رواية قاع الشياطين الفصل الثاني والخمسون 52 - بقلم اسماء ديمير

..............☆البارت السابع والاربعون ☆.............

#قاع_الشياطين(البصر والبصيره)

#بقلم_أسماء_ديمير

نزوج مدني ..

فكيت حلكي مصدوومه مدني ؟؟؟! شعرفج بزواج المدني تالا ..

همست صار فتره وياه اني ….

شلون يعني كمت وكفت على حيلي مفزوعه شنو ..

شبيج اعرفه هو عرض عليه الزواج ، اني موافقه اريده .. عطت ليييش ليييش شنو هو بكيفج شنو السالفه على مرامج شنوو وافقت شنو مدني ..

كامت لحيلها نترت شنوو قابل اضل يمج طول العمر مثلا هم اريد اتزوج  حقي واعيش ويه شخص يحبني ..

-انتي كلتيها يحبج كل شوي وكلتي يحبني ، ماكلتي انتي تحبي جاي اسووين وين واصله السالفه  بيكم ، لاي مرحله واصله بيكم ، لدرجه حظرتج تعرفين الزواج المدني ..

-نترت مالكم حجه عليه ميرال كلمن وحياتها ..

وكفت ارجف فركت وجهي مزوجه تالا وراي ولج بجيت ضربت على وجهي مزوجه وراي تالا كوولي ؟؟!

عاطت لااااا بس اذا ماوافقتي اسويها والله ، هو يريدني واني مرتاحه وياه شعليج انتي محد حاسبج من سويتي علاقه و بيبرس  ..

مالكيت روحي غير هاجمه عليها وعتيتها من شعرها حيل ، نزلتها للارض املخ بيها واضرب بحياتي ما عايطه بيها ، بحياتها ماجرحتها بكلمه بس وصلت للحافه خلص ، موتتني احس دمي يفور عبالك جمر مو دم يمشي بجسمي ، ماحسيت على نفسي غير نايمه عليها مرعدتها ..

اضرب بيها وابجي ، جن اضرب بكلبي مو بيها ، انطتني دفعه كلبتي على ظهري و كعدت بالارض ابجي هي تبجي و تردد شعليج شعليييج حقيره ..

مالكم شغل بيه فوك ما تتصرفين بورث بكيفج فوك مارجلج مستلولي على فلوسنه بالبنك ..

حقيره انتي انانيه ، بس منو رجلج مو تاجر الخدرات شتوقع يعني غير تصيرين مثله تبعين مثاليات عليه ، وانتي تعرفين رجلج شنو سااكته ، لا سوين نفسج شريفه .

فرت دنيا بيه وكعت على ظهري ماكدرت اتحرك ، 

صاحت تبجي ، على الاقل اني لكيت واحد يحبني ويريد يزوجني ويطلعني مناا راح اعيش بوسط عايله تهتم بيه ..

مددت على ظهري ماكدرت اتحرك ولا احجي ، بس نفسي يصعد ، حجت حيري بنفسج وعوفيني اني احير بحياتي ..

مو وليه عليه انتي و بيت ابويا تنسي على الاقل هذا حقي بالورث راح اسكن اني ودانيال بي اما الي بالبنك حلال عليج انتي ورجلج ماريده ..

ماحسيت بعد على صوتها اختفه جسمي ثلج بس راسي احسه جمر ، شي حار نزل على خدي ، غمضت ارجف ، 

حسيت على جره و عياط ، جو ثلج و جسمي خفيف  ، بس مع هذا مشلوله اريد احرك شي ماكدر ، 

عيوني فتحتها اريد اوعى ماكوو عياط مكرر و بجي يم راسي ..

غمضت عيوني ارتاح من فوضى ، ماعرف شكد غب الوكت و شكد مر ..

بس حسيت بيد تتلمس زندي وتفرك بي ، ونيت باسم امي ..

همس صوت اني هناا ميرال ..

برطمت ابجي ، بيبر ..

هنا يروحي هناا شبيج يابدر و نور عيوني شبيج يوميه وجعانه ..

انته سبب انته سبب وجعي ، 

خله ايده على شعرها يمسد عليه ، شبيج ..

ماحجت دارت وجها تبجي بهدوء ، دموعها تنزل على خدها ، دخلت الممرضه تشوف المغذي حجت يخلص و تكدرون تطلعون ..

سكت مارد عليها دنج على ميرال ، خلص المغذي و طلعو للبيت ، ايام تمشي بس بطئ ، يوميه وجعانه بلا سبب دكات الكلب ضعيفه ..

ويه علاجات حروق تعبت النفسيه ، تالا اختفت حابسه نفسها بالغرفه ..

ضنو تعبانه على اختها بس هيه كان بالها شي ثاني و تخطيط ، ..

خله اديه بجيب بنطرونه القماش وكف يباوع عليها ، دار وجه باتجاه الشباك ، كلبي يعرف شنو بيها بس مايريد يواجهه ..

يشوف عدم المواجهه ارحم ، لا هي راح تتحمل وادوس على مبادئها و تتعايش وياي  و لا اني راح اقبل تبتعد عني ، 

ماصدكت لكيت العلاج الي اتعافه بي من اصابات الحياه …

خايف حيل ، خايف تبتعد و اخسرها ، تقرب منها هيه دايره وجها و ساكنه بلا حركه ولا صوت ، 

كعد مقابيلي ساكت ، مد اصابعه يبعد خصله عن شعرها دارت وجها عنه تتجنب لمساته ..

همس بيوم الي جنتي بالملحق ، كانو شي كلي ارجع ، وداعت اختي شي بداخلي كلي ارجع ..

من رجعت عرفت الملحق محترك وانته بداخله ، مافكرت بموت او اذيه او الم ، او ممكن تكونين ميته ، دخلت بنص النار و لهبت بيه نار مامهتم كل الي بالي الي احبها داخل النار ..

شنو حست ، اكيد تألمت ، اكيد خايفه ، بشنو دتفكر ، كلهن اجن بالي ماردت تتالمين او تخافين لوحدج حتى لو كان مصيرنه الموت ، شفت بيج حوراء الماتت محتركه ، مااريد تكرر الموضوع ابد ..

كلت اموت وياها على الاقل ، ماراح اوكف مثل ذيج المره اتفرج خايف ،  رفع اصابعه يمسح دموعها ، دار وجه مايريد يبجي ، كمل كلامه اي اني مو انسان صالح ميرال اعترف ..

بس وداعت اختي ماذيت مره ولا طفل و لا رجال جبير ، اني صرت  هيج لان الناس دفعتني لهل درب ..

اذا مااكل اني انوكل ، اذا ما ادوس على بعض الناس و اصعد ينداس عليه ..

صعب تفهمين لان ماجربتي نوم الشوارع ولا الكتل والتعذيب و لا موت اختج كبال عينج ماتكدرين تاخذين حقها ، ولا السجن ظلم ..

ماعندي استعداد انظلم بعد ، مستعد اكون ظالم اي بس مظلوم لا ابد كافي ضاع مني ٢٥ سنه ظلم بين الشارع و بين تلسجن وبين الهروب من الشرطه ..

اني هسه بيبرس ، ماانداس ابد .. افتهمتي ..

دارت عليه همست بصوتها غصه بجي ..

راح تندم لان عشت ظالم مو مظلوم ، عيشه الظالم اسوء بهواي من المظلوم يامسكين ، ضل على حالك لان اني خلصت تعبت ، مابيه حيل بعد ، راح اخذ اختي و امشي لاربيل ولاتفكر ابد تمنعني بيبر وربي احرك روحي واحرك كلبك …

سكت دنج راسه على جف ايدي ، ايده الي احتركت من الجتف لحد جف ايده ، همس تدرين ايدي اليسره احتركت كلها و الاثر بيها قوي ، هذا راح يضل معلم طول العمر  مد ايده على رجلي يرفع للثوب .

دفعت ايده لمت رجليه لصدري مد ايده بسرعه رفع الثوب و لزم رجلي جرها عليه ، مثل الاثر الي برجلج بالضبط ..

اني مثلهم ميرال ماانمحي ، اترك اثر قوي ، تقرب من وجهي و همس ، تعرفين ام زياد تعرفين عواد مو ، تعرفين الكل هنا و عندج نظره صادقه و ثاقبه عنهم ، شفتي مساؤهم قبل حسناتهم اكيد ..

اني اسوئهم  ، تخيلي شكد سيئ لدرجه كدرت اسيطر عليهم كلهم برغم اني اصغرهم بالعمر ، 

غمضت عيوني ، من ماعرفتك شنو مو غبيه بس عماني الحب ، الحب عمى عقلي ..

رد لااا اني وياج جنت غير ، وياج جنت انسان نظيف ، لا فرات الحاقد والي مايخاف من ظلمه اليل و الحدود  ، و لاالمهندس بيبرس صاحب العقارات و المشاريع .. 

لا تخليني اضطر استعمل جزء من طغياني عليج حتى اجبرج تعيشين وياي ، 

لزم جف ايدها يتلمس اصابعها ، باس اصبعها الصغير ليش ماخاله مرهم حروك ميرال ، شوفي ترك اثر بيدج ..

لو مايعيبج شي انتي ، كلشي يزيدج جمال بس لخاطرج حتى لا تتاذين بعدين ..

ججج جججج هاي شنو توجعج  ، بعدها كعد يتلمس بالحروك و ناسي الي كاله او هاي طريقته انو يضيع الكلام القاسي بكلمات تلطف الجو ..

سكتت ماتحركت ، تقرب من وجها باسها و همس لا  تصفنين ميرال ، ضحك بهدوء من تصفنين تخوفين معناها عندج شي ، و اني مو حمل عقلج الصراحه ..

دارت وجها عنه ساكته .. 

تركها و طلع ، قبل لا يسد الباب و كف يباوعلها بوجه خالي من الملامح ، عرف بوقتها ماراح ترجع  ميرال الي عرفها بالاول ، بس مو مهم ..

المهم هيه موجوده وياه بنفس البيت و كبال عينه و مسجله باسمه ، مصيرها ترخض لو ماعتقد ، سد الباب توجه لغرفه تالا فتح الباب بدون اذن فززها جانت دتلبس بجامتها .

فزت عاطت يمااا ..

نتر برود وجع ، وكف بنص الغرفه و هيه وكفت خايفه تعدل بروحها مخترعه .. رد حجه اسمعي لج تكولين لدانيال يفض سالفه زواجكم و اطلعي مناا بعد ماريدج هنا ..

 همست بخوف و ميرال ..

تنتسين عندج اخت ، الباب تطلعين منه لاترجعين اله ، لااضيعج ماخلي جنس بشر يندلج طريق ، الكلام وصلي لدانيال هم ..

ميرال مريضه مو هسه عفيه و ربي اطلع بس مو هسه خلي تكوم ..

الج اسبوع مو اكثر ،،، طلع وعافها جامده بمكانها ..

كعدت بمكاني جسمي برد ، رفعت جهاز كبل دكيت على دانيال اكول اله ..

دانيال لحك ، هذا بيبر يعرف عزاا يعرف عن علاقتنه  ..

رد يثاوب ، توه دريتي من زمان عنده خبر ..

 لطمت خدي عزاا شدراه هو الي كال الميرال هم مو  .

شمدريني المهم يعرف بس مايسوي شي ، لازم نستعجل بزواجنه لا اختج تطلب منه يفركش ااسالفه كلشي اتوقعي منها ..

هو هم كلي الج اسبوع و تطلعين منا ..

حلو لعد جهزي نفسج منا للخميس نعقد بالكنيسه ..

دانيال ميرال تكول حرام انته مسيحي ميصير ..

مو بكيفها مشتغل حظرتها شيخه و مفتيه ، دوري سعادتج تالا لاضلين تاخذين بحجيها ..

خاف تقاطعني ..

خلي تسويها اني اهلج من بعدها ، بس كوليلي مفاتيح بيت اهلج عندج لو لاا لو نطيتي الها ..

اي عندي  مانطيته لنانه بس خاف تكول لميرال ..

ملتهيه بابنها هيه بالها على ساري ، قابل ضال بالها عليجن ..

بلعت ريك ، وكفت ارجف ، شبي ..

شنو ساري  ، رجعنه تالا شنوو ..

لاا بس غير اعرف  ..

عرج ميدكه نفس ماكتلج جهزي نفسج مو من ادك عليج حتى نعقد تكولين مو جاهزه نزوج بالكنيسه وكبل لبيت اهلج افتهمتي ..

سكتت خانسه سديته منه ارجف و راسي يدك ، بيدي جهاز ، عيوني على شاشه متردده و خايفه ، رفعت و دكيت على نانه دكيت مرتين و سديته كبل ..

ماكدرت احجي لو اواجهه ، صفحه و طويتها ، طويتها باحداثها بناسها بحلوها بمرها ماردت اواجه احد ، جلبت بيد الي يحبني و خلص نسيت اهلي كلهم ..

كلمن سلك دربه شمعنى اني اضل ادور رضاتهم ، ميرال الي ازوجت بلا رأينه لو ساري ابو علاقات ويه غدير و غيرها ..

لو نانه العافتنه ، منو اله حق يحاسبني ولا واحد ، كلهم مالهم حق ، حقي اعيش وارتاح بيت و مكان خاص بيه  .

صميت اذني عن اصوات كلبي و مشيت وره دانيال ..

بلشت اجهز شغلات بسيطه كلها توصيل لان محد يقبل اطلع ..

اشتريت فستان ابيض قصير و حذاء ..

اغلب شغلات ماعرفها ، وكفت كبال المرايه اشوف الملابس عليه ، واقيسهم ..

انتبهت اكو مثل حساسيه بصدري ..

تقربت اشوفها بالمرايه .  حساسيه لونها احمر ، توقعت وحده من اثار دانيال بس لا حساسيه ،  كملت و نزلت اشوف ميرال ..

لكيتها كاعده بالحديقه و اكف كبالها بشار من شافني،سكت هو ودنج مدري شكال الها ..

هزت راسها هيه ، عافها و مشه ..

مشيت الها ..

وكفت قريب منها ، همست بخوف يمكن الخميس اطلع منا ..

دارت وجها عني ماحجت ،  حجيت سمعتي الخميس حزوج بالكنيسه ..

غضت شفتها وجها انكلب احمر كوه لازمه نفسها ماتبجي ..

ميرال راح يسعدني انتي اختي ماريد اخسرج ..

اندارت عليه لزمت صدرها تفرك بي ، حجيت كبل صحتج ميرال ماقصدي اذيج بكلامي بس كلت انطيج علم ليش تكولين تجاوزتيني ..

همست جنت ناويه اخذج و نروح للاردن ، جنت مستعده اترك كلشي واخذج و نطلع منا ، بس شسويتي انتي خربتي كل مخططاتي ، كلشي ماكدر اسوي هسه ، حتى طلعه منا انحرمت منها تدرين ..

-رجلج مو خوش ادمي  اني شعليه مو اختيارج ..

مو باله مو خوش ادمي واختياري زين ليش ماتوكفين وياي ، ليش ماتساعديني اجاوزه و نروح بعيد ، ليش ناويه تعوفيني هنا لوحدي ..

اول وتالي ازوج ، محد راح يحبني بكد دانيال ..

منو كال ..

اني اكول ..

بعدج صغيره اكو اشخاص يقدمون اكثر من الحب ، 

مثل شنو ، 

سكتت جرت نفس ماراح تفهمين ابد ، دارت وجها تجر نفس كوه همست شدراج بيبر يشتغل بالمخد*** ..

شفت رساله بجهاز دانيال من عواد يكله بيبرس جاب البضاعه لو بعد ..

رد عليه دانيال اي وصلت جابوها ..

كله بقي كم غرام حتى *** 

غمضت عيونها ضغطت حيل على ايدها ، بيبر اني تورطت وياه وانتي ناويه تتورطين ويه دانيال تالا ..

-دانيال وعدني يتركهم بس يلم فلوس يفتح مشروع لوحده ..

شتردين هسه انتي جايتني ..

انطيج خبر بس ..

دارت وجها عليه ، وين تسكنين  اهله و ين عايشين اهله منو ..

ماعنده بس امه و اخته واخو بره عايش ، 

سكتت ، عفتها و رجعت للغرفه ، انداريت عليها لازمه راسها باديها تلكتني ديما حجت شنو كتيلها هم غثيتيها ..

رديت مالج شغل انتي ..

دخلت و عفتهن ، ثاني يوم الصبح كعدت لاحظت طالعه عندي حساسيه بوجهي هم بقعه ، بصف شفتي ..

بس غريبه ماعرف شنو هاي ، تقربت اشوفها بالمرايه تاذيني حيل حتى احس نفسي مصخنه ..

دخلت سبحت ابرد نفسي ، لاحظت برجلي هم وحده بقعه ، هزيت راسي شاربه ماعرف شماكله و هيج طكعت ..

طلعت انشف بركبتي ، دك عليه دانيال ، مارديت راسي يوجعني ..

فتحت بس رسايل دازاي صوره بلا قميص وباينه عضلات بطنه و تسريحه شعره الوشم الي بصدره باحرف يابانيه ماعرف شنو معناها …

مددت بفراشي راسي يوجعني ،  لازمه جهاز اكلب برسائله يكلي مشتاقلج صار فوك العشره ايام مملتقين مامشتاقه لحظني ..

ابتسمت بعد كم يوم زواجنه مايعرف يلزم نفسه ، 

ذبيت جهاز ومددت اريح جسمي تعبان من شنو ماعرف ..

غفيت بمكاني ، 

ميرال …

احيانا حتى تكدر تتجاوز محنتك تبطل تفكر ، بطلت افكر بس مشكله ماكدر ، عقلي اخذ اجازه كم يوم ، من شفت نفسي شوي كدرت استوعب حالتي وين طامسه اني باي قاع ، رجعت افكر واصفن ..

جنت يوميه صبح اتلمس حروقي  ، الي على كولت بيبر راح تترك اثر طول العمر ، حمدت ربي هاي ولا غيرها ..

لزمت مرهم ادهن اديه و اصابعيي ، جزء من وجهي ، عظمه الفك و شوي قريب من حاجبي ..

رجليه  العامله تسويهم ماتحمل لا الالم ولا ادبرها لوحدي ..

دخلت ديما حجت دزيتي علي ..

همست تعاي كصي ..

شعرج ..

ممم ..

تقربت عليه تتلمس شعري ، حرمات والله ..

ماكو شي حرامات غير بس الي يموت ؛ كصي يطلع غيره قابل يضل هيج .. 

لحد وين ..

وين واصل الحرك وتلف ..

لحد كتف تقريبا ..

غمضت عيوني ، كصي لحد كتف ..

سمت بسم الله و بلشت تكص بي ، وربي عبالك تكص بزوليه من ثخنه تتعارك ويه المكص ، يمكن المكص اعمه ، لحد ماكالت شعرج ثخين ميرال مراح اسيطر عليه هيج ..

شو اكعدي داخصله الج ، كعدت وهيه لزمت تاخذ خصله خلصه وتكص ، جسمي كزبر من حسيت بشعر يوكع على رجلي لو على اديه ..

حيل تاذيت بلعت ريك اداري الغصه ، وره نص ساعه من كص كالت كملت يمااا موت اديه ..

نفشت شعري و حركته حجت يخبل تدرين لو لاا .

ماحجيت ضليت مدنجه خايبه ، بيدي خصله وكعت من جتفي على جفي كبل تلمستها نص ناعم و نص خشن يابس ، بالضبط مثل روحي ، نص عايش ونص ديموت .

همست شعر مايرجع مثل قبل خاصه اذا يبس لازم ينكص حتى يرجع للحياه روح البشر هم هيج ديماا لازم نكص الميت حتى نكدر نعيس موو ..

شلون مافهمت ..

سكتت ، ذبيت خلصه بالاارض جوه رجلي ، رفعت راسي ماكو شي حرامات ، كلشي ميت لازم نكصه حتى الباقي بينه يكدر يعيش ..

همست انطيني جهازي ديما دشوف نانه صار فتره غاطه عني ماسالت ..

وين خالته ..

على الميز هنا ماعرف شوفي ..

اسمع اطكطك بس ماكو حجت ماكوو .

دوري زين هنا خليته اخر مره على ميز المرايه ..

ماكو والله دشوف بالجرار دقيقه ، فتحتها تشوف ، حجت ماكوو ، حجت هاي مو عدساتج شعجب ماتلبسيها ..

رفهت حواجبي والله نسيتهم تصدكين ، دوريلي الموبايل لو اسالي العامله خاف شايفته ..

ضلت ادور واني واكفه ، لميت شعري حتى ارفعه بالقراصه ، بسرعه انلم مو مثل قبل يتعبني ..

بس طويته و خليت قراصه ، انقهرت عليه بس يله ، بقت على شعري ، حتى جسمي تلف ، 

حجت ماكوو خاف رجلج اخذه ..

سكتت .. درت وجهي ماعتقد .

ضحكت بستهزاء بعد الصار كلشي اتوقعي منه ميرال لا تضنين خير بيهم ..

عفت جهاز ، كلت من يجي احاجي ، رحت شفت تالا ، سمعت من وسن تكول دتشتري شغلات بس منين الفلوس صح انطيها مصروف ..

بس مو مبلغ جبير لدرجه توصي على هالكميه من منتجات ، خليت بالي يكوم ن ذاك نذل ، ابتعدت عني هيه ، بس اني لاا ، ماستسلم ضل عندي امل افركش سالفه …

حتى لو اضطر التجئ للقوه وياها ، مليت ورجعت لغرفتي ، غيرت ملابسي لملابس مريحه ، انتظرته يجي داكوله على نانه لو موبايلي .. 

بس طول لل١١ ماكو ،  لحد ماغفيت غصب عني ، وين حسيت على ايد انمدت جواي حظنتني ، جرني عليه يلزك جسمي بجسمه ، جان جسمه رطب كانو توه سابح ، ريحه غسول بالنعنااع طالع منه ..

جريت نفس ، ايدي اجت عبث على ايده المحتركه امبين بيها اثر ، . ماتحركت ، استمريت مغمضه ، خله راسه بشعري القصير و نام بدون مايحجي ..

ماكدرت انام ، ضليت واعيه بس مغمضه ماتحرك ، حسيت نفسه ثكل ، انداريت عليه ، حظنه جنه والله ، احبه اعترف بس طامس بالخطاء هو ..

تقرب من صدره اروي عطشي خليت راسي على صدره و حظنته استغليت ثكل نومته ، جريت نفس مرتاحه ، بداخلي صراع ، عدم رضا ، وخوف ، تأنيب ضمير وكلشي ..

غفيت بحظنه بالي هواي امور لازم اسويهاا ، حتى لو كانت ماترضى كلبي بس المهم عقلي خطط لهل شي كافي ..

كعدت صبح على لمساته لشعري ، فتحت عيوني ..

همس كعدتج اسف ..

ماحجيت ..

شعر الكصير لايكلج ..

تاخرت البارحه كانو ناسي عندك مره ..

مرتي صار فتره طاردتني من الغرفه و تقفل الباب على نفسها ..

جريت نفس ضايجه ، همس تتريكين بره البيت وياي ..

ماحجيت .. 

معناها موافقه كام لحيله بسرعه ، حجه اسبحج ..

رديت ماريد ..

رفعني شالني كوه ، ابتسم مو بكيفج يله  ..

شالني واتجه للحمام ، دفع باب حمام برجله و دخلني ، خلاني كاعده على طرف البانيو هو شغل الماي يجهزه يدفي ..

ذب ملابسي و حجه لا تبللين رجليج خليهم بعيدين عن الماي اغسلهم اني ..

ما كلت لاا ردت هيج حمام اريح بي جسمي ذيج فتره اغسل لوحدي لو تالا و هم ماخذ راحتي ماكدر ..

رجعت راسي ليوره مغمضه ، هو وغف اليلفه و كعد يدعك على كيف يحجي خما تتاذين .

مارد عليه ..

ابتسم شنو نمتي ..

فتحت عيوني ، ممنوعاتك وين تصرفوها ..

حجه يضيع السؤال مثل عادته :- المرهم الجديد ، الي يخفي الاثار ، خلص لو بعده ، حتى اوصي عليه هذا لازم حجز لان مموجود هنا ،  يجيبو من الكويت فاذا خلص كولي داوصي عليه بين مايوصل  .. استمر يليف الي بهدوء ، و صل عظمه صدري .. 

همست :- ماخليت بالك شغلاتك الي تبعيها ممكن تهجم بيت ، ممكن يتعاطاها طفل ، لو زوج مايدري بنفسه و يكتل عايلته بسبب الادمان ، او اب يتعاطاها و يعتدي على بناته ..جان مستمر من حجيت وكفت ايده عن تليف و هدء ،

رد :- اني هم ماجابر احد  ، بيعها يتم باماكن معينه مو بشارع ، يتم توزيعها لو ملهي لو بار لو كوفي ، و الي يجي لهيج اماكن ماينتظر اني انطي الممنوعات حتى يرتكب جريمه لو ذنب ، هيج اماكن مايدخلها ابن اصل ولا بنت اصل ، هو من اساسه طامس للهامه بذنوبه و جرايمه  ..

-هم تبقه الخطيه بركبتك ، هم دخلك حرام .. داحجي بعدني ، رفع ايده لحد ركبتي يليف حيل ، دفعته اااي اذيتني زاح ايدي حيل و ضغط بجف ايده على ركبتي خنكني .. 

تقرب همس بوجهي ، انا شيطان هاهيه يعجبج اكول هيج ، اني شخص كلني ذنوب ، اني دخلي كله حرام من مصادر مشبوهه خلص ، كلكم ملائكه واني شيطان هاهيه ..

سكتت ، بلعت ريك كوه مختنكه ، تقرب من شفتي يهمس ، اذا اني سيئ لهل درجه ليش بعدج تحبيني هااا ..

رفعت ايدي ابعد ايده خنكني ، دفعها خله كصته على كصتي احجي ، ليش بعدج وياي ..

ليش انته نطيتني مجال ابتعد ،  خلي تجي الفرصه لحد عندي ماراح تلكاني يمك ثق بالله ..

باسني و قاطعني ، دفعته ماندفع طمس نفسه بالبانيو وياي ، زحت وجهي عنه صحت ماي لا يخنكني شبيك راح يدخل لخشمي ..

رفع وجهي عن مستوى الماي ، خلي اديه على صدره دفعته نترت بي ، وخرر اذيتني اديه الحرك شبيك .

مو يمها اني ، بس لاضلين تتحركين ، 

وخررر ..

جلب بيه حيل ، صحت وخر بجيت شنو مااريد ..

رفع وجه عليه باسني يسكتني ، شفايفج الرطبه ناوي انشف مايهن ياحلوه .. 

بين قطرات الماي المتساقطه من باينو الحمام  ، بين عطر الغسول و بخار الملي دافي الي ترث ندى واثر على الباب الزجاجيه ..

وبين اصوات ثانيه ……

تالا .. 

ما اعرف شكد مر وقت ، فجأءه دخلت ميرال فززتني ..

كعدت ليحيلي بسرعه هابطه ، لزمت صدري ، 

حجت هيه اسم الله شبيج .

شببج دخلتي جفت ..

استفقدتج ماكو اليوم .

جريت نفس ، ماعرف تعبانه و كملت نوم .

الدنيا المغرب تعرفين لو لاا ، تقدمت هيه وعصاتها و ايدها وحده منهم مضمده واصابعها باين عليهن حرك ..

مدت ايدها مديت ايدي الزمها كعدت بصفي ، حجت شبيج ..

مصخنه شوي ..

ليش ..

ماعرف ..

كعدت بصفي حجت سمعت جاي تجهزين .

رجعت راسي على مخده همست اي ، جرت نفس حجت بعدج على قرارج يعني .

اي .. 

ابتسمت ،  تمام ، اني حساعدج على تجهيز شتكولين ..

بهت وجهي هااا كعدت على حيلي شلون هاي ..

رفعت حواجبها مبتسمه قربت جف ايدها من وجهي تلمستني ، قابل تتزوج اختي الوحيده هيج ، اذا مو زفه و عرس جبير ، لو هو يريد ياخذج هيج شلون ماجان .

لا بس بسبب ضروف زواجنه حيكون الزواج بسيط ..

لا راح يصير الج زواج رنان ، و اله وزن نسيتي انتي منوو تالا بنت الصايغ  ، عرسج مايقل عن عرسي بشي لازم ..

كامت وكفت لحيلها ، حجت هاا صدك بس هاي تجهيزات يرادلها وقت اجلي العرس حتى الحك اجهزج اني شتكولين ..

اسال دانيال ..

ماكو هيج حجي ، انتي العروس والج حق تقررين مو تكولين اني جبيره واقرر ، قرري انو يتاجل العرس لخاطري ممكن  .

كعدت لحيلي مبتسمه يعني انتي موافقه موو ..

لزمت عصاتها جرت نفس اي بس عندي شرط بسيط ..

شنوو كولي اتفذه .

لا مو منج منه هوو اذا صدك يحبج ينفذه …

#يتبع ...

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق