رواية هيلانه الاسر الفصل الثامن 8 - بقلم زهور الـ سلطان

مساء الخير فيروزاتي

هيلانه الاسر 

زهور الـ سلطان

لاتنسون تصويت و علقو بين الفقرات

________________

الاسر

رايت الفرات و دجله
في نضراتكِ تائهة

________________
.
.
هيلانه

قاطعتها _ قبل لا تكملين تعبتي نفسج و جيتي
مستحيل اجي وياج ...

_ عائله لجين راح ادمرها و بسهوله

_ ما تكدرين تضحكين عليه هم مو اطفال كلهم
اذكى من ما تتصورين و عمو فؤاد عقيد مو
بهاي للسهوله تكدرين تاذينهم فمايهمني الي تحجي

_ بس زوجي اعلى منه و يكدر يحطه بتهمه دمر
حياتهم

_ انتي ليش هيج ما تحبين شوفين الناس عايشه
مرتاحه قبل جنتي مخليه حياتنه و حياه بابا مثل
جحيم و هسه تريدين تاذين اختج و بناتج .... رجعت كعدت و كالت

_ بعدج صغيره ما راح تفهمين هسه بس عائله الداود
نهايتها على ايدي وابوج الي ذبحتيني بي تعرفين
مزوج جان باوعتلها و كلت بسرعه _ يي اعرف

_ رايحه اني و لا تنسين ..... يا تجين وياي
باجر من اجي لو بسهوله
اكدر اسوي الي گتلج بي ....

_ افكر بس مو باجر

_ اني ما راح تراجع عن كلامي ... طلعت ورقه من
جنطتها بيها رقم _ اتصلي عليه من تفكرين كدامج
اسبوع

رجعت للبيت و مر اليوم بظئ والم راسي يزيد
ما ينقص وافكر بالامتحان و بتهديد الي اجاني

لليل طلعت اقرا بالحديقه و جو جان بي بروده
ما هتميت بقيت بمكاني اقرا الا ان نعست شفت
ضل شخص واكف گدامي رفعت راسي و شفت

بابه ترتيب لحيته عيونه شعره ابتسامته بس
جان اطول من بابه لا ارادياً و گعت دمعه يتيمه
من عيني و كمت و كلت بصوت مهضوم

_ بابه ........ تقدم اليه ووحضني بادلته و اني
اناشغ .... و اكول ليش عفتنه و ماسالت ووهنه
عليك ليش خليتني و حدي خايفه و ضعيفه

اجاني صوته و هو يگول بحنيه

_ يبعد ابوي و امي لا تبجين بابه

ابتعدت واني امسح ادموعي و اكول

اكرهكم كلكلم ماريد اشوفك هنا

_ هيلانه

_ لا تكول اسمي ... اصلا منو انت

_ صعبه بعد هذا العمر اجي و كلج
بس اني اخوچ

_ تشبه بابه فراس 

_ لا تشبهيني بي

_ حسيت نفسي داخله بصراع
تگول لا تشبهيني بس و انت هسه يلا تذكرتنه

_ حبيت اخوها حقج عليه بس كل ضني انتي
ويامج لو ادري انتي هنا جان علاقل اجي اطمن

_ واشوفجن ولو ما يفيد الاعتذار بس اني اسف
جاي اصحح كل شي و اخذجن وياي ....

بهاي اللحضه تذكرت تهديد امي رجعت ابجي
حضني دفعته و كلت كله من وراك راح اروح
ويامي و اني ماريد

_ مستحيل اخليهه تگرب صوبچن

_ بچيت بقوه وكلت بسسس هيي راح

_ شلعتي گلبي بواجيج هيلانه كافي كالولي
انتي قويه و ابد ما يشوفوج ضعيفه احچي
منو ماذيچ

_ محد .... مسحلي دموعي و باس راسي
گال اذا محد يلا عوفي الكتاب روحي نامي
لا تعبيين نفسج ..... مشيت ويا للصاله

شفت مارين و اگفه اشرلها و هيه
اجت بسرعه حضنه ثنينه و جانت مشاعري
متضاربه اريد ابتعد و ارجع اتهمه و اتهم بابه

لان بسببهم عشنه بتشتت صحيح خاله ما
قصرت ويانه ابدا ولا عمو كلهم يحبونه
الحياه البيها ام واب واخوان تختلف تكون

سعيده وحلوه و حتى لو بيها شويه مشاكل بس
اهم شي تكون بين عائلتك

صعدت يمنه و و اخذ ملابس سبح و رجع
تمدد بنص جربايه ...... و گال

منو تجي اول تنام بحضني ضحكنه ورجنه كلمن
من جهه نمنه بحضنه جانت نومه حلوه و فرحه
بگلبي واني اكول عائلتي كبرت صرنا ثلاثه

نمت نومه عميقه بيومها بس راسي ما توقف
وجعه يروح ويرجع ثاني يوم .... گدنه
من وقت راجعنه ساعه و بدلنه و اخذه

بسيارته جانت احلى من سياره ايمن
اخذنا المطعم و نزلنه ريوگ يجنن بس
مو اطيب من اكل خاله طبعا هههههه

وصلنه المدرسه و راح و باثناء الامتحان
راسي رجع الالم اله حليت مو بتركيز و طلعت

بقيت بساحه حسيت روحي بعد ما تحمل رحت
للاداره و لاوگتني اريج سالتني

_ شبيح هيله وجهج اصفر

_ راسي يوجعني

_ سلامتج حبيبتي اتصلت بااخويه
ناخذج للبيت بطريقنه

_ لا راح اگل للمديره تتصل بخالتي

_ بكيفج

_ بعدني ما متحركه خطوه و حسيت الگاع
دارت بيه و گعت هذا اخر شي اذكره ....
_______________
.
.
ادم

طلعنه اني و قسور لغرفه تحقيق و طلبت من جنود
يجيولي من واحد من الجبناهم اخر مداهمه ...

الجندي _ حاضر سيدي
طلع من الغرفه و هو جايبه

الجندي _ سيدي هذا اليتسلم الاطفال ... والاسلحه

اخذه كعده كدامنه و نطاني ملفه ... ضرب تحيه
و طلع

جنت كاعد كدامه مباشره و قسور مكتف ايده و
واگف وراي

حمحمت و فتحت الملف

_ يي رائد حجيلنه

رد بتلعثم
_ شحجي سيدي

_ شغلتين احنه نعرفهن بس نحتاج
تاكيد اسم المستشفى الي تستخدمون اطبائهم
و عناوينهم اما تحجي و تقلل عقوبتك لو تطلع
من الغرفه ما تكدر تمشي عالرجليك

_ سسيدي ما عرف و  م ممجبور هددوني بعائلتي
فششتغلت

كمت على حيلي و نزگته من ياخته قربته عليهحيوان
گوا*** هاي سوالف ما تمشي عليه تحجي كل شي

_ سيدي كتلك هددوني ووخفت منهم ما عرف شي

ضربته بوكس و كعته بالكاع ... تحجي  لو شلون

_ ما عندي شي احجي سيدي

رفسته بطنه طحت بي  وين توجعه بس ما حجه

قسور _ اااادم لاااا تتخبل لا يمزت بيدك  و نحصل
شي

جبت مسدسي ووحطيته بحلگه

_ تحجي لو شلون

باوعلي بخوف و بقى ساكت ... احسب للخمسه
واحد ... ثنين ......
_ راح احجي بس ووخررره عني

بتعدت عنه يلا اشوف

سيدي اكو شخص اسمه كرزون
شغله يتاجر بالاعضاء والاسلحه و قسم
من الاطفال يبيعهم و اني شغلتي استلمهم
بس ماعرف غير شي

_ المن يبيعهم

_ سيدي سوگ بي سبايا و ناس مخطوفين

_ المنضمه شسمها

_ ما عرف  سيدي

_ كرزون اسم لو لقب

_ لقب

اخذووو صرخت بيهم ....

طلعنه اني و قسور يمقداد و صلنه المكان
مجتمعين بي ضباب هواي ضباط و قسم
منهم بالاستخبارات و قسم رتبهم كلها عاليه
من مختلف محافظات العراق

الاجتماع نعقد و كل شخص حجه عن اشياء
شاك و معتقد بيها اني و قسور حجينه عن
العصابه و عن امور عديده ... يفضل تبقى سريه

و ستلمتت مهمه جديده بس قبلها لازم اسافر

و تحدد موعد سفري بعد يوم

صهيب _ يابه شلونك عضيد

ادم _ هلا ابو شباب

قسور _ ظاهر هالمره مهمتك تختلف

صهيب _ قسورنا دوم اني مختلف

عمر _ تصدكون مشتاقلكم ولجمعتنه

ادريس _ شلون جمعه مالمطلقات

صهيب _ انجب لكك فاسد

قسور _ و عار ما صيرله چاره

ادم _ ادريس عار و فاسد چا انت و
الگدامك شنو

ادريس _ هههههههه كفو منك ابو الخوه

ادم _ انجب انت .... شتعل عمي شلون راح
اگبال وجهك المهمه جايه

قسور _ ورب ما ادري سالفه مليوصه

صهيب _ قسور  صاحب المنضمه الحجيتو
عنه كرزون الختبئ لقبه نعرف اسمه بمناطق
بشمال اخر مهمه الي سمعت بي صدفه

ادم _ واضح فشله و جبنه حتى اسمه المختبئ ...

عمر _ اليخطف اطفال مستحيل يكون غير جبان
و گوا*** وخر***

صهيب _ سهله و لا يهمكم تصيده و ذبحه يصير
حلال ... عمر لازم تروح لغيث و دورون على دكاتره

عمر _ سهله ......

رجعت للبيت و جانت اريج تدرس بصوت عالي
انتجيت على الباب و كتفت ايدي و اسمعها ....
جوىً أودى بقلبك أم وجيــــب ُ
غداة حدا بك الحادي طبوب طرب يمههههه
.... الطروبُ
بعدت عن الديار ِوصرت تدعو

قاطعتها واني اكول

على البعــــد ِالديارَ ولا مجيبُ .... ولج صوتج كم
مره گلت لا تعلي
كمزت من مكانها و باوعتلي

_  باجر اخر امتحان غير اسوي نفسي اجواء
و بعدين مو انت تكول من تقرين احجي بصوت

_ استغفرالله بويه كتلج بصوت مو بصياح

_ لتلحح راح اصعد الغرفتي احسن

رفع حاجبه و باوعلي بخزره .... تعااالي ارجعي
عبست و جيت اسفه ما قصدي

 _ يمههه اخخخ اذني عوفها

_ بعد لا تراددين و لج اريجج

_ والعباس ابو فاضل ووالعباس ما عيدها

_ يلا كملي دراسه ... اكول امي وين

_ راحت ويبسيل البيته

_ يصير خير

_ اجيبلك اكل

_ جؤؤ .....

صعدت الغرفتي .... و بديت اشتغل على قضيه
الجامعه .... مجموعات من طلاب يحرضون
اصدقائهم على التشكيك بالدين يسحبوهم و يغيرون

معتقداتهم .. تحس اكو مؤامره جبيره جاي تصير
بكل العراق بس بطئ بحيث الناس ما تحس بيها

لليل جبت اكل من برا لان حضره اريج ما تعرف
حتى تخدر چاي ....

بدت اريج تحضر الاكل عالميز دخلت امي سلمت
على اريج و باستها .... اخذت عبايه امي وسوتلها
لفه و طلعت

_ وين رايحه يماا

_ اراجع ما عندي وقت 

_ ما تگولين اكو گواد هنا اسال عنه

_ السانك الزفر لا طلعه يمي

_ شوفين ما كل تكولين زفر

_ ولك اكو واحد يسوي سوايتك تاذي اخوك

_ بسيل داس بطني فيستاهل

_ اذا تبقون هيج و تزعلون اني اعوفلكم البيت وهج

_ لا تهجين و لايهج اني عايفلكم البيت و مسافر

_ شلون بيك وين مولي

_ شنو شلون بيك كايلج اروح لبيوت دعا***
عندي شغل و تدريب

_ وجدتك شكللها ......

_ عجوز النار وضحه مشتاقلها

_ وجع لا تحجي عليها  باوعتلها ما راضي واردفت
_ رحم الله والديج يما

_ ووالديك .. هسه تخابر اخوك لو شلون هو
هم يريد يسافر شنو سالفتكم

_ يمه بسيل مو ابن العشرين سنه صار جبير والحجايه
التطلع منه قاصدها .... نرجع للعراق وويصير خير

_ وليدي تروح و ترجع سالم شمعت بيتي

_ ما طول ام ادم تدعيلي كل خير يجي ...

_ اكول يما اكو سالفه بالي علما تجي
اريد اضبطها

_ وهي .....

_  يماا شنو رايك بفدوى

_ بنت نهله و احسيون شبيها

_ ردت اخطبها الك لو لبسيل كافي صرتو
شياب لبگكم جهالهم بالمدارس بس بسيل
مايريده فاريد رايك

_  يمه بربج لا تسويلنه فاجعه و جيبلج حيه
ما ناقص غير الفي خلفه احسان العار بيتي

_ سكتتت ما ينگدر للسانك اخخ لو داوم
ودرس طلاب غير تلبگهم لبگ بالسانك

_ عوفي هاي الشهاده وهاي السيره لان
مالي خلگ الها ..... بقيت كاعد يمها كم ساعه

ورجعت لغرتي حضرت الجنطه ما عندي وقت
بس باجر و و سافر .... بان حددتت موقعها بس

باقي اعرف كل شي عن عائلتها وهذا الموضوع
انطيته بيد غيث و زلم دزهم قسور و ارجع و اعلمها
شيصير و يالتلعب عالباشا

سهرت الوقت متاخر .... و بعد ما كملت اخذ سويجي
و طلعت من الباب الخلفي ..... لان اعرف بنفسي مراقب

رحت للمكان العايف بي سيارتي الثانيه حتى و سقت مبتعد عن المنطقه رحت البيتي الثاني بمنطقه شعبيه

حتى ابعد العيون عنه ما اجي هنا اله نادرا
دخلت فتحت الضوه و مباشره رحت للطابق الثاني

جانت غرفه بيها معلومات سيره و اشرطه فيديو
لسرقات و معاملات و ملفات قضايه جنت مسؤول

عنها .... اخذت الاحتاجه و رجعت للبيت تقريبا
الساعه عابره الوحده بليل لا حضت اكو سياره
وراي بقيت اسوق بهدوء حتى ما يعرفون نتبهت

لحد ما لا حضت اكو سيارتين گدامي  راح يعبرون
لهاي جهه و اول قربن  دست بانزين و لفت

ليورا السياره الوراي فقدت سيطرتهه ستغليت
الموضوع و صلت للمنطقه بسلام عفت سياره
بنفس المكان و رجعت للبيت

بالبدايه جنت اضن هاي الملاحقات لنفس العصابه
التتجار بالاطفال و الاسلحه بس هاي الجماعه
قاصدتني اني بذات ...

10:00 صباحاً

نايم و ما حسيت الا و امي تگعد بيه

_ ادمم كافي نوم روح جيب اريج ادم

_ حجبت و بعدني غالق عيوني .... عوفيني نايم ....

_ اروح اجيبها ابقى نايم

_  صحت بغضب مكبوت .... گعدددت  ..

_ لا تتاخر عليها  .... _ ابدل و طلع

اخذت سيارتي من الگراج و طلعت ... و صلت
للمدرسه ووركنت السياره انتضرتها اكثر من
ربع ساعه ما اجت .... دكيت عليها ما ترد خفت
لا صايرلها شي و مشيت بخطوات سريعه للمدرسه

دخلت للاداره بس جانت بيها ضجه جبيره ...
انتضرتها تقل و دخلت للاداره صارت بوجهي
اريج و جهاا احمرر دم و عيونها تصب

_ شكو بيج شي احد محاجيج

_ هزت راسها بلا ... _ عفيه ادم اخذ صديقتي
للمستشفى الاسعاف يتاخر فدوه

_ وينها

رحت وراها و اشوف بنيه عباره عن قطعه بيضه
اول مشفتها حسيتها جثه ... بسبب شحوب المبالغ
بي ... طلبت وحده من المدرسات تجي ويانه بس
رفضت و كالت اختها تجي وياهه

تقدمت اختها تسندها بس ما كدرت ثنينهن ناعمات 
اجن بنات سندنها و طلعنهه وصلن  سيارتي صعدنها
اريج صعدت يمي و ندارت تباوع صديقتها

اريج _ مارين لا تبجين ما بيها شي والله ... ادم
فدوه بسرعه

سويت طريق النص ساعه ربع و صلت الاقرب مستشفى
فتحت الباب و رحت اصيحهم يجيبولنه سديه
و قبل لا انزل من سياره صرخت اختها .... لاااااا عفيه
تنفسي

_ ادم هيله ما بيها نفس

فتحت الباب بسرعه و شلتها ... حتى طفل اثگل يمكن
و اول ما شلتها و قربتها مني عطر مميز و هادئ  ترس
انفاسي ريحتها تسكر .... حجيت وينفسي ادم كافي
خبال البنت راح تموت مو وكت فصلاتك دخللت تلگونه
بسديه و دخلوها لغرفه مر وقت

و اجت اختها كالتلي  .....

_ اخويه مرخصتك تكدر تتصل بواحد من عائلتي
يجينه

_ انطيني الرقم

_ ردتليا و بالبحث طلعلي فجاه شي مو بالي
غمضت عيوني بصبر ... كتلها تحجي رقم مره ثانيه

و نفس شي الرقم  ال ايمن

اتصلت بي و قبل لا تنتهي الدگه رد ... بتعدت عنها
اجاني صوته

_ هاي الشمس منين طالعه الباشا يتصل صدك جذب

_ الشمس طالعه من يم الگوا** عمك

_ منو منهم هم ثنين گواو*** عدنا

_ بنات فراس يمي

_ رد بسرعه جنونيه ... شصاير منو منهن وين
انتم بسرعه احجييي

_ وحده منهن متخربطه و بصدفه
شفتهن من جيت اخذ اريج عنوان المستشفى *____

سديت منه و كتلها هسه يجي ... يلاا اريج نرجع للبيت

_ اشوف هيلانه يلا نروح فدوه

صفنت بوجهاا و رجعت كم خطوه و تمشيت و اني اذكر موقف صارله سنوات مسحت وجهي و كملت طريقي  طلعت من الردهه

وبعد كم ساعه اجت اريج صعدت يمي ..

_ ادم

_ خير

_ مارين تشبهني و بسيل يشبه ايمن

_ غلطانه

_ لا صدكني  صحيح شكلهم شويه يختلف بس
همست  نفس شخصيه تحسهم غامضين ..
ولو هم كلهم هيج

_ شكلتي

_ ما كلت ... ادم ليش بنات عمو فراس ما يجن
بالمناسبات

_ منو يريدهن اصلا و مهتملهن اجن لو لا

_ راح اسولف البيبي عنهن

سكتت عنها مارديت ههه تريد اخلي بنات فراس
يتعرفن عالعائله اكيد يفرن عقولهم لان ابن البط عوام

خابرت جماعتي و كملت كل شي احتاجه
و بليل و دعت امي و اختي و العراق ....

و سافرت ......

___________________
.
.
مارين

ضننت اننا حين نكون معا لن يفرقنا شيء

واكفه و اباوع لخواني و دموعي اخذت مجراهه
وهي دمع كل البعد بينه ما اله سبب منطقي كل
شي صار عباره عن كره امي و حقد ابوي

باقي اعرف سبب الحقد و الكرهيه المخيم
علاعائله الحچي داود جدي تنهدت بحسره

شويه و دخلو اشرلي  بيده بمعنى تعالي
رحت ارتميت بحضنه جنت سعيده حيل

و صعدنه للغرفه محد بينه حجه سيطر
هدوء غريب علينه احنه ثلاثه راح
سبح ورجع تمدد على چربايه و گال

_ منو تجي اول تنام بحضني .. بطلن فهاوه

ضحكنه اني و هيلانه و نمنه كلمن بجهه صرنه
بحضن اخونه .... نمت بدون تفكير الباجر
و بدون دموع شعور حلو من يصيرلك سند ....

ثاني يوم جهزنه نفسنه و گلنه الخاله طلعنه من وكت اخذنه
المطعم و باثناء اكلنه دگ تلفون

ضحك ووفتح سبيكر  اجانه صوت ايمن

_ هااا عضيددد

_ خير محتاج شي

_ ولككك وين وليت و اخذتهن من صبح

_ اخواتي واخذتهن مالك شي يمي بعد

_ رد ايمن بعصبيه بصوته الكله نبره نوم

_ لا يا عاار يا .. صرخ احمد البنات يمي
لا تحجي حجي زايد

_ و بعدين الغالي نسيبي ريلاكس لا تعصب
اخذتها تتريگ اخواتي ما بيهن روح شنو
ماتوكلوهن

_ ارجع و گول لعمتك هالحجي و هي ترد عليك

_ يولو هسه شرايد ....

_ ها مارين من لگه احبابه نسه اصحابه
هنا هيلانه نفجرت ضحك و اني گوه كتمت
ضحكتي

_ شبيك ايمن شسوينه هاي  اجه البارحه
احمد انت هيج عصبي

_ ما عليج بي عيني زوجج غيور بعد شرايده

_ غصيت من فشله حسيت و جهي حرگني
گد ما ستحيت من كلامه عززاا بعبنك احمد
انطتني هيلانه مي ... صاح ايمن

_ خجلت مارينه نذل ......
غيرنه جو و تونسنه بس هيلانه كل شويه و
خلت ايدها على راسها و من اسالها ترد بمابيه شي

رحنه امتحنه واول ما خلصت امتحان و طلعت من
القاعه اجتني لمى تركض

_ شكو صاير

_ حجت و هي تلهث هيلانه تخربطت بالاداره

_ ياربي هيله ... ركضت للاداره و شفتها مغمي
عليها و لونها مخطوف بقيت ادك والطم اريدهن
ياخبرن علاسعاف بس بكل برود يفترن صرخت
بالبنات المتكومات عليها

_ مشاايفاات حاله اغماااء قبل
ست اتصلي بااهلي لو الاسعاف اختي راح تموت

ورا شويه دخل اخو اريج .... حاولت اسند هيلانه
واكومها ماكدرت بس زينب و لمى ساعدني

اخذناها وورحنه و اول ما وكفت سياره كبال
المستشفى و من كل عقلي طول طريق مخليه
ايدي يم خشمها اتاكد تتنفس لو لا حسيتها

مجاي تتنفس صرخت و اخو اريج شالها
عزاا لو يعرفون واحد غريب شالها
و اخذها لجوه و خبص الممرضات حتى يروحن
لغرفتها ...  ورا شويه رحت طلبت منه يخابر

و نطيته رقم ايمن باوع بستغراب الي و رجع
باوع بتلفونه

_ رجعي ردي الرقم
حجيته مره ثانيه و طلع من الردهه بعد ما رفضت
اريج تروح وياه

اجو احمد و ايمن و خاله حالتهم حاله حتى ما نتبهو
الاريج

لجين _ يما شبيها اختج

_ تخربطت

احمد _ اذا مريضه ما گالت ....  اووووف

ايمن _ اريج شسوين هنا
لفت اله و الاريج ... منين يعرفها ؟؟
سؤال دار بعقلي

لجين _ تعالي خاله شلونج
تقربت سلمت عليهم و هي مستغربه مثلي

احمد _ الظاهر عائله صگر و فراس واحد
يعرف الثاني

اريج _ لاا و الله ما جنت اعرف بيه .. اعذروني
لازم اطلع ادم منتضرني ....

لجين _ الله وياج سلميني على امج

اريج _ يوصل حبيبتي خاله

احمد _ مارين

مارين _ لا تباوعلي هيج كتلكم ما ادري

لجين _ غير نفس المدرسه

مارين _ بس مو نفس الصف اصلا ماجنت
اعرف اسمها الكامل

ايمن _ كافي يلا مو بحالهم احنه

________________
.
.
هيلانه

فتحت عيوني بصعوبه شفت غرفه بيضه
غمضت عيوني بألم عرفت نفسي بالمستشفى
ماعرف شكد صارلي هنا

شفت الكل مجتمعين يمي ... م مارين

جيت مارين _ سلامتج عمري انتي

احمد _ هيلانه اكو شي ياذيج

هيلانه _ را را راسي يأذيني
طلع احمد من الغرفه اجت ممرضه خلت
ابره بالمغذي و طلعت حسيت الوجع خف

لجين _ يما بنيتي منين جتج هاي

هيلانه _ لتخافين مابيه شي

لجين _ شلون ما اخاف وانتي نايمه بالمستشفى
من امس

ايمن _ حجيه مو وكت هالحجي خلوها ترتاح
رجعت نمت و ثاني يوم سولي خروج و طلعنه

خاله مقبلت بالبدايه بس اني اصريت اكره ريحه
المستشفيات و هم بالبيت ارتاح اكثر مارين وياي
ماتركتني و لا ثانيه و حجتلي بيوم الوكعت جابني
ادم و اريج

هيلانه _ ههههههه صدفه ضحك

مارين _ شبيج يا صدفه

هيلانه _ هي اريج مو اخت استاذ بسيل

مارين _ يي و شنو يعني

هيلانه _ وثول قبل كم شهر من تخربطتي هو
اخذانه للمستشفى

مارين _ ههههههههه الاضرب من هيج ما تعرفي

هيلانه _ شنو

مارين _ تعرفين اسم اريج الكامل

هيلانه _ لا شنو

مارين _ اريج صگر داود .........

__________________
.
.
اسفه على تاخير ان شاء الله راح افرغ نفسي
و يكون نشر باانتظام و اطول البارت

اتمنى تستمتعون بقراءة البارت

احبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد