رواية قاع الشياطين الفصل السادس والعشرون 26 - بقلم اسماء ديمير

...............☆البارت الثاني والعشرون ☆..............

#قاع_الشياطين(البصر والبصيره)

#بقلم_أسماء_ديمير

حجه بيبر شنو غرد هالعصفور ..

يكول جوعان ويريد ياكل ..

- غمز بيبر لعدي نوكله ليش لاا انوكله …

-هز راسه عدي مبتسم بمكر ،...

حجت ام زياد ، قاطعتهم ، عدي ليش ماجبتو بحر وياكم ..

حجت مرته عنده سنون ومتنحس ، بقيته يم عمتي ، بيبر مد ايده يلزم جف ايدي ، ضغط على ايدي ، طلبو الاكل ، نزلو طالبنه ، بيبر قرب الي ماعون ..

جرت نفس والله شكد صعبه حتى اخجل اكل ، كوه مديت ايدي و اتوسل يارب ماوكع شي وافشل ، سمعت بيبر يكلي افتحي حلكج ..

-شنو ..

-داوكلج ، ابتسمت ، فتحت حلكي خله لكمه كباب بحلكي دنجت اكل بيها ، وجهي نار ، عندي توتر بالاماكن العامه ، شكد احاول اجاوزه بس ماكدر ..

عكسه هو ، احسه فرحان بيه ، يوكلني ويسولف عادي حتى ماكو توتر بنبره صوته او خجل ، حتى كلاص ماي يخلي بيدي ، خلصنه اكل و هم ضلو يشربون نركيله ..

عواد عمانه عمي ، حتى نفس ضاك علينه بسببه ، بيبر كال يله نتوكل ..

جرني يمشيني وياه ، وراي ديما لازمه جتفي ، وتسولف ويه ام زياد ..

اسمع صوت يحاجي بيبر من بعيد :- ما عرفتنه على حلوات الي وياكم سمعت حريمكم هذن ..

-اندار عليه بيبر لزمت جتفه يله حبيبي ..

-دفع ايدي بهدوء و حجه لم الي وياك ثروت وتجفه الشر لا اوصلك لابوك مكسر ..

عواد حجه بيبرس لا تاخذ بكلامه امبين مو واعي عوفه ، حجه ويه ثروت ، شنو قصه حبيبي ، ناوي على زعل ..

-مادام هذا المنافق وياكم اني مو راضي ..

-رد عدي رضوه جلب لا ترضاه ، ولك ترى احنه موراضين عليك بس ابوك شافعلك يمنا ..

ثروت رد ينتر ، الك يوم عدي ،  قاطعه بيبر ، ثرووووت خلي ليل يعدي سلامات ..

جرني يمشي ، ثروت وراه حجه:-  انتو من جماعه الي يختارون بنات الاصول واجهه الهم ، وبنات اليل للونسه و الكيف مو ..

ضغطت على ايد بيبر حيل متوتره  ، حجه بيبر ابو زياد اخذ النسوان وامشي للسياره ..

حجيت بخوف :-  بيبر جرتني ام زياد حيل ، حجيت ام زياد دقيقه بيبر وينك ..

جرتني بسرعه وحجت امشي ، ديما لزمتني وهمست امشي يمعوده جنها راح تعلك ..

مشيت بسرعه سحلتني سحل ماسمع غير بس صوت مواعين تتكسر وصوت صياح زلم ..

صعدت بسياره خايفه حجيت ابو زياد شكوو ديماا شصار محد يرد بس اسمع ام زياد تكوله امشي عود هم يلحكونه ..

-صحت لااا رجلي وين شكو ..

نترت بيه وجع شبيج ، جاهل انتي ، خنست ارجف ، صوت عالي و صوت ربد خوفني دخيلك يااربي ، صوت الشباب ناس تغلط على ناس ،

نوب طلع صوت طلق و رمي عطت يماااا ..

حجت ام زياد حرك يمعوود حرك ، هم يجون بعدين ، شخطت سياره بينه اني دنجت ابجي يماماااا ولكم رجلي ..

بيبرر ، حجت ديما لاتخبصينه ميرال شجاج زلم بينهم ..

عطت بيهم :- ولج صوت طلق شنو زلم بينهم شنو هذا منو رمه ..

-حجت بهدوء خرب بحظي ، هسه يتعاركون وباجر تلكيهم عازمهم الحجي ويرضيهم عادي ..

فركت اديه ، خفت احجي و تعيط بيه ام زياد ، همست لديما وهسه وين دكي عليهم الله عليج ..

-ماراح يردون ..

التفتت ، جزداني وين ، يااا جزداني وين ..

حجت عفتي بالمطعم موو كرت عيينج ياه ميضيع مطعم نعرفه عود ندز بشار يجيبه ..

لمن وصلت اني جسمي يرجف ، نزلو اني ضليت بالسياره جرتني ديما جر تكلي دنزلي يمعوده شكد فاهيه قابل اول مره ولاخر مره تعودي على عركات بالاماكن العامه …

نزلت امشي واتعثر ياطلعه السوده هاي ، صعدتنه كلمن لغرفتها هيه مشت اخذت ابنها من وسن و دخلت لغرفتها اني مشيت دخلت للحمام احس راسي طبل ..

دخلت اسبح كبل بجيت ، يارب دخيلك رده سالم ، والله هذا عدي نذل المنافق والا بيبر خطيه ماله بالمشاكل ..

نص ساعه جوه الدوش ، تعبت وطلعت لفيت برنص انشف بشعري ، سمعت صوت بره بالغرفه ..

طلعت بهدوء بيبر ؟؟!

ها حبيبي ..

جريت نفس كانو كنت مختنكه ، تقربت عليه ، ارجف ..  وينك .مديت ايدي ، لزمني تقدمت عليه ، ليش هيج خوفتني عليك ..

-ماكو شي يخوف ، تردين اسكت عنه ، هو يهيني كبال الكل ..

-حشاك ماعاش الي يهينك ، بس جنه طالعين سوه ليش وجع الراس مديت ايدي احظن اديه ..

غمضت من حسيت بظهر ايده رطب ومدبك ..

سحب ايده بسرعه :- اغسل واجيج ..

-جلبت بي ، جريته عليه ، مديت ايدي اتلمس ظهر ايده ، عقدت حواجبي بزعل ..

-ضربت احد بيدك مو ..

-لا …

-ضربت ثروت حبيبي ؟؟!

-سكت ..

-جريت نفس ، ماذي ايدك كسر لايده النذل …

-ضحك تخافين عليه ..

-شلون لعد شعندي غيرك ..

-خله كصته على كصتي حجه ماشفتي وجه شلون سويته خريطه الوطن العربي ..

-سالته ، ضربته بيدك ، 

-اي .. 

ابتعدت و هفيته بضربه ليش جذب من اكلك ضربت احد تكول لاا ..

-ضحك..  تبوكين الساني ولج .. 

لزمته من سترته عتيته عليه ، باوع بيبر ، سوالف جهال ومراهقين،  وعرك هذا ماتسوي من اني اطلع وياك ، اصلا ممقبول تسوي هيج باي مكان عيب ..

ضحك : حاظر ست بس لاتعصبين ..

-بيبر احجي صدك والله ماقبل كلبي اجه يوكف ، وعمتك و ديما ولا همهم ، 

جرني يحظني ، مايتكرر حبيبي ، باسني من حنجي ، تقربت احظنه ، ريحه زفره دم بسترته ، 

مديت ايدي اتلمس صدره ، خايفه عليه ،  احس اكو بقع يابسه وتلزك ،  رفعت اديه احظن ركبته ابتسمت .. عدي اكل ضرب مو ..

-لا بس اجاه ماعون ترس بكصته بس طلع سلامات ،

اخفت ابتسامتي : ما تدمى يعني ؟!

-لا بيش طالبته توه راد مرته عيب منها ..

جرت نفس ريحتك كلها نركيله و ريحه زفره مال دم امشي غسل ..

-ماتسبحيني انتي رجلج تعبان ..

-لا روح دبر نفسك كعدت على جربايه ، مجتفه اديه ، حجه يالقااسيه …

دخل هو و اسمع صوت ماي نزل ، دنجت راسي ، افرك بي اذاني ، اسمع صوت عواد بره عالي ..

و خالته ترد عليه بس مافتهمت شنو القصه ؛ وابو زياد يهدي بي ، عبالي ويه ديما متعارك كالعاده بس من جاب سيره عدي رخه وجهي ..

 صوت ركضه على درج ودكت الباب غرفه حيل ، فزيت كمت لحيلي ، صوت عواد يصيح بيبرررس وينك ..

كمت لحيلي ماحب اتواجه وياه اني ضليت على وكفتي مافتحت ، ضل يدك و يصيح وخالته ورجلها يحجون وياه يكلوله مو وكتها ..

شوي وطلع بيبر يحجي هذا عواد ..

-رديت .. اي معصب ..

اندكت الباب حيل . مشه فتحها بهدوء حجه شبيك ..

دكيت على ابو ثروت وعتذرت منه يس صعب حيل مو راضي ، دك عليه و اعتذر مابينه حيل مشاكل بيبرس تجفه شر خوويه اصحاب رزقنه هذول ت..  قاطعه بيبر محد صاحب فضل ورزق عليه غير بس الله ..

-بيبرس لاتنكر محد سوانه غير ابو ثروت ، والحجي واذا زعلو نخسر شغلنه كلها ؛ هذا عدي يضحك عليك لاتمشي وراه يااخوي جاي يوديك لتهلكه ..

-هذا مو راي عدي هذا رأي اني ، ثروت تجاوز حيل ، واني سكتت بس لهنا و حده كاافي عباله سكوتنه ضعف لو خوف هو مايدري ساكت اني لخاطر ابو ولكمه جانت الي بينه ..

-بيبرس خويه اخذ نصيحتي هالمره وعوف عدي ، و امشي اعتذر من ابو ثرت والحجي والم سالفه وهاك اني خابره عليه بس حاجي انته كلمتين  ..

حجه بيبر امشي عواد تعبان اريد انام امشي ..

عواد حجاه بعصبيه بيبرررس لاسوي هيج يااخوي لاضيع تعبنه ..

دفعه وسد الباب بوجه وذاك ضل يدك ومعصب ويصيح ، اني واكفه افرك باديه حجيت بيبر نتر بوجهي كاافي ..

سكتت مدمعه ، مديت ايدي تلمس الفراش واريد اروح انام ..
جريت الغطى و تمددت وغطيت راسي اريد ابجي  ..

هو ساكت ماحجه بس اسمعه يفتر بالغرفه و ينافخ ، شوي ودك جهازه ..

-رد ها عدي ..

عضيت شفتي دنعل عدي ابووو عدي ، ساقط ماوراه بس الاذيه نكس …

حجه اي اني هم هذا راي ديرو بالكم ، خلي اثنين يم المستودع حراسه ، و باب المطعم ثلاثه ..

دز بشار وستار يباتون بالشركه لان خال بالخزنه فلوس اني ، جر نفس يكله اول وتالي نفض الشراكه وياهم احنه ..

اصلا اني اريد.حجه و زين اجت من جانبهم حتى نفض شراكه بهل حجه ، اي خووش لا عواد ماراضي بس مصيره يرضى ..

سد الجهاز و جر كرسي كعد ، مسحت دموعي بهدوء ، غمضت عيوني ، شوي و اسمعه اجه بهدوء جر العطي و حظني من وره ساكت ..

همست اله :- عدي .. قاطعني عدي خط احمر لا جيبين سيرته بالسوء ابد ميرال …

غمضت ابجي بهدوء خايفه ، ماحب المشاكل ابد ، ممتعوده عليها هو عادي عنده ،

يعني السالفه صار بيها رمي و سحب اسلاح ، هو مطمن و يحجي بهدوء ، شنو هو لعب جهال مثلا لو طافره طلقه وكاتلته وين انطي وجهي اني ..

الي زاد خوفي عواد وكلامه ، ابو ثروت شريكهم هم يردون يفضون الشراكه ، معناها يعني فتح باب للمشاكل واذا المشاكل اولها سحب سلاح ومضارب نهايتها اشلون ...

غمضت عيوني خانسه ودايخه ، ماتحركت ، بس هو من شافني سكنت ضن انو نمت ..

سحب نفسه من الفراش وطلع فتح باب البلكونه ، فتحت عيوني من حسيت بي كام ..

ماكدرت الحكه خفت يحس عليه ، بس سمعت يخابر او يحاجي احد ..

شسويله يعني ليش هو اني اكدر عليه ، غفيت بمكاني ، فزيت على صوت قوي ..

ودكه الباب الحيل ، كمت لحيلي اعيط بيبررر ، مخترعه عبالك حلم ، بعدني مصاحيه ..

هو هم فزز صاح هااا عواد شكوو ..

طفر من الفراش ، فتح الباب وعاط عواد شكوو ..

عواد ركض عليه وعاط  بوجه احترك المستوودع ارتااح  حركوو مو كتلك هي كوا*  مو كتلك ضل اخذ بحجي ذاك النغ* ..

اسمع صوت ربد رجلين ويكله اركض الولد هناك بحدهم ، نزل عواد يركض ..

بيبر جر ملابسه يلبس بسرعه .. كعدت لحيلي ابجي ..بيبر صدري دياذيني شكوو ..

تقرب عليه باسني من راسي حجه انزلي يم خالتي بسرعه بسرعه ..

عافني وطلع يركض بس اسمع صوت سحبه القسام مال السلاح .. صوات ركض الرجلين ..

كعدت لحيلها ابجي مخترعه يماااماا دخيلك ياربي ..

صحت بيبررر ماكو رد ابد ، صوت شخطه سياره حيل ، عطت وينك ..

ديما دخلت يمي تصيح متوتره ، البسي وتعاي جوه انزلي يمنه بسرعه يله ..

اريد انزل من الجربايه ، وكعت على وجهي ، اريد اندل ماكو ضليت اهبد ، مخترعه نوم بعيوني نوب هبطت ، احس لزمتني رجفه من راسي لرجليه ، حتى الوكفه بعد مادبرها ..

كعدت بالارض ابجي ، ابنها يعيط ، جرت ثوب و نطته الي حجت البسي بسرعه لبسته فوك ملابسي شلون ماجان  ، جرتني وحجت يله عاد ..

نزلت اتعثر ،حجيت شكوو الله عليج شكوو ..

-ماكو شي حركو المستودع مال المواد  مالتهم ، الولد راحو يشوفو ، نزلت الدرج توجهنه للصاله ، 

ليش احترك ، ماردت ، صوت ايلاف تحجي وتكللها صوج بيبرس خله راسه براسهم ..

امها ترد انجبي واسكتي ، دكي على ابوج شوفي شصار شصخموو..

ديما جرتني وكعدنه بصاله لزكت جسمي بيها ابنها يبجي واني لازمه راسي باديه السطره بعدها ودايخه همست الها ليش احترك شحركه  ..

ردت خايفه :- مو ضاربين ثروت لعد و شاكين راسه وعدي رامي عليه مسكط رجله عبالج ابو يسكت اكيد لاا عزا بعينهم اي والله ..

ضلت ادك على خدودها وتحجي ، رديت ما يولون على عدي احنه شكوو ..

ماردت عليه ، ابنها يبجي ام زياد دكت عليهم تسال شكو ماكو خبر محد يرد .

ابو زياد ماكو ضلينه لوحدنه اجه ستار كالها دزني بيبر ، ليش ابو زياد موو هنا غير يضل احد هاا يمكم ..

لزمت راسي صدعت حجيت ودوني يم نانه اريد نانه دحجي وعاطت بيه ام زياد عيطه كاافي لج كح** شنو جاهل انتي نحير بيج لو بامير خليت اديه على وجهي ابجي مخترعه ..

ديما حظنت راسي تهمس شبيج ميرال كبري عقلج ، بيا حال احنه وانتي ادورين طلعات يم نانه حالج من حالنه اكعدي واسكتي ..

نترت بيها :- انعل ابوكم لابوو انتو شنوو شجابني عليكم متكلولي .. 

دك جهاز ديما وردت :- هاا خويه ، شنوو ياستار ياهو هذاا ،  حجت بخوف :- كلت لعواد خابرت بيبر هااا .. ياارب سترك استر يااربي ..

اندارت على ام زياد صاحت ،ادك على وجها :- تكوللها ذياب يكول اطلعو من البيت اجوكم ترى توجهو للمزرعه اطلعو منها بسرعه ..

شالت ديما ابنها بسرعه ، واني ابجي خبصتهم ، ودوني يم نانه .. 

وام زياد عتتني حيل من ياختي دنعل ابوج لابو نانه مالتج ، شكول عليك بيبرس من جبت الي هاي العاهه على كلبي ، 

ستار دخل صاح حظرن نفسجن بيبرس دك عليه نطلع منا يله بالعجل بسرعه ، ركضت ايلاف و ديما يطلعن ، ستار صاح من سمع صوت سيارات طبكت بره ، طلع يشوف شكو و يجهز السيارات ، توه و صل باب الصاله ، يبلش الرمي على الفله  ..

صاحو ولجن دنجن ، اني  اريدها من الله استلمتها عياط نااانه ياانانه حموووت بابا وينك ..

ولك بيبررر ، امير يصرخ و ديما تبجي .. 

دفعت ايد ام زياد واركض اريد اطلع من مطبخ على الملحق وانربد بالباب على وجهي واكع على ظهري ..

صوت صراخهن وعياط ستار و تكسير الجام فوكانه اني بس اصرخ باسم نانه ، اثر الضربه عيوني حسيتهم حيطفرن من مكانهم  ..

خليت جف ايدي عليهم اعيط من الالم والخوف ، الرمي مشتغل وهنه ماعرف وينهن ..

زحفت اريد اطلع من المطبخ مادري وين دخلت بس حياطين ، كمت امشي واوكع لحد مادخت ..

ضليت اتلمس بالارض ، الارضيه وضحت عندي سوده رفعت جف ايدي اريد اشوفه ..

دايخه و الجو مشوش ، عيوني توجعني لزمت راسي ابجي واون من الالم كمت لحيلي دايخه رجعت وكعت لزمت الحايط مسطوره ..

نوب صوت الطلق طرشني ، ستار يصيح بالسياره اصعدن ….

اتجهت للمطبخ وضح عندي الدرب و اكو ضوه جاي من الباب ، توجهت مثل ثوله للباب مسطوره ، 

حسيت على عته من يدي حيل ، عطت يمااا ..

-صاح وجع ولج وين موووليه مو تسمعين رمي ، دفعت ايده لان عدي .. جرني امشي وين طالعه وين ..

جرني وراه عت من ملابسي ، دفعته وخررر وديني يم نانه ..

طلعنه بالحديقه ، ضاغط على راسي يدنجتي كوه ..

اريد اتوجه للملحق ، عاط بيه مو هنااا طلعو اخذهم ابو حمد طلعهم كلهم امشي …

صوت الور مال الطلق يخوف ، احس بس اكو شغلات تطشر ، ضوه شمس قوي على عيوني عماني ..

امشي وكل شوي اعثر ، اتجه بيه للبستان ، دفعته وين ماخذني ، دفعني حيل وكعت على وجهي دنج راسه يغير المخزن الطلق ..

غيره وسحب اقسام عاط بيه ، ومحمد اطشر راسج امشي امشي   .

مد ايده جرني وكمت ، توجهنه للبستان من البستان كبل نزلني للنهر ..

كلت هذا راح يكتلني و يشمرني هنا ..

كعدت بالارض ابجي و داعت اهلي ماتحرك شتريد مني متخاف الله انته عود بيبر صديقك شنو من بشر انت..   جرني من ياختي جر والله دنعل ابو اليوم شفتج بي شهل بلوه يابيبر شهل بلوه ..

صعدي دفعني على القارب ، رجليه طين ، لزمت طين باديه رفعته بوجهي طين داشوف طين ، صعدت بالقارب وسلمتها بيدالله ، ربي هيه امانتك اذا تريدها اخذها ..

خليت راسي بحظنها اهود الالم مال راسي ، خف صوت طلق وصار بعيد حرك القارب و مشه جلبت بطرف القارب حيل كعدت بزاويه ، لميت نفسي اشهك ، واردد اشهد ان لا اله الا الله .. 

هو ساكت ، رفعت راسي من حظني بهدوء ، نزلت نظري على جسمي ، لابسه ثوب مورد اني بنفسجي والله ، شفته واضح.تلمسته ناعم ، درت وجهي على القارب ، مستغربه وخايفه ، القارب حديد لونه ابيض ، اني كاعده على الارضيه ..

اديه بيها لون حمار ، كانو دم ، رفعت عيوني بهدوء عليه دشوفه وينه هذا ..

بعد عني متره ونص ، مدنج  راسه وشعره نازل على وجهه ، بيده لازم  صفحته وبيد الثانيه لازم يده الي توجه ماطور القارب ، 

قميصه سمائي ملطخ لون احمر ، دنجت راسي بسرعه خليته على ركبي ، الالم فضيع وعيوني توجعني ، 

وكف القارب رفعت راسي ، نزل هو يطوطح كوه يمشي ، نزل من القارب قبلي و جره على طرف الجرف ..

حجه نزلي ، مديت ايدي اكوم ،..

هو مشه ربط القارب و مد ايده ، انطيني ايدج ، مديت ايدي جرني نزلت بهدوء..

حجه اكو درج كبالج اصعدي بحذر ، مشيت بهدوء اتعثر رجليه كلها طين وراسي بي صوت زنه تسطر ..

لزمت راسي باديه اثنينهم ، شوي ويغمى عليه من الالم ، حسيته بواحد يدفعني من ظهري حجه كملي دربج بسرعه ..

صعدت كوه ، وصلت لنهايه الدرج وظهربت بعيوني الشمس غمضت عيوني ، جرني من زندي بلا كلام ، كوه يمشي احس بي يسحل بروحه ، الارضيه ثيل ، لاح هيئه بيت كبالنه ..

كانو هم فله لان جبير حيل ، ومطله على دجله ، وصل لباب كلها جام ..

دك عليها بالمسدس صاح ستاار ..

دنج راسه دايخ ، رمشت بهدوء اريد اوضح رؤيه عندي ، داشوف كلشي والله بس بلا ملامح ..

بس هيئه وشكل بعيد ، صوت ستار يصيح عدي هذا انته ..

صح افتح ولك ..

فتح و حجه مفزوع ، شبيك مصااوب انا اخوك تعال ، جرني دفعني قبله دخلني ، صوت ديما و ابنها امير يبجي ..

لزمت راسي حسيت  على صوت نانه تصيح ميرال ..

بجيت كبل ، التفتت شفت مره هيئتها جبيره اجت تركض عليه من تقربت حظنتها حيل ابجي ، تالا اجت تبجي تكلي وينج ولج ..

ضل بالنه عليج ..

اني ماحجي بس ابجي ، خليت راسي بحظن نانه حجيت الحكيني نانه راسي راح اموت من الالم ..

خلت اديها على راسي تفرك و تقره عليه ايات ، غمضت عيوني حجت لاتبجين يمه يهيج عليج بزايد ..

همست بيبر وين نانه شصار وياه ..

رجال ماعليه شي يمه احمدي ربج جان رحنه بيها احنه ، بطرك النسوان والجهال ..

همست شصار نانه شكوو ، دورت عليكم وين جنتو ..

-اجه ابو حمد اخذنه بالسياره حجه داخلين حراميه ماعرف عصابه على بيت والمهندس كال فرغو الفله ، بس اعتقد حراميه يمه عرفو اهل فله الله رازقهم وماكو زلم كلك نجفت عليهم ..

غمضت عيوني ، مابيه حتى احجي ، حجت ، ليش تارسج الطين ، تعاي تالا سنديها داغسل الها تعاي ..

اخذتني ماعرف وين ، ماواعيه بين دايخه وبين داشوف الالوان واضويه ، التفتت على نانه اريد اشوف شكلها ..

ماكو عيوني نار ، دنجت تغسل الي رجليه ، تكلي وين جنتي ، مدنجه راسي و الوضع مشوش براسي وبعيوني ، كمت اغمض داهود راسي شوي ، خلصت وكامت اخذتني على تخم ، مددت وخليت راسي بحضنها اهمس راسي موتني الحكيني نانه ..

خلت اديها على كصتي تفرك بيها ، غفيت بمكاني مهبوطه ، خوفه تسوه عمري كله ،.

غفت عيون الضريره بس ماغفت عيون الفزعانه ، نانه لو تالا الي جان بالنسبه الهم ارعب يوم بحياتهم من بعد يوم الي دخلو بيه حراميه بيتهم الاول ..

ونعاد عليهم ذكره القاسيه ، لو ديما الي ابنها فوك مرضه اخترع و صابته لجه وبطل يسكت صراخ ..

ام زياد ضل بالها على ولد اختها وكل شوي تتصل ماكو رد ، 

لو ايلاف وجها اصفر وترجف ،

ستار جر عدي على صفحه ديشوف جرحه ، فتح القميص ، وبعده ، طلقه جايبه بصفحته ، حجه سليمه داخله طلقه وطالعه كبل جرح مو غميج سطحي لا تبجي تعيش يعني ..

ضحك عدي وضربه ، ساقط شلون تحرك السياره وتعوفنه وراك جوه رمي هي نذل ماكلت هذول شلون يطلعون من الفله ..

-يابه وحق الله ردت انتظركم بس السياره قبطت ومنا ام زياد تولتني فشار على تحرك ماتحرك ابن كح** بالله شكوللها هاي نوب البنيد اجته طلقه مالكيت روحي غير دايس بانزين وطافر ..

-دكوم جيبيلي كطن لو وصله مبلله ، كوم حيوان ..

رجع راسه على تخم يريح راسه ، لزم مكان ضربه ، دارت عيونه على النايمه بحظن نانه ..

ابتسم الدنيا محتركه وهيه  نايمه ، بزون مال زينه انتي شجابج بالغابات و يه البراري ، ياعمي …

دك جهازه شاله يرد وعيونه عليها ، حجه ها بيبرس .. لا طلعتهم لا للبيت الثاني اخذتهم ..

شبي ، خما حالته خطره ، تنومو مستشفى يعني ؛ خوش ..

لا لاتوصي ابات يمهم ، مابيهم شي لا ، نايمه ياخي بالها بارد لايضل بالك .. 

-سده منه اجه ستار وجه مطعون همس لعدي بشار مصاوب ..

-اي توه سديته من بيبرس يكول مابي شي جايه بصدره لاتخاف ..

رد هو يتلفت ثروت زودها ..

ثروت فرخ ستار ، مينخاف منه الخوف من ابو ، هاي كفخنه ابنه وشفت شسوه هجمها علينه بس انا اله و حق الله ماعوفه ..

-شكخفت عدي من كل عقلك مو الولد راحت رجله تسكطت ، وانتو شديتو وياه ، كللكم عواد من الاول تجفو شر ابو ثروت ، بس انته و بيبرس جبتو النار ليمنه ..

سكت عدي ودار وجهه ، هز راسه من الاول جان لازم يصير هيج بس بيبرس جان مايقبل خلص هيه نفتحت جبه علينه لو هم لو احنه ، مال يضلون مقاسمينه بالشغل هاي مانقبلها ..

-عدي برد السالفه و قنع بيبرس يهدي العب ، هاي انته تصاوبت و بشار بالمستشفى و المستودع راح ، وهاي كلها بعدنه باولها شلون بتاليها ..

-هز راسه ممقتنع ، الله كريم ، 

شوي و صفت سياره ذياب و نزل منها بزيه العسكري ونظاراته الشمسيه و مسدسه الي بخصره  ، وراه السيارات عسكريه صفت .

طلع اله عدي ، وكف وياه بره يحجي ، حاجاه روح للفله و سوي شغلك و حق تعبك يوصله ليمك ..

حجه يسال اكو جثث ، رد عليه لا مو زين نفذنه بريشاتنه ..

-ضحك ذياب ، هاي ولك شردتو مثل النسوان عارات ..

- اهفك بوز القند* ترى ، لو مانته تعرف دازيلنه اربع سيارات واحنه بس نفرين ستار واني ويانه كوم نسوان وجهال مو زين ماخلونه وناجو** .. 

-ههههههه خلي اروح الحك اطبق العداله ، و اضبط السلاح المنفلت ، لان الوضع بدوني غير امن …

نطاه ظهره ومشه ، ضل عدي واكف ، ذياب ركب بسيارته و انطلق هو و موكب السيارات الامنيه، 

مثل ماتعود يكتب تقرير محاوله سرقه او خلاف عشائري و تنلم سالفه ومحد يسال ، 

ميرال…

طول اليوم و بيبر مابين ، وسن كامت طبخت و سوت اكل للكل ، منهم الي اكل ومنهم مثلي نفسه لعبانه ..

نمت على تخم بزاويه و ضليت خانسه جابت الي نانه عصير ، لزمت الكلاص اديه ترجف و الضباب مشوشه راسي مثل عيووني ..

شربت شوي ، حجت نانه ، تالا جيبي لاختج غطا شي جسمها يرجف ..

ردت عليها تالا حجت منين ..

-دوري بالغرف لازم تلكين شي ، راحت اني همست نانه تعاي اكعدي يمي ، تقدمت تحظني يحجت دايخه :- نانه اني شفت الوان ترى…

-اي يمه الله كريم ..

-احجي صدك ترى والله .

-اي يمه مصدكتج ، وسكتت ، 

دنجت راسي ماصدكتني اعرف ، حتى لو سالت شفتي شكللها شفت ضباب وخيال بشر ورؤيه تروح وتجي ..

ويمكن مو رؤيه يمكن خيال ، وهم ، وعقلي ديصور الي ، خليت راسي بحظني حتى اني ممصدكه نفسي ، 

اجت تالا جايبه الي البطانيه ، تغطيت و ضليت خانسه بمكاني ..

لليل و بيبر مابين ، كلبي يرجف عليه ، يارب كون مابي شي ، يارب احفظه الي ، يماا رجلي وين صفه بي الدهر دخيلك ياللهي رجلي هذا ..

مدنجه واهمس بيني وبين نفسي ادعيه ، سوده عليه كعد مخترع من النوم ، زين هو ليش ماخابر وحاجاني ، وحتى ماسال عليه ، معقوله كل الصار وكلبي مالكفه عليه وعلى وضعي ..

ماخاف صار بيه شي لو خترعت ، تعشو واني مامديت ايدي كاره الاكل ، ماعرف بيش الساعه بس جانت الدنيا ليل ، وسمعت صوت سيارات طبكت وفتحت الباب ..

ام زياد شهكت تبجي :- ياايمه عبالي صابكم شي ليش ماتردون على اجهزتكم ..

عواد يرد جنه بالمستشفى بشار مصاوب وحرنه بي ..

ابو زياد يرد صبولنه لكمه ميتين جوع من الفجر على وكفه الوحده ..

ايلاف مشت لابوها تبجي واسولف اله صار وياها ، اني على كعدت ماتحركت بس اذني يمهم ..

بيبر ماله صوت ، خالته حاجته شلون بشار ..

-رد زين باجر نطلعه ضل يمه دانيال ، حجه وين ميرا سكت …

سمعت صوت طبات رجله تقربت علي ، رمشت بهدوء مد ايده على راسي ، حبيبي شلونج ..

مارديت ، كعد بصفي حظن راسي ، اسف ..

ماحجيت ، حجه ماتنعاد بعد مااخليج بهيج موقف ابد…

همست ارجف :عفتني لوحدي بهيج وضع ، ماخفت .. حجه يقاطعني جان بشار بيدي ودم مال جسمه ، واصلا اني بعيد عنكم بساعه تقريبا ، خابرت عدي طلع متوجه عليكم ..

امنت لان ستار وعدي وابو حمد يمكم و راح ينقلوكم لهنا واني حرت بشار الي دمه نشف ، ترضيها اعوف جريح بين اديه و اجيج ..

همست :- جان متنه بيبر احنه اليوم ، تعرف شنو يعني رمي فوكك وانته ماتعرف شكو شصاير ..

-ربج ستر انسي السالفه ، السواها راح يتحاسب ..

-حاسب نفسك بيبر ، انت  الي بيديتو ، مافكرت بينه وباهلك شنو العواقب شنو ممكن يكون الثمن..

-ماراح تتكرر والله ، اني صوجي تارك البيت بلا حمايه ..

-سبب مو لان البيت مابي حماايه ، سبب بشغلك شنو هالشغل الي توصل نهايه للسلاح و رمي ، و بشار بين حياه والموت ..

-كلنه انموت ميرال ..

سكتت مستغربه ، شهل حجي بيبر ، شنو هالمنطق الي عندك ، شغلك عقارات شجابكم على سلاح ، روح اشتكي عليه وخلي القانون ياخذ مجراه ، ليش تعاركه شنو تايهه السالفه ..

-اسكتي ميرال خلص سدي السالفه ..

-مااسكت لا ، داحجي وسد حلكي بهدوء حجه اااش راسي يوجعني والله ، و جسمي منهك ، السالفه ماتنحل بالقانون لان ماعدنا دليل راح نكعد ونحلها بهدوء بس انتي لايضل بالج وانسي صار ماراح اخلي يتكرر وعد….

حظن راسي حجه نعسان ، 

مارديت عليه ضايجه وكاره نفسي .

راح اكللهم يحظرونه غرفه نام ماشي ..

ماحجيت درت وجهي عنه زعلانه ، كام وراح يحجي ويه وسن ، شوي و اجه عليه مد ايده وجرني يله انام ..

سحبت ايدي روح نام منو لازمك اضل يم نانه اني جرني حيل من زندي و لزكني بي .. تعباان ميرا لا زوديها عليه و يبدر مني شي بعدين يزعلج ..

جرني وياه ، سكتت ، ..

#يتبع  ....

الصفحه على الفيس ( كتابات اسماء ديمير )

الانستا  ..   asmaa_demer