الصبُح اتصل عليه حُسين :- حضري نفسچ اليوم جايين اني والاهل

طفرت ما فاهمـه شي :- شنووووو؟ تچون ؟؟ شنو تسوون ؟!

- ولا شي بـس علمود تصيريـن حلالي يابعـد روح حُسين

ضحكت ما مصدكـه سديـت التلفون بوجه من الفرحـه اجتني لحظه ادارك ورجعت اتصلت عليه

- الووو حبيبي

- يا عيـنه ادري حبيبتي بدون ما تحجين نصدمتي وسديتـي الاتصـال وبعدين اجتچ لحظه ادراك عادي تصير بأرقى العوائل .

- عززززه هاي شلون حافضني ؟
- آيريماتي تعلميني بيچ صدُك جذب

ضحكنه وسولفنه شويـه ونزلت جوه گعدت يم امي :- يُمه تعرفيـن ريتاج الي قبل مُده صار عرسها؟

- اي يمه شبيها ؟
- احممم احمم اي اهلها راح يچون يتقدمولي اليوم .

سكتت وره شويـه كالت بهدوء :- كُل الهلا بيهم

حضنتها وبستها وكلت الها :- اتصلي على آسر وگُليله .

- صار

أبتسمت الها وصعدت فوك مـر الوقـت وكمت حضرت نفسي على السريـع نزلت على صباح آسر : آييييريم

نزلت سلمـت عليـه :- شلون اثنين واحد لغه انگليزيه وواحد تمريض .

- هاا وشبيـه اني

- مابيگم شي والله تخبلـون بس راح تتراهمون اذا صارت القسمـه

- لا ان شاء الله تصير

صفنت وانتبهـت على كلامي وكتله :- هههه اشاقـه

كلت هيچ ورحت للمطبخ ركض مر الوقـت واندك الباب راح آسر يفتحـه دخل ابوي

- السلام عليكم
- وعليكم السلام

سلم وسلمنه عليـه ودخـل مر الوقت واندك الباب هم راح آسر يفتحـه واني وامـي بالمطبخ سلموا اهل حُسين ودخلوا استقبلوهم ابـوي وآسر بالاستقبال شويـه ودخلت امـي عليهم واني ضليت بالمطبخ اتسمع عليـهم

مر الوقـت صبيت العصيـر بالكلاصات ورحـت قدمتـه الهم جايـه ريتاج وياهم وامهم وابوهم وحُسيـن بصفه بوكيه ورد أبتسمت لان طالع حـلو رچعلي الابتسامـه خلصت التقديـم ودخلت رجعت الصينيه وكعدت يمـهم

بس سوالف واخذ وعطا من ابـوي قبلو اخر شي كال ابو حُسين :- يله اقروا سوره الفاتحة

قروها گُلهم وكالت ام حُسين :- خلي يگُعدون سويه يتعرفون على بعض .

كالت امي :- اي ليش لا طبعًا خلي يگُعدون بالصاله

كمت طلعت من الاستقبـال ودخلت للصاله وره خمس دقايـق دخل حُسين قدم البوكيـه الي وكال :- الله شعور النصُر .

- بعد مُعاناه طبعًا

- اعشگچ يا عُيوني انتِ لچ شنو هاي شطالعه كيمر عرب عَسل السدر ؟؟!!

صافنـه على غزله اخر شي كال :- اله احرك اهلچ اليوم

- شنووو
- يعني مو حرك گُلش لا نص استاو

ضحكت على كلامه شويـه ورجع واني ضليت الى ان رجعو لبيتهـم وآسر طلع وراهم واني صعـدت فوك بدلت ونزلت

....

رجعنه من خُطبه حُسين گُلنه فرحانين لان قبلوا وحُسين كلب السياره بالهلاهل والسياره كُل سرعتها

- حُسين هاي المره ماتسوي بيه تسلُخ بالشريان لا كُبل سفره الى الله

- مو زين سفره ع حسابي

ضلينه نضـحك شويه و وصلنه للبيت لليل اجـاني حيادر ورجعنه للبيـت اول ما رجعنه كال

- بالعافيـه وبالخيـر
- الله يعافيـك حبيبـي

- عُمري انتِ حبيبتي العشه جاهز بالثلاجه لاتعبيـن نفسچ
- صار

كتله هيچ وصعدت بدلت وكملت ونزلـت حضرت العشه وصبيته وكعـدت يمه بده يوكُلني وياكُل

- ويـن ترُديـن شهر العسل ؟
- اممممم ، مِصر !!

سكت شويه :- بـولندا؟ جُورجـيا؟ النرويـج؟ ماليزيـا؟ سوِيسـرا؟ اله مِصر !!

- إي حيادر اله مِصر
- مو اكرها يا بـويه
- ليـش؟

- شوفـي اني احبها واكرها نفس الوقـت احبـها لان الدوله حلوه من هاي الناحيـه واكرها لان انتِ مو يمي بيها .

- اممم اعرفك حبيبي بس اني اريد شهر العسل بيها فدوه اروحـلك

- يجرالچ يومين ويمچ التذكره
- يا عيوني انتَ

أبتسم الي وخلصنه عـشه غسلت الاماعين صعدنـه فوك تمددنـه على الچربايه حاوطني بأيديه :- كم يوم نبقـه؟

- 16 يوم ..
- اممم متحمسـه اريد نوكف كبال الچامعه مالتك اريد اشوفـها
- صار

كال هيچ وسكتنـه ونمنـه كعـد على صلاه الفچر لكيته كاعد قبلي باوع عليـه وكال

- ننزل نتوضى ونصعد نصلي ونقر قرآن سوه ؟
- يـله حبيبي

نزلنـه توضينـه وصعدنه صليـنه وكملنه وطلعنـه قرآن قرينـه سوه سوره البقـره كامله كمل مسح وجهي وراسي بأيديـه باسنـي بخدي

- يـله تناميـن؟

- وانـتَ؟!

- عنـدي بحـث عفته على النُص اريد اكمله واتريك واتجهز واروح للـدوام .

- مو تنعـس؟

حيدر : ميهم حبيبي انتِ روحي نامي عيناي وباچر لاتنسيـن عصير الشمندر سوي انـتِ ادزلچ مقاديره على الانستا وانتِ سوي ماشي بـويه؟ ولو مايحتاج اوصي

- صار من عيني
- هُيامي انتِ

أبتسمـت ورحـت نمت كعدت الصبُـح لكيت مسچ منه :- "حبيبتي لاتعبين نفسچ الريـوك بالثلاجـه جاهز "

نزلت اشـوف شنو بالثلاجه لكيته كيمر وخبـز سمسم دزيتله :- " عُمري انـتَ "

شـوية وشفتة يكتـب :- " تريكي وسـوي عصير الشمندر حكتبهن الچ هسه ...

أبتسمـت ورحت غسلت ورجعـت لكيتـه داز مقاديـر العصير تريكـت وكملت ونظفـت البيـت على السريع وصعدت فوك سردت شـويه من الروايـه واجاني مسچ :- " فستق نزلي سوي العصير داشوفچ ماكو بالمطبـخ "

يبووو نسيـته ودزيت اله :- " صـار حبيبي تدلل "

دزيتلـه هيچ ونزلت سويت العصيـر وكملته وبيه ما بيـه شربته وصعـدت فوك نمـت كعدت العصـر لكيتـه بعد ماجاي رجعت نمـت كعدت المُغرب ودزيتله :- " حيادر شو تأخرت؟ "

شويـه ودز :- " داحجز تذاكر حبيبتـي "

- " تمام عُمري "

مر الوقـت واجه حيادر حاچز تذكرتين شويه وكال :- 19 بالشهر الطيـاره بويـه

- اليـوم 13 يعني بعـد سته ايـام؟
- إي يا عيناي انتِ
- اممممم متحمـسه اسافر وياك

كلت هيـچ واجه حُضني بادلته الحُـضن ورحنه كعدنه بالگاع وظهـره على الحايـط

حيدر : هوه الحماس يحليچ لو شنو؟ مدري انتِ حليانـه؟ فستقه شنو هذه الچمال؟ ربچ من خلقچ ما فكر بييييـه؟!

من الكلام ماحسيـت اله عضيـت ايده :- هاا عيني شبيييچ فستق ، چوعانه ؟

ضحكت من الصدمه كام مدايعـرف شنو يحچي :- انتَ حمستني بغزلـك ششسوي؟

ضحك وحضني عصرني عصـر بالحُضن :- اريـد هيچ اضمچ بگلبي ولچ والله من حُبي الچ ما اعرف شنو اسويلچ ولچ والله هايم بيچ ولچ والله ميت بيچ ميييت علييچ اخ بويـه اخ بـويه شگد احبچ

رفعت عيوني لعيونـه لزم وچهي بأثنين أيديه وباس كُل وجهي بكُل مُمان دايخلي أثره

- يـله نتعشى و أوگُلچ؟
- يـله

كمنـه لبسنـه الصداري مال الطبَخ وبدينـه نسوي عشه سوه هوه عليـه المُقبلات بده بالسلطه يسوي بيها كملت البتـيته وردت اخليها بالزيـت وكال

- لا لا بويه خليها بالمقلاة الهوائية الزيت نسبه جداً قليله بي .

- صار

كملنـه العشـه وصبينـاه وكعدت بصفه وبده يوگُلني قبل لا ياگُل :- عيناي شلونـها السلطه؟

- تمرعد تمرعـد تسطر سطر هوه كُلمن اجه وسوه سلطه يُمممه .

ضحكنـه وكملنه وشلنـه الاماعيـن راد يُغسلهم وياي وكتله :- لا لا لا روح كمل شوف شعندك باچر بحث شي مو تكعد الفچر تكمل

- هـسه من اكمل

- لا لا يا روحي والله اني اكملهم يا عيني انتَ لخاطري كمل واچباتك خاف عندك

- يُمـه حبيبي تدللين

أبتسمت اله وصعد فـوك كملت غسل الاماعيـن وصعدت فوك فتح البـاب ودخلت لكيتـه فاتح الابتـوب ودايگتب بالورقـه عرفته بحث كعدت يمه التفت الي

- فسـاتق
- عُيوني
- هم ترديـن طفـل ؟

رساً من كال هيچ كُتله :- لا دامك انتَ ويـاي هاهيه ما رايـده شي بعد بحياتي

- فستـق بداعتي گولي اعرفچ ترديـن !

- هوه خطر على حياتي واعـرف بحياتي اني ما راح اصيـر اُم حتى لو رايده هذه الشي حيادر

حيدر : هُسس حبيبتي هُسس لاتكوليـن هيچ حتى او اضطر اسفرچ للخارچ المُهم اعالجج

ضليت ساكته وقت طويل ما بدر اي كلام مني بحيث صار هُدوء گُلش قوي بيناتنه الى إن انكسر حاچز الصمت وگلت

- انـتَ عالچني ماتعـرف ؟

- اعرف وداعتچ اعرف بس فستق گلبي ما ينطيني اعالجج اني صدگيني

لو اعرف انطيچ عُمري في سبيل تعيشين انتِ مو بس اعالجج لچ انتِ نُقطه ضعفي ما اكدر اعالجج وبأيدي

راح تگُولين ضعيف .. بحُبچ اگُلچ اي ضعيف وگُلش ما أحب الاذيـه الچ مو النوب اني اسبب الچ الاذيـه واعالجج ؟!!!

دمعـت عُيوني ما حسيت اله ايديـه على عيوني يمسح بيهم وحُضني

- لا لا حبيبتي لاتبچـين يا روحه لحيادر تنهيني نهي اذا تبچين لو تضعفيـن ريتاچه

حضنـته بادلني الحُضن ضل يمسح على شعري :- تثقيـن بيه ؟ تثقيـن بدراستي ؟

سحبت نفـس :- حبيبي يا نور عُيوني انتَ اني اثق لدراجه افضل المَوت على ايـدك حيادر گُلش ثاقـه بيك وبدراستـك

وابداً لاتسألني عن شي واعرف كُل خُطوه تُخطيها هيه زيـنه الي وگُلش متأكده إذا مو زيـنه ماتسويهـا الي

- يا بـويه اسم الله عليچ گُلش فخور بيج گُلش اختيارچ الي وثقتـچ بيه فوك راسي يا فستق .

تبعد واخذ وجهي بين أيديه وطبـع بوسه على چبيني وراح فتـح الكنتور طلع شرشف خفيف واچه بأتجـاهي خله ظهره على تاج الجربايـه واني تمددت بحُضنه غطاني بالشـرشف ضل يمسح على شعري ونمـت .

كعدت على هَمسـات :- آسر تعبها الادويـه تعرف كُلش زيييين مُستحيل حتى لو تشافت اني ما راح اجازف بهذه الشي

تمام هذه هو افضل نضل على حتى لو تشافت بنسبـه جدا قليله افضل تمام
جاي مسافـه الطريق بس لا مكمل ماعندي شي الله وياك .

ضليت افكر بيني وبيـن روحي الى ان رفع الشرشف غمضت عُيونـي باسني من چبيني وطلع من الغُرفه دافكر ونمـت .

مر اليـوم رجع حيادر باليـل وبأيده بوكيه ورد وعلاگـه خلاهن على الميز واجه باس راسي

- العشه كامل لو اطلع اچيب من بره؟
- لا يا روحي كامل

- ماشي فستقه لاتعبيـن نفسچ زياده
- صار

راح يسبح حضرت العشـه وكملـت فرشت سفره صغيـره بالگاع كعدنه اني وياه بده يوگُلني وياكُل اخر شي كسر حاچز الصَمت :- فستق .

- عُيوني !

- اريد اخذچ اسحب دم منچ واشُوف وضعچ اذا يُتطلب الادويه او لا او اذا تطلـب عمليه او لا .

- ماكو مُشكله حيادر حبيبي الي تشوفه مُناسب سوي بدون ما تكُلي

أبتسم خلصنـه اكل وكمنـه مر كم يوم عـادي الى ان بيوم كعدت الصبُح غسلت وتريـكت وكمت بدلـت وكملت شافنـي حيادر وكال

- يـله كملتي؟
- إي حبيبي

مـد ايده لزمتها باسها ايدي ونزلـنه سوه صعدنه السياره وگُبل للمُستشفى اول ما دخلـت استقبلونه اطباء ضل حيادر يسلم عليـهم وعرفهم عليه شويـه واجه دكتور آسر

آسر :- صباح الخير ازيكو يجماعه عامليـن ايه؟

حيدر :- صباح النور بخير بخير الغُرفه فارغه؟

آسر :- إي بعد چبدي .

حرك راسه حيادر ورحنـه على غُرفه فارغه اعتقد غُرفه من غُرف الاطبـاء كعدت سحـب دم منـي وراح للمُختبر .

- شـويه وارجع ما اطول .
- تمام حيادر

ضـليت بالغُرفه شويـه ورجع جايـب وياه كيـك ومي :- هذه الكيك بي نسبـه قليله من السكُريات اعـرفه وهذه المي هضمي بي الكيكه العصائر الي هُنـا كُلهن اصباغ من نرجع اني اسويلچ عصيـر .

- تمام حبيبي بس مو عصيـر الفيتامينـات مال الشمندر؟
- لا غيره گُلش طيب راح يعجبج .

- تمام يا عُمري شوكت ارجـع؟
- عندي كم شغله اخلصهن على السريـع ونرجع .
- ماشي عشـقي

راح ربـع ودخل آسر للغرفـه :- هلا خيتي حيدر ويـن ؟؟

- ما اعـرف والله كال اخلص كم شغـله واجي .

خله ايـده بچيبه وكال :- يجوز بقسم الطوارئ

ميلـت راسي بمعنى ما اعرف مرت عشر دقائق واجـه هوه وآسر دخلو الغرفـه :- يـله بويه كومي .

- تمام

نزع الابكوت الابيض ضل بالقمـيص الاسـود والبنطلون البيجي باوع عليـه وكمت نوب باوع على آسر وكال :- يله آسر طالـع اذا تحتاج شي خابرني ومثل ما كتلك .

- صـار .

حرك راسه والتفت عليـه ولزم ايـدي وطلعنـه من الغُرفه شويه وطلعنـه بره المُستشفى صعدنه بالسياره وگُبل للمطعم اخـذ اكل سفري ورچعنه للبيت

دانتغـده وكتله :- شعچب ناكُل اكُل مطاعم؟

- هذه المطعم اعرفه مايقلون بالزيـت بمقلاة هوائية وگلش نظيف اكلهم والي بالمطعم يشتغلون كُلهم اعرفهم .

- هاااا مضبط الامور
- اي حبيبي شلون لعد .

ضحكـنه وكملنـه الغده وصعدنـه نمنه كعدنه على أذان المُغرب نزلنـه توضينه وصعدنه صليـنه وكملنه ونزلنه للمطبخ

- فستق ترديـن عصير الموز بالحليب لو لا ؟
- بكيفك حيادر حبيبي .
- تمام

سوه عصير الموز وكمله كعدنه على الميز شربني كلاصيـن وكال :- الثالـث ؟

- لا حيـادر هاهيه
- اخر واحد !
- باليل ؟

- صار
- تمام هُيامي

اخذ الكلاص وخلا على السنك ورجع كعد وسحب ايديـه لزمهم بأيديه :- فستـق

- عُيوني
- تتذكريـن من جنت ما اريد الطُب وافضل العسكريـه؟

- إي !

سحـب تنهيده وكال :- هسه أشكر رب العالمين الف مره لان دخلت طب مو حُباً بي لا بس علمودچ علمود اشافيچ ان شاء الله من كُل مرض احتمال رب العالمين دخلني الطب علمودچ فستقه

أبتسمت وكام باس چبيني حضنته ضليـت وقت وتبعدت عنه .

مرت الايام وطلع تحليلي الي اخذته وبـلشت بالعلاج قبل يوم السفر رحنه الاهلي ودعانهم ورحنه لعيالي هم ودعنـاهم اجه يوم السفر حضرنه الچنط وگُلشي باوع عليه حيادر

- كُلشي كامل ؟
- اي حبيبي هاهيه خلصت وكملت .
- يله نطلع بعد ما باقي شي لوقت الطياره

- اي حبيبي يلـه
- يلـه يا عيناي

طلعنـه من البيت ساعه بالـ2 باليـل ساعه ووصلنـه للمطار طيارتنـه بعد اربعين دقيقـه فتشـو الجُنط وكملو وضليـنه كاعديـن نسولف

- جوعانـة ؟ ترديـن كيك ؟!

- بـس كيك؟

- اي مو خاف العصـائر الي هُنا بيها اصباغ فَ متفيدچ

- لا لعـد عوف حبيبي ما اريد هسه خليها من نُصعد الطياره

- يعني اشتريلچ ؟
- إي

حرك راسه وراح وره دقائق رجع بأيده علاكه صغيـره كعد يمي وشوفني الكيك

- بس هذه الكيـك موجود بي نسبه قليلـه من السُكريات وهـذه بسكت هم نفس الشي

- عادي يا روحـي

- مو عـادي والله عوفي اني اكُلهن مو زيـن عليچ عود نشوف اكُل الطياره .

أبتسمـت بوجه ضلينه ناخذ صـور شربت العلاچ وشويـه وسمعنه المُناداه طيارتـنه رحنـه للـطياره وصعدنه واني اتذكر شُعور حيادر كُل ما يسافر كُلش صعبه وخاصا بس هوه وصديقـه جانو يسـافرون گُلش صعبه

صعدنـه الطياره وكعـدنه مر وقت انطلقت لزمت ايـده بقوه لان كلبي دايأذينـي :- حييادر گلبببي

- شبيچ فستـق ؟
- احضني عليـك

بعدني ما مكملـه حضني دفن وجهي بصدره وضل يمسح على رأسي وهوه يكول :- ماكو شي حبيبتي ماكو شي ماخـذه العلاج ماكو شي هاي اني هم گلبي يأذيني من تصعد الطياره او تُهبط لا تهتمـين حبيبتي

ضل يمسح على رأسي بأيـد واخذ ايديـه بأيده الثانيـه عصرهم على ما استقرت الطيـاره لوضعها الطبيعي

- شوفي ماكو شي ليش تخوفيني عليچ يا روحـي يا عينـاي

- لا هـاهيه حبيبي لا تخاف ماكو شي صرت زيـنه .

كتلـه هيچ علمود لا يُضل بالـه عليـه وقت ونمت على چتفه خلصن الساعتـين ونُص ووصلنه نزلنه بالمطار خذنـه الجنط وطلعنة بره المطار

اباوع على جو القاهره كُلش حلـو خـذنه سياره ورحنـه لمحطه القطار انتظرنه القطار على ما وصـل صعدنه بي وگُبل للاسكندرية

نمت وقت وكعدت اباوع على حيادر صافن

- مانمت ؟
- لا

- ليـش ؟
- ما نعسان هُيامي

غلست عليـه مر الوقت وصلنه للاسكندرية نزلنه خذنه سياره ورحنه للفـندُق صعدنـه كُبل للغُرفه نزعـت حذائي وذبيت نفسي على الچربايـه من التعـب بعد ما اعرف شنو صار

وره وقت گُلش طويـل كعدت على حركه لكيت حيادر يمسح على شعري بحركه بطيئة واني بحضنه ولاف أيديه عليـه ومقيدني عرفت هوه نازع شالي

- حيادر
- عيناه

- احُبك هواي والله
- هايم بيچ يا بويـه

صحصحت وكعدت وخذت ملابس ودخلت اسبـح كملت وطلعت لكيت حيادر ماكو نشفت شعري وضليت كاعده على الچرباية وقت واجه بدون ما احجي كال

- جنت اكُللهم على الريوك فستق
- ليش مو هُمه يصعدوه بدون ما نگُول ؟

- چؤ اني كلت الهم اريـد ريوك صحي
- همممم

راح خله ظهره على تاج الچرباية واني التفتت للميز عطرت نفسي وشويـه واجه الريوك خُبز وبيض وزيتـون وطماطه وخيـار وكيمر وحليب وجاي ومي حـار وبعد اكو أشياء .

تريكنه وخلصنـه ورحت تمددت وصاح حيادر :- لاااا لاتتمددين هسه گلتي ميصير

طفرت وخليت أيدي على گلبي وگُتله :- شنوووو حييادر فززتني !!

ضليت اخذ نفـس شهيق وزفيـر وهوه يباوع الي بخُوف يريد يسئل بس متردد اخر شي نطق :- بيچ شي ريتاچه اوديچ للطبيب ؟

- لا گُلشي مابيه بس لاتفززني بعد
- ما فززتچ مچرد نبره صوتي علت شويه ؟

- اي حيادر بس الغُرفه هدوء واجت نبره صوت عاديه شوي شي طبيعي اني افز

اچه يمسح على شعري وحضني :- اعتذر قُره عيني اعتذر ما ادري راح تفزين يا عيناي

بادلته الحُضن وباسني من شعري وعدلنه گعدتنه فتحت التلفون بديت اخذ منه أحداث واسرد

كملت وگال :- عُيييوني ساعه ثلاثه حضري نفسچ ننزل نتمشى على البحر ونتعشى

حچيت بحماس :- الله تمام قبل المُوعد تلگاني مكملة

تقرب علية وكال :- ولچ احبچ فساتق

- هههههه لك عييييني هايمه بيك

- هاي مالتي فستق شوفي الچ غزل جديد

- اووي يا عيني هسه واذا مالتك اني اريد أخذها تخليني ؟

- ليش اني ارفضلچ طـلب ؟
- لا
- داخذيها لعد

أبتسمـت مر الوقت كمت ابدل واتچهز لبست ملابس بيضـه وحذاء وردي وربـطه بيضه وبيها نقُش وردي وحيادر لبس تشيرت نص أسود ردن وبنطلون رصاصي وحذاء أسود بـاوعت عليـه وباوع عليه

- هسه منو الحلو اني لو انتَ !
- اكيد انتِ بدون سؤال

أبتسمت ووكملنـه وطلعنه من الغُرفه قفلها حيادر ونزلنه من الفندُق خذالي گم صوره حـلوه

- بس راسچ على اليمنة شوية
- شلون يعني على اليمنـة شوية ؟

- ميلي فستق ميلي
- تمام

- خلـي أيدج على خشمچ مثل التعطسين
- هههههه بس أني ما اريـد اعطس شلون !

- فيكـة عيناي
- حيادر ما عرفتك مصور لو دكتور انتَ ؟
- مواهب مـدفونة للأسف

ضحكنه وخذالي بعد صـور وكال :- تعالي گُعدي هُنا خلي اخذ الچ بين الأشجار

رحت كعدت وهوه راح ياخذ الي كمل وكال :- تعالي اخر شي على هاي المرجوحة كم صوره علمود نطلـع

رحت ضل ياخذ الي خلصنـه وطلعنه وكال :- شـوفيهم حلوات

ضليت اتمشى واكلب بالصور وكفت يم البحر خذيت صـور هواي دزيتهم لامي ولحواء وللبنـات

- حييادر حلو البحر ؟
- مش حلو

- حـلو ؟
- مش حلو

- حـلوو ؟
- مش حلو

- اخـر مره بعدها لا اعرفك ولا تعرفني ماشي ! حلو لو مو حـلو ؟!

سكت حك حاجبة وكال :- يجنن بويـه يجنن

كال هيچ وضحكنة حاوطنـي بأيده فوك چتوفي وضلينـة نمشي صعـدنة سياره وانطلقنة لمُكان شوفـني هواي أماكُن حلوه بمصر وأني گُلشي اشوفـه اصوره وحيادر ولا مهتم

- حيادر ليـش مدا تصور ؟
- كُلهن شايفهـن

- يعني ماخذ الهن صـور
- چؤ مـو اني آسر
- امممم

تعشينـة ورجعنه للفندُق هوه نام من التعب واني ضليت اسرد شويـة ونمت كعدنـه الصبُح شفت حيادر دايحضر ملابس

- صباح النور حبيبي

- صباحچ ورد كومي سريع بـدلي علمود ننزل على البحر ريوكنة يله فستق

كال هيچ ورحت سبحت وكمت وبدلـت وطلعنة نزلنـة جوه على البحر ضليت اخـذ صور على ما يجي الريـوك

حيادر ضل كاعد على الميـز وأني نزلت للبحر ضليت العب بالرمل كتبت حروفنـة وصورت

وكتبت حرف حسين وآيريم ودزيتها اله شـوية وجاوبني :- "احبچ خيتي Thanks"

خليـت اله قلب على المسچ وصاحني حيادر على الريـوك رحت غسلت ورجعت كعدت يمـة منزل تكة لحم وطماطـة شوي وليمـون وزيتون وكُلشي شغلت فيروز وصورت وضليـنه ناكُل

ردت على الستوري حواء :- ناس تسافر وناس تغسل مواعين من الصبـُح شوووگت اتزوج واروح شهر العسل شووكت وكون الي ببالي اخ يُمة

ضحكت ورديت عليها خلصنه ريوك وصعدنة فوك ضلينة نسولف ونسرد الى أن صار العصر طلعنـة لغير مُكان وناسة وضحك وصور

وذكريات حيادر وهوه يسولفني عن كُل مگان كعد بي وحان يقره او طالع هوه وآسر اخر شي گتلة

- حيادر مُمكن طلب ؟
- عيوني الچ

- اريد تاخذني للجامعة مالتك اشوفها
- مو شايفتها بالصور فستوق

- اريد بالحقيقة
- يجرالچ شُغافي

ضحكت وطلعنه نتعشى كملنة عشة ورحنة للفندُق ثاني يُوم خذاني حيادر للجامعة مالتة وهوه يگول

- جنت اكرها هاي الجامعة وعُمري ما حبيتها واذا احُبها فَ بأوقات اني اكُلچ شوكت

بيوم الي ارجع بي واني اعرف أنُ راح ارجع للعراق واشوفچ بس هاي اللحظه جنت احُب الجامعة بيها بس رجعت وحبيتها لان تخرچت منها حتى اداويچ وبس .

- يا روحي انتَ

حضني ورجعنة للفندُق اجه اتصال لحبادر جاوب وخلص وكال :- راح اروح التقي بجماعتي الاطباء

- تعرفهم ؟
- أكيد صادق اذا تعرفينة وغيـره هواي

- تمام شـوكت ترجع ؟
- ما اطـول بس اتعشة و أرجعلج حبيبتي
- تمام

طلع حيادر واني رجعت نمت ومرت ايام السفر شي قليل اذا اكول حلوه واكول او ونسه لان جانت تجنن حرفيا احلى ايام حياتي

الي خلصتها وي حيادر من أماكُن واللعاب وشقة وضحك وصور بحيث من ردت ارجع بجيت هواي وحيادر يسكت بيه

وهوه يميح دموعي :- وعد اسفرچ بعد ريتاچي بس لاتبچين يا روحي

- ويين ؟
- بكيفچ

- لا انتَ تعرف بالأماكُن اني ما اعرف
- سويسرا ؟

- حلـوه ؟
- تخبل مثلچ بالضبط

أبتسمت وحضني طلعنه من المطار وكبل للبيت اهل حيادر دخلنة وهلهلن البنات سلمت عليهم كُلهم حتى اهلي لگيتهم موجودين لان يعرفون وقت رجوعنه للعراق

خلصنه الوقت ضحك وشقة لليل رجعنه للبيت صعدنه للغرفة سبحنه وكملنة وردت انام حيادر اجاه اتصال وطلع بره الغُرفه

بعدها نمت كعدت على حيادر يغطيني وكمل ونزل من الجرباية بهدوء :- كعدت حبيبي

- جنت انزل بهدوء علمود لاتگعدين
- هههه أحُبك

باسني ونزلنة سوه للمطبخ وكتله :- حيادر من منو الاتصـال الي اجاك قبل لا انام ؟

- مره أبو آسر
- شنو تـريد ؟

- يتقدمون لحـواء
- ووافقـت ؟

- أكيد ليش حتى ما اوافق وين أكو احسن من صاحبي الي اعرفة من سنوات ومعاشرة احسن من الي ما اعرفة

أبتسمت وهوه يسولف وفرحت بداخلي گُلش فرحه چبيره واني اتذكر حواء من تسولفلي عليه وهسه گُلش تفرح اذا تسمع بي متقدم الها يارب تتم على خير .

....

جنت كاعده هسه خلصت صلاه المُغرب بالصاله واندك الباب جيت افتحة وحيادر وهوه نازل من الدرچ :- أني افتح

راح فتح واني كمت من شُباك المطبخ اشوف منو شفت مره ورجال وآيريم اخت آسر وكف عقلي اريد افكر ماكو بس ما يراد الها شي جايين يتقدمون لخطبتي واضحه مثل وضوح الشمس بس لمنو معقوله لآسر

صحت :- يُمممه

ورحت صعدك گُبل فوك بغرفتي كعدت شويه ما ارتاحيت ونزلت جوه كعدت بالمطبخ لكيت حليم كاعد على الميز دخلت أسماء وكالت

أسماء :- منـو ؟

حليم :- اهل صديق حيدره يتقدمون لحواء يمكن

كال هيچ وباوعلي وطبك حواجبه ما اهتميت اساسا اني شعليه ليش خايفة اصلا أبتسمت بوجه وقت وراحو ورحت كعدت يم امي وكالت

- تعرفين دكتور آسر صديـق حيدره ؟
- ههههه لا يُمه وين اعرفـة

ضربتني بچتفي ضربة خفيفة وكالت :- لچ اقصد سامعة بي من حيدره

- اي ليش ؟
- اجو يخطبوچ الهم

وسعت عيوني وكتلها :- صدُك يعني راح اتزووووج واخيراً !!!

- يمفلوكه مو هيييچ
- يُمه راح اتزوچ تعرفييين شنو يعني

ضربتني على راسي وكالت :- وشبيچ انتِ ما مصدكة

- لا يُمه مصدكة مصدكة بس يُمه اني موافقة من هسه اكُلج و بدون ما تسأليني اصلاً

دخل حليم وبنته وكعد يم امي سكتت بعد وكال :- شعجب دكتور وتاعب على دراسته المفروض ياخذ من بيئته مو صـح ؟ ليش اجه لحواء ؟

جاوبته امي :- ليش يُمه شنو ليش هذه الكلام وبعدين حيدره مو اخذ ريتاج ؟ معليها ابني كُل واحد ياخذ الي يعجبة

بعدها ما مكملة قاطعها وكال :- شنو قصدج يعني عاجبتة حـواء ؟

- لك ابني افهم مدا اقصد هيچ اني

- لعد ؟

- كُلنة نعرف دكتور آسر وحيدره شنو صحبتهم يجوز حب ياخذ من صاحبة لان يعُرفه من سنين تره ما بيها شي يا يُمه

دخل حيدر وكال :- شبيك حليم ؟

- شنو شبية اني ؟!!

- شنو هذه كلامك ليش اني ما عجبتني ريتاچه وحُسين صديقي ورحت تقدمـت الها ؟

- ذوله كرايب وذوله غُربة

- واذا كرايب واذا غُربة مابيهم فرق اني آسر ما اعتبره غريب مني وبية فَ كافي كلام باجر عُكبة يصيرون نسابتك ذولة الغُربة .

كال هيج وحليم طلع من الاستقبال وكال حيدر :- يله يُمه اني اطلع

- وين تطلع ابقى تعشة ويانة
- ريتاچه هُناك وحدها بالبيت ومامتعشية منتظرتني
- براحتك ابني

طلع حيدر من الاستقبل ورحت اسد الباب وراه والتفت عليه وكال :- حواء انتِ موافقة ؟

صفنت ما اعرف شنو اجاوبة اخر شي كتلة :- موافقتي من موافقتكم اخوي

أبتسم وكال :- الف مبروك

أبتسمت ابتسامة خفيفة ودنكت رأسي وكال :- لاتخافين حليم ما يسوي شي والوالد اني ماخذ موافقته أمس وان شاء الله بيها الخير

كال هيج وطلع سديت الباب ورحت رجعت صعدت كبل لغرفتي افتر بيها واني شلون قبل ردت انساه وعبالي يحُب وحده أستغفرت وكلت يعني معقوله يحبني وخطبني لا لا وين يتذكر شكلي بعد حتى شكلي ناسي

ضليت اسولف وي نفسي الى آن صاحت الي امي ونزلت

....

كاعده بالصاله داسرد بالتلفون سمعت صوت الباب الخارجي انفتح عرفته حيادر دخل وصاح :- فستقه فستقات فساااتق

- جايية حبيبي

شفته بأيده علاكه باوعت عليه وكتله :- شـنو هااي ؟

- عشة عيناي
- امممم صدُك قبلو الاهل ؟
- قبلو حبيبتي قبلو

فرحت وصحت :- يا عُمممري بالعافيه حواء تستاهُل كُل الخير

أبتسم الي وكال :- وانتِ هم تستاهلين بس لاتصيحين بويه

- ليش ؟

وهوه يخلي الاكل على الميز :- راسچ شنو نسيتي !

حركت رأسي سكتت وتعشينة وسئلتة :- شوكت خطـوبتهم ؟

- من ينزل الوالد من الواجب
- شوكت ينـزل ؟
- اقل الاسبوع

أبتسمت ومرت الأيام وحددنة يوم الخطوبة يوم الجمعه كعدت من الصبُح لكيت حيادر مو بالغُرفه نزلت جوه لكيته دايحضر ريوك شافني وكال

- يله فستق يله ما ضل وكت اريد اوديج هُناك للصالون واروح للولد والنوب ارجعلج اخذج واوديج الهم

- ساعه بالسبعه حبيبي !

- اعرف حبيبتي اريد من وكت انتِ تطولين هواي بالصالون

حركت راسي بقبول ورحت غسلت ورجعت تريكنة سوه خلصنه وكمت لبست صاية وشال وطلعنة صعدنة أني وياه السياره وطلعنة للصالون مر الوقت كملت مكياج لبست ستره احمر وبنطلون احمر وهاينك اوف وايت

خلصت ولبست ربطه مرتبه واتصلت على حيادر اجه ونزلت صعدت بالسياره وابلوع علبه لابيس قاط اسود وقميص ابيض والرباط لونه احمر

أبتسمت وكتله :- منسقيييين أني وياك !!!

- الرباط ما ردت البسه بس عرفت انتِ قاطج احمر فَ لبسته علمودچ

- حيااااااتشي انتَ

ابتسم ساق شويه وكال :- على كيفچ وياي بجمالج فستقه

- بس مو بگد جمالك !

عدل ياخه القميص بغرور وكال :- طبعًا

ضكنة شوية ووصلنة للبيت وكفنة بعيد عليه لان كم سياره عسكرية واكفة بالباب نزلنة وحيادر لزم ايدي ودخلنة سوه لكيت اهلي موجودين سلمت عليهم ودخلت

لكيت حواء بالصالة يُمه يُمه الجمال صليت على النبي محمد ورحت الها باركت شوية واجو اهل الولد والولد عقدو عقد سيد ورجعو للكوشة لبسها الذهب كُله والحلقات وايديهم ترجف

وآسر بأيده كلينيكس وكُل شوية يمسح كصته شوية وباسها من راسها رحت غيرت الاغُنيه وشغلت الهم "خليني في حُضنك تامر عاشور" فرغو المُكان وكامو يركصون سلو سوه .

....

كمنة سوه نركُص والرجفة ما داكدر أسيطر عليها سحب ايدي خلاهة على كتفة والايد الثانية لزمت بيها ايده ضلينة نركص بهدوء على كلمات الاغُنيه ونبضات گلبي داتزيد وتعلى بلعت ريگي

شويه وتقرب لأذاني وهمس رجفني اكثر :- خلي يدُك أنـة اريده لان أنـة الوحيد الگلبچ يَستاهل يدكُلة .

تبعد وأبتسم تك خد وغمزلي خلصنه الاغُنيه وكعدنة اجت مره ابو وكالت :- خلوهم شويه ياخذون راحتهم قبل لا نطلع

طلعو كُلهم واخر شي رتوچ باوعت عليه وأبتسمت وطلعت وسدت الباب منتبهة على الباب ما احس اله احد أخذ أيديه اثنينهن

التفتت عليه قشعر جسمي حُب حياتي حاليا وكدامي ما داصدك باسهن اصبع اصبع العشره كُلهم ضليت اتنفس على السريع

- بهداي چبدي بهداي

- هااا اا هيچ مابيه شي بس خجلانة منك شوية

ضحك بخفة وكال :- شويـة ؟ ههههه اذا شويـة عادي

خلص حچي وغمز وبعدها واخذ ايدية خلاهم على جتوفه وتقرب حاوطني من خُصري وحضني خذه نفس گُلش قوي وتبعد

- احبچ حواء احبچ والحُسين الشهيد ومن زمان گُلش من زمان انتِ بفكري دائمًا ما ناسيچ لحظه وحده من اول ما شافتچ عُيوني وحسيت بطعم الحُب واللهفة وياچ .

هوه يحجيلي وأني صافنه على كلامة اخر شي ختمها ببوسة من خدي وطلع دخلن عليه النسوان وهلهلن ورتوچ تباوع علية وتغمز وتباوع الي بنظرات عبالك لازمه علية لزمه ضحكت عرفتها سامعتنة لو شايفتنة

....

تمت خطوبة حواء من حُب حياتها وآسر من حُب حياتة شگـد فرحت ألهُم حسيت صاير شي حلو بحياتي ولا عبالك هـيَ حياتهم فرحت ألهم من كُل گلبي يستاهلون

ضلينه لليل تعشينة يلة رجعنة للبيت اول ما رجعنة صعد حيادر فوك دخلت للمطبخ شربت مي وصعدت اول ما صعدت لكيت حيادر واكف مدخل أيديه بجيوب البنطلون ولاف الرجل اليمنى على اليسرى ونازع الستره ومدنك

شافني اجه بأتجاهي سحبني من أيدي وكال :- بس هُمة يركصون سلو خلينة احنى هم

- هههههه يله
- شغلي وشرط نفس الاغُنية هم

شغلتها اغُنية "خليني في حُضنك تامر عاشور" رحت تقدمت حاوطت أيدية وخليتهن على كتوفة وهوه حاوط خُصري بأيديه ضلينة نتبادل النظرات ونتمايل على الاغُنية مليت رأسي

- لاتفلتين أيدي هُيامي

حركت راسي بقبول بعدني ولفني على أيده اليمنى صار ظهري على صدره ضلينه نتمايل وي الاغُنية رجعت رأسي على كتفة باسني من رگبتي

ضلينة شوية وتبعدنه حاوط خُصري خلة أيدي بأيده والثانية على كتفة وهمس وي الاغُنية وهوه يباوع على عُيوني :- اول مَـا عُيونك دى بشوفها مش بعُرف اشوف غيرها خلاص .

ختمتها ببوسة على شفايفي خفيفة طفينة الاغُنية بدلنة ملابسنة وتمددنة حاوطني بأيده وغمضت عُيوني ونمت

مرت الأيام وهم كذالك تمت خطوبة حُسين وآيريم فرحت ألهم من كُل گلبي وبچيت لان اني الوحيده الي شاهدة على عذاب حُسين وحُبه الاول وتعوض بالثاني

مسح دموعي بأيدي وحضني وكال :- كافي خيتي راح تفضحينة

- حُسين فرحانة الك والله
- اعرفچ عين الشمس اعرفچ

طبطب على ظهري مرت الحفلة ورجعنة للبيت

وبعدها مرت الأيام بهدوء بيوم كعدت الصبُح وكال حيدر :- عندي مفاجأة الچ

ضليت فاتحة عيوني بصدمة وكتلة :- شنـو هيَ ؟

- مفاجأة يا عيناي
- همممم

اجه باسني من رأسي بأستعجال :- يله ما بقة وقت للدوام

ودعني وطلع للدوام مر اليوم عادي لليل اجه حيادر وبأيده بوكس صغير وردي قدمة الي :- بالعافية

فتحتها طلعت بزونة تخبل باوعت لحيادر بأنبهار وكتلة :- يا عُييييوني انتَ شمدريك اريدهـا ؟

- من سافرنة وجنة كاعدين على البحر وشفتج تباوعين على بزون بيضة مرت من عدنة فَ ما حبيت اخليها بنفسج وما اجيب الچ شي

- همممم شنو أسمها ؟
- سُكر .

كال هيچ ورحت بسرعة حضنتة ضحك وضل يمسـح على شعري المفتُوح خلة شعري وره اذاني وبعد وجهي لزمة بأثنين أيديه

باوعت على وجه وكلت :- انتَ تحـبني ؟

- مو حُب هُيام كولي هايم بية اكُلج أي هايم

ضحكت ورجع حضني ويطبطب على ظهري وهوه يكول :- My Heart انتِ .

....

اليوم يجي آسر للمره الثانية كمت رتبت نفسي وشسورت شعري خليت مكياج خفيف كُلش وتعطرت ونزلت اندك الباب عرفتة هوه راح حليم يفتحه

دخلت المطبخ حضرت الضيافة وقت ودخلت للاستقبال باوعت علية كالعاده يمه باقة ورد رفع راسة شافني وأبتسمت ردلي الابتسامة بحُب قدمت الضيافة وكعدت مر الوقت

وطلعو حليم وامي من الاستقبال رحت خذت الكلاصات ورجعتهن للمطبخ ورحت كعدت يمه بيناتنة تقريبا شبرين

رفع حاجبة باوعلي بنظره سحب أيدي بقوه وضحك وهوه يكول :- هههههه بعد روحي كُعدي بالزاوية

كعدت بصفه حاوطني بأيده كلت بتردُد :- مو شسمه شسمه خجلانة

كلت هيچ وهوه خله اصبعه تحت حنچي ورفع رأسي لوجه باوعت لملامحة ونزلت عُيوني طبع بوسه على حلكي خفيفة وطويلة ووخر :- مُغرم بيچ

ما رديت ضليت ساكتة ما اعرف شنو ارد عليه وأني ببين أيديه وخجلانة صح احُبه بس ضليت ساكتة طلعت من حلكي بس :- من شوكـت ؟

تنهد ونطق :- من زماااان كُلش من زماان احبچ ومُغرم بيچ بس ضليت صامد ولا اعترفت الچ لان ما ردت تصير علاقة مُحرمة بيني وبينچ

ما ردت يتدنالچ الحرام حبيتج من بعيد بدون ما حضنج بدون ما ألمس وجهج بدون ما اشم ريحتج بس حبيتچ

وحتى من رجعت من السفر بعد سنين طويلة ردت اطلعچ من گلبي لان نفس النظره باوعتي الي بيها قبل لا اسافر

لان ما تحبيني بس بعدين ما كدرت على صبري ونفذ اتصلت على حيدره وكتلة توقعت راح يرفض او راح ترفضون

بس الحمدُلله صارت بس حتى لو ما تحبيني بمرور الوقت صدگيني راح احببچ بية وثقي ..

بعده ما مكمل كُلت اله :- غلطان

- بشنـو ؟
- بس أني احُبك

رمش رمشات متتالية داريد يستوعب الي كُلتة مسح وجه بأثنين أيديه :- شنووو ! أنتِ تحبيني ؟

كلت بخجل :- أي

بدون رده فعل وبعد صافن بوجهي وره وقت خذني لحُضنه وهوه يكول :- الحمدُلله الحمدُلله الحمدُلله

تبعد من الحُضن ولزمني من كتوفي وهوه يهز بيه :- أنتِ تحبييييني ؟!!

- أي
- حلفـي ؟

- والله آسر
- اويلي يا الله اويييلي

باستي من رأسي ومن خشمي ومن خدودي ومن حنچي واخر شي ختمها وباس شفتي وكال

- ما تنزعجين ؟
- من شنـو ؟!

- من شواربي ولحيتي !
- لا

- والله ؟
- والله

- يبعد چبود روحي .

وقت وراح آسر عُشت احلى أيام حياتي وياه كُلش فرحانة من سمعت هوه مبادلني الحُب من زمان معيشني مثل الأميرة شنو أريد وشنو أطلب يجيني حبة كلامة أحترامة كلشي بي حلو .

....

بعد مرور أيام جان يوم خميس باليل حيادر على الطباخ دايطبخ الي نزلت من الدرج مجرد أستنشقت ريحة الطبخ

خليت أيدي على خشمي وصحت :- حييييادر شنو هاي الريحة

وهوه جاي بأتجاهي :- شبيچ بويـه شبيچ حبيبي ! أكو شي ؟

- لا ماكو شي بس ريحـة الطبخ ما حبيتها

صفن على وجهي اخر شي راح طفه الطباخ وأجة بأتجاهي وكال بخُوف :- أسويلج غـير شي ؟

- لا
- متأكدة ؟

- أي ليش
- لا هيچ ماكو شي

- يعني عادي تأكُلين ؟!
- أي عادي

- خاف تتقيأين ؟
- لا ليش أتقيئ !

- لا هيچ ماكو شي

كال هيچ وراح كمل الطبخ رحت يمه سديت خشمي بأيدي وردت اكمل وياه الطبخ وصاح :- لااا ابقي كاعدة أني أكمل

- شـنو السالفة حيادر ؟
- ماكو شي حبيبي روحي كُعدي اني أكمل

- مو خاف عندك بحث شغُل شي !
- تؤ

ماكال شي كمل الأكُل ورتبة على الميز كعدت وهوه كال :- لزمي خشمچ بأيدچ وأني أوكلج

- ليش ؟
- سوي الكُتلج علية

سديت خشمي وبده هوه يوكلني واني كُل شوي اريد أتقيء كملنة وغسلت الاماعين وهوه كاعد بالمطبخ على الميز مكابلني

أستغربت وكتلة :- حيادر متأكد ماعندك شي اليوم ؟

- اي وداعتج ماعندي شي .

- لعد شعجب مكابلني

حرك كتوفة وكال :- هيچ .

كملت وصعدت وهوه صعد وراي طلعت ملابس ردت ادخل أسبح وكال :- أسبحچ أني ؟

- شنـوووو !
- شبيچ فستق

- شنو تسبحني حيادر شبيك اليوم ؟ أكو شي عليك الله ؟ أني بيه شي !

- لا هيچ بس أني اخاف عليچ

كال هيچ وأبتسم أبتسمت بوجه ورحت دخلت سبحت وطلعت دخلت الغُرفة لكيتة محضر ملابسة من طلعت دخل رحت مشطت شعري وخليت مُرطب الوجهي

شويه وطلع جنت كاعده على الجرباية شافني أبتسم راح مشط شعره وأجه حُضني ونمنة

كعدت الصبُح نزلت غسلت ورحت أسوي ريوك نزل حيادر شافني وكال :- لاتسوين چاي بعد

كال هيچ وراح غسل كملت الريوك خليتة على الميز ورجع وكتلة :- ليش ما أسوي چاي ؟

- مو زين عليچ مُضر بالصحة نستبدلة بحليب موز .

- دائمًا ؟
- أي .

ما عرفت شنو التغيير المفاجئ هذا من حيـادر كملنة ريوك وكمت انظف كملت گُلشي اخر شي بقن البردت ردت اصعد انزلهن واني دانزلهن صار وجع ببطني تجاهلتة ورجت كملت ونزلتهن رجع أقوه بعد

عفتهن وكعدت بالگاع لزمت بطني بأثنين أيدية صحت :- حييييادر

نزل من فوك سريع شافني وأجة بأتجاهي سريع لمني بحُضنة وباوع على البردات وصاح :- منووو كلچ تنزليييهن غير تصيحيني ؟؟؟؟!

- ما ادري حيـادر ما ادري
- بشنو تحسين ؟ ويـن الوجع ؟

أشرت اله على مُكان الوجع وكُتلة :- هُنااا

- كومي على السريع بدلي خلي نطلع .
- ليش أكو شي ؟

- لا ماكو شي بس نروح للدكتوره نفحصج
- أنتَ مو دكتور لمن ماخذني لدكتورة !

- أي قابل افحصج بأصابيعي يا فستقه

كمت صعدت على السريع لبست صاية وشال وطلعنة نزلنة يم عيادة نسائية باوعت عليه وكتلة :- شو نسائية ؟

- لعد وين نروح لرجالية ؟ غير لنسائـية نشوف شبيچ بس لا تسئلين يا بويه

- ليش ما أسئل !

- شو بدن الهرمونات من وكت يـله القادم افضل ان شاء الله

سكتت وبعدها دخلنة للعيادة شويه ووصل دوري دخلت وتمددت على السدية وكالت الدكتورة

- أهلًا زوجة الدكتور حيدر حضرتج ؟

- أي نعم

- تشـرفت ، بشنو تحسين ؟ وويـن الألم !

شرحت إلها الألم وتمددت وخلت السونار على بطني ضلت وقت وكالت :- ألف مبروك

ضليت بحالة صدمة حرفيًا معقولة اني حامل ! تساؤلات برأسي هواي فزيت من صاحت الدكتورة حيادر وكالت بأبتسامة اله

- ألف مبروك زوجتك حامل

ضل بحالة صدمة هم اخر شي كسر الصمت وكال :- يبارك بيچ ، أي أسبـوع الرابع صح ؟!

- أي راح تختم الأسبوع الرابع ثلاث أيام وتكمل الشهر الاول

- شُكرًا جزيلًا .

- لا ولو

طلعنة من العيادة صعدنة السيارة اباوع على حيادر على فرحان على مصدُوم وكتلة :- الدكتورة منين تُعرفك ؟

باوعلي بأستغراب :- شبيچ فستق شنو منين تُعرفني !

- أي منين تُعرفك أعتقد سؤالي ما بي أي شي !

- ماتُعرفني منين تُعرفني غير أني بالمجال الطبي فَ أكيد أعرف كم دكتور ودكتورة زينين .

سكتت وحرك السيارة وأحنه ساكتين وقت وكال :- ألف مبروك النه شُغافي

- الله يبارك بيك حبيبي

ما اعرف ليش ضايجة بديت أتذكر كلام الدكتورة ريم كُلة حيادر أنتبه عليه وكال :- ماكو شي لاتخافين أني وياج دائمًا بكُل خطوه راح تخطية

سكت سحب تنهيده ورجع كمل :- لو تطلبين روحي هم ما اقصر لو سفر هم أسفرج بس أنتِ هم لازم تساعديني نكمل هاي التسع شهور بسلام

ضل يحجيلي كلام ويطمني وقت ووصلنة للبيت دخل السيارة ونزلت گُبل صعدت لغرفتي نزعت شالي حسيت رأسي ما داسيطر عليه

وبدأ يأذيني رحت گُبل للعلاج خذته ونزلت اريد اشرب مي شافني حيادر وأجه بأتجاهي

- شنـووو شبيچ ؟؟؟؟؟!!

شربت العلاچ وكتله :- ما اعرف حيادر رأسي رأسي

ضغطت على رأسي بأثنين أيديه وخر أيديه قيدني خلاهن وره ظهري وكال :- لا تضغطيين

- راح أموت !!!

راح طفة الاضوية كُلها واجة بأتجاهي سحبني لحُضنه صار وجهي على صدره بحيث كمت ما أشوف شي ضلمة ضل يمسح على رأسي مشينة سوه ورحنة كعدنة

- الصداع الأيمن لو الأيسـر ؟
- الأيسـر

ضل يدلك برأسي من جه اليسار وما عرف شلون نمت كعدت اني بالغُرفة والاضوية طافية وما اعرف شكد مر من الوقت بس الدنيا ليـل !!

وخرت الشرشف ونزلت جوه لكيت ما أعرف شنو دايسوي شافني وكال :- شربي كلاصين مي واذا تكدرين الثالث هم علما اكمل الچ الزنجبيل

حركت راسي بقبول ورحت شربت المي هلصت وكمل الزنجبيل قدمه الي

- الزنجبيل زين الچ
- طيب ؟

- طيب ، ألف عافية
- عُمري بس شوكت جبتة ؟

- من جنتي نايمة
- هممم

كملتة كُله وكتله :- شنو تريد أسوي عشه ؟

- مو أنتِ تسوين أني
- ليش تره ما بيه شي حيادر

- عادي مو مُشكلة اريد اريد أسوي بدالچ
- هممم شنو تسوي

- شوربة الدجاج والفطر
- تُعـرف الها ؟

- افـااا

ضحك وبده يسوي عشه واني كاعدة بالمطبخ اتصلت على أمي وكتلها كلامها بچاني گُلش بس ما كتلها على الخطر الي راح يصير بحياتي علمود لا يضُل بالها

اتصلت على عيالي هم كتلهم وعزمونة هم فرحو گُلش حيادر كمل عشة وتعشينة سوه وهوه يوكُلني

مرت الأيام وأهتمام حيادر دايزيد ما ينقص بيوم جنت كاعده دالعب سُكر واركض وتركض وراي مندمجة وياها سمعت حيادر دخل سيارتة للبيت كعدت وسكتت

شوية ودخل بأيد علاليك وبالأيد الثانية بوكية ورد أبتسم وخلاهن على ميز الطعام وأجه بأتجاهي حُضني ونزل على بطني باسها واخذ أيدية باسهم

- ليش گلبج دايدك على السريع ! بيـج شي ؟
- ها لا مابية أي شي

- متأكده ؟
- أي

- مو أكو كاميرات هُيامي هسة أكدر أشوفهن !
- ههه شوفهن

- أكيد !
- أي

قبل لا يروح للكاميرات شاف البزون داتشرب مي من مُكانها اندار عليه وكال :- جنتيييي تركضين وتعلبيين وياهااا ؟!!

- والله ما ركضت هواي

- فستق صدُك تحجين مو داكُلج مو زين على كلبج يصير اله جهد

- والله ما اعيدها بعد

أجه بدون ما يكول شي خله شعري وره اذني عبالي سوالف رُومانسية جر شعري بأيده :- تعيديهااا ؟

- لا لا

- متأكده ؟

- أي أي بس عوفني

ما عافني لزمت شعره هم وهوه شويه مدا ينلزم بس كدرت الزمة :- عـوفي فستق

- ماااا اله تعوف شعري يله

- عوفيني واعوفج .

- تُضحك عليه ؟

- لا .

- كول وداعـت الي الروح ببطنج ؟

- وداعـت الروح الي ببطنج .

عاف شهري وأني هم عفت شعره ركضت وره الميز صرت مُقابيلة وصحت :- مسسسسيطرة

- لچ فستق لاتركضين ولا تصيحييين .

ضحكت ورحت على العلاليك الي جايبهن لكيت كريب انواع طلعتة وباوعت اله :- هذا ألي ؟

- أي .

- يعني عادي أكُل حلى ؟

- أي .

قبل لا أكُل رت للبوكية شميتة وكتلة :- يا بعد گلبي أنتَ

- تامور گلبي أنتِ

كعدنة على الميز ردت أكُل كريب وكال :- أنتظريني أغسل واجي

حركت رأسي بقبول راح غسل وأجه كعد بصفي وبده يوكُلني كمل بقى شويه و أنطيتهن للبزونة

- مو زين عليها الكريب فستقه
- داتاكُل

- اي طبعًا تاكُل لعد شتكُلج

- تكُلي مياو مياوو هذا مو زين عليه وأني اكيد ما انطيها بعد حيادر حبيبي

ضحكنة وكتلة :- يله شويه بس ما يأثر

مـرت الأيام ومر على حملي أربع شهور وشوية وتعب وجهد گُلش عالي نغزات گلبي داتزيد يوم عن يـوم بحيث اذا انزل اشرب كلاص مي أتعب بس الحمدُلله حيادر وياي ولحظة وحدة ما عايفني

كعدت الصبُح نزلت جوه غسلت وسويت ريوك بيض وأجه على بالي جبن مالح دزيت مسچ لحيادر :- "حيادر من ترجع جيب وياك جبن مالح وأشياء مالحة"

دزيتلة ورحت تريكت ورحت كملت شُغلي وگُلشي ورحت على التلفون شفته داز مسچ

- " صار وحضري نفسچ من اجي نروح نسوي سونار نُعرف جنس الطفل"

- "تمام من عُيوني"

اتصلت على أمي وحُسين وكتلهم لان مبلغيني من تردون تُعرفون جنس الطفل أحنه وياكم

مر الوقت أجه حيادر وجايب جبن وأشياء مالحة وياه مجهزة نفسي گُبل طلعنة من البيت رحنه للعيادة لكيت امي وحُسين موجودين گبالنة

دخلت العيادة أني حجزت مر الوقت أجه دوري رحت دخلت للدكتورة بدت تاخذ الي سونار سونار وأني أسمع نبض الطفل نزلت دمعتي وأني داحمد رب العالمين

وقت وكالت الدكتورة :- ألف ألف مبروك حامل بولد وصحتة گُلش زينة وأبدًا لاتخافين ماكو شي يُدعي للخوف

ضليت أبجي ودموعي عشرة عشرة صاحت لحيادر الدكتورة وكالتلة ضلت عُيونة تلمع وأبتسامتة من الأذن للأذن

طلعت وأمي باركتلي وطشت چُكليت وحُسين باركلي :- يوم الالك حسـاني وأصير عمه

- آميييين

طلعنة من العيادة والدمعة لهسه بعيني وصلنة للبيت وضلو يمنه أمي وحُسين أمي عجنت وخبزت الي مال شهر ليكدام

- شدعوه يُمة احنه نفريـن بس

- ثلاثة أنتوا ، وأنتِ ما بيج حيل تخُبزين بعد وأذا خلص بس كُليلي أخبزلج واجيج

- ياا يُمة وين بيچ حيل

- أگُلچ ! كم ريتاچه عندي أني ؟

أبتسمت ورحت يمها بستها من جبينها وهيچ مـرت الايام أهتمام حيادر واهلة واهلي وكُلهم وياي ما عايفيني لان بدرون عُندي قلب بس ما يدرون شنو مُدة خطورتة

وتعبي داتعب گُلش هواي بس أني ما داسوي شي مره حيادر خذاني للمُستشفى وياه ورجعني هم وياه من انتهى دوامة ورأسي منا وگلبي وحملي وضليت على المُغذي حالتي گُلش تعبت

حيادر يحير شنو يجيب الي وشنو يسوي وشنو يخلي رغم هوه دوامة ومدا يلحك على أي شي بس ممقصر ولو بگد الشعراية واذا اتنسى على شغلت صعبه يروح يدورها لو بأخر العالم هم يجيبها

بيـوم وكعت على رجلي وتدهورت حالتي گُلش وحيادر تخبل عليه وزعل بس رجع يحجي وياي ثاني يـوم بحيث خلصت الفتره نـوم وأكل وعلاچ ومُغذي

مرت هاي الايـام على خير ورجعت تحسنت صحتي بيـوم حيادر لساعة 12 باليل وماكو دزيتلة

- " حيادر ساعـة بـ12 تأخرت ! "

دز ألي :- " فستق شنو ساندريلا أني "

- " مو تأخرت كلت حذائة ضايع دايدورة "

دز الي ڤويز :- " لا ما ضايع بس راح أعوفة للأمير "

- " لااا حذائك مو تعوفة وراك "

- " السـاحرة راح ترجعني لطبيعتي "

دزيت اله ڤويز :- " يمعود حذاااائك "

- " الوداااع "

ضحكت ضُحك بوكتها ورجع حـيادر ومرت الايـام بيـوم من الأيام جنت نايم كعدت الفجر أجاني وجع گُلش قوي ببطني لزمت بطني بألم واني أكول بأستمرار :- ياا عـلي

ردت أكعد حيادر بس نايـم وهوه يكُعد بالخمسة لدوامة ضليت متألمة وما كعدتة رحت أخذت أدويتي ونمت أجه ثاني يوم العصر أجاني نفس الوجـع وأقوه ما حسيت على نفسي بعد وكعـت بالكاع

ما اعرف شكد مر مو الوقت كـعدت أني بالمُستشفى وكانيولا بأيـدي والغُرفه هدوء ضليت على هذه الحال الى أن فتح الباب حيادر وبأيدة ورقة دخل شافني كاعده وأجه بأتجاهي

- الحمدلله كعدتي كُليلي شنو تحسيـن وشلون وكعتي سولفيلي گُلشي ريتاچه لخاطري سولفيلي وساعديني حتى أساعدج !

- ما أعرف حيـادر الفجر أجاني نفس الوجع كعدت ومـاردت اكعدك أخذت أدويتي والعصـر نفس الوجـع وأقوه وبعدها ما حسيت بأي شي

كملت مسح وجهة وكال شي وأجت صاعقة على رأسي :- حالة الطفل خطـرة وحالتج بعد أخطر

دموعي كامت تنزل عشرة عشرة حُضني وهوه يطمني ويطبطب على ظهري باسني وباس أيدية وبطني

- أني يمچ والحُسين الشهيد ما أعوفج وكُل الدكاترة وياي وآسر وياي ولو اضطر أسفرج للخارج هم أسفرج لاتبچين يا روحي والله تحركيني حرك بدموعچ اروحلچ فدوه

ضل يهدي بيـة ونمت مرت ثلاث أيام طلعت من المُستشفى رحت للبيت لگيت حواء وأمي موجودات أني شافتني كامت تبچي وأني اهدي بيها

لليل راحن جنت كاعده بالغُرفة داراسل حواء دخل عليه حيادر أجه بصفي وكال :- شلون صـرتي ؟

- زينه يا روحي

- خليچ دائمًا قوية وضعج يتطلب القوه عوفي گُلشي وراح وأنتبهي لنفس گُلش زين .

- داتخوفني أكـو شي ؟

سحب تنهيدة طويلة وكال :- صدگيني أني ما جنت متوقع هاي الخطورة كُلها حملج دايأثر على گلبج بشكُل گُلش عااالي أني ما راح اعوفج راح أخُذ أجازه مرضية علمودچ تمام

دمعت ومسح دمعتي وحُضني وهوه يكول :- راح اضربج إبره واحتمال تسوي الچ نزيف

بدموع :- شنـ شنـووو يصير بعدها ؟

- لو يثبت الجنين لو العكس

تهسترت بعد وصحت :- حييييادر طُفلي ما يموووت ما يمووت طُفلي مااااا يممممموت

ضليت أجر بشعري فقدت بعد ما كدرت أتحكم بنفسي راح للمجرات اخذ علاجي وأحه بأتجاهي خذتهم كوه ورجعت أملش بشعري قيدني بأيدية شوية وما حسيت على نفسي ونمت من المهدئات

مرت يومين وضربت الأبره وكال حيادر :- ننتظر 48 - 72 ساعة

- شيييصيرر بعدهااا ؟!!!!!

ما جاوبني رجعت كلت :- حيييادر شييصير بعدهاا ؟؟؟!

أجه حُضني تبعد وحضن وجهي بأثنين أيدية :- داتعبين نفسج هيج أنتِ داتعبينها وداتعبين گلبج والجنين

سكتت بعد ما الي طاقة احجي أي كلام بعدها مرن الـ72 ساعة جنت كاعدة بالصالة صافنة وحسيت بطني تأذيني رحت للحمام على السريع حسيت شي نزل مني باوعت لروحي مليانة دم

صحت :- حيييييادر

أجه على السريع فتح باب الحمام باوع الي والنوب باوع على الدم ضل مصدوم شويه وشالني بأيدي كعدني على الكُرسي وكال :- راح اصعد أجيب الچ شي تلبسينه

- أري أريد مي

راح ركض جاب كلاص مي وشربنياه وصعد فوك ونزل بأيده الصايه والشال دايلبس بيه وبعدها ما أعرف شنو صار

كعدت وأني بالمُستشفى ودايدخلني حيادر لغُرفة فارغة سحب دم مني وطلع من الغُرفة وقفلها تمددت ونمت

وره وقت طويل كعدت صايرة الدنيا ليل أباوع على حيادر نايم على الكُرسي وبأيدة ورقة باوعت عليه وبچيت

شوية وكعد شافني وأجة بأتجاهي يضحك :- ماكو شي ينخاف منه بعد فستقه وداعتچ ماكو شي

بأبتسامه مليانة دموع :- شنو حيـادر شنووو

قدم الي الأوراق الي بأيده وكال :- شوفي والله ماكو شي گُلشي نظيف وبعد ماكو أي خطر على حياه الجنين وگلبج نكدر نعالجة ماكو شي بعد

خذت الأوراق من أيده وگُلشي أنكليزي :- حيادر ما اعرف شي أقراه ألي

- صار يا عيناي صار

بده يقراه ألي ويشرح عن حالتي كمل وحُضني وباس وجهي وأيديه واخر شي بطني وضل يحجي وياها ويضحك

- بابا أنتَ بصحه گُلش جيده وراح تطلع بسلام ان شاء الله بس لاتعب ماما لأن لا أني ولا أنتَ راح نكدر بدونها اروحلك فدوه

شوية واندك الباب راح حيادر يفتح دخلت آيريم وآسر سلمو عليه وبدو يتحمدولي بالسلامة باوع عليه آسر وبده يسألني

آسر :- شلونج ؟ شلون صحتج ؟ گلبج ؟ عقلج ؟ رأسج ؟ بطنج ؟ جنينج گلب عمه

آيريم : أنتَ عمه ؟ لا هـاهية

آسر :- شبيج مو بعينج

رادت تحجي حرك أيده على أساس يضربها :- هُسس لاتحجين لا اعمي عينج هسه

ضحكنة وضحكو همه مر الوقت رجعت للبيت :- كعدي هُنا خلي اجيب فراش الج بعد ماكو صعده ليـفوك علما تتحسنين

حركت راسي بقبول وراح جاب فراش وفرشة وتمددت وتمدد بصفي رغم هوه بالكاع وأني على الفراش ضل يسولف ويضحك

- صدُك شـنو نسمي الطفل ؟
- سند .

- الله گُلش حلووو ، زين وأذا جانت بنيه
- كايلج قبل .

- هممم نسيت شنـو !
- بسنت .

- هاي أسم الوردة الي تنمو على ضفاف نهر النيل الي شفتها بمصر من جـنت مسـافر ؟

- بالضبط شُغاف گلبي

وهيچ مرت الايـام كبرت بطني وحيادر كُل ما يرجع يجيب وياه للطفل شي مره جابلة بوكية ورد صغيـر

- ما ردت اجيب بس الچ لازم اله هم
- ههههه يا عُيوني أنتَ

....

دابدل لان راح نطلع أني وآسر سوه كملت وتجهزت ونزلت انتظرتة يجي أجه باسني من رأسي:- مُغرم بيچ أني مُغرم

- أحُبك يا غرامي

ضحكنة وطلعنة دانتمشى بالشوارع والدنيا باردة بدايات الشتاء كعدنة على كراسي كدام أشجار اخذ أيديه حاوطهم بأيدي وضل يهفي عليهم

- آسـر شداتسوي
- دادفي أيدينج حبيبتي

ضحكت وألابتسامة مالية وجهي كمل وميلت رأسي على گتفة اخذ أيديه ضل يرسم عليهم بأصبعة بحركة خفيفه حرفه ويمه قلب الحُب

رفع رأسه ضحك وهوه يباوع على عيوني :- يا چبود روحي

....

حُسين جان يمي كاعدين أني وياه سوه بالاستقبال رحت يمه حُضني من خُصري :- لك آيريماتي أحُبك أنتَ

- يا گلبها لـ آيريم أنتَ هههههه
- تتذكرين من جنت أكُلج أحب الأنكليزي اكثر منج ؟

- أي !

- غلطان شنو الأنكليزي لك يروحلك فدوه الأنكليزي آيريمي

- هههههه هنيالي صرت بالمُقدمة وأخيرًا حُسيييين

سكتت قرب وجه لوجهي وباسني من شفايفي غمضت عيني وبادلتة وخر وگال :- لك أييييييييييي

- هههههه أحُبك
- أحبچ

....

جنت كاعده داشرب عصير الشمندر صرت بأستمرار أشربه حتى لو ما أحبه داجبر نفسي عليه علمود حيادر ما أريد اخلي شي بخاطرة وكُلشي دايكلي أني اسوي

أذن آذان المُغرب كمت انطيت أكل لسُكر ورحت توضيت ورحت داصلي بالصالة سمعت سيارة حيادر دخلت البيت ورها دخل للمطبخ ضل وقت طفة ضوه المطبخ ونوب دخل للصالة شافني وأجاني

- تقبل الله حبيبتي
- منا ومنك يا عُمري

كعد مُقابيلي كملت صلاتي لفيت السجادة وخليتها على التُخم أجه بأتجاهي حُضني وباس بطني كام ولزم أيدي وداني للمطبخ شغل الضوه

باوعت على ميز الطعام كيكة لونها ازرق وبصفها بوكية ورد وبداخلة علبة صغيرة لونه ازرق ونفاخات ازرق أثنين على شكل قبل الحُب طايرات بالجو ومجلبهن بالميز

جرني من أيدي وكفت يم الميز مكتوُب على الكيكة " كُل عام وأنتِ بخير أم سند "

فرحت وأني أعرف اليوم عيد ميلادي وجنت متأكدة حيادر راح يسويلي مفاجأة

فززني من صفنتي وهوه يصفك :- سنة حلوووة يا جميييل سنة حلووة يا أم سسسسند .

ضحكت وعُيوني دمعت من الفرحة كصينة الكيكة وكلني شوية نوب اخذ العلبة من البوكية قدمها الي وكال :- فتحيها

- هممم ، شنـو بداخلها ؟
- فتحي وشوفـي

فتحت العلبة جان سوار أبيض تفاجئت وسئلتة :- ذهـب أبيض ؟

- أي نعم ، ذهب أبيض وإلماس .
- اووووي أحُبك

حاوطت أيديه ركبتة وحضـنتة بادلني الحُضن تبعد وباسني من رأسي خذت أيدية بستهم كُل وحـده بوسة

مـرت الأيام وحاليًا أني بشهري السادس من الـحمل عشت احلى أيام مُمكن أعيشها بحياتي وي الأنسـان الي معيشني أيام گُلش حلوه أذا اميل اشوفة بظهري صار سندي من بعد وأبوي وأخوي .

ومنتطرين طفلنا الي راح يضيف شي جـديدة لحياتنة وراح نكون عائلة مبنية على الحُب والاهتمام على گُلشي مر على حُبنة سبع سنوات وراح ندخُل بالسنة الثامنـة وبعدة نفس ما هوه ودايزيد ما ينقص .

وحُسين الي تعوض بآيريم عوضة رب العالمين باحلى عوض بالدنيا صبرو وبعد الصبر اجاهم الفرج رغم التعرقلات الي صـارت بحياتة والانكسار من حُبه الاول وآيريم بعد الي عاشتة اجاها حُسين هدية من رب العالمين .

وحواء وآسر شنـو احجي عليهم آسر بعد صبره وحُبه البعيد كسر الحواجز وأجه تقدم الها بعد ست سنوات حُـب من طرف واحد كلا الطرفين حُبو من طرف واحد أخر شي جمعهم رب العالمين عوض آسر وعوضة عن الي عاشة بالماضي كُله .

اخر شي شنو احجي على ياصدفة بالضبط الصدفة الي جمعت حيادر وآسر ! لو الصدفة الي جمعتني أني وحـيادر ! لو الصدفة الي جمعت حواء وآسـر ! لو صدفة آيريـم وحُسين !!

كُل واحد عاش شي مُختلف عن الثاني وعاش صدفة مُختلفة عن الثانية ورب العالمين جمعهم بالأخير والاول اكتمل بالثاني .

....

جنت مشغلة اغُنية مجنوني و واكفة بالمطبخ دخل حيادر بأيدة بوكية ورد جديد كالعادة شافني أبتسم أجه اخذ أيدية شمهم وباسهم ودنك على بطني باسها رفع رأسه

ضحك وهوه يگول :- تامـور گَلبي انتِ بويه .

______________

النهايـة .

شنو شعوركم وتم ختام روايتكم المُفضلة حتى اذا كانت مو مُفضلة كُلولي شعوركم ؟ وشنو تعلمتوا منهـا ؟

گُلش ضجت من ختمتها اتمنى ابقى وياكم أسرد بيها طول العُمر گُلش تعودت عليها بس

"لكُل بداية نهاية"

عشتو وياي بفرحي بحُزني وأجه اليوم الي راح أعوفكم بي شُكرًا لكُل الداعمين ألي والقارئين جدًا أشكركم .

أكتبوا كُلمة أو جملة من روايتي "حيادر الراء" حافظيها
ولهسة ببالكم

ادعو ألي ولبقية ابطالنا بحياه حلوة وهادئ .

ختمت روايتي وياكم "حيادر الراء"
ساعة 7:20
2023/12/14 .

وأنتوا ؟