الفصل الثاني

رواية حين رتب الله الأقدار الجزء الثاني 2 بقلم ملك شريف حين رتب الله الأقداررواية حين رتب الله الأقدار الحلقة الثانية صحيت علي خبط علي الباب بشكل مزعج ومفيش غير شخص واحد اللي بيعمل الازعاج ده. قولت: _أدخل. دخل وهو بيقول: _ايه ي هانم كل ده نوم. _ليه ي عمر هو الساعه كام. _الساعه 6. رديت بضيق وعصببه: _لسه بدري اوي جاي تصحيني دلوقتي ليه؟ _كنت هفطر لوحدي قولت اصحيكي وتعمليلنا فطار ونفطر سوا وبعدين انام لاني لسه منمتش.

_انت مصحيني عشان اعمل فطار؟! _اه يلا عشان نفطر _ده انت بارد اوي بجد امشي ي عمر من وشي. قولت كده وانا بحدف عليه المخده. خرج من الاوضه وانا نمت تاني. شويه ولاقيته جاي وبيقول: _يعني مش ناويه تقومي برضو. رديت ببرود: _لا. _ده انا كنت جايبلك الحاجه حلوه اللي بتحبيها. رفعت المخده من علي وشي وقولت: _بجد ولا بتضحك عليا؟! _لا بجد يلا اعمليلي فطار وهديهالك. _والله ما هقوم غير لما تديهوملي.

كنت مفكره ان بيضحك عليا زي كل بره بس فاجأني وهو بيديني الشنطه وبيقول: _خدي اهو يلا قومي. اخدت منو الشنطه وقولت: _شكرا يا عموري هقوم اعملك احلي فطار. _بتاعة مصلحتك والله يلا يختي. قومت وانا بديله بوسه في خدو وقولت بفرحه: _أجمل فطار لأجمل عموري في الدنيا وهفطر معاك كمان. خرجت من الاوضه وروحت المطبخ بدأت اجهز الفطار. جهزت الفطار وحطيته علي السفره وانا بقول: _هتصحي ماما وبابا ي عمر؟ _بابا راح الشغل وماما مش هتفطر.

_طيب يلا عشان نفطر. قعدنا انا وعمر نفطر. خلصنا وقال: _اعمليلي كوبايه قهوه. _عيوني. طبعا طلبات عمر أوامر مش عشان جابلي حاجات حلوه ولا اي حاجه ده عشان هو اخويا حبيبي طبعا. عملته كوبايه القهوه وقولت: _انا هنزل اتمشي شويه ي عمر ما تيجي معايا. _هتروحي فين؟ _هروح اتمشي واشم شويه هواء. _طب هشرب القهوه وانزل معاكي. _ماشي. لبست وجهزت وقعدت استني عمر ينزل يتمشي معايا خلص القهوه وقال: _يلا بينا. نزلنا نتمشي. الجو هادي.

الناس لسه نايمه. والهواء جميل وساقع. وانا وعمر لوحدنا. والشمس منوره بسيط. بحب الجو ده اوي. كنا بنتمشي فـ قولتله: _عامل ايه يا عمر. _الحمدلله انتي اخبارك ايه بقالي كتير مش بشوفك. _وانا كمان مشوفتكش من امبارح. _يااااه……بقالك يوم مش بتسألي عليا. _خلاص يعم انت تقمصت الدور اوي كده ليه. _قولت اظيط معاكي. ضحكت وقولتله: _حبيبي تسلم. فضلنا نتمشي شويه وبعدين قولتله: _يلا بينا بقي يا عمر نرجع عشان انا تعبت. _ماشي يلا.

رجعنا البيت والحقيقه ان انت نمت تاني. لان لسه الساعه مجتش 8 لسه بدري. نمت شويه وصحيت لبست عشان انزل الصيدليه. كنت قاعده في الصيدليه. ودخل شاب وقال: _السلام عليكم. _وعليكم السلام اتفضل. _كنت عايز الدواء ده. _تمام. روحت جبت الدواء واديته له وقولتله: _اتفضل. _شكرا. كان المفروض يمشي بس هو ممشيش وكان واقف بيبص عليا فـ قولتله: _هو حضرتك مستني حاجه؟ _الحقيقه لا. _طب ليه واقف؟ _ا احم ممكن طلب. بصتله بتركيز: _اكيد اتفضل.

_ممكن رقم والدك. قولت باستغراب: _ليه؟ _عشان حابب اتقدملك. _انا اسفه والله بس انا مش بفكر في الجواز دلوقتي. _طيب اديني فرصه ولسه معانا وقت. _معلش بس انا مش حابه اتخطب ولا حاجه دلوقتي يعني لسه بدري. _تمام اكيد بس خدي وقتك لاني بصراحه بحبك ومعجب بيكي. _شكرا ده من زوقك بس حضرتك شوفتني فين؟ _انا ساكن في الحاره من بدري وعلطول بشوفك. _تمام. حاولت ارد بختصار لاني الموضوع ده بيضايقني.

انا مش حابه اتخطب دلوقتي وشايفه ان لسه بدري علي الكلام ده هو اه انا مش صغيره واللي أصغر مني اتجوزو بس برضو انا بخاف من الجواز. بخاف اتجوز ويطلع بطيخه قرعه فـ علي ايه انا لسه معايا وقت ومش بفكر في الجواز. او ممكن افكر لو الشخص ده حسيته مناسب ليا. الشاب مشي اخيرا وانا كملت شغل. خلصت شغلي وانا مروحه عديت علي عمو محمود وقولت ببتسامه: _السلام عليكم ي عمو محمود اخبارك ايه. _وعليكم السلام الحمدلله يبنتي انتي عامله ايه.

_الحمدلله. قعدت معاه شويه وهو بيحكيلي علي اليوم انهارده. واحنا قاعدين دخل يوسف وبص علينا اول ما شافني نزل عينه في الارض وقال: _السلام عليكم. ردينا عليه: _وعليكم السلام. قال عمو محمود: _تعالي يا يوسف اقفل معايا المكتبه عشان نمشي. رد بـ احترام: _حاضر يا بابا. بصيت لـ عمو محمود وقولت: _حضرتك عايز حاجه انا همشي. _لا استني احنا هنقفل المكتبه ونمشي كلنا بدل ما تمشي لوحدك. _بس… قاطعني وقال:

_خلاص مفيش نقاش انتي زي رنا بنتي استني امشي معانا واوصلك البيت. ابتسمت وقولتله: _ماشي يعمو. حقيقي الراجل ده طيب وغلبان جدا وانا بحبه اوي والله. مشيت معاهم ووصلت البيت. “”””””””””””””””””””””””””””””””””””””””””” “سبحان الله،الحمدلله، لا إله الا الله،والله أكبر” دخلت البيت وانا بقول: _السلام عليكم يا أهل البيت……في حد خالع راسه؟ عمر كان قاعد علي الكنبه واول ما شافني قال باستغراب: _ليه في حد جاي ولا ايه. بصتله وقولت:

_ايه يعم مش ماليه عينك انا. _بت عبيطه والله وانا افتكرت ان حد جاي بجد. قولت بعصبيه: _ده انت اللي عبيط ي عمر. وكملت وانا بقول: _فين ماما وبابا. _ماما نايمه وبابا لسه مجاش. _ماشي. قعدت جمبه وانا بقول: _عمر انا جعانه. رد ببرود: _أعملك ايه يعني. _يعني مفيش ذره احساس؟ _لا. _طب قوم اعملنا أكل. _لا. _ليه. _عشان انتي اللي جعانه. _وانت مش جعان يعني. _لا جعان بس مستنيكي تقومي تعملي احنا الاتنين. _هعمل أكل ليا بس.

_يبنتي مش انا لسه جايبلك حاجات حلوه اصبح. افتكرت ان جابلي حاجات حلوه. قولتله: _خلاص يعمر هعمل أكل ليا انا وانت. _حبيبتي. قومت عملت أكل جالي عمر المطبخ وكان بياخد من البطاطس اللي بعملها قولتله: _يا عمر حرام عليك والله تعبت. _معلش ي حبيبتي جعان. دخلت ماما المطبخ وقالت: _هو انتو مبتلطلوش خناق؟ رديت بسرعه: _شوفي ابنك يا ماما. رد عمر وقال: _شوفي بنتك يا ماما. ماما بصتلنا وقالت: _الاتنين قليلين الأدب.

نسيت ان كنت بتخانق مع عمر اصلا وضحكت. قالت ماما: _انا داخله انام ولو سمعت صوت حد فيكو والله هقوم اضربكو زي العيال الصغيره. سكتنا وماما دخلت تنام وعمر خرج بره وانا كملت الاكل. بعد شويه كنا قاعدين بناكل فجأه موبايلي رن. بصيت للشاشه. رقم غريب! استغربت ورديت: _الو. جالي صوت ست بس باين من صوتها عجوز شويه قالت: _السلام عليكم يبنتي. _وعليكم السلام. _معلش يا حبيبتي، انتي ملك؟ _ايوه. _انا جارتكم ام أحمد. رديت عليها:

_اه يا طنط اتفضلي _في بنت صغيره قاعده تحت العماره من اكتر من نص ساعة وبتقول انها مستنياكي. وقفت عن الأكل وقولت باستغراب: _مستنياني انا؟ _ايوه. _انا معرفش اي بنت صغيره. _طب انزلي شوفيها يمكن تعرفيها. قفلت المكالمه وانا مستغربه جدا. بصلي عمر وقال: _في ايه؟ _في بنت صغيره تحت العماره مستنياني. _مين؟ _معرفش. _طب انزلي شوفيها وانا نازل معاكي. لبست الاسدال بسرعه ونزلت انا وعمر. واول ما وصلنا تحت..

لقيت بنت صغيره عندها حوالي ٩ سنين. اول ما شافتني قامت جري ناحيتي ومدتلي ورقه وهي بتقول: _دي ليكي. اخدت الورقه باستغراب. وقبل ما اسألها اي حاجه… لفت وجريت بسرعه واختفت في آخر الشارع. بصيت انا وعمر لـ بعض. وقولت: _هي دي مجنونه؟ _افتحي الورقه الأول. فتحتها ببطء…. واتفاجئت ان اللي مكتوب فيها كان اسمي بالكامل…….. وووو