رواية هيلانه الاسر الفصل الثامن عشر 18 - بقلم زهور الـ سلطان

هيلانه الاسر

زهور الـ سلطان

لا تنسون التصويت و المتابعه

ملاحظه البارت قصير البارت الي بعده
يكون طويل وافي

اعتبو على مارين هي سبب بتاخير البارت
السبب الثاني صار يومين ما اكدر انشر و النت
قوي ......
.
.

مارين

باوعت للسفره الناقصه الي بواحد من جوانبها يگعد
عمو فؤاد بكل هيبته رغم منصبه و انشغاله دائما

يبين النا هو موجود بشنو نحتاج خاصه احنه البنات
يگول گولن لجين لو انا طالع و حسبنه تم كل شي تريدن

و على جانب
اليمين تگعد خاله يمه المرة الحنون الي تحاول قدر
مستطاعتها تحتوينه و تعوضنه عن كل حنان فقدنا

بصفها تجي تالين روحي كلها يمها هي و هيلانه
الاثنين بخطر تالين الي مكانهه مجهول و خاف

الارهاب سولها شي خاله وگعت بعد ما سمعت
الخبر طول الوقت مخلصته بالغرفه البيت صاير

موحش مابي حياة .... احير عليمن اخاف عمو
امير هيلانه الكل مره عمو يگول هي بخير عند

امها بس اني اعرف شي ثاني هيلانه بيوم الاتصلت
بي عليه گالتلي هي بدير ما اعرف رجعت يم ماما

لو هي اصلا بدير اوووف خاف صارلها شي
افكار تتراطم براسي و مالها والي على گولتها لميس

رفعت راسي للميز الي بي تلفزيون هو خشب لونه
ابيض رفوفه بيهن جام شفاف مخلين بي مصلايات

و قران و كتب ثانيه و بنص ورده لونه وردي و ابيض
على سطح الميز و بجوانب تلفزيون اكو صور النه

لخاله و عمو و ازاد و تالين صوره ثانيه بيها بس
الولد و لخ بيها احنا البنات و الاخير جماعيه

خايفه عليهم احبائي المابقة شي منهم بس صورهم
حياتي غريبه جدا طفله ولدت بعائله مفككه اب مشتت

بين عائلتين ام كارهه اخواني لي مالحگت افرح بيهم بحياتي تنهدت بحسره و لميت المواعيين

الي مماكول منهن شي و دخلت للمطبخ شفت ميس
گاعده و ايدها على خدها لابسه محرم مالصلاة و عيونها
حمر دم

_ ميس
ميوس

ردت عليه بنبره كلها حزن
_ ها

_ روحي رتاحي شايفه عيونج صاير بيهن

_ لو عمه عيوني يرجعهم عساهن ما شافن الضوه

_ ميس فدوه لتزيدنها كافي خاله الي كل ما المحها
گلبي يتگطع عليها

_ سوده عليه بنيه عمي منين اجتها

و يحجايتنه ندگ لباب بقوه راحت ميس تفتح الباب
وخاله اجت من غرفتها

_ افتحن لباب بلكت واحد منهم جاي

دخلت ميس

_ هاي صديقه تالين بالباب سالتني عنها
اول مگالتها ميس طلعت ركض للكراج فتحت لباب
شفت رسيل عدالك گدامي تالين حضنتها و بجيت

_ مرمر شصاير عفيه شهالدموع

هديت و بعدت عنها
_ ادخلي افهمج

_ شتفهميني منو الي فتحتلي لباب و تالين ليش مجاوب
على رسائلي و اتصالاتي

دخلنا للمطبخ و صارت خاله بوجهنه
رسيل وسعت عيونها بستغراب من شكلها تعبان

و ركضت تحضنها

_يمة انتي دوم سولف بيج تالين ملگاج صاير مثلها

_ فهموني خاله فدوه لعينج صاير

زفرت انفاسي و رديت عليها
_ رسيل تالينه بالموصل

شهكت بقوه و عاطت
_ الزهره تحضرها عليج القران صدك مارين

هزيت راسي ااكد كلامي
: مو وكت شقه

بجت و حضنت خاله بس ثواني و هدئت

_ خاله لتخافين الجيش يرجعها بخير و سلامه
بس ادعيلها

_ روحي و دعائي كله يمها يمة
ميس تعبت اخذيني الغرفتي
اجت ميس سندت خاله و اخذتها تنطيها علاجها

رسيل اندارت عليه و بعيونها الف سؤال
_ فهميني صاير

حجيتلها كل شي صار من رجعنه لليوم
و هي گعدت تبجي و ترجف

_ رسيل اهدئي لترجفين هيج

_ يا ربي كل شي و لا تالين

مارين _ الله يحميها و يردها بسلامه

رسيل _ اووف لو عرف صهيب اله يتخبل

ميس _ انتي اخت صهيب

رفعت نظرها لميس

رسيل _ يي و انتي منو

ماربن _ رسيل هاي اختي

رسيل _ ها انتي ميس يعني

_ يي

_ شرفنا

_ و اني اكثر

رسيل _ وين تعرفين اخويه

ابتسمت و رجعت ملامحها لحزينه
ميس _ ليش تالين عدها طاري غيره

_ لو عرف يعوف كل شي و يگعد يدور عليها

مارين _ گوليله رسيل احسن مما يعرف بعدين

رسيل _ يي ساعه ونص بعد و اتصل عليه

ميس _ شمعنه

رسيل _ يفتح تلفونه بهالوقت

مارين _ ها ماشي

ميس _ مارين رايحه ارتاح مرخصتج حبيبتي

رسيل _ الله وياج

راحت و عافتني وياهه

_ عمو والولد وين

_ عمو و ايمن و امير عدهم انذار و طلعو برا بغداد
ازاد سال عليهم بس محد گاله شي يبرد الگلب

_ خطيه الله يساعده

يي والله يطلع صبح و يرجع العصر لو بليل
و كل ما گال اروح للموصل خاله تتخربط

حقها بس هو التعرف اخباره صعب تودي للنار
بديها

دگ تلفونها شالته

رسيل _ يا حضك يا خويه شگد ردي و العباس

مارين _ ديتصل

_ يي

_ متردين

ردت و فتحت سبيكر
صهيب _ الووووو

_ الو هلو صهيب

_ شبي صوتج رسوله

_ عمري مابي شي شلونك

_ بذاته عمي انتي شلونج صايره لا تخابرين لا تسألين
نعديتي

_ مو اخاف مشغول

_ احم لا ما مشغول رسيل

_ ها

_ تالين هم تتصل بيج

_ سكتت و اني دغيتها حتى تحجي

_ الوو وين رحتي

_ موجوده

_ سمعتي سؤالي باخر مره تشاقت وياي شقه
ثكيل احسها هسه يمج مو

_ صهيب تالين مو بغداد

_ قصدجج رجعت للعمارة گوللي مو صحيحح

_ لا صهيبب هي حجتها و بجت

_ وليشششش مگلتييييي شنووو سااالفتج

_ والله مصار لحضات من عرفت

سكتت من صدمه ما ينسمع بس صوت انفاسه سريعه
_ يا صبرررر ذو النوون

_ صهيب فدوه تگدر ترجعها

سد لمكالمه و بعدها ما مكمله
بجت بحيره و خوف .... بعدين راحت يم خاله

و اني صعدت اشوف ميس

اول موصلت للطابق الثاني سمعت صوتها و هي
تعيط .... ركضت للغرفه فتحت لباب و هي سدت
المكالمه

مارين _ شصاير

ميس _ فدوى اتصلت

_ شگالتلج حتى تعيطين هيج

ضحكت بستهزاء و كملت كلامها
_ شنو لمگالته جدي ما اعرف وين يريد يوصل

عينها بتلفونها و كانها منتضره شي
_ شجاي تسوين و شسوه جدو

_ هسه تعرفين

_ اول مدگ فتحت الخط

ميس _ رائد

رائد _ و عليكم سلام

_ عفته السلام الكم جدو شبي ويانه

_ شبي

_ يعني لان شاف اخواني ما يرضون الذله
لخواتهم يريد يكسرهم

_ ليسمعج يگول جنتي عايشه بضيم
نسيتي رائد حتى ما فكرتي تبلغي بروحتج

_ اني مانسيت شي ما انكر انت سندي بالوقت
الي الناس تريد تاكل بيه بسس الموضوع زاد عن
حده

_ بالنسبه الي گتلج ما عليه بيج ما دامج ستصغرتيني
شتريدين سوين سوي
و عوفي هالسوالف حيري بعمج و الده المالهم اثر

سد تلفون و هي گعدت على جربايه تهز برجلها
بتوتر

_ حقيرررر نذللل

_ ميس اهدئي

_ اوووف يا مارينه اتصلت بيه فدوى گالت الصار
بعد ما جدي راجع و ملاگينه

_ اصار يمعوده

.
.
فدوى

دخل جدو للبيت الظهر هو ورائد گعدو يم جده

الجده وضحه _ الويلاد گعدو يوم يمنه بس الحوش فارغ اليوم

ام رائد _ شوكت لحكتي تتعودين عليهم

_ عمه الناس السمحه و الطيبه لو نص ساعه كافيه
تخليج تشتاگين الحسهم

فرقان _ يي والله صحيح

الشيخ _ صيحولي ميسه تمرغل (تدلك _ تفرك ) متني

الكل توتر ويحجايته ما عرفو يشيگولون

ميقات _ اسوي الك اني جدي

الشيخ _ لا هالبت تعرف شلون تمرغله

الجده _ ابو صگر چا غير راحت وي اخوانها

گام جدو مصدوم

_ شني

_ مثل مسمعت

_ سووها و اخذوهن بسيطه لو ما ندمتهم

_ يا عوفهم اذا اريحلهم هيجي شيخ 

_ ما عاش ليكسر كلمتي

صديت عيني على اخويه الي وجهه صار اصفر
و عگدت حاجبه حتدت من يوم يومه يعتبر ميس

شي ثمين و يحبها حيل مرته دوم تغار منها حتى
انا لان يعاملها يتميز و بحب و لو جدي راد يجيرها

تلگاه هو اول واحد يدافع عليها و مايرضالها شينه

رائد _ عوفهم جدي

_ لا ما بالحيف و بس ينزل عمك من دوامه تروح لبيته
اريد اعلمهم على هالعمله

الجده _ شناوي عليه ابو صگر

_ رائد ينهي على الجبيره و انت و هو يأشر على سامح
تنهي على صغيره

الوضع تكهرب و الكل سكت من صدمته

_ جدي مزوجين احنه

_ و التثني ما هو حرام

فدوى صيحيلي مرت رائد

رحت و اني عقلي مايجمع شنو ينهون عليهن
حتلو ما احبها لميس بس هالشي حيل يأذي

صحتها و رجعت للصاله

وهج _ ها شيخ امرني

الشيخ _ خابري على اخوج يمرلي لديوان العصر

امرك شيخ

كلهم سكتو وجدو متوتر و بس يهز برجله اخر شي راح للديوان لحگته جده و حنه للسويت مالنه اني وبابا
و امي و حتى اخواني و نسوانهم

ابويه احسان و امي نهله اخواني رائد عمره ٣٦ مزوج
وهج و عنده بنت اسمها وتين بس دائما بيت جدها

امها هاملتها دوم فمن تمل تطلب من ابوها تروح لخوالها
هي برابع ابتدائي بعدها مداخله ١٠ سنين

و سامح محامي و مزوج تماره جانت تشتغل بنفس
المكتب اليشتغل بي فعجبته و و تزوجو عدهم

تؤم فرات و زينب عمرهم سنتين ابد ما تخلي واحد
يتقرب منهم لو يشيلهم خاصه ميس و عمه فرقان

جانت تشتغل بالمكتب لحد ما صارت مشكله جبيره
بوحده من القضايه السلمتهن و سامح خلاها تتركه

و اني اصغرهم و البنت الوحيده عمري ٢٢ اصغر من
ميس بسنه نجحت و صار قبولي بجامعه

حقدي عليها كل يوم يزيد اتمنى اذيها بس من اجي
لصدك اكبر اذيه ممكن اقدمها هي تجريحها بالكلام

اجتمعنه بالبيت الثاني ما يفصله عن بيت جدي شي
غير باب واحد داخلي امي وجهه صار احمر دليل على

عصبيتها

نهله _ احسان شوفلك حل مستحيل ازوج ولدي البت
ياسمين و بت الكافره

احسان _ هذوله ولدج وهذاك ابوي لا تسولي مشاكل

_ ليمته تبقى ساكت كله علمود يرضى عليك و يسجلك
ورث اكثر

_ منيلج هالحجي

_ محد يكدر يعلمني بيك احسان

وهج _ عمو حاجي الشيخ بلكي يسمع منك

تماره _ اني ما ابقى وياك

_ احسب بطني ما نگلتكم و اتبرى منكم لبوم الدين
لو سويتوها اخرتي ازوج ابني كبرتي البت ياسمين
ال

رائد _ يمة شهالحجي لا تكملين المرة ميته

_ خاب روح عني و لا فالحين بشي
كلمن يلعب بالفلوس بكيفه و تاليها احنه بس
هالبيت الجنه گبر يبقى النه و الزين و الفلوس يم
الكافرات

سامح _ يمة البنات مسلمات

_ دروح العرج دساس و مابگلبهن ايمان

رائد _ يمة بهذا حچيج اطلعين اسوء مهن

_ ييي دافع عليهن هذا هم حضي تموت على
هالبلگه سنين و منين انت تباوع للحجايه التطلع
من حلگها

سكت رائد مجاوبها

سامح _ اصبرو جدي يهدئ و ينسى الموضوع

_ تعلمين بجدك لو حط براسه شي

_ الله كريم قابل شبيدنه

_ ليش مو كفو ترفضون

_ الرجال جبير و هلكان نجي نعاند بي هم حرام

_ اوووف راح تجلطوني من وكتت

راحت امي و وهج و تماره لحگنها

اني دخلت الغرفتي اخذت تلفوني بعدين
اجاني شعور ما اعرف شنو بس خلاني اروح و اتصل
بميس احجيلها كل شي .....

.
.
مارين

مارين _ شنو ينهون علينه

ميس _ يعني ما يصير نزوج غيرهم ولو تزوجه نتكتل

_ ليش

_ بسج ثول هي مبينه حتى يحرگ گلب بارق

_ عزاا بعيني منين اجتني هايه صرت احسني
منحوسه

_ لا تكولين هيج

_ كل ما التقي بواحد منكم تطلعلي مصيبه
روحه هيلانه و هسه اخواني

_ ماكو هيج شي مارين انتي مالج علاقه

سكتت عنها و نزلت شفت خاله نايمه عرفت رسيل راحت
بس شعجب و حدها

لليل اجه ازاد ما نطق شي بس سلم على خاله
و صعد ما اخذنه من لاحق و لا باطل

لجين _ خاف سامع شي مساع ظهر هم ما حچه

ميس _ لا من تعب يرتاح و يحجي اذا عنده شي

_ الله كريم

مارين _ يمته اجه خاله

_ من يمي رسيل وصل هي على روحه اخذاها
و مشه

مر باقي ليوم بشكل عادي اريج ما قطعت
تواصلها و كل شويه تسال عن تالين و هي

حالها مو احسن منه اخوانها ثنينهم ملتحقين
و اخواني ماردو على ازاد غير بارق مرتين

ثاني يوم صبح بقينه بنفس الحاله صار ايام
گلبي بمتوتر ما مرتاحه وليوم زادت عني احس
تكو مصيبه جايتنه ....

بعد اذان الظهر خاله تقرا قران و تدعي لعائلتها
ترجع بسلامه ميس تقرا و عيونها حمر خايفه على
تالين جانن بغرفتها الخاله

و دگ تلفونها
رحت حتى ارد عليه شفته رقم غريب اخذته الها
و هي صدقت و باست القران و عافته على جهه

و اخذت التلفون مني

_ يي بيته هذا
_ منين انت يمة
_ شنو
_ محد بالبيت بس اني كولي
_ اتحمل يمة احجي

باوعت الميس منتضره افهم شنو اليريده المتصل

فززتني دگتها على صدرها و هي تگول

لجين _ ياااااعلي احضررررنه يمة ابني كبرتي راحت
فزينه اني و ميس

ميس تقدمت تريد تاخذه منها لان
بعدنه مافهمنه شكو خاله طاحت گدامنه متخربطه

_ مامااااا ركضت عليها اريد اوعيها ماكو ميس
اخذت تلفون و اني صرت ادور على عطر لمن لگيته

شممتها عطر رشيت بوجهاا مي ماكو مافتحت
عيونها تخبلت صرت اروح و اجي ادور على تلفوني
و نسيت تالين و كل شي هي فقدت و اني تهسترت

من الخوف طريقي صرت ما اندل بي ... طلعت من غرفه

بعدني على درج
عاط ميس .... عمت عيني عليك خويه
عصرني گلبي بس ما اعرفت شنو الخلاني اكمل طريقي
صعدت لغرفتي من الخبصه اباوع اريد اشوف تلفوني ماكو

فتحت كل جرارات هم ماكو نشفت كل شي رحت لجربايه رفعت الغطه و لگيته

فورا تصلت بازاد مره مرتين بنهايه دگه الثانيه جاوب

مانطيته مجال يحجي شي و عطت
_ ازااااد الحگك خاله تخربطت

رد عليه و صوته جان مخنوگ حسييته جمع كل
طاقته وعاط
_ شبيهااا لا تخبلييني

_ فدوووه تعال ماكوو وقتت اشرحلك

_ بس اطبگ سياره افتحي لباب
نزلت وحس گلبي نبضاته تترادم من سرعتها
فتحت لباب دقايق و اجه يركض جانت حالته

حاله ازاد من نوع النطافته اهم من كل شي
جان شعره و ملابسه كلهن باين بيهن التراب
مثل الي متعارك ....

دخل يم خاله شالها لجربايتها صار يفحها
و قاس دقات گلبها بعدين اخذ ابره ضربها
و هو گاعد على جربايه يمها

حجه وصوته متشحرج
_ ياكسره ظهري

دااسأل بس گلبي منطاني
دخلت ميس وجهه مثل قطعه دم و مزلوغ
اجو بالي اخواني و خايفه اسأل .... ما طال

الوقت خاله هذت بأسم امير بلگوات

رجعت اني نطقت اسمه بصدمه امير

مارين _ جاوبوني امير بي شي

ازاد مدنگ
و ميس شهگتها علت بالبجي و گالت

ميس _ اووووف عمه ياسمين لا تهنيتي و فرحتي
بولدج و لا هم التهنو

عقلي صار مايجمع گمت بخطوات تايهه و مو
متوازنه حسيت الارض دارت بيه تقربت من ميس

لزمتها من ادينها دموعي صارت تنزل برهاوه
_ عفيه گولي شبي هو هو مصاوب مو عادي كل مره
يصاوب بسرعه يطيب امير قوي مو ازاد

_ گلتها و اني التفت عليه عيونه ما باوعتلي

ميس گالت
_ ازاد دگ على جدي و الولد

_ درو و جايين

_ بچت بزايد و هي مخليه تلفونها على جهه گلبها
انتجت على الباب و مستمره بالبچي

ازاد _ اخوي راح شجاوبججج اخخ
گالها و هو يصفگ بدينه

رمشت اكثر من مره و بلعت ريگي بصعوبه
_مات

ميس _ لا لاا هو استشهد ملائكه الله كلها زفه لجنه

صرختتت صرخهه تفزز الميت
مارين _ لاااااا اسكتووووو
شكد چذابيين امير ما صارله شي لا صدگون
بالتسمعو امير يرجع حتى يعلمني شلون اصلي
والله بعد ما اعانده شيگول اسوي

طلعت من الغرفه و اني لازمه رگبتي الهوى ختفه
و ضاگ عليه انداريت لگيتهم ورايه

مارين _ گولي لازاد يروح يرجعه خطيه تالين من ماتلگاه
رجفت شفايفي و كملت

_ صعب تنحرم من حسه الحنين

_ مارين كافي

_ وخررري لتقربيين

_ ماريين بس اهدئي

رجعت شعري لورا اتنفس بصعوبه

اجه ازاد على صوت ميس

_ حسچن

دگيت رجلي بالگاع و كملت بصراخ
_ هذااا الهااامك اگووولك رجعه الاميرررر
لوو تاخذوني اله

صرت اصرخ بطريقه جنونيه و ابچي تهسترت
ما حسيت غير محضونه بجيت و صوتي يعله
كل شويه

رفعت راسي اباوع لوجهه حجيت بنبره ترجي
ازاد حباب گولي امير مابي شي

_ اخخ الله شلون بينه

......

بقينه على گعدتنه خاله گعدت ورى ساعه بس مارضت تطلع
من غرفتها و صوت نعيها يفطر الگلب خاصه من

تگول بنعوه
يمة لولد منين اجيبن عون مثلك صرت ابچي
بسكوت حتى وجع راسي ماهامني اباوع لميس

تبجي و عينها على تلفون خاله ... شوي و منحس غير
صار صوت عياط و هوسه بشارع قوي حيللل
گام ازاد گوه بهدقايق كبر مو شلون مكان ظهره

نحنه طلع و هو يمسح بوجهه

طلعت وراه اسمع هوسات و رمي ترس
شارع الظاهر الباب مفتوح و اباوع من جام
المطبخ

حسيت روحي طير مذبوح
غصه بگلبي فتريت بالبيت اكثر من مره احس
تخبلت و حتى دموعي نشفن ما گدرت ابچي

شويه و دخلت اريج حضنتني و هي تبجي
لابسه اسود الون الحقير
الي زين اجسامنه و عكس لونه بملامحنه

ساعات و دخلو علينه كل بيت جدي و رسيل
و امهات اصدقائه و جيران ناس كثار

ناس تعيط بكل قوتها 

عمتي ما تحركت من مكانها جامده ما تحجي شي

دخلت عمتي فرقان و هي تهلهل

_ عريسس ابن اخوووي راحح عريس

لاگنها بصرخات متألمه

اباوع للكل يبجون الكل مقهور عليه عيوني تباوع
على الباب اريده يدخل ويگول مابيه شي مثل كل
مره .....

اجت ملايه و هاي اول مره احضر مجلس بيتنه
گعدت تنعي و النساوين تبجي

صوتها يجبرك تبجي
گعدت بزاويه ابجي لحد مطگ راسي صار اليل
و تاخر الوقت فرشت اريج و ميس البيت للنسوان

طابق الثاني محد صعدله ميس قافلته ....

من خلصن رحت وياهن اعزل المطبخ ساكتين ما حجينه
شي حتى فدوى بنت عمو احسان شتغلت ويانه نسوان
رائد و سامح و خطيبه ايمن الي هسه انتبهت عليها كلهن

متكترات على جهه .....

ميقات _ اگول ميس

ميس _ خير

ميقات _ تالين ما شفناها

وهج _ يي صحيح ما شفتي مساع نسوان اكلت وجوهنه

ميس _ بيا حال احنه ما تگوليلي

وهج _ هسه هو سؤال

ميس _ ما عليج

سكتت مدنگه راسي شسوي جايه تالين بعد
ياااربي الصبر منك

لمينه كل شي و صعدنه اني و ميس و اريج

ميس _ نازله يم عمتي

اريج _ ابقي

ميس _ يمعوده اروح اقفل كل شي يخص عمي اكيد
عنده اوراق مهمه و الحيايه ما بعينهن

اريج _ براحتج

اريج راحت على جهه تنام

و اني النوم ما زارني ثانيه

باقيه افكر بالصار

گمت اخذ من علاجي لان صداعي يزيد ما يقل
انتبهت تلفون خالتي و تلفون ميس بالخانه

طلعت تلفون خاله فتحت الرمز و بسرعه غمضت عيوني
شهگت شهگه جبيره و گعت التلفون اجتني اريج بسرعه

اريج _ شكووو مارين

بقيت ساكته ما نطقت بشي دنگت اخذت تلفون و گعدت
بچيت بألم و اني اشوف جسم امير الحلو مزرف من رصاصات المايخافون الله ملامحه مختفيه

شعره لازگ بوجهه كأن توهم مطلعينه من الماي اخذت
مني اريج التلفون و اني ابچي موراضيه اهدء

و لا اريج الحجت لان ما عدها كلام يخفف عني
رجعت لفراشها و اني گاعده و هي عينها عليه ساعه
او اكثر غفت من تعب و اني جفاني النوم لحد ما بدء

الضوه يطلع و يبين من شباك الغرفه گمت طلعت
تمشيت بالممر و گفت گدام غرفته البسيل هيج
وقت يگعد حتى يصلي و يگعدني حتى ادرس
كل مره يدگ الباب هو لو موجود

دگيت الباب بنقرات خفيفه و فتحته جانت ضلمه
عبست و گلت بصوت

ليش ضلمه غرفتك و انت ما تحب الظلام
ما تحب الاسود و تكره تبقى وحدك مسحت
دمعتي الي حرگت خدي

تقدمت اكثر صرت بنص الغرفه الريحه مالته
جانت ماليه كل مكان بالغرفه عطره مميز دوم

يجيب من دبي غرفه امير منظمه بطريقه جبيره
گلبي ما انطاني احرك شي رحت الجربايته مسحت

على الغطه بيدي و گعدت بالفراش اباوع بكل زاويه
و اتخيله بي خمس سنوات من خمس سنوات اني
اعرفك امير انت دوم تگول لا تبچون ابقو اقوياء

اهتمو بذاتكم و انت جنت عظيت شفت حيل من
كلمه جنت احس بروحي مهضومه و شي بحنجرتي

ماراضي ينبلع احساس صعب الله ليعيش احد بهاي
الحيره لتفتت من انتبهت على دفتر بميزه الي يم
جربايته الكتاب بنصه بقلم واضح من ارتفاعه

قربت عليه فتحته جان مكتوب بي

عند الوهله الاولى التي ندرك بها الحياة
يحب ان ندرك ايضا انها فانيه لا وجود لها

مشروعك الوحيد الذي يجب ان تعمل
من اجله هو ان يكون ربك راضي عنك .....

امير و بجانبها توقيعه

قلبت الصفحه البعدها جانت فارغه

رجعت للي قبلها مكتوب بيها

كلما كان الليل أكثر قتامة كانت النجوم أكثر إشراقًا
كل ما مرت بجانبي اقرا اليأس بمقلتها
لا يسعني سوى ان خفف عنها و لا يسعها
الا ان ترمي سهامها البريئه فتصيبني
و اعود لها كأنها القاتله و المنقذه

بنهايه الورقه كاتب
صعبه تعيش وي انسان توالف روحه
روحك تلكاه وطن بس
ما دوم و يسكنه شخص ميداريه .....

سديت الكتاب و حضنته لصدري گعدت على جربايه
عيني على باب الغرفه اريد اطلع ......

فتحت عيوني على ضوه قوي حسيتني مكسره بهالنومه

رفعت راسي متعجبه المكان غريب شلون بستان مكان
اخضر و يمه نهر ملابسي جانن بلون السمه گمت اباوع

رغم جمال المكان بس موحش بس فجاة

لتفتت على صوت اعرفه

انداريت ابتسامه جببره زينت وجهي ......
.
.

گوه كتبت البارت ما تصدگون الالم البي ....
و مو كل شي ينگال حفاظا على شخصياتهمم

احداث الصارت وي امير راح تنذكر واحد من
الناجين من المجزره و اكو ناجين مو من يمي

الحجي راح اذكر كل شي ...... بس اصبرن

اقرو على روح امير الفاتحه
و هي بالنيات 🥹🥹🥹💔💔💔

حفظكم الله اعزائي

البارت القادم بي كل الشخصيات و ينزل بس
كم كلمه ناقصه

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد