رواية حين يزهر الحجر الفصل الثامن والعشرون 28 - بقلم Shaqraa

مساء الورد حبايبي..
حين يزهر الحجر..

....لا اتشاقى ماكو قصة🌝🌝🌝
صدك حبيت انبهكم ع شغلة تخص التعليقات..اني هالايام كلللش مشغولة وتعبانة لهذا انشر البارت واروح ..وجاي تشوفون حتى مااجاوب التعليقات الا اليصادفني بفرغتي...بس صايرة كم شغلة مو حلوة ومامتعودتها منكم ..طبعا مو الكل يعني كم وحدة..تدخل ع تعليق غيرها وتنتقد طريقة كلامها او تنتقد افكارها بالتعليق..او المفردات الي تستخدمها ...
كل انسان حر بتعليقه وشنو يريد يكتب طبعا عدا الالفاظ النابية والتجاوز..واني كم وحدة تتجاوز احذفه اذا شفته لو البنات ينبهوني واحذفه مااجاوب...
لان القيل والقال ماله داعي بهيج مكان واحد يدخل يقرا قصة تغير نفسيته لو يكعد يعارك...
لا تخجلوني رجاءاً وتصير مشاكل بتعليقات القصة واني اكون السبب...
واعتذر للي اجتها اساءة نيابة عنهم وانشالله متنعاد هالامور...
وهسه تعالو اقرو القصة ههه
*************************++*++++

الجزء ٢٥

من كال ست فضة معناها قفل..سكتت وماناقشته...
ولا يبطل من طبع التحكم العنده وكلشي بكيفه..
رجعني للبيت وشكله قافل...
كال..نزلي و اذا اخوج موجود دزي مسج انتظرج...

عاطف لكيته موجود لان يرجع من وكت ع مود البناء...
كتله شجاع بالباب ...
ها خير انشالله..راح للباب واني دزيتله مسج ..
دخلت للغرفة زهرة نايمة وابنها بحضن امي...
كالت امي هايما شعجب من وكت...
اي يمت تعبت موعدها بعد..
شويه وسمعت صوته بالصالة...
يما شجاع اجه حتى يحدد موعد الزواج...
ساعة البركة انشالله..حطت علاوي ابن زهرة بالكاروك وكامت....
اني وكفت اتصنت ع كلامهم ...

طلعت امي سلمت عليه...ورا شوية بدو بالكلام...
كال لعاطف حددت موعد الزواج ..
عاطف كله الله يوفقكم وهو كل ماصار اسرع احسن...
كلت بداخلي هسه عزز بيه ولو مجاملة..
كاعد مستعد بسرعة وافق...
بعدها سلم شجاع وطلع..
شكد لزم بي يتغدا عدنا وامي شكد حجت...
بس مقبل كال كلش مشغول...

اني اعرفه مدام يتحسس من عاطف ميبقى وهم حقه...
المخطوبين كلهم يجون يشوفون خطيبتهم ويتعرفون على اهلهم..
بس احنا الخطيب لازم ميوصل..
ولو هو شجاع ممقصر....
ورا ماراح بدلت وبلا اكل نمت ..الغرفة هدوء وتعبانة كلش....
نمت هواي وين يلا حسيت ع صوت علي يبجي ..
فتحت عيوني ..زهرة كاعده ترضع ابنها وابتسمتلي...
ها صح النوم عروسة...
برطمت شفايفي..شفتي شلون يريدها بسرعة..
اي احسنلج ولج ارتاحي واستقري...

كعدت واني اباوعلها بخوف ..
زهرة ماريد هسه خايفة...
شجاع مايتفاهم وقاسي وياي ..
ياا شبيج ولج ..
شبي قاسي بالعكس ماكو بحنيتهزوياج...
وانت انطيتي درس قبل الخطوبة وحلفلج ميمد ايده عليج....
هاي عود انت مهرة الوكحة تخافين...
ولج عندج شجاع وتخافين مامقبولة منج هاي...
رجال حارب حرب واخذج...
هذا تمشين ويا بحيل صدر ومتخافين شي...

واذا ع اول مرة كلنا خفنا..
شفتيني كدامج السيد صوبني ههه..
بس الحمدلله عدت وراحت...
انت بخطوبتج مافرحتي وجنت عابسة ومكتأبة...
خليج هسه ريلكس وانطلقي وتونسي...
هي العرس مرة بالعمر تخربي بالخوف ليش....

احس كلامها شجعني صح بس ما راح الخوف بداخلي...
خابرت رحاب حتى تجي وياي واني وامي نروح...
لان زهرة بعدها تعبانة ماتكدر تطلع..
وورد اطفالها وين تعوفهم...
ورا يومين بعد ماتحسنت بقيت اطلع اجهز...
شجاع يجي ياخذنا ومن نخلص هو يرجع علينا...

بيوم الاريد احجز البدلة...
ماكتله البوم احجزها اخاف يكلي اشوفها يلا لان سوالفه حافظتها...
حجزت وحدة تصير ردانها كاملة شفافه..
بس من الصدر مثل البدي المنزوع يعني نازلة من اكتافي ..
تخبلت عليها لان شكلها جديد ومو تقليدي..
بطريق الرجعه سالني كالعادة شنو بقى ناقص...
كتله لا كلشي تمام والبدلة حجزتها اليوم..
تفاجأ من كتله..كال ها بس كون مو فاضحة...
لا ردان كاملة...
باوعلي بنص عين وسكت...
لان امي ورحاب ويانا ميكدر يحجي....

هو انشغل كلش بحيث اتصال تالي الليل نحجي كلمتين ونسده...
منا قافل ع كلامي لان كتله ليش مستعجل ...
بيوم الحنة تجمعو صديقاتي والاقارب وسوولي حنة مشهودة...
فساتين ثنين اشتريت وثلاثة من زهرة ..
كل شوي ابدل واحد ومن اطلع يسولي زفة البنات...
كلش تونست بالحنة وركصت وطلعت الركص من نفسي ههه...
لان احب اركص ومانروح مناسبات..
طلعت طاقاتي كلها...
اخوات شجاع ومرت ابو ونسوان اخوانه اجو...
بس مااجه حناني ..
بيومها هو حنته سواها بالليل..
لهذا اخواته وي المغرب ترخصو وراحو...

لاحظت تماضر كاعدة متركص وتتنابز...
جانت لابسة بدلة سودة للركبة ومن فوك دلعتها كبيرة...
وهي طبيعتها شوي جسمها سمين من مناطق يعني ممحافظة عليه..
كرشها امبين...
سالتها جيرانه..شنو ام فؤاد بطنج كبيرة ع الخير حامل؟
هي لزمت ظهرها كلتلها...
اي خالة توني شكلت بس شو ثكيلة من هسه ..
يا خالة خاف بيج توم؟
ههه مادري يمكن يلا علواه عاد عاطف يتونس بس يريد اخلفله....
عاد امي من سمعت كلتلها ..
عاطف يدري؟؟
لا بعدني امس حللت...
سكتت امي محجت شي...

خلصت الحنة وكنا ملتمين هيج تقريبا ب١٢ بالليل..
امي حجت لعاطف عن حمل تماضر...
اباوع لصبا وجهه تغير وعيونها غوركت..
كلتله مدام المشتمل كمل رجعها...
بعد مدام حامل تحتاج طبيب واكل خو ماتبقى يم اهلها...
جر ايدها وباسها كلها..
الله يكملج عقل ياريتها مثلج مريحتني...
كال باجر يجيبها بالعرس وورا العرس يرتبون وضعهم...
لان ثريا موجودة اصلا عدنا بس فؤاد يمها...

بثلاثة بالليل رحنا لغرفتنا وورد وزهرة يسولفن وياي وينصحني...
لان كان عندي خوف ورهبة غير متوقعه مدري شبيه...
هم ممتوقعيها مني ولا اني متوقعتها من نفسي...
شجاع خابرني طلعت للمطبخ حاجيته...

بس كانت نبرته حنينه ومالت شخص فرحان...
اول مجاوبته كال..
شلونها عروستي ..شمسوية اليوم بالحنة..
شمسوية!
غير استعراض مال جلي اروح فدوة اله...
ههههه شفته؟
اي قابل انتظرج تدزين ...
اخياتي راوني بس شلون طالعة بت اليهود ...
هسه تلكين النسوان ماتن قهر منج...
هههه ...

بس تضحك الفطيرة امبينة طافية...
روحي روحي نامي وخليني انام ..باجر وراي حراثة وزرع...
يا شسالفة حتتزوج لو تشتغل فلاح...
هههههههه الظاهر مهرتي كلش باتريها خلص...
روحي يابة روحي نامي...
اوكي ههه...
سديته منه اباوع ساعة بالاربعة...
نمت تعبانة ويوم ثاني سحلوني سحل من الفراش...
ارحنا للصالون وكملنا واجه شجاع ويا ارفداخذني للتصوير...
الكل سابقنا للقاعة...
ورحاب اخذها ارفد وراحو...

اول مصعدت تنهد وكال...
عفية بمريتي خوش متلفلفة...
غير انت دازلي عميلة عود هي صديقتي ..تالي صارت بجانبك...
احسن مهرتي العباية استر تلفج لف..
ذاك الابيض بحده مايستر عدل ويجذب...
بس اشوف عيونج عاد باوعي علي...
اني مدنكة ومارفعت البرنص خليته هيج اريدها مفاجأة...
وصلنا للتصوير كال..يابوية جنها نزلتي صعبة...
بكل بلاهة حجيت..ليش حبيبي شبيك..
فتح الباب ونزل ..واندار لجهتي يساعدني...
لا تسالين شبيه الوصف مايفيد هههه...

نزل البدلة ع رجليه ونزلني زين مطلع مني شي لان السيارة عالية..
وهو اصلا صار سد كدامي...
ولو حتى لو طلعت رجليه لابسة ستريج جوا...
دخلنا للتصوير وكالت تعدلو واجيكم...
اني نزعت وهو انصدم...
تقرب كدامي كلش...
كال ..واني اكول الملعونة ماتجيب سيرته البدلة...
طالعت نازعة على النص..
باوعت بعيونه بخجل كتله..حبيبي عديها بس هاليوم ..
خليني بفرحتي لحد هسه ممصدكة...

هو ابتعد وعدل ملابسة ورتب الحزام كال..
خلينا نفض التصوير بسرعة لعد رحمي بحالي ...
اجت المصورة وبكل لقطة احسه يلفظ انفاسه كوة...
كتلها خوية استعجلي لان متاخرين..
وبسرعة كملنا وطلعنا...
طول الطريق مبتسم ويحجي بهدوء...همزين متعصب بسبب البدلة....

وصلنا للقاعة ودخلنا شوية وطلع..
قبل ليطلع كال بثمانية ونص تحضري حتى بالتسعة واصلين...
يا حبيبي شنلحك هسه صارت خمسة ونص..
احسن مهرتي كل ماصارت من وكت تخف المشاكل واخاف يصير شي...
ماشي حبيبي براحتك...

طلع والبنات يمي كوموني ركصت بس قليل لان استحي...
تالي كعدت وزهرة يمي وتشوفني كل شوي اباوع للساعة...
بقت تذكرني شلون كنت اتمنى بس نتزوج ..
ومن تكلي جان خلفتو اكلها ياريت...
غيرت نفسيتي شوية خفت الرعبة...
ورا شوية كالو يلا تحضرو ..
اني ركباتي احسهم سابو..رجليه ميوكفن من الرجف...
سماح وزهرة ورحاب رتبوني ولفو العباية...
ودخلو الشباب للقاعة وسووله هوسات ..
اقاربهم امبينين مال هدة هههه..
حماسيين ويسوون واهس...

هالحجي ماشوف شي بس اسمع...
بعدها طلعنا واخذونا للبيت...
شكد توسلت بي نتزوج بالفندق رفض..
يكول احلى ليلة ابديها بغرفتي ابرك مو بمكان غريب...
دخلنا والبيت مختنك بالناس...
حتى ماكدرت اركز ع البيت لان اول مرة ادخل ...
وماشوف بس ناس ومحتفلة....
اني دخلت وصعدني اخواته للغرفة...
وزهرة واهلي ورانا ...

فتحت الغرفة جانت قافلتها سماح...
كفخت بخشمي ريحة بخور خرافية...
اباوع للغرفة بالحقيقة تجنن...
صح كل يوم اشوفها بتصوير بس اليوم اني بيها...
احساس مميز وحلو ..
الغرفة الي تمنيت ادوسها اليوم صارت الي...
وتجمعني برجل عمري...
الفرشة البيضة منثورة جكليت وحرمل واشياء ثانية...

سماح اخذت جعفر وحطته ع الفرشة...
كالت حتى تخلفون بسرعة ...
عدهم هيجي عادات...
انوب كالت كعدي خلي اكعده بحضنج...نزعوني العباية وذبيت البرنص من راسي بقى بس ع كتفي...
وحطته بحضني وتصلي وتبارك ...
اشوفهم فرحانات كلش وخصوصا سماح ..
لان كال هي قريبة عليه...

بعدها طلعت وامي واخواتي بقو يوصوني...
وصبا هم..بس تماضر واكفة تتفحص الغرفة بعيون مفضوح سمها...
شوية وكالت امي راح نروح يما..
انت طمنينا وصيري سباعية....
ودعتهم وكوة تحملت...
شكد صعبة هاللحظة...
انسان يولد ويتربى ويعيش بوسط اهله ومحبتهم...
وليلة وحدة تقلب الموازين يصير من بعدها بالنسبة لاهله ضيف...
طلعو واني اسمح بدموعي ..

دقايق وسمعت صوت الهوسات والهلاهل ارتفع...
بقيت ارجف ارجف احس بردت واحتريت ..
صدك ازدوج احساسي بوقتها...
اسمع هوساتهم اقتربت وانوب كله على اهل العمارة...
اركز بيهن حلوات بس ولا حفظت وحدة...
هو الخوف خلاني اسمي انساه...
صارو بباب الغرفة واني عدلت برنصي فوك راسي ..
وايد تفرك بايد...

انفتح الباب وعلت الهلاهل اكثر...
احس انطرشت كد ما الهلاهل عالية وصافية...
دخل شجاع ورد الباب كلهم كفو  ماقصرتو ..
بس اليوصل فوك احش رجليه...
ضحكو وهو سد الباب وقفله...

نزعه حذاءه واجه يمي واني ع الجرباية...
كعد وكال..بسم الله واللهم صل على محمد وال محمد...
مد ايده لحنكي ورفع راسي...
باسني بين عيوني وكال...
الحمدلله دائما وابداً وبالحمد تدوم النعم....
حجه وياي بهدوء...

مهرتي الغالية كومي نصلي ركعتين وندعي..
حتى الله يوفقنا ويسهل علينا حياتنا...
اي انشالله ...حجيتها برجفة...
اني اصلا متوضية من رحت للصالون ...
هو راح توضى واجه وفرش مصلايته وحط التربة السبحة...
وفرشلي وحدة ...
انطاني احرام صلاة لبست بس تعامله بمنتهى الهدوء لان حاس بيه ...
وكف كدامي واذن وابتدى بالصلاة...
اني ورا واكفة واصلي...
خشعت وشعور حلو من تكون المرة تصلي ورا زوجها...
منظرنا لوحة فنية زاهية م هو باسط ايديه واني متكتفة...
لك الحمد يارب ..مهما زرعو بينا طائفية...
تبقى القلوب متوحدة ومتآزرة....

خلصنا صلاة واني نزعت الاحرام...
باوعلي بنظرات واضحة ومفهومة ..
نظرات تعلن انتهاء صبره ...
اني ابتعدت من شفته ذب سترته وعلكها بالزاوية...
تقرب مني ويباوع لصدري الي بارز منه هواي ...
ها حبيبي مستعدة تخليني اقطف ثمرة حبي اليوم...
اني زدت برجفتي حتى سنوني تطكطك من الخوف...
لزم ايدي واحنا كاعدين ع السرير...

ليش ترجفين حبيبي انت واعية وفاهمة مو طفلة ومتعرفين...
ضجاع عفية خليني ابدل...حجيتها واني امتمت...
اي بدلي وارتاحي طبعا...
افتحلج البدلة لو تسيطرين...
اي اي ماكدر...
ماشي تدلل مهرتي...
حسيته مثل اليسايس طفل صغير ويريد يقنعه...
فتحلي خيوط البدلة وانوب نزلت من كدام ..
ركضت للحمام وهو يضحك ...
جابلي السيت الابيض واخذته وطبكت الباب يتصورلي يدخل...

لبسته انوب هذا يفضح مايستر...
ادري هادين عليه بسكين ومشككي ...
فتحات فتحات ومدلع مال شقاوة...
يبوووو مدري شبيه اني ماجاي استوعب عاد لازم هالشي يصير....
لبست الروب فوكه انوب مينسد افف..
طلعت واباوعله واكف ويبيده فونه...
عزا العزاني هذا كلش ماخذ راحته باقي بالشورت ...

شافني واجه حضني حط ايده ورا ظهري ومشاني للسرير...
شنو اليوم ناوية تجلطيني شنو هالاغراءات ولج...
ها ماقصدي اغريك...
طكها ضحكة ومددني ع السرير وتمدد بصفيي
نام صفح ووجهه بوجهي...
ليش هيج خايف الحلو...
اني اعرف وحدة قبل جانت فد وكحة...
تصدكين هي تتحرش بيه وتهز بالجلي...

اني ضحكت وكتله...
يبوو عاد سويتني مو راحة...
بحركة خاطفة صار فوكي كال...
طبعا بس وياي اريدج مو راحة وغمزلي...
تقرب وحط شفته ع شفتي...
ماعرفت حتى ابادله..
بس رجفه واريده يبعد مني ...
هو بسرعة تفعل وتعمق بالبوسة بس اني بلشت ادفع بي...

توقف وكال..شبيج حبيبتي عوفي الخوف عاد...
ماريد شجاع عفية..حجيته وخنكتني العبرة...
كام كعد وكعدني كدامه...
لتبجين مهرتي مو طفلة انت..
بس مامتوقعها منج ماجنتي هيج...
توقعتج اليوم تدلليني دلال...حجاهت بعتب..
كتله اي اريد ادللك بس لتاذيني...
ضحك وتنهد ومستغربة صابر عليه الحمدلله...
اعرفه شجاع بسرعة يتنرفز....

رجع سولف وياي وتغزل وفعلا ذوبني...
ذب الروب وراد انزع الجوا واني لطشت مانزع...
حاول وياي ويقنع واني ماكو...
اخر شي استسلم واستمر بالي بداه...
من وصل وراد ياخذني بقيت اتوسل...
عوفني ابوس ايدك عوفني عوفني عوفني ...
شافني صدك منظري خطية كام كال..
ماكدر بعد...........
ورا شوية اني هديت وهو طلع ...
شوية ورجع...

اني ملتفة بالجرجف واكاعدة...
اجه يمي وجرني كعدني بحضنه...
بقى يلعب باصابعة ع فخذي ويسولف...
صدك  مرتي طلعت جبانة..!
اني كلت اليوم اشبع جلي ..بس انوب لا جلي لا حليب لا عسل ..
هسه امبارك صمونة...
كال هيج وكرص خصري ضحكت ...
اندك الباب وخرني من حظنه وكام...
اشوفه دخل الاركيلة للغرفة...
باوعتله باستغراب...

شنو حتدخن هسه!..
اي لحد ماتهدا نفسيتج ..
مو تحبين ريحتها تعالي كعدي يمي...
حطها وفتح الشباك وكعد قريب منه...
كعد يدخن وكعدني بحضنه...
كل نفس ياخذه ويتعالى الدخان منظره مثير...
بقيت اباوع واشم بالريحة الي اندمجت بعطره...
يبووو صار عطر سحري...
شميت ركبته كتله...
اعشق ريحتك...
هو عصرني عليه وخله االاركيله ع جهة..
اني كلت رح يرجعلي بسبب هالحركة شكد ثولة...

شلت الصوندة مالت الاركيلة وباوعتله...
حبيبي اريد اجررب..حجيتها بصوت هامس...
جرها من ايدي وخلاها بحلكي...
اباوعله سلطن كلش وصار مزاجه فول...
جريت نفس ..اويييلي شنو من طعم ..
راد يجرها مني ماخليته..
بقيت اسحب واطلع الدخان ابد ماختنكت...
بس شوية شوية طفييييت...
انسطرت...

هو جرها من ايدي وسحبني ع جهة ونيمني بالارض...
احتل جسمي وعقلي واحساسي...
لمساته بقيت اني اريدها ...
الى ان ..بلش يقطف ثمرته مثل ماكال...
وجع قوي بس احس بين وعي ولا وعي...
وهو تعامل وياي بأدق واذكى اسلوب عنده ...
دقايق مزعجة بس خلصت بفرح...
واني اشوفه حضني حيل وباسني بين عيوني...
وجر راسي خلاه ع صدره....

بقينا شوية ع هالوضع...
متمددين وهو يهمس باذني ايام شوقه وعذابه...
ايام كان محروم مني وشلون واجهها...
ورا شوية كام وكومني...
مقبلت الا التف بالجرجف...
وصلت للحمام كتله خليني لوحدي استحي...
سبحت وارتاحيت وتنشط جسمي...
بس بلش الالم صار مثل الم الشهرية...
التفيت وطلعت موجوعه...

اجيت للسرير وتقرب من شافني اون بهدوء...
ها حبيبي شنو وجع ها؟
شوية عادي ..ماردت احسسه الم قوي واخرب عليه هالليلة خطية...
راح سبح دقيقتين ماطول واجه..
اني تلفلفت وبردت...
بقيت اتلوى من الالم...
اجه يمي وبقى يدلك برجليه..
كتله انطيني العلاج اذا تكدر..
اي اذا جايبة علاج كولي ..مو كلت هسه اطلع اشوف صيدلية لو ادز ارفد...
لا حبيبي عندي امي كالت حطيته بالثلاجة اجو رتبو اغراضي...

كام طلعه ويراويني ..كتله اي هذا...
جابه وحاب ماي شربت وتمددت...
هو واحد من الحبوب بس مسكن ومنوم بس عند الضرورة..
اني شربت منها لان اريد اشرد من الالم مينحمل....
كال رح اجيب العشا اكيد هسه جعتي...
لان مساع سالني كتله ماشتهي لتجيب...
طلع من الغرفة وشوي واسمع الهلاهل والصفير والصفكات...
صوت نسوان كبار يهوسن ويسون گولات..
غير عائلة مشجعة هههه...

كمت لبست سيت وردي وفوكه روب طويل وينسد...
والتفيت بالغطا وتمددت...
ورا شوية اجه وجاب صينية ..
مشويات وحلويات وعصير...
اني جوعانة كلش رغم الالم سوا لعبان نفس عندي...
بس ماكدر لازم اكل...
اكلت زين وشربت عصير...
خلصت غسلت وهو اخذ الصينية...

رحت تمددت بالفراش ورا شوي اجه...
فات وياي بالفراش وتغطينا ...
ثنينا تعبانين ومنايمين امس...
حضنا بعض وبقينا نتهامس الى ان نمنا...
يمكن جانت ساعة ب١١....
بسرعة غفيت ومامنة ومرتااااحة راحة لا توصف...

كعدت بس شبعانة نوم....
والم عندي بس مو مثل اول شوي اهدا...
تحركت من حضنه وكعد...
باوعلي مبتسم...صباح الغزلان الحلوات...
ضحكت وضميت راسي بصدره...
صباح الراحة لحبيبي ..
ها ولج خجلانة ..ماكو خجل بعد استعدي...
هههه بيش الساعة..
بخمسة ونص ..
يا خل نكوم نصلي لعد...
اي نصلي ونسوي المستحبات هم..حجاها وكرصني بزندي...
صرخت وضحكت ...

كمنا صلينا وخلصنا..
رجعت للفراش اركض وماخلاني الا اخذني بحضنه...
صار فوكي ويبوس برقبتي بكل قوته...
واني ادفعه خفيف واكله كافي ..فامباير انت ..
وهو يضحك ويرجع يبوس شفتي بشغف..
بقى يتمادى كتله حبيبي موجوعة...
لزم راسي من جوا ورفعه..
طبع بوسات ع شفتي كال حتى تخلصين من الوجع....
حركاته تسحر وتدوخ ومااكدرله ولا اقاومه...
بس صح هالمرة اقل الم...
بس وراها هم صار الم...

ورا ماسبح نزل ..ورا شوية جابلي نسكافيه كال دافية شربيها تسكن...
وهسه وصيت سماح تحميلج اللومي ...
اني كمت رتبت نفسي وبدلت ونزلنا اني ويا...
امشي واسلم ..اقاربهم هواي باقين ...
جابلتي سماح اللومي شربته...
صح اتلوى من الالم بس ماكدر احجي ماريد اقلقه...
تريكنا وكملنا ب٨ ونص امي خابرت ع شجاع...

من بعد ماسلم عليها وطمنها انطاني الفون...
اخذته ورحت اخذتني رحاب لغرفتها اخابر ...
ها يما صباح المبارك عروستنا...
هلا بالغالية ..حجيتها ودمعت...
فدوة لهالصوت يابعد طوايفي يما طمنيني...
رجلج كال كلشي تمام ..
خو مامتاذية...
لا الحمدلله الم قلبل واخذت من علاجي...
انشالله يروح وتصير سوالف يابعد بيتي..
احنا فد شوي ونجيج حبيبة...
اي انتظركم بعد عمري ...
الله وياج يما سلميني..

ختمته وياها وبقيت اشهك بالبجي...
اشتاقيتلها الغالية اشتاقيت لحضنها ....
اريد اسكت ماكو بس دموعي تصب...
انفتح الباب وطب ارفد ..
شافني اعتذر بسرعة وسده.....

للحكاية بقية
بقلم شقراء(قمر كانون)