رواية هيلانه الاسر الفصل الخامس والعشرون 25 - بقلم زهور الـ سلطان

هيلانه الاسر

زهور الـ سلطان

لا تنسون تابعوني و تصوتون فيروزاتي
النجمهه لتنسوهاا

.

اعاتب روحي ما اعرف شلون ردتك
و انه عاكولي اترف من وردتك
.
ادم

Back to the future
عوده الى المستقبل

نينوى / الموصل

الايام شدت ويانه فد نوب و كلها مشاركه بهالمعركه
من الجيش بكل قطاعاته لقوات الرد السريع الحشد
و اكيد معظم

استخباراتنه جانت موجهه شغلها و جهدها على عدونا
الخبيث

قسور و ٤ شبان وياه من جنود بوحده من الفصائل
وصلناهم

الباقي مالحگنه عليهم منهم انقتلو برصاص الحر
او استخدموهم كانتحارين يخلون جثثهم المفخخه
قريب على سواترنا لو يدزوهم الاماكن معينه بالانبار

حسب العرفته ناشرين شبكه انفاق اشد و اقوى من
الموجوده بالموصل .....

بالاخير گدرنا نقله بمساعده تاجر يشتغل ويانه و زلمه
ابو عون فهد صديقي بس مهمته مختلفه عنه

طبعا گدرنا ننقذ حياة كثار بس داخل اوكارهم صعبه
شخصياتنه جانت ملزمه تبقه سريه اتم السر

كملت كل شغلي يمهم و بديت اشتغل بخارطه
على المكان عرفت كل شي عنه تقريبا

باقيلي انطيهم خبر و هم يعرفون شغلهم
و اعقد شي جان بالمهمه هي الالغام الدافنيها

كل غلط بمهمتنه يساوي ارواح

بعد ايام ٣ ليالي ضلمه حيل متعبه و سوده عرفت
مكان اميرهم الجديد كان على مسافات قريبه
من المنطقه ......

ليث مجطول عتراب و سلاحه بين اديه و ضارب
صفنات

صفين _ اكول يالاخو وراك شي مو هين شعجب

ليث _ شكوووو شنووو

عمر _ وسممم ليثث

ليث _ احول على الرقيق حوبي

عمر _ انجب ما اريد اسمع صوتك فاهم

ليث _ تدلل حبب

ادم _ شمسويلك

عمر _ هووو يعرف ابو حرب

گام و صار بعيد عنه شويه و ابتسم بشر
ليث _ اني اگلم لگفته يسولف وي صاحبته ابن ساجددد
روح خابر ابوكك محتار بنسوان

فما سويت شي بس كتله ... وهنا غير صوته لمراة
يا مراة صار ارق هم ههه

حبيبي تعال شوو تاخررت شتاقيتلك اافف

عمر _ موو صااحبتييي يا مطيي اله اشگككك اصبرلييي

ليث _ شرفييي ضامه المرتي وليييي ولككك رووح
ركض وراه لحد ما حصره بزاويه الغرفه يريد
يكتله كتله معدله بس غدر بي

صرنا نضحكك على سوالفهم التطلع بنص الضيم

فجاة رفع مسدسه بوجهه

عمر _ ترفعه بوجهيي صرت ابو الراهي خوو شفتوه
رفعه بوجهي و انتي رجل دوله شريف عسكريي
تعرفون العقاب مو و انتو الشاهدين

ليث _ رجل دوله شريف و عسكري كلهن انت
و اني گو*** و ****

صفين _ اگعدووو ولكم ليث مشه مئمن من يم عمر

عمر _ ولككك ليييث دهاااك
لزكه بوكس طير شرار عيونه

صفين _ حيللل بعد ايدي تعال احبنك

عمر _ انجب انت

و هاي گعدنه جابونه جاي
ليث _ لواحد متناي يمته يموت دخلوني اونسكم

عمر _ ماتموت واحد عار

ادم _ ليث تعال

ليث _ جايك حوبي ابو حروب

تمشينه على جهه و كتله و اني اشدد بكلامي
ادم _ راح نطلع اني وياك وي بغير مهمه

ليث _ قصدك هجوم لاخ شكوو حجزو قسور لگووه
فهيدان لو الواوي بيهم شي

ادم _ لا بس مكلفين لو نكتل اميرهم لو نحجز عليه
هالجرذ فهمت

ليث _ بس اوگف شلون رهمتها و استلمت هيج مهمه
حچاها وباوعلي

لا تباوع بطرف عينك فهمت هو اصلا منو گد اسرنا

حضر روحك بلايه لغوه اني طالع قبلك

طلعت جان نص الجنود متوتر لان المهمه جبيره
و الباقي بكل جساره منتضرين ينتصرون

طلعنا بيومها نسحبنه بعد ساعات طويله لاهم گدرولنا
و لا احنه لگدرنا نمحيهم اسلحتهم و عددهم اليزيد
كل ثانيه الانسحاب صار تكتيكي گدرنا نماطل لحد

ما وصلت النا قوات دعم شهداء خسرنا بيها
كل واحد يوگع بيهم احنه قبله نوگع ...

قوت الحد ما دخلو يمنه قربو علينه

.... ههه والله اله نفترسهمم

ادم _ غير احنه الصناگر

..... ييي والله

لحد ما انتهت و احنه مرجعين المنطقه النا
الجان وجودي بيها خارج عن ارادتي

و بعد المهمه اجه ليث وياي وگدرنا نطلع الناجين
ماگدرت الكاهه حسيت بشي من العجز و هاي
ثاني مره اخاف و اتوتر على شي هالكد
و الاولى بسبب امي ....

ياست لحد ما بين البيوت الوصنالهن واحد بيهم شبت
بي نار تاكل بالبيت اكل طلعو منها نسوان

صرت ادور بعيونهن عليها ببنهن و هنا سمعت صوت
صرخاتها العايقه

فدخلت بوسط منع ليث اليه و گدرت اطلعها
ضحكت علروحي و اني الچنت ادور كتلها

منظرها يكسر الگلب ليثث المفتاااح

ليث _ هااك اجيي وياكك

ادم _ لاا ارجع لشباب لا تخليهم جوه رحمه العار مؤيد

ليث _ حاضر مع السلامه

طلعت بيها للمستشفى كل المصابين منه ينتقلون الها
وصيت ممرضه عليها و طلعت اكمل الواجب لليل
رجعت الها لاگتني الممرضه بدايه الممر

حضره الرائد والله خفت مترجع متحاجتك بشي
كلش مهم

نعم

مرخصتك بس ثواني قبل لا تدخل الغرفه تعال
ويايه

رحت وراها و دخلنا بمرر معزول عن ممشه الناس

خير تفضلي

البنيه الجبتها يمنه تعرف احد من اهلها لو ماتو

ليش

مو لازم يعرفون حالتها هي مو ولد حتى نگول
يدبر نفسه

احجلي اني

مو ميصير

محد الها هنا گولي و يصير خير

شوف البنيه معرضه التعتيف قوي جسدياً و

ليش سكتي و شنو

تعرف اغلب البنات التجي هي معتدين عليها
من قبل اكثر من شخص فنادرا يبقن عايشات

رجعت خطوه الورا و احس الدنيا افترت بيه

بسس لاا

لا هي ماا ماتت الحمدالله بس معنفه بشكل مو
طبيعي و رحمها اذا نزف بعد ننجبر نستاصله
بسبب متترضه الضغط

قوي و متحركه فوق طاقتها لهذا هذا الصايبها
و اكو محاوله قتل او نتحار عدها جرح سطحي
قرب وريدها تحت كفها

صحت

لا بعدها گعدت متألمه بسبب عمليه موضعيه سريعه
سوينها الها فلازم ترتاح بالاقل اسبوع

بالمستشفى

لا عادي تطلع لو يجي ولي امرها

اطلعها علمسؤوليتي

بعد ما اعرف تكدر تكول للاطباء بعد

خلصتي هسه

يي

عفتها و انه شايط نعله على روحك فراس
الله يطيح حضييي وحضضضكك بارققق

اني سويت فتريت المستشفى بالاربع مرات بدون
ما حس على روحي كون اكضلي واحد افوخخ گلبي
بي شني حرگان للگلب هذااا

امرتهم يجهزون سيارة اليه و گدرت اطلعها
من المستشفى و هي كلمه جثه قليله عليها

بالبدايه فكرت ارجعها البغداد غيرت رأيي
باخر لحضه اني اصلا صالي بشهرين ما واصلها

و لا اعرف اخبارهم جان قرار الاخير هو ارجعها
بعد ما اعرف اخر اخبارهم

دزيتها على مكان اگدر اامنها بي و هم متروس
منتسبين و اكدر اامنها هناك

دخلتها لغرفتي و شكلتلها المغذي
و نزلت للعامله تروح يمها

بعد ما گعدت حاولت اطول خلگي گد ما اگدر
وياهه

رغم هذا شي ما قلل و لا راح يقلل شفقتي
عليها بس الشي الوحيد الصعب اعترف

بي هو انه السبب بالصار وياهه
اني جبتها ليش
لان بنت فراس و ديلارا
ادفع عمري و خليهم يوگعون بين اديه
اله ازوعهم العافيه

اطباعه تغيرت بشكل جبير صلافتها زايده
كل كلمه احجيها لازم ترد عليها

عرفتها تحاول تنسى بكل هذا و تقلل
من رهبه العاشته احيانا كل ما افتح الباب

تفزز بقوه تخليني اندم على كل حياتي ....

و بيوم
عفتها و نزلت الواجب

انه و جماعتي و بقيه الشباب

الموصل / ليلاً

المنطقه فارغه باقي نتاكد و نفك كل القنابل لان
ننغدر بيهن فنوينا نبات لحد الصبح معظم البيوت
مهجوره انقاض

غير كم واحد

مؤيد _ شباب تعالو هالبيت شكله احسن

سليم _شتكول ابو حرب

فهد _ مو شرط كل شي جان خلونه ننقسم

ادم _ لا شلون ننقسم تعالو ليغاد معزول

مؤيد _ ليش مو هذا يمكن بي لغم ذاك

ادم _ و يجوز هنا اكو هي جم روح تعال و انت ساكت

دخلنه البيت الفراغ البي مو طبيعي ريحه جيفه
اشياء قذره

سليم _ المكان قذر رحمه للكائنات ختنكت

ليث _ اشش اكو صوت جاي من قريب

ادم _ ابقو هادئين

گل لشباب ليدخلون

سوينه اقتحام و تفاجئنه بـ......
.

هيلانه

الاسر اجاه اتصال و طلع و هو مغضب و عاگ
حاجبه و يعيط و يفشر على المتصل بي صوته

بي بحه غريبه تخليك تخاف منه و تاخذ حيطه
بس بعد كل الايام العشتها كل شي مخيف و مرعب

عادي بعيوني الكوابيس الاشوفها كل يوم تخليني
يأسه من الحياة يوم ورا يوم ساعه ورا ساعه

ليش لازم اتحمل بيوم تحلمت امي شاعله شمعه
و تريد تحرگني و بيوم ثاني تحلمت بالشيطان

الحقير لحطم حرمه جسدي النحيل جسدي المهم
احافظ عليه الا يعلمون ان امي هي العذراء مريم

كل شي بينا مقدس و لازم تحافظ عليه
يارب بحق عيسى عندك طلعني من شده السوداء
الي تحيط بيه

تنهدت بحزن و گمت افتر بالغرفه فرحانه
بعد يومين اروح لاهلي ودييي اطيررر

اخيرا راح اشوف خاله الحنونه مارين نصفي الثمين
تولي اختي القويه و اميرنا السند
ازاد البومه و اخوهم العگره ايمن و عمو حبيبي
اخويه هم بس خايفهة حيل خايفه من رده فعلهم

يارب خير تمشيت يم الكرويته جان بيها
الابتوب اول مفتحته شفت الساعه صار
وقت طويل من طلع

و قبل لا يطلع چنه نكمل بنقاشنه

الاسر _ اوخر عنچ هسه انه ذابح نفسي مثلا

هيلانه _ اذبحها متذبحهاا

الاسر _ استغفرالله

هيلانه _ و اتوب اليه

غمض عيوني لحضات و رجع فتحهن
الاسر _ يلاا يومين و نطلع

هيلانه _ صدوكككك و الرب

الاسر _ جذووب
كالها و هو يقلد عليه

هيلانه _ اسرر

الاسر _ سمي

هيلانه _ جوعانه

الاسر _ و الله يجي بالي حچي بس راح تختنگين منه

هيلانه _ لصير سئيل اكثر من هيج و روح جيبلي اكل
تعبت

الاسر _ سئيل شني هاي

هيلانه _ ما گولك شلون من تگلي قرجه

الاسر _ مو كتلج يعني وحده بربوگ

هيلانه _ احترم نفسك

الاسر _ هسه اسئل جماعتي عليها

رديت عليه برود
هيلانه _ اسأل

الاسر _ تريدين اكل مو

هيلانه _ يي

_ شنو مثلا

_ مو شي محدد كل شي جان اصلا مو جوعانه بس
علمود العلاج

_ ما مقتنع بس نمشيها

_ عسى مترگضهااا

_ شووف السئل كله يمج

فتحت عيوني بصدمه
_ ياااه منين عرفت معناها

_ افا عليج شلون ما اعرف يعني ثگيله دم مثلـ

_ مثلك اعرف

دار وجهه عني و رجع يباوعلي و طيف ابتسامه
على وجهه
_ رجلج بعدها تاذيج

_ لا مو مثل قبل

_ زين يلاا اني اروح نامي بطريقه .....

_ لتكوول بطريقه

_ باع خدج صار احسن

_ يعني اكو اثر

_ ليش مشايفته

_ ها لا شايفته بسس شنو داأسال

_ لا ماكوو اثررر

گالها وطلع ....
ابو الفشاير همين طلع و هالمره متفائله بكلامه ياريت
لو اطلع .....

لثاني يوم الصبح اني هادئه و كل ما اگعد احاول ارجع
انام منتضره الوقت يخلص بفارغ لصبر

دخلت للحمام رايده اسبح جان بي شغلات
حلوه من ماسكات و منظمات جسم و بشره

بس كل هذا ما همني بس ردت اريح جسمي

بمي و ياريت مسويتها حسيت شعري گله صار يوكع
گدامي

شعري الفحمي الحلو اختفت منه الروح هم
مثلي كملت بدون اهتمام وطلعت

رجعت تلفلفت بفراشي و الحزن مخيم على
گلبي اكثر و اكثر

من الملل كمت يم غراضه وخفت العب بالاوراق
و ينتبه فتحت الجرارات شفت مقص

ذكرت شعري كمشت المكص و باوعتله بتركيز
گلت بگلبي هي بقت عليه

و بديت اكصص و دموعي وحدهاا خارج عن
ارادتي توگع شعري هو البقه ذكرت كم مره
نعتيت منه خل يولي هو جان الي الم هم ماريده

ذبيت شعري بزبل و رجعت السريري ورا وقت

من وجوده راد يعقم جرح وجهي رفضت

اجه وگف ع راسي

الاسر _ يلاا هلال بسرعه

هيلانه _ الله يخليك روح عني تعبانه

الاسر _ من شنو احچيلي

هيلانه _ شلون احچي و انت السبب

الاسر _ هلاااال

گمزت من مكاني لافه الجرجف على راسي

هيلانه _ ها اسر

الاسر _ شبيهن عيونج لجج

هيلانه _ مبيهن شي
گلتها و نبره الحزن ماليه بلعومي

الاسر _ اجيبلج شطرنج نلعب

_ يي بس العب وحدي مثل معلتمني سما

_ الله يرحمها ..... هسه ادبرلج

_ عادي اكدر اخطط الميزز ذاك يصيرر وجهه مثل
الطاوله

_ والبيادق

_ ما اعرف جيبهن

_ اني حاليا عندي بيدق واحد

_ وينه بيدقِ

_ ما فهمت

_ گومي هسه و بعدين تفهمين

سحب من راسي الجرجف و باوعلي مصدوم

_ شمسوووويه بشعرررج هاااا

_ مساع سبحت وكع نصه فگصيته

_ كل الشعره يوكععع ينگصص

_ لتعيطططط بوجهيي ماريدده كم مره جريتني
منه كم مره تبهذلت منه يم ذولاك الشياطين

سكتت عني و صار يدور بالغرفه و يغلط على دواعش
و بابا و كل شخص يجي باله

بعدهاا طلع ورگع الباب وراهه اني متديت
احس روحي بردت ماكو شي ياثر بيها بعد

رجع الاسر نمت وكعت هو يخابر و يتعارك هرچ
المكان بصوته

صار بالساعه فاتح الجامه و يدخن هنوب 2 سوه
ذكرت عمو فؤاد الولد ابد ميدخنون گدامه

بالختلات لو طالعين و بس وحده لو ثنين
مو مثل اسر

كمت و اني سانده روحي على الحايط و رافعه
رجلي شويه حتى ما اضغط عليها

غسلت وجهي و رجعت هم بنفس الوضعيه
بهاليوم ابد محجينه هو ساكت و بس خلص

تدخين اخذ محفظته و مفاتيح و مسدس
صغير و طلع و هو يرگع الباب هذا شبي اليوم

اووف و اني شعليه بي عسى يصحح يلطم
رجع بليل و الشر يطاير ما بين عيونه

اني ما خذه وضع الغير مباليه لان كل فكري
هذا اخر يوم الي هنايه

قربت الساعه على ١٠
و رجع بملابس سود گبل نام على وجهه
وتاوه بالم حتى خفت احاجيه

بقى على حالته هاي لنص ساعه
گعد عحيله و صار يدخن

گمت من مكاني و فتريت بالغرفه و رجعت للفراش
اباوعله من جوه ليجوه

الاسر _ دريها للحچايه ارد اطلع

هيلانه _ باجر نروح لبغداد مو

الاسر _ جج

هيلانه _ مووو تحللففف هيين الحلف هيين

الاسر _ شعليج ارجعي المكانج يلاا

هيلانه _ و الرب يالاسر لو ما
خزرني حيل عبالك نضراته اخترقتني

الاسر _ لوو ماا شنوو

هيلانه _ ماااكووو شييي الچذاب

الاسر _ هلال النتفه

_ الچذااب الخبيث ابو الفشاير

_ هلااااال

_ هااااااا

_ مو باجر هسه نطلع

رمشت اكثر من مره الدمعه من الفشله و الفرح

_ و الرب

فات من يمي للكنتور طلع منه بنطرون و قميص
بناتي هاج ما انطاني مجال احچي

اخذ ملابس و دخل للحمام و اني ما سويت شي
بيدي الملابس و كعدت انتظره

طلع بقى صافن بوجهي و ابتسم بطرف شفته

الاسر _ هاي شنو لزم عجبج الوضع و قررتي تبقين هنايه
ينشف بوجهه و يحچي

هيلانه _ احلام العصرونيات اقربلك

الاسر _ العصروينات اكل مو نوم

_ ثنينهن حلوات و المعنى واحد

_ يا صبر الله صدك تحچين

_ يي

الاسر _ الله يكملج بعقلج

هيلانه _ الرب ينطيك عقل

الاسر _ و تاليه هالربابه السوده هاي ما تبدلين

هيلانه _ ملابس منو هذولي ما احب البس شي مو الي

_ مو الاحد الچ هذن

_ اوكي
گمت وصلت يم الممر و نداريت
ذوقك يلعب النفس

_ خلصتي روحي بدلي

بدلت و رجعت و اني مدنگه كعادتي اعبر المرايه
فجاه صار گدامي

الاسر _ هلال

هيلانه _ همم

_ لاحضت صايره دنگين هواي بهالمنطقه شكوو

_ لا بس هيج

_ ها هيج تعالي

_ وين

_ كتلج تعالي

سحبني من ايدي و صار يضرب على ايده اريده
يتركني ماكووو اسررر عووفني دتوجعني

كمشني ودفعني گدام المرايه و هو ثار ليوره
غمضت عيوني بقوه و بعناد

الاسر _ افتحي عيونچ افتحيهن

شهگت و اني ارد عليه
هيلانه _ ماريد

الاسر _ يصير غير حچي لو ما سويتها شايفههه

فتحتهن على كيف هو بعده وراي باوعت الملامح
وجهيي الباهته و سواد الجوه عيوني شعري الصاير
جوه اذني حيل و اكثر مما تخيلت جرح لونه قريب
بخدي واصل لنهايه اذني بس جاف

خفت مني من روحي حسيت روحي جاي اوكع
كمشني من متوني جبرني اوگف علحيلي

ظهري بالاتصاق وي جسمه اني قصيره لدرجه
كبيره كدامه

دنگ و همس قريب على اذني
الاسر _ هايه انتي تقبليها
ساعديها
عالجيها
قويها
توگفين لهذا الحد و توگعين

هيلانه _ كله من وراك ما اريد اشوفك بعد اخر مره

الاسر _ صار

_ عوفني

_ تركني و اني گعدت بالگاع نزعت الباندج من رجلي

_ عوفي

_ هناك ياخذوني للطبيب ماريد شي منك

تنفس بعمق و زفر انفاسه بغضب كان يطلب الصبر
الاسر _ براحتج

هيلانه _ نسيت گلادتي و الدفتر جيبهن

الاسر _ اكبررر اختلافيههه
توها تگول ما اريد شيي منه

هيلانه _ هسه صار عليك

راح جابهن و فتح الكنتور طلع شال شمره على
وجهي مگلت لا لبسته

طلعت امشي مستنده على الحايط و هو يباوعلي
ما عاجبه

_ طلعين هيج

_ ما عاجبك لا تجي وياي

_ المشكله مو بيج صدگييي ....

طلعت من الغرفه و اكو زلم شكد بره و كلها لابسه
زي عسكري شايفه الولد هيج يلبسون

_ هسه امير و ايمن مو وياهم

_ ما اعرف

_ مو تگول اعرفهم

_ امشي بلاا لغوه فهمتي

طنگرت و سكتت
طلعنه عدرج و نزلت بايه بايه عكيف وهو ينزل وياي
هم بنفس مستوى سرعتي

كل شويه ماشي من يمنه و يسلمون عليه بأ احترام

شكد يخوفون هم و شواربهم شلون عايشين بيهن

الاسىر _ شجاي دردمين

هيلانه _ داگول هذولي يخوفون

_ يعني تخافين منهم و انه

_ لا انت تخوف الكل حتى هم من خوفهم يسلمون

_ كاض سييف عليهمم هاا كاض سيف

_ لا بس شكلك اووف حرام اتنمر امشي بسرعه

_ منو التوهه منهاره فوگ

_ محدد

_ دفووتييي عمي

ما اعرف ليش احچي وياه هيج و لا اعرف ليش
هو متحمل .....
نزلنه وصلنه يم الباب جان واضح هو الطلعه
لاگتنه مراة تقريبا عمرها بل 50 و جبيره

لابسه شيله و عبايه سود
_ يايمه يمته جيت من واجبك حتى ترد

_ حجيه مضطر اروح ان شاء الله ما اتاخر

_ بالسلامه

_ شلونج يمة
كالتها و رجعت تباوع على الاسر

_ دير بالك على مريتك الحادث واضح ماثر بيها
حيل

_ باوعتله مصدومه اصلا ما جاوبتها شي

هو ستأذن بسرعه و خلانه نطلع
صعدنا السيارة و اني رفعت نفسي و صرت
اباوعله

_ ها خير

_ منيه مرتك

_ محد

_ لعد المن گالت هشكل المراة

_ ما قصدها ممكن تسكتين

سكتت و رجعت نفسي ليورا

_ اووي شدعوه عليك

_ ولهدوي حتى حمسووي لا تتنغوصين

_ هفففففففففف
متديت بالكشن المكان جبير و بس اني بي
غمضت عيوني صرت افكر و الطريق الممل خلاني
انام و اني اتامل ما اعيش شي سئي بحياتي ......

.

تالين

نايمه و احس شي يعيق تنفسي و بنفس الوقت
ما دااگدر احرك جسمي ابد و احس شي يمشي

على شعري ساعات ابقى باقيه على هالحاله انام
و يجيني الوعي فتره قليله بس تعبي اقوى من كل

شي احس بكلام واصوات يمي بس ما عرفت اميزها
تعبت من عجزي

ورا وقت ما عرف شگد گدرت افتحها العيني
و اني بروحي و جسمي روحي

جان جهاز على انفي و حلگي
الغرفه بيضه و هاديه اجهزه تارستها شلت الجهاز
من حلگي

اني شسوي هنا غمضت عيوني البرهه افكر بالصار
رجعت بعقلي الذكريات كلها من بدايه الخطف

شلون اخذوني اني و عمو ابو ضياء صوبو الرجال
و قتلو المراة نشمر طفل من السياره و نضربت اخته

جيه صهيب شوفتي الادم و اخر شي
الشخص كلها مشاهد مرت بثانيه گدام
تنهدت
بحسره و همست
تالين _ اني بالمستشفى

ورا دقايق دخلت ممرضه للغرفه و اول ما اجتي
عينها بعيني صار على و جهاا ابتسامه
بشوشه

.... و اخيرا گعدتي الحمدالله على سلامتج

رديت بتعب
تالين _ الله يسلمج من شوكت اني هنا

..... ٣ اسابيع

كالتها وهي تباوع على الاجهزه و عليه
تالين _ عطشانه

..... ثواني و اجيبلج مي و انطي خبر للدكتور يجي يشوفج

بدون ما ارد عليها هي راحت و بعد اقل الربع ساعه
اجت هي ووالدكتور و بعد ممرضه ثانيه

صار يفحص براسي اخر شي اذكره وكعت عليه وفقت
وعي اخر شي سواه وكفت گدامي

الدكتور _ مكلتينه شسمج

_ تالين

الدكتور _ شدرسين

_ صيدله

الدكتور _ بطله و هسه گوليلي
ذني شكد

_ ثنين

الدكتور _ ممتاز
عندج الم براسج جسمج اطرافج

تالين _ براسي شويه و كتفي الايسر

هز راسه متفهم
قربت مني وحده من الممرضات و رفعت الغطه
طرف رجلي بس اصابعي بانت ما اعرف سوت

_ تحسين بشي

تالين _ لا

_ خير ان شاء الله احتمال خدر تحتاجين فحوصات
بليل انسويها

بعدين طلب من الممرضات يعقمن الجرح و راح

تالبن _ اكو شخص من عائالتي هنا

_ الاعرفه جيتي وي ضابط متصاوب هو طلع من ثالث
يوم

_ محد بقى يمي

..... لا بس واحد اسمه نسيته بس شاب طويل و شعره
مايل للجوزي و حليو و الثاني لا اصلع و

_ مكتلج دققي بتفاصليهم بس سألتج

..... دا اوضحلج

_ ميحتاج اريد انام
باوعتلي معاجبها و عافتني طلعت نسيت كل شي
بدون وعي احس فار دمي حليووو ايععع شكوو
توصف اني بيا حال استغفرالله

ودي اكوم لان الوضع حيل دوختني هنا اريد
ملابس و اريد اروح للحمام شنو هالخدر الضارب
على اطرافي

بليل اجن الممرضات جابلي اكل جبرني اكله
نفسي مسدوده بس صارن يلحن علمود العلاج

طلعن بعد ما خلصن و الدمعه وصلت طرف عيني
ما اريد ابقى وحدي ما اريد

للصبح هم اجن وراحن و بعد كم ساعه
انفتح الباب مره لخ توقعت هم ممرضه غمضت
عيوني على سريع

بس الفاجئتي صوته و هو يهمس بأسمي
فتحت عيوني عسريع اباوعله و اني ساكته

راح جاب الكرسي و قربه من السرير
وگعد يمي

ايده صارت تمسح على شعري النازل على المخده
الثانيه سحبت كف ايدي و صار بيده حضنه بقوه
و باسهه

و همس بصوت مبحوح و تعبان
صهيب _ نمرد گلبي كل ما اجاني لموت وگرب حذاي
افگر بيج و تعارك وياه خاطر ارجع ارتوي بشوفتج

باوعت بعيونه حمر حيل عبالك دم مصبوب
بيهن و جهه الاسمر صاير بي صاير احمر

بعدني ممستوعبه كلامه دنگ على وجهي و اني
من الارتباك ما عرفت اسوي شي غير اغمض
عيوني

انفاسه ترست ريتي ثواني و ماحسيت غير
شفايفه الحاره تطبع بوسه قويه بين عيوني
بعد شفايفه و صار يباوع عليه وجهه قريب مني

صهيب _ تلوه و لهان مشتاق لعيونج باوعي عليه
لا تبعدينهن عني اريد اشوف بيهن اول حلم عشه بصباي

تالين _ صهيب ما اگدر اتحرك اني

صهيب _ انطيج كل حيل بيه و استندي عليه انه
و لو مال چتفي گلبي موجود

ما اعرف شنو ارد على كلامه غير اغير الموضوع
تالين _ ليش اهلي ما يدرون

صهيب _ انه اهلج
عيونه بيها شي تختلف نظره اول مره انتبه الها
حمحم و رجع گال

صهيب _ ان شاء الله بس تكمل فحوصاتج ندز عليهم

تالين _ بس ليش ميدرون

صهيب _ ادم گال اجلها علما تگعد

تالين _ انتو متأذيتو

صهيب _ لا صحوه

تالين _ صار ٣ اسابيع

صهيب _ سنين تطشرن من عمري بيها

تالين _ گلبي يوجعني من تگول هالكلام

صهيب _ شحمه عيني انتي شبي گلبج

تالين _ جلمممد رجعت لمصطلحاتك العين وين بيها شحمه

صهيب _ يول تحبين كل شي واضح قصدي يا عين عيني
(المقله كلها ) سواد بياض

تالين _ فهمت
صهيب شكرا لان جنت وياي و ساعدتني

صهيب _ فدوه اروحلج لو غالطه عليه و لا هالشكر هذا

_ ها صحيح منو گلك گعدت

_ اخذت رقم وحده من الممرضات و كل راس ساعه
متصل عليها

_ ها بيها الخير

_ باوعتله بطرف عيني و شحيت نظري عنه

_ عادي اتحرك

_ يي و هم نكمل الفحوصات

_ انطيني ايدج

_ روح للمرضه و هم تشيل الكانيولا

_ صار

_ راح بالخمس دقايق و رجع الممرضه وياه

شالتها و ايدي صار الدم يكت كت منها
تخلي معقم و مترهم

تالين _ اييديي على كيفج
صهيب اندار علينه و شاف ايدي متروسه يمنه

عاط بعلو صوته
صهيب _ هيوووو خلصتي بطل الدم البجسمهاا بعدي

گمزت البنيه من الخرعه و هو صار يمسح
بالدم خلاه ينكطع

تالين _ شبيك وياها

صهيب _ ناس تعل الگلب ما تعرف الشغلها ليش تسوي

كملت خليلها لاصقه
خلت البنيه لاصقه اليدي و اعتذرت

تالين _ عادي ما صار شي اني الاسفه

طلعت من الغرفه و باوعتله
ممكن تجيب غير ممرضه حتى تاخذني للفحص

_ اني اخذج عليمن هالممرضه

_ انت

_ يي انه

كمشت ايده من يم العكس و گومني على
كيف حسيت بروحي ثگيله و اني مجاي اگدر

اوكف على حيلي
تالين _ صهيببب مجاي اگدر تحمل تعبت رجعني للفراش
بسرعه

ذابه حيلي كله عليه و هو محاوطني بقوه
و اديناتي كامشه بزيه حيل
صهيب _ فدوه رحتلك ربي لا تفجعني گلبي
مكسره بي الخيبات مالي قوه

تالين _ رجعنيي ما اگدر
ثواني شالني بين اديه متديت و الف فكره ضربت
براسي

_ خاااف بعد ما اگدر امشي

_ لا تخافين صار ايام نايمه اكيد شي بسيط

_ اني وين انضربت بالضبط

صار يباوع الكل مكان الا عليه و رد عليه بعدها
صهيب _ انتي مؤمنه و هذا القضاء
احمدي ربج طلعنه سلامات

تالين _ شفايده السلامات اكر
اصير عبئ الموت اهون

_ هي انتكاسه و تعدينها

_ اطللععععع ماررريددد اشووف
احدددد

_ تااالين شجاجج

_ لتگول اسمي لتكوووول شيي روح
منااااا

هو واكف على جهه يراقب ثوره جنوني
و الممرضه دخلت بهاللحضه

_طلعيي گوليله يطلع

.... مرخصتك اترك المريضه ترتاح

عافنه و راح و هو بركان و ثاير
بعده باب الغرفه و اسمعه يگول دكتور هاشم وين

مشغول بالطوارئ كلهم حشد و جيشنا

خفت من سمعت گال هشكل يعني صايره حرب

صهيب و الممرضه راحو
و اني بقيت وحدي الغصه تارسه گلبي و روحي كلها

بجيت و علت شهكاتي و احسها
وصلت الكل المستشفى

المن بقيت عايشه
الله هسه فهمت شعور امير
من يگول اتمنى اروح شهيد

انتي همين هسه صرت اتمنى

هسه صرت ورقه يابسه خاليهة
من الحياة

شلون اكدر اتحمل العيش بعد
و الناس راح دنگ يلا تكدر شوفني

راح يكون الي ركن بعيد عن الناس
الطبيعين

بسس عادي و اذا ميخالف احسن من كل شي
الحمدالله
الحمدالله
الحمدالله
عايشه و لا ينحرگ گلب ماما عليه
و لا اترس اخواني شيب
و لا علن ابويه

و لا اضيعه وين راح ليش عصب و مشه
خاف ميرجع

صرت الوب اريد صهيب يرجع ماكو بعد ساعه
يلاا دخل الغرفه

عيونه يخوفن اكثر من مساع و شراينه ناطه

واگف گدام ايد بجيبه الثانيه كامش تلفونه بيها
مدنگ مركز بي شويه وردف

صهيب _ ازاد و والدتج باجر يجون

تالين _ صهيب اسفه

_ اشش اسكتي

_ صهيب ليش ما يجي الطبيب

_ مشغول هسه يجيج

_ اريد اگوم مره ثانيه بس اخاف

ان شاء الله تكومين لازم تگومين
گالها و گد على نهايه السرير يم رجليه
اباوعله كمش وحده منهن فوك الغطه

_ ما تحسين بيها

جاوبته بغصه
_ لا

_ ميخالف طيبين من فدوه تروحلج العافيه البيه

_ ليش عيونك هالگد حمر

_ ضغطي شويه علگ ماكو شي

قرب مني حيل
_ شدسوي

_ بس خليني اساعدج

ايده جوه رجلي و الثانيه عظهري
اديه حاوطت اديه و مشه بيه

_ وين ما خذني

_ اش تالين لا تحجين شي

_ خايفه

_ متت ان شاء الله لو سويت شي ياذيج و يخوفج
هسه بس نروح نفحص هايهيه بنيتي

_ يي

طلعنه من الغرفه بعدنه بالباب و اصوات الهوسه
صارت واضحه و العياط كمشت كتف صهيب اكثر
و ضغط عليه

_ شصاير هنايه الصوت هذا يخوفني

_ لا يابه بس اكو جرحه مشينه ماكو شي
خلاني على الكرسي متحرك

_ ياعلي ....
مرتاحه

_ همم

اخذني و چان الممر يضج بالناس تروح و تجي
حالتهم حاله يمكن هنا هديت و اني اشوف الاسوء
من حالتي هايه

اخر شي وصلنا للدكتور سولي فحوصات هوايه
و اشعه طلعت للغرفه و اني بيه تعب بحجم الدنيا

خلاني على السرير رفعني وخله مخده ورايه
و اجت الممرضه شكلتلي مغذي ضربتني ابره
بي خلصت و طلعت صهيب گعد مقابيلي

تالين _ تعبتك

صهيب _ لو كل تعب انتِ رحمه من الله

ابتسمت بوجهه و همست
تالين _ صهيب

صهيب _ جرحه و دواه امريني

تالين _ اخاف ابقى هيج

صهيب _ ميخالف ما يتغير شي تبقين صحوتي و اني الجلمد

تالين _ لا اذا ابقى اني راح اصير عبئ و انت تكمل و حدك
الطريق

صهيب _ اكسرها رجلي و نصير اعبئ

_ هههه

_ صدقه لليبتسم تلوه اني وياج بنفس الطريق
وين ما تخطين اني وياج و بطريقج الا اذا سلمنه
الامانه

_ لتجيب طاري الموت و الله تعبت

_ و اني متعوب مثلج شبكي ايدي دوم
بيدج و بس سمعيني اسمي بصوتج الحنين

اله اعلكلج روحي شمعه بنص ظلام
و اغنيلج نامي على متني و انتچي
و نشوف ياهو اليگرب صوبچ حنينتي

بچيت بقوه و هو صار يمي بسرعه
حاوطة خدودي كفوف ايده

صهيب _ تغسلني دموعج شكوو تبچين

تالين _ ليش هيچي تحجي وياي

صهيب _ اني احـبـچ و عيت عليج و فگدچ و رجعتيلي
شلون اهدچ بعد و انتي جبره خاطر عليل

تالين _ بسس يمته عرفتني

صهيب _ اعرف ما حاسه بيه و شايفتني
ميخالف بعدين اسولفلج سالوفات تطير عگلج

تالين _ كلامك يخليني اتلعثم

صهيب _ تردين غزل بغدادي

تالين _ لا اعرف لحجاياتك بس مرات گلبي ميحملهن

صهيب _ اني علمودج تعلمتهن

تالين _ يعني حافظهن

صهيب _ لا هن وحدهن يطلعن من گلبي ليچ

تالين _ شكلك تعبان اكثر مني

صهيب _ صار اسبوعيين مشتولين بواجب تفصخنه
من التعب وومن الصبح لازم ارد

تالين _ نام صهيب و دير بالك على روحك

صهيب _ صار راح ادير بالي عليج

تالين _ وين اكدرلك اني

صهيب _ وجج فضحتينه بكل المستشفى

تالين _ اسفه والله

صهيب _ يابه هم منو اهلج طاكم عرج عصبيه

تالين _ ميعجبك ؟

صهيب _ يعجبني والله ميمتي انتي

تالين _ شخبار اهلي

صهيب _ و الله مايمي خبرهم اخر مره خابرت على رسيل جنتي بالغيبوبه

تالين _ اووف رسيل شتاقيتلها

صهيب _ هنيالها

تالين _ غير يمي انت

صهيب _ چا شبيه انه بين نفس و نفس اشتاگ الج
و لخضار ذني الدوهنني

عيـونچ

تالين _ شبيهن

صهيب _ عاشگهن اصير بليل بنص غاب عتمه و هم منها اندل دربي

اخخ اريد ادخن

ساكته وگلبي احسه مثل الجمر و هو يسمعله
قبل اذني

بعد عني ورجع للكرسي و ندار عليه مكمل كلامه

صحوه گلبي اني حاولت احاول ما المسج بكل
الطرق بس الگي نفسي فاقد

ما ضوجين مني مو تگولين صهيب ما عرف يحافظ
عليه

تالين _ لا تحمل روحك الصار

صهيب _ كل شي هو رب ضاره نافعه بسس
صوچي اني كل مره اخليج گدامي گدام عيوني
بس دوهنوني لاعرفت اخليچ گدامي
خليتج وراي و كسروني بيج

تالين _ مستحيل اضوج منك انت كافي صهبب
باجر وراك تعب نام

صهيب _ هاي نقطه ثانيه

باوعتله و اني مستغربه
تالين _ نقطه شنو

صهيب _ الاولى تخافين عليه هسه مهتمه يلاا العافيه
بالتداريج

تالين _ ههههههه اخ لاضحكني راسي

صهيب _ بعد راسي يلاا انتي نامي

نمت من تعب و ما كعدت الا عفتحه الباب
ما هتميت و حاولت ارجع انام بس لي خلاني
اصحى صوت وحده و هي تگول

.... الطبيب منتظرك

صهيب _ جاي

فتحت عيوني و باوعت الجهته
تالين _ صهيب لو صار شي تعال رجعلي خبر

صهيب _ اهلا بلگعد بس اشوف التحاليل و ارجعلج

تالين _ ماشي

بقيت انتظره نص ساعه و مأجه خفت لا يكون
صار شي لحد ما دخل اني گلبي صار بي الف شك

تالين _ وينك تاخرت

صهيب _ شتريت العلاج

تالين _ شنو گالك الطبيب

صهيب _ بسبب الرصاصه المؤثره على مناطق العصب
بجسمج

قاطعته بسرعه ....
تالين _ يعنيي ما امشي

_ لا دخيل الله ان شاء الله تمشين اكمل

_ يي

_ فحتى تطيبين بلكامل تحتاجين شهرين الى ثلاثه
ما اكدر اشرح اكثر راح اروح و ذكري هاي انتكاسه

شبيييي وجههججج صار اصفررر كتلج مؤقت و يروح

_اخااف

_ لا جيبينن طارييي الخوووف شگيتيني بيي .....
.

هسه نروح نحضر نفسنه للفاينلات المالها رداد
ادعولي دعاء من القلب ذكروني بصلواتكم لعل تكونون
اقرب مني

ها شلون جانت الاحداث اكو بنات ديراسلوني بالانستا
يكولن اختصري مداعي للتفاصيل

سؤال تعتبر روايه المابيها تفاصيل

اعرف الانتفاق جان مارين وياهن بس بي تفاصيل
اريد اخليها بارت واحد افضل فهمن الكم و حتى
لا يصير تقديم و تاخير

اتمنى تتفاعلون قربنا للنهايه و انتم تفاعلكم
يقهرني صراحه و انتم تعرفون حجم صراحتي وياكم

تدرون بيه احبكم خيرات الله

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد