الفصل الرابع

رواية قد سرق قلبي الجزء الرابع 4 بقلم علي محمد قد سرق قلبيرواية قد سرق قلبي الحلقة الرابعة داخل قطار اسوان القاهره ارتفعت الاصوات وخاصة صوت كمساري القطار مما دفع يوسف في معرفة ماذا يحدث كمساري القطار: اخلصي ياست انتي وهاتي 80 جنيه يلااا ورايا شغل انا مش فاضيلك السيده: باحراج شديد مش معايا غير 30 جنيه والله يا ولدي وكمان هروح منهم الكمسري: زافرا ومركبتيش القطر العادي ليه لما انتي ممعكيش فلوس

السيده: فاتني وملحقتوش ولما سالت قالولي ان ده اخر قطر هيقوم من سوهاج فاضطريت اني اركبه احسن ما اتبهدل انا والبت دي في الشارع الكمساري: انا مليش صالح بكل ده هتدفعي ولا اجيبلك ااشرطه يوسف: شرطة انت ايه اللي بتقوله ده يا بشمهندس دي ست كبيرة وفي مقام والدتك ميصحش تتكلم معاهااا إكده الكمساري: لو سمحت يا استاذ ده شغلي ومش عاوز حد يدخل يوسف: شغل!! شغل ايه ده اللي يخليك تيجي علي ست كبيرة وغلبانه

الكمساري: محدش قالها تركب مكيف ودي تعليمات رئيس القطر يوسف: طب خلاص انت ملكش غير تذكرة والتذكرة اهي الكمساري: بعد ان نظر في تاريخ التذكرة ورقم القطار ماشي فين تذكرتك انت؟! يوسف: اقطعلي تذكرة القاهره الكمساري: سوهاج القاهرة بالغرامه 92 جنيه يوسف: خد100جنيه اهي الكمساري: بعد ان قام بطبع التذكره اتفضل تذكرتك ذهب الكمساري ليكمل عمله السيده: هو ده مكانك يا ابني تعالي اقعد يوسف: لا لا خليكي مرتاحه يا امي انا مرتاح إكده

السيده: بخجل ربنا يبارك فيك يا ابني ويحميك لشبابك يارب يوسف: انا معملتش حاجه يعني لكل ده السيده: طب انا نازله قريب تعالي اقعد مكانك يوسف: له والله ما انتي قايمه خليكي مطرحك انا مرتاح اكده علي الناحيه المقابله يجلس رجل يرتدي بدلته وبجواره شاب ملتحي وينظرا الي يوسف في اعجاااب شديد ……. بينما يحمل يوسف هاتفه ويجري اتصالا باحد اصدقائه بالقاهرة ليخبره بقدومه يوسف:كيفك يا علي علي: الحمد لله ازيك انت يا يوسف يوسف:الحمدلله

زين قوي علي:ايه الصوت اللي عندك ده انت راكب عربيه ولا ايه يوسف: له راكب القطر مسافر القاهرة والله يا علي علي: جاي الجامعه ولا مصلحه ومعاود يوسف:لا الجامعه ياعم انت ناسي اني دخلت صيدلة القاهرة ولا ايه ما انا قلتلك قبل إكده اني دخلت جامعة القاهرة علي:طب ياجوو بالتوفيق القاهرةهتنور يوسف:منوره بناسهااا وبيك ياعلي علي:طب خلاص اول ما توصل تعدي عليا حظك حلو اوي فيه.سرير فاضي الواد اللي كان ساكن معايا سافر اسكندريه

يوسف: طب زين قوي ان شاء الله هعدي عليك علي:سلام يا جووو يوسف: سلام _علي الناحيه الاخري وصل الحاج تمام كبير عائلة وهدان والذي يتسم بالغلظة والشدة والجبروت بصحبه ابنائه ياسين وفهد واخيه الحاج هارون وابنه ووريثه الوحيد ادهم منزل الحاج حمدان لخطبة ياسمين لابنه ياسين الذي يتسم بطول القامه والشدة والجبروت الذي اخذهم عن ابيه الحاج حمدان: يامرحب يامرحب اتفضل يا حاج تمام انت والحاج هارون اقعدوا يا رجاله

الحاج تمام: مرحب بيك يا حاج حمدان انت والحاج محمود سليم: نورتونا والله ياعمي تمام انت وعمي هارون وكل الرجاله الحاج تمام:منور بناسه يا سليم الحاج حمدان: الشاي يا سليم ولا استني ياسليم احنا نتعشوا الاول وبعدين نبقي نشربوا الشاي الحاج تمام: لا عشاا ايه عااد احنا مش اغراب للكلام ده الحاج محمود: واحنا فايدتنا ايه في الغريب يا حاج تمام الحاج هارون: ملوش لزوم ياحاج ده بيتنااا الحاج حمدان:ادينا بنعزمكم اها

الحاج تمام:قلتلك ما احناش اغراب لكده يا ابو جوده الحاج حمدان: خلاص هات الشاي يا سليم سليم:حاضر يا بوي!!!! علي الناحيه الاخري تجلس ياسمين بغرفتها تفكر في ايجاد حل لهذه الكارثه التي قد حطت بهاااا فتحادث نفسه قائلة:’ له انا لازم يبقي ليااا راي انا هطلع وارفضه واللي يحصل يحصل عااد هيحصل ايه يعني هيموتوني ما انا بجوازي منيه هبقي عايشه كيف الميته يعني مش هتفرق بعد لحظات تدخل والدتهااا ناديه: لسه ملبستيش لدلوك يا ياسمين

ياسمين: مش لابسه واحمدي ربنا اصلااا اني وافقت اني اطلعلهم ناديه: بزياداكي عند يابتي ويلا عشان الناس قاعدين جوة مع ابوكي وعمك ياسمين: قلتلك ملبساش ناديه: انتي حره ذنبك علي جنبك علي الناحيه الاخري الحاج تمام: احنا جاييين نطلبوا يد الاستاذه ياسمين لياسين ولدي الحاج تمام: يا اهلا وسهلا يا حاج ياسين ولدي برضووو ونتشرفوا بيه ياسين: تشكر ياعمي الشرف لينا الحاج تمام: طلباتكم ايه بقي يا حاج حمدان

الحاج حمدان: طلبات ايه ياحاج تمام احنا بنشتروا راجل وياسين عندي كيف سليم بالظبط اهم حاجة عندي هدوان السر فهد: صح ياابو جودة واهم حاجه القبول يعني تكون عروستنا موافقه سليم: الشاي يا بوي الحاج محمود: كلامك زين يا فهد. يا ولدي اهم حاجة القبول الحاج هارون: صوح كلامك يا ابو يوسف لان ده جواز وربنا يتتم بخير ان شاءالله الحاج تمام: هي فين عروستنا عاااد الحاج حمدان: ياسمين تعالي سلمي على عمك تمام وعمك هارون

دخلت ياسمين في خجل ينتابها القلق الشديد وقامت بالتسليم عليهم الحاج هارون: ياسين ولد اخوي جاي يطلب يدك ياعروستنا ايه قولك ياسمين: بعد ان حاولت تماسك نفسهااا مش موافقه ياعمي هارون انا مش بفكر في الجواز دلوك سليم: قام بصفعهااا علي وجهها واخذهاا الي الداخل الحاج تمام: ايه اللي بيحصل ده ياحاج حمدان انت مش قادر تحكم علي حريمك ولا ايه فهد: يابوي حقهااا انها توافق او ترفض الرسول عليه الصلاة والسلام قالنا إكده

الحاج حمدان: انا اديتكم كلمه خلاص والخطوبه هتتعمل في ميعادهاااا الحاج محمود: بعد اذنكم يا جماعه شويه وراجعلكم تاني الحاج تمام: اذنك معاك ياحاج يلا بينا ياهارون لما تحكم حريمك يا حاج حمدان يبقي لينا كلام تاني… سلام عليكم علي الناحيه الاخري يمسك سليم اخته ياسمين ويقوم بصفعها علي وجههها فيدخل عمه محمود لينقذ الموقف سليم: سبني ياعمي انا لازم اقتلهااا دي حطت راسنا في الطين وصغرتنا وسط الناس الحاج محمود: قلتلك سبها يا

سليم بزياداك عاااد سليم: ماشي ياعمي…… الحاج محمود: سبني معاها دلوك روح انت شوف ابوك والناس اللي معاه سليم: ماشي ياعمي _&&& _&&& _علي الناحيه الاخري اقترب القطار من الوصول الي محطة طما فهمت السيدة بالنزول فقامت بالنداء علي يوسف لتشكره السيده: تعالي يا حبيبي اقعد مكانك متشكره اووي ربنا يحميك لشبابك يوسف: متشكر علي الدعوة الزينه قوي دي وحمد الله علي سلامتك السيده: الله يسلمك

حمل يوسف اغراض تلك السيده وقام بانزالهاا والاطمئنان عليهااا نظرا لكبر سنهااا احد الركاب: ربنا يبارك فيك يا ابني بجد انت مثال جميل للشباب الجدعان يوسف: ده واجبي يا بشمهندس احد الركاب: ممكن نتكلم مع بعض شويه ولا هعطلك عن حاجه يوسف: لا لا طبعا اتفضل احد. 1 2الصفحة التالية مدونة كامومنذ 11 ساعة 0 7 دقائق