رواية قاع الشياطين الفصل الستون 60 - بقلم اسماء ديمير

..............☆البارت الرابع والخمسون ☆.............

#قاع_الشياطين(البصر والبصيره)

#بقلم_أسماء_ديمير

مسامحتني انتي ..

بجيت شبيج يكلبي انتي اني مزعلانه حتى اسامحج راضيه عليج والله بس كولي شبيج ..

-مريضه كتلج احسها حوبتج حوبه عدم رضاتج ..

-لاتكولين هيج ، من شنو تشكين ، راح اخلي بشار يجيبني الج ..

-لاتجين كتلج ردت بس اتصل واريح كلبي و هاهيه سمعت صوتج كافي ..

تالااا جريت نفس غصيت ماكدرت اكمل .. تالا رجليه ماكامت تعيني خيه فدوه لعينج غير اعرف شبيج تذبين الحجايه وترحين ليش كولي شبيج داعرف حتى اساعدج ..

كعدت تبجي و تشهك بيه مرض اسمه الهربس ..

شنوو ؟؟! شنو هذا ..

مرض جلدي ميرال ماله علاج ..

-منين اجاج هااا كلشي مابيج جنج العافيه مشيتي مناا ..

-هاي حساسيه جانت بجسمي هو هذا الهربس بس انشر بمناطق معينه و ديسببلي الم و حكه قويه ..

-خليت اديه على حلكي شلون ماله علاج ماكو شي ماله علاج  .

صوت ايلاف وراي حجت شبيج ميرال ..

ماحجيت .. حجيت ويه تالا كولي لرجلج يااخذج شنو شغله لعد منين اجاج ماتكوليلي ..

ماحجت بس ضلت مستمره بالبجي نوب شوطتني عطت بيها موو وياااج ، خلي ياخذج لدكتور هسه واذا مااخذج اني اجيج اودييج شنو ماله علاج ماكو شي ماله علاج ..

سدته بوجهي نوب خبلاتني ، ضرت جهاز بيدي ميته خوف و قهر من وراها  .

حجت ايلاف خير ميرال شكوو اختج شبيها ..

انداريت عليها خايفه ايلاف ، شنو يعني هربس هااا .

سكتت شوي و كالت ياستار منو مريض بي ..

-شنوهذا ..

-مرض جلدي والعياذو بالله ويعدي ترى ، من البوس من الاتصال الجنسي من هالشغلات منو مريض بي ..

-فكيت حلكي و سكتت ماكدرت انطق بعد ..

-حجت هااا منو مريض بي؟؟! ، ترى يسبب صخونه وينتشر وينزل ماي نوبات من التقرح مال تحسس ..

غمضت عيوني ماكدرت اوكف على رجليه حلي باد من وراها ، 

مشيت كعدت على تخم لازمه راسي ..

-همست ماله علاج صدك ..

-ماعرف بس الي سامعه عنه لااا  ..

-حجت اختج مو بيها ..

سكتت مدمعه اني ..

كمت لحيلي اصعد فوك اريد اكعد وحدي ، مابيه بعد حيل الحجي ، ديما حجت شكوو شبيه ميرال ..

ردت ايلاف اختها يمكن مريضه شو دكت عليها وميرال بعدها تخربت احوالها ..

ردت ديما هي ذيج مايجي وراها غير بس الاذيه هالكبر وبيها كل البلاا ..

ضليت اكل بروحي بالغرفه، دكيت عليها ماترد مووتني قهر نوب ..

رحت فتحت يوتيوب و غوغل و بحثت عنه.. سمعت عنه وكف شعر راسي ..

خلاني افقد من القهر بجيت و عيطت وعضيت اديه من الشوطه ..

ويني اني عنج كل ذيج الفتره ..

كعدت استمع للناطق الصوتي ..

المعروف مرض الهربس .  مرض جلدي ينتقل عن طريق المس او البوس او الاتصاله الجنسي ..

إن مرض هربس تناسلي هو عدوى تنتشر عبر الاتصال الجنسي التي تسببها فيروس الحلأ البسيط (HSV). 

إن الطريقة الأولية لانتشار الفيروس هي عبر الاتصال الجنسي. بعد العدوى الأولية، 

يظل الفيروس كامنًا في جسمك ويمكن تنشيطه عدة مرات سنويًا. قد يسبب مرض هربس التناسلي ألمًا وحكة وقرح في المنطقة التناسلية لديك.

مرض الهربس الجلدي هو عبارة عن عدوى فيروسية تسبب طفحاً جلدياً مؤلماً، يصيب منطقة ما حول الفم والأنف والجهاز التناسلي ومنطقة الأرداف.

والآن ننتقل إلى سؤال "هل مرض الهربس الجلدي معدي؟" 

فالإجابة هي نعم إنه من الأمراض المعدية، حيث أن مرض الهربس الجلدي قابل للانتقال بشكل كبير بين الأفراد طوال فترة الإصابة، ولكنه يكون أكثر عرضة للانتقال عند خروج ترشحات من التقرحات.

شمرت الجهاز بعيد عنه خليت راسي على الفراش ابجي ميته قهر والله ، شطت شوطه صخنت بسببها ..

دكيت على بيبر ابجي ..

رد عليه كبل كتله تالا مريضه اريد اروح الها ..

رد شبيج شبي صوتج .

نترت بي داكلك اختي مرريضه مرريضه شبيه يعني ..

سكت ..

بيبر مو وياك ..

كم مره كتلج لاتنترين بيه هااا ..

سكتت ابجي ..

حجه اختج باربيل طالعه تتعالج و سده بوجهي ..

تالا .. 

دخلنه لبيت اهله لازمه فستان العرس باديه هو وراي لازم طرف حتى ماعثر ..

التفتت عليه مبتسمه بخوف ..

وكف مقابلي همس راح احبج واضل احبج والعذره ليش ضايجه ..

درت وجهي بخيبه ، وحدي بهذا اليوم هم وحدي ..

لا ام لا اخت لا خاله ولا حتى نانه ..اني اختاريت لو اني هذا قدري اضل احس بالوحده طول العمر ..

صعدنه للغرفه وامه حجت وياها بالغه غريبه ..

وكفت على درج ماعرفت شنو حجت ، خالته و بنتها واكفين على صفحه هم ..حجه تمام و صعد وراي ..

حجيت شنو كالت ..

ضحك لغه المسيح ماتفيدكم انتو المسلمين ..

جرني و صعدني وياه ..

الطابق الثاني جان صاله وغرفه وحده و بصفها حمام و شباك جبير مطل على الحديقه .. 

فتح الباب ودخل دخلت وراه مرتبكه ..

مو منه بس من الوضع ، متعوده عليه ماكو شي اخاف منه بعد ..

الاخشاب جديده تركيه والغرفه صغيره ، البردات لون ابيض تور ، تحفيه بالزاويه مال زرع ..

لو الميز الي عليه تمثال مريم العذراء و بصفها الصليب ..

وجهي عرك ،  عيوني تفتر توقعت رفاهيه اكثر من هيج ، بس خاب ضني ..

كلبي زادت دقاته مجرد ماتخيلت حظل طول عمري هنا و بهل مستوى والوضع ..

همس عجبتج .. انداريت عليه مبتسمه ..

حجه اختاريت كلشي على ذوقي ، اعرفكم انتو الي فوك ذوقكم نحيس ..

ابتسمت بفشله هزيت راسي كلش حلوه خاصه الزرعه بس لو اكو بلكونه صغيره حتى الغرفه شوي تتهوى وهم تنطي مساحه اكبر للغرفه ..

انداريت عليه حجيت بس عاشت ايدك ، عجبتني ..

خله اديه بجيوبه ، حجه فلوس العرس .. باوعت بوجه .

شبيهم .. حجه يتلفت يعني مادامنه ماسوينه و ما صرفناهم  ضلن ، كلت اخذ بيهم سياره . احسن من تكاسي لو طلبه ..

رفعت حواجبي : وشهر العسل ؟!

سكت ثواني ورد  : تردين شهر عسل ؟؟!

-وليش لاا 

سكت دار وجه عني ، رديت تمام اذا محتاجها اشتري و ناجل السفر لحد ما تلم جم فلس عود هاا ..

اندار ، وضحك هز راسه .. اشر دخلي للحمام بين مااجيب الملابس ..

رفعت طرف الفستان و مشيت كباله ..

توه افتح باب الحمام انداريت وراي امه واكفه جوه درج عينها عليه ، فتحت الباب ودخلت ..

ذبيت البدله و علكتها ، انتبهت بشرتي حمره و البقع صاير لونها احمر حيل تلمستها تحك ..

غمضت عيوني بالم ، انفتحت الباب ودخل دانيال ..
دار ظهره يعلك الملابس ، دار عليه و كف جامد .

حجه شبيج نزل نظره على جسمي ..

همست متالمه ماعرف صار اسبوع او اكثر كلش زايده عندي الحساسيه ..

 تقرب عليه بسرعه جرني ديشوف وكفت جامده ، دارني حجه بس هذني مناطق طالع بيهن مو ..

رديت مدمعه اي بس مناطق داخليه و شفتي ،  توجع تحكني ، نتر ديربالج تحكيها ابد تنتشر ترى ..

عاقد حواجبه وضايج ، رفع نظره على شفتي تلمسها بلع ريك ..

حجيت اريد اسبح بماي بارد بالكت تهفت جوز من زعل هيج ، 

سكت هو ماحجه بس دار وجه و بلش ينزع بملابسه و شارد ذهنه ..

مجرد مانزع الفالينه داخليه انتبهت عنده هو هم بقعه ، بظهره ، مديت اصبعي لمستها ..

اندار عليه بسرعه ..

حجه مثل مالتي موو ، وهي خرط شنو هاي حساسيه موسميه مو ..

هز راسه ساكت ، فتح الماي ، من نزع ملابسه البقيه ، درت وجهي كلبي يدك ..

دخلت راسي جوه دوش اهود الالم و تفكير سوه ، بيت جديد انسان جديد ، حياه جديده ..

حتى ريحه البيت و شامبو و المنشفه كلشي جديد و غريب عليه ..
جريت اليفه جر اليفه هو مني و همس لاتليفن ينتشر بزايد ..

ممنوع اصلا تغسلين بصابون معطر ، ذبهم على صفحه و حظني اسسف ..

رفعت راسي على شنوو ..

على رعونيتي ترة اني اكبر ارعن ..

ضحكت حشاك .

ابتسم تك خد ضايج دنج راسه عليه وحظني و سكت ..

طلعت من الحمام هو ضل وراي ، طلع الفستان ، دخلت للغرفه كبل لبست و تمددت انام .

دخلت شافني مدده ، استغرب حجه :- نعسانه ؟!

هزيت راسي تعبانه ، رد عليه والعشا ؟

-ماجوعانه ، 

هز راسه براحتج ، و كف هو ينشف و يمشط لملم الغرفه و الملابس ودخل يمي بالفراش ، 

تقربت عليه حظنته ، حجيت مراح اضوج لا حنام ..

نامي يروحي ارتاحي ماراح انطير ، ونمت تعبانه نفسيا ..

كعدت الصبح على لمسات اصابع على خشمي ، فتحت .. دانيال بوجهي ..

حجه صباح العرسان ..

ابتسمت ، لابس تيشيرت احمر و برموده كابوي ، هو نوب اشكر ، طالع كيكه و مرشوشه فستق ..

حجه سويت ريوك بيدي تعاي شوفي ..

رفعت راسي من المخده ، خال على طبله مواعين صغار عسل و قشطه و زيتون وصمون وبيض عيون واكو ورده حمره خالها على صفحه ، باين من حديقه مالصها …

ابتسمت باوعت عليه عطر يجنن ، حجيت كله الي ..

هز راسه اي كله الج ..

وانته ..

شبيه ..

هم كلك الي ..

تخصر يباوعلي بريه اي ..

دتعال لعد داتريك بيك بالاول  .

ههههه تشاقين ..

تعااال ، مديت ايدي اله رفعت حاجبي ، ضحك جر فابيتنه نزعها و شمر نفسه فوكي عطت يماااا مردتني ..

دتتريكين زين شبيج ..

مانكر دانيال رومنسي و حنين حيل ، احلى شي بي رومنسيته رغم البساطه بس مايفوت مناسبه او كعده اذا ما يتغزل او يخليني ابتسم ..

نص ورد الحديقه ملصه لان هو الي يسوي الريوك ولازم ويه ريوك ورده ، لو على العشه جلكيته لو قطعه كاكو ..

امه انسانه في قمه الهدوء حتى اخته ، دومهم يم كرايبهم لو يم جيران مايلفون بالبيت هواي ..

احسهم مسالمين ، بيوم دك عليه بيبر وطلع هو للشغل ، اني نزلت يم امه ..

ماطلبت مني اي شغل ابد ، بيتهم صغير بس حلو ، من هذني البيوت القديمه الي كانو انبن بالتسعين او الثمانين باب الخارجيه للصاله خشب ، و الشبابيك كلهم بيهم كتيبه ام النجمات ..

الحديقه ركن صغيره وياها مرجوحه حديده قديمه ، والباب ناصيه والحايط هم ..

ماشايفه هيج ابيوت اني بس مره من فتنه احنه وبابا بالسياره من يم منطقه ، و سالته ليش بيوتهم هيج ..

حجه هذا نظام البناء مال ثمانينات بذاك الوكت جانت ارقي البيوت هاي ، بنوهن عمال المصريين ..

دنجت راسي على الارض ، الكاشي هذا صغار لونه اصفر ، ما استنكف بس مستغربه ..

غرفتي بيت اهلي تطلع بكد المطبخ والصاله سوه ، دخلت للمطبخ خاف تحتاج شي ..

همست تحتاجين شي خاله ..

اندارت عليه هزت راسها لا ياماما اذا جوعانه فتحي اابراد واكولي ، 

سكتت ، ام دانيال حلوه مثله ، تطلع بال٤٦ او اكبر ، امبين صغيره لان صاحبه شعر قصير و عيون خضر و بيضه و كصيره ، لابسه دشداشه قصيره ربع ردن سمائيه ..

وكفت اراقبها دسوي كيك عقدت حواجبي واني اشوف دتخلي بدل الماي مشروب  احمر ..

فكيت عيوني هاااا ..

همست الها بتسال ، مجذبه عيوني او فكري ، خاله هذا عصير ..

اندارت تضحك لا ماما هذا مشروب مال عنب ليش مامجربته ، باعي اذا ماتحبي اكو كيك من مال عرسكم محد اكله اخذي عود…

هزيت راسي اي ، طلعت كبل من المطبخ عزااا ، رديت عليها بسرعه مديت راسي خاله ..

فزت هااا ..

كل اكلكم تخلون عليه مشروب ..

ابتسمت لا مو كله بس الاغلب مثل الحم ينطي نكهه ليش ..

غمضت عيوني ذاك اليوم الحم الي اكلنه جنتو خالي عليه مو .

ردت اي ..

فكيت حلكي ، يماا لزمت كلبي متقززه ، درت ظهري و ركضت للغرفه لعبانه نفسي واني اكول شهل عفن ياااربي عفن والله يييع ..

دخلت للغرفه الوب اريد اتقيئ اعرف يشربون بس الاكل شنو نوب …

حتى دانيال من تزوجته ماشفته شرب والله ، دكيت عليه كبل حجيت ..

وينك .

رد شكو حبي ..

نفسي دتلعب خرب ..

شبيج ..

دانيال امك تخلي عرك فوك الاكل واني ذاك اليوم اكلت الحم ريحته عفن طلع منه خررب بطني يمااا حزوع والله .

هههههههه شبيج واذا .

عطت بي دانيال ولك راح زوع والله هااي شنوو شهل الاكل ..

خلص هاهيه اطبخي على صفحه الج ..

شدراني مو لحم خنزير هم ..

هههههه بالعراق ماكو مال خنازير ..

يما حمووت ، كرهت الاكل والله .

خلص اهدأئي مره وعدت يله ..

سديته وكابلت الحمام ، فد لعبت نفسي كرهت حتى المطبخ .

رجع هو سمعت صوته يحجي ويه امه ، وكفت على درج متانيته ، اجه شايل علاكه بيده رفع راسه عليه مبتسم حاجه امه الكم ذيج يما  اي بالعافيه ..

صعد الي ، تلكيته حظنته ضايجه .

هو يضحك .

ضربته على جتفه وجع ..

دخل للغرفه و ذب العلاكه حجه جبتلج اكل من بره لاضوجين ، بيتزا و لحم بعجين ..

هزيت راسي ، ماجوعانه ..

وياي يله لان اني جوعان كلش ..

راح بدل ورتاح واني فرشتهم حتى ناكل ..

استمرت الوصع هيج ، انظف بس غرفتي والحمام الفوك ، وامه كله عليها جوه ، ماتحجي فقيره خطيه ، واخته هم ..

والاكل ريوك هو يسوي و الغده يجيبه جاهز اذا هو موجود وياه ، واذا مموجود اكل جبن و صمون وابالعشه هو جيب شي من بره ..

لحد ما تألمت حيل من الحساسيه خلص كمت اموت باليل و خر من فوكي وحجه لازم نراجع عليها ..

رفعت نظري ابجي داموت وخاصه من تتقرب مني مؤلمه حيل ابتعد ونام علة ظهره ، ساكت ويجر بالنفس كوه ..

كمت رفعت نفسي غطيت روحي بالجرجف ادور ملابسي ، 

حجه وين مددي ارتاحي لا تكومين لادوخين 

لا اكوم اغسل بماي بارد دتاذه ..

لبست و طلعت للحمام كبل ، رغم ماغسلت ماهفتت ابد كعدت ابجي ميته دتحركني نووب ، طلعت اله ابجي ..

فز هو كام لحيله شبيج ..

دتأذه كلش ، متت مداتحمل  ، حظني يسكتني باجر نروح للمستشفى دنعرف شنو هاي ، اني هم بيه من اشهر ظهرت بس مو هيج مثلج ..

حجيت خاف عدوه هاي ليش اني وانته بينه ..

ماعرف والله نراجع ونشوف ..

ثاني يوم ماطلع للشغل دكو عليه رد عليهم مشغول باربيل اعوض غيابي عود ..

سده ومشينه لمستشفى النعمان التعلمي ، دخلت للاستشاريه ..

الدكتوره اول مافحصتني حجت مزوجه مو ..

هزيت راسي اي  .

صار شكد ..

سبوعين هيج .. 

هذا التحسس شكد صارله ..

فوك الشهرين جانت بقعه صغيره و انتشرت ..

حجت عندج علاقه قبل زواج مو..

رفعت نظري بوجها و سكتت ، هزت راسها زوجج هم عنده موو ..

وجهي صوفر هزيت راسي اي ..

عوجت حلكها ودنجت تشوف ، وتعاين زين ، حجت هذا مرض جلدي اسمه الهربس امي معدي و ينتقل عن طريق الجنس ..

وعلى الاغلب منتقل الج عن طريق زوجج ..

همست بس هو مابي بكدي ..

انتي لحمج ترف و مناعتج مو قويه فنتشر هيج ..

هو عنده الفايروس في حاله ضمور ، او خمول حامل لفايروس الهربس بس مايعاني منه ، راح ينتشر عنده بس بطريقه ابطئ ..

بجيت عفيه يوجع ترى موتني ماله علاج .

صيحيلي زوجج بالله .. 

كمت لبست وصحت اله ارجف هو هم وجه خارط من الخوف ، حجه شبيج شكوو …

ماعرف هيه كالت صيحي ..

دخل وراي و كعد يستفسر ..

حجت اله الي كالته الي بس زادت عليه ماله علاج خبلتنني نوب كعدت ابجي منهاره شنوو اضل هيج يمااا ماتحمل والله داموت من الالم ..

وين ماراح ترحين حيكون هذا جواب الهربس ماله علاج وخاصه الجنسي ، حظرتك ناقله الها كان لازم تفحص نفسك قبل الزواج ، لازم تااكد من انو جسمك نظيف هو هذه فائده فحوصات قبل الزواج .

انتو مافاحصين موو ..

سكتنه اثنينه ..

هزت راسها دنجت تكتب ..هذا علاج    يخفف الالم و يحد من انتشاره اما العلاج فانسو ماكو علاج ..

طلعنه من يمها منهارين اني ابجي هو خنس ..

نتر خلي تولي هاي غبيه هو هذا الحكومي دومه هيج نروح للخاص عود مو مشكله ..

يومين هنه مو اكثر اني تدمرت نفسيا انهاريت ، حتى كرهته بعد ماعرفت المرض انقل من عنده الي بس هو جسمه مو مثلي كم بقعه بس اما اني لا الالم وحكه مووت مووت صخونه نومتني بالفراش ..

سبب المرض شنوو ليش صار .. كثرت علاقات الجنسيه وعدم الفحص و عدم النظاافه اسباب كرهتني بروحي كمت ماباوع على نفسي بالمرايه ..

ردت ارجع لميرال لنانه ماريد اضل هنا بهل واقع المر ..

دكيت عليها توقعت تفشلني على زعل سببتها الها والخذلان ودمع العين الي وكع منها  . 

بس كالعاده لكيتها موجوده وياي …

ميرال ….

سافرت تالا لبنان ، شلون سافرت بلا جواز مادري ، بس عرفت مسافرين عن طريق البر مو الطيران الجو ..

خليت بالي احتمال تهريب ، كلشي اتوقع منهم ، تاكدت دتتعالج هناك ، كلامها مال وحده تعبانه ، حيل ، تحجي شوي و تسده ..

ديما كالت دزيت رساله لطارق رجل ايلاف من موبايل غزل ..

رفعت راسي تردين تبلين البنت ..

عساها بالميت صدك لان يشلفوها ونخلص منها ..

هزيت راسي تعبانه..

حجت شبيج زعلانه من وره تالا الله يشفيها يمعوده ماكو شي ماله علاج .. 

الله يسمع منج ..

بنفس اليوم الدزينه رساله لطارق اجه هو ، وحجه دزولي عليها يله لازم ترجع لبيتها كافي ..

هيه سمعت منا و بلشت تعيط منا ، والله على عياطها ، خليت بالي دتتعرض لتعذيب يمه وهيج منهاره ، 

بجت و عيطت دخل عليها ابوها يصيح وامها تنتر بيها ، وهي تبجي وصيح انموت روحي اكتل روووحي والله ابلكم مااريده ..

امها صيح رجلج وجع ادب سزز شنو ماتردي .

ردت عليها اذا تردي انتي اخذي اخذذذي مااريده اخذوو  دتحجي و ضربتها ام زياد خلتها تعيط بزايد ..
واكفه اني وديمه وجوهنه خارطه .

خفت لا تطرح وهيه بهل حاله وتصرخ ، رجلها جوه يسمع وبيبر يمه ، وهيه وابوها وامها فوك مالخ ..

صعد الهم بيبر وحجت ديماا صعد رجلج صعد يمااا اني اروح لابني جلبت بيها حيل تعااي دنسمع قابل حياكلنه ..

دخل عليهم و سكتو وذيج تشهك وتبجي ، وتردد ماروح وياهم والله لاتجبروني ..

بجت حيل مقهوره بيبر مايعاملوني زين  والله ، عبالك غرض من الاغراض محد يحجي وياي وكلها مجنبتني ، وحتى هوو ياخذه اليل ويرجع باليل ..

مداحس نفسي بشر مو سعيده اني موو سعيده داموت على بطيى والله ، الموت ارحم الي ، حتى نفس يمهم مو نفس مخنووكه ، 

حجه بيبر دشربين مخد*** موو .

سكتت هي ..

امها حجت بسرعه :-  لاا ..

-عاط بيها حيل فززها و فززنه وياها ، لعد منووووو دشرب هاااا تضحكين عليه وللج تشربيها حبوب بيددج شنو انتي من ام ..

حجت منو كلك جذااب ترى ..

-شاايفتني غشييم لج فردوس ادووسج والله بالقندره ارجعج للمرحاض طلعتج منااا البنت ليش هييج خربتيها ..

صياحه مله الطابق الثاني جمدت اني بصف الحايط متفاجئه بي ديما حظنت ايدي ولزمت بجتفي ترجف حجت غلط غلط سويناه موو ..

همست جفصنه بيها بعد بس شدراه هااا اني ماحجيت وربي..
 
يماااا ميرال شراح يخلصنه من ام زياد اذا عرفت ..

خترعنه من حجت غزل شكووو شبيهم ..

ماحجينه سكتنه على عياط بيبر وخالته تكله هي اجت من يم رجلها يمه مدمنه اني شعلي ..

-وليش ماحجيتي ليش ماكلتي دنشوف الها صرفه ..

-جنت نشغول انته ..

-ضرب بجف الايده على الباب اكثر من مره حيل بعصبيه ، تكومين تنطيها حبوب انتي و تخبليها بنت حامل مافكرتي ممكن الطفل يطلع بي شي و طارق يعرف ، ولج اجاني يصبح مرتي يمكم جاي يسوون بيها هي وابني داخل لبتي هو ابو رااهي  ..

-كتلك هو جان ينطيها قبلنه نذبها براسه اذا صار شي ياامي بس اهدء ..

-جاهل هو يضحك عليه موو ، وانته يالابوو مزهريه شامرك هنا اني ، ادري رجال انته لو نعاال ، شنوو موقعك هنا من مرتك تتصرف و تروح تجيب الحبوب من المطعم شلوون ..

 اندار يحجي ويه ايلاف لج انتي قندره هسه تلمين ملابسج وكبل ويه رجلج الا والله احطج و اكتلج خلااص يله ..

مانطقت ولا حجت هي ، اني احس على رجفت ديما و كزبر جسمي من الخوف ، فات من يمنه يهف هو وصوت حذائه الرسمي  ..

مجرد ماتعدانه اني جريت النفس مختنكه ، وديما ساحت بالارض وكعت من الخوف  ، حجت يمااا يماااا …

غزل حجت اوووي هذا اخبل من عواد طلع .. 

امها ضلت بالغرفه نتنر بهدوء وتغلط و ابوها رجع على مرته وكبت بينها بس كلها بسكوت يخافون.

اديه عركت خايفه لا تنعرف سالفه وتوكع علينه ، ويلاف تردد بجمل .. مايحبني هاملني بس يرجع تالي اليل سكران و ينام مثل الحيوان ..

اني بشر داختنك ممرتاحه  .. يماا ابوس ايدج بس اجيب انطي طفل ماريده بس فدوه ماريد ارجع محبوسه هناك اني ..

امها حجت انزل اسلم عليه واحجي وياه اني وابوج يجيبج كل سبوع يمنه كم يوم ، لا تكبرين السالفه بس اولدي وعود نحلها شكلتي ..

ماحجت بس تبجي ، 

عافوها ونزلو وهي استمرت تبجي بهدوء ..

حاولنه نحجي وياها طردتنه العجوز ....

-صاحت ووجع محد خربها غيرجن هو ياهو مشه وياجن وفلح بيوتجن مهجومه تردن تهجمن بيها تغارن ..

-رديت اني خافي ربج ام زياد بنتج الوحيده هاي خطيه ..

سدت باب غرفه ايلاف ماخلتنه ندخل وكفت بوجهي وحجت حيري باختج فلتنانه لو صدك بيج خير و فهيمه .. وانتي ديما لو بيج ذره عقل مو رقاصه تاخذرجلج .

ردت غزل تضحك هههي و شبيها الرقاصه يماا ، شو رجلها يموت على تراب رجليها ..

حجت ام زياد وهيه تعوفنه وتنزل الدرج بنات شوارع التمن بعد اكدرلهن اني ماكدرلهن ..

شهكت ياااا عمه بعينج ،  نزلنه وراها نسمع اثلاثتنه اني وغزل و ديما ..

وكفت بصاله داخليه قريب الصاله الخارجيه نصنت ،  و غزل مرتاجه على جتفي تعلج وديما نترت بربو* بطلي لوك جنج بعير يعلس حشيش شكد مزعجه ..

ردت ذيج :- اجي الزك العوولج ب** اذا ماسكتي عني ..

ضربت بجفوف اديه ضايجه .. ياابه والله الزكجن براشدي انتي وياها انصمن دنشوف هالمصيبه تعدي لااا .

ضحكن اثنينهن يله دضربي دنشوف .. سكتت بالي يمهم ادعي من الله تعدي على خير والله ياارب يااارحمن ياارحيم ..

يالطيف بعبدك اذا الها صالح تروح ويه رجلها سهلها عليها واذا لاا خليها هناا ياحبيبي يالله مسكينه هاابنت والله صح عرفتها صار فتره قصره وتوه يله اخذنه على بعض بس والله خطيه طلعت فطيره مثلنه ، بس امها معقدتها . .

لازمه كلبي وادعي …

عفتهن يتناكرن ماكدرت اسمع شي طولو جوه بالنص ساعه ، ماكو شي ، استغليت عدم وجود ام زياد و صعدت كلت اني بالكت اكدر احاجيها  وخفف عنها.. 

صعدت وكفت كبال باب غرفتها ، دكيت الباب بهدوءساكته ماتحجي ..

دكيت الباب ايلاف افتحي دحاجيج ،

ماكو رد منها حتى صوتها مختفي ..

اجت ديما فززتني هاا ..

لزمت صدري خرعتيني ولج عبالي ام زياد 

لا وين ذيج الوكيه ام فليس كاعده تتلوك لطارق  ..

دكينه الباب ماترد ..

ديما دفعتها ودخلت ..

ادور عليها حجت ايلاف وينج ..

حجت خاف طلعت بره ..

مادري توجهت اني للحمام بصف الباب ، حجيت ايلاف خيه وينج .

دخلت طخ شي بظهري  فزيت .. انداريت رفعت ايدي هذا شي دك جتفي عبالي تعلاكه ملابس ..

من لزمته فزيت يمااا رجلين وملابس ..

لزمت كلبي ديمااا ديماا…

حجت شكووو ..

اجت باتجاها ..

اديه ترجف رفعتهم مرعوبه ولزمت هذا شي  .. الي اكد الي اضنوني ، 

رجلين بشر والله ولابسه تك نعال بس ليش هيج عطت عيطه مدويه .  من هزيتها وتارجحت بيدي ..

يمااا لج ديماااا .. 

 دخلت ديما ثواني سكتت بعدها ، هم صرخت صرخه ، واجت تركض باتجاهي تعيط ايلاف لااا ايلاف لييش ياعيني للليش  .

#يتبع ....

التعديل ياخذ مني ساعه .. والله ساعه .. تعديل الاملائي اقصد .. دافكر استعين بمتابعاتي الحلوات يعدلن عليه ، قبل لا انشره بالصفحه شتكولن هل من متطوعات ..

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

🕊💔